قلوب ارهقها العشق

قلوب_ارهقها_العشق
بقلم_ياسمين_رجب
الحلقة الخامسة
اغمض عينيه وتنهد بحزن وهو يسند رأسه بين يديه ولكن حين وقع بصره على يده الملطخة بالدماء انتفض من مجلسه وهو ينظر إلي تلك الدماء على الأرض هرول الى الخارج حتى يطمئن عليها وجدها جالسه على مكتبها وضعة رأسها بين يديها وشبه نائمة ولا يظهر من من ملامحها شيء أقترب منها وهمس باسمها علها تجيبه ولكن كما هي رفع صوته نسبيا فقد تكون غفت مكانها ف اقترب منها بحظر وضعا يده على رأسها يحركها بعض الشئ و لكن وجدها غائبة عن الوعي احكم قبضته عليها والخوف متملك من اوصال قلبه حين وقع بصره على هيئة يدها وتلك الدماء التي لطخت ثيابها واسفل المكتب لم يكن امامه شئ إلا خيار واحد وفجأة دون واعيا منه حملها الي خارج الشركة متجه بها إلي المشفي وسط همسات الموظفين و وعلامات الذهول والتعجب مما يحدث وضعها بسيارته وصعد هو الآخر لينطلق بسرعة البرق كان يسوق بلا هدي لم يتحكم باعصابه كلما نظر إليها وهي مغيبة هكذا واخيرا وصل الي المشفي ونزل منها مسرعا وأخرجها من سيارته وهو يحملها بين يديه متجه بها إلي الداخل وهو يصيح في وجه الجميع بحدة وغضب…….فين الدكتور بسرعة حد ينادي للدكتور
احدي الممرضات جائت ومعها ترلة المرضى و وضعوها عليها
أحد الأطباء….عمار بيه خير يا فندم
عمار……اجمعلي كل الدكاترة هنا دي نزفت دم كتير
نظر الطبيب الي يدها التي تشوهت بالكامل وحاول استكشاف الوضع
الدكتور……دي محتاجه تدخل العمليات حالا للأسف ايدها مدمرة نهائي الحرق كان من الطبق التانية و كان سهل علاجه إنما دلوقتي صعب جدآ لان محتاجه تدخل جراحي فيها في شرايين اتأذت
عمار بغضب هادر…….وانت مستني ايه شوف شغلك بس اياك يحصلها حاجه فاهم
الطبيب بخوف……فاهم بعد اذنك
غادر الطبيب تاركا خلفه بركان من الخوف والقلق مشتعل بداخله
*********************,
في سيناء
حمل صديقه فوق ظهره وسار به الي الساحة حيث سيارة الإسعاف والدعم الذي وصل في الواقت المناسب
العقيد محمد……..في حد تاني اتصاب
اسلام…….مفيش غير جرجس
العقيد……كويس يالا جمع فريقك وارجع الكتيبة
اسلام……تمام يا فندم
حازم……… هو ياسر فين
الجمتهم الصدمة جميعاً حينها علموا باختفاء صديقهم
حسام……. وأنا خارج قال إنه هيامن لنا الخروج
اسلام…….ليكون اتصاب
انطلقوا جميعاً باحثين عنه في كل مكان استمعوا صوت انين أحد تقدموا في اتجاه الصوت إلي أن وصلوا إلي صديقهم الغارق في دمائه بسبب عدت طعنات متفرقة في جسده كان يتنفس بصعوبة وهو مازال يجاهد على البقاء على قيد الحياة جسي كل أصدقاءه بجواره ف انسابت بعض العبرات من عينيه وهو يجاهد في أخرج صوته
ياسر……كنت حاسس أنها نهايتي
اسلام بحزن…… أرجوك يا ياسر خليك ساكت علشان الجرح
ياسر……خلي بالك من أهلي يا اسلام هما امانة في رقبتك
اسلام…….هشششش اسكت والله هترجع لأهلك أن شالله وتكون زي القرد وبعدين انت قلت لو حصلك حاجه هتنفخني
ياسر……. مفيش نصيب ليا أني أخرج من الجيش كنت حاسس اني هموت هنا
اسلام……..ههششششش والله العظيم هتروح المستشفى انت ايه الي اخرك كده واختفيت
ياسر…….كان في واتنين منهم لسه عايشن هجموا عليا وكانوا بيرقبوا المكان بس أنا قدرت اصيبهم اهاااااااااااا بموت يا اسلام
