مسلسل سعاده كاذبه الجزء الاخير روايات ليبية بواسطة هايدي عبد الله آخر تحديث يناير 23, 2024 مسلسل سعاده كاذبه الحلقه 82 ومشت مروه بسرعه اتوتي في دبشي ولابستني عبايتي ووشاحي واتشرب فيا في ميه وحطت في يدي حنه عادات عاد بيش اتسهل عليا ونا مانندري علي دنيا انعيط ولاهيه في ها الليه وجا علي ومعه نجاح شالوني للمستشفي وطول خشيت للغرفة الانتظار ونا انعيط مافيش اي تعبير تمنيت ولو ايجي مراد وايخش عليا ويسهل عليا كيف المره الاول و نعيط وانحس في روحي خلااااص انتهيت نجاح ؛؛ وهي تبكي شوفنها خلاااااص انقهرت حرام عليكن شوفنها الممرضه ؛؛ الدكتوره تو اتجي نجاح ؛؛ كلميها بسرعه سناء ؛؛ نعم نا الدكتور بشويه نجاح ؛؛ اختي في حالة وضع سناء ؛؛ تو انخش عليها نا ؛؛ ياربي ياربي ارحمني ياربي ساعدني ياربي وووووووووو عليا حي عليا يامراد وينك وينك يامراد تعال حبيبي مرااااااااد ياربي ساعدني وفجاء انشوف سناء خشت عليا سناء ؛؛ بالاستغراب ايه هيا هيا نا ؛ رفعت راسي فوق ونا نبكي وانعيط وكأن صارتلي خيبت امل سناء ؛؛ هيا ايه شجعي روحك هيا هيا نا ؛؛ معش عندي جهد خلاص الممرضه ؛؛ هيا ياابله بسرعه سناء ؛؛ هيا هيا ياايه ماتخفيش هيا ……… الممرضه ؛؛ مبروك مبروك سناء ؛؛ ماشاءالله تبارك الله ابنيه مبروك نا ؛؛ انحبت في سناء وهي ماسكه بنتي علي قد ماوجعني ان في انسان غير مراد جيبني علي قد ماتخيلت سناء وهي اتجيب في بنت حبيبها واب اعيالها وقلبها مجروح سناء ؛؛ العبره خنقتها درتلي وطلعت ابسرعه بدون ماتحكي معي نا ؛؛ حسيت الموقف واااعر شن اندير الله غالب طحنا في حب انسان مغرور ومتكبر ومش بساهل يتنازال مش بساهل خلنا نعشوقو عشق وسيبنا ما كتر الموقف واعر وحساس ماحسيتش بروحي بكل ولا حسيت بالبنت الا بعد ساعتين تقريبا ونا في غرفه وجنبي نجاح وماسكه ابنيه نجاح ؛؛ مبروك يا عمري نا ؛؛ بصوت دوب مخنوق الله يبارك فيك نجاح ؛؛ شوفيها اتهبل ياويه سمي بسم الله وخذويها نا ؛؛ سقمت قعميزيتي بسم الله هاتيه نجاح ؛؛ راه مازالت ما قالت لحد انك جبتي ماعرفتش كيف انوصلها ل مراد رنيت علي رجاء القيتها مقفل نا ؛؛ تو يطلع الصبح وايجي ابروحه نجاح ؛؛ حتي نا قالت خلي الصبح يطلع وانكلمو وبعدين نا ماعنديش ارقام اعربك نا ؛؛ بحتت في البنيه وتميت نبكي وانحب فيها فرحانه بها فرحانه اني حصلت ابنيه من حبيبي حسيت وكان انها هي ح اتغير حياتي وح اتخلي مراد ايحنلي وايردني وايعاملني احسن وينك يا حبيبي تعال خلاص جبتلك ابنيه احليوه تعال شوفها نجاح ؛؛ تبي مراد ايجي صاح نا ؛ اكيده نجاح ؛؛ ايحب الاطفال هو نا ؛؛ ايموت فيهم اصلا حملتي بالتؤام من هو قالي نبي تؤام ودرت مانع سنه كل يوم ايقولي خلاص وقفي ونا امسكره راسي نجاح ؛؛ حرام عليك تحرمي فيه نا ؛؛ كنت نبي بيده وارحيمه يكبرو اشويه نجاح ؛؛ نجيهم ياربي ان شاءالله اتردي للحوشك واتربيهم تحت جناحه نا ؛؛ تنهدت تنهيده طويييييييله والعبره خنقتها ان شاءالله نجاح ؛؛ هاتيه وانتي تريحي اشويه نا ؛؛ ﻻﻻ خليها هنا جنبي نبيها نجاح ؛؛ به نا ؛؛ خليت البيبي جنبي وانبحت فيها وكل تفكري في فرحت مراد لما ايشوفها وايحبها وايقولي انحبك وهيا معي للحوشنا وانربيها في حوشنا ييي يامراد انحبك وانموت فيك ياريتك اتجني واتسامحني واتخلني انسامحك واتردني بكرامتي للحوشي اهااا حوشي من حقي انقول حوشي هو حوشي وكياني ومملكتي الخاص مهما اندير فيه ماحد ايقولي حاجه اجمل ايام حياتي فيه اكبر قصة حب عشته فيه ومازالت عايشتها بكل معني كلمة حب حبيتك عشقتك عشق زعلتني حبيتك جافتني حبيتك حبيتك في كل وقت حتي في دموعي حبيتك وخلتني انحبك اكتر يامالك قلبي وروحي وعقلي وعمري ودنيتي كلها انحبك حطيت راسي علي المخده ودمعتي علي خدي دموع اراياف وحب وشوق والفرحه وخوف الشعور املخبط فيا لما حطيت ابينتي جنبي حسيتها تبي مراد تبي اتكون معه تخيلتي روحي فيها اللي عشت بلا اب ما نبيش انخلي بنتي هكي خاطرها مكسور مستحيل انخلي هكي ح انروح ياماما للحوش بابا وح انخليه ايدلعك ويحميك مني لما نتعقد يشريلك ايلبسك انتي عندك