قلوب ارهقها العشق

الحلقه الرابعه
قلوب_ارهقها_العشقالمدير…… اقدر افهم ايه بيحصل هنا
…. الانسة الي شغالة عندك انسانة زبالة ومش محترمة جايبة واحد بلطجي يضربنا انا مش هتنازل عن حقي هي مش عارفه انا ابن مين
عمار……متحترم نفسك هتكون إبن مين يعني
المدير….. مرام روحي خدي باقي حسابك ومش عايز وشك هنا تاني واحنا اسفين يا فندم مرة تانية
نظر إليها والي تلك العبرات بعينيها شعر بمدي غبائه ف اقترب منها وامسك كفها قبل أن تغادر وفي يده الأخري هويته الشخصية
عمار……مهو مش هو بس الي ابن ناس مهمين فى البلد أنا عمار امجد نصار اظن غني عن التعريف وبالنسبة الآنسة الي سيادتك هناتها تبقى خطيبتي
كادت أن تتحدث فقاطعها هو حتى يتم الأمر كما خطط له
عمار……عاجبك كده يا ست هانم بقي خطيبتي أنا تشتغل في حتت مطعم وفي الاخر تترفد أنا هعرف اتصرف واجيبلك حقك بس اصبري
المدير…..هي تبقى خطيبتة حضرتك احنا اسفين يا فندم بس والله ما كنت أعرف اتمنى تقبل اعتذاري أنت والانسة مرام
الشاب…..هو ايه الي يقبل بقولك ده رفع ايده عليا
المدير….. اتفضل أطلع برة المطعم ولو قلت كلمه زيادة هنادي الامن
مرام……يا فندم ده واحد كذا
قاطعها قبل أن تفسد مخططه قائلا….. أنا عارف أنك مكنتيش حابة حد يعرفك هنا ومبتحبيش الوسطة في شغلك بس مقدرتش اشوفه بيضايقك واسكت
المدير…… أنا كلي اسف لحضرتك واتمني تقبل الاعتذار ده وأنتي يا انسة مرام لو تحبي تكملي شغلك معانا أكون شاكر ليكي
كادت ان تتحدث ولكن قاطعها للمرة الثانية…… اكيد طبعا أنا عارف ميرو مش بتحب تزعل حد
كانت تنظر اليه بغضب وتتمنت أن تفتك به على فعلته تلك
المدير…… خلاص هي باقي اليوم اجازة النهارده تقدري تروحي يا انسة مرام
عمار……طيب يا حبيبتي هستانكي برة لحد ما تغيري لابس الشغل ده
تركتهم وانصرفت الي غرفة الملابس تبدل ثيابها وهي تستمع إلي همسات الفتيات والاشادة بالاعجاب بوسامة عمار
خرجت الي الخارج وجدته واقفا يرتدي نظارته الشمسية وجالسا فوق سيارته وما أن رآها نزل مسرعا وتقدم إليها وكاد أن يتحدث ولكن لم تعطي له الفرصة لذلك بل اخرجت كل الغضب الكامن بداخلها في وجه
مرام……انت انسان زبالة ومعندكش دم وكذاب مين عطاك الحق تلمسني و تتدخل في حياتي أنا طلبت منك تدافع عني أنت مين أصلا علشان تسمح لنفسك تقول أني خطيبتك بجد مفيش وصف ليك عملت مشكلة من ولا شئ ودلوقتي طلعتني كذابة
عمار محاولا السيطرة على أعصابه……. ممكن تهدي شويه
مرام بحدة….. أنت ليك عين تتكلم كمان أنا مش عايزه اسمعلك صوت وياريت مشفش وشك تاني
عمار……. هو أنا الي غلطان كان لازم اخلي الولد يضربك قلم علشان لسانك ده يتعدل
مرام…… هو أنا طلبت منك تتدخل ولا تبعده عني بس لا كان لازم تعملي فيها المغوار المقاتل علشان تلفت نظر البنات والله اعلم لو كان ده أسمك أصلا
تركته وانصرفت ولم تعيره أي اهتمام فما كان منه إلا أن ابتسم فمن يراها الآن يظنها فتاة غير التي لفتت انتبه بالصباح حقا يريد معرفة كل شئ عنها ولن يستسلم حتى تكون بيده يحركها كما يشاء عزم أمره على تنفيذ مخططه و انصرف الي وجهته المقصودة
************************
في بناية مكونة من ست طوابق كانت ترتب مع الساكنة الجديدة اغراض المنزل