اسلام……..شوف العقيد محمد فين خليه يبعتلنا إسعاف
انهي كلمته ونظر إلى صديقه الذي أطلق الشهاده لتصعد روحه الي خالقها تاركا خلفه كل أحبته
اسلام……. ياسر قوم ياسر متحملنيش ذنبك الله يخليك قوم
حازم…… اسلام اهدي خلاص ربنا يرحمه
اسلام……. أنا السبب في الي حصله مكنش لازم إضغط عليه
مينا….. اسلام ده أمر الله مفيش منه هروب وهو استشهاد
اسلام…… عمري ما هسامح نفسي
فرت دمعة من عينيه على صديقه الذي توفي بين يديه ليس الاول الذي يموت غدرا ف سيناء ارتوت بدماء الكثير وصلت الاسعاف مره اخرى ولكن حملت جسد شهيد جديد شاب في مقتبل العمر طعن على يد ذئاب بشرية لأ تعرف دين ولا وطن
////////////////////////////////////////////////////////////////
في الشركة كان الجميع يتحدث في ما حدث قبل قليل
احدي الموظفين…..هي مرام لحقت توقع المدير الجديد فعلا بنات عديمة الحياء شايفه الي حصل ياهالة
هالة……. اهاااا يا أختي شفت هي نفضت لمعتز وشافت الاغني منه البت حظها من السماء حصرة عليا ما في كلب بلدي معبرني
نورهان…… هي من يوم ما جات الشركة والزهر لعب معاها الأول كان أستاذ حسين شايفها أكفاء الموظفين ومستر معتز بيدفع عنها كأنه الحارس بتعها
اقترب منهم عامل البوفيه بعدما سمع حديثهما وتحدث قائلا……. هو انتوا هتفضلوا كده جايبين في سيرة البنت بالباطل كده حرام عليكم كلنا عارفين الأستاذة مرام وعارفين اخلاقها كويس وهي بم يرضى الله مفيش غبار عليها بلاش الحقد ده
هالة…….حقد ايه يارجل يامجنون انت هي البت عملت لك انت كمان سحر
عامل البوفيه…… ربنا يهديكم متحكميش على حد من غير ما تعرفي ظروفه محدش عارف هي ايه مشاكلها
تركهم وانصرف وهما مازالوا يتحدثون
وصل الأمر إلى مكتب نڤين فلم تعرف كيف تتصرف لم يكن منها إلا أنها تخبر مديرها بالوضع دلفت إلي مكتبه بعدما سمح لها بالدخول
معتز….. تعالي يا نڤين في حاجه
نڤين…… في مصيبة
معتز…….. مصيبة إيه
نڤين ….. مستر عمار خرج من شويه وكان شايل مرام وهي مغمي عليها وايدها بتنزف
هبا واقفا وهتف بغضب…… إنتي بتقولي ايه متأكدة من كلامك ده
نڤين ….. الشركة كلها بتتكلم عن الموضوع ده
معتز…… حصل امتي الكلام ده
نڤين ……من نص ساعه أنا عايزة اطمن عليها ارجوك
معتز… هاتي حاجتك وتعالي معايا انا عارف هو هيروح على فين
خرج من مكتبه مسرعا وتلحق به نڤين هي الاخري بعدما احضرت حقيبة مرام واغراضها اتجه مباشر الي المشفى وهو في اعلي درجة من الغضب

انقضي نصف ساعة وهو مازال ينتظرها بالخارج الي ان خرج الطبيب هرول اليه مسرعا حتى يطمئن عليها
عمار….. هي عاملة ايه دلوقتى
الطبيب…… الحمدلله دكتور التجميل قدر يحل الوضع بس انا شايف انها محتاجة راحة واهتمام بصحتها شوية لان جسمها ضعيف جداا وكمان الاكل تقريبا مش متظبط
عمار….. اقدر اشوفها
الطبيب….. هي هتتنقل اوضة عادية وتقدر تشوفها بعدين

عمار قالها مدير المشفي الذي جاء مسرعا حينما علم بقدومه الي المشفي
عمار…..اونكل كامل اخبار حضرتك
كامل….. بخير الحمدلله أنت عامل ايه
عمار…….ماشي الحال
كامل…… إيه الي حصل سمعت أنك معاك بنت وتقريبا دخلت العمليات
عمار……اهااا دي السكرتيرة بتاع مكتبي
