مسلسل سعاده كاذبه الجزء الاخير
مسلسل سعاده كاذبه
الحلقه 90
ماما ؛؛ بعيد السوء
وكرتني واضبطتني وبكت
خلاص صبي ابرمي علي العويل وشيلي سفرة الفطور وخلني انصلي الضحي
نا ؛؛ حاااااااضر
صبيت وشلت السفره ومشيت برمت علي الحوش وغيرت للعويل وخليتهم يلعبو وشفت ماما القيتها راقده في سريرها استغربت رقدتها توا
قربت منها
نا ؛؛ ماما ماما ماما ماما تسمعي فيا ماما
تميت انهز فيها بقوه واعيوني ملينات ادموع وانحس في حاجه قاعده اتفك في قلبي من مكانه
ماما ماما ماما ﻻﻻﻻ ماما صبي يا ماما
طلعت نجري ما جنيش جهد نركب الدروج
وتميت انعيط بصوت عالي
خاااااااالد اااااااااااامل عاااااااااااااادل يااااااخالد خاااااااالد
امل ؛؛ اطلعت تجري كنك شن في
نا ؛؛ ماما ماما وين خالد وين عادل
نعيمه ؛؛ جت تجري
كنها شن في
نا ؛؛ تي وييييييينهم وينهم وينهم
امل ؛؛ مش قاعدين
نا ؛؛ خشيت نجري ولابست عبايتي وطلعت نجري والعويل وري يجارو ويبكو تميت انخبط علي اهل محمد تميت نبكي وانخبط في الباب بقوه
محمد محمد محمد تعال يا محمد اطلع بسرعه وراي محمد اطلع
محمد ،؛ سمع صوت خبيط وصوتي طلع يجري وكان شكله راقد
شن في كنك
نا ؛ ماما يا محمد ماما تعال اجري
محمد ؛؛ وتيها انجيب مفتاح السياره بس
وخش يجري علي هدي
هدي ؛ كنك شن في
محمد ؛؛ عمتي عيشه تعبانه
هدي؛ ؛ شن
محمد ؛؛ خذ مفتاح وطلع
نا ؛؛ خشيت نجري والقيت نعيمه تبكي واتعيط
حسيت بحاجه خشت في قلبي لان نعيمه كبيره وعارفه
هيا يا امل لبسيها هيا
امل ؛؛ تمت ترعش ومعش اعرفت ما ادير
نا ؛؛ تميت انصبي في ماما بس ماقدرتش عليها اوحدي
نعيمه ؛؛ ايه خليها تو ايجوها الرجاله
نا ؛؛ تي انتي فيش تحكي ساعدني
نعيمه ؛؛ كرتني وتمت تضبط فيا وتبكي
نا ؛؛ تي حولي ماما مافيها شي
محمد ؛؛ ايه ايه هيا وينك
نا ؛؛ محمد تعال خش هنا
محمد ؛؛ خش للحوش وامنزل راسه وشاف امل ونعيمه يبكن
نا ؛؛ تعال ساعدني
نعيمه ؛؛ بحتت في محمد وهزت راسها بمعني ﻻ
محمد ؛؛ تفجاء بنظرة نعيمه وقرب من ماما وشافها
ﻻ اله الا الله
نا ؛؛ نسمع في كلام محمد وانكذب في روحي مانبيش نسمع الخبر هذا نبيش
محمد كنك شيلها هيا هيا امل رني علي خالد
محمد ؛؛ كان عارف بس ما بش يصدمني تم ايساعد فيا وايشيل فيها وركبها في السياره وبحت في نعيمه و امل
كلمن الشباب
نا ؛ ركبت مع ماما لاوره وامسندتها علي صدري نبكي وندعي
ياربي احميها ياربي احفظها ياربي
محمد ؛؛ ايبحت فيا واعيونه ايدمعن ولع القران
نا ؛؛ التفت عليه
ماما اكويسه تو اتشوف اكويسه تو اتحق تو تبرا اصلا هي مش ح اتسيبني نا عارفتها
محمد ؛؛ ان شاءالله خير
وصلنا للمستشفي ونزل محمد بسرعه وجا سرير وركبنها فيها وخشينا نجارو بها
محمد ؛؛ الو خالد وينك
خالد ؛؛ امي في المستشفي
محمد ؛؛ اها تو خششتها تعال ضروري
خالد ؛؛ جاي تو
نا ؛؛ قعدت نبكي لان انحس في حاجه قاعد تنزع في قلبي جو بقوه ومش مطمنه بكل
وبعدها بوقت طلع سراج علينا وكان وجه اصفر ما تعرفش كيف
سراج ؛؛ انصدم لما شافني اوحدي
ايه وين هلك
نا ؛؛ ماما وين يا سراج وينها ماما
سراج ؛؛ عطتك عمرها
نا ؛؛ انصدمت وبحتت فيه وقلبي وقف واعيوني شلال دموع
محمد ؛؛ ﻻ اله الا الله ان لله وان اليه راجعون
وطلع بسرعه من جنبي وبدا ايرن علي طارق وعلي خوتي
نا ؛؛ بحتت في محمد ومنصدمه لاني نبيش انصدق كذبه نبيش انصدق ماما مش ح تسيبني وعرفتني ان ماعنديش غيرها ورديت بحتت في سراج وصارلي سكته غريبه قعدت منصدمه
سراج ؛؛ عظم الله اجرك
نا ؛؛ طحت علي كرعيا جبل طاح علي اكتفي جبل وماعنديش جهد انصبي
سراج ؛؛ نزل عليا ومسكني من ايديا ورفعني
نا ؛؛ قعدت انبحت فيه ومش امصدقه منصدمه
سراج ؛؛ عرفني منصدمه
ايه ايه تسمعي فيا ايه
تمت ايهز قيا ونا منصدمه وساكته و ضربني كف
نا ؛؛ نزل وجي لوطه وبحتت في الارض والتفت وبحتت فيه واعيوني شلال دموع
وين ماما طلعها نبيها اصلا ماما مش ح اتسيبني ناعارفتها
سراج ؛؛ امك ماتت خلاص ربي رحمها خلاص اوعي لنفسك انتي
نا ؛؛ كذاااااااااااااب كذااااااااب طلع ماما تو طالعها
قربت منه وتميت اندف فيه نبي انخش علي ماما
سراج ؛؛ يمسك فيا مابش ايخششني
نا ؛؛ سراج خششني عليها عارفتها مش ح تسيبني خششني تو اتشوفني تو توعا عارفتها ماما اتحبني مستحيل تمشي واتكسر ظهري نا عارفه
سراج ؛؛ تم يمسك فيا وايقيد فيا وبحت في الممرضه
عدي كلمي دكتور مراد كان قاعد بسرعه
نا ؛؛ عيطت بصوت عالي
مامااااااااااااااااااا يا مااااامااااااااااا يا ماااااامااااااااااا ﻻ ما تعديش ﻻ يا ماما يا ماما
حول انت كذاب حول غادي نبي انخش عليها حول نا قالت
