قلوب ارهقها العشق

الحلقة الثانية
قلوب_ارهقها_العشق
بقلم/ياسمين رجب
احلي ما في الحب هو انك تلاقي انسان يحبك بكل عيوبك يتقبلك بكل اخطائك معندوش مشكلة انه يكمل معاك مع ان في كتير احسن منك بس انت في نظره تغنيه عن العالم بما فيه

لا تعرف كيف حبست تلك الدموع بعينيها رأت نظرات الشفقة في عيون الجميع لم تتحمل اكثر بل جمعت اشيائها وغادرت وتركت لدموعها تصريح النزول لم تشعر بمن يمشي خلفها ويقترب منها الا وهو يضع يده على فمها حتى لا تصرخ حاولت التملص منه ولكن بدون فائدة فهو اقوي منها فلم يكن منها إلا أنها غرست أسنانها في يده ليصرخ هو قائلا…..اهاااااااا ايدي يا بنت العضاضة
التفتت له واخيرا وضحت ملامحه التي لم تستطيع التعرف عليه بسبب بعض الكدمات الموجودة في وجه اصابها الذعر والخوف من رؤيته هكذا ارتمت بين احضانه وهي تبكي
رهف…… اسلام مالك مين عمل فيك كده
اسلام بنبرة مطمئنة……. متاخفيش يا حبيبتي دي مجرد خناقة بسيطة
رهف……. بسيطة ايه ده انت متخرشم اوعه تكون رحتلي الجامعة واتخانقت
اسلام….. بصراحة اهاا رحت وشفت الي اسمه سامح بس صبرت لم انتي مشيتي ورحت اكلته حتت علقة انما ايه
رهف….. كده وضربته امال لو كان هو الي ضربك كان عمل فيك ايه ليه بس عملت كده يا اسلام
اسلام….. كنتي عايزني اسكت له بعد كلامه معاكي رهف انتي الي يمسك بكلمة واحدة انا مستعد اقتله ده انتي حته من قلبي
رهف……… انا كنت هموت من خوفي عليك ورنيت عليك كتير بس انت مردتش
اسلام….. معلش يا حبيبتي انا الموبيل بتاعي اتسرق ومكنش ينفع اقول لحد اني معايا موبيل والا كنت هتسجن علشان ممنوع
رهف…… بس انت جيت بسرعة الاجازة دي
اسلام……. انا نزلت علشان اخلص ورق التعبئة بتاعي علشان اسلمه بكرا
رهف….. يعني هتمشي النهاردة
اسلام…… لا همشي بكرا الظهر كده بس تعرفي وحشتيني اوي
رهف…… وانت كمان وحشتني
اسلام…… طيب يالا اوصلك البيت علشان متتاخريش و الحرباية مرت عمك تقول كلمتين وقتها بقي هطبق في زمارة رقبتها
لم تستطيع كتم ضحكتها فهي تعلم كيف العلاقة بينهما
اسلام…… اضحكي اضحكي بس الصبر انا هنتقم منها بس لم نتجوز يالا نمشي بقي واقفتنا في الشارع دي غلط
*****************
فاقت من نومها على صوت زوجة عمها
مرام……. خير يا طنط في ايه
سميرة…… انتي جيتي بدري ليه المفروض شغلك بيخلص الساعة 6
مرام بتوتر……. اصلي اخدت اذن
سميرة…….. طيب قومي نضفي المطبخ واغسلي الاطباق الي اتوسخت دي في العزومه
مرام…… حاضر
ابدلت ملابسها وخرجت متجهة إلى المطبخ ولكن اوقفها صوت شقيقتها مع اسلام فتحت باب الشقة وجدتهم على مازال يتحدثون على الدرج
مرام….. ايه ده اسلام ازيك عامل ايه
اسلام…… الحمدلله اني شفتك كنت جاي وبدعي ربنا اشوفك
رهف……. مرام انتي جيتي بدري ليه كده
مرام……. هااااا لا عادي اخدت اذن المهم تعال يا اسلام واقف بره ليه
اسلام…… لا معلش وقت تاني المهم عايز اتكلم معاكي لوحدنا
رهف…. لوحدكم انا مش عارفه ايه هي الاسرار الي بنكم بس ماشى هدخل انا واسيبكم مع بعض باااااي
