مسلسل سعاده كاذبه الجزء الاخير

مسلسل سعاده كاذبه

الحلقه 85

ونا نغسل في المواعين في المطبخ الخارجي 
فجاء ايخش عليا وايسكر الباب ونا انبحت في الباب ومنصدمه
نا ؛؛ شن جيبك هنا انت
هيثم ؛؛ نبي نحكي معاك
نا ؛؛ شن تحكي ماعنديش معاك كلام لو سمحت اطلع
هيثم ؛؛ قرب من يبي يمسكني
ايه خليني نحكي ليش امسكره راسك

نا ؛؛ ماسكه طاسة قزاز
هيثم اطلع واقسم بذات الله انحط هذه علي راسك ماعنديش معاك كلام نا مراه متزوجه وعندي راجل
هيثم ؛؛ اهااا راجل اللي امسيبك لها اقريب سنه واللي يبي ايطلقك اقريب

نا ؛؛ من كلمة الواعره عزقت الطاسه علي الساس اللي وراه وبصوت عالي
ما منك انت اللي خربت حياتي خلاص اطلع من راسي وطلعني انت عارف طبعي نا مانحبش نحكي زمان وانت خطيبي يا بال تو متزوجه وعلي ذمت راجل انحبه

هيثم ؛؛ ايه نا نبي انردك وهلي تعاركت معهم عليك
نا ؛؛ تي شن تاخذي نا مراه متزوجه وعندي اعيال
هيثم ؛؛ طلاقك اقريب نا اللي سكتني عادل قالي بعد الفرح يطلقها رسمي
نا ؛؛ حتي ولو نطلق نا مستحيل انخلي انسان غير مراد ايكون راجلي
ودفيته بقوه وجيت علي الباب تبي نفتحه

هيثم ؛ مسكني من لاوره بقوه
نا ؛؛ بصوت عالي ونا نبكي لاني ماتوقعتش انسان غير مراد يمسكني

ﻻﻻﻻﻻﻻ يا هيثم اطلقني
هيثم ؛؛ ايه انا انحبك ونبيك ونا ولد عمك

نا ؛ تميت انفك فيه بقوه نين شعري انفك وبانت الشوفه
حول والله انكلمه راه حول
هيثم ؛؛ شفتي الكبيده هذه ليا انا ايه انت ليا من يومك ليا
نا ؛؛ عضيت يده بقوه نين طلقني ومشيت بسرعه وفتحت الباب وطلعت نجري
هيثم ؛؛ ايه من اليوم هذا اعتبري روحك خطيبتي ومراد هذا انسيه لان لو ايحبك راه ما تخلش عليك سنه
نا ؛؛ حتي ولو طلقني مستحيل انكون زوجة غيره
وخشيت نجري وسكرت الباب بقوه وتميت نبكي وجتني رجاء تجري ووراها بيده وارحيمه

رجاء ؛؛ كنك كنك شن في
نا؛ ؛ تميت انخبط في وجي
ماعنديش حظ ماعنديش تي شن يبي جاي هذا شن يبي نا مستحيل زوج انسان غير مراد مستحيل انكون زوجة انسان غير حبيبي وحياتي واب اعيالي
رجاء ؛؛ قربت مني وتمت تضبط فيا
من هذا اللي قالك هكي
نا ؛؛ هيثم قالي نبي نخطبك بعد ما تطلقي

رجاء ؛؛ في عينه اساسا مراد مش ح يطلقك مراد ايحبك ومش ح يتخلي عليك
نا ؛؛ بحتت في بيده وارحيمه القيتهم منصدمين فيا
تعالو يا ماما تعالو
وكريتهم واضبطتهم وبحتت في رجاء
حتي هم ماعندهم حظ اللي نا امهم قليلة الحظ
رجاء ؛؛ والله تو اتقولي تو اتحقيهم كيف ح يكونو سند لكي حتي هم اعيالك واعيال مراد ولاه ناسيه باتهم كيف
نا ؛؛ تنهدت تنهيده طويييييييله والعبره خنقتني
ربي يصبرني
رجاء ؛؛ صبي هيا والله كان حكي معك هيثم اخر نا ناخذه حقك نعرف شخص ايكسره تكسير
امغير هيا صبي حس سجودي تبكي هيا

