قلوب ارهقها العشق

حلقة امبارح
#الحلقة_التاسعه_والثلاثون

انقضي اسبوعين كاملين لا يذكر بهما احداث جديدة سوي اشتياق وحنين فالجميع قلوبهم قد ارهقها العشق وغلفها فراق الاحبة وعناد العشاق قلوب احبت وذاقت القسوة في سبيل العشق تضحية ادت لفراق وخيانة مزيفة حطمت قلب بريئة والاخر تعاقب بالفراق على شيء لا يعلم ما هو والكثير والكثير في دائرة العشق والارهاق

بعد مرور اسبوعين
مازال الوضع كما هو بينهم تتابع عملها فقط ولا توجه له حديث إلا أنه كان يتابعها بعينيه وكل ترحكتها لم تغفل عينه عنها حتى ولو لحظات ليرفع سماعه الهاتف قائلا بنبرة تخلوا من المشاعر…… تعالي على مكتبي حالا
ردت عليه الاخري بأقتضاب…… حاضر
ثم اغلق الهاتف و وقف امام نافذة مكتبه وعينيه على الشارع الرئيسي
نعم حضرتك طلبتني….. قالتها مرام بعدما دلفت الي مكتبه
لم يعيرها ادني انتباه وظلت عينيه على الشارع لتهتف هي بنفاذ صبر…… عمار لو سمحت عايز ايه
التفت اليها وهو يتابع تعابير وجهها وقال…… عملية رهف الاسبوع الجاي
لاحت من شفتيها ابتسامة صافية لتهتف بعدم تصديق…… انت بتتكلم جدا يعني رهف هتعمل العملية
اعاد بصره للخارج وقال….. اه هتعملها خليها تجهز ورق السفر وتجهز نفسها
ورق سفر…. قالتها مرام بتعجب
ليكمل حديثه….. العملية هتم في فرنسا
بس المفروض انها هتكون هنا في مصر…… قالتها مرام بعدما اقتربت منه قليلا
نظر إليها بجمود قائلا……. الدكتورة هيكون معاها اكبر فريق طبي وغير كده هيكون افضل ليها
نظرت إليه قائلة والدموع تترقرق بعينيها……. انا هكون معاها صح
لا مينفعش….. قالها ومازال يواليها ظهره
ثم تابع حديثه…… اولا لان الشركة محتاجة ليكي متنسيش ان نڤين مسافرة مع معتز
وغير كده اتفقنا
اقتربت منه وقالت……. مينفعش اسيب رهف لوحدها يا عمار انت اكتر واحد عارف اني لازم اكون معاها رهف ملهاش غيري
اغمض عينيه قائلا……. كلامي خلص اتصرفي شوفي اي حد ان شالله حتى اسلام يسافر معاها اظن اني بحاول اوفي بوعدي اختك هتعمل عملية في اكبر مستشفى في فرنسا تحت اشراف اكبر دكاترة في العالم وده كلام مفهوش نقاش انا بعمل الي عليا

