قلوب ارهقها العشق

الحلقة الخامسة عشر
#قلوب_ارهقها_العشق
#ياسمين_رجبانقضي اسبوع كاملا وعمار ملازم المنزل ينتظرها وهي تعد له الطعام وتأتي به اليه وطوال هذا الاسبوع اصبحت علاقة عمار واسلام شبه قوية فقد كان يأتي له كلما علم بوجود رهف وسمر ومرام كان يتعمد ان يذهب إلى هناك حتى يتحدث معها ولكنها دائمآ تتجاهله اما سمر فكانت علاقتها بجمال شبه عادية لا يذكر بها شيء فهي تتعمد ان تنشغل في دراستها
فتون اصبحت حزينة منذ خطوبة جمال قلبها مفطور كأنها مجردة من الحياة لم تعرف طعم السعادة يوما

في صباح جديد عزم امره على الذهاب إلى العمل فقد انقضي اسبوعا كاملا وهو لم يذهب ارتدي ملابسه وخرج بهمة ونشاط
تابعته بعينيها حتى خرج من المنزل ومن ثم أبتعد قليلا حتى انطلقت خلفه بحظر حتى لا يلاحظها وبعد قليل من الوقت رأته يدلف إلي سوق الخضار نظرت حولها فما سبب وجوده هنا تابعته حتى رأته يقف مع ذاك الرجل الذي اوصله إلى المنزل
عبد العزيز…… إيه جابك السوق النهارده كنت ترتاح شويه
عمار…….معلش ارتحت بما فيه الكفاية أنا محتاج للوقت اكتر من الراحة
عبد العزيز……طيب أنا ممكن اشوفلك شغلانة تانية غير المتعبة دي علشان أنت لسه تعبان
عمار……متقلقش عليا أن زي الحصان وبعدين أنا اكيد اقدر اتحمل زي عمي عوض الرجل الطيب ده يالا استئذان اروح اشوف شغلي
غادر عمار وهو ينزع قميصه ويضع هاتفه في جيب بنطاله بعدما أطال النظر إلى عينيها
للحظة انتفض قلبها وهي تراه يحمل الاكياس فوق ظهره كيف يعافر وعلى وجهه ابتسامه صافية خانتها دموعها وانسابت على وجهها كالشلال وهي تنظر إليه وفي داخلها تلعن نفسها فهي السبب في ما هو عليه الآن
هو رجع تاني بعد العلقة الي أخدها قالتها احدي السيدات إلي أحد بائعين الخضار
البائع……. والله شكله ناوي على موته المعلمة بدور مفترية مش فاهم هو عملها ايه خلها بعتت عتمان و رجالته ضربوه
لفت الحديث انتباه مرام فصغت إليه
السيدة……يا اخويا ما أنت عرفها واحدة استغفر الله العظيم مشيها بطال اكيد الواد دخل دماغها علشان حليوه حبتين و هو بما يرضي الله مرفعش عينه في اي ست في حاله وبيشتغل حتى محدش سمع له نفس شكله كده ملوش في العوج
البائع……يا عالم محدش عارف ايه السبب بس بيني وبينك بيقولوا أنها كانت في المخزن وحاولت تقرب منه راح هو ضربها وقال مليش في الزبالة
السيدة…… وأنت عرفت منين الكلام ده
البائع…..عوض الي شغال مع المعلم عبد العزيز كان شايل الزكيبة وريح المخزن وشاف كل حاجه
السيدة……يسلم لسانه ملهاش إلا كده ست عديمة حياء
: البائع…… يالا ربنا يستر عليه منها ومن شرها ست قادره ربنا يهدها

اغلقت باب الشقه وهي تهم بالانصراف إلي مدرستها
رهف قالها اسلام المنتظر أمام شقته
لم تعيره أي اهتمام واكملت سيرها في اتجاه المصعد الكهربائي
اسلام……طيب على الأقل اسمعيني بلاش تتكلمي معايا
رهف……………