مرام خير يا اسلام في حاجة
اسلام…… خدي دي
نظرت الي ما يحمله في يده فكان عباره عن شنطة من الجلد
مرام…… فيها ايه دي
اسلام…….. انا استلمت الاسم التانى في الجمعية الي كنت داخل فيها ودي 30 الف جنيه علشان تكملي فلوس العملية
مرام……. تاني يا اسلام انت دفعت قبل كده الاسم الاول مقدرش اخد منك المبلغ ده كمان
اسلام…….. ارجوكي افهميني المبلغ ده ولا حاجه قصاد نظرة واحدة من عين رهف
مرام……. بس ده مش من حقنا
اسلام…….. انتي بعتي عمارة والدك وكمان دهب مامتك علشان تكملي الفلوس وانا جبتلك اخر جزء اهو خديه بقي بالله عليكي
مرام….. يا اسلام الي انت بتعمله ده كتير والله
اسلام……. انا مش عارف انتي ليه مش عايزه تفهمي اني بحبها رهف دي حياتي مستعده اعمل اي حاجه علشان تعيش افهموا بقى
مرام…….بس انت ليه مش عايز تقول لها انك بتدفع فلوس العمليه ليه مخبي عليها
اسلام…… مش عايزها تحس اني بعمل كده شفقة او اخليها تحس بالذنب ارجوكي خدي الفلوس
مرام….. حاضر يا اسلام
اسلام……. شكرا
****************
في الشركة
دلف معتز الي غرفة الاجتماع ولكن شارد كل تفكيره في دموع مرام انتبه فقط حينما علم باسم المالك الجديد
المحامي…… طبعا كلكم عارفين ان مستر كريم هو المالك الجديد بس في معلومة جديدة ان مستر كريم باع الاسهم بتاعته لمستر عمار امجد نصار
معتز…… نعم مين انت متاكد من كلامك ده
المحامي…… طبعا يا فندم وحاليا مستر عمار في مكتبه
معتز…… معقول عمار
ترك غرفة الاجتماع واتجه الي مكتب رئيس مجلس الادارة
معتز….. المدير جوه
نڤين….. اهااااا حالا هديلوا خبر
ولكن قبل ان تكمل حديثها كان هو دلف الي الداخل وجده يواليه ظهره كانه كان في انتظاره
معتز…… ايه الي رجعك يا عمار
التفت له وابتسامة ساخرة على وجه…… ده المفروض ترحب بيا يا معتز
معتز……. كانت بتعيط بسببك صح انت السبب في دموعها
عمار…… اممممممم هي لسه شافت دموع
معتز…… مرام خط احمر يا عمار بلاش تعمل حاجه تندم عليها بعدين
عمار…… متخافش اطلع انت من الموضوع وانا هحل اموري بنفسي بعد اذنك لازم امشي علشان اتاخرت
دلفت نڤين الي الداخل بعد مغادرة عمار متسائلة عما يحدث
نڤين…… هو في ايه ومرام اختفت وايه سبب الخناق بينك انت ومستر عمار
معتز…… هي مرام كانت بتعيط ليه
نڤين……. مش عارفه بس هي كانت هنا عند مستر عمار معرفش حصل ايه
معتز…… ماشي سلام دلوقتى
**************
غادر الشركة واتجه مباشرا الي قصر عائلة نصار
وما ان دلف الي الداخل وجد رجل في العقد الخامس من العمر ينتظره وعلى وجه ابتسامة فخر انه امجد نصار صحاب اكبر شركات المعمار في مصر
امجد……. اخير رجعت مصر
عمار وهو يحتضن والده…….. كل وقت وله اذان وانا كان لازم ارجع دلوقتى
امجد……. اتغيرت اوي يا عمار فعلاا عالم الاعمال غيرك اوي
عمار……..الي شفته كان كافيل انه يعلمني كل حاجه اناا هطلع ارتاح شوية علشان تعبان من السفر
امجد…… هتنزل تاني
عمار……. لا انا محتاج راحة
**************************
في منزل مرام
