قلوب ارهقها العشق

الحلقة التاسعة عشر

مرام بشىء من الحزن….. ده الصح بس انا مش هرفع قضية مهما ان كان ده باباك يعني اسمه من اسمك وانا مستحيل اضره بالشكل ده لان سمعته هتتأثر وكمان ممكن يغضب عليك
عمار بغضب……… انتي فاكرة ان امجد بيه بيهتم بكل ده مرام احنا هنرفع قضية و ده اخر كلام
مرام بشىء من الهدوء…… وانا قلت مش هرفع القضية دي حاجه خاصة بيا انا حرة
تلاشت كل تعابير وجهه وابتعد عنها وقال…… حاجه خاصة بيكي يعني انا مش من ضمن الخصوصيات دي يا مرام
كادت ان تتحدث ولكن اولها ظهره واتجه مباشر إلى خارج المشفى واتخذ قرار ربما تأخر به ولكن اليوم سيضع حل لهذه المهزلة

فاقت من نومها وهي تنظر إلى ابنة عمها التي مازالت نائمة بجوارها نهضت بهدوء حتى لا تيقظها و تسللت إلى الخارج وهي تغلق الباب بأحكام
_صباح الخير.. نمتي كويس؟؟؟؟؟ قالها بصوت هادئ

التفتت حتي استقرت عيناها على وجهه… فكان يقف خلفها مباشر
كانت عيناه مفتوحتان تنظران اليها بشىء من العشق استطاع من خلال نظراته اخترق جدار قلبها
هتفت بصوت مرتجف تغلب عليه التوتر…
_صباح النور.. بجد شكر الاوضة كانت مريحة وانا محستش نمت ازاي
نظر لها….. وقال بابتسامة
_أنا مبسوطة جدا انك قدرتي تنامي كويس

سمر مغيرة مجري الحديث…. هي مرام فاقت

كريم بهدوء….. تقريبا لسه لإن عمار لسه مخرجش بره الاوضة

سمر بإرتباك….. طيب هروح اجيب فنجان قهوة علشان عندي صداع جامد
هتف بخوف…. مالك حاجة تعباكي؟؟؟؟
سمر……. لا ابدا بس أنا متعودة على اني اشرب قهوة الصبح

عقد كريم حاجباه باستغراب.

_متعودة يعني دي مش اول مرة

سمر بابتسامة خفيفة

لا أنا دايما بشرب القهوة الصبح بدل الفطار
عبس بضيق وقال
طيب اولا كده ده شىء غلط وممنوع ثانيا تعالي نفطر بره زي البني ادمين
سمر بشئ من التردد
_اجي معاك فين

كريم وهو يضحك بخفة

مش هأكلك والله هطلب فطار من الكافتريا الي جنب المستشفى ونفطر مع بعض

نظرت إلى عيناه التي تفيض بكل معاني الحنين وهتفت…… تمام اطلب

كريم……. تعالي معايا هخليكي تشوفي حاجة تفتح نفسك على الفطار

سمر بإرتباك
_هنروح فين

ضحك كريم بخفة وقال
_سيبي نفسك شوية

مد يده بحركة سريعة و احتوي كفها وسار بها متجه صوب الدرج متجه إلى سطح المشفى
كانت تنظر حولها بشرود لا تعلم إلى اين يصطحبها

انتشلها من هذه الحالة صوته الهادئ

_ايه رأيك اجمل منظر ممكن تشوفيه الصبح

نظرت بأعين مفتوحة وهي لا تصدق عيناها كم كان الجو

جذاب وجميل فا هي اواخر الشتاء بجمالها في الصباح

الباكر نسمات الهواء التي انعشت روحها

عجبك المكان.. قالها كريم بصوته الهادئ المتزن

قفزت مثل الاطفال بسعادة وقالت
_بجد اكتر من روعة كان نفسي اشوف الشروق من اوله بس شكلي اتأخرت بس ده كمان روعة

كريم بسعادة….. طيب تعالي نقعد انا كنت عارف انك هتوفقي وبصراحة جبت مقعد لينا هعمل مكالمة واحصلك
سمر…… تمام
جلست على المقعد بينما كان هو يتحدث على الهاتف و انهي مكالمته واتجه إليها