مراد ؛؛ جا يجري وشافني ونا اندف في سراج ونضرب فيه وهو يمسك فيا ونا انعيط بصوت عالي قرب مني ومسكني وكرني شوره وبعدني من سراج
شن في
سرلج ؛؛ عظم الله اجرك
نا ؛ ما نحسش بحاجه انحس بنار راكبه فيا نااااار نااااار
تميت نندب ﻻﻻﻻ ماما ماديرهش ماما نا عارفتها ما اديرهش خششني عليها يا مراد باهي خششني عليها وراس مراد خششني عليها تو اتشوفني وتوعي نا عارفتها نا اكبيدتها نا قرعتها هي هكي ديمه اتقولي اتقولي مستحيل انخليك اوحدك نا عارفتها حششني عليها بس
مراد ؛؛ ايبحت فيا واعيونه ادموع ومنصدم هو بروحه وساكت
خش خالد يجري
نا ؛؛ مشيتله نجري
ماما يا خالد ماما عدت وسيبتنا عدت وسيبتنا
خالد ؛؛ شن فيش تحكي
سراج ؛؛ عظم الله اجرك
خالد ؛؛ قعد ايخبط في راسه وايعيط
مراد ؛؛ يمسك في خالد وايهدي فيه
نا ؛؛ طحت علي الارض وانعيط ونبكي
حي عليا يا خالد نا من عندي غيرها من عندي حي عليا هي اللي ظهري كسرته ليا كسر حي عليا نا
واتخش رجاء ومعها طارق تبكي وشافتني علي الارض ونبكي وانعيط وخالد ايخبط في راسه
رجاء ؛ ﻻﻻﻻ ما تقوليهش ما تقوليهش
ﻻﻻﻻﻻﻻﻻﻻ يا ماما ﻻﻻﻻﻻ
وتمن اتخبط في وجها طول طحت داخت
طارق ؛؛ مسكها بسرعه ماخلهش اطيح علي الارض رفعها بين ايديه
مراد ؛؛ ليش اتجيب فيها هنا
طارق ؛؛ مراد شوفها راهي حامل
مراد ؛؛ نعم به تعال بسرعه
ومشو برجاء جوا
سراج ؛؛ قعد منصدم لما شاف رجاء وهي تبكي واتعيط وطاحت داخت قدمه وماشلهش شالها راجلها واخري حامل خنقته العبره
وقعمز علي الكرسي وقعد منصدم
محمد ؛؛ خش وهو عيونها ملينات ادموع مسك خالد
هذه الدنيا يا خالد خلاص هيا
خالد ،؛ امي يا محمد امي
محمد ؛؛ كلنا نهايتنا هكي هيا ايه نمشو غادي
نا ؛؛ ﻻﻻ نبيش نبي نقعد جنبها هنا
محمد ؛؛ ﻻ ﻻ هيا يا ايه للحوش قعدتك هنا مافيهش فايده
خشو علي وعادل وخالي منصدمين ولما شافوني تمو يبكو
نا ؛؛ نضبط في علي ونبكي
عدت ياعلي عدت
علي ؛ الله يرحمها ويسامحها
خالد ؛؛ روحي خلاص
جاني ورفعني وركبني للسياره وروحنا وطول الطريق يبكي
خالد ؛؛ امتي صار
نا ؛؛ حاطه راسي علي الزجاج ونبكي وبصوت مخنوق من العبره ومتقطع
فالصبح فطرتها وهدرزنا وصلت الضحي والصبح كله وهي اتوصي فيا وامس لمتنا كلنا لمتنا
بحتت في خالد واليقته يسوق ويبكي
كانت حاسه يا خالد كانت حاسه امس لمتنا كلنا ومابتش ترقد قعدت معنا لعند ساعه 12 ونحن انهدرزو حتي لما روحنا البنات طولت وهي معي مارقدتش ووعيت الصبح والقيتها واعيه دايره حمامها ولمت شعرها وصلت وخشت لسريرها انصدمت لما القيتها في سريرها استغربت خشتها في السرير من قبل تقعد امقعمزه اتلعب فيهم بدال ما كملت الحوسه
خالد ؛؛ ايخبط في يده علي الدومان بقوه ويبكي
نا ؛؛ لمن خلتني نا لمن والله نار راكبه فيا نار ناااار ويش اللي ايطفيها
وصلت للحوش والقيته امعبي وكلهم ملتمين علي خالتي سالمه و اميره
اميره ؛ اول ما شفتني صبت تجري واضبطتني
ياناعليا يا مينتي ياناعليا ياخيتي سيبتنا وعدت ياناعليا نحن المكسورات يلنعليا نحن اللي ماعندنا حظ ياناعليا يا غاليه عديتي ياناعليا ياطيبه عوزتينا ياناعليا ياحنونه جافيتنا ياناعليا نااااااااااا
ياناعليا يا نشاده نا ياناعليا اللي خلتني بلا ام ياناعليا اللي عدتي وسيبتنا عدت ياويه عدت
نا ؛؛ نضبط فيها وانبخط علي ظهرها
عدت وسيبتي عدت وكسرت ظهري عدت وخلتني عدت واقطعت الوي ركبت فيا النار وعدت ياناعليا ودعتني ومانندري ودعتني ووصتني ياناعليا اتودعا فينا ومانندرو اتلم فينا ومانندرو حي علينا نا حي ياظهري اللي انكسر حي علي سندي حي عليا نكسرت انكسرت
نجاح ؛؛ خشت تجري وتمت اتعيط وتندب واتخبط والصبايا يمسكنا فيها
ياناعليا انا اللي امرايفه عليها ياناعليا مافرحت بجيتي يناعليا مازالت مامليت عيني منها حي عليا نا اللي نااللي امرايفه ومشتاقه نا اللي منكسره من زمان نا اللي فاقده حي عليا نا حي مافرحت بها ومافرحت بيا حي نا اللي مازالت امرايفه حي عليا حي عليا اللي منكسره من زمان من زمان فاقده من زمان منقهره من زمان مشتاقه حي عليا حي عليا ما ناقصني حي عليا
هدي ؛؛ جتني وفكتني من ايديا اميره وتمت تبكي
نا ؛؛ حي عليا ياهدي حي عليا خلتني
هدي ؛؛ خلاص ياويه ادعيلها ربي يرحمها مش تقعدي اتعيطي والله العياط ماادير حل
نا ؛؛ من النار اللي فيا انعيط من النار اللي شاطت في مكنوني نار
هدي ؛؛ قعمزتني علي الكرسي وجوني العويل وتمو ايضبطو فيا ويبكو ونا نبكي وكل مره اتجي وحده اتعزيني ونا حتي صوت ماقعد فيا بيش نحكي
هدي ؛؛ ويه اشربي ميه
نا ؛؛ عنديش نيه
هدي ؛؛ اشربي رايقك ناشف اشربي مش كويس هكي
……………………..