انتهت من كل شغل المنزل ودلفت الي المطبخ تجهز تلك الفرشة التي تنام عليها كل ليلة كام امرتها زوجة عمها تنهدت بحزن وهي تتذكر مقابلة عمار لا تعلم ما تخفي لها الايام القادمة
نفضت كل الافكار من راسها وغطت في سبات عميق حتي دقت الساعة الثانية صباحا وجدت دلو الماء ينسكب على وجها نهضت بفزع وهي تشهق من الرعب والذعر
سميرة ……..قومي معايا علشان في كام حاجة في البيت محتاجة تنضيف
مرام……. تنضيف ايه تاني دلوقتى البيت انا نضفته قبل ما انام
سميرة……. في سجاد البيت عايز غسيل وكمان في البطانية الي في اوضتي ريحتها مش عجباني قومي اغسليهم قبل ماتمشي على شغلك
مرام…….. يا طنط لو على السجاد في المغسلة نوديه هناك وكمان البطانية الي حضرتك بتقولي عليها احنا لسه في اول الشتاء يعني
سميرة……. انتي كمان بتردي عليا يا بنت سالم مش عجباك كلامي طبعا ما انتي عايزه تقعدي زي ولاد الاكابر بس فوقي يا ماما انتي هنا في بيتي يعني تعملي بلقمتك انتي واختك ولو مش عاجبك كلامي الباب يفوت جمل محدش قالك روحي بيعي العمارة بتاع ابوكي علشان خاطر السنيورة اختك تعمل العملية مكنش في داعي هي عايشة زي القرد و مفيهاش حاجة جاتك القرف فقرية من يومك زي اهلك قومي فزي كده تعملي الي بقولك عليه والا قسما عظما اخلي الي مايشتري يفرج عليكي
غادرت سميرة وتركتها تبكي وتناجي الله ان يعينها على هذا الوضع نهضت رغما عنها وعن ذلك التعب والوهن الذي تشعر به
فعلت ما طلبته منها زوجة عمها حتي انتشرت اشاعة الشمس في كل مكان اعدت الفطار وايقظت شقيقتها وحاولت ان تظهر بشكل طبيعي حتى لا يظهر عليها اثر التعب
رهف….. مالك يا مرام مش بتاكلي ليه
مرام…… مليش نفس انا هقوم امش علشان هتاخر على الشغل
رهف……. مرام انتي من امبارح مش حالتك فيكي ايه حد مزعلك
مرام……..لا يا حبيبتي مفيش حاجه بس مضغوطين شوية في الشغل يالا انا همشي وانتي متنسيش علاجك لا اله إلا الله
رهف…… سيدنا محمد رسول الله باي
****************
في ڤيلا امجد نصار
مازال جالسا في غرفة مكتبه لم يعرف النوم طريقا الي عينيه شاردا بها و كل ما يشغل باله هو كيف ينتقم منها كيف يؤلمها باقصي الطرق افاق من شروده على صوت الخادمة التي دلفت الي الداخل ولم يشعر بها
الخادمة….. عمار بيه الفطار جاهز وامجد بيه مستنيك
عمار……. روحي خلي حد يجهزلي الحمام علشان هاخد شور
الخادمة…….. حاضر يا بيه
غادرت الخادمة وهو نهض من مجلسه وذهب الي غرفة الطعام وجد ابيه في انتظاره وعلى وجه ابتسامة عريضة وهو يقراء احدي الصحف والمجلات فجلس على الطرف الاخر مقابل لوالده
عمار…… صباح الخير
امجد….. صباح النور
عمار…… ايه سر الابتسامة الي على الصبح غريبة اني اشوفك بتضحك كده اكيد شفت حاجة عجبتك
امجد…… طبعا وفخور جداا اني شايف ابني الوحيد عنوان كل الصحف الكل بيتكلم عنك عمار امجد نصار اصغر رجال الأعمال فعلا انت النهاردة بس خلتني ارفع راسي وافتخر بيك
عمار …..عادي كلام الصحافة كل يوم بحال مش هما دول نفس الناس الي كانت بتقول اني مستحقش اكون نجلك ولا ايه وهما برضوا الي كانوا بينشروا ويتريقوا عليا من خمس سنين