ابتعدت قليلا حتى تسمح له بالجلوس وعادت للشرود من جديد في شكل حياتها القادم تري السعادة كتبت لها تمنت لو كان جمال به جزء بسيط من مواصفات كريم ان يكون مرح محب الحياة يبحث عن اسباب السعادة فمنذ يوم خطبتها وتمنت ان يجعلها تفهمه ان يعطي شكل اخر لعلاقتهم ولكن هو مازال يعاملها بتحفظ كأنها شيء اثري لا يقترب منها نعم يعاملها بلطف ولكن هي تريد الجنون تريد من يعلمها معنى الحياة معنى الضحك تمنت شخص مثل عمار يبحث عن اسعاد حبيبته رغم كل المشاكل التي تحيط بهم
عيناها اصبحت ممتلئة بالعبرات وشعرت إنها تختنق
نظر إليها وهو يرى كيف تبدلت ملامحها وعيناها التي تلمع بالدموع فما كان منه إلا أن وضع كفه على كفها وهو يحتويه بحنو وقال….
_ سمر مالك
نظرت إليه بهدوء عكس الذي بداخلها
_مفيش حاجه

اشاحت ببصرها إلى الجهة الاخري فلا تريد أن يشعر بالنيران الملتهبة التي بداخلها
وضع يده اسفل ذقنها وهو يجبرها على النظر اليه وقال

_طيب بتقولي مفيش يبقى ايه سبب الدموع دي يا سمر

مهما حصل مش عايزا اشوف دمعة واحدة في عينك او حتي نظرة حزن انتي اغلي بكتير من انك تكوني حزينة

نظرت إليه بتركيز على ملامحه وصوته الرخيم الهادئ الذي طغي عليه نبرة الحنين والشوق

اكمل حديثه بشئ من التردد وهو ينظر إلى عيناها..
سمر انا جبتك هنا علشان اعترف ليكي بحاجة مستخبية في قلبي من يوم ما قابلتك سمر انا انا

كلاهما كان ينظر إلى الاخر فقط لغة العيون تتحدث اقترب منها بهدوء وهو يحتوي وجهها بين يديه وحني رأسه ولمس شفاها بشفتيه ليقتحم عذرية شفاها بقبلته التي تعمق بها وهو مسحور بهذا المذاق الذي يختبره للمره الاولى

اما هي كانت مستسلمة للعشق الذي تملكها وسيطر على جميع اوتار قلبها لم تعرف ماذا يحدث فقد شعرت بروحها تكاد تخرج من جسدها

ابتعد بهدوء وهو ينظر إليها وقال بنبرة عاشقة

_انا بحبك

تلك الكلمة جعلتها تستيقظ من ذاك العالم الذي حلقت به قبل قليل انتفضت بعيدا عنه حين ادركت فعلته وما سمعته
دقات قلبها اعلنت التمرد لا تريد الابتعاد ولكن الاقتراب أمر لا يصح
_نعم بتقول ايه؟؟!!!!!

اعاد جملته مرة أخرى

_انا بحبك

لم تدري هل دموعها فرح ام حزن ولكن هي دموع انكسار دموع على حب جديد محكوم عليه بالموت فور ولدته ليتك لم تخبرني بها ليتك لم تقترب مني فقد تملكت من قلبي منذ اللقاء الاول…..لا أنت بعيد فأنتظرك، ولا أنت قريب فألقاك،لا أنت لي فيطمئن قلبي، ولا أنا محرومة منك لأنساك، أنت في منتصف كل شئ. انت دقات محرمة داخل قلبي انت لعنة العشق التي أصابتني وستكون حتما سبب عذابي انت وجع لقلبي ،،،،،
سمر بإنكسار،……

_مستحيل انا وانت مستحيل

_يعني ايه… قالها كريم بعدم فهم

سمر بدموع……

_ياريتك ما كنت قولتها يا كريم ياريت ما كنت قولتها

رأي دموعها وهي تنساب بصمت وقف امامها وحاول أن يقترب منها فأبتعدت عنه

_ارجوك كفاية بلاش تقرب مني تاني

كريم بتساؤل؟؟؟؟
_ليه بلاش اقرب مالك انا ضايقتك؟؟؟؟؟!!
سمر بدموع…….. انت مش عارف حاجة ارجوك ابعد يا كريم امشى متخلنيش اشوفك تاني ارجوك

كريم بأستغراب!!!

_انا عملت ايه ممكن افهم يا سمر أنا بحبك ومستعد ارتبط بيك رسمي معقوله فاكرني بتسلي بيكي؟؟؟!!!!!!