رهف….. هو حضرتك معاكي اولاد
ليلي….. اهااا معايا اربعة بنتين و ولدين بس حاليا اتجوزا مفيش الا ابني الصغير اسلام في اولي هندسة
رهف….. امال مش معاكي ليه
ليلي….. اصله بيخلص محاضراته ويشتغل في كافتريا مع اننا الحمدلله مبسوطين بس هو يحب يعمل قرشه بنفسه
رهف…… طيب كان المفروض واحدة من بناتك جات تساعدك علشان صحتك
ليلي…… بناتي هما فين بناتي دول يالا ربنا يحفظهم واناا الحمدلله يا بنتي كفاية عليا اسلام مش مخليني محتاجة حاجة حتى البيت بيساعدني فيه
رهف….. ربنا يحفظهولك يارب انا كده خلصنا هروح علشان اكمل مذاكرتي محتاجة مني اي حاجة
ليلي….. ربنا يحفظك يارب بس ياريت لم اختك تيجي اديني خبر علشان العقد لسه هنمضيه
رهف…….حاضر بس انا كنت فاكره اني اونكل ابرهيم عطاكي العقد
ليلي……. اهاااا بس قال لم مرام تكون موجودة افضل وبصراحة كتر خيره وقف معنا لحد ما جينا هنا
رهف…… انتي هتحبي المكان هنا والناس واهم حاجة هتحبيني كفاية عليكي انا
ليلي…. ربنا الي يعلم انتي دخلتي قلبي ازاي ربنا يحفظك لشبابك ويسعدك ويبعتلك ابن الحلال الي ينور طريقك وقلبك
رهف بحزن….. اعتقد عمر الدعوة دي ما هتتحقق ابدا بعد اذنك
حبست دموعها وانصرفت الي شقتها وبجرد ان دلفت الي الداخل انهارت دموعها ظلت تبكي الي ان سمعت صوت شقيقتها التي جائت منذ قليل مسحت دموعها وحاولت جاهدة ان تبدوا بخير حتى لا تحمل شقيقتها فوق طاقتها
مرام….. رهف انا جيت انتي فين يا بت
خرجت من غرفتها متجه الي شيقتها التي القت بجسدها على الاريكة من شدة الارهاق
رهف…… انا هنا اهو انتي الي جايه بدري ليه
مرام……. عادي يا قلبي المدير عطاني اذن المهم اخدتي العلاج
رهف…….هو ده حاجة تتنسي ده بقي جزء لا يتجزأ من حياتي بقي شبه المياة من غيره اموت
شعرت بنبرة الحزن في صوت شقيقتها في نهضت من مجلسها واقتربت منها
مرام…. مالك يا رهف حد ضايقك او زعلك
رهف….. لا يا حبيبتي بس انا تعبت من العلاج بجد
مرام…… بتكدبي عليا ده انا اكتر واحدة عارفكي
رهف……. انتي امي يا مرام مقدرش اكدب عليكي انتي احسن اخت في العالم كله انا بستمد قوتي منك انتي
مرام …..ده انا الي بستمد قوتي منك انا من غيرك ولا حاجه اوعديني تاخدي العلاج دايما يارهف مش عايزه اكون لواحدي في يوم الايام
رهف…… حاضر بس يالا علشان انا هموت من الجوع خلاص
مرام…… دقيقة يا عسل انت اغير هدومي واجي اجهز الاكل وانتي كملي مذاكره ماشي
رهف….. اشطا
اعدت الغداء لها هي وشقيقتها وجلسوا يتناولون وكل واحدة تحكي كيف كان يومها
**************
في شقة ليلي
اعدت العشاء من اجل ابنها الذي تنتظر عودته من عمله الذي ما ان دلف من باب الشقة شعرت بانه ينير منزلها بابتسامته التي تظهر تلك الغمازة الجانبية بوجهه وتجعله اكثر وسامة
اسلام…… يا لولو انتي فين يا حب
ليلي بابتسامة صافية……. انا هنا يا قلب لولو تعال انت فتحت الباب ازاي
اسلام….. عيب عليكي الكلام ده يا لولو ده انا اسلام اخدته من الحاج ابراهيم لم جيت نتفق مع الانسة مرام بس اش اش اش ايه الترتيب ده مين رتب البيت كده اكيد مش حد من اخواتي دول معفنينن ميفهموش في الديكور
ليلى……. والله يا ابني ده ترتيب رهف اخت مرام بس ايه بنوتة زي العسل وهادية وفي نفس الوقت مرحة كوكتيل كده مخلوط