ادمعت عينيها وتركته لينظر إلى طيفها الذي غاب عنه بضيق فقد تعب من كثرة التفكير في هذا الامر وغير ذلك اسيل التي لا يعرف عنها شيء منذ أكثر من اسبوعين فقد بحث عنها مرارا وتكرارا ولكن دون فائدة
/////////
في الجيزة بمنزل حسن
رفعت سجادة الصلاة وهي تنظر إليها مبتسمه لتلك الراحه والسكينة التي ملئت قلبها لتتجه صوب غرفة زينب وهي تهتف….. يا صباح الخير
رفعت وجهها تطالعها بوجه شاحب قائلة….. صباح النور
اقتربت منها اسيل قائلة بقلق….. مالك يا طنط انتي تعبانة
هزت رأسها بوهن قائلة……. اصلا العلاج خلص وحسن بقاله يومين بيجي تعبان ومتأخر ومش حبيت اتعبه
وقفت اسيل قائلة……. طيب هاتي الروچته انا هنزل اجيبه
لالا يا بنتي مينفعش…… قالتها زينب بخوف
لتهتف اسيل بحزم…… طنط متخافيش عليا هاتي الروچته وانا الي هنزل
بحثت اسيل عن ورقة العلاج ثم اخذتها وغادرت وسط حديث زينب…… يا بنتي حسن منبه عليا متطلعيش يا اسيل
ولكن كانت اسيل غادرت المنزل بأكمله لتهتف زينب بخوف…… جيب العواقب سليم يارب
وما هي إلا دقائق حتي دلف حسن إليها وقال……. يا صباح الفل يا ست الكل
ثم مال على يدها يقبلها كعادته
صباح النور يا حبيبي…….. قالتها زينب بخوف
ليهتف حسن وهو يشير إلى ما بيده……. لم جيت بالليل متأخر شفت العلاج بتاعك لقيته خلص فجددته ليكي
لتهتف بتعلثم….. تتتتسلم يا ابني
رأي توترها ليتهف بتساؤل……. خير في حاجة يا امي
هاااااا لا لا مفيش….. قالتها بخوف
ليلتفت حسن خلفه قائلا…… هي اسيل لسه مخرجتش من اوضتها انا من يوم ما جبتها هنا مشفتهاش ولازم اتكلم معاها ال بشمهندس عمار قالب الدنيا عليها
توترت الاخري بخوف ليهتف حسن بحدة….. ممكن افهم في ايه
نظرت إليه قائلة…… اصل اسيل نزلت تحت
تحت فين….. قالها بعدما فهم لتكمل والدته….. نزلت الحارة اصلها لقتني تعبانة ونزلت تجيب العلاج
نعم نزلت فين وأمتي ومع مين…… قالها حسن بغضب
لتتابع والدته…… نزلت لواحدها يا ابني يجي من عشر دقايق قبل ما انت تطلع
لم ينتظر أن تكمل له والدته بل ركض مسرعا إلى الشارع حتى يبحث عنها فالمنطقة التي يسكن بها من اخطر الامكان العشوائية
/////////////////

على الجانب الآخر
تململت في الفراش وهي تنظر إلى عشقها الاول والاخير إلى ساكن القلب والروح لتمرر يدها على وجهه مرورا بلحيته النامية لتهتف…….. يا احلى حلم انا حلمته معقوله بقيت معايا وفي حضني ياااهااا انا مش مصدقه
لتحاول النهوض من جواره ولكن جذبها بقوة حتى سقطت في الفراش لينهض هو قليلا وينظر إليها بعشق قائلا
صباح الفل والورد والياسمين
ابتسمت الاخري بحب قائلة…… صباح النور
تابعها بعينيه وهو يبتسم قائلا….. كنتي بتقولي اني احلي حلم
لكمته في كتفه قائلة…… انت كنت صاحي
هز رأسه بالايجاب ثم قال…… هو انتي بقيتي حلوة اوي كده ليه
نظرت إليه لتجده يغمز لها بوقاحة لتستغل شروده بها وتركض من جواره بعد أن دفعته بعيدا عنها….. وقالت…… اتفضل قوم يا محترم اتأخرت على المحل زمان الصبيان بتوعك باعوا اللحمة وانت لسه نايم في العسل
كانت تتحدث وهي تضع يدها في خصرها بمنامتها القطنية القصيرة فنظر إليها الاخر بعشق قائلا…… طب تعالي هقولك
اخرجت لسانها قائلة……. لا انا هروح اجهز الفطار وانت قوم يلا خد شاور عبال ما اجهزلك الهدوم الي هتنزل بيها
هز رأسه بأستسلام قائلا…. حاضر توب عليا يارب عوض عليا عوض الصابرين
قهقهت الاخري قائلة……. ليه بقا هو انا طلعت مقلب
تقدم منها قائلا……. و اكبر مقلب في حياتي
رأته يقترب فقالت…… طيب يلا ادخل علشان متتاخرش وسيبك من الكلام بقا
هز رأسه بقلة حيلة ودلف إلى المرحاض بينما فتحت الاخري الخزانة وبدات في تجهيز ملابسه وبعد ان انتهت سمعت صوته من داخل المرحاض وهو يهتف…… فتون هاتيلي فوطه من عندك
نظرت حولها قليلا ثم قالت…….. في واحدة عندك يا جمال
جمال بصوت مرتفع……… وقعت مني في المياه ممكن تخلصى وتجيبي واحدة
شعرت بغضبه فجذبت منشفة اخري ومدت يدها من داخل الباب لتجده يجذبها بقوة إلى الداخل حتى اصبحت تحت المياه لتهتف بغضب……. انت ايه الي عملته ده
اقترب منها قائلا……. هو انا عملت ايه كل الحكايه انك وحشتينى