امجد…… هو أنت لسه بتقلب في الماضي انساه وعيش حياتك محدش يستاهل كل الي انت بتعمله ده
نهض من مجلسه وهو في قمة غضبه وهتف قائلا……مين الي قالك أن مفيش حاجه تستاهل لأ بقي في كتير يستاهل أنا بقالي خمس سنين بكبر اسمي وشغلي علشان أرجع بكل قوتي علشان اخد حقي أنا مستحيل اسامح عارف ليه علشان الي اتكسر جوايا مستحيل السنين تمحيه ولا اقدر انساه بالسهولة دي كل الفلوس والشغل ده مبتعملش راحة بال الاول كان عمار مختلف و دلوقتي عمار بقي نار الي يدوس له على طرف هينحرق
امجد……..كل ده علشان حتت البت الي متساويش اي حاجه
عمار بغضب بالغ……..مش عايز اسمع اسمها أنا هنا علشان اكسرها وده هدفي حالياً وياريت حضرتك تبعد عن الموضوع ده
امجد…….الي يريحك بس انت هتحرق نفسك قبل حتي ما تلمسها
ترك والده وانصرف الي غرفته وما أن دلف الي الداخل القي بتلك المزهرية الموضوعة على الكومود على الأرض ظل يلقي كل شيء امامه حطم جميع ما في الغرفه وهو يصرخ للمرة الأولى بوجع صوته هز جميع أركان الڤيلا
عمار…….ليه كده ليه يا مرام عملتي كده ليه نفسي أعرف محدش في الدنيا دي حبك قدي ولا حد هيحبك ربع حبي اتخليت عن كل حاجه علشانك اتخليت عن الدنيا بحالها واشتريتك ليه وجعتيني ليه كسرتي ثقتي فيكي بس وحيات قلبي الي اتوجع هخليكي تتمني الموت
وقع على الأرض وهو مرهق نفسينا ودمعة انسابت من عينه من كثرة الوجع الذي بداخله مسحها وهو يعلن الحرب على قلبه ولن يستسلم للعشق مرة أخرى عزم أمره أخيرا ونهض حتى يجهز نفسه ويذهب إلى عمله
**************
كان يستمع الى صوت إبنه ولا يعلم ماذا يفعل القلق والخوف يسيطرون عليه بشكل كامل وجده ينزل الدرج وهو في قمة وسامته ولكن بدون بريق عينيه الحزن الخفي وراء تلك القوة الظاهرة
امجد…… هتروح شركتك الجديدة ولا شركتي
عمار……. أنا دلوقتي لازم أهتم بشركتي وبعدين هحاول اتابع الاتنين مع بعض
امجد…… تمام على العموم أنا عامل حفلة على آخر الشهر بمناسبة رجوعك ولازم كل الموظفين عندك يحضروا وفي ناس كتير مهمة هتكون موجوده حاول تحضر
عمار…….هفكر يالا سلام
خرج وهو يرتب أفكاره ماذا سوف يفعل بها اليوم صعد سيارته وانطلق مسرعا الي شركته
***************************
في الشركة وبالتحديد مكتب مرام
نڤين…….نفسي افهم انتي اختفيتي فين امبارح وبعدين مستر معتز قال إنه شافك خارجة من الشركة وبتعيطي حصل إيه اكيد الزفت المدير الجديد ده قالك حاجه
مرام……..مفيش حاجه يا نڤين أنا كنت تعبانه شويه انتي عارفه تعب رهف
نڤين ……بس الوضع ده مش جديد عليكي أنا متأكدة أن المدير هو السبب ده حتى مستر معتز دخل عنده وكان صوتهم عالي
مرام…….. إنتي متأكدة أنهم شافوا بعض
نڨين………اهاااا متأكدة أصلا مستر معتز بعد ما عرف بحكاية أنه هو المدير كان هيولع في أي حد
أنا همشي دلوقتي علشان اكيد هو زمانه جي بااااي
تنهدت بداخلها بتعب وارهاق…..يا تري هتعمل ايه تاني يا عمار
