مسلسل سعاده كاذبه الجزء الاخير

مسلسل سعاده كاذبه

الحلقه 88

سمعت الباب ايدق

نا ؛؛ هيا هيا بشويه
لابست وشاح وطلعت لجنان
من من
مراد ؛؛ حلي
نا ؛؛ سمعت صوته تميت نرعش وخفت لان كان واضح من الدقه والصوت متعقد

مشيت للباب ونا نرعش وفتحت الباب والقيته قدامي واعيونه ملينات غضب
مراد؛؛ اطلعي قدامي تو
نا ؛؛ نعم شن
مراد ؛؛ اطلعي نا قالت ولا تبيني انكرك من شعرك
نا ؛؛ مانبيش
ومشيت وخشيت ولاحقني مراد

مراد ؛؛ انتي الطيب مايمشيش معاك
مسك يدي وكرني شوره

نا :؛ اهااااا مراد اطلقني

مراد ؛؛ سكري فمك
وتم ايكر فيا عند باب الشارع

نا ؛؛ بحت للبستي كنك انت

مراد ؛؛ وقف والتفت وبحت في لبستي
امشي تو البسي العبايه وتطلعي راه والله يا ايه ماندري خير عندك دقيقه بس ونلقك هنا قدامي دقيقه بس ياايه

نا ؛؛ باهي ناخذ العويل
مراد ؛؛ ﻻﻻ خليهم هنا اطلعي بطولك

نا ؛؛ تميت انبحت في اعيونه ونبكي
عرفته طول مش نوي خير وعرفته ان ح يضربني خشيت للحوش واعيوني ملينات ادموع

ماما ؛؛ كنك يا ويه
نا ؛؛ مانبيش ماما تشوقني نبكي وبصوت مخنوق

ﻻ شيء طالعه مشوار وتو انجي

ماما ؛؛ مع مراد

نا ؛؛ خشيت للدار بسرعه ولبست عبايتي وارحيمه وبيده تمو يبكو علشان لبست عبايتي عرفوني طالعه

ماما ردي بالك منهم امانه يا ماما ماتخلي حد يلمسهم

ماما ؛؛ وكنك تحكي هكي شن في

نا ؛؛ تميت نبكي منهاره وبصوت متقطلع
في اعيونك هذوم مهما ايصير خليهم معاك انتي
ماما ؛؛ تي شن في كنه مراد

نا ؛؛؛طلعت لجنان بسرعه وسكرت الباب علي العويل وهم يبكو والقيته امصبي واعيونه مش نويات خير بكل وعلشان ماطلبش مني ناخذ العويل خفت اكثر لان هكي ح يضربني ونا ماعاد عندي جهد تعبت
تعبت خلااااااااااااااااااااص

مراد ؛؛ ابسرعه تحركي

نا ؛؛ امنزله راسي ونمشي ونسمع في بكاء العويل وماما اتسكت فيهم

مراد ؛؛ قرب مني ومسكني من يدي بقوه وطلعني وركبني في السياره وجا ركب جنبي

نا ؛؛ ونا نبكي
مراد نا دايره غلط

مراد ؛؛ ﻻ مش دايره لكي سنه في حوش هلك ومش دايره شيء صاااااح

وتم ايخبط في الدومان بقوه

نا ادزيلي في …. امتعك للمستشفي يا حقيره يا خاينه نا انجيك بالطيب وانقولك روحي معي وماتبيش
نا ؛؛ تميت خايفه ونرعش ونبكي
مراد ؛؛ بصوت عالي
نبيش انشوف دمعه امسحي راه خيرلك

نا ؛؛ تميت نمسح في ادموعي وخايفه لان السرعه اللي يجري بها مراد خياليه

وصلنا للحوش ونزل وجاني فتحلي الباب ونزلني بقوه

نا ؛؛ تو نمشي بشويه

مراد ؛؛ صكري فمك

وفتح الباب ودفني جو وسكر باب الشارع بالمفتاح وكرني للباب الجوني افتحه ودفني بقوه نين طحت علي الارض وسكر الباب بالمفتاح وحول جاكه والساعه ونا انبحت فيه وقاعده علي الارض وخايفه

نا ؛؛ مراد خلينا نحكو قبل

مراد ؛؛ شن نحكو هيا احكي انتي كذا بعد سنه اتقولي نحكو دزتيلي ال…. واتقولي نحكو انا ايجني فرخ كيف هذا ويحكيلي علي مراتي