احمد ؛؛ هيا حبيبي وينك
ايمان ؛ هيا اني جايه هذه طلعتي من المحاضره
احمد ؛؛ به خلني علي الخط
ايمان ؛؛ وعليش اني جايه صكر
احمد ؛؛ ﻻﻻ نبي نقعد معاك علي الخط
ايمان ؛؛ به
احمد؛ مابش ايسكر لان خايف ايصكر حد ايرن علي ايمان ويقوللها وتقعد اتعيط في الجامعه غيرلها الموضوع
رايفت عليكي
ايمان ؛؛ ههه كنك
احمد ؛؛ شيء رايفت بس حتي سجودي امرايفه عليك
ايمان ؛؛ ههههه نجكم ليا انتو الاثنين
احمد ؛؛ اتحبيها صاح سجودي
ايمان ؛؛ اكيده مش اكبيدتي هي
احمد ؛؛ اتمنيلها كل خير صاح
ايمان ؛؛ واتعيش خير مني اخري خلاص شفت سيارتك اني جايه
احمد؛ هيا تعالي بسرعه
ايمان ؛؛ جت واركبت وخذت سجودي وحطتها علي كرعيا وباستها
احمد ؛؛ مد يده حبيبي كذا الفون
ايمام ؛؛ كنك
احمد ؛؛ اشويه بس نبي انجرب فيه حاجه
وخذ الفون واقفله
ايمان ؛؛ لاهيه في سجودي ما فطنتش ان احمد قفل الفون
عارف جيعااااانه بكل خاطري في وحبه دسمه كيف امس عصبان ماما حاجه ساخنه هكي خاطري
احمد ؛؛ حزت في نفسه وبحت فيها
مش دايره غداء انتي في الشقه
ايمان ؛؛ ﻻ مادرتش امس سهرت عند هلي وروحت تعبانه ماطلعتش لحم بس اليوم في الصبح طلعت لحم قالت امتي ماانروح اندير اقليه انت وين ماشي هذه مش طريقنا
احمد ؛؛ نبرم بيك كنك
ايمان ؛؛ انقولك جعانه تبرم بيا
احمد ؛؛ ايمان حبيبي سجودي اقرب انسانه لكي صاح لان هي قطعه منك واتمنيلها كل خير مهما ايصير في هالدنيا
ايمان ؛؛ كنه كلامك هكي
احمد ؛؛ نا عندي اتصيري حاجه وانموت ولا سجودي ولا انتي اتصيرلك حاجه ومهما ايصيرلي نبي سجودي اتعيش حياتها وتستمر لان الحياه ماتوقفش عند حد واهو انتي عشتي حياتك بلا اب كبرتي وقريتي وازوجتي ودرتي ابنيه يعني الحياه ماتوقفش عند حد معين صاح نتعبو في اباول وتوجعنا ونفقدو بس تستمر الحياه
ايمان ؛؛ اتبحت في احمد ومستغربه ومعش قهمت قصدها
كلامك غريب راه
احمد؛؛ كان انا انموت انتي شن اديري
ايمان ؛؛ بعيد السوء فيا ولافيك
احمد ؛؛ ﻻﻻ اذ ربي كتبلي انا عمري ايوقف خلاص بس انتي تستمري صاح واتكوني قويه علشان خاطر سجودي صاح
ايمان ؛؛ خنقتها العبره واسكتت
احمد ؛؛ ردي اتكوني قويه صاح وايمانك بربك قوي ومهما ايصير اتقولي ان لله وان اليه راجعون وهكي ربي كتبلنا ان حياة ناس غاليه علينا اتوقف بس نحن انكملو لان هم ايهمونا ويبونا كل خير
ايمان ؛؛ كني اماثر فيك وقعدت انت اللي اتفترش كنك شن في
احمد ؛؛ خش لشارعنا وكان شارعنا امعبي سيارات
ايمان ؛؛ انصدمت لما شافت الشارع
احمد شن في
احمد ؛؛ عمتي عطتك عمرها
ايمان؛ ؛ نعم شنو
احمد ؛؛ ان لله وان اليه راجعون
ايمان ؛؛ انزلت من السياره وحطت سجودي وخشت تجري للحوش ولقاته امعبي شافت نجاح تبكي ومتبهدله
نجاح وين ماما وينها
نجاح ؛؛ صبت وضبطتها
عدت وسيبتنا عدت خلاص
ايمان ؛؛ تمت اتعيط بصوت عالي واتخبط
ﻻﻻ يا ماما ﻻﻻﻻﻻﻻ ليش هكي ليش اتعدي ﻻﻻ يا ماما ﻻﻻﻻ مازالنا اصغار يا ماما مازالنا قزازين واتسيبنا
اميره ؛؛ جته وتمت تضبط فيها
ياناعليا ياخيتي ياناعليا عدت وخلتنا ناعليا عدت