اسلام……يارهف أنا اسف والله العظيم مكنش قصدي بس أنا لم شفتك مقدرتش افكر كنت زي المجنون دماغي كان فيها مليون حاجه افكاري كانت ملغبطة في الأول كنت فاكر علاقتك بعمار شئ ميخصنيش بس ضايقني كنت بحاول اتجاهلك على قد ما اقدر ويوم ما شفت جمال ده زود جنوني اكتر اي حد مكاني كان هيفكر كده
نظرت اليه بعينين ممتلئة بالعبرات وهتفت قائلة…….اي حد إنما أنت مش حد يا اسلام علي الاقل أنت ساكن هنا عارف اخلاقي شفت مني اي تصرف وحش طول الايام الي فاتت في مرة تجاوزت حدودي معاك مينفعش تظن السوء في حد منغير متعرف اسبابه ايه أو ظروفه أنا اسفة بس بالنسبه ليا مستحيل اسامح أي حد يجي على كرامتي لأن دي الحاجة الوحيدة الي بتعمل قيمة لأي بني ادم وأنت قللت منها كفايه قوي لحد كده بعد اذنك تركته ودلفت إلى المصعد وهو مازال ينظر في الفراغ كأن أحد سكب فوق رأسه دلو
من الماء البارد تنهد بأسي وتوجه صوب الدرج حتى يذهب إلى جامعته

ترجلت من سيارة الأجرة وكادت أن تدلف من البوابة الرئيسية للجامعة ولكن استوقفها صوت جمال الذي ترجل موخرا من سيارته وسار صوبها
سمر…… جمال في حاجه ولا ايه
جمال…… صباح الخير الاول
سمر…….. صباح النور
جمال……..تعالي نشوف اي كافتريا نقعد فيها
سمر…..تمام في واحدة هنا جنب الجامعة
جمال……يالا
سار الاثنين سويا إلي الكافتيريا خير يا جمال في حاجه هتفت بها سمر
جمال…… خير ان شاءالله انا بس كنت حابب اسلم عليكي قبل ما اسافر
سمر……. تسافر فين
جمال….. انا
مسافر اسيوط في واحد من الجزرين الي شغالين في المدبح عامل حادثة وهروح اوصله بلده واحتمال اقعد كام يوم لحد ما اطمن عليه
: سمر….. طيب تروح وترجع بالسلامة خلي بالك من نفسك
جمال….. حاضر وانتي كمان ابقي خلي بالك من نفسك يالا نمشي علشان تلحقي محاضرتك وانا هطلع على المستشفى
سمر…… يالا
انصرف كلهما كل منهم متجه إلى وجهته بينما دلفت سمر إلى الجامعة وهي تبحث بعينيها عن اصدقائها
بتدوري على حد قالها كريم وعلى وجهه ابتسامه ساحرة
سمر….. ازيك عامل ايه
كريم….. كويس انتي اخبارك ايه
سمر….. ماشي حالي
كريم……الحمدلله دي تاني مرة
سمر….. نعم تاني مرة على ايه
كريم…… اني اشوفك هادية ومش متعصبة
ابتسمت رغما عنها قائلة….. وده بقي شيء وحش تحب اتعصب يعني
كريم مسرعا….. لا لا لا الله يخليكي خلينا في الطيب احسن وبعدين العيون دي ملهاش يبان فيها الحزن
اصابها الخجل من حديثه فلم تعلم بما تجيبه فهتفت…… انا هروح الكافتيريا تحب تيجى معايا بدل الوقفه دي
كريم بسعادة….. طبعا
ظلت تتابعه بعينيها وهو مازال على وضعه يحمل الخضار من سيارة النقل إلي المخزن أو العكس يحمله من محل الحاج عبد العزيز إلي سيارة التاجر الذي يشتري الخضار رأت شخص ينادي عليه قائلا…….هااا يا عمار عايز أكل اجيب لك معايا
عمار……. هتجيب أكل ايه
الرجل…… في وجبة فراخ مشويه ب 20 جنيه وفي ناس طالبين فول الطلب 2جنيه هاااا هتأكل اجيب لك معايا
عمار…… طيب هات طلب فول
الرجل……ايه البخل ده يا جدع وأنا الي كنت فاكر أنك هتطلب أكل يعوضك على التعب بتاع النهارده وفي الاخر هتاكل فول
