قلوب ارهقها العشق

#قلوب_ارهقها_العشق
#بقلم_ياسمين_رجب
الحلقة الثانية عشر
انتهت الليلة التي اعدها من اجلها هي فقط وانصرف كلاهما إلى الفندق
في الصباح الباكر غادر عمار ومرام الفندق متجهين الي طائرته الخاصة وبمجرد وصولهم القاهرة ذهبوا مباشر الي الشركة حتى يكملوا عملهم
في مكتب مرام ظلت شاردة بعينيه التي لم تغيب لحظة واحدة عن بالها كأنها مسحورة تماما انتشالها من هذا الشرود صوت شرين الجالسة امامها وهي لم تشعر بها
شرين…….. مالك يا عسليه سرحانة في ايه
مرام….. لا مش سرحانة
شرين…… امممممم عليا انا الكلام ده المهم احكيلي عملتي ايه امبارح مع عمار انبسطي
مرام…….. هو انتي عرفتي منين اني كنت معاه
شرين…… يادي النيلة يا بنتي قولتلك 100 مرة انا سكرتيرة امجد بيه يعني عندي عوينيات في كل حتي انجزي واحكيلي
مرام…… طيب طلما عندك عوينيات اعرفي لواحدك انا مش بحكي حاجة
شرين…… امممممم بقي كده طيب يا جزمة ماشى والله خسارة فيكي البت ليلي الي عملت منك بني ادمة ولا الفستان خسارة فيكي ولا الشمع والورد والاكل الي نسفتيه
مرام بعدم تصديق…….متاكده ان عندك عوينيات بس انا حاسه انك كنتي معناهتفت شرين بمزاح وكبرياء مصتنع شرين…… مهو علشان انتي لسه صغيرة على مركزي ده مش هتفهمي وضعي احب اطمنك ان الشركة دي من غيري ولا تسوي عمار نفسه من غيري هيبقي متسول في الشوارع
شكلي انا الي هتطردك بره الشركة وهتتسولي في الشوارع قالها عمار وهو يمسك شرين من ياقتها بعدما خرج من مكتبه على صوتها
حمحمت شرين قائلة بمزاح…… عيب عليك يا عموري انا بردوا شرين حبيبتك احيات عيالك بلاش تمسكني كده برستيجي هيروح انا كنت بترسم من شويه على مرام
عمار…… مهو علشان بتترسمي عليها انا بفكرك بنفسك يا اختشي
اتعدلي دي بالذات خط احمر
شرين……. يعني انا الي خط اتصالات ما انا زي اختك بردوا ولا من لقي احبابه نسي اصحابه
عمار……. شكلي مش هخلص معاكي انا خارج عندي اجتماع برة الشركة محتاجة حاجة يا مرام
مرام…… لا مرسي
تركهم وانصرف بينما جلست شرين امام مرام قائلة…… انجزي واحكيلي بقي هموت واعرف حصل ايه
مرام…… يا بنتي ما انتي بنفسك قولتي كل الي حصل
شرين…… لا ده انا عرفه علشان انا الي حجزت الفندق وكلمت البنت خبيرة التجميل وكمان الناس الي جهزوا السهرة انا عارفه ده اقصد انتي اعترفتي بحبك للواد الغلبان الي مشي ده
مرام….. لا بصراحة لسه
شرين…….. يا اختتتتتتتتتتتتتتتي يعني عمل جو شاعري ونجوم وطيارة وفي الاخر يبقى الوضع على ما هو عليه
مرام…… خايفة قوي يا شرين مش عارفه امبارح كنت اسعد انسانة في الدنيا اول مره احس بالحب نفسي يفضل معايا علي طول بس في احساس على طول ملازمني وانا حاسة ان في مشاكل هتحصل لعمار بسببي
شرين…… يا حبيبتي اهدي وسيبك من كل ده صدقينى عمار بيحبك ومستحيل يتخلي عنك خليكي واثقة فيه اهم حاجه تكوني جنب عمار اوعي تتخلي عنه في يوم هو ملوش غيرك
مرام…… هو انتي بتخوفيني انا كده ليه
شرين…… مش قصدي بس عمار محتاجك انتي
مرام…… كلامك كلوا الغاز يا شرين فهميني
شرين…… قريبا هتفهني كل حاجه بس اوعديني انك عمرك ما تتخلي عنه مهما حصل
مرام…… حاضر اوعدك
في الجامعة
أنهت محاضراتها و قرارات الانصراف هي و أصدقائها الثلاثة