صاحت بغضب،،،
_انا مخطوبة يا كريم مخطوبة فاهم يعني الي انت عملت من شويه ده و انا سمحتلك بيه كان خيانة انا مخطوبة لواحد تاني من فضلك انا مش هتحمل وجع لقلبي ولا هتحمل اكون وجع لقلب حد

انهت حديثها و هرولت إلى الاسفل وهي تمسح بظهر يدها دموعها
بينما ظل هو على حاله يستعيد ما قالته قبل قليل حديثها الذي غير مجري حياته لا يعلم ما حال قلبه الان هناك دوشه آلم مشاعر محطمة هناك بركان على وشك الانفجار

اخيرا وصل إلى شركة والده نظر إلى البناء العالي وهو يبتسم بسخرية كلما تذكر كيف انحضر والده إلى هذا المستوى الرديئ كيف يفعل هكذا حقا اصحاب المال لا يملكون القلوب واصحاب العشق لا يملكون العقول واصحاب العقول لا يملكون راحة البال كل منها يفقد شىء اغلي مما يمتلك

اهلا اهلا عمار بيه،،،
هكذا هتف يحيى وهو يرحب بعمار

عقد حاجباه بغضب و اقترب منه وقال،،،
اهلا بالواطي
ثم كور يده و لكمه في وجهه بقوه حتى اسقطه ارضا

_في ايه يا باشا انا عملت ايه

_عملت ايه لا ده انت معملتش حاجة خالص

انحني إلى مستواه ومد يده و جذبه من ساقه وهو يسحبه خلفه مثل الكلاب وسط نظرات الموظفين

_عمار انت هنا بتعمل ايه
قالتها شرين بتساؤل؟؟؟؟؟!!!!

-امجد بيه في مكتبه؟؟!!!

قالها عمار قبل أن يقتحم مكتب والده

انتفض كلامن امجد و صفوت حين وقع بصرهم على يحيى الممدد على الارض وساقه في يد عمار

_ايه الي بيحصل هنا ده؟؟؟؟!!!

هكذا هتف امجد بعضب،،،

عمار بغضب وصوت مرتفع……
_الي بيحصل كل خير مش ده الكلب دراعك اليمين الي خليته يبعت واحد علشان يعتدي على مرام ولا انا غلطان

صاح امجد بعضب……..

انت بتقول ايه يا ولد جاي تتهمني في مكتبي بشئ قذر زي ده وبعدين أنت عرفت منين انه كان هيعتدي عليها مش يمكن هي مصاحبه الي كان معاها ولا هي أكلت عقلك خلاص

ضحك بسخرية وقال،،،،،

_انا مش قادر افهم أزي مكنتش واخد بالي من انكم ممكن تنزلوا للمستوي ده فعلا الفلوس والطمع خلي قلوبكم سوداء

صفوت بغضب…..
_واضح جدا انها لعبت بعقلك ومفهماك انها محترمة لدرجة انك وقف وبترفع صوتك في وش أبوك وكمان جاي تحاسبه لا فعلا ونعم التربية بنات زبالة

صاح بغضب….
_انت بالذات متتكلمش علشان الزبالة دي انت واشكالك
والي بتتكلم عليها دي اشرف بكتير منك كفاية انها عملت احترام للعلاقة الدم الي بيني وبين امجد بيه ورفضت ترفع قضية وتاخذ حقها اتنزلت علشان متكنش السبب في مشاكل بيني وبين ابويا

امجد…
_انت عايز ايه دلوقتى مش خلاص بقيت ضدي واخترتها هي بس لازم تعرف اني مش هسمح للوضع ده يطول اكتر من كده
عمار بتحدي وقوة
_وانا الي هيفكر يقرب من خطيبتي هقلب التربيزة على الكل ومش هحترم اي علاقة مزيفة اصلا و كل شغلكم الي في السر هيظهر للناس علشان يعرفوا كويس اي هي حقيقة امبراطورية نصار
صفوت بقلق وخوف…
_شغل ايه؟؟؟؟!!!
عمار بثقة….