وصبينا وتمينا نبرمو علي الحوش
رجاء ؛؛ غريبه ماما طولت
نا ؛؛ اكيده ترجا في خالد
رجاء ؛؛ تو انرن عليها
نا ؛؛ به
رجاء ؛؛ ايوه ماما وينك طولتي
سراج ؛؛ اهلا رجاء
رجاء ؛؛ نزلت الفون وبحتت في الشاشه وقرت الاسم وهي مصدومه
سراج ؛؛ مبروك ياعروس
رجاء ؛؛؛سكرت الخط وردت رنت اخري من جديد
سراج ؛؛ كنك سكرتي
رجاء ؛؛ شن جيبه فون ماما عندك
سراج ؛؛ نساته هنا ولما طلعت الممرضه وراها لقتها امروحه وخذيته نا قالت تو انوصله بما اني عارف الحوش
رجاء ؛؛ باهي اقفل الفون
سراج ؛؛ صار تبي تزوجي شن رايك اندير كيف مادرتي
رجاء ؛؛ ليش نا شن درت جيت باركتلك بس ولو تبي اتجي عادي تعال ونبي انذكرك راجلي طارق الفلان راه كان سامع به
سراج ؛؛ شن اتخوفي فيا يعني
رجاء ؛؛ يلا سلام لان عندي راجلي ايغير ومايبنيش نحكي مع غيره ايغير بس حاط فيا ثقه ونا نبي انكون قد الثقه
وصكرت في وجه بسرعه بحتت فيا
نا ؛؛ ماتقوليش سراج
رجاء ؛؛ تو وقت نسيت الفون ماما هذه ح اتخرب حياتي
نا ؛؛ معش تحكي معه
رجاء ؛؛ يبي يودرني بس والله مانحس فيه عندي راجلي ايسكته
نا ؛؛ حسهم جوا صبي صبي
وصبينا بسرعه وبدن الصبايا ايخشن للجنان وايغنن وفرحنات وخشن للحوش وتمينا انهدرزو

اميره ؛؛ الشقه ماتعرفيها بكل امغيرها 180 درجه اتجنننننننننن بكل
ايمان ؛؛ عجبتني موووووت انا اتهبل كلها ديكورات
اميره ؛؛ زمان انقولو سمحه ايام ايه بس تو متغيره بكل حتي الاضاء امغيرها وكانها مكان تركي الاوان فاتحه اتجننننننن والدار اتجنننننننن بيضه
امل ؛؛ حي عليك صالون ايجنننن في الصاله ايهبل ايودر تودير لونه فصدقي وامخاذه الصغار فيه وردات فوشي ووردي وابيض وحاط فرشه سكري وفيها فوشي والطاوله بيضه اكتر مكان عجبني
ناريته ايقولك ماتجيبش صالون معاه حق عارفك مش ح اتجيبي كيف ماهو يبي
رجاء ؛؛ ياحقيره يعني ذوقي شين
امل ؛؛ ﻻﻻ مش هكي بس غالي واجد والوان الاثاث فاتحه ابيض ان شاءالله تبطلي وانتي تمسحي واتلمعي ان شاءالله

رجاء ؛؛ عارفه اصلا كل حاجه يشريه ايوريها ليا او يقولي علي لونها وطارق مايحبش لون البني بكل قالي اثاث الليبين كلهم يا بني او بيج
نا ؛؛ مبروك يا ارجيوه اساسا نا من زمان انقولك هو غير فيها واجد
رجاء ؛؛ امل وين خالد وماما
امل ؛؛ ماشين للسوق
رجاء ؛؛ كرت امل ومشت بيها شور الدار
ماما ناسيه فونها في العياده في غرفة سراج ولما رنيت رد عليا هو

امل ؛؛ هييييييي طيح سعدك
رجاء ؛؛ شن اندير
امل ؛؛ تي اكيده ح ياخذ رقمك ياهمي انتي
رجاء ؛؛ باهي شن اندير
امل ؛؛ مصيبه وطحتي فيها كلميه وقوليله هات فون ماما وقوليله انك خلاص مشيتي للانسان تاني واجديه ما يرن عليك راه ايودرك بعدك طارق مجنون وادير اي شيء
رجاء ؛ نا بروحي خايفه تو مرات طارق يحسابني نا اللي عطيته رقمي
امل ،؛ هذا هو الماضي الاسود ضروري ما ايرد عليك
رجاء ؛؛ يا شريفه ياطاهره
امل ؛؛ علي الاقل نا ماكنتش اندير في علاقات ناس يعرفوني ونعرفهم
رجاء ؛ باهي ما توترنيش زياده خلاص نا بروحي خايفه
بحتت في امل ومنفجعه
هييييييييي تخيلي طارق يعرف تي والله ايقطعني تقطيع مش يزوجني
امل ؛؛ ردي بالك اتقوليله
رجاء ؛؛ قعمزت علي الارض وتمت مهمومه
امل ؛؛ رني وتفهميه معه
رجاء ؛ ﻻﻻ ما نخونش حبيبي وراجلي الانسان الوحيد اللي حبني وحطني في عيونه كيف تبني انخونه
امل ؛؛ لو اتحبيه وتبي اتحافظي عليه رني وخليه ايجيب الفون وقوليله انساني
رجاء ؛؛ حي عليا نا شن دايره في روحي
هييييييييي ايرن ايرن
امل ؛؛ ردي باهي
رجاء ؛؛ باهي اطلعي
امل ؛؛ طيح سعدك راه اتحني
رجاء ؛ انحن عينك والله مافي قلبي الا طارق ماعمري حبيت انسانه كيفه
وطلعت امل وصكرت رجاء وراها وافتحت
رجاء ؛؛ …….
سراج ؛؛ ردي راه نا سراج ياعويناتي
رجاء ؛؛ ماتقولش هكي
سراج ؛؛ اللي تقهر انك انتي الانسانه الوحيده اللي حبيتها خنتني يارجاء ليش ليش
وتم ايخبط في الدومان بقوه
رجاء ؛؛ سراج اللي فات فات تو نحن نبو فون ماما جيبه هنا وانساني
سراج ؛ ليش انتي خايفه ناخذ رقمك
رجاء ؛؛ اكيده خايفه لانك انت زمان حاولت تحكي عليا عند طارق في كلام مش تمام ولاه انسيت برغم هذا كله طارق صدقني نا وحط فيا ثقه نا لان قالي مايهمنيش الماضي المهم تو معي شنو ونا حبيته لان هو حببني فيه وفي روحي حط فيا ثقه وشجعني قالي اقري وخلي عندك ثقه مش انت زمان اتقولي تبي نخطبك واتوقفي القرايه وماتلبسيش ماديرش ماتحطيش ماتطلعيش انت كنت تبي تطمسني ونا هكي رافضتك نا نبيش انقارن بس ياريتك تعرف ليش حبيته ومانبيش انسيبه وياريت ياسراج تحترم قراري