ايمان ؛؛ ياناعليا ضيء الحوش ياناعليا راحت
تمت اتصرخ واميره ونجاح ايوقفن فيها
شافتني ولقتني منهاره نبكي في حضن خالتي فاطمه والاعيال عليا
خالتي فاطمه؛؛ الله يرحمها ويسامحها
نا ؛؛بصوت مبحوح من البكاء والعياط دوب يطلع
الله يرحمها كسرتني وعدت
خالتي ؛؛ كسرتنا كلنا نا كانت عندي اختي الكبيره والله ماعمري حسيتها صبيتي طول عمري انحق فيها اختي وانتن ابنياتي والله حتي هلي يحسدو فيا عليها
نا ؛؛ شن شكله الحوش يبي يقعد
ايمان ؛؛ اقربت مني وطحت عليا وتمت تبكي
ويه ماما كيف عدت كيف خليتها مش هي ديمه اتقول مانسيبكش مش هي اتقول نا من عندي غيركن ليش هكي اتعدي ليش
نا ؛؛ كسرتنا وعدت كسرت ظهر وخاطر وقلبي وعدت دمرتني بمشيتها دارت فجوه في قلبي كبيييييييير وشن حولها هذه ماما اقرب انسانه لنا تي في همي اتخلي فيا نضحك هذه ام شن في اغلا منها شن في بس يابال نحن اللي محرومين من الاب وهي قعدت اب وام واخ واخت قعدت حياتنا كلها ادير في المستحيل بيش اتراضينا
اميره ؛؛ جت وقعمزت جنبنا
اللي تقهر ودعتنا ودعتنا لمتنا كلنا
نا ؛؛ نا ودعتني في هالصبح شن تبي اخري اكتر من هكي اتصدقي وصتني انكون زي مانا وصتني وقالتلي ماديرش حاجه غصبن عنك تخيلي ودعتني ونا ما ودعتها
الحوش معتبي مافيش حد غاب حتي عيت عمي كلهم قاعدين نور معش عرفت اخبارها وخذتها هدي ومهتمه بها والاعيالي مستغربين الحوش امعبي وابكاء قاعدين معي وماسكين فيا ساعااااااات اطوال مابنش يكملن بكل النار ما بطت توطي بكل انحس فيها اتلهلب اخري في جوفي
انحس فيه كبوس ونرجا في حد ايجي وايوعني يوم وااااعر وااااعر اصعب يوم في الدنيا لما تعرف امك روحك الحضن الدافي امك الغاليه اللي الحياه بلاها شينه مظلمه الدنيا بلاها امظلمه راحت ومعش اتشوفها بكل امك اللي انت قطعه منها اللي هي سبب وجوك في الحياه راحت
نهاااااااااااااااااااااار طوييييييييييييل معش كمل معش كمل نا جهدي طاح والصوت ماعاد فيا قعدت امغير امقعمزه في الصاله ومعي الاعيال ونبكي وايمان واميره منهارت من البكاء وخالتي سالمه طايحه مريضه يوم واعر علينا كلنا واعر
ايمان ؛؛ رجاء وين
نا ؛؛ في المستشفي داخت واكيده انهارت ومرضت
اميره ؛؛ طولت الدنيا ظلمت ومعش جت نا من النار اللي فيا نبيكن جنبي ونبكو مع بعضنا بالكي انهونو علي بعضنا اشويه
نا ؛؛ مهما انديرو فجوة ماما مستحيل اتاتغطا نحن بابا اللي مات ونحن اصغار مازالن ماثر فينا يا بال ماما اللي عاشت معنا وربتنا وكبرتنا وشالت همنا وحزنا
اميره ؛؛ نا لما شفت وليد قدامي انفجعت معش عرفته كنه لان جا بدري وبعدها سمعت اعياط خالتي ودعاء طلعت نجري وقالنها ليا والله نار اركبت فيا وماعش عرفت مااندير تميت انعيط ووليد اليبس فيا في العبايه وخذا امير وطول جينا جيت ومش امصدقه لما شفت امل ونعيمه ومروه قعدات في الجنان ويبكن انهرت وتميت انعيط ربي ايسامحنا بس والله عيطت ما نندري علي روحي النار اللي خلتني انعيط النار اللي فيا
ايمان ؛؛ اشين يوم في حياتنا هذا
……………………..