نظرت إليه قائلة…… انا لحقت اوحشك انا لسه قايمة من حضنك
اقترب اكثر وهمس…… انتي بتوحشني وانتي في حضني…….
ابتسمت له بعشق ليهتف هو…….. بحبك
//////////////

مازل يذهب إلى الطبيب من اجل المسكنات التي تجعله منهك وضعيف إلى اقصي مراحل التعب ليهتف الطبيب قائلا…… هتفضل كده لحد امتي يا ادهم العملية هتريحك كفاية كده
نظر إلى الطبيب قائلا…… مبقاش في داعي للعمليات انا خلاص عرفت مصيري ايه
الطبيب بضيق…….. انت بتقتل نفسك بنفسك فأيدك تعمل العملية وترجع زي الاول واحسن
اسند رأسه على مقدمة المقعد وهو ينظر إلى سقف الغرفة قائلا……. كان عندي حاجات كتير ممكن تريحني بس لم خسرتها مبقاش يفيد كل ده بقي مش مهم حياتي ولا ليها اي تلاتين لازمة
ليغمض عينيه ويتذكر حينما رأها بحفلة عمار شعر بالروح تنبض بداخله كأنها اعادة الحياة لذالك القلب المرهق ولكن مات في نفس اللحظة حينما رأها مع خطيبها سلبت روحه من جسده شعر بقلبه ينهش بأنياب الالم والانكسار فما اصعب من قلب احب ولم ينال سوي الآلام لم يستطيع البقاء بل غادر لملم بقايا روحه وقلبه وانصرف حتى يسطر حكاية في ديوان الخذلان……..

بشمهندس ادهم يا ادهم…….. قالها الطبيب عدة مرات حينما وجده صامتا
لينهض ادهم من مجلسه قائلا…… انا خلاص يا دكتور بقيت في سجل الوافيات يعني قلبي مات مبقاش في غير جسمي يندفن علشان تكمل الوفاة
انهي حديثه وانصرف ببطي يسير ولا يعلم إلى اين اقدامه تقوده في رحلة العشق ولكن هو تائه في محرابه
سار خطوات كثيرة ولكن وقف حينما استمع صوتا يعرفه جيدا ذاك الصوت الذي انبض قلبه من جديد ليعود مجددا وهو يحاول ايجاد مصدر الصوت وما ان رأها حتى خفق قلبه من جديد
كانت بغرفة مكتبها بالمستشفى وهي تحادث شهاب عبر الهاتف قائلة…….. ارجوك يا شهاب تعالى بسرعة انا خلاص مش قادره اتحمل اكتر من كده
شهاب……………
خلاص تمام هستناك متتاخرش وخلي بالك من نفسك بااااي