اجمل اب في دنيا وح انخليك اتكوني تحت جناحه وعيت تاني يوم علي صوت الممرضات الممرضه ؛؛ صباح الخير مبروك نا ؛؛ يبارك فيك نجاح ؛؛ من الدكتور اللي تو الممرضه 1؛؛ دكتور مراد في الصبح الممرضه 2؛ حتي دكتوره سناء قاعده غريبه ما روحتش امس ماسكه مع ان الممرضه 1؛؛ اكيده تبي قاعده علي خاطر دكتور مراد خلاص ردو يحكو وايهدرزو وفي علاقه تو الممرضه 2؛؛ ما الحب الا حبيب الاولي نا ؛؛ نسمع ومنصدمه وانحس في قلبي وقف مره وحده نجاح ؛؛ بحتت فيا ولقتني منصدمه كيف الدكتوره الامس اتكون طليقت دكتور مراد الممرضه ؛؛ قريبا ح اتكون زوجة خلاص وطلعنا الممرضات ونجاح التفت وبحتت فيا ولقتني منصدمه معش اعرفت ما ادير ساكته والدموع معش انزلنا نجاح ؛؛ انتي عارفه انها طليقته نا ؛؛ نزلت راسي ومسكت البنيه نجاح ؛؛ ايه كنك ساكته نا ؛؛ …… نجاح ؛؛ ليش ما تحكي دافعي علي روحك علي راجلك علي حبيبك علي اب اعيالك ما تخليش حد ياخذه منك نا ؛؛ ………. نجاح ؛؛ انرن علي الحوش خلاص اكيده وعو نا ؛؛…… امنزله راسي ولاهي في البنيه وساكته نجاح ؛؛ صباح الخير اميره ؛؛ صباح النور شن اخبارك نجاح ؛؛ كنك منفجعه تهني نبي انقولك راه ايه جابت ابنيه بس اميره ؛؛ لوووووليا الحمدلله نجاح ؛؛ صبح ياهمي اسمعي اميره ؛؛ نعم نجاح ؛؛ كيف انوصلها للعربها لان رجاء مقفل منخمده ولا تكتها مع مجنونها اميره ؛؛ تي كان تكتها ما تقدرش تقفله تبيه ايجي ايطلع جنونه عليها نجاح ؛؛ هههههه كيف نوصلو اميره ؛؛ تو انكلم هدي الا مراد اكيده ح ايجي للمستشفي نجاح ؛؛ ديري جوك انتي اميره ؛؛ عطيها ليا انباركلها نجاح ؛؛ ويه خوذي اميره تبيك ونا طالعه للحمام نا ؛؛ به هاتي وخذيت الفون وطلعت نجاح نا ؛؛ بصوت مخنوق من العبره صباح الخير اميره ؛؛ مبروووووك يا عمري مبروك نا ؛؛ يبارك فيك وسمعت صوت خبطت باب رفعت اعيوني والقيته مراد انصدمت ونزلت الفون وانبحت فيه مراد ؛؛ كيف ماتكلمنيش انتي كيف اتخلي غيري يلمسك نا ؛؛ ….. مراد ؛؛خبط السرير بكراعه بصوت عالي تي احكي تي كيف تطلعي في انصاص الليلي واتجيبي وانتي علي ذمتي من دوني يعني عاجبك هكي لقدام الناس مراتي طالعه تجيب ونا راقد نا مراد انخلي في مراتي حد تاني يلمسها كنك انتي اديري في اغلاط كنك انتي شن تبي تنهني حياتنا علي الاخير ولا شنو جميع اللي ترقالي اديري فيه اتخلي في الناس التانيه اتقولي راه مراتك جابت من وراك اتحطي فيا مواقف مش تمام انتي نا ؛ انبحت فيه ومنصدمه ماكنتش نتوقعه ايخش عليا هكي كنت متوقعه ايجني ايباركلي ويراضني بس كسرتني يا مراد كسرتين واعره ضربتني في راس يوجعن يوجعن نعرف انك راد انت وسناء بعدها اتخش عليا هكي واااجد عليا في يوم واحد وخشت نجاح نجاح ؛؛ مراد وسع بالك كنك المراه نافس مراد ؛؛ كيف تطلع كيف هي ناسيه انها علي ذمتي ولا شنو كيف انتي اختها الكبيره تخليها اتجيب بلاي نا راجلها ودكتورها والتفت وبحت فيا انتي عارفه اني ما نحبش حد يلمسك لمس كيف اتخلني هكي كيف نجاح ؛؛ مراد لو سمحت انت في مكان عام راه والمراه نافس نا ؛؛ تميتا امضبطه ابنيتي وكاشه في روحي ونبكي خايفه من مراد يقرب مني اديرلي اي لقطه مراد ؛؛ قرب مني ومسك يدي وقرصني وتم ايشد وايفنص فيا نا ؛؛ اهااااااا نجاح ؛؛ اطلقها يا مراد مراد ؛؛ حسيها بيش تعرفي روحك في شن ادري فيا اتخلي فيا نقرا في اسمك وكأنك مش مراتي قدام اللي يخدمو معي نقرا في اسم مراتي جايبه في الليل ونا ماني عارف وطلق يدي وبحت في البنت نا اضبطتها زين والتفت وعطيته ظهري نجاح ؛؛ الو مجدي تعال روح بينا مجدي ؛؛ تو نجاح ؛؛ اهااا ابسرعه تو مراد ؛؛ صبي البسي عبايتك نجاح ؛؛ مراد مش هكي الناس اتحل في المشاكل نا ؛؛ قعدت نبكي وساكته ومش عارفه ليش ماقدرتش نحكي مش عارفه ليش مراد ؛؛ ماشي انا اندير في مواضيع انجيك نلقك اموتيه روحك واتروحي مع غيري نهارك بعدها وطلع بسرعه ماخلنيش نحكي نجاح ؛؛ ويه احكي دافعي علي روحك نا ؛؛ تميت نبكي منهاره اخر وخلاص نجاح ؛؛ شخصيتك ضعيفه انتي وخطا خليته ايتماد وادير اللي في عقله نا ؛؛ نجاح نا نبيش انروح معه