تعالي يا سلمي قالها كامل وهو يشير إلى ابنة أخيه القادمة من خارج المشفي
سلمي….. مساء الخير
عمار…… مساء النور
كامل……. أعرفك يا عمار دكتوره سلمي بنت اخويا وبتساعدني في إدارة المستشفى
عمار…..تشرفت بيكي يا دكتوره
كامل…..وده يا ستي عمار أمجد نصار مساهم معنا في المستشفى وزي ابني بالظبط
سلمي أهلا بحضرتك
دقائق وخرجت مرام من العمليات فكانت صدمة سلمي حينما وقع بصرها على هيئتها وهي فوق ترلة المرضى
سلمي……مش دي مرام يا اونكل كامل
فعلاً هي قالها كامل وهو ينظر إليها هو الآخر
عمار….. هو انتو تعرفوها
سلمي…… طبعا مرام بتيجي هنا علشان مقدمه علي عملية اختها بصراحه إنسانة محترمة جدآ
كامل…… والله معاكي حق البنت فعلاً تستاهل كل خير أنت عارف يا عمار أننا عاملين جزء خيري للناس الغلابة وطلبت منها ترشح اسم اختها يمكن تعمل العملية على حساب المستشفى والتبرعات رفضت وقالت مستحيل تاخد مكان حد من الناس الغلابة وهي هدبر الفلوس واهي كملت فلوس العملية في انتظار الدكتورة تنزل مصر علشان العملية
عمار……. أنا هروح أشوفها واطمن عليها بعد اذنك تركهم وانصرف وفي نفسه مشوش لا يعرف شئ هو حتى هذه اللحظة لأ يصدق أنها يمكن أن تكذب عينيها يوجد بهما سر يريد معرفته مازال في قلبه حنين إليها دلف الي غرفتها وجدها مسطحة على الفراش مازالت غائبة عن الوعي جلس بجوارها وهو يتفحص ملامحها الهادئة التي مازالت جميلة رغم الارهاق الظاهر عليها تغيرت تعبير وجهها من الهادئة إلي الخوف والرعب الظاهر عليها انكماش جسدها لا يعرف ماذا يحدث معها ربما تري كابوس مزعج يقتحم أحلامها حاول أن يطمئنها بوجوده بجوارها ف همس بجانب آذنها يطمئنها
عمار…… مرام انتي كويسة
ملامحها مازالت تنقبض وتتململ في الفراش بشكل عشوائي دموعها التي تنساب من عينيها جعلت قلبه يعتصر أمسك كفها وحاول الصعود بجوارها وهو يحتويها بين أحضانه بل يدخلها في قلبه ارتخت ملامحها وهي تتمتم ببعض الشئ الذي لم يستطيع تفسيره وهو أنها لم تفعل شيئا حتى تعاقب هكذا هي تناجي الله بالدعاء من أجل أن يريح قلبها وبمجرد أن ارتخت ملامحها و هدأت بعض الشئ شرد هو في الماضي
فلاش باك……….

المدير……. للأسف يا مرام انتي اتفصلتي من شغلك معانا هنا
مرام……ليه يا فندم أنا عملت ايه
المدير….. متزعليش إنتي مش هتكوني معانا في المطعم بس في شغل احسن ليكي
مرام بعدم فهم…… مش فاهمه تقصد ايه
المدير….. يعني جبتلك شغل في شركة هتكوني سكرتيرة
مرام…… سكرتيرة ازاي حضرتك عارف أني لسه في أولي جامعة مش هعرف في شغل السكرتاريه
المدير……. أنا عارف انك ممتازة وتقدري تشتغلي في اي مجال وبعدين إنتي هتكوني مسئولة عن جدول المواعيد وتنظمي له الوقت وكام حاجه هتعمليها على الكمبيوتر
مرام……. أنا كنت حابه شغلي هنا بس ربنا يسهل طيب هما محتاجين أوراق ايه علشان السي ڤي
المدير…….لا اطمني المهندس الي انتي هتشتغلي معاه عنده خبر بكل حاجه وهو ظبطلك الورق بنفسه والشغل هيبداء النهارده
مرام…….تمام بس فين عنوان الشركه وايه اسم المدير
المدير……. هي تبقى شركة نصار الي جنب المطعم هتروحي تقابلي سكرتيرة رئيس مجلس الاداره أستاذة شيرين هي عندها علم بالموضوع كله