رجاء؛ ؛ وعت ولقت روحها في المستشفي انصدمت وصبت بحتت في يدها اذكرت ان ماما …… تمت تبكي واتعيط وتفك في التغذيه
الممرضه ؛؛ خشت تجري
بشويه كنك
رجاء ؛؛ نبي ماما نا وينها نبي ماما
وطلعت والممرضه تمسك فيها بس معش قدرت عليها اطلعت الممرضه تجري وكلمت طارق
طارق ؛؛ خش بجري ولقها تبكي واتعيط وماشيه للمكان ماما
رجاء تعالي هنا
رجاء ؛؛ ماما وينها وين طلعوها ليا نبيها تو طلعوها ليا
طارق ؛؛ كرها واضبطها
خلاص حبيبي الله يرحمها
رجاء ؛؛ ﻻﻻ ماتقولهش ﻻﻻ ماتقولهس ماما ماتمشيش كيف تمشي وتسيبنا كيف ونحن بناتها عرفتنا ماعندنش حد غيرها
طارق ؛؛ نا حبيبك قاعد كنك انتي خلاص ياحبيبي علشاني خلاص
رجاء ؛ اطلقني نبي انخش انشوفها اطلقني
طارق ؛؛ مش هنا
رجاء ؛؛ ها وينها به
طارق ؛؛ في الثلاجه
رجاء ؛؛ شن في الثلاجه ليش هكي ليش اتسقعو فيها ليش ماما ماتحبش اتسقع ليش طلعوها طلعوها تو تو
تمت اتوخر من طارق وتضرب فيه علي صدره
شيلني للحوش تو شيلني تو خلاص ماما غادي انت تكذب نا عارفتها ماتسيبنش
طارق ؛؛ ما نشيلكش نين انتاكد من صحتك قبل يارجاء انتي حامل ماديرش في روحك هكي
رجاء ؛؛ يا عن بوه الحمل ياعن بوه اللي اخرني عليها في المصر كانت امرايفه عليا كانت امرايفه كانت ترجا فيا كله ما نكلم فيها اتقولي امتي جايه منك انت اللي اخرتني في مصر انت اللي بعدتني عليها
طارق ؛؛ قعد ايكتف فيها
سراج ؛؛ لما عرف ان رجاء اقعدت في المستشفي مابش ايروح قعد ايراقب فيها ولما جا الليل ووعت شافها وهي منهاره ومش قادر يمشي يوقفها ويضبطها كيف ما طارق ايوقف فيها وايضبط فيها وايهدي فيها وجعته انشوف في حب حياته للحد تاني
قرب منهم
سراج ؛؛ طارق روح بها وفي ابره ضروري تاخذها
طارق ؛؛ مادخلكش انت كذا حول من هنا
سراج ؛ رجاء ايجيها في انهيار ومش اول مره ضروري تاخذ ابره
طارق ؛؛ كذا حول مش وقتك تو راه مش وقتك واسمها ماتنطقش علي اللسانك راه نبدا فيك هنا
رجاء ؛؛ تمت ماسكه في جاكت طارق وتبكي
شيلني للحوش ماما هيا شيلني هي غادي نا عارفه
طارق ؛؛ باهي حبيبي بس اهدي واحلفي انك مش ح اديري شيء
مشها وشالها للسياره ركبها وطلع فونه ورن علي مراد
ايوه مراد وبنك
مراد ؛؛ في العزاء شن صار وعت رجاء
طارق ؛؛ اهاااا قالتلك الكلب هذا قال ايجيها انهاير زمان ولازم تاخذ ابره
مراد ؛؛ قصدك سراج
طارق ؛؛ اها الكلب سراج
مراد ؛؛ اها زمان نذكر رجاء مرضت وتنهار
طارق ؛؛ باهي شن انديرلها
مراد ؛؛ تعال هنا تو انجيبلها ابره كان صارت حاجه تو نعطيها لها
طارق ؛؛ انجي يعني للعزاء عادي
مراد ؛؛ اها تعال خلاص الناس خفت ساعه 12 تو
رجاء ؛؛ دقت علي زجاج الروشن
طارق ؛؛ التفت وبحت فيها
به مراد تو انجي
مراد ؛؛ تو نمشي انجيب ابره ونرجاك
طارق ؛؛ ركب في السياره وولع القران
رجاء ما تخوفنيش عليك امك ترحمي عليها وادعيلها مش تقعدي اتعيطي وتبكي راه مش اكويس هي هذا عمرها
رجاء ؛؛ قعدت ساكته وتبكي مش امصدقه مش امصدقه ان ماما خلاص عدت ومعش انشوفها
طارق ؛؛ انت هكي اتخوفي فيا عليك
رجاء ؛؛ بصوت مخنوق
ماما يا طارق كيف ماتبنيش نبكي هذه ماما ضيء دنيتي هذه ماما اللي اول انسانه انشوفها في حياتي اللي حبها زارع في قلبي من انا طفله اللي اول اسم انقوله هذه ماما اللي ربتنا وكبرتنا هذه ماما مش حاجه عاديه هذه ماما
تمت اتخبط في وجه وتعيطي بصوت عالي
طارق ؛؛ مسكها وكرها شوره واضبطها
الله يرحمها ويسامحها المهم كوني هاديه انتي حامل وح تكوني ام وح تعرفي قيمه العيل وح تعرفي ان الام ماتحبش اتشوف عيلها يبكي حتي ولو يبكي علي فراقها الام ادير المستحيل بيش ماتشوفش عيلها زعلانه دقيقة يا بال يبكي ومريضه علي خاطر امك اهدي وادعيلها بس
رجاء ؛؛ غمضه اعيونها وتذكر في جميع المواقف وجميع كلام ماما تذكر في ماما لما اتهزبنا علشان نضحكو بصوت عالي لما اتوصينا علي بعضنا لما ادير المستحيل بيش اتوفر طلباتنا وحست ان السياره وقفت فتحت اعيونها ولقت روحها قدام حوشنا ومديروه خيمه وزحمه وناس طالعه وناس خاشه افتحت الباب ونزلت ولقت علي امقعمز قدام الحوش وامنزل راسه
خشت بسرعه لقت الحوش امعبي صبايا بس مادورت حد طول خشت علي سرير ماما وتمت اتخبط فيه وتبكي بصوت عالي
ليش اتعدي ليش ليش ليش اتحقي فينا قزازين اتعدي واتسيبنا ليش نحن من عندنا ليش اتخلينا ليش
نا ؛ خشيت عليها طول وتميت نضبط فيها
رجاء ؛؛ ياناعليا ياويه ياناعليا ياقهرتنا ياناعليا اصغار علي فقد اصغار ماشفنا شيء في الدنيا مازال انقول ياهادي وانقهرنا ليش هكي ليش ماعندنش حظ مش مكتبولنا نفروحو ولا شنو ليش ديمه خاطرنا مكسور ليش لما نفرحو اشويه نلتذعو ليش شفنا حاجات من قبل جيلنا ليش هكي ليش هكي مكسورات الخاطر ليش خطرنا مكسور من يومه
نا ؛؛ نضبط فيها زين ونبكي لان كلامها واعر واللي في خطرنا هي اللي اتقول فيه
نجاح ؛؛ جت وخذت رجاء واضبطتها
نا اللي امرايفه عليها مازال ما طاب خاطري منها نين اتعدي واتسيبنا مازال ماطاب خاطري