جهاد…… بقي كده يا سمر تجيبي شبكتك واحنا منعرفش صحيح عيلة ندلة
سمر……معلش يا بنات كل حاجه تمت بسرعة المهم متتاخروش بالله عليكم يوم الخميس
منار……. هو احنا نقدر إلا صحيح اخبار بنات خالتك إيه لسه دمهم تقيل زي زمان
سمر…… والله آيه كيوت وعسل إنما منار اختها أعوذ بالله حاسة اني قتلت لها قتيل
منار…….الحيوانة شوهت اسمي أنا بفكر اغير اسمي بسببها
جهاد……. معاكي حق من واحنا في المدرسة وهي دمها تقيل
لو سمحت قالتها سمر وهي تتجه صوب كريم الواقف مع احد أصدقائه اقتربت منه وهي في قمة أسفها منه فقد اهانته في اخر لقاء لهم
كريم بنبرة حادة……افندم
سمر باسف…… أنا كنت جاية اعتذر لحضرتك على آخر مرة طريقتي في الكلام معاك كانت واحشة
كريم……..و لا يهمك اخبارك ايه دلوقتي كنتي مضايقة قوي آخر مرة
سمر…… الحمد لله على كل حال اتمني متكنش زعلان مني
كريم……لا عادي
سمر…….بعد اذنك
غادرت سمر واتجهت إلى أصدقائها الثلاثة الذين كادت أعينهم تخترق كريم
إنتي تعرفي الواد ده منين يا سمر قالتها منار وهي تقترب منها
سمر……ده كريم معنا هنا في الجامعة ويبقى صديق عمار مدير مرام بنت عمي
جهاد……..نهار احوس عليا هو في حد كده اكيد مرام بترسم على الواد كريم ده
سمر…….يا شيخه اتلهي ده عمار احلي منه كمان وايه هيموت على كلمه واحده من مرام
بسمة…….. طبعا وهي مرام قليلة دي كفايه الهدوء والصبر الي عندها
نهار اسود هو النهارده يوم الرجال ولا ايه قالتها منار وهي تشير إلى جمال الذي ترجل موخرا من سيارته
بسمة…… ده جاي علينا يكونش معجب بيا
مساء الخير قالها جمال بابتسامته الجذابة
منار بتلقائية….. مساء النور
جمال……ايه يا سمر ساكتة ليه مش عاجبك المفاجأة
منار….. هو انتو تعرفوا بعض هو تبع كريم يا سمر
سمر……..لا يا جمال بالعكس مفاجأة حلوة
نظرت الفتيات إلي بعضهم بتعجب فقد تغير تماما من يصدق بأن جمال البدين قد أصبح بهذه الوسامة
تركت سمر أصدقائها وانصرفت مع جمال الذي صعد سيارته وانطلق بها كالبرق بدون حديث
أنت زعلان من حاجه يا جمال قالتها سمر وهي تتفحص ملامحه
اوقف سيارته على جانب الطريق وهتف قائلا….. ممكن افهم مين كريم الي بيقولوا عليه صحابك ومالهم كده مش مظبوطين
سمر……هما بس متفاجئين اول مره يشفوك بعد ما خسيت
جمال….. ماشي ومين كريم أنا مردتش أسألك قدام صحابك علشان معملش شوشرة
سمر…… كريم ده زميل معايا في الجامعة وكنت بعتذر له علشان أنا كلمته بطريقة مش كويسه
جمال…… إزاي يعني
سردت سمر كل ما حدث منذ لقاء كريم في المشفى حتى الآن
جمال…..طيب يا سمر بس ممكن بعد كده لم تحبي تعتذري لحد ميكنش برة الجامعة قدام الناس لا خليكي في الجامعة واعتذري لأن في الشارع محدش عارف مين ده والناس بتظن السوء وياريت لو بلاش كلامك معاه احسن
سمر….. حاضر يا جمال حاجه تاني
جمال…… أنا مش عايزك تزعلي بس أنا خايف عليكي الناس مش بتفهم الي احنا بنعمله بيحبوا يفسروا كل حاجه علي مزاجهم أنا والله واثق فيكي وعارف اخلاقك كويس بس مش ضامن الناس بتفكر ازاي
سمر….. عادي ولا يهمك أنا مش زعلانه
ابتسم لها بهدوء قائلا…… النهارده عازمك على الغداء برة اخدت الاذن من عمي ابرهيم تحبي تروحي فين بقى
سمر…..اي مكان يعجبك