سراج ؛؛ بصوت مخنوق
رجاء نا مش ح نخرب حياتك زي ماخربتي حياتي نا بسببك انت طلقت مراتي
رجاء ؛؛ انفجعت واسكتت
سراج ؛؛ شفتي روحك كيف ساكته انتي خربتي حياتي وطلعتي من حياتي بس من تفكيري وقلبي ماطلعتيش وعلشان نا انحبك انتمنك انك اتكوني طيبه واتعيشي مع الانسان اللي تبيه وماتخافيش مني يا رجاء لاني زمان حاولت انخرب بينك وبين طارق بس طارق ثبت انه ايحبك صح وانتي تستحقي انسان هكي وربي ايوفقك يا حبيبي
رجاء ؛؛ خنقتها العبره واسكتت
سراج ؛؛ مستحيل ننسي كيف كنت نسهر معاك مستحيل ننسي اول ماقالتلي حبيبي وانتي راقده مستحيل ننسي اول نقاش بيني وبينك في المستشفي لاني حبيبتك وفعلا كيف ما قالتي ماعرفتش نحافظ عليك وانحط فيك ثقه وخسرتك خلاص ح انجيب الفون اطمني ورقمك مش ح ناخذه مع ان اول ما شفت اسمك الرقم خش للراسي طول بس اطمني نا ما نخربش علي البنت اللي انحبها
رجاء ؛؛ نشكرك يا سراج واسفه علي كل حاجه
سراج ؛؛ نا تو في سيارتي في شارعكم وانشوف في ضوياء فرحك وح ننزل ونعطي فون امك
رجاء ؛؛ سلام يا سراج
سراج ؛؛ ماعندكس فضول تعرفي ليش اطلقت
رجاء ؛؛ …….
سراج ؛؛ ماعرفتش انحبها ونغلط وانقوللها يا رجاء واجد وطولت ما لمستها هي ماتحملتش واطلبت الطلاق و طول طلقتها وماثرتش فيا بكل شوفي مراتي 10 شهور ما حبيتهش وماتعلقتش بيها والبنت اللي تعرفت عليها في شهور اقل حبيتها واثرت فيا
رجاء ؛؛ سراج نبي انسكر مانبيش انخون طارق مع اني حسيت روحي خنته بس الحاجه اللي خلتني انرد عليك مانبيش حاجه اتخرب عليا لاني طارق انحبه وانموت فيه موت ويستحق مني كل خير
سراج ؛؛ سلام
وصكر في وجها ونزل من السياره وعطي ل وليد الفون ورد ركب ومشي وهو خاطره واجعه البنت اللي حبها اهي يزفو فيها للغيره

وهذا النصيب ماحد يندري علي روحه مع من يبي ايكمل حياته

ومشي الجو هيثم ايحاول واجد ان ايخش للحوش وايشوفني وجا الليل ودرنا العشاء وتعشينا وروحو الناس كلها وفرشنا افراشات وتمينا انهدرزو
اميره ؛؛ ارجيوه طالعه في الشقه
رجاء ؛؛ ﻻﻻ ليش
اميره ؛؛ طيح سعدك وكيف اتشيلي دبشك كله
رجاء ؛؛ هييييييي انسيت
ايمان ؛؛ حي علي الهبله
رجاء ؛؛ تي والله انسيت بكل
اميره ؛؛ وتي شنطه فيها دبش وميك اب ومنظافات ومناشف وفوطه ماتندريش علي روحك وين ماشيه ياهبله
رجاء ؛؛ كيف اندير تو
نا ؛؛ رني علي هدي ولاه هاجر قوليلها اديرلك شنطه
رجاء ؛؛ من جدكن انتن انقوللهن وتالي ارواب عيب قدام طارق خوهن وطارق معقد في الامور هذين مايحبش ايوري للناس الاشياء هذين