قعدنا نبكو ورجاء منهاره وطايح وتبكي
نا ؛؛ رجاء رجاء داخت داخت
نجاح ؛؛ هيييي ارجيوه جيبلها ميه ابسرعه
امل ؛؛ مشت تجري وجابت ميه
وبخينا عليها وماصارش مابتش توعا
نا ؛؛ طلعيها طلعيها اكيده الدهشه ردت
وطلعت نجري والقيت علي
علي علي رجاء مريضه
علي ؛؛ شن
وخش بسرعه علي وخش وراه وليد للدار
نا ؛؛ وليد كلم طارق وينه
وليد ؛؛ تو انكلمه
وطلع وليد ولقي طارق امقعمز جنبه مراد
طارق يبوك جوا
طارق ؛؛ اكيده مرضت اخري
وصب وخش وخش وراه مراد
ولقو علي امطلعها للمربوعه
نا ؛؛ لحقته وحولت وشاحها
طارق ؛؛ خبط يده في الساس
نا قالت اهدي ليش هكي ادير ليش
مراد ؛؛ خلاص اهدي تو انشوفها خلاص فضو المكان
نا ؛؛ جت عيني في عين مراد
طلعت وسيبتهم وطلعو اللي في المربوعه ماعاد طارق ومراد
مراد ؛؛ طارق ناصيحه شيلها للشقه رجاء تو تمرضلك اخري رجاء ماتحملش الزعل واجد وخاصة تو حامل
طارق ؛؛ ماتبش عارفها انا
مراد ؛؛ خلاص تو خليها اتريح خششها جوا ولاه شيلها لشقتها ابره وعطيتها خلاص
طارق ؛؛ من امتي هي مريضه
مراد ؛؛ زمان مرضت وخشت حتي للمستشفي كم يوم
طارق ؛؛ نا راجها مش عارفها وسراج عارفها
مراد ؛؛ خلاص فوت
طارق ؛؛ تي كيف انفوت مراتي مريضه ومش عارفها و حبيبها القديم عارف
مراد ؛؛ خرب حتي انت على روحك باهي مانك عارفها من قبل ما تاخذها وراضي
طارق ؛؛ تو انشيلها للشقه
مراد ؛؛ طارق ماتخربش علي روحك سراج كان حتي دكتورها راه وكان متقرب بعائلتهم بحكم دكتور امهم
طارق ؛؛ غمتله وتعقد حط الوشاح علي رجاء وخذها وطلع بها بدون مايحكي مع حد
مراد ؛؛ طلع وهو غمتله ولقي ارحيمه
ارحيمه ؛؛ بابا
مراد ؛؛ تعال يا بابا
رفعه وشاله
ارحيمه ؛؛ ماما تبكي من ابح
مراد ؛؛ اتروح معي عدي قول لماما نبي دبش
ارحيمه ؛؛ به
ونزله مراد وجاني يجري
ارحيمه ؛؛ ماما بابا يبي دبشنا
نا ؛؛ شن
ارحيمه ؛؛ ابي دبشنا
نا ؛؛ ﻻ مايبي شيء قعمز هنا هيا تعال ارقد
ارحيمه ؛ يا ماما بابا بره
نا ؛؛ فيش طلعو خلاص خالو سكر الحوش
وخش خالد ودق على باب المربوعه وطلعتله
خالد ؛؛ ايه مراد يبي العويل ايباتو عنده
نا ؛؛ ﻻﻻ ما يباتوش عنده ﻻ
خالد ؛؛ عطيهم يبيهم
نا ؛؛ ﻻﻻ فيش اعيالي ما يباتوش بره ابعاد عني
خالد ؛؛ بوهم هذوم خلاص ساعه 2 تو يرجا فيهم وهم امتي عمرهم طولو لعند تو
نا ؛؛ ما الحوش زحمه وهرجه ماقدروش يرقدو ساد نور اللي روحت بها هدي
خالد ؛؛ باهي عيب بوهم هذا منها حتي هم ايتريحو
نا ؛؛ باهي انوتي دبشهم
خشيت وتيت دبش لهم وطلعتهم والقيته امصبي قدام الباب ولما شافني قرب مني وخذا مني الشنطه
نا ؛؛امنزله اعيوني وانبحت في العويل
خششهم لحمام نا خششتهم بس اكد انت عليهم
مراد ؛؛ عظم الله اجرك
نا ؛؛ اجرنا واجرك علي الله جيبهم في الصبح
مراد ؛؛ ما تخافيش تو انجيبهم قبل الدفينه
نا ؛؛ به
نزلت علي ارحيمه وبيده وحبيتهم
مراد ؛؛ هيا بسرعه
نا ؛؛ حسيت قلبي انشق في طلعتهم بصوت واطي
مراد ماتعطيشهم سوائل تو
مراد ؛؛ التفت وبحت فيا وكان اعيونه ملينات كلام
تم
نا ؛؛ خشيت للحوش المظلم اللي شمعته طفت خلاص خشيت وسمعت صوت ابكاء في المطبخ الخارجي طلعت وشفت والقيتها ايمان امقعمزه واخذه قفطان ماما وتضبط فيها و تبكي جيت قعمزت جنبها وسمعتنا اميره وجتنا
ايمان ؛؛ قعد امغير دبشها مشت
نا ؛؛ باهي انتن يومين ولا 4 ايام واتروحنا للحواشينكن نا اللي شن اندير في روحي وعمري شن اندير نا اللي قعدت اوحدي سبحان الله كانت ديمه اتقولي انتي اللي ليا في الدنيا سبحان الله اخري وحده انكون نا في عيونها سبحان الله علي النصيب ربي كتبلي نطلق بيش انكون معه اخري ايامها انكون نا وهي بس ربي كتبلي انكون معها عمرها كله تخيلي ودعتني في الصبح وعطتني ذهبها قالتلي لكي بس نا قالتلها هذين لكي انتي البسيهن انتي ولاه لما اندز بيده ولا ارحيمه يفتحو في الباب اتقولي حرام عليكي اصغار انقوللها تو اتحقيهم يقعدو رجاله ياريتها اقعدت وشافتهم شباب ياريتها قعدت ياريتها الحوش كيف ح يكون بلاها مصيري نا كيف ح يكون بلاها كسرتني كسره شينه عارفات ياريتها اقعدت معنا واقعدت مريضه والله مستعده انكمل عمري عليها ونا نخدم فيها بس اتكون معنا اتكون امقعمزه نسمعو صوتها اتلمنا اتضوي دنيتنا
اميره ؛؛ ياريتها حتي الفرح مازالت مافرحت بينا كيف زوجتنا وماتت وقلبها مشقوق عليك يا ايه مشقوق اليوم اللي قبله قعمزنا اوحدنا حكتلي عليك نين اتعبت
نا ؛؛ ديمه اتفكر فينا ديمه ونا اكتر ديمه اتقولي عقلي عندك انتي
نجاح ؛؛ خشت علينا
ﻻنك طيبه وتمشي بقلبك واجد ونحن في زمن ضروري الوحده تحكم عقلها وايكون قلبها قوي ايه قوي شخصيتك خلاص ماما مشت وخلتنا ونحن مازالنا نبوها ظلمت دنيتنا ومشت
ليله طويله مابت تكمل ولا ضيء نهار طلع ونحن في المطبخ الخارجي ونذكرو في كلام ماما ونبكو شمعتنا طفت ظهرنا كسر قلبنا صارت فيه فجوه كبييييييييره بكل مهما ايمر الوقت مستحيل تنسد الفجوه مستحيل هذه الام مش حاجه ساهله
……………………..