نجاح ؛؛ تو ايجي مجدي وانروحو ما تخافيش نا ؛؛ نا معش نبيه خلاص نبي ورقتي بنته وجبتها خلاص نجاح ؛؛ خلاص اهدي بس خوذي اشربي ميه نا ؛؛ جيبلي عبايتي نلابس ولميلي دبش بيش نطلعو دغري نجاح ؛؛ باهي واطمني والله ما ح انخليه ايجي شورك مجدي وكلمته خلاص لعند امتي ونحن ساكتين نا ؛؛ شربت ميه وتميت نلابس في عبايتي وحطيت وشاحي نجاح ؛؛ عليك فجعه شينه حصلتيه وجك اصفر قاعد مراد ؛؛ هيا اطلعي قدامي نا ؛ ﻻﻻ نبي انروح للحوش هلي مراد ؛؛ ليش ماعندكش حوش ايلمك ولا شنو نا ؛؛ عندي حوش هلي ايلمني مراد ؛؛؛ جا وقرب ومسكني وصبني نجاح ؛؛ قربت منه وتمت اتحول فيه مراد كان اتحبها ما اديرش هكي عاملها اكويس مش هكي مراد ؛؛ ليا 7 شهور ونا انقوللها هيا بالطيب وما تبيش اطلعي قدامي نا ؛؛ تميت انحرك في يدي نبي انفكها بس كانت يد مراد اقوي مني ما عرفتش نجاح ؛؛ اطلعت تجري وخششت مجدي للغرفه مجدي؛ ؛ مراد بالطيب خليك مراد ؛؛ ما تدخلش انت مجدي ؛؛ المراه مريضه وانت ادير هكي نا ؛؛ مراد خلاص نبيش نمشي نحن متفقين علي طلاق انت قالت معش تلزميني وطلعتني من حوش مراد ؛؛ راه ساكت علشان اللي بين ايديك نا ؛؛ عارفه اصلا انت ما عمركش عبرتني علشاني ديمه علشان اعيالك اتعبر فيا انت اناني اتحب اعيالك اهم حاجه عندك اعيالك لكن ام اعيالك عادي ما دورش فيها بكل وايخشو طارق وهدي ولقو مجدي واقف بيني وبين مراد اعرفو في مشكله لان حتي صوتنا عالي طارق ؛؛ مراد كنك مراد ؛؛ واقسم بذات الله يا ايه تركبي معه نهارك بعدها ومعش تلزمني مجدي ،؛ كيف ما تبيش تركب معي يا مراد مراد ؛؛ هي عارفه طبعي مراتي تركب معي انا بس نا ؛؛ بس مراتك انت تبي اطلقها مراد ؛؛ ياعن.. وقرب مني يبي ايكرني مجدي دفه بقوه نجاح ؛؛ جت واقربت مني واضبطتني وتمت تبي اطلعني طارق ؛؛ قرب بسرعه ومسك مراد خليها تو انشيلها ما عليك فيها مراد ؛؛ ﻻﻻ تطلع معي نا ؛؛ مانبيش نمشي للحوشك نبي حوش هلي انت بعتني خلاص وبدلتني طارق ؛؛ ايه خلاااص اسكتي وهيا اطلعي مجدي ؛؛ تو انشيلها طارق ؛؛ ﻻﻻ انشيلها نا هيا يا ايه هدي ؛؛ مراد خليها اتروح للحوش هلها اتريح وتهدي بعدها تو اتفاهمو مراد ؛؛ ايبحت فيا وايفنص نجاح ؛؛ هيا يا ويه هدي ؛؛ هاتي البنيه هنا خذت هدي البنيه ونا مسكتني نجاح واتمشي فيا بشويه ودمعتي علي خدي اذكرت وانا طالعه يوم جيبت بيده وارحيمه طلعت ونا في حضن مراد وتو في حضن نجاح ومراد وراي قهرني قهر واجد عليا والله واجد تي شن دايره في دنيتي نا نين ايصير فيا هذا كله شن دايره الغلط اللي درته اني وافقت علي واحد مغرور وعصبي غرقني في حبه وغدرني غدر نجاح ؛؛ هدي خليها تركب معي هدي ؛؛ ﻻﻻ يا نجاح فكينا من مراد خليها تركب معنا خلينا انصغرو في المشاكل مش انكبروهن وانتي الحقينا في سيارتكم وركبت في سيارة طارق ونا نبكي ومنهاره وبحتت في مراد القيته امصبي بره وايشوف فيا في سيارة مع من نركب حتي لما جرحني مازالت انرعي في شعوره وانطبق في اوامره ياريت اطبق اوامري حتي نا واتحبني كيف ما نحبك واتعاملني كيف ما نعامل فيك ضيعتني ياحبيبي شجعتني انت علي فراقك شجعتني شن درت فيا والمشكله انت عارف انك انت قلبي وحياتي وتقهر فيا هكي استغليت ضعفي وحبي وطيبتي خليتني في حوش هلي 7 شهور مجافني وانت قاعد اترد في سناء لحياتك طول طريق طارق ايحاول ايغيرلي في جوي بس نا مانسمعش فيه قاعده لاهيه في همي اللي معش كمل ووصلنا للحوش ونزل طارق ايدق هدي ؛؛ رن علي رجاء تفتح طارق ؛؛ طالبة علم رجاء تو قافله فونها هدي ،؛ هههه غريبه طارق ؛؛ قعد ايرن اكتر رجاء ؛؛ قاعده اتسيق في الحمام وامرفعه سراويلها فوق وسمعت الجرس طلعت وهي ماسكه السياقه ولافه شعرها كعكه فوق وبصوت عالي باهي باهي خربت الجرس طارق ؛؛ تم ايدق بقوه اكتر رحاء ؛؛ تعقدت بكل ومشت افتحت بقوه ولقت قدامها طارق انصدمت واسكتت طارق ؛؛ ماشاءالله طالعه هكي فاتحه ياابله رجاء ؛؛ اقعدت اتبحت ومنصدمه وتمت اتبحت في روحها ولقت منظرها اتقول خدامه هدي ؛؛ حول غادي وانت تضحك رجاء ؛؛ هييييي ايه وجت سيارة مجدي ورانا ونزلو طارق ؛ بحت في