اسلام……. شكل في عدو جديد ناوي ياخد مكان في قلبك ياست الكل وانا لازم اخد حظري كويس جدا
يالا هروح اغير وارجع ناكل مع بعض
ابدل ملابسه وعاد الي والدته التي ظلت تتحدث عن رهف وماذا فعلت طول اليوم
*************************
في صباح يوما جديد
اعدت الافطار وايقظت شقيقتها حتى تذهب الي المدرسة وهي تذهب الي جامعتها انهت افطارها وغادرت وتركت شقيقتها ترتدي ملابسها من اجل المدرسة
اما هي انطلقت الي الجامعة واحضرت جميع المحاضرات التي لم تحضرها وغادرت الي مكان عمالها وفي نفسها عزمت ان تخبر مديرها بالعمل انها ليست مخطوبة لهذا المعتوه وبمجرد ان دلفت الي المطعم كانت انظار الجميع معلقة بها لم تهتم وذهبت الي مكتب المدير بعدما اعطها الاذن بالدخول
مرام….. صباح الخير يا فندم
المدير…… اهلا يا مرام بنت حلال كنت لسه هبعتلك
مرام……. ليه خير
المدير……. للاسف انتي اتفصلتي من شغلك هنا

باك

فاقت من شرودها حين وجدت نفسها امام منزلها تنهدت بخوف وقلق وهي لا تعلم ماذا تفعل صعدت الدرج الي ان وصلت الي باب الشقة قامت بفتحه وهي مترددة خائفة
أغلقت باب الشقه وهي تتجول بعينيها باحثة عن زوجة عمها إلي أن وقع عينها عليها وهي جالسه بالصالون تنهدت بتوتر ولا تعرف ماذا تخبرها فهل ستصدقها ازداد توترها حين نهضة من مكانها واقتربت منها
سميرة…..كنتي فين
مرام بتوتر….. في الشركة
ما ان أنهت جملتها حتى وجدت صفعة قوية نزلت على وجهها و اوقعتها أرضا على اثرها
سميرة…… وكمان بتكدبي كنتي فين انطقي وحدة بتتسرمح في بيوت الناس والتانية الله اعلم كانت فين ومع مين
انحت لمستوها وجذبتها من شعرها بقوة ….كنتي فين انطقي كنتي مع مين
مرام ببكاء وألم……. والله العظيم كنت في الشركة وخلصت شغل وجيت والله العظيم مش بكذب عليكي صدقيني
سميرة……انتي فاكره اني ممكن اصدقك ده إنتي مياة من تحت تبن يا عقربة عامله فيها المسكينة والبريئة اش حال أما كان كل مصايبك على يدي مش كفايه الي عملتيه زمان ده انا هدفعك تمنه غالي اوي عارفه أنا جابتك هنا ليه علشان تكوني تحت عيني واقدر انتقم منك كويس
مرام…….مكنش ليا ذنب فيه والله العظيم ما كنت اعرف حاجه عن الموضوع ده ليه مصممه تعاقبيني على ذنب مش ذنبي
سميرة…..مش ذنبك امال ذنب مين هاااااا انطقي ويا ريتك اتهديتي لا ده انتي مكملة في وساختك وماشية في البطال كل يوم مع واحد شكل لحد ما شوهتي سمعتنا بين الناس
مرام…….يا طنط أبوس ايدك ارحميني أنا والله العظيم عمري ما غلطت
سميرة…… قالوا للحرامي احلف
تقومي دلوقتي تدخلي المطبخ وتنضفيه وبعدين البيت كله فاهمه
مرام…….فاهمة
تركتها تبكي بحرقه وتضم ساقيها إلي صدرها وهي لأ تعلم لم هي دون الناس يحدث لها كل هذا نهضت وهي مرهقة ولا تقدر حتى على الوقوف ثم ابدلت ملابسها ودلفت الي المطبخ وانهت على ترتيبه وقبل الخروج منه وجدت سميرة تطلب منها فنجان من القهوة اعدته لها وذهبت حتى تقدمه وبينما تعطيها ايه سكبت فنجان القهوه الساخن فوق يدها لتصرخ هي من شدة سخونته وانسابت الدموع من عينيها من شدة الألم خرجت مسرعة حتى تغسلها بالماء البارد ولكن لم تجد مياه فعلمت بأنها فعلتها عن قصد هي أرادت أن تحرق لها يدها نظرت إلى أثر الحرق الذي بدأ عليه علامات الاحمرار والألم الذي تشعر به لا يوصف فجلست تبكي وتدعوا الله أن ينهي هذه الأيام قريبا ظلت تبكي حتي غطت في سبات عميق