_انت عارف انا قصدي أيه وعلى فكرة انا مش بهدد انا معايا ادلة و اورق تثبت كلامي انا عرفت الموضوع ده بعد ما عرفت مرام بكام يوم و كنت بجمع كل المعلومات عن شغلكم القذر ولم طلبت مني اختار بينك وبين مرام كان سهل عليا اختارها لانها نضيفة من جوه
ياريت تبعدوا بقي عنا علشان نعرف نعيش في سلام وانتوا كمان ترتاحوا

خرج عن صمته وقال
_بتهدد ابوك علشان حتت بت متساوش حاجة عملت منك مرمطون في الاسواق و سواق تاكسي اخر الليل بعد ما كنت ملك في بيتك عايش في جنة

عمار بثقة اكبر….
_حتت البت دي احسن مليون مرة من الجنة الي بتتكلم عنها النظرة منها بتشيل كل همومي والشغل مش عيب ولا حراام طالما نهايته هيكون حضنها مش عايز غير كده انا بعدت عنكم علشان اكون مع الي بحبها في سلام بس قسما بالله لو فكرتوا بس تلمسوا شعرة منها وقتها عليا وعلى اعدائي

قال جملته تلك وانصرف إلى الخارج وهو في اقصي مراحل غضبه لحقت به شرين التي كانت تنتظره بالخارج
ابتسم لها حين رأها قادمة إليه وقال..
_شكرا يا شرين على الورق بجد مش عارف من غيرك كنت هعمل ايه!!!

شرين بإبتسامة صافية
_متقولش كده انت زي أخويا الصغير وعلى العموم انت اكتشفت الموضوع بنفسك انا كل الي عملته جبتلك كام ورقة تثبت الي بيحصل من وره ضهرك انا بس خايفه عليك من الناس الي هما شغالين معاهم ممكن يضروك،؟؟؟!!!

عمار بتحدي،،،

_مخافيش عليا انا هعرف اتصرف وهما مش هيعملوا حاجة

على الجانب الآخر في مكتب امجد نصار كان الجو مشحون بالغضب وهو ينظر إلى يحيي بغضب و امسكه من ياقته وقال،،،،

اقولك مش عايز غلطة تروح تجيبلي مصيبة انا مشغل معايا بهايم انا اتفقت معاك تخطفوا البت وتخدروها وتخليه يشوفها مع واحد
تروح تجيب حيوان يغتصبها انت حمار ولا مخك ده في طين

يحيي بخوف…..

_والله يا باشا انا اتفقت مع الرجل على كده بس لما شاف البت قال انها عجبته وكان فاكرها سهلة مش هتتعبه بس البيه وصل قبل معاده
صفوت بعضب،،،،
خلاص يا امجد سيبه الي حصل حصل اهم حاجه لازم نتصرف ابنك بيلعب بالنار وهيحرقنا كلنا لازم نتصرف قبل ما نقع
امجد بتساؤل
_هنتصرف ازاي يعني
صفوت
_لازم نخلص من عمار قبل ما يوقعنا احنا الاتنين
هتف بغضب…
_انت اتجننت ولا حصل لعقلك حاجة اخلص من ابني الوحيد انت مجنون ولا أيه

هتف صفوت بسخرية
_ابنك نفسه هيخلص مننا وانت سمعت بنفسك ولو احنا مخلصناش منه الجماعة هيقتلوا

امجد بحدة وغضب….
_انا مش هسمح لحد يأذي عمار مهما حصل واذا كان عليه انا هعرف ارجعه ازي هنا تحت جناحي بس اصبر عليا

صفوت بقلق وتساؤل…..
_هتعمل ايه؟؟؟؟!!!

امجد بثقة وخبث
_هلعب بأخر ورقتين معايا وانا واثق انها هتكون نهاية قصة عمار مع البت دي

استيقظت من نومها وهي تبحث بعيناها عن ابنة عمها وحينما لم تجدها بالغرفة خرجت واتجهت إلى حجرة شقيقتها وجدتها تجلس على الفراش و وجهها طغي عليه معالم الحزن والانكسار

صباح الخير.. قالتها رهف بصوتها الهادئ
مرام بأبتسامة خافتة…
صباح النور…. هي سمر لسه نايمة ولا أيه
رهف…..
_انا صحيت لاقيتها مش في الاوضه اصلآ
مرام بهدوء….
_يمكن خرجت بره

مرام حصل ايه يا بنتي ومين الي عمل كده
هكذا تحدث ابراهيم الذي اتجه صوب ابنة اخيه و احتوها بين احضانه

مرام بهدوء….
_مفيش حاجه يا عمي الحمدلله انا بخير انت عرفت ازاى

اخرجها من بين احضانه وقال…
_النهاردة رحت العمارة ومكنش في حد في الشقة سألت الجيران قالوا انكم بره من امبارح كلمت سمر على الموبايل بتاعها هي الي قالت انك هنا ايه حصل يا بنتي احكيلي