رجاء اتفنص استري روحك يا عنجدك رجاء ؛ اعزقت السياقه وتمت اتنزل في سرواها وخشو كلهم نجاح ؛؛ لووووووووووووووووووووووووووووووووووليا لووووووووووووووووووووووووووووووووووليا رجاء ؛؛ نجك ليا ايه جابت لووووووووووووووووووووووووووووووووووليا لووووووووووووووووووووووووووووووووووليا طارق ؛؛ ضرب رجاء علي راسها رجاء ؛؛ لووووووووووووووووووووووووووووووووووليا طارق ؛؛ صكري فمك نا ؛؛ انبحت فيهم وضحكت من وراء قلبي كيف جوهم ايهبل ومنعادي وطلعت علينا ماما وسلمت عليا وكلنا خشينا للحوش درولي افراش في دار معيشه ورقدت وحطيت جنبي ابنيتي هدي ؛؛ اتهبل يا ارجيوه شوفيها رجاء ؛؛ ربي يحفظها اتجننننن امتي جبتي يا ويه نجاح ؛ امس مشينا للمستشفي ساعه 1 ونص مابينش انقولها لحد قالنا هكي احسن وبعدين انتي يارجاء قافله فونك ومابيتش انرن علي ماما نشغلها رجاء ؛؛ اهاااا قافله فوني علي طارق والقرايه لان كان يقعد مفتوح ح نقعد نحكي معه ونا نبي نقرا نفتح فيه في النهار طشه هدي ؛؛ وكيف ساكت طارق رحاء ؛؛ المده الاخيره كثرن المشاكل قالتله ماعنديش نيه اندير مشاكل علي القرايه هدي ؛؛ صدقتي تقدري عليه طارق ماما ؛؛ ايه مراد عارف انك جبتي نا ؛؛ اهااا كان معي في المستشفي هو اللي عطنا ورقة الخروج ماما ؛؛ وجها تغير وارتبكت واعرفت ان نا ومراد خلاص برسمي لان كان حاطه امل ان يوم اللي انجيب نطلع علي حوشي نجاح ؛؛ ارجيوه هيا صبي انديرو لبنيه حمام وانتي با ويه غيري وتعالي قعمزي انديرو سفرة فطور سمحه هدي ؛؛ نا تو انساعدك خلني انسلح عبايتي بس رجاء ؛؛ ماعندكش عمل هدي :؛ ﻻﻻ قالت لمحمد ياخذلي اذن بعد مارنت عليا اميره في الصبح طلعت نا وطارق رجاء ؛؛ باهي خليكي هنا معهن نمشي انشوف طارق نجاح ؛؛ ح اطفشي الراجل بشكلك هذا رجاء ؛؛ ههههههه شايفني شر من هكي نا ؛؛ كنت مكتفيه بابتسامه بس مانبيش ماما اتلاحظ اني قاعده في اكبر هم راجلي امجافني وايخون فيا وهزبني في المستشفي وورقتي ح اتجي ماما ؛؛ اتبحت ولاحظت ان انا جوي مش تمام بكل بس اسكتت علشان هدي قاعده طارق ؛؛ دق الباب المربوعه رجاء ؛؛ اكيده حبيبي خلني نشوفه هدي ؛؛ خوذي راحتك نجاح وتت دبش البنيه وحمامها وخشت هي وهدي للدار جنبي ودرلنها حمام وهي تبكي واتعيط ونا انبحت فيها ومهمومه وماما اتراقب فيا رجاء ؛؛ حبيبي مجدي قاعد طارق ؛؛ مسكها من دبشها وكرها شور في المربوعه واضبطها اففففف بوطاس رجاء ؛؛ ههههههه ما كنتش انسيق فيه طارق ؛؛ نجك لبا والله احلي صبح اللي شفتك هكي رجاء ؛؛ شن صار طارق ؛؛ موضوع طويل عريض بس راه اظنتي ايه ومراد خلاص رجاء ؛؛ هيييييي معقوله طارق ؛؛ نصيبهم بس مهما ايصير يا رجاء نحن مادخلنش وهلي مادخلهمش راه نا قالت نسمع كلمه هكي ولاه هكي اللسانك نقطعه نا قالت رجاء ؛؛ شن نبي انقول مثلا طارق ؛؛ اللي هو المهم احكي مع ايه ونا تو نحكي مع مراد رجاء ؛؛ خنقتها العبره ان شاءالله خير طارق ؛؛ اسسس كنك مانبيش ابكاء وزعل احكي معها وغيرلها جوها و تو انديرو عشاء بالكي اي ايحي ياخذها مراد رجاء ؛؛ ان شاءالله والله ايه ما تستاهل الا كل خير والله حتي مراد غالي علينا ما عرفنش نكرهو بكل لان اكويس بكل والحق هم الاثنين اغلطو اسملا علي ايه هي ديمه اللي دافعه الثمن ادفعت ثمن طلعت نجاح من الحوش وادفعت ثمن ردت نجاح للحوش طارق ؛؛ نصيبهم خليني تو نمشي لباتي يبني رجاء ؛؛ ماعندكش مدرسه طارق ؛؛ اليوم سبت ياهمي رجاء ؛؛ اهاااا صح باهي خلاص تبي حاجه طارق ؛؛ نزل عليها وباسها علي خدها انحبك با متعات بوطاس انتي رحاء ؛؛ انموت فيك طارق ؛؛ سلام وطلع طارق علي خشت عيت علي ومروه والاعيال مروه ؛؛ لووووووووووووووووووووووووووووووووووليا مبروك مبروك نا ؛؛ يبارك فيك بيده وارحيمه اول ما شوفوني جوني يجارو واضبطوني اها يا بيده بشويه ارحيمه ؛؛ ماما وين انتي نا ؛؛ اها يا ماما جبت بيبي وجيت شوف بيده ؛؛ هييييي ماما نا ؛؛ نجكم ليا مروه ؛؛ اندير فطور ونبدو في الغداء بعدها نجاح ؛؛ اها ياريت ونزلت امل وجت اميره وخالتي سالمه وفاطمه وايمان وهدي طبعا قاعده دارنا غداء وتغدينا هدي ؛؛ ويه ليش ما روحتي معه نا ؛؛ خلاص نا ومراد هدي ؛؛ ليش نا ؛؛ مراد جميع اللي اتخلني نبعد عليه اديرها اليوم نا جايبه مفروض خش ايباركلي ويراضني خش هزب تو وقت هزبيه بالله عليك والله حتي بنتي ما رضعتها اكويس هدي ؛؛ ربي ايهدي النفوس نا ؛؛ ان شاءالله ……………………..