رجاء ؛؛ صبي شيلني شن تبي جاييني هنا شن تبي
طارق ؛؛ فيش مشي فيش
رجاء ؛؛ كيف ما فيش جنازه ماما نبي انشوفها حرام عليك
طارق ؛؛ وكان مرضتي اخري
رجاء ؛؛ به ها شن اندير مش بيدي ماما هذه
طارق ؛؛ امك كان قاعده راه مارضتش اتشوفك مريضه
رجاء ؛؛ طارق كان تبيش اتشيلني انكلم خالد ايجي ياخذني
طارق ؛؛ شن اتهددي يا رجاء
رجاء ؛؛ تي نبي نمشي الهلي كنك انت حس بيا
طارق ؛؛ تو علشان خايف عليك اديري هكي كنك انتي
رجاء ؛؛ قعمزت علي السرير وتمت تبكي
طارق ؛؛ زيدي زيدي ابكي بيش تمرضي باهي
رجاء ؛؛ ان شاءالله بيش نلحق ماما
طارق ؛؛ بحت فيها وجعتها وجا قعمز جنبها وكرها واضبطها
نقتل روحي بعدها
رجاء ؛؛ طارق نبي نمشي
طارق ؛؛ اوعدني اتكوني هاديه خلاص امس تعبتي روحك واجد راه علشاني نا بس
رجاء ؛؛ به شيلني
طارق ؛؛ باهي هيا
رجاء ؛؛ صبت بسرعه وغيرت دبشها ونزلت هي وطارق وجت للحوش ولقت مراد كيف نازال من السياره ومعه العويل
مراد ؛؛ عظم الله اجرك
رجاء ؛؛ اجرنا واجرك علي الله
مراد ؛؛ خوذي معاك العويل
رجاء ؛؛ خذت العويل وخشت للحوش ولقت صوت قران عالي وخواتي مصبيات قدام المربوعه كل مره وحده اتخش علي ماما
رجاء ؛؛ نبي انخش نا
دعاء ؛؛ ارجيوه ما تبكيش راه احمد قاعد جو وايهزب اي وحده تبكي
رجاء ؛؛ احمد هو اللي جوا
دعاء ؛؛ احمد هو اللي يقرا وتو يدعيلها ولز ايمان علشان تمت تبكي وايه معهم امبدري حتي هي بدت تقراء في القران
رجاء ؛؛ دقت الباب وخشت ولقتني ماسكه القران ونقرا وجنبي خالي عيسي و علي وعادل وخالد يبكي
احمد ؛؛ بحت فيها وشيرلها اتخش واتكون ساكته
رجاء ؛ قعمزت جنبي واقعدت تبكي
نا ؛؛ نقراء وادموعي ينزلنا علي المصحف ونمسح
رجاء ؛؛ ياعوينك بصبرك
احمد ؛؛ رجاء
ودق الباب وخش وليد ومعه مجدي
وليد ؛؛ وهو يبكي
هيا
احمد ؛؛ هيا اشويه
مراد وطارق ؛؛ دقو وخشو ولقوني امقعمزه ونقرا ونبكي
نا ؛؛ صدق الله العظيم
رجاء ؛؛ طول طاحت علي ماما وتمت تبكي
سامحيني يا ماما سامحيني كان وجعتك سامحيني يا مينتي سامحيني يافرحتي سامحيني ياطيبه ياحنونه ياغاليه سامحيني يلي قهرتني بفراقك سامحيني
احمد ؛؛ رجاء خلاص ادعي
طارق ؛؛ نزل علي رجاء ورفعها
نا ؛؛ قعدت نبكي بصوت واطي
علي ؛؛ التفت عليا واضبطني ويبكي
درتي الله اموصيه به ديمه اتقولي ايه هي اللي تقرا عليا القران ديمه اتوصلي فيا عليك
نا ؛؛في حضن علي نبكي بصوت مخنوق
الحمدالله
مراد ؛؛ ايبحت فيا واعيونه ملينات ادموع وماسك روحه بالغصب
طارق ؛؛ طلع رجاء بره وقعدت نا وحدي
احمد ؛؛ هيا خلاص
وليد ؛؛ طلع وفتح الباب
وخشو اعيال عمي واعمامي شالو معهم التبوت
نا ؛؛ طحت علي الصالون وتميت نبكي
مراد ؛؛ قرب مني ويحكي بصوت واطي
صبي خشي جوا خلاص
نا ؛؛ رفعت راسي مستغربه كلمة
مراد ؛؛ ايفنص فيا
نا؛؛ نزلت راسي وطلعت للسقيفه والقيت خالي تضبط فيه خالتي سالمه وتبكي
خالي ؛ لما شافني كرني واضبطني
ربي ايصبرك ان شاءالله
نا ؛؛ ان شاءالله
وقعدت امصبيه وشفت الرجاله وهم طالعين من مربوعتنا وشايلن التبوت
احمد ؛؛ قولو لا اله الا الله نبيش ابكاء هيا
اميره ؛؛ حي عليا جا اليوم اللي اطلعت في تبوت حي عليا نا حي
خالي ؛؛ اميره نبوش ابكاء خلاص قولي لا اله الا الله
اميره ؛؛ طلعت يا خالي طلعت وسيبتنا طلعت خلاص خالي ؛ عمرها خلاص
مروه ؛؛ كرت اميره وتمت اتسكت فيها
طلع خالي بسرعه وسكر الباب مايبنش نلحقو ماما
طارق ؛؛ والله ماوضع الناس ماشيه في الجنازه ونا قاعد هنا في الدار انسكت فيك خلاص مش وعدتني انتي
رجاء ؛ ماما طلعت وماعاد اتخش خلاص طلعت يبو ايحطوها تحت التراب خلاص
طارق ؛؛ عمرها يا حبيبي عمرها خلاص
رجاء ؛؛ نبي نطلع علي خواتي
طارق ؛؛ به عدي
رجاء ؛؛ اطلعت علينا والقتني امقعمزه وبيده وارحيمه علي كراعيا