حاولت رسم الابتسامه ومن داخلها نيران مشتعلة بينما هو انطلق بسيارته إلي اقرب مطعم
أنهت مرام عملها واتجهت إلى المنزل و بمجرد أن دلفت إلي الدخل وجدت شقيقتها في انتظارها هرولت إليها واخذتها بين أحضانها وهي ترتب على ظهرها وحشتيني قوي يا رهف
رهف……وانتي اكتر والله
ابتعدت عنها قليلاً وجلست على اقرب اريكة وهتفت قائلة…….. امال سمر فين
رهف……لسه مجاتش هاااا احكيلي عملتي ايه
مرام…… ده بعينك تعملي عليا مؤامرة مع عمار ماشي يا رهف الحساب يجمع
رهف….. أنا غلطانه اني كنت عايزة افرحك وبعدين مش عايزا منك حاجه هسأل عمار وهو هيحكيلي
طيب أنا هدخل انام تصبحي على خير قالتها مرام وهي تنصرف إلى حجرتها تاركة خلفها شقيقتها تشتعل من الغيظ
اما هو كان شاردا بها وبجمالها داعيا الله أن يحفظها له ظل يفكر بعلاقته بها فهو يريد وضع مسمي حقيقي بهذه العلاقة
انقضي اليومين واخيرا جاء يوم خطبة سمر وجمال
الذي استعد له الجميع في منزل جمال انهي ارتداء ملابسه و ظل منتظر والدته علها تتراجع عن قرارها وتذهب معه إلى خطبته ولكن هيهات
جمال….. يا امي حرم عليكي متخلنيش احس بالذنب قوي الله يخليكي تعالي معايا الخطوبة انا من غيرك ولا حاجه يا ام جمال
كريمة…… ملكش دعوة بيا انا مش بشيلك ذنب بس انا مش هروح فاهم يا جمال انا مبحبش اكون في مكان وانا مجبورة عليه
جمال…… بس يا امي انا مقدرش اروح من غيرك
كريمة……. خد اخواتك البنات معاك روح ربنا يريح قلبك ويسعدك غادر جمال هو واخوته متجه إلى منزل خالته حتى يصطحب خطيبته إلى القاعة
في منزل سمر انتهت خبيرة التجميل من وضع اللمسات الاخيرة كان الجميع حولها ينتظرون وصول العريس
مرام….. رهف انا هوصل البيت واحصلكم على القاعة
رهف…… ليه في حاجة
مرام…… هغير الفستان ده مش مرتاحة فيه حاسة انه ضيق وخانقني المهم مش هتأخر سلام
غادرت مرام حتى تبدل ملابسها وبمجرد أن غادرت وصل جمال وعائلته واصطحب سمر الي القاعة

في القاعة
وصل جميع المدعوين الي القاعة وهم منشغلين بالموسيقى والرقص بين بعضهم
بينها كانت سمر شاردة في وجوه الجميع كيف يكونوا سعداء هكذا لم لا تستطيع حتى تبتسم يالله صبرني على هذا الوضع اريد ان اكون مطمئنة فقط اريد جزء صغير من السعادة فهل لا يحق لي نظرت بعينيها إلى جمال الجالس بجوارها والسعادة تكاد تخرج من بين عينيه شاب وسيم قوي طيب القلب و الاهم من كل هذا يعشقها اذا ما المشكلة بداخلي انتقلت ببصرها الي تلك العينين الحزينه التي يظهر بهم الوجع خلف تلك الابتسامة المزيفة فتاة تتمني ان تجلس بجوار من تحب ولكن دائمآ الدنيا ظالمة تسعد شخص وتظلم الضعف تنهدت بأسي قائلة في نفسها….. ياريت كنت اقدر اعمل حاجه يا فتون انا عارفه ومتاكدة من عشقك لجمال نفسي اخفف وجعك ده نفسي
افاقت من شرودها على صوت فتون التي تقدمت حتي تقدم لهم التهاني و المباركة حاولت ان تخرج صوتها بشكل طبيعي حتى تخفي نبرة الحزن بصوتها
فتون….. الف مبروك يا سيد الناس مبروك ربنا يسعدكم
جمال……. الله يبارك فيكي يا فتون عقبالك انتي كمان
فتون…… تسلم يا سيد الناس مبروك يا دكتورة الف مبروك
سمر…… ربنا يبارك فيكي يا فتون و يفرح قلبك و تحققي الي قلبك بيتمناه
فتون……. تسلمي من كل شر بعد اذنكم هروح اقعد مع اية ومنار