……………………..…….. حاتم ؛؛ معقوله انخلو المراه هكي راه مازالت مراتنا عمي ؛؛ شيلو حولي وخضره مصروف العشاء طارق ؛؛ تو انجيب الحولي نا عمتي ؛؛ نبو حاجة ذهب راه لها وللبنت حاتم ؛؛ من جده مراد هكي ايخليها طارق ؛؛ والله خوك هذا اتقول وحده بارمه عليه ديرتله خطين عمتي ؛؛ والله صدقت تو انشوفله شيخ عمي ؛؛ مراد هذا ضروري انديروله حد خلاص لعند امتي ونحن امخلينه عمتي ؛؛ والله وجعتني البنت ما نبيها تطلق مازالت اصغيره وبعيالها حرام حتي شهاده ماعندها بيش تقعد علي عويلها وبعدين راه يوجعني اولدي في زواج الاثنين ما صارش منه اتقول مديروله حاجه مش طبيعي هو عمي ؛؛ رنيت عليه تو ايجي قالي عمتي ؛؛ حاتم بيش تشري الحاجات اليوم العشاء علي طلعتها حاتم ؛؛ ما عليك وخش مراد مراد ؛؛ السلام عليكم عمي ؛؛ وعليكم السلام باهي اللي جيت من الصبح ونا انرن مراد ؛؛ كنت في العمل عمي ؛؛ كنك ما روحت بمراتك لحوشها مراد ؛؛ هي ما تبيش خلاص كل حد في حاله عمي ؛؛ البنت اصغيره مراد ؛؛ شن انديرلها نا به تغلط وماتبيش تسمع الكلام حتي لما قالتلها هيا اركبي معي ما بتش عمتي ؛ ايه مؤدبه اكيده انت امزعلها مراد ؛؛ وكان امزعلها انا راحلها انقولها ارمبي تركب وهي ساكته عمي ؛؛ والله يا مراد كان ما انت قايلها كم كلمه مادارت هكي اولدي ونعرفك انت قاسي معها راه الصبايا ما يبنش تسكير راس عمتي ؛؛ هيا يا مراد نمشو للمحلات ذهب نشرو حاجه لبنتك ولمراتك مراد ؛؛ مش تو حاتم ؛؛ ﻻى تو نمشو نشرو حاجات العشاء ونمسو انتعشو عندهم وايه اتروح معاك طارق ؛؛ نا ماشي انجيب حولي عمي ؛؛ عدي معاك افلوس طارق ؛؛ شوري نا حاتم ؛؛ مش علشانك راه يا مراد طارق ؛؛ هههه خليك في حالك حاتم ؛؛ حتي هي عمي ؛؛ اعقولكم اصغار مازالن عمتي ؛؛ حاتم قول ل الهام تمشي وتو انرن علي منتصر بيش يمشو حتي هم مراد ؛؛ نا طالع عمتي ؛؛ اصبر نمشي معاك مراد ؛؛ عليش عمتي ؛؛ نشرو المراه حاجه مراد ؛؛ قاعده حاجتها تو انجيبها عمتي ؛؛ شاريلها مراد ؛؛ برم وجه وطلع بسرعه وركب في السياره ورن فونه ايوه سناء سناء ؛؛ شن ما زالت راقيلك مراد ؛؛ اهااا شن اخبار العويل سناء ؛؛ تمام الحمدالله انشغلت عليك مراد ؛؛ لا اكويس والحمدلله سناء ؛؛ ايه في حوش هلها مازالت مراد ؛؛ اهااا سناء ؛؛ مراد ممكن نعرف السبب مراد ؛؛ تقريبا انتي عارفه طبعي مانحكيش في خصوصياتي سناء ؛؛ في خصوصيه عليا مراد ؛؛ ستاء عندك احدود نا راجل متزوج وانتي طليقتي سناء ؛؛ نا اكتر وحده نعرفك وحافظتك مراد ؛؛ سناء صكري مش فاضي تو سناء ؛؛ مراد اذكر ان انا سناء صندوق اسرارك مراد ؛؛ سلام وصكرت سناء وتعقدت لان اعرفت مراد ايحبني طول فكرت في غاده ورنت عليها غاده ؛؛ عاش من سمع صوتك سناء ؛؛ انتي ما تﻻني قالت انرن عليك نا بالمي اتهدرزيلي غاده ؛؛ والله مانفضي بكل من رهف وتو نا حامل سناء ؛؛ مبروك وينك كنك مش متابعه معي غاده ؛؛ انتي عندك زحمه واجد سناء ؛؛ اهااا اليوم جيبت ايه غاده ؛؛ انتي اللي جيبتها سناء ؛؛ شفتي النصيب انجيب في مرات حبيبي بس خلاص مراد ردلي وكنت عارفه ان ح يبرم وايردلي ويبي يطلقها تو امغير كان يرجا فيها اتجيب بس غاده ؛؛ اها قاعده عند هلها تو كانت عمتي اترن وقالت اليوم نمشو ل ايه عشاء دايرن سناء ؛؛ اها عارفه تو كنت نحكي مع مراد قالها ليا امغير ايمشي فيها علشان نافس بعدها ايطلقها غاده ؛؛ قصدك برسمي انتو رديتو سناء ؛؛ اهااااا انتي عرفتني نا سناء مش حاجه عاديه غاده ؛؛ ههههه نقانك شاطره والله ياريت اتردي اتفكينا من هالقصيره الطناشه شايفه روحها علي الفاضي هالجاهله تحسب الحياه كلها لابس وميك اب بس سناء ؛؛ مراد ليا نا بس غاده ؛؛ خلني نمشي انغير دبشي بيش نشمت فيها هالجاهله والله انوصلها لها انك رديتو سناء ؛؛ ههههه عادي ما ندورش فيها خليها اتجرب كيف ما جربت النار لما عرفت خطبها وازوجها غاده ؛؛ هيا سلام سناء ؛؛ سلام مانوصيكش غاده ؛؛ ماعليكي ……………………..