عمار…….18 جنيه هوفرها أنا احق بيها ومش هتفرق أكلت لحم أو فول المهم أنه غداء وخلاص
هنا فقط تحطمت كسر قلبها وهي تراه يتحمل فوق طاقته من أجلها كيف تكون بهذه الأنانية حبها سيكون سبب تعبه ودماره
لم تستطيع التحمل والصبر اكثر عزمت أمرها على الرحيل نظرت اليه بعينين ممتلئة بالعبرات هنا فقط رآها بين الناس ودموعها التي جعلت قلبه يتمزق ترك كل ما في يده وركض خلفها حتى يستطيع اللحاق بها رآها تصعد داخل سيارة الأجرة
فصعد هو الآخر في أول سيارة مرت من امامه
اطلع بسرعة وره التاكسي الي ماشي قدامنا ده بسرعة
السائق…… حاضر
تقدم السائق بأقصى سرعة لديه حتى أصبح مقابل لسيارة التاكسي التي بها
عمار……اقطع عليهم الطريق بسرعة
السائق…… خير يا بيه هو في حاجه
عمار……اهاااا مسائلة حياة أو موت
لبي السائق طلب عمار وقطع عليهم طريقهم بينما ترجل هو من السيارة بعدما دفع حساب السيارة توجه إلى السيارة الأخري وفتح الباب قائلا……انزلي يا مرام
نظرت اليه بعدم استيعاب للأمر فكيف ومتي جاء إلي هنا مسحت دموعها وهتفت…… عمار أنت بتعمل ايه هنا
عمار……انزلي الأول وبعدين نتكلم
ترجلت من السيارة ونظرت اليه وجدته يدفع حساب السيارة
مرام…… في ايه
عمار…….كنتي في السوق صح
مرام……اهاا
عمار……. طيب مشيتي ليه ليه متكلمتيش
مرام…… مقدرتش اشوفك كده عمار إحنا واضح أننا اتسرعنا في قرارنا مكنش لازم ناخد الخطوة دي
عمار بعدما فهم…….. قصدك ايه
اغمضت عينيها بأسي حتى تحبس دموعها وهتفت……. أنا وأنت مش هينفع نكمل أنا مش هتحمل اكون سبب في تعبك مش هقدر اشوفك بتنازل على كل حاجه في حياتك علشاني قربي منك هيكون اكبر عذاب ليك
انهي حديثها وهو يقتحم عذرية شفتيها ويبتلع باقي حروفها في قبلة طويلة تزيل كل ارهاقه قبلة ينهي حديثها الذي لا معني له كيف تختار الفراق والبعد من اخبرها بأن راحته تكمن في بعدها بل راحته تكمن في نظرة واحدة من عينيها كادت تفقد وعيها وهي لا تعي شئ حاولت الابتعاد ولكنه احكم قبضته اسفل رقبتها وهو يلتهم شفتيها للمرة الأولى اخيرا أبتعد عنها حينما شعر بها تخور بين يديه أسند جبينه على جبينها وهو يلهث بشدة نظر إليها كانت مغمضة العينين مازالت مغيبة بذالك السحر الذي ألقاه عليها تنهد قائلا. ..راحتي بس بتكون في قربي منك أنتي الداء والدواء لكل اوجاعي مستعد استحمل تعب الدنيا كلها مقابل ضحتك الي بتنور حياتي
إنتي بقيتي ركن أساسي في قلبي منغيرك قلبي مستحيل يدق فاهمه
نظرت إلي عينيه التي فاضت بالعشق وهتفت…… خايفة عليك مش هقدر
عمار…… وأنا منغيرك صدقيني قلبي مش هيقدر يكمل بعدك يعني موتي
وضعت أصابعها على فمه حتى لأ يكمل حديثه وهتفت قائلة…….هشششش بعد الشر عليك
أمسك كفها وقبله همسا….. يبقى اوعديني أن من النهارده مفيش حاجه تبعدك عني
مرام…….بس شغلك ده صعب عليك
عمار…….. بالنسبة ليكي شايفه أنه صعب بس هو سهل جدا وفي كتير زيي عايشين من وره الشغل ده
مرام…… بس
عمار……. إنتي مكسوفه من الشغل ده شايفه أنه هيقلل منك ومنى