دعاء ؛؛ تي بعد اللي داره في البيان مايبيش ايوري
رجاء ؛؛ ههههههه بس هو ديمه ايقولي دبشك اللي بيني وبينك مانبيش حد ايشوفه ايقولي حاجتي خاصه مانبيش حد ايشوفه وتعقد لما عرف انكن انتن اللي تبن اتحطن دبشي في دولاب
دعاء ؛؛ باهي قوليله هو ايوتي دبش
رجاء ؛؛ باهي تو انكلمه
اميره ؛؛ ارجيوه بكره اخر ليله ترقدي معنا
امل ؛؛ بس اللي احلي بعد بكره مع طارق اتباتي خلاص خلني نركب ل خالد امبدري لما شاف حنتي عجباته
اميره ؛؛ اسملاه علي وليد حرام له كم يوم فيته
امل ؛؛ هههههههه هابا علي بخت خويا
وركبت امل للشقه كانت هاربه من رجاء ماتبيش تقعد معها لان عارفه روحها لو تقعد معنا ح تبكي وكلنا فطن لان كان اعيونها ملينات ادموع
وصبت اميره واقعدت مع امير ونا صبيت برمت علي اعيالي وجيت وقعمزت

دعاء ؛؛ ارجيوه ارقدي
رجاء ؛؛ ماشيه للدار التانيه نبي انكلم طارق
دعاء ؛؛ ههههههه عدي ياحنه
رجاء ؛؛ كنه صوتك هكي
دعاء ؛؛ لان تفرقنا خلاص كل وحده فينا شاقيه بحياتها بعد ماكنا حياتنا حياه وحده
رجاء ؛؛ مش هذا النصيب
دعاء ؛؛ ياعن بوه باهي
رجاء ؛؛ اضبطتها
ومشت رجاء بسرعه للدار تانيه وخذت معها افراش ومخده وسكرت علي روحها

رجاء ؛؛ ايوه حبيبي
طارق ؛؛ تي مش فاضي
رجاء ؛؛ كنك
طارق ؛؛ انفتش قاعد في حاجات حلوه هنا
رجاء ؛؛ هههههه ياصايع نبي انقولك حاجه
طارق ؛؛ هههههههه تي وين علي ملابس هذين
رجاء ؛؛ ياصايع عيب راه
طارق ؛؛ تي بكره بس واتكوني عندي خلاص
رجاء ؛؛ ههههه باهي هلك تفرجو علي الشقه والدبش
طارق ؛؛ اها
رجاء ؛؛ حبيبي نبيك اطلع شنطه من شناطي الكبار ونبيك اتحطلي فيها دبش وميك اب
طارق ؛؛ ليش
رجاء ؛؛ حبيبي نسيت انوتي دبش للشاليه
طارق ؛؛ قصدك مش اموتيه بكل
رجاء ؛؛ اهااا وتيلي انت دير شنطه كبيره حط فيها دبشي ودبشك
طارق ؛؛ باهي شن تبي انتي
رحاء ؛؛ حطلي عبايتي اولا واروابي ولابست جينز ومناشف و وريغان وفوطه
طارق ؛؛ ليش وريغان
رجاء ؛؛ حبيبي نا ما نرقدش علي فوطه ما نعرفش من راقد عليها قبلي
طارق ؛؛ باهي انطلع وريغان اصغير
رجاء ؛؛ اهاااا اللي لونه بيج طلعه ونا معاك تو علي الخط
طارق ؛ باهي شن تبي دبش تاني
رجاء ؛؛ انت عارف طلعلي
طارق ؛؛ ههههههه تحشمتي
رجاء ؛؛ ﻻ مش متحشمه حط لروحك بيجامه والعربي امتاعك ولابست جينز
طارق ؛؛ نا دبشي اموتيه سلم هدي امتويتلي دبشي حتي منظافاتي وتتهن
رجاء ؛؛ حبيبي بيش اتحطلي ميك اب
طارق ؛؛ تي واجدات تي شن انحط ولاه انحط
رحاء ؛؛ به به اساس مش ح نستحقهن لان تاني يوم ماشيه للكوافير وفي الليل عند هلك تو نركب وناخذ كم حاجه
طارق ؛؛ خلاص دبش انتي
رجاء ؛؛ حبيبي راك تنسي…….
طارق ؛؛ ههههههه حاطه في شنطتي ماتخفيش هذا اول شي ايخش قدامي بكره نا ماشي للشاليه نبي نبرم عليه تو انشيل معي وحده من البنات
رجاء ؛؛ احسن
طارق ؛؛ انحبك
رجاء ؛؛ انموت فيك
طارق ؛؛ شن حنيتي
رجاء ؛؛ بكره حنتي ان شاءالله بكره متعب لان من الصبح في الكوافير مابين فتله وحواجب وحنه
طارق ؛؛ صبغتي شعرك صاح
رجاء ؛؛ هههههه ﻻﻻﻻ مانبيش
طارق ؛؛ ايوه خليه كيف ماهو
رجاء ؛؛ اكتر عريس يشرط
طارق ؛؛ مانحبش البيز والتصنع نا نبيك علي طبيعتك نبي انشوفك ارجيوه حبيبتي مش رجاء العروس المتصنعه
رجاء ؛؛ بصوت هادي وحنون
انحبك انحبك انحبك انحبك
طارق ؛؛ ناعليا منك انتي تي والله انقطعك تقطيع لانك تعبتني وراك بعنادك
رجاء ؛؛هههه حبيبي خلني نرقد
طارق ؛؛تم نا ماشي للشباب تو هربت منهم بالغصب هربت علشان كنت نبي دبش ومن امبدري وهم ايرنو في الانتظار
رجاء ؛؛ ودع عزوبيتك خيرلك لان مش ح تسهر بعدين معهم
طارق ؛؛ ههههه سلام
رجاء ؛؛ سلام
وصكرت رجاء وتمت اتفكر واجد وخافت وحست النوم طار منها وبعدها تمت تقراء في المعواذت واستغفرت ورقدت