مرام…… حاضر أنا كنت جاية اتكلم مع حضرتك في موضوع
المدير…..اكيد اتفضلي
مرام بتوتر……. الشاب الي قال امبارح انه خطيببي
المدير……ماله
مرام…… أنا معرفوش و اول مره اشوفه امبارح والله يا فندم أنا مكنش قصدي اكذب عليك بس وقتها سكت علشان ميحصلش مشاكل
المدير……طيب مخفتيش لم اعرف ارفدك
مرام…….. بصراحه خفت بس الي بيكذب مرة مجبور يكذب 100مرة علشان يخبي الكدبة الاولى وأنا مبحبش الكذب حتى لو كان على حساب نفسي
المدير…… ربنا يحميكي يا مرام انتي بنت ممتازة وتختلفي عن الكل
مرام……. مرسي يا فندم بعد إذن حضرتك
خرجت وهي في قمة سعادتها فقد ازاحت حمل ثقيل من على قلبها عزمت أمرها على الذهاب الى شركة نصار لا تعلم لم هذه الرهبة المسيطرة عليها ولكن لن تخضع لخوفها
////////////////////////////////////////////////////////////////
في ڤيلا امجد نصار
انهي ارتداء ملابسه وهو ينظر لنفسه نظرات اعجاب ثم غادر غرفته متجه الى الاسفل وجد والده جالس على مائدة الطعام يتناول فطوره
عمار….. صباح الخير يا بابا
امجد بتعجب….. صباح النور إيه رايح فين كده غريبه انك تقوم بدري وكمان من غير ما حد يطلب منك تقوم
عمار…….لا ما أنا خلاص من النهارده هكون كل يوم كده وهكون معاك في الشركة وهبداء اروح الجامعه كمان
امجد…….. متأكد من كلامك ده
عمار…..طبعا
تابع افطاره بين نظرت والده المتعجبة نهض بعدما اتم إنهاء افطاره متجه الى الشركة هو و والده

دلفت إلي الشركة متجه الى مكتب سكرتيرة رئيس مجلس الاداره فكانت فتاة في العقد الثالث من العمر جميلة بعض الشئ
مرام…… صباح الخير أستاذة شيرين
شرين….. صباح النور اقدر اساعدك في حاجه
مرام……. أنا مرام سالم الاسيوطي الموظفة الجديدة
شرين…… أهلا يا مرام اتفضلي معايا اعرفك مكتبك فين بس في سؤال ممكن أسألك
مرام…… اتفضلي أكيد
شرين……انتي لسه اولي جامعة تقريبا ليه تشتغلي من دلوقتي
مرام…… قضاء وقدر
شرين….. إنتي بتعرفي لغات
مرام……اهااا معايا ثلاثة لغات ومتمكنة منهم جدااا
شرين……طيب ده مكتبك بس اهم حاجه محدش يعرف أنك لسه طالبه لان الموضوع ده ممكن تحصل فيه كارثة
مرام……ازي أنا في أيام بروح فيها الجامعة وبالتالي مش هكون موجوده باستمرار
شرين…..لا متقلقيش دي سهلة جدااا لان البشمهندس كمان لسه بيدرس وده هنحلها مع بعض اهم حاجه تخليكي في مكتبك هنا تمام
مرام…..تمام هو فين المدير
شرين…… اكيد على وصول
غادرت شرين واتجهت إلى مكتبها تكمل عملها إلي أن اتي امجد وعمار
شرين….. صباح الخير يا امجد بيه
امجد….. صباح النور يا شرين كلمي المحامي وخليه يجيلي على مكتبي حالا
شرين…… تحت امرك يا فندم
عمار…..هاااااا يا شرين عملتي ايه
شرين….. تمام يا بشمهندس هي جات وعلى مكتبها الجديد ونبهت عليها زي ما حضرتك امرت
عمار…… تمام اوي يالا سلام بقي
اتجه إلى مكتبها وجدها ممسكة ب أحد الكتب وهي مندمجة لا تعرف بمن يراقبها من بعيد
حلو الكتاب ده وليم شكسبير صح قالها عمار وهو يقف امامها بكل شموخ وكبرياء
نظرت اليه لا تصدق كيف اتي الي هنا
مرام……….. انت تاني ايه جابك هنا
عمار……… هو انتي فاقدة الذاكرة دي شركتي وده بالتحديد مكتبي وانتي بقيتي السكرتيرة بتاعتي