في هذه اللحظة ماتت كل الامال بداخله هجره الحب وحل محله الالم ليغادر المشفى مسرعا وهو يصعد سيارته وعينيه قد اشتعلت دموع متحجرة من قساوة الزمن والايام فقد تحمل فوق طاقته والان تبا لهذه الحياة
ليقود سيارته بأقصى سرعة وهو لا يري امامه ولا شيء في هذه الحياة سيوقفه عما ينويه
////////////////
وقفت في حديقة المشفى تنتظر كما اخبرها على الهاتف ولكن فقد تأخر ساعتين متي سيأتي فأن تأخر اكثر من ذلك لن تستطيع مساعدته
اسف اتأخرت عليكي…… قالها شهاب وهو يقف خلفها فألتفتت له ليتابع حديثه….. كان لازم يكون معايا اذن نيابة علشان نكون في الامان وما يحصلش مشاكل
تنهدت بتوتر وقالت….. اوك تمام بس هنعمل ايه دلوقتى
التفت حوله وهو يحاول استكشاف المكان ليهتف بجدية…… بصي احنا هنزل الارشيف بتاع المستشفى واكيد انتي عارفه هو فين
هزت رأسها بالاتجاب ليتابع هو…… تمام بعدها هنحاول نلاقي تسجيلات الكاميرا في 2013 بتاريخ 23/11 والاهم من كل ده اننا نحدد اماكن المستشفى علشان كل تسجيل بيكون عليه رقم الكاميرا والاتجاه
طيب وانت ضامن ان التسجيلات لسه موجودة….. قالتها ياسمينا بتساؤل
ليهتف هو……. اكيدا انتي قدرتي تجيبي ملف عمار وقت الحادث اكيد هتكون موجودة لسه
تنهدت بخوف قائلة…… طيب يالا بينا
غادرا كلاهما متجهين إلى الارشيف ليبدأ في البحث عن تسجيلات الكاميرا
///////////////
في منزل اسلام

: كانت تقراء في احدى الروايات حين سمعت جرس الباب لتترك ما بيدها وذهبت حتى تعرف من القادم بهذا الوقت
وما هي الا ثوانى وكان صوتها يملأ الشقة بأكملها
اسلاااااااااااااام
قالتها والقت نفسها داخل احضانه ليحملها بحب ويدور بها قائلا بنبرة عاشقة……. رجعتلك يا رهف مبقاش في حاجة تبعدني عنك تاني خلصت جيش خلاص
انزلها قليلا حتى لمست قدميها الارض واصبح وجهها مقابل لوجهه فكانت عينيها ممتلئة بالدموع ليهتف بقلق…… في ايه يا رهف انتي كويسة حاجة تعباكي
هزت رأسها بالنفي وصوت بكائها يعلوا وشهقتها تزداد ليتابع حديثه بخوف…. طيب ايه الدموع دي في ايه بس
مسحت دموعها وهي تبتسم قائلة…… خايفة يكون حلم وانت مش معايا
هشششششش.. قالها بعدما مد يده يزيل اثر الدموع ليهتف بحب…… انا معاكي ورجعتلك خلاص مش هنفترق تاني
شعرت بقلبها يتراقص حتى كاد يخرج منها وهي تراه امامها لتهتف…… بجد يا اسلام