وتاني يوم من الصبح مشت للكوافير ونحن استقبلنا اعربي( شفتو مازالت انقول اعربي لاني انحس في روحي منهم وفيهم)علي جيت السياق وتمينا انصفقو وانغنو

ونا كنت لابسه تنوره طويله رصاصي وابلوزه شيفوني بيضه امخربشه فيها الوان فاتحه عند المرفق وامرفعه شعري ودايره قلم ازرق وروج وردي خفيف جد وكأني مش متزوجه بكل
لان ماما منعت عليا اي ميك اب ولا حنه لان قالتلي انتي شبه مطلقه وعيب اديري ميك اب وحنه ونا كانت نيتي مسدوده ماجتنيش اي نيه اندير حاجه كنت حاضره الفرح كجسد بس الا الروح والعقل والقلب كلهن مشغولات في همي

عمتي ؛؛ ويه تعالي نبيك في الدار
نا ؛؛ نعم
عمتي ؛؛ خذتني وخشيت للدار

ايه نا جايه نبيك تبي انقولك راه امس زعلت لما ماالقيتكش جايه وجعتني مهما ايكون بينك وبين مراد مشاكل الاهل مادخلهمش وبعدين انتي مازالتي علي ذمته مازالتي مراتنا وخطا غيبتك علينا وبعدين راه نحن مش قايلن للناس انك حرجانه ماتكبريش المشاكل وبكره نلقك في الصاله قدامي اختك الاخيره هذه افرحي لفرحها ماتقعديش منطمسه هنا في الحوش راه مازالتي اصغيره علي الخبر اللي اديري فيه وحتي حنه مانك امحنيه

نا ؛؛ انحرجت من عمتي واجد وكنت نسمع فيها والعبره خنقتني
عمتي عادل قالي ماتمشيش امس وبعدين قلت حنتي والله لان ماعندي نيه امنكده راني مراه صغيره وبعيالها ترجا في ورقتها كيف تبني نضحك ونلعب من وراء قلبي والله تعبانه راه
عمتي ؛؛ عارفه والله نا بروحي متعقده ومتنكده بس لازم نعطو لطارق ورجاء حقهم ومانكدوش عليهم وان شاء الله موضوعك ينحل بعد الفرح
نا ؛؛ ان شاءالله
عمتي ؛؛ كان ماتبنيش نزعل منك بكره تعالي للصاله
نا ؛؛ ﻻﻻ عمتي ماتشرطيش عليا لان عادل وماما مانعي عليا
عمتي ؛؛ نا قالت والله نزعل منك لو ماتجيش وعادل وامك تو نحكي معهم
نا ؛؛ والله حتي قفطان ماني شاريه
عمتي ؛؛ ورجاء كيف ساكته
نا ؛؛ رجاء ماتبيش مشاكل مع عادل
عمتي ؛؛ عادل شوري نا خلاص قاعدين ايبيو بره خلني نطلع
نا؛؛ هيا
عمتي سالت علي عادل ومشت حكت معه وحكت مع ماما واقنعتهم

وقعدنا حايسين في الحوسه وجو العرب والجنان تعبا كله و جت رجاء علي المغرب وكانت متغيره بكل لان كانت صابغه شعرها بكستناي هادي وامحنيه حنه خليجيه ودايره فتله وحواجب ولابسه جلبيه خليجيه ودايره استشوار وطالقته ودايره ميك اب خفيف وحلو
واستقبلنها وقعمزت علي الصالون
وحطينا العشاء و تعشو الرجاله
امل ؛؛ ارجيوه كولي
رجاء ؛؛ بعدك جعانه بس متحشمه
امل ؛؛ هههههه نجك اتجننن طالعه كيف غيرتي رايك وصبغتي
رجاء ؛؛ الكوافيره هزبتني قالت ضروري انغير لون شعرك بلون فاتح لان تعقدت لما لقتني نبي اندير حنه خفيفه قالتلي فيش حاجه جديده فيك
امل ؛؛ بس ايجنننن عليك ان شاءالله مبروك
رجاء ؛؛ يبارك فيك بيش اتعقبيلي عشاء باهي
امل ؛ ؛ ماعليك