مرام بهدوء كاذب عكس ما في داخلها….
_كان واحد بيحاول يخطفني وعمار وصل في الوقت المناسب

ابراهيم بتساؤل…..
واحد مين ده احنا الحمدلله معندناش اعداء يا بنتي مين ده الي ممكن يحاول يخطفك

مرام بهدوء…..
مش عارفه يا عمي بس الحمدلله على كل حال الاهم ان مفيش حاجه حصلت

هو انتي كنتي مستنية حاجة اكبر من كده يابنت سالم
هتفت بها سميرة بعد أن دلفت مؤخرا إلى غرفة مرام وخلفها ابنتها سمر بعد أن اخبرها زوجها على الهاتف بما حدث

ابراهيم بغضب…..
سميرة انا مش نبهت عليكي في التليفون متجيش هنا

سميرة بغضب….
_كان لازم اجي اطمن على بنتي مهي عايشة مع واحدة ماشية على حل شعرها لو كانت محترمة مكنش حصل لها كده

ابراهيم بغضب
قسما بالله لولا اننا في المستشفى لكنت عرفتك ان الله حق سميرة……
طبعا ما انت لازم تيجي في صف الهانم بنت اخوك بس انا مش هسكت بعد كده دي شكلها هتجيب لنا العار وهتفضحنا بين الناس وتخلي سيرتنا على كل لسان

رهف بغضب….
قطع لسان اي حد يتكلم عن اختي بكلمة واحشه الكل عارف اخلاق مرام كويس

سميرة بسخرية
_ابقي اقطعي لسان الناس كلها

كادت ان ترد مرة أخرى ولكن عمها انهي الحديث قائلا…..

ياريت تسكتي انتي وهي و الي عندها كلمه تخليها لنفسها احنا في مستشفى مش في سوق
سميرة بسخرية…..
_ده الي انت فالح فيه
سمر بهدوء….
ماما من فضلك خلي الكلام في البيت عيب كده

سميرة بتهكم وصوت منخفض……..
طبعا ومين يشهد للعروسة اعملي حسابك هتروحي البيت تلمي هدومك وترجعي معايا بيتنا انا مش هسيبك مع الي ما تتسمي مرام دي تاني

سمر بهدوء وهي تحاول أن تريح والدتها….

حاضر يا ماما ممكن بقي متوجهيش كلام لمرام تاني؟؟؟؟

سميرة وهي تلوي ثغرها…..
_طيب يا اختي هحط جزمة قديمة في بؤقي و اسكت

تنهدت بثقل و حزن فهي لا تريد مغادرة منزل ابنة عمها ولكن هذا الانسب فيجب عليها الابتعاد عن كريم قدر الامكان وإلا قلبها سوف ينكسر وايضا لن تتحمل عذابه

وصل اخيرا إلى المشفي تذكر حديثها وكان غاضبا منها بشدة ولكن لن يسامحها على تفوها بتلك العبرات السخيفة
دلف إلى الداخل وهو يجاهد على رسم الابتسامة على وجهه

اهلا يا عمار كنت فين؟؟؟؟!!!
قالتها رهف بصوتها الهادئ

عمار بهدوء..
كنت في مشوار

نظر حوله بعدما رحب بالجميع و جلس بجوار ابراهيم دون أن يتفوه بأي كلمة و تحاشي النظر إليها

كانت تنظر إليه بدهشة ملامحه جامدة خالية من الحياة او البهجة

مساء الخير؟؟؟!!

مساء النور يا بني اتفضل
هكذا رحب ابراهيم بأسلام الذي دلف إلى الحجرة بهدوء

اسلام بهدوء…
عاملة ايه يا مرام اخبارك دلوقتى

مرام بابتسامة مصطنعة،،،،

بخير الحمد لله،،،، هي طنط ليلي فين

اجابها بهدوء،،،
ماما راحت البيت علشان تاخد علاج الضغط عدت عليكي الصبح بس انتي كنتي نايمة

اكملت حديثها وقالت،،،،
وكريم فين مختفي

قالت جملتها وهي تنظر اليه فهي تعمدت ان تسمع صوته

ولكن هناك من تملكها التوتر والقلق وهي تتجول بعيناها تبحث عنه تري اين ذهب هل ابتعد عنها كما طلبت منه ايعقل غادر؟؟؟؟؟!!!!