……………………..……. اميره ؛؛ ويه كولي حرام عليك هندك بنت اترضعي فيها نا ؛؛ النيه مسدوده اميره ؛؛ وليش هكي لعند امتي نا ؛؛ نين يبرا جرحي وننسي اميره ؛؛ ربي ايهنيك نا ؛؛ عادي ما دوريش تعودت علي القهاير من صغري اميره ؛؛ ما هذه اللي تقهر مازللتي اصغيره وشفتي اللي ما ينشاف نا ؛؛ نصيبي والحمدالله تو اهم حاجه عندي اعيالي بالدنيا ومافيها انعيشلهم هم بس خلاص ودق الباب وطلعت رجاء افتحت ولقتهم عيت عمي سلمت علي عمتي والهام حاتم ؛؛ شن جو رجاء رحاء ؛؛ تمام الحمدالله ليش امتعب روحك طارق ؛ خشي خشي وانتي قاعده هنا بوابه كل ما ندقو تفتحي رجاء ؛؛ ههههههه ما انا الوحيده راجلي افري ايخلي فيا نفتح طارق ؛؛ افري على راسك اخر مره تفتحي رجاء؛؛ ها به انخلي ماما تفتح مثلا حاتم ؛؛ طارق مادخلكش انت خليها براحتها رجاء ؛؛ هههههههه خشش الحولي جوا طارق ؛؛ وين رجاء ؛؛ لاوره وطلع خالد ولقهم في الجنان خالد ؛؛ حاتم طارق خشو خسو ليش امتعبيت اروحكم حاتم ؛؛ لبنتنا هذين مش لكم خالد ؛؛ ههههه خشو هيا وانتي يا ابله تحشمي وخشي طارق ؛ ههههه خشي خشي ديري قهوه رجاء ؛؛ حاضر ……. عمتي ؛؛ ماشاءالله تبارك الله نا ؛؛ عمتي هذه شورك الاسم راه عمتي ؛؛ انسميها نا ؛؛ اهااا ماما ؛؛ اختيرلنا الاسم هيا عمتي ؛؛ باهي عطني فرصه اميره ؛؛ عمتي الاسماء اللي تو سمح عمتي ؛؛ عائشه ماما ؛؛ ﻻﻻﻻﻻ نا رافضه حد ايسمي عليا اسمي قديم ومانبيش نظلم البنات عمتي ؛؛ لا اسمك سمح يا بتي ومستحيل ايطيح ماما ؛؛ ﻻﻻ اسمي رافضه ايه اسمها حلو وجديد وبنتها اتكون عائشه ﻻﻻﻻ شينه خالتي فاطمه؛؛ سموها نور حلو الاسم هذا هدي ؛؛ ايجننن نور حلو عمتي ؛؛ والله ما نردك نور نور سمح نا ؛؛ خلاص تبو نور عمتي ؛؛ كان مراد موافق نا ؛؛ ﻻﻻ مراد زمان ايقولي كان جبتي بنت شورك انتي رجاء ؛؛ والله نور حلو واخترو اسم نور وتمنا البنات اديرن في العشاء وجت غاده لابسه ودايره ميك اب وقعمزت اتهدرز جنب الهام ونص الكلام كنت نسمع فيه انا غاده ؛؛ يبي يطلقها صاح الهام ؛؛ ﻻ ان شاءالله ﻻﻻ غاده ؛؛ رد ل سناء خلاص يحكي وايهدرز معها برسمي ردو لحبهم نا ؛؛ سمعت كلامها انصدمت وحسيت قلبي اجمد معش نبض الهام ؛؛ تي اسكتي بلا كذب غاده ؛؛ تي كلمتني وقالتلي علي الاهبار كلعن هذا دليل علي ان يحمي معها نا ؛؛ من الصدمه القيت روحي انصبي برغم مرضي بس صبيت كنت الصدمه اقوي نن مرشي كان جرحي الداهلي اقوي من جرحي الخارجي كان وحع قلبي اوعر من وحع جسمي خشيت ابسرعه لحمام وتميت نبكي ومنهاره ليش يا مراد ليش تطعن فيا ليش شن درت نين ادير فيا هكي ليش ليش اتعرفني عليك ليش تزوجني ليش اتخلني انحبك ليش امرايفه عليك وادمع في عيني وانت عايش واترد في حبك ليش بس ليش اتخلي فيا بلا روح ليش وسمعت باب الحمام ايدق ايمان ؛؛ ويه هيا تعالي تعشي هيا نا ؛؛ تميت نغسل في وجي وانشف ايمان ؛ ويه تسمعي فيا هيا نا ؛؛ هيا هيا تو نطلع طلعت والقيت الانظار كلهن عليا خشيت لفراشي وجاي العشاء ناكل فيه بلا نيه انحرك في الكشيك تحريك وخلاص ونور بكت ماما ؛؛ راضعيها نا ؛؛ انحس فيها ما تشبعش مني مش عارفه ليش ماما ؛؛ ﻻﻻ امغير وسعي بالك لها نا ؛؛ حاضر وايخش عليا ارحيمه وفي يده افلوس ارحيمه ؛؛ ماما ملي الفلوس نا ؛؛ من وينلك هذين مش قالت انا ما تاخذوش افلوس ارحيمه ؛؛ من بابا نا ؛؛ مراد ارحيمه ؛؛ هزلي راسه معناها اها رجاء ؛؛ جا امبدري اشويه نا ؛؛ اها به تعال وكريته وخليته علي كرعي وشميت بنته القيتها بنت مراد عطره ودخانه عزم رق بس سكتت تعشيت يا ماما ارحيمه ؛؛ بابا وكلني نا ؛؛ عدي كلم بيده ارحيمه ؛؛ به ومشي ارحيمه للمربوعه وتم ايكر في بيده مراد ؛؛ خليه كنك ارحيمه ؛؛ ماما تبيه مراد ؛؛ عدي بيده لماما وجاني بيده وحتي هو في يده افلوس رجاء ؛؛ تي جيبولي نا افلوس نجاح ؛؛ انتي كانك شاطره دزيهم لطارق عمتي ؛؛ هههههه هو ايفلق ايفلق خليه ايفلق عليك احسن