غادرت وهي تداري كسرة قلبها فمن المؤلم ان ترى من تحب اصبح ملك غيرك وانت لا يحق لك ان تفكر به
وانا اقول القاعة نورت ليه علشان انتي وصلتي قالتها رهف وهي تستقبل ليلي واسلام
ليلي…… القاعة منورة بيكي يا قمر عقبالك يارب
اصابها الوجع من كلمة ليلي فحاولت جاهدة ان تخفي ذلك….. تسلمي يا رب عقبالك يا اسلام
كان شاردا بها وبجمالها الذي اثر قلبه فستانها الذي يناسبها تماما وكأنه خلق لها كل شيء بها هادئ وملفت حتى طفولتها التي تزينها جعلتها اجمل افاق من شروده على صوت والدته…… ايه يا اسلام مالك
اسلام……. مفيش حاجه يا ماما
نظر حوله فلم يجدها هتف قائلا…… امال فين رهف
ليلي…… مشيت مهي عمالة تكلم في سيادتك وانت ولا هنا زعلت ومشيت
اسلام……… معلش يا امي سرحت شوية
ليلي…….. مالك بس احكيلي بقالك كام يوم مش على بعضك وكمان رهف انت على طول مش بتديها وش ايه حصل
اسلام….. مفيش حاجه يا امي تعالي نبارك للعروسة
توجه اسلام الي سمر وجمال وهو يحاول ان يستجمع ذاكرته اين التقي بهذا الشاب إلى أن تذكر جيدا اراد لكمه فهو يظن به يتسلي بالاثنين كان في منزل رهف في ذاك اليوم كيف الان يرطبط باخري هناك حلقة مفقودة في الموضوع ويجب ان يعرف ماذا يحدث
ليلي……. مبروك يا سمر
سمر…… الله يبارك فيكي يا طنط ليلي
اسلام……. مبروك يا انسة سمر
سمر……. الله يبارك فيك يا بشمهندس عقبالك
مبروك قالها اسلام وهو يضغط على كف جمال
جمال….. الله يبارك فيك
اسلام بعد اذنكم هروح اعمل مكالمة وراجع
هو ماله اسلام يا طنط قالتها سمر بعدما غادر اسلام
ليلي….. والله مش عارفه يا بنتي ربنا يستر
ظل اسلام يتجول بعينيه عن رهف إلى أن وقع بصره عليها وهي تتجه إلى خارج القاعة فنطلق خلفها ولكن وقف حين وجدها تقف مع شاب حاول استكشاف هويته الي ان ظهرت ملامحه انطلقت منه ابتسامة ساخرة فهي حقا فتاة لا تخجل من نفسها منذ ايام كانت مع جمال والان مع غيره لم يستطيع الوقوف اكثر فدلف إلى داخل القاعة وملامحه الغاضبة تكاد تخترق أي أحد لا يعلم لم شعر بالاختناق هكذا
رهف……اتاخرت ليه يا بني
عمار…….معلش زحمه الطريق هي مرام فين
رهف…….راحت البيت وجاية تعالى اعرفك على اونكل ابرهيم ونبارك لسمر
انصرف معاها إلي الداخل وهي تعرفه على كل من اهلها واصدقاء سمر بينما هو يبحث عنها هي فقط
وأنت بقي خلصت دراس هندسة ولا اقتصاد وعلوم سياسيه قالها ابراهيم وهو يشير إلى عمار بحديثه
عمار…..لا أنا لسه بدرس في هندسة
اهي مرام جات قالتها رهف بابتسامة بينما التفت هو لها مذهولا بجمالها الهادئ كانت ترتدي فستان يصل إلي اسفل ركبتها جعلها اجمل بكثير خطفت أنظار الجميع بينما سلبت قلبه هو بينما هي إصابتها الدهشة حين وقع بصرها عليه فهل هو هنا حقا أما ان عقلها قد جن اقتربت منهم حتى تتأكد من ذلك
بشمهندس عمار حضرتك هنا قالتها مرام بعدما وصلت اليهم
عمار……. اهاااا رهف عزمتني مش ناس كانت معايا في الشركة مهنش عليهم يدوني خبر
أصابها الخجل من حديثه فهي تمنت أن تخبره ولكن ظنت به أنه لن يوافق
ابراهيم….. معندكش حق يامرام كان لازم إنتي الي تعذميه بنفسك
مرام….. أنا اسفة بس كنت فاكره انك هتكون مشغول مش فاضي
اقترب منها وهو يهمس قائلا…… انا اسيب الدنيا كلها علشانك