مرام……. اقسم بالله ابدا بس ده متعب عليك وأنت عمرك ما جربت الشغل ده
عمار……. صدقيني والله بالنسبة ليا طبيعي جدا كل الي بطلبه منك أنك تكوني معايا وبس إنتي قوتي افهمي بقي
مرام……. حاضر يا عمار هفهم اوعدك أني من النهارده مفيش حاجه تبعدني عنك
هتف بنبرة مرحة اضحكي بقي خلي الشمس تطلع علشان الوش الخشب ده مش حلوا عليكي
ابتسمت بخفوت قائلة…… ماشي
عمار…….يا قوة الله عليا النعمه عسلية
قهقهت بخفة على حديثه…..لا أنت بدأت تتعلم وتبقى إبن سوق لازم اتصرف في الموضوع ده
عمار بجدية…… أنا معاكي بلغي كل الحواجز بحب اكون بكل عيوبي اخطائي أنا معاكي بكون حر
مش عايز اشوف دموعك دي فاهمه
مرام ……حاضر
عمار……. طيب تعالى نتغدا بقي علشان عصافير بطني روحها طلعت
مرام بضحك…… سلامة عصافيرك طيب انا هعزمك على حتت اكلة مش هتنساها في حياتك
عمار بملامح جامدة….. عزمني
مرام…. اهااا بس بشرط انت الي هتحاسب
عمار بلهجة مرحة…… طيب يالا بقي
انطلقي سويا إلى احد المطاعم وما ان وصل امام المطعم نظر اليها بحاجب مرفوع قائلا…… كشري يا مرام
انفجرت بالضحك وهي تري انكماش ملامحه و اردفت….. انت قولت معايا بتحب تكون حر لازم تتحمل بقي وبعدين ده الكشري هنا هيعجبك جداااا
عمار وهو ينظر إلى لافتة المطعم اردف قائلا……. دلع كرشك مع كشري خيري جزمة بذمتك ده اسم محل او ده اسم بني ادم تأكلي عنده
مرام…… لا بقي ده خيري ده احسن واحد يعمل كشري في مصر كلها ادخل بس وهتشكرني
عمار…… طيب معاكي رقم الاسعاف علشان حاسس اني هحتاجه النهاردة
مرام…… اطمن انا حافظة الرقم
دلف سويا إلى المطعم في انتظار الطعام بينها اردفت مرام قائلة….. مالك لسه خايف من الكشري
عمار…… لا انا بفكر هو انتي ممكن تتخلي عني بسهوله كده
مرام…… قصدك ايه
عمار….. اقصد النهاردة كنتي ممكن تنهي الي بنا في دقيقة خايف تتاثري بعدين عايزك تكوني واثقة اني لم بشتغل او بعمل حاجه فيها تعب ده بيكون احساس حلوا عارفة ليه
مرام….ليه
علشان بعد شوية احس اني عملت المستحيل علشان اكون معاكي احس اني استاهلك متخلكيش ضعيفة يا مرام مهما حصل فاهمة
اكتفت بالابتسامة وهي تردد….. حاضر
خرجا سويا من المطعم بعد تناول الطعام الذي كان مميز بالنسبة له فهي صدقت لانه
اعجبه كثيراا
اخذها من يدها وعزم امره ان يقضي معاها اليوم باكمله بالخارج
مرام…… عمار انا عايزه اروح الاهرامات نفسي ازورها
عمار…… ليه يعني اخترتي الاهرامات
مرام…… كان نفسي اروحها وانا صغيرة بس مكنش ينفع علشان رهف ولم كبرت انشغلت بس دلوقتى نفسي اروحها
عمار…… علم وينفذ سيدتي الجميلة
انفجرت بالضحك و اردفت….. فلنذهب مولاي
انطلق بها إلى حيث تريد وما ان وصلت هناك ظلت تقفز بسعادة وهي تتجول بالارجاء
اخرج هاتفه واردف قائلا….. تحبي تتصوري
مرام بسعادة بالغة……. طبعا
ظل يلتقط لها العديد من الصور وهو يري مدي سعادتها وجمالها الذي ابهره حين تبتسم
اعطي هاتفه لاحد الاطفال بعدم طلب منه ان يلتقط لها بعض الصور سويا
مرام….. في ايه