خالتي فاطمه؛؛ ههههههه اكتر شخصيه تصرف رجاء ؛؛ علي قصاد نيتي ما اجمل صرف الفلوس بذات في المحلات في دبش نجاح ؛؛ هههههه هيا خلاص نغسلو المواعين ايه ؛؛ ماما نمسك نور عادي نا ؛؛ تعالي يا ويه تعالي وقربت مني ايه وتمت اتبوس في نور وصبنا البنات تمن ايلمن في الحوس والرجاله روحو ماعاد مراد قاعد وصبت عمتي ورنت علي مراد عمتي ؛؛ الو وينك مراد ؛؛ في المربوعه تعالي خوذي الحاجات عمتي ؛؛ ﻻﻻ خش انت عطيهن لها مراد ؛؛ صب وطلع بره الحوش امعبي كيف تبني انخش عمتي ؛؛ باعي تو انقول ايه تطلع عليك مراد ؛؛ امي ما تزريش عليها جت من الاول باهي ومابتش خلاص فوتيها عمتي ؛؛ والله انك هبل وصكرت عمتي وجت خشت عليا عمتي ؛؛ ايه تعالي نبيك نا ؛؛ نعم يا عمتي عمتي ؛؛ جيبي بنتك وتعالي نا ؛؛ شيكت في ان بس ما قدرتش انقول لا قدام الصبايا مسكت نور وصبيت وجيتها عمتي ؛؛ الله ايربحك تعالي خشي عليه نا ؛؛ عمتي انتي عارفه انا ما نحبش نرفضلك طلب بس صعب الطلب هذا عمتي ؛؛ علي خاطر هالملائكه البي بين ايديك خشي وتفاهمي معه نا ؛؛ اتخشي معنا وماتخليش يقربلي عمتي ؛؛ حاضر ماعليك تو انخش نشوف الجو قبل ومشت عمتي ولقت علي وخالد امقعمزين اعتذرت منهم وخلتهم يطلعو وجتني وخششتني عليه نا ؛ ونا لابسه قفطان حوش نص كم وماسكه نور خشيت ونا ساكته وخايفه الحق خايفه نرعش وصوتي دوبه طالعى السلام عليكم مراد ؛؛ وهو مقعمز ما بش ايصبيلي وعليكم السلام نا ؛؛ قعدت امصبيه وانبحت فيه من تحت لتحت لان كان اعيونه ملينات غضب وخفت منه اكتر عمتي ؛؛ كرتني وقعمزتني جنبه يبي ايشوف نور خليه ايشوفها نا ؛؛ بحتت في مراد ومديتله نور مراد ؛؛ بسم الله اختارتولها اسم عمتي ؛؛ اها نور خالتك فاطمه اللي سمتها مراد ؛؛ خلاص نور نور حلو عمتي ؛؛ خليكم احكو وطلعت بسرعه وصكرت علينا الباب نا ؛؛ خفت من مراد اكتر ووخرت منه مراد ؛؛ التفت ولقني اموخره منه كنك نا ؛؛ …… مراد ؛؛ خوذي امسكيها ومدلي نور نا ؛؛ مديت ايديا وخذيتها ولفيتها شوري مراد ؛؛ بحت في يدي ولقي قرصته اللي امبدري امعلمه علي يدي ما تبيش اتروحي نا ؛؛ هزيت راسي معناها ﻻﻻ مراد ؛؛ مازالتي امسكره راسك نا ؛؛ بيش تضربني واتهزبني اخري قدام اعبالي والناس مراد ؛؛ انت اتعقدي فيها ليا نا ؛؛ مراد نحن مش مكتبولنا انكملو مع بعضنا نا تعبت والله تعبت حتي كتن غلطت في حقك بس والله تعبت ضربتني وهزبتني ولزيتني وجرحتني وعايش حياتك ومش امدورني انت قعدت 7 شهور مجافني يعني ح تستغني عليا طول العمر مراد ؛؛ قرب مني يبي يمسكني نا ؛؛ صبيت ابسرعه وكشيت خفت منه مراد ؛؛ به انتي ليش تذكري في ماضيك ليش انتي مش مقتعنه بيا نا ؛؛ انت مش حاط فيا ثقه مع اني نا ثاينتك وحاطتك بين اعيوني بس مش حاط فيا ثقه لانك انت اللي اتخون تحياب الناس كلها اتخون واو سمحت يا مراد ورقتي ونبيها خلاااص هذا قراري انت قالت كلمه ونا نبي نمسك فيها ان انا معش نلزمك وفعلا خلاص نا معش نلزمك ومشيت نبي نطلع ايجي مراد يمسكني بقوه نا ؛؛ خفت وعيطت نحسابه يبي يضربني مراد ؛؛ شافني كيف كشيت منه ايه وطي صوتك نا ؛؛ نبي نطلع خلاص و ورقتي نبيه مراد ؛؛ حط كيس علي الطاوله وطلع بجونةما يحكي حاجه نا ؛؛ مشيت وخشيت ونا نبكي عمتي ؛؛:شن صار نا ؛؛ عمتي خلاص معش في نصيب اساس نا عارفه طلعتي علي الفاضي بس ما بيتش نرفضلك طلب عمتي ؛؛ ربي يهدي فكري في اعبالك يا ايه هيا يا صبايا رنن علي رجالتكن ماما ؛؛ بدري يافتحيه عمتي ؛؛ من عمرك خلاص بس ردي بالك منها نا ؛؛ مسكت في يد عمتي سامحيني يا عمتي عمتي ؛؛؛لا بنيتي ماني نزعلانه منك هذا قراركم ونا نحترمه ختي لو ماكنتش راضيه عليه بس نا انقوللكم وسعو بالكم اشويه نا ؛؛ نا و مراد تو اتفقنا رجاء ؛؛ شن اتفقتنا اميره ؛؛ رجاء خلاص الهام ؛؛ عمتي راه حاتم جاي صبنا عمتي والهام وهدي وغاده والبسن عبايتهن وطلعن وهلي كلهم منصدمين كانو متوقعين اني ح نمشي مع مراد والحق نا بروحي ح نمشي معه لولاه الكلام اللي سمعته يعني يهزيني ويضربني وايهني ويلزني وايخوني اخري واجد واجد هكي واجد في نهايه نا انسانه شن