مرام…….. انت كداب انا هطلبلك الامن حالا يرموك برة الشركة
اعملي الي يريحك قالها عمار وهو يدلف الي مكتبه وهي خلفه تحاول أن تمنعه
مرام…….. انت رايح فين هي وكالة من غير بواب اقف عندك
عمار……. متغلبيش نفسك اطلبي الامن وانا قاعد اهو
مرام……. انا هوريك انا هعمل ايه
كادت ان تغادر مكتبه ولكن وجدت من يجذبها بقوة الي ان ارتطمت بصدره وهو ينظر إلى عينيها ب اعجاب
ابعد عني لو سمحت قالتها مرام وهي تتحاشي النظر اليه
عمار……. مالك متوترة ليه كده خايفة مني
مرام…… لو سمحت انت عايز مني ايه ليه جابتني هنا
عمار…… علشان تكوني قدام عيني
مرام…… ممكن تبعد الاول لو سمحت كده عيب لو حد دخل هيفهم غلط
عمار……. يفهم عادي يعني مش مهم هو انتي لون عيونك ايه
قالها عمار وهو يتفحص عينيها ب ابتسامة
مرام……. هااااااا
ابتسم لها ثم ابتعد عنها متجه الي مكتبه قائلا……. على فكرة انا ابن صاحب الشركة دي وانتي دلوقتى السكرتيرة بتاعتي ياريت تجبيلي فنجان قهوة علشان عندنا شغل كتير
خرجت ولم تنتظر حتى ان يكمل حديثه واتجهت الي مكتب شرين قائلة……. هو الشاب الي جوه ده يبقي مديري
شرين……. قصدك بشمهندس عمار
مرام…….. اهااا
شرين…… ده يبقي بشمهندس عمار وهو الي وظفك هنا وبصراحة هو مهتم بموضوع توظيفك جداا
مرام…..طب أنا مش فاهمه هشتغل ايه
شرين……كل الي عليكي ترتبي جدول المواعيد هو دلوقتي استلم مشروع جديد مستر امجد عامل اختبار له وأكيد هيجيله عملاء علشان امجد بيه مسافر النهارده يعني هو هيكون المدير الشركة الفترة الجاية وانتي كل الي يطلبه منك تنفذي على طول
مرام….. ربنا يسهل فين البوفيه علشان هو طالب قهوة
شرين…..هخلي عمي محمد يجيب القهوة وانتي دخليها
غادرت مرام وانتظرت حتى جائت القهوة وذهبت حتى تقدمها له بعدما سمح لها بالدخول
مرام…… اتفضل القهوة
حاسس انك بتقولي في سرك اشربها بالسم قلها وهو ينظر إليها مبتسم
مرام…… والله لو عليا اقدمه بأيدي
وأنا معنديش مانع اشربه من ايدك قالها بعدما واقف امامها حتى يخجلها و يرئ تلك الحمرة التي تغطي جميع ملامحها
مرام……. محتاج مني حاجه تانيه
عمار……اهاااااا في الملفات دي محتاجه ترتيب على حسب إسم كل شركة في ملف بس ياريت يخلصوا بسرعة لاني محتاجهم ضروري
مرام…… حاضر تحت أمر حضرتك
جمعت الملفات وغادرت مكتبه حتى تفعل ما أمرها به
هاي قالتها فتاة ترتدي فستان قصير يصل إلي فوق الركبة ويظهر عليها الثراء
مرام……هاي ورحمه الله وبركاته
الفتاه….. عموري موجود
عمورك ده إسم كلب ده قالتها مرام ب ابتسامه صفراء
الفتاه……ايه قلت الذوق دي أنا جاية اقابل عموري ممكن تديله خبر
مرام …..لا حول ولا قوه الا بالله يا بنتي معندناش حد اسمه عمورك روحي اسالي عليه في جنينه الحيوانات

في ايه قالها عمار بعدما خرج من مكتبه على إثر الصوت العالي
الفتاه…….عموري بيبي وحشتني
عمار……. دارين انتي بتعملي ايه هنا
دارين……انت ما جتش النادي بالليل قلقت عليك يا بيبي وبعدين بسال الكائن دي بتقولي معندناش كلب اسمو عمورك
مرام……. هو اانا كنت اعرف منين انها بدلعك انت وبعدين اي حد يسمعها يفكر انها بدلع كلب
دارين….. شايف يا بيبي دي لازم تترفد حالا الاشكال دي متستاهلش الشغل هنا