********************
نزل من سيارته وعلى وجه ابتسامه خبيثة على ما سوف يفعله بها اليوم دلف إلي داخل الشركة وسط همسات الفتيات ونظرات الاعجاب إلي أن وصل إلي مكتب السكرتيرة
عمار…… تعالي ورايا على مكتبي
نڤين….. حاضر تحت امرك
دلف الي الداخل وجلس على مكتبه وهو يتفحص الحاسوب الشخصي وهي تقف امامه وهو لم يعطيها ادني اهتمام واخيرا تحدث قائلا…… جهزي نفسك علشان من النهاردة مش هتكونى السكرتيرة بتاعتي
نڤين بعد تصديق…… نعم
عمار…. الي سمعتيه انتي من النهاردة هتكونى سكرتيرة معتز
ارتسمت ابتسامة خفيفة على وجها وهي لا تصدق ما سمعته
عمار…. اعتقد ان مكانك الجديد عجبك
نڤين…… جداا اقصد تمام هروح اجهز حاجتي بس هو عنده سكرتيرة
عمار…. متشغليش بالك روحي وابعتيلي استاذة مرام
نڤين…… حاضر اعمل اعلان عن سكرتيرة جديدة
عمار….. مفيش داعي اناا مظبط اموري
نڤين…… بعد اذنك
خرجت وهي في قمة سعادتها فهي من اليوم ستكون قريبة منه لان تبتعد عنه ذهبت إلى مكتب مرام وهي تخاطب نفسها في ما حدث قبل قليل
مرام…… ايه يا نڨين عقلك طار
نڤين…… هو فعلاا طار المهم المدير عايزك
مرام….. عايزني انا طب ليه
نڤين….. مش عارفه بس هو قال عايزك هروح انا اجهز نفسي علشان مكتبي الجديد
مرام بتسائل…… مكتب ايه
نڤين بابتسامة ظاهره….. اصلي انا هبقي سكرتيرة معتز من النهارده يالا باااي هطير انا وانتي روحي بسرعة قبل ما يتعصب ده النهاردة كيوت وهادي بصراحة طلع امورر جداا
نهضت هي الاخري متجهة الي مكتبه والخوف مسيطر عليها مما يخطط له طرقت على مكتبه عدة مرات حتى سمح لها بالدخول
عمار…. ادخل
دلفت وهي في قمة توترها وقلقها وهو لم يعطيها اي اهتمام كانها غير موجودة هتفت قائلة……. صباح الخير
عمار…………..
مرام…… لو مشغول اجي وقت تاني
عمار………………
ارتسم على وجها معالم الغضب وهمت لتنصرف ولكن منعها صوته…… مين سمح ليكي تخرجي
مرام……. حضرتك مش فاضي
عمار…… بس ده مش سبب لم اسمحلك تبقي تخرجي
مرام……. اقدر اعرف سيادتك عايز ايه
وقف من مكانه وخطي بعض الخطوات حتي اصبح امامها ولم ينظر حتي اليها
عمار…. انتي اكيد عارفه اني نقلت نڤين وحاليا انا محتاجة سكرتيرة جديدة
مرام…… اظن ده شئ مش من اختصاصي
عمار……. تؤتؤتؤ ازاي بقي مش اختصاصك ده انتي اساس الموضوع
مرام……. وانا اي دخلي في ده
عمار…….. علشان انتي من النهاردة هتكونى سكرتيرتي
مرام…….. نعم مستحيل ده يحصل انا شغلي في الحسابات مش مسئولة عنك انت
عمار……. لا انا هنا اقرر كل واحد يشتغل ايه وكمان متخافيش مش هتسيبي الحسابات لانك هتشتغلي الاتنين مع بعض
مرام بعدم تصديق…… انت بتقول ايه فاهم كلامك انا مش موافقة وبعدين انا مش هنفع مكان نڤين
عمار……. اظن الشغل مش جديد عليكي سبق واشتغلتي صح
مرام……. انت عايز تخليني تحت عينك علشان تعرف تنتقم مني براحتك وتقلل من كرامتي
عمار……… تؤتؤ ده قليل على الي هيحصلك انتي هتشوفي ايام عمرك كله كوم والايام الجاية كوم تاني خالص
مرام……. وانا مش هكون تحت رحمتك اسفة انا بستقيل من شغلك