بجد يا قلب اسلام….. هتف بها وهو يقبل يدها ثم طبع قبلة على مقدمة رأسها وعينيه متصلبة على شفتيها ليهتف بهمس…… وحشتينى اوي يا روفا وحشتنى اوي
اقترب منها قليلا حتى اخطلت انفاسهم بينما كانت الاخري مغيبه بعشقه لا تعي شيء سوي اشياقها إليه فقط
دنا منها اكثر وما ان مس شفتيها حتى بادلته هذا العشق ليبتعد عنها وهو يهمس…… بحبك
نظرت إلي عينيه بهيام وقالت….. انا اتخطيت الحب كله معاك خلاص وصلت للمرحله ملهاش مسمي تقدر تسميه جنون اي حاجة الاهم ان مشاعري كبيرة اوي ليك
: لاحت منه ابتسامة صافية
ربنا يخليكي ليا ولا يحرمني منك ابدا يا روفة قلبي
تعالت ضحكاتها قائلة بعشق…… وحشتني روفة قلبي دي اوي
انا الي وحشنى ضحكتك… قالها الاخر بعشق ثم حمحم بجدية قائلا……. هي ماما فين
نظرت خلفها وهي تشير على غرفة ليلي…….. ماما اخدت العلاج وقالت هتنام شويه
نظر إليها قائلا بخبث…… يعني احنا كده لواحدينا والشيطان كده بيرفرف حوالينا طيب ينفع كده طب يرضيكي كده
لتبتعد عنه رهف وهي تصفق بيديها وتتراقص قائلة…… لا لا لا لا لا
ليكمل الاخر بمرح……. نبقي لواحدينا
رهف…. لالالا لا
اسلام……والشيطان حوالينا
رهف……. لالالالا
بيوسواس فيا
رهف ……لالالالالا
اسلام….. طب ينفع كده طب يرضيكي كده
رهف بسعادة…… لالالالا
ل تتعالي ضحكاتهم وهو يضمها إليه بقوة ويستنشق رائحة الياسمين قائلا…… وحشنى جنانا اوي
شددت من احتضانه قائلة بسعادة……. اديك رجعت من الجيش يبقى الجنان هيكون مضاعف
ضغط عليها بقوة داخل احضانه كأنه يريد تحطيم ضلوعها بداخله لتهتف هي بأعتراض…….. اه يا اسلام هتعصرني في حضنك هو انت بتعصر لمون
تعالت ضحكاته ليبعدها عنه قائلا……. هو حضني بيضايقك
تنهدت الاخري بنفاذ صبر……. لا مش بيضايقني بس انا الي اعرفه ان الحضن حاجة من الي الاتنين اما احتواء او قلة ادب انت بقا خليته تكسير ضلوع
اممممممممم طيب ممكن تشرحيلي ايه الفرق بين حضن قلة الادب والحضن الاحتواء؟؟؟!
تنهدت بغرور قائلة بطريقة مسرحية…… اسمع سيدي احممم بيقولك ان حضن قلة الادب ده واحد بيحضن وخلاص ملهوش هدف غير حاجة قليلة ادب هااا فاهمنى ركز
انما حضن الاحتواء ده حاجة مختلفة
صمتت قليلا ثم تابعت….. انك تكون تايه و ضايع مش لاقي راحة تكون خايف تعبان روحك وجعاك وفجأة يحضنك شخص ينسيك كل همومك شخص يكون وجوده بيفرق معاك وقتها هو بيحتويك جوه بيخبيك من هموم الدنيا كلها
صمتت قليلا وهي تنظر إليه فكان ينظر إليها مبتسما لتهتف…… مالك في حاجة
امسك كفها وقبل راحة يدها قائلا بعشق…… اصل كل كلامك لمس قلبي حسيت انك بتوصفي احساسي لما بحضنك انتي فعلاا بتحتويني
بادلته الابتسامة قائلا…… مهو انا حضنك وبيتك وراحتك و امانك ربنا يخليك ليا يا احن قلب في الدنيا
ضمها إليه مجددا…… ويخليكي ليا
ثم هتف بجدية…… ادخلي غيري هدومك وتعالي ننزل نأكل بره و اوصلك البيت علشان مرام متعملكش مشكلة لو عرفت اني جيت
قفزت لاعلي وهي تهتف بسعادة كالاطفال
بجد هنخرج نأكل ونتفسح زي الاول هيهيهيهيهيهي يحيا العدل يعيش اسلام يعيش
: ضيق عينيه محاولا اصطناع الجدية ليهتف بغضب مصطنع….. ممكن بقا تبطلي جنان وتدخلي تغيري علشان منتأخرش
رأت تغيره المفاجيء لتهتف بقلق….. في ايه يا اسلام
التفت للجه الاخري وقال….. مفيش بس ممكن تخلصي علشان نمشي
نظرت إليه وجدت ملامحه غاضبة فلم تشاء ان تجادله وسارت بضع خطوات إلى ان هتف بأسمها قائلا…… رهف
التفت له ليتابع حديثه بضحك وهو يتراقص يميننا ويسارا….. هي الحالة ايه اشتغلت
لتتميل الاخري بسعادة….. اشتغلت واحلوت ?
وقبل أن تكمل وجدته يركض صوبها قائلا….. امشي يا بنت ال
لتتعالي ضحكات الاخري وتركض مسرعة إلى غرفتها ليبتسم هو بسعادة داعيا الله ان يحفظ تلك المجنونه التي سلبته قلبه وعقله
استنوني في حلقة جديدة من قلوب ارهقها العشق
ياتري أسيل هيحصلها ايه؟؟؟!! وحسن هيلاحقها
و ادهم وجعه هيعمل فيه ايه وهل هينجي من المكتوب اما سينتصر الارهاق على العشق ويترك قلوب معذبة
شهاب وياسمينا هينجحوا في مخططهم الجديد وهيقدروا يكشفوا الحقيقة ولا شر امجد هينتصر