عمار…… ادخلي المكتب يا دارين وانا جاي هطلب لنا حاجة نشربها
افهم بقا ايه الي بيحصل هنا قالها عمار بعد مغادرة دارين
مرام……. انا مكنتش اعرف
عمار……. حسابك معايا بعدين اطلبي لنا اي عصير فرش وهاتيه
تركها وانصرف الي مكتبه وما ان دلف الي الداخل حتى قام بجذب دارين من يدها
عمار…….. افهم بقي ايه لازمة السهوكة الكدابة دي انتي مش عارفه ان دي شركة محترمة وانا هنا دلوقتى مكان بابا تخيلي لم الموظفين يشفوكي بتتدلعي كده
دارين…..في ايه يا بيبي متنساش اننا في حكم المخطوبين
عمار….. دارين ده كلام كان بقاله سنين بين اهلنا انما دلوقتى غير زمان واحنا مش عيال علشان نمشي بقررات حد
دارين….. بس انت عارف اني بحبك

اما بالخارج
هاااا اتفقعت قالتها شرين وهي تجلس امام مرام
مرام بعدم فهم…… هي ايه
شرين…… المرارة بتاعتك اصلي كل ما بشوف البت دارين دي مرارتي بتفقع منها بت ملزقة ربنا يعينك عليها يا بشمهندس عمار
مرام…… هي بتيجى هنا على طول
شرين….. يا اختتتتتتتي دي مقيمة هنا طول ما عمار في الشركة اصلها بنت شريك امجد بيه وكانوا ديماا يقولوا انهم مخطوبين لبعض بس بيني وبينك البشمهندس مش بيطيقها بحسه عايز يولع فيها
مرام…… معاكي حق دي بتتكلم زي العرسة انا هروح اطلب لها عصير علشان البشمهندس ميتعصبش عليا من اول يوم
شرين…… لا خليكي انتي انا الي هجبلها العصير بنفسي هو انا عندي اعز منها
مش مرتحالك ناوية على ايه قالتها مرام بضحك
شرين….. هخليها تتدلع على المظبوط تنادي عموري بطريقة تانية
غادرت شرين متجهة إلي كافتريا الشركة
عايزة اتنين عصير ليمون بالنعناع قالتها شرين للجرسون
الجرسون……تحت امرك
دقائق واتي العصير التفتت يميناً ويسارا وضعت بودره بيضاء اللون في الكوب الأول ثم هتفت بنبرة ساخرة….ابقي قولي عموري كويس يا قطة
صعدت إلى أعلي وقابلت مرام واعطت لها العصير
شرين…..دخلي العصير واطلعي بسرعة بس اهم حاجه تقدمي الأولي دي للبت المسلوحة الي جوة والتانية للبشمهندس
مرام……مش مرتاحه
شرين….. متخافيش دي حاجه بسيطه صدقيني مش هيحصلها حاجه
مرام….. ربنا يستر
حملت العصير ودلفت الي مكتبه بعدما سمح لها بالدخول وضعت العصير وغادرت بدون صوت
شربت العصير قالتها شرين وهي تنظر إلى مرام
مرام….. لسه انا قدمته وهربت
شرين….. جهزي نفسك هخليكي تسمعي صوت الغفير الي جوها
اعااااااااااااااااااااااااااااااااااااا بطني يا عمار اعااااااااااااااااااا قالتها دارين وهي تصرخ بكل قوتها حتى كادت تخترق الجدران
كفك يا ميرو هو ده جعفر الي كان نفسي اسمعه قالتها شرين من بين اسرير ضحكتها هي ومرام
مرام……. انتي عملتي فيها ايه
شرين…… ابدآ دي شوية بودرة بتعمل مغص هتخليها تقعد اسبوع في الحمام
عمار……. يا نهار ابوكوا اسود عملتوا ايه في البت
نظرت كل منهما الي الاخري في توتر بالغ فهو سمع حديثهما
عمار….. انطقي منك ليها البت دخلت الحمام وتقريبا بتموت جوه
شرين…… لا مفيش موت ولا حاجه دي هي شوية بودرة اسهال بس اسبوع بالكتير وترجع زي العرسة اقصد القردة
عمار….. موظف عندي ريا وسكينة متاكده انها اسبوع وتخف
شرين…… اهااا والله
عمار…… كنتي خليتي الجرعة زيادة اسبوعين شهر سنة
انطلقت ضحكات الثلاثه كلما علت صرخات دارين