نبي انتحمل ولاه ما انتحمل الانسان عنده حدود للصبر ونا هذا حدي واعر يا حبيبي جرحك واعر يا عمري واعر خشيت تحت فوطتي ودرت روحي رقدت بيش ماحد يحكي معي لاني مليت والله مليت واللي فيا امكافني ايمان ؛؛ نجاح القيت في المربوع هذين نجاح ؛؛ خذت الكيس وفتحته ولقتها خاتم واسوره ليا وسلسله اصغيره ل نور خالتي فاطمه؛ ؛ من مراد هذين نا ؛؛ سمعت اسمه وموس خش في قلبي تميت نبكي اخري نجاح؛؛ شيرتلهم انهم يسكتو واسكتو نين كل حد روح في حاله بس نجاح اقعدت باتت علشاني وعلشان ماما اتحوس علينا رجاء خشت للدار وتمت تبكي منهاره رنت علي طارق طارق ؛؛ ايوه حبيبي رجاء ؛؛ وهي تبكي مراد يبي يطلق ايه خلاص طارق ؛؛ شن ما حكوش رجاء ؛؛ تي ضربها حتي في مستشفى قاعده ضربته امعلم في جسمها وامهزبها ليش ياطارق ليش هكي علشان ايشوف فيها عاديه وساكته وطيبه ادير فيها هكي ليش ايه اطيب وحده في دنيا ليش هكي قهرها وكبرها قبل وقتها طارق ؛؛ رجاء نحن شن قالنا مادخلنش رجاء ؛؛ علشان انت خوك مش اختك لو اختك راه نفسيتك تعبانه اتشوف اختك مكسورة خاطر و ح ادير اي حاجه بيش اتردلها الحق ليش هكي ياطارق طارق ؛؛ حبيبي نا بروحي ما نبيش طلقهم راه انشوف في خويا وعارفه ايحبها ومتعلق بها و ايه غاليه عليا ما نرضش انها تطلق لكن شن نبو انديرو لنا 7 شهور ونحن نحكو لا هي بات ولا هو با رجاء ؛؛ بس لو سمحت يا طارق نا نبي ندخل هالمره طارق ؛؛ شن تبي اديري رجاء ؛؛ اطمن مش ح اندير حاجه اتنزل راسك بس نبي ندخل اشويه طارق ؛؛ رجاء نسمع كلمه هكي ولاه هكي نهارك هذوم هلي واحترميهم كان مافيش نصيب بينتهم هم نا هلي مادخلهمش رجاء ؛؛ عارفه طارق ؛؛ امشي اقري ولاه ارقدي مش فاضي نا رجاء ؛؛ مع ان عارفتك تكذب عليا وانت تو فاضي بس ح نسكر لان عارفتك ماتبيش تحكي معي علشان ماتبيش مشاكل بينتنا طارق ؛؛ انك عارفه خلاص صكري رجاء ؛؛ سلام وصكرت رجاء وتمت تبكي وعزقت المنبه علي الساس وطلعت ولقت نجاح امفرشه وامرقده بيده وارحيمه جنبها رجاء ؛؛ وهي تبكي ومنهاره يعني هكي عاجبكم هكي عاجبكم نجاح ؛؛ اسسسس خلاص نا ؛؛ نسمع فيها بس ما ردتيش قعدت تحت الفوطه وساكته وكاتمه في روحي تقبلت وضعي وراضيه ومش راضيه لكن شن نبي اندير الله غالب عليا رجاء ؛؛ ليش هكي ليش هي ديمه تدفع في الثمن ليش نجاح ؛؛ صبتلها بسرعه وخذتها وشالتها للدار ياهبله هذا بدال ما تهوني عليها اتزيدي اخري رجاء ؛؛ اتعبت واجد اتعبت ليش هي ما عندهش حظ ليش مازالت اصغيره علي الطلاق ياريته حتي ما عندها اعيال ياريت نجاح ؛؛ والله ح يقعدولها سند هذوم وما تحس واحد هذوم اعيالها مستحيل يستغنو عنها رجاء ؛؛ به ليش ليش نجاح ؛؛ نصيبها رجاء؛؛ اها نصيبها تدفع ثمن اخطاء غيرها صاح نجاح ؛؛ ارجيوه شن تبني اندير الله غالب رجاء ؛؛ نجاح ايه اتحبه اتحبه ايه 7شهور وهي ليلتي اتعبي مخدتها ايه اتحبه اتموت فيه موت ليش هكي ليش تنجرح ياريته حتي شخصيتها قويه اللي تقهر ساكته وراضيه وخلاص ماتعرفش ادافع علي روحها ماتعرفش نجاح ؛؛ به نحن خواتها وهذا وقتنا انصبولها وانصبروها مش نقعدو نبكو وانوجوع فيها اخري ونبكو قدامها رجاء ؛؛ حسبي الله ونعم الوكيل نجاح ؛؛ رجاء اسنغفري ربي وارقدي وناصيحه ما تحكيش مع طارق الليله رجاء ؛؛ حاضر بيش ما نخربش علي روحي صاح صاح حاضر نجاح ؛؛ تصبحي علي خير وصبت ومشت لمكانها وخشت تحت الفوطه وتمت اتفكر في روحها وحست روحها ان هي السبب وتمت تبكي نا نبكي من الجرح ومن الارياف ومن الفراق ومن الحب اللي قهرني وماما تبكي بنتها حبيبتها اكبيدتها انكسر خطرها وح تطلق خلاص والله وجعتها ان ماعندهش حظ ونجاح تبكي وايناب فيها ضميرها من اتجاهي ورجاء تبكي علشان نا ماعنديش حز وندفع في غلط غيري كانت لليله طوييييييييييله معش اكملت بكل نا نوعي مره مره وانرضع في نور ونلقي نجاح واعيه واتراقب فيا وكانا عارفات اروحنا مش رقدات قاعدين نبكو بس ماحكينش لبعضنا وجاء الصبح ووعت رجاء رنت علي مراد طول مراد ؛؛ الو رجاء ؛؛ ……… يتبع الصفحات: 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33