على طاولة سميرة كانت تكاد تجن تريد أن تعلم من هذا الوسيم الواقف مع زوجها وبنات اخيه إلي أن سمعت حديث بنات أختها عن هويته
آية……بس مدير مرام ده ايه أمور قوي وهادي تحسيه كده من الناس بتوع الافلام
منار…….بت تفتكري في حاجه بين مرام والمدير بتاعها اصله هياكلها بعنيه
آية…….مش عارفه بس واضح أنه واقع فيها وعنده حق الصراحه
سميرة في داخلها ان ما وريتك يا مرام هتشوفي مني ايام سوده نظرت سميرة إلي ابنتها التي خيم الحزن على ملامحها تحاول أن تخفيه خلف الابتسامه المصطنعة وهي تنظر إلى والدتها بحزن واسي مرت الدقائق على سمر كأنها سنوات تشعر بالاختناق كلما نظرت إلى سعادة الجميع وهي فقط من تريد الانتهاء من هذا الأمر
شعرت مرام بتوتر سمر فقرارت أن تذهب إليها اعتذرت من عمها وشقيقتها وسارت في اتجاه سمر ولكن وجدته يسير خلفها كادت أن تتوقف تسأله ما به ولكن حديثه أصابها بالتوتر
عمار….. امشي قدامي على برة
مرام…… أنت مجنون في ايه
عمار…….خليكي زي ما انتي واطلعي برة من غير ولا كلمة
انصرفت مرام إلي الخارج بينما هو كان خلفها إلي أن وقفت في مكان بعيد عن الجميع
مرام…… ممكن افهم ايه الي بيحصل
اقترب منها وهي تراجعت الخلف كادت أن ترطم بالحائط فجذبها وهو يحاوطها بكلتا يديه أصابها التوتر والخجل من اقترابه هكذا فقد أصبحت أنفاسهم مختلطة بسبب اقتربه هكذا عينيه التي تسلبها عقلها بالكامل أما هو كان مغيب بعينيها واقتربه منها شتت جميع أركان قلبه
اصابتها الدهشة والقشعيرة حين شعرت بيده تتجول على خصرها و لمست أنامله اسفل ظهرها انتفضت وهي تشعر بيده تغلق سحاب فستانها اقترب منها وهمس بجوار اذنها قائلا……..كان لازم اتصرف كده لاني لو كنت قولتلك جوه أن السوسته مفتوحة كنتي هتتوتري اكتر
مرام……. أنا
وضع أصابعه على فمها يمنعها من اكمل حديثها …….اهدي محدش شاف حاجه على فكرة انتي زي القمر النهاردة او بالاحرى القمر هو الي زيك لان انتي مفيش حاجه شبهك
ابتعد عنها وهو يغمز لها بعينه اليسري و ابتسامة خفيفة تزين وجه وبعدها تركها وانصرف إلى الداخل اما هي ظلت على حالها تشعر بلمسته لها وقلبها الذي يتمرد عليها بخفقاته المتتالية ابتسمت وهي تتذكر حديثه فحتما سيكون سبب ضياع عقلها تركت افكارها ودلفت إلى الداخل انقضي الوقت سريعا وانصرف الجميع بينما طلبت رهف ان تذهب إلى بيت عمها حتى تظل الليلة برفقة سمر وبالنسبة لمرام غادرت بمفردها ارادت ان تسير على قدميها حتى تفكر في من سلب قلبها
ممكن امشى معاكي شوية قالها عمار بابتسامته الجذابة
التفتت له قائلة بتعجب!!…. عمار هو مش انت كنت مشيت من بدري رجعت تاني
عمار وهو يسير بجوارها…… اصلي عرفت انك ماشية لواحدك كان لازم اجي اتمشي معاكي شوية
مرام بجدية……. امممممممممم اتفقت انت ورهف تاني صح
عمار…… ممكن اسألك سؤال؟؟؟؟؟
مرام…… اكيد
عمار…….. هو انتي اضيقتي من وجودي يعني علشان بحاول بشتي الطرق اكون قريب منك
مرام……. و انت شايف اني مضايقه
عمار……. بصراحة لا انا شفت فرحة في عيونك وكلام كتير بس مش مفهوم بالنسبة ليا
مرام……. انا سبق و قولتلك لو وجودك بيضايقني مش هكون معاك دلوقتى