مراتي اللي اتخون فيا اللي تبي اطلقني بيش تزوج الحب القديم صاح ولاه ليش انسمي فيه حب قديم هو حب الابدي صاح
احكي صاااااااااااااااااااح احكي

نا ؛؛ تي شن في احكيلي
مراد ؛؛ ضربني بكراعه علي كرعيا

نا ؛؛نبكي بصوت عالي
اهاااااا مراد احكي ما تقعدش هكي تضرب

مراد ؛؛ نزل عليا وضربني كف قووووويه نين سمعت حاجه رنت في وذني

صوتك هذا مانبيش نسمعه

نا ؛؛ حطيت يدي علي خدي واعيوني ملينات ادموع

مراد ؛؛ نتش وشاحي وحوله ليا ومسك شعري بقوه
احكي شن في بينك وبينه هال…. يا عن بوه وبو اليوم اللي زفيتك فيه

نا ؛؛ تي علي من تحكي انت
مراد ؛؛ طلق شعري بقوه وصب وبصوت عالي

نا اتنزلي فيا للمستويات هذين نا ايجني كلب كيفه ويحكي معي وايقولي طلق مراتك اللي ماتبيكش اللي مسيبتك لها سنه ليش هكي ليش اتخلي فيا انزل من مستوي ونحكي مع المثال اللي كيفه لييييييييييش ليش يا عن ……

ومشي شور التحف وتم يعزق فيهن عليا ونا انتفادا في التحف وصبيت وخشيت نجري للدار النوم وسكرتها وجا وتم ايخبط في الباب

حلي نا قالت حلي يا خاينه حلي تي نقتلك بين ايديا يا خاااينه بين ايديا نقتك ونقتله الحقير نقتله قتل

نا ؛؛ امصبيه علي الباب ونبكي بصوت عالي وانعيط

تي والله ما درت ماخنتك والله

مراد ؛؛؛بصوت عالي
ما تخلفييييييش ما تحلفيش علي الكذب يا خاينه نسمع صوتك نهارك اطلعي صوت والله ما تلومي الا روحك وافتحي افتحي راه نعتله عليك الباب

نا ؛؛ خفت منه وخرت لاوره وجيت في زاويه وتميت نبكي ونرعش جسمي كله يرعش

مراد ؛؛ عتل الباب وخش عليا
اتشوفي فيه السرير اتشوفي فيه ياعن بوه اليوم اللي رقدتك فيه جنبي يا خاينه ياعن بوه يوم اللي زفيتك فيه نا مراتي ادزلي كلب يحكي معي في مكان عملي لاني عارف مش ح انديره حاجه لكن والله نقتله لكي ونقتلك نا مراد ماعاش اللي ايوطي راسي ياحقيره ماعاش

وقرب مني وخذني من عند شعري

نا ؛؛ مسكت فيه من عند سوريته وقربت منه زين

وراس مراد اطلقني ما درتش غلط نا

مراد ؛؛ عزقتي علي الساس بقوه
انخبط ظهري في الساس

نا ؛؛؛اهاااا كتفي

مراد ؛؛ تبي ترقدي معه تبي اتعاشريه ونا ادفي فيا وتستري في روحك عليا علي شن امرايفه اهااا علي شنو ولاه انتي اتحبي حاجه الحرام وتبي اتنوعي

نا ؛؛ مرااااد لعند هنا وخلاص الا شرفي انت اكثر انسان عارف قديش نا نظيفه

مراد ؛؛ لا صاح نظيفه مزيفه انتي الحرام اديري فيه بمجرد انك اتفكري في غيري شن ولا انا غالط ولاه تبي اتغير وتبي تاخذي الحب قديم ولاه ليش حب القديم هو حب القديم والجديد كله هو تبيه هو صااااح خلاص مراد مليتي منه صاح

نا ؛؛ مش نا يا مراد اللي نرقد كل مره مع انسان نا انسان واحد خليته يلمسني وباردتي ومستحيل انخلي انسان غيره يلمسني شوف من اللي متعود ايعاشر كل مره في وحده وايجيب منها اعيال

مراد ؛؛ نزل عليا بكرعيه وهو ماسك بسنونه فمه التحتني وايبحت لوطه ومرفع حاجبه

شن انتي تقصدي بكلمتك

نا ؛؛ انت عارف نا مراه واتزوجت صح غصب عني بس ماخليتكش تلمسني الا باردتي ومش بضاعه انا اللي ايجي يقدر يشرني ونرقد وانعاشره نا غاليه واللي لمسني واحد ومستحيل انخلي غيره يلمسني مش رخيصه نا