ومشت ليله اتجننننننن بكل كان الاغاني فيها حلوات بكل مع ان ماحسيتش بطعمة الفرح واجد لان كنت حايسه في العويل مانبيهمش يطلعو ونور تمت تبكي واجد بس مشت ليله اتجنننن بس الفرح كان في راحه واجد لان نجاح كانت مسؤاله علي كل حاجه هي وخالتي فاطمه مسكات الفرح مسكه سمحه

وعيت تاني يوم علي صوت ايمان
ايمان ؛؛ ويه راه ماما قالت انك ح تمشي للصاله بس ماتبيش ميك اب قالت عيب
نا ؛؛ عارفه شن المشكله
ايمان ؛؛ شن
نا ؛؛ عنديش قفاطين بكل لابسي اللي معي كله عادي
ايمان ؛؛ به البسي من قفاطين زمان
نا ؛؛ تي كنك بحر عليا
ايمان ؛؛ اهااا به خطرتي عليا في قفطان من ونا عروس مالبستش بكل لاني سمنت بعد فرحي
نا ؛؛ وين
ايمان ؛؛ تو اندز عليه احمد امغير هي صبي خلينا نبرمو علي الحوش احسن حاجه فيش حاجات واجده السلايط شورهم هم
نا ؛؛ به
……………………..……………………..…..
رجاء ؛؛ ها ياهدي مشيتي
هدي ؛؛اها ارجيوه راه رتبت الوريغان وحاجات الثلاجه بس الدبش تحشمت انرتب وطارق قالي خليه
رجاء ؛؛ باهي حبيبتي والذهب والعربي
هدي ؛؛ عند طارق راه
رجاء ؛؛المشكله طارق مايردش عليا
هدي ؛؛ ﻻ خذينهن نحن امبدري من اميره من الحوش وهو قالي خليهن في السياره
رجاء ؛؛ باهي اسفه تعبتك
هدي ؛؛ تعبك راحه شن مازالك واجد
رجاء ؛؛ ﻻﻻ كملت نرجا في هلي شن العرب جو
هدي ؛؛ نبو نفتحو الصاله تو وحتي الفرقه جت
رجاء ؛؛ باهي كل حاجه تمام
هدي ؛؛ كل شيء تمام وحتي ايه جت راه
رجاء ؛؛ نجيها ليا ياربي

وصكرت هدي وبحتت فيا
هدي ؛؛ اللي ايشوفك ايقول مش متزوجه بكل
نا ؛؛ هههههه اها هذا قفطان ايمان بسيط جدا بنوتي صاح
هدي ؛؛ بكل بس ارحيمه وبيده اجمل اثنين
نا ؛؛ ههههه نجك
وافتحو باب الصاله وبدو ايخشو المعازيم ونا وهدي امصبيات جنب بعضنا وانبحتو وانصدمت لما شفت سناء جايه قلبي وقف معش عرفت ما اندير
نا ؛؛ هدي شفتي سناء
هدي ؛؛ اهاااا هالسامطه ونحن في تونس اترن بستمرار علي ماما نين عزمتها علي الفرح درهت كبدي
نا ؛؛ خنقتني العبره
هدي نسالك سؤال
هدي ؛؛ التفت وبحتت فيا
نا ؛؛ رفعت بيده في يدي ومسكت يد هدي
هدي ؛؛ كنك
نا ؛؛ وراس هالملائكه تو نسالك سؤال وانتي جوابي وماتكذبيش عليا وكان اتحبيني صاح جاوبي
هدي ؛؛ ايه خوفتني راه
نا ؛؛ احلفي قبل
هدي ؛؛ ايه ماتحرجنيش
نا ؛؛ شفتي انتي بروحك عارفه السؤال لان صاح
هدي ؛؛ والله سمعته كم مره يحكي معها
نا ؛؛ اعيوني تعبن ادموع ونزلت راسي لوطه
هدي ؛؛ ايه انتي اللي حلفتني
نا ؛؛ ماتخافيش اصلا نا ومراد انتهينا نا كنت عارفه ان رادلها ويحكي معها وهذا ليش مسره ان نطلقو
هدي ؛؛ مهما يبرم مستحيل يلقي خير منك
نا ؛؛ ارحيمه تم ايكر فيا يبني انرفعه نزلت بيده وخذيتهم ومشيت قعمزت علي كرسي وبدت الحفله ونا امقعمزه مع ايمان في طاوله وحده ومعنا العويل وبنات عمي
ايمان ؛؛ ويه صبي اركبي ارقصي ديري جو والعويل تو نمسكهم نا صبي المعازيم ايبحتو فيك
نا ؛؛ حاضر
صبيت والانظار كلهن عليا لاني كان قفطاني بناتي واقصير وبسيط ولونه فوشي وفي دوار اصغار اسود وكندره سوده وطالقه شعري وامرفعه جمتي من قدام ودايره مسكره وقلم اخضر وروج وردي يعني ميك اب بسيط جدا وعمتي لما شفتني تعقدت لان طالعه وكاني بنت مش مراه متزوجه بكل
ومشيت للريسبشن لان رجاء جت