ابتسم على حديثها الذي يتعمد ان يطرب اذانه به بينما اكملوا سيرهم وقد شعرت ببعض البرودة تسلل إلى جسدها حوطت جسدها بزراعيها علها تسري بعض الدفء اليهم شعر بها وبحركة عفوية منه خلع معطفه و وضعه على اكتافها قائلا….. خليه عليكي كده احسن
نظرت اليه بابتسامة قائلة…… مرسي بس مفيش داعي
عمار…… ممكن تخليه عليكي لحد ما نوصل
تنهدت بعشق وسارت في صمت وبينما تسير بجواره كان كف يدها يلامس كفه تلك اللمسات جعلت قلبها يخفق بعشق وخجل ليذيد هو من هذا التوتر بفعلته حين شبك اصابعه بكفها كإنه يخبرها بانها من ملكيته
اخيرا وصلت امام منزلها وقفت وهي تنظر اليه قائلة….. تعبتك معايا مش عارفه اقولك ايه
عمار…… تعبك انتي بالذات بالنسبة ليا قمة الراحه
مرام…… بس انت كده هترجع البيت ازي وعربيتك سبتها فين
عمار…… هاخد تاكسي وابعت حد يجبلي العربية
مرام….. مرسي مرة تانية تصبح على خير
عمار…… وانتي من اهله
حمحمت بخجل فما زال يطبق علي كفها انتبه لها فتركه وهتف قائلا…… اسف نسيت
مرام……. تصبح على خير مرة تانية
عمار…… وانتي من اهله هستناكي بكرا
مرام…… باااي
تركته وانصرفت الي البناية بينما هو صعد في اول سيارة اجري مرت امامه
عادت مرة أخرى حتى تعطيه معطفه وجدته رحل القت نظرة عاشقة على المعطف وهي ترفعه إلى انفها حتى تستنشق راحة عطره التي جعلتها مغيبة ابتسمت على ساذجتها واخذته وصعدت به وبمجرد أن دلفت إلى شقتها اخذت المعطف بين احضانها وظلت تدور حول نفسها تتمتم ببعض كلمات احدي الاغاني…… وجودك جنبي بالدنيا دي وما فيها قلبي عليك و روحي معاك امانتك انت أنا عليها أمانة عليك رهانت الناس على حبك متجرحنيش وما تقاسيش في يوم قلبك،،،،،،،
القت بجسدها على اقرب اريكة وهي تقبل معطفه قائلة…… انت احلي حاجه في حياتي مش عارفه انت طلعتلي منين بس خليتني بتنفس بيك كنت دايما بحلم بإنسان واحداً يعوضني عن تفاهات العالم ، إنسان يقف معايا دايما في وقت حزني وفرحي، يكون سندي وضهري يكون حمايتي و اماني وانت بقيت الانسان ده انــت حياتى ونصي التاني .. انت بقيت حته مني ومن قلبي .. مقدرش اعيش ابدا من غيرك فا ربنا يديمك نعمه ف حياتي يا احلى هدية من ربنا
ظلت على حالها تحتضن معطفه إلى أن غلبها النوم
في صباح جديد يحمل الكثير والكثير من الصدمات والمصاعب فهل هما قادرون على تخطي هذه المصاعب
جلس خلف مكتبه يتابع عمله وهو منهمك به من يراه يظن بإنه محترف ويعشق العمل ولكن هو عاشق لفتاة جعلته يعشق كل ما حوله اخرج هاتفه وهو ينظر إلى صورتها التي توسطت خلفية هاتفه و وضع سماعات الاذن حتى يستمع بعض الاغاني التي وصفت شيء بداخله…… متقولش تطلب تتمنا دي حور ونازله من الجنه
النظره منها تدوخ نااس وليها بس الكون غنا
بيكي الحياه بتحلالي يالي شغلتلي باالي
عشت علشانك بكرا لجل ما تبقي حلالي
كل العيون حباكي عشقك وبترجاكي
انك تكوني علشاني يوم فرحي تبقي ملاكي
قطع هذه اللحظة دخول شرين التي كانت تلتقط انفاسها بصعوبة كإنها خرجت للتو من سباق للركض
شرين……. الحقني يا عمار في مصيبة
انتفض بشدة وهو ينظر إليها قائلا…… حصل ايه
شرين……. امجد بيه رجع ومعاه صفوت بيه وبنته دارين وطلب من مرام تروح مكتبه وسامعه صوته عالي
لم ينتظر حتي تكمل بل ركض من مكتبه مسرعا إلى مكتب ابيه
#ياسو
????????