نا ؛؛ اهاااااا بنتكم سمحه
بابا درلكم حمام
ارحيمه ؛؛ اها في ابح
نا ؛؛ فطرتو خذيتو مامه
بيده ؛؛ بابا مامني
هدي ؛؛ جت وقعمزت جنبي
نا ؛؛ تعبتك نور
هدي ؛؛ اتهبل هاديه درتلها رضاعه ارقدت ما وعت الا في الصبح
نا ؛؛ سامحيني
هدي ؛؛ وخذتها نا بجوي مش طلب منك شن العويل وين كانو
نا ؛؛ وخذهم مراد رقدهم امس عنده و ديرلهم حمام وامفطرهم
هدي ؛؛ ربي يحفظهم
نا ؛؛ ان شاءالله
مشا الوقت والايام ايام العزاء ومراد ياخذ في العويل وايبيت فيهم معه وايجوني تاني يوم دايرن حمامات واملبسهم وامفطرهم مراد من حبه للعويل نين بال واسع لهم
و نور تاخذ فيها هدي بس بعد 3 ايام ماخليتهش تاخذها تحشمت عروس مالهش اسبوع متزوجه وسافرتها ماصارش منها
كمل العزاء والناس خفت قعدنا امغير البنات وخالاتي في الحوش معي تمينا نشغلو في اروحنا نغسلو في الفرش انظمو في الحوش انردو فيه كيف ما كان بس عارفين ان مستحيل ايرد كيف الاول لان اهم وحده في الحوش ماتت واطلعت
خالاتي روحنا وخواتي بدنا يسحبنا في اروحهن اشويه اشويه كل ليله اتبت وحده معي
وجت الليله اللي خايفه منها ليلة اللي بتت فيه الحوش اوحدي اها قعدت وحدي ماما سكرت 4 شهور
والحوش فضي وقعد باااااارد وواسع وكبير ومظلم عدت اللي كنت ضاويته بحسها بصوت نفسها بكلمتها الحلوه بدعها لنا بحس صوت صلاتها عدت وسيبت سريرها مخدتها بطنيتها صليتها مصحفها سيبت نظاراتها اللي تقراء بيهن سيبت دبشها سيبت صورة بابا اللي في شنطتها
اهاااااااااااااااااا يا دنيا اهااااااااا شن درتي فيا ومافي هم ومانزلتيه عليا ليش يا دنيا ليش مالقيتني الا نا خليتني اوحدي في الدنيا في حوش كبير بلا سند ولا ظهر خليتي خاطري مكسور ونيتي مسدوده فيك اهااااااا يادنيا الحوش بعد كان ملينا ضحك ولعب وهدرزه وابكاء واعياط وعرايك بعد ماكان دافي بنفسنا مش بدافيه دافي بكلامنا بحبنا لبعضنا دافي بضحكتنا بهمساتنا بمواجعنا قعد باااارد مهما انولع فيه من دافيات بادر بارد مالش طعمه معقوله الحوش بعد كان فيه 4 رجاله و6 صبايا قعدت فيه نا بروحي بعيالي
طلعو من الحوش واحد وراء واحد في الاول بابا وبعدين علي وبعدها عادل بعدها نجاح بعدها نا بعدها ايمان بعدها اميره وخالد وبعدها ماما و طفت الشمعه
ونا رديت ماطولتش طلعتي رديت بخاطر مكسور رديت بجرح كبير رديت بحكاياتي نا ودموعي رديت وقعدت اوحدي ليش نا هكي ليش ماعنديش حظ ليش شن درت في دنيتي بيش انشوف هذا كله ليش اصغيره علي الهم والحزن اصغيره مطلقه وبعيالي في حوش اوحدي بلا ام وبلا اب بلا شهاده بلا عمل بلا هدف هدفي بسيط جدا اني انربي اعيالي احسن تربيه بس وانعيش بكرامتي
حطيت راسي علي المخده اللي مليانه ادموعي اللي نملي فيها كل ليله ﻻ عاد سكتت ولا عاد طاب خاطري في البكاء الهموم من كل جهه جياتني
وعيت تاني يوم ونا بروحي في الحوش برمت علي الحوش وعلي الاعيال ودرت غداء وغديتهم اوحدي وقعمزت نقرا في القران نين اذن العصر وخش عليا علي
علي ؛؛ خير ياايه
نا ؛؛ خيرات خش تفضل انديرلك قهوه
علي ؛؛ ياريت اديرلي قهوه
نا ؛؛ حاضر
صبيت درت قهوه وحطيتها وقعمزت جنبه وامخليه نور في المشي وبيده وارحيمه يلعبو
علي ؛؛ وحدك اليوم
نا ؛؛ اوحدي خلاص
علي ؛؛ شن اخباره مراد
نا ؛؛ علمي علمك
علي ؛؛ ماتشوفيش فيه بكل
نا ؛؛ ﻻ ماشفتش بكل من عزاء ماما
علي ؛؛ وكيف ايجيبلك في المصروف
نا ؛؛ ايدز فيهن مع طارق ولاه يعطي في رجاء افلوس بيش تشري دبش وايدزلي في مبلغ اخري
علي ؛؛ ناقصتك حاجه انتي
نا ؛؛ الحمدالله مستوره
علي ؛؛ ايه نا الحق جاي نبي نحكي معاك في موضوع هو موضوع من زمان مطروح علينا بس صار عزاء امي واخر الموضوع وهو مهم جدا ونبيكي اتفكري فيه زين
نا ؛؛ جتني صدمه وقعدت انبحت وساكته
على؛؛ ايه ……….
يتبع