*******************

انقضي عليها الليل بين كوابيس مفزعة ليلة ثقيلة لا تنقضي
دخلت اشاعة الشمس المكان كله بينها هي ترتدي ملابسها وهي شاردة بهذا الحرق الموجود بيدها يولمها كثيرا ولكن ماذا تفعل فقد احترق كف يدها اليسار كاملا تنهدت بحزن واكملت ملابسها وغادرت هذه الشقة التي اصبحت مثل السجن بالنسبة لها
وصلت إلى الشركة وهي تنتظر عقاب اخر جديد
دلفت الي مكتبها وهي تستقبل يوما جديد ب اهانة جديدة لا تعلم ماذا تفعل كيف تخرج من بركان غضبه انتشلها من شرودها صوت نڤين التي لم تشعر بدخولها
نڤين…… انتي يا اختي عقلك راح فين نفسي افهم
مرام….. مفيش تعبانة شوية بس
نظرت الي هيئاتها ملامحها المرهقة وعينيها المتورمة من اثر البكاء و وجها الشاحب
هتفت بقلق….. انتي مالك كده ايه تاعبك رهف كويسة
مرام…… اهاااا اطمني بس انا اخدت دور برد جامد شوية
نڤين…… مش مصدقاكي انتي مخبية عني حاجة
شخص ما…… عايزها تقولك انها فضلت في الشركة لحد الساعة عشرة ونص وكمان في اتنين صايعين اتهجموا عليها وكانوا هيخطفوها لولا ستر ربنا
التفتت نڤين الي معتز الواقف خلفها وعلامات الغضب تملئ كل ملامحه
نڤين بخوف…..يانهار أسود حصل ازاي وأنتي ليه تفضلي في الشركة أصلا
معتز …… علشان غبية ومبتعرفش تتصرف
نڤين …..مرام اتكلمي ساكتة ليه
مرام……لو سمحتي يا نڤين أنا حالياً مش قادره اتكلم
نڤين……بس أنا محتاجه أفهم
معتز مقاطعا……روحي على مكتبك يا نڤين وانا هحصلك
نڤين….. حاضر تحت امرك
غادرت نڤين بينما هو ظل واقفا يتابع ملامحها المراهقة
معتز….هتفضلي كده لحد امتي جبانه وبتهربي هتفضلي تتحملي الوجع كده وتتحملي فوق طاقتك
مرام……مش عارفه بس أنا خلاص اتعودت على الوجع
فرت دمعة من عينيها وهي تتذكر ما فعلته معها سميره بالأمس وهي تنظر الي الحرق الذي بيدها انتبه إلي ما تنظر اليه ليردف بخوف وقلق…….من ايه الحرق ده
حاولت أن تخفي يدها ولكن جذب يدها وهو ينظر إليها بحزن متسائلا……من ايه ده
مرام بكذب……دي القهوة وقعت عليا
معتز……تعالي معايا ايدك محتاجه دكتور الحرق كبير ولازم يتعقم
مرام…….مفيش داعي
كان يتابع حديثهما هو قمة غضبه الي تحدث ساخرا
عمار…..هي فقرة العشاق دي هتستمر كده كتير
سحبت يدها ونظرت اليه بتوتر وهي ترجوا معتز بنظرتها إلا يتحدث معه
معتز……. على ما اعتقد ده شئ ميخصكش
عمار……لم تكون واقف مع سكرتيرة مكتبي وحد من العملاء يشوفكم بالوضع ده واقتها أنا الي هبقي في الصورة وبعدين لم تحب تتكلم يبقي خدها برة واتكلموا الوضع مش جديد عليكم انتوا الاتنين
معتز بنبرة محذرة…….. أنا ساكت بس علشان مش عايزا أعمل شوشرة لكن اقسم بالله المرة الجاية هتشوف تصرف تاني
عمار…..اعلي ما في خيلك اركبه وانتي اول ما تخلصي المسخرة دي ابقي حصليني على مكتبي
تركهم وانصرف الي مكتبه بين نظرات الغضب التي يسلطها عليه معتز
معتز……عاجبك الاهانة دي دافعي عن نفسك مرة بلاش دور الضحية الي بقيتي عايشة فيه ده فوقي قبل ما تخسري نفسك وكل الي حواليكي انتي كده هتكوني السبب في دمار نفسك و دماره