عمار وهو يقربها منه…… هنتصور مع بعض ولا انتي عندك مانع
مرام بخجل…… بس كده انت مقرب قوي والناس حولينا
عمار….. مليش دعوة بحد انا بحبك انتي الناس تشرب من البحر
شرع الولد في التقاط الصور وهو يبتسم على نظرتهم
عمار…… بتضحك ليه
الولد…… اصلي انا بحب بنت معايا في المدرسة ونفسي لم اكبر افرحها زيك واحبها قد ما انت بتحب حبيبتك
عمار…… امممممم وانت عرفت ازاى اني بحبها
الولد…. عيونك كشفاك
تملكها شعور الحب وهي تري نظرات الجميع تنهدت وجذبته قائلة…..يالا نمشي بقي
عمار…… لا لسه في الجمل ولا انتي مش حابه تجربي
مرام بسعادة…… اكيد نفسي اجرب
حاولت مرام الصعود ولكن تملكها الخوف اقتراح عليها ان تركب خلفه فما كان منها إلا أنها وافقت على الفور صعدت خلفه وهي تضع يديها حول خصره خائفة من السقوط بينما كانت سعادته لا توصف حين ضمته هكذا

انتهي اليوم بسعادة وبينما هم عائدين عزمت امرها على فعل شيء كانت تتمني فعله منذ فترة نظرت الي يدها الذي كان يضمها إلى يده وهم يسيرون في الطرقات ارتسمت على وجهها كل معالم العشق واردفت قائلة……. انا بحبك
حين سمع تلك الكلمة لا يعلم ما كان شعوره وقف وهو ينظر إليها بعدم تصديق وهتف قائلا…… انتي قولتي ايه
اردفت مرة أخرى بنظرة عاشقة…… بحبك
ما ان هتفت بتلك الكلمة حتى وجدته يحملها ويطوف بها في ارجاء الطريق وصوت ضحكاته كان يلامس اوتار قلبها
اخيرا انزلها وهو ينظر إليها بعشق قائلا…… وانا بحبك لا بموت فيكي لالا انا بعشقك لا في حاجه تاني انا متيم ولهان انا كل معاني الحب متجيش حرف واحد من حبي ليكي ابتعد عنها وقف في وسط الطريق مناديا على كل المارين بالطرقات
عمار…… انت يا حاج يا الي ماشي يا استاذ يا انسة يا كابتن يالي واقف مع مراتك انتي يا حجة يا كابتن يالي في العربية
بدأ الجميع في التجمع حوله و بدأ التهامس في ما بينهم
اما هي لم تكن تعلم ماذا ينوي فعله فتقدمت منه واردفت قائلة…….. عمار مالك في ايه
عمار وهو يصيح بصوته……. يا جماعه انا اسمي عمار والبنت دي اسمها مرام من شوية قالتلي بحبك
وانا قدامك اهو بقولها انا بعشقك ولحد اخر نفس فيا بحبك ومحدش هيقدر يبعدني عنك غير الموت انتي روحي وحته مني انتي بنت قلبي ومقدرش اعيش منغيرك انا النهاردة عايز اقولك قدام الناس دي كلها
جسي على ركبته امام الجميع وعينيه مسلطة عليها اردف قائلا…… تقبلي تتجوزيني
تلك الكلمة جعلتها في غاية السعادة انحنت لمستوه وهي ترتمي بين احضانه وسط نظرات الجميع منهم من يتمني ان يفعل هذا ومنهم من لا يروق له الامر
اخير عادوا سويا إلى المنزل
صعد الاثنين الدرج سويا ومازال يضم يدها بين كفيه وقفت امام باب شقتها واردفت…… مش هتسيب ايدي بقي خليني ادخل
جذبها بقوة حتي اصبح لا يفصلهم الا سنتيمترات قليلة…….. مش قادر اسيبك تبعدي عني
اقترب منها وهو مغيب عن الواقع وكاد يقبلها ولكن هنا فتح باب شقتها واردف شخص ما…….. والله عال العال يا ست مرام
احسن علشان تحبي حلوا وانتي واقفة على السلم بنات اخر زمن ?????
#ياسووووو