رجاء ؛؛ مرتبكه مرتبكه
نا ؛؛ ههههه اقري معوذات بس وتو تريحي بس متغيره ياشينه
رجاء ؛؛ هههه نجك
نجاح ؛؛ الفيلو ايجنننننننن راسم جسمك رسم كانك حوته
نا ؛؛ لبنانيه اتجنننننننننننن طالعه
اميره ؛؛ هيا هيا سمي بسم الله
رجاء ؛؛ ولعو الاغنيه هيا
اميره ؛؛ هيا بشويه خشي

حطينا ايه قدام رجاء ومساكه في يدها اليمين ارحيمه ويده اليسار بيده
وافتحو الباب وجت الكاميرا قدامها
وبدت ايه تمشي اشويه اشويه ورجاء تمشي علي اقل من مهلها وبشويه بشويه مع الابتسامه خفيفه وماسكه الباقه
خشت علي اغنيه هي اللي مختارتها

افرحووووووووووووو ليا

دا حبيبيييييييييييي رجع ليا

والليله الليله الليله
الليله خلاص خلااااص بقى ليا
زفونى ع حبيبى زفونى
زفونى وبمسك وعنبر رشونى
زفونى ع بيت حبيبى خدونى ع بيت حبيبى رقصونى ودلعونى وع بيته ودونى

ياطيور الجنه غردى وياعصافير الهوى زغردى
يانجوم السما ارقصى وياشموع الدنيا افرحيا
احزان الدنيا روحى يلا روحى وودعى
الليله دى احلى ليله ف عمرنا

رجاء تمشي بشويه وفرحانه وكانت الفرحه واضحه وصلت للمسرح وصبت ايه ماسك العويل ورجاء صبت وبحتت فينا وطفو الضيء وولعو اضاءه رومانسيه وركبت نجاح وخذت العويل ونزلتهم وقعمزت رجاء علي الكنبه وجت هاجر
هاجر ؛؛ اتجننننني يافرخه تو اتودري خويا اليوم
رجاء ؛؛ نجك ليا شكرا
هاجر ؛؛ بس هي النقرشه اللي علي الظهر
رجاء ؛؛ علي الظهر وبس
هاجر ؛؛ ههههه صايعه عارفتهن طلبات خويا
وبدت الفرقه اتغني وصبينا وتمينا انصفقو ورجاء اتبحت ومبتسمه وبدت المصوراتي اتصور فيها وتمينا انصور معها وبعدها اركبت عمتي ومعها صبايها والحنايه وحنوها بخاتم ذهب ومفتاح وانزلو

عمتي ؛؛ ارقصي هيا ياايه كنك امصبيه
نا ؛؛ خذيت وشاح وربطته وبديت نرقص والفرقه تمت اتغنيلي بعدين غنت اغنيه
من قلت صياد ماعنه
يصيد ويجيبك لنا
نا ؛؛ اجمدت وبحتت في الفرقه والفرقه تضحك
الهام ؛؛ بحتت في الفرقه
هذه عندها 3 اعيال
الفرقه ؛؛ صااااااح والاه مانحسبها الا مش متزوجه اصغيره ياخيتي مش باين عليها
نا ؛؛ انحرجت وتميت انبحت فيها
الفرقه ؛؛ الصقر اللي ديرلك قيمه
انعنك تحت اجناحه ديمه
نا ؛؛ حسيت بموس خش في قلبي ابتسمت للفرقه وحولت الوشاح وتميت انصفق معهن واتجي سناء تبدا ترقص والانظار كلهن عليها نا غمتلي نزلت وخذيت العويل ومشين للريسبشن وسناء اطلبت اتغنيلها الفرقه علي المرهون وتمت اتغنيلها
في قلبي مازالتو حتي كان غناي كنتو
ونا قاعده نرجا في طارق يبي ايخش لبست عبايه وجت وراي عمتي وحنين وهاجر وصبنا معي
وايخش طارق وكان ايجننننننن داير لحيه خفيفه وشعره ايجنننن لابس بداله سوده حلوووووو اتجن عليه راسمتله عضلاته كان بيان جنتل بكل
نا ؛؛ ربي يحفظك
طارق ؛؛ غمزلي بعينه
نا احلي منها
هاجر ؛؛ انتو الاثنين اتهبلو طالعين ربي يحفظكم

طارق صب عند الباب وماسكته عمتي من يده اليمين وهو ماسك في يده اليسار ارحيمه وارحيمه ماسك يد بيده
وولوعو اغنية طبعا مختارتها رجاء

شوفوا حبيبي يا ناس شوفوا شوفو
ايللي ملوع كل الناس شوفوا شوفو

امعايشني فيه اجمل احساس كل ما بشوفوا
حبو على عيني و عالراس شوفو شوفو

وخش طارق وكله ثقه ماكنش متحشم بكل مبتسم وشخصية قويه وعيونه علي رجاء
وركب علي المسرح وطول رفع الطرحه ومسك وجها بين يده الاثنين وحبها علي راسها وفي اخدودها الاثنين
طارق ؛؛ انحبك يا شوفو حبيبي
رجاء ؛؛ منحرجه وامنزله راسها
طارق ؛؛ مسك يدها وباسها وقعمزو علي الكنبه وهو ماسك يدها وايبحت فيها
ﻻ صح ما صبغتيش
رجاء ؛؛ ابتسمت وحطت يدها علي خشمها
طارق ؛؛ قرب منها وباسها علي خدها
ربي ايخليك ليا