تنهدت بحزن قائلة……ياريت اقدر اصلح كل الي حصل زمان بس للاسف مفيش حاجه بتنكسر ممكن تتصلح وأنا خلاص خسرت عمار من زمان
معتز…… على الأقل متخسريش الي حواليكي بعد اذنك
تركها وانصرف وهي مازالت شاردة في هذا الوضع

**********************
في سيناء
تم تسليم كل اوراقه هو وزملائه وهو في قمة سعادته ثم اتجه بعدها الي الكتيبة وانضم إلى زملائه فقد جاء بيان لهم بالهجوم على مجموعة من العناصر التكفيرية
التي تم الإبلاغ عنهم عن طريق أحد سكان المنطقة
كان يدافع بكل قوته مع زملائه والرصاص من كل الاتجاهات حتي استطاعوا التخفي منهم
اسلام…… أمن الخروج يا حازم وأنت يا نادر خليك مع مينا وياسين هنا مفيش حد يضرب نار خليهم يفكروا اننا انسحابنا وبعدين اول ما يخرجوا ونكتشف عددهم نهجم تاني بالرصاص وأنا هكلم العقيد محمد يبعتلنا دعم لحد ما نخلص عليهم وأنا وياسر وحسام وجرجس هنلف من الاتجاه التاني بحيث اننا نحاصرهم في النص
حازم….. خلي بالك من نفسك يا صاحبي
اسلام…….متخافش عليا أن شاء الله ربنا هينصرنا عليهم
جرجس….. اسلام لو حصلي حاجه اهلي أمانة في رقبتك
اسلام…… ربنا يا ستر علينا كلنا محدش عارف ايه هيحصل ياسر…… أنا مش هقدر بصراحة خايف
اسلام……ولم انت خايف ايه جابك الجيش مقعدتش في البيت زي الحريم ليه
ياسر…..محدش بيرمي نفسه على الموت يا اسلام احنا لو موتنا اهالينا مين هيخلي باله منهم انت اهو لو حصلك حاجه مين هيهتم بوالدتك ولا خطيبتك
اسلام…… ربنا مبينساش حد و لكل اجل كتاب كفايه اني اموت رجل أما النصر أو الشهادة ولو خايف يبقى خليك هنا ياسر……. بس احنا عددنا قليل جدا
اسلام……بس احنا على حق وهما باطل وأكيد ربنا هينصرنا عليهم والي خايف ميجيش أنا هروح لواحدي
جرجس…… احنا كلنا مع بعض وأنا معاك يا اسلام مش هسيبك
ياسر…… يعني أنا الي هطلع جبان في الآخر خدوني معاكم وخلاص بس عارف لو حصلي حاجه او رصاصة جات فيا وقتها مش هرحمك يا اسلام هنفخك
ضحك الجميع على مزاح ياسر وهم يعلمون أنه يداري خوفه
اسلام …..ولم انت هتضرب بالنار تقدر تقولي هتنفخني ازاي
ياسر……اهو أي كوسة في اي بتنجان وخلاص يالا قبل ما ارجع في كلامي واعمل عيل
انطلاق اسلام هو وزملاؤه الى الاتجاه الآخر وانتظر حتى هداء إطلاق الرصاص وبدأ بعض العناصر بالخروج يستكشفون المكان ف صاح أحدهما يعلمهم ب انسحاب العسكر خرجوا جميعا إلي الساحة يحتفلون بنصرهم لا يعلمون انهم وقعوا في شر أعمالهم
اسلام…… كده تمام اوي جرجس ادي إشارة لحازم يبدأ بالهجوم
وبالفعل تم الهجوم على هولاء المجوعة التكفيرية وسط طلاقات الرصاص المتبادلة بينهما
جرجس…..امن الخروج يا حسام أحسن حد يهجم علينا
لم يكمل كلمته بسبب تلك الرصاصة التي اخترقت أحشائه ليقع على الأرض وسط نظرات الذهول والدهشة من أصدقائه رفع اسلام سلاحه وإطلاق الرصاص في اتجاه الرجل الذي أصاب صديقه هرول اليه وحاول رفع رأسه على قدمه
اسلام…… جرجس أنت سامعني
جاهد على إخراج صوته بدون ألم حتى لأ يقلقهم عليه
جرجس…… أنا كويس متخافش عليا قوم أنت مترحمش منهم حد
حسام…… اسلام احنا آمنا الإتجاه ده وحازم أمن الاتجاه التاني خلصنا عليهم
اسلام…..امنوا الخروج وأنا هشيل جرجس وأخرج بيه للساحة علشان الدعم والاسعاف هيوصلوا دلوقتي
تم تأمين الخروج وحاول حمل صديقه الذي لم يعد يتحمل الألم
جرجس……اخرج أنت يا اسلام وسابني أنا خلاص عرفت نهايتي
اسلام…..حد قالك أني بهرب من الموت اسكت انت علشان الجرح ميتعبكش
*********************
دلفت إلي مكتبه بعدما سمح لها بالدخول وجدته يجلس أمام الحاسوب الشخصي وعلامات الغضب سيطرت على جميع ملامحه
مرام…… تحت أمر حضرتك يا بشمهندس
أشار إليها بيده حتى تقترب من مكتبه ترددت للحظات ولكن أقترب تجنبا لغضبه
عمار…… احنا عندنا صفقة جديدة وأنا دراستها كلها محتاج منك تحددي الميزانية المالية لها
مرام……. أكيد يا بشمهندس فين الملف وأنا أعمل عليها الدراسة المطلوبة
عمار…… هي حالياً لسه على اللاب توب بتاعي تقدري تقربي وتشوفيها
شعرت بالتوتر فكيف تقترب منه وجدته يشير إليها بالاقتراب عزمت أمرها وتقدمت حتى أصبحت بجواره حاولت النظر إلي الحاسوب ولكن كان بعيدا بعض الشئ ف انحنت قليلا حتى شعرت بصدي أنفاسه التي أشعلت نيران التوتر والخجل بداخلها مما جعل قلبها يخفق بشدة حتى شكت بأنه يستمع صوت تلك النبضات
بالنسبه له لم يكن يشغله الا قربها الذي جعله مغيب شعرها المتطاير على إثر الهواء وتلك الخصلات العشوائية المنثورة على وجها جعلتها في قمة الجمال رغم التعب والارهاق الظاهر عليها نفض تلك الأفكار حين وقع بصره على ذاك الحرق بيدها متذكرنا كيف كان معتز ممسك بيدها لم يكن منه إلا أن حمل هاتفه ودفعه بقوة فوق يدها لتخرج منها صرخة آلم
عمار……سوري وجعتك
حاولت اخفاء الألم الذي شعرت به وتحدثت بنبرة مصطنعة…..عادي ولا يهمك حصل خير

هدوئها أغضبه فلم يكن منه إلا أنه امسك كفها وضغط عليه بشدة حتي انغرست أصابعه في يدها اعتلي الألم وظهر على ثائر ملامحها وهي تحاول كتم دموعها
عمار……طيب كده بتوجعك صح
ضغط اكثر حتى يؤلمها وترجوه أن يتركها ولكن هي مازالت متحملة الألم الذي تشعر به وتحدثت جاهدة أن تخفي معالم الوجع بداخلها قائلة…..لو سمحت سيب ايدي
عمار…… بتوجعك صح قولي بتوجعك
مرام……. أرجوك كفايه كده
عمار وهو مازال يضغط ولم يشعر بالسائل المتدفق من يدها متجاهل كل شيء……. عارفه قد إيه بتوجع بس ده ميجيش نقطة في بحر الوجع الي جوايا والي حسيت بيه
مرام بألم…… أرجوك سيب ايدي
عمار……لم تصرخي من الألم لم احس فعلا انك اتوجعتي
هنا فقط رأت كل معالم الانكسار التي يخفيه بداخله حتى أنها نسيت جرحها وهي تتألم من أجله عينيه التي اختفي بريقها وذلك الحزن الساكن في أوصال قلبه يؤلمها هي فتحدثت قائلة……لا مش موجوعة
تلك الكلمة أثارت غضبه جعلته يضغط بشدة وهو ينظر بعينيها التي ارتسم عليها معالم الألم التي تخفيها بداخلها هنا فقط شعر بالنصر لأنه اذاقها الوجع ترك يدها وجلس على مكتبه مرة أخرى قائلا……اطلعي برة
نظرت إليه للمرة الأخيرة قبل أن تخرج الي مكتبها فلم يستطيع تفسير نظرتها اغمض عينيه وتنهد بحزن وهو يسند رأسه بين يديه ولكن حين وقع بصره على يده الملطخة بالدماء انتفض من مجلسه وهو ينظر إلي تلك الدماء على الأرض هرول الى الخارج حتى يطمئن عليها وجدها جالسه على مكتبها وضعة ورأسها بين يديها

يا تري المدير فصل مرام ليه
واسلام هيحصله ايه هو زملائه
ياسو