وبدون ما نحس بروحي الا والكف جايني

مراد ؛؛ تقريبا تو فهمت كلمتك شن تبي اديري روحك شريفه وبه انقولو شريفه ليش تذكري في ماضيك وانتي مراه متزوجه لا واخري حملتي ومابيتش اتقولي انك حامل ومشيتي جبتي ومابيتيش اتقولي لا واخر تطلعي واتخشي وعايشه لحظتك

نا ؛؛ لا نا مش عيشه لحظتي كيف ماانت عايشها انت خاين انت فيش حد ايخون كيف ما انت اتخون

مراد ؛؛ مسك يدي وفصعه بقوه
تبي تسكتي وتحترميني ولا شنو

نا ؛؛ نا محترمتك بس……

مراد ؛؛ مسك فمي بيده بقوه وكره

تعرفي اتسكريه هذا انا معش نبي نسمع صوتك معش نبي

وصب وصبني معه وكرني شور دار العويل ودفني فيها بقوه وطلع وسكر باب الدار بالمفتاح

نا ؛؛ صبيت بسرعه وتميت انخبط في الباب
مراااااد افتح يا مرااااد افتح وراي اعيال انا مانبيش نقعد هنا عندي بنت تبي ترضع افتح يا مراااد افتح

مراد ؛؛ فتح الباب بقوه

نا ؛؛ وخرت لاوره ونا خايفه

مراد نبي نمشي وراي اعيال نا

مراد ؛؛ والله وراك العويل شن يعني اتفكري فيهم يعني ما حرمتيهم من بوهم و ما تبي تزوجي واتسيبهم

نا ؛ قربت منه وتميت تبي اندفه ونا نبي نطلع

مراد ؛؛ صب اصدار ومابش يتحرك

نا ؛؛ تميت نضرب فيه علي صدره ونبكي وبصوت عالي
خلاص طلقني معش نبيك خلاص تعبتني خلاص معش نبيك هيا شيلني للحوش هلي هيا شيلني

مراد ؛؛ ايبحت فيا ومسك ايديا الاثنين بقوه
نا اللي تعبت منك من يوم ما عرفتك ونا غاطس في مشاكلك مشاكلك مع خوك وبعدها مع ماضيك وبعدها مع اختك لعند امتي ونا بالوضع وتو تبي تطلقي بيش اتعيش حياتك صاح

نا ؛؛ نا اللي نبيه تو انك اتشيلي للحوش هلي واطلقني وتنهتي قصتنا هذه لعند امتي ونا نقعد متحمله ظلمك هذا

مراد ؛؛ دفني بقوه جو وطلع وسكر الباب بالمفتاح

نا ؛؛ بصوت عالي
تي مش وضع هذا والله ما وضع افتح يا مراد افتح ليش اتسكر عليا افتح

دقيت خبطت وكأنه مايسمع فيا بكل قعمزت علي الارض من تعب والضرب حسيت جسمي تعبان بكل

مراد ؛؛ وين قاعد
هيثم ؛؛ ليش مشيت حكيت معها
مراد ؛؛ تي وين قاعد يا …….. وين قاعد
هيثم ؛؛ انجيك وين ما انت قاعد عادي
مراد ؛؛ تعالي في ………
هيثم ؛؛ انجيك يا دكتور نساء
مراد ؛؛؛تو انوريك دكتور نساء شن

……………………..…………..

ماما ؛؛ خير ياهدي كيف حالك
هدي ؛؛ خير ياعمتي شن اخبارك
ماما ؛؛ هدي نا كلمتك نبيك اتساعدني
هدي ؛؛ شن في يا عمتي
ماما ؛؛ تمت تبكي
مراد جا خذا ايه من قبل الظهر وتو اذن العصر ومازال ما جابها وحتي العويل ما خذهم وكل ما انرن عليهم هم الاثنين مقفل ونا نبيش نحكي لخوتها خايفه المشكله تكبر الله ايربحك الله ايربحك شوفي حد ايشوفهم

هدي ؛؛ باهي ياعمتي اهدي بس تو انكلم حاتم ايشوفه
ماما ؛؛ الله ايربحك والله خايفه عليها لان جا وشكله متعقد
هدي ؛ اهو تو انرن علي حاتم

ايوه حاتم
حاتم ؛؛ اهلا عروس
هدي ؛؛ حاتم انت وينك
حاتم ؛؛ طالع ليش كنك
هدي ؛ مراد واخذ ايه من الصبح لعند تو مازال ماردها شوفها راه ايكون دايرلها حاجه لان العويل مش واخذهم ومتعقد جا

حاتم ؛؛ باهي تو نمشيله للحوش

……………………..……………

خالد ؛؛ امي فيش كنتي تحكي وين ايه
ماما ؛؛ ايه جوا راقده
خالد ؛؛ امي تو سمعتك ونا خاش عليك قالتي ايه خذها مراد
ماما ؛؛ اها خذها
خالد ؛؛ وليش ياخذ فيها
ماما ؛؛ تي كيف ليش راجلها
خالد ؛؛ مش بجوه ايجي ياخذها هكي لها سنه عندنا

ماما ؛؛ الله ايربحك وسع بالك وما تقولها لخوك مرات يقعدو تراضو
خالد ؛؛ كان تراضو راه ايه جت خذت عويلها مستحيل اتخليهم
وطلع خالد بسرعه
ماما ؛؛ لحقته
الله ايربحك الله ايربحك وماتكبر الموضوع وماتخلي حد يدخل
خالد ؛؛ بحت في ماما وطلع وسكر الباب بالقوه

……………………..…………….

ونا قاعده في الدار سمعت صوت عالي

خالد ؛؛ طلعها يا مراد
مراد ؛؛ مراتي وماحد يدخل فيها
حاتم ؛؛ اهدي ياخالد

خالد ؛؛ تي شن مراتك تي شن داير فيها كنه منظرك هكي وبعدين كان مراتك اتخاف عليها راه ماخلتيهش حرجانه سنه وبعد اتجي تاخذها هكي بدون ما تحكي مع حد فينا

حاتم ؛؛ مراد طلعها وينها
مراد ؛؛ خش للحوش جوا وبدون مايحكي مع حد خش وفتح الباب عليا ولقني امقعمزه في الزاويه

نا ؛؛ اول ماسمعت صوت كرعيه جيات شوري وخرت وقعمزت وخفت ولما فتح الباب رفعت راسي والقيته قدامي وكان باين عليه متبهدل بكل وكأنه داير عركه
خالد ؛؛ لحق مراد وخش عند الصاله
ايه ايه
نا ؛؛ سمعت صوته صبيت بسرعه ولابست الوشاح وتميت انبحت فيه ومنصدمه

مراد ؛؛ نزل اعيونه ومابش يحكي معي

نا ؛؛ عرفته من اعيونه يبني نطلع نزلت راسي وطلعت بسرعه

واول ما جت عيني في عين خالد جيته نجري وتميت نبكي ومنهاره

خالد ؛؛ شن داير فيها يا مراد
حولني وقرب من مراد يبي يضربه

نا ؛؛ مسكت يده
خالد وراسي خلاص فوته خلينا انروحو وراسي وتربة بابا هيا

خالد ؛؛ تي شن انتي كنك ساكته عليه

نا ؛؛ ما دارلي شيء هيا بس وراسي هيا

مراد ؛؛ بحت فيا واعيونه ملينات ادموع وندم كان منظره واعر يشغل لان كان متبهدل واجد

نا ؛؛ ماسكه في يد خالد وانوخر فيه وبصوت مخنوق
كان هو قالي معش تلزميني نا معش يلزمني العمر كله وورقتي نبيها يا مراد لعند هنا وبس خلاص

حاتم؛ ايه وسعي بالك
نا ؛؛ ما وسعته الا واجد
هيا يا خالد هيا
تميت انكر في خالد
خالد ؛؛ ياخسارة العشره والنسب والاعيال اللي بينتنا يا مراد ياخساره
نا ؛؛ تميت نبكب وانكر في خالد مع اني ماعنديش جهد بكل بس انقاوم علشان نبي انفك هالهم

وطلعنا وركبنا في السياره

خالد ؛؛ ايه شن دار فيك
نا ؛؛ بصوت مخنوق
ما دار شيء يا خالد

خالد ؛؛ لعند امتي وانتي دافعي عليه وتستري عليه
نا ؛؛ تميت نبكي ومنهاره
خالد ؛؛ تي احكي
نا ؛؛ بحتت في خالد
انت تعاركت معه

خالد ؛؛ جيت القيته امقعمز في الجنان ومنظره هكي

نا ؛؛ يعني مش انت متعارك معه

خالد ؛؛ ﻻ تعركت معه بس نا في خشتي عليه القيت منظره هكي كيف قصدك مش متعارك معاك

نا ؛؛ مراد داير عركه بره لان طلع هو نحن تعاركنا كلام بس

خالد ؛؛ بره مع من

نا ؛؛ بحتت فيه ومنصدمه واذكرت هيثم طول وسكتت مابيتش انوضح للخالد اني عرفت لان خفت ايكون دايرله حاجه فيه

خالد ؛؛ خطا طلعتك معه هكي عيبه في حقنا

نا ؛ حطيت راسي علي الزجاج وتميت نبكي ومنهاره
ومابيتش انرد علي خالد وانبحت في الطريق واعيوني مش في الطريق اعيوني في همي

وصلنا للحوش ونزلنا وخشينا
اول ما خشيت جوني العويل يبكو اضبطتهم والقيت ماما معها امل وتبكي

نا؛؛ نا تمام كنكم تو
امل ؛؛ اقربت مني واضبطتني وتمت تبكي
نا ؛؛ حسيت ظهري
اهااااا امل حولي اشويه
امل ؛؛ وخرت وشفاتني
كنك
نا ؛؛ ﻻ شيء امغير نبي انخش للدار
وخذيت العويل وخشيت للدار كنت هاربه من ماما مانبيهش اتشوفني ولا اتشوف جسمي اللي ملينا علامات من ضرب مراد قعدت نبكي وراقده علي السرير بيده وارحيمه ايبحتو فيا وايضبطو فيا
وبعدها بوقت

امل ؛ ويه افتحي كنك
نا ؛؛ امل مانبيش انشوف حد نا
امل ؛؛ باهي علشان خاطر خالتي اطلعي
نا ؛؛ امل قوليلها رقدت خلاص نبيش نطلع
امل ؛؛ به حاضر

……………………..……….

حاتم ؛؛ شن درت انت شن لابزت
مراد ؛؛ وهو يبكي
خسرتها خلاص هذا اللي درته خسرتها وخسرت روحي وحياتي وقلبي و عائلتي

حاتم ؛؛ تي كان اتحبها ليش درت هكي

مراد ؛؛ ما علشان انحبها نا درت هكي انحبه مش متحمل فكرة اتكون لغيري مش متحمل ليا سنه ونا نرجا فيه سنه لا يوم ولا يومين

حاتم ؛؛ به كنه منظرك هكي
مراد ؛؛ ضارب ولد عمها اللي يبيها
حاتم ؛؛ ضاربه شنو وين
مراد ؛؛ كلمته ومشيت ضربته بلا وعي
حاتم ؛؛ قصدك ضريته
مراد ؛؛ مايهمنيش هو نا
حاتم ؛؛ تي فيش تحكي انت راه اتكون ضار الراجل
مراد ؛؛ مش عارف
حاتم ؛؛ تبي باهي شن اسمه
مراد ؛؛ هيثم
حاتم ؛؛ امنور يا طارق 2 امنور صحيت ونحن انلوم في طارق وانت يادكتور شر منه

مراد ؛؛ تبني نقعد ساكت هو جاني في العمل يستغل في فرصه مش ح انديرله شيء وحكلي عليها كيف تبني ساكت كيف

حاتم ؛؛ ﻻ صاح امشي به مكان بعيد واقتله تم هكي صحيت

وصب حاتم وطلع بسرعه للسياره ورن علي خالد

حاتم ؛؛ خالد
خالد ؛؛ نعم
حاتم ؛؛ قالتلك راه مراد متعارك مع هيثم ولد عمك
خالد ؛؛ كيف وعليش
حاتم ؛؛ هيثم راه هو اللي غالط
خالد ؛؛ هذا عليش جا واخذ ايه
حاتم ؛؛ اها خالد شوف الاخبار وكلمني وماتقولش اسم مراد نين انشوفو الجو
خالد ؛؛ باهي تو انشوف

وصكر حاتم وهو خايف علي مراد ايصيرله حاجه رن علي متتصر

حاتم ؛؛ وينك
منتصر ؛؛ طالع كنك
حاتم ؛؛ اسمع انقولك حاجه ماتقولها لحد
منتصر ؛؛ كنك شن في
حاتم ؛؛ مراد ضارب واحد وشكلها ضربه قويه وهو قاعد في الحوش انت لم جماعتك وعدي للحوشهم مرات ايجو هل الراجل ونا خلني نبرم انشوف شن صارله

منتصر ؛؛ به بس احكي ماتقولش قاتله
حاتم ؛؛ تي قول خير كنك انت هيا امشي تو
منتصر ؛؛ سلام

وسكر منتصر ورن علي جماعة ومشو طول للحوش مراد وقعدو في الجنان
ومراد قاعد في الحوش طايح في الدار المعيشه ويرد في عقله اللي صاير كله

حاتم ؛ ايوه خالد شن صار
خالد ؛؛ ………..

يتبع