تحبي اطلب لك الاسعاف يا انسة دارين
قالتها شرين وهي تنادي عليها
دارين….. غوري من وشي اعاااااااااااااا هموت
خرجت دارين وهي تكاد تموت من الالم
دارين……. اهااا اطلب السواق عايزا اروح بيتنا
مرام……. طب اتفضلي ارتاحي لحد ما السواق يجهز العربية
دارين…… غوري من وشي ابعدهم عني يا عماررر
عمار….. حاضر روحي يا شرين انتي ومرام واطلبي السواق
اتي السائق واخذ دارين حتي يوصلها الي منزلها
اما مرام عادت لاكمال عملها وسلمت جميع الملفات التي طلبها عمار
جاء معاد انتهاء العمل والجميع ينصرفوا الي منازلهم كانت تسير على الاقدام في انتظار سيارة اجري الي ان نادي عليها من داخل سيارته
عمار……. مرام اركبي
مرام…… اسفة يا بشمهندس مش بركب عربيات حد
عمار…… انا المدير بتاعك مفيهاش حاجة عادي يعني
قلت لحضرتك اسفة قالتها وهي تتجه إلى سيارة الاجرة الي لوحت لها
بينما هو ظل مبتسما على هذه المشاكسة التي سلبت قلبه وعقله من اول نظرة وغادر متجه الي ڤيلاته
////////////////////////////////////////////////////////////////
كانت عائدة من مدرستها فقد تاخرت بسبب مواد التقوية التي تاخذها بعد انتهاء اليوم الدراسي تسير على الاقدام وهي ممسكة بهاتفها تتصفح بعض مواقع التواصل الاجتماعي وفي غضون لحظات يقوم احد الشباب بخطف الهاتف من بين يديها
رهف…. حراااااااااااااااااامي حرامي اخد موبايلي يا ناس
ركضت خلفه وهي تنادي عليه كان الجميع يتابع ولا احد يتحرك من مكانه
قطع طريق هذا اللص شاب في مقتبل العمر لم يتجاوز العشرين وسامته الطاغية أسرت قلبها
اسلام……هات أنا هعرفك إزاي تاخد حاجة من بنت انهال عليه بالركلات اللكمات ولم يتركه حتي اعتذر منها
اسلام….. اتفضلي ياانسة مرة تانية ياريت تخلي بالك والموبايل مش ضروري تلعبي عليه وأنتي ماشية في الشارع
رهف…… متشكرين يا أخ ثم أنا ما طلبتش منك مساعده علشان تعملي محاضره
تركته وانصرفت وهو لم يعرف لم فسرت حديثه هكذا حقا الفتيات كلهم مجانين انطلق هو الآخر إلي منزله فكانت تسير امامه حتى شعرت بمن يسير خلفها نظرت إليه واقتربت منه وتحدثت بشجاعة عكس الخوف الذي بداخلها…….. ممكن افهم أنت ماشي ورايا ليه
اسلام…… نعم وأنا همشي وراكي ليه يعني
رهف……. أنا اصلا مش مطمنة أنت شكلك عايز تخطفني صح اكيد علشان زعقتلك انت بترقبني علشان تعرف عنواني وترمي عليا مياة نار اكيد علشان ضايقتك
اسلام…..بسسسسسسسسسسسس إيه انتي شايفه اني قتال قتلا ولا زعيم عصابة
رهف…….. بصراحه لأ ده أنت حتي مز وامور أقصد شكلك ابن ناس يعني
اسلام مبتسما……. والله أنا أبن ناس ومتربي و مهندس كمان
رهف… وأنا مالي هو أنا هعملك بطاقة بعد اذنك غادرت وهي تتمتم ببعض الكلمات….. يعني امور وكمان دمه خفيف ايه الواد ده اتلمي يا رهف عيب هتعاكسي الواد عيب
وصلت الى البناية وصعدت الي الاسانسير خرجت منه وجدت فتاة في جميلة في التاسع عشر من العمر تعجبت من جلوسها امام باب شقتهم
رهف …..سمر قاعدة ليه كده
سمر…… مرت عمك جبت اخري معاها طفشت وسبت لها البيت وجيت على هنا
رهف……وايه الجديد انتي وطنط سميرة على طول في خناق تعالي ادخلي واحكيلي حصل إيه معاكم

ركزوا في الشخصيات الي بدأت تظهر علشان لهم دور كبير