والصاله اقلبت اعياط والفرقه بدت اتغني للطارق ورجاء
وجت المصوراتي وتمت اتصور فيهم وكان طارق ادير اي لقطه اتقولها المصوراتي
وصبت رجاء ووراها صب طارق وحطه ايده الاثنين من الاقدام ونزل علي ارقبتها وباسها

رجاء ؛؛ برمت وجها عليه
حبيبي ابتعد اشويه عيب
طارق ؛؛ تي مازال اتقولي ابتعد تي كنك انتي الليله ليلتي
وكرها شوره اخري
تي والله انوريك امغير نمشو بس
رجاء ؛؛ برمت عليه ومسكت جاكته من فوق
طارق ؛؛ نزل راسه وحط راسه علي راسها وهو مبتسم
رجاء ؛؛ درتله حركة اخشيمي
وصورتهم المصوراتي
طارق ؛؛ باسها علي …………….

الفرقه والبنات ؛ ووووووووووووو ياطارق وسع بالك الليل طويله
طارق ؛؛ التفت عليهن وبصوت عالي
ماعنديش روح معها
رجاء ؛؛ خبطته علي صدره بيدها بشويه وفنصت وهي مبتسمه
تحشم حشمتني راه
وركبنا كلنا وصورنا معهم ونزلنا

مصوراتي ؛؛ هيا اتغيرو الدبل
طارق ؛؛ مايهمك شيء هيا
رجاء ؛؛ حبيبي بطل ضحك الناس اتبحت
طارق ؛؛ انحبك ياعمري انحبك
وغيرلها الدبله وطول اضبطها
رجاء؛؛ انحرجت وغيرتله الدبله ومشو للتورته وقسوها ووكلها طارق
طارق ؛؛ افطني اتبلدني نهارك بعدها
رجاء ؛؛ هههههه ﻻﻻﻻ مش ديمه انبلد هيا افتح
طارق ؛؛ فتح فمه وخذ
رجاء ؛؛ بحتت في تورته وحطت اصبعها في كريمه وبعدها درتلها علي خشم طارق
طارق ؛؛ هههههه يعني ضروري اديري حركه
وطلع منديل ومسحها
طفي الضويا وخلهم علي ضوياء رومانسيه
وجت المصوراتي ؛؛ هيا ترقصو
رجاء ؛ اها
وقربت رجاء من طارق وحطت ايديها وراء ارقبته
طارق ؛؛ قرب وحط ايده وراء ظهرها من وسطها
وجت المصوراتي وغطت وجهم بالطرحه الشفافه
طارق ؛؛ هذا الجو السمح شفتيها تفهم في الجو العطيبه
رجاء ؛؛ هههههه عيب راه تسمعك

وولعو اغنية

قرب كمان من حضني وحس بالي بحس بيةدانا من زمان مستني اعيش وياك اللحظة ديياحبيب قول بحبك وانا اقولها معاااك
طارق ؛؛ خلاص هيا حسي بيا
رجاء ؛؛ هيا بس حولي الطرحه قبل
طارق ؛؛ رفع الطرحه وحب علي راسها
رجاء ؛؛ مسكت الباقه وصبو عند الدروج وبحتت ولقت الانظار كلهن عليها بحتت في طارق
حبيبي انت ماتبنيش نبكي صاح
طارق ؛؛ اكيد كنك
رجاء ؛؛ معناتها رفعني لان لو ح نمشي ح يوقفوني هلي وح نبكي
طارق ؛؛ غالي والطلب رخيص
فتح جاكته ونزل عليها ورفعها بيده الاثنين ونزل بيها
والصاله كلها اتعيط عاجبهم جو طارق ورجاء لان طلعتها اتجنننننن وهو شايلها بين ايديه
رحاء ؛؛ مسكه في جاكته ومبتسمه
انحبك يا مجنوني نحبك
وطلع بيها علي الريسبشن ونزلها
وكلنا جينها
طارق ؛؛برمها شوره بيش ماحد ايشوفها
ﻻﻻﻻﻻ ماحد ايجيها ليا نا خلاص هاتو الكاب امتعها
نجاح ؛؛ اهو الكاب لابسها
طارق ؛؛ خذ الكاب ولابسها ونزل علي وجها ومسك يدها وطلع بيها وركبها لاقدام وجا ركب هو جنبها واصحابه اركبو في سيارتهم وايبيو وايمتعو قدامه
طارق ؛؛ حبيبي امسكي روحك باهي
رجاء ؛؛ شن تبي ادير يا مجنون
طارق ؛؛ بدا ايمتع ويجري
رجاء ؛؛ امسكت في اكراعه
ووووووووووووووووووو

يتبع