همت لتنصرف ولكن جذبها من معصمها حتي ارتطمت بصدره و هو يخترقها بنظرته الغاضبة
عمار……. مش بمزاجك انا هنا الي اقول مين يمشي ومين يقعد ويكون في علمك هتشتغلي هنا زي ما انا عايز فاهمة
مرام…… هتكسب ايه من الي بتعمله ده
عمار…… هكسب كتير اوي
مرام……. وانا مش هقعد تحت رحمتك
عمار……. يبقى انسي عملية اختك
لمعت بعض العبرات بعينيها وهي لا تصدق ما يفعله ما ان راي تلك العبرات تركها وابتعد عنها وذهب إلى النافذة ينظر إلى الفراغ
مرام………. الي بيني وبينك رهف ملهاش ذنب فيه يا عمار
عمار……… طلما اختك تبقي تتحمل نتيجه اخطائك
مرام……. المطلوب مني دلوقتى
عمار…… تجهزي حاجتك وتيجي على مكتبك الجديد وكمان الملف ده في اسماء ناس مهمين عايزك تكلميهم كلهم بالتلفون وتديهم خبر اني عندي حفلة في اخر الشهر وبعد كده تكلمي دار نشر تخليهم يطبعوا الدعوات علشان الحفلة
مرام……. طيب طلما في دعوات يبقي ليه نكلمهم في التليفون
عمار….. اظن ده شيء ميخصكيش كل الي اقوله يتنفذ
مرام……. بس دي ناس كتير اوي
عمار….. مش مهم اهااا في كام ملف عايزك ترجعي عليهم هتلاقيهم موجودين على مكتب نڤين
مرام…… هحاول اجهزهم في اسرع وقت
عمار…… لا الشغل ده يخلص النهاردة
مرام…….. يخلص النهاردة ازي ده محتاج يومين
عمار……. وانا قولت النهاردة يبقى النهاردة
مرام…… ماشي تمام لو عايز تمسح الشركة كمان انا موجودة ولو محتاج خادمه متقلقش هنفع برضوا فعلا يا خسارة يا عمار مليون خسارة
غادرت المكتب وهي لا تعرف كيف منعت دموعها قلبها يؤلمها بشدة عزمت امرها على هذا القاسي الذي فقط يسعد عندما يري دموعها ذهبت إلى مكتبها واحضرت جميع اشيائها الي مكتبها الجديد وقامت بالاتصال بدار النشر واخبارتهم بشأن الدعوة ثم تابعت الاتصال بالعملاء تخبرهم بميعاد الحفلة
***************
في مكتب معتز
معتز…….. ممكن اعرف مين نقل شرين من مكتبها
نڤين……. انا اسفه بس دي كانت اوامر مستر عمار وهو الي طلب مني اكون موجودة هنا
معتز…… لا البني ادم ده لازم احط له حد
خرج وهو في قمة غضبه متجه الي مكتب عمار وكانت صدمته حين وقع نظره على مرام المنهمكة في عملها هنا فقط علم مخطط عمار دلف بكل قوته الي الداخل ونظرات الشر تتطاير من عينيه وهي خلفه حاولت ان تتحدث ولكن لم يترك لها المجال
معتز…… ممكن افهم ايه بيحصل هنا
عمار……. الظاهر حضرتك متعلمتش النظام كويس وانك لم تدخل مكتبي تخبط
معتز……. هو انت هتعمل مدير عليا دلوقتى بس فهمت ليه نقلت نڤين علشان تحط مرام تحت رحمتك مش كده
عمار…… انت بتفهم اهو وانا كنت فاكر انك غبي
مرام…… مستر معتز ارجوك بلاش شوشرة مش عايزه مشاكل
معتز……. ده بيستغل ضعفك انا اكتر واحد فاهم هو عايز ايه
مرام…… ارجوك علشان خاطري
معتز….. علشانك انتي بس انما اقسم بالله لو لمس منك شعرة او حاول يضرك لتكون نهايته على ايدي
غادر المكتب وهو في قمة غضبه وانصرفت هي الاخري خلفه تتابع عملها وتركت خلفها نيران مشتعلة بداخله وهو يقسم على الانتقام منها ويذيقها جميع انواع العذاب
error: