قلوب ارهقها العشق

الحلقة الرابعة عشر
#قلوب_ارهقها_العشق
#بقلم_ياسمين_رجب
توجه عتمان صوب عمار الذي جف حلقه من شدة الحرارة و جسده الذي امتلئ بالعرق وهو في اقصى مراحل الارهاق
انت يا اخينا تعال معايا المعلمة عيزاك قالها عتمان بتكبر ظاهر
نظر اليه بدون ادني اهتمام وقام بحمل كيس الخضار على ظهره وتابع عمله
عتمان….. ايه يا اخينا انت اطرش مبتسمعش بقولك المعلمة عيزاك
عمار….. قول للي بعتاك مش فاضي لو عايزاني تيجي علشان زي ما انت شايف عندي شغل

اشتعل عتمان بالغضب قام بجذب كيس الخضار عن ظهر والقي به ارضا مما جعل الدماء تغلي في عروقه فكتم غيظه وانحني حتى يحمله من جديد ولكن مانع ذلك ساق عتمان الذي وضعها فوق الكيس وهتف قائلا…… لم اقولك المعلمة عيزاك تمشى زي الالف وتقول امين
وقف عمار وهو بداخله نيران غضب خاملة تكاد تنفجر ليهتف من بين اسنانه….. قولها مش فاضي ايه البعيد مبيسمعش
كاد أن يحمل الكيس مرة اخرى ولكن منعه مجدد يد عتمان الذي دفعه بقوة حتى اوشك علي السقوط ليهتف بغضب…….. في ايه ياجدع انت اعمي
عتمان وهو يقترب منه جاذبا له من ياقته ظنن منه انه يستطيع اخذ عمار الذي بمجرد أن وضع عتمان يده لكمه عمار في وجهه أسقطه ارضا على اثرها
لينهض هو الاخر مسدد لعمار تلك اللكمة حتى نشاء بينهم شجار وسط ذهول الجميع لم يستطيع احد التقدم خوفا من بدور فالكل يعرفها ما ان وضعت عينها على شيء لن تصمت حتى تاخذه
ايه بيحصل هنا بالظبط قالها المعلم عبد العزيز الذي اتي للتو من سوهاج
ابتعد الاثنين عن بعضهما وهما ينظرون إلى صاحب الصوت
مفيش حاجه يا معلم قالها عتمان وهو ينسحب من وسطها بخفة
بينما تعجب عمار من امر صاحب الصوت بملامحه الهادئة رغم صلابة صوته ولكن هناك شيء بداخله جعله يرخي اعصابه حين نظر اليه فكانت ملامحه تدل على القوة والجبروت ولكن بشوش الوجه للحظة شعر بأنه يعرفه ربما التقي به من قبل وهو لا يتذكر
هتبصلي كده كتير قالها عبد العزيز مبتسما
بداله عمار الابتسامة قائلا….. معلش اصلي بشبه عليك
عبد العزيز….. شكلك جديد هنا تعال معايا
انصرف عمار إلى محل عبد العزيز بعدما جلس امامه
عبد العزيز….. اسمك ايه بقي
عمار…… اسمي عمار
عبد العزيز…..اممممممم عامل مشاكل ليه يا عمار وانت شكلك ابن ناس مش وش بهدلة
عمار……. والله انا معملتش حاجة أنا كنت في حالي لحد ما جه الجدع الي اتخانقت معاه وعايزني اكلم واحدة بينها المعلمة بتاعته ولم قولتله مش فاضي حصل الي حصل
عبد العزيز….. وانت ليه مروحتش شفت المعلمة عايزة ايه
عمار…… الي عايزني يجيني انا مش شغال عندها علشان تأمرني
عبد العزيز….. بس دي المعلمة بدور وطالما طلبتك يبقى دخلت دماغها وعجبتها
عمار…… نعم ايه عجبتها دي انا مليش في طريق الغلط وانا هنا للشغل وبس غير كده يفتح الله
عبد العزيز…… كلهم في الاول كده وبعدين بترحوا تبوسوا ايدها علشان الفلوس
عمار….. ملعون ابو الفلوس الي تقلل كرامة رجل وعلى العموم انا مش من النوع ده انا سبت الفلوس علشان ابدأ من الصفر حتى لو كان الصفر ده كلوا تعب وشوك احسن بكتير من طريق كلوا ورد بس طريق حرام انا جايه هنا وهستحمل اي تعب علشان احس اني قادر اعتمد على نفسي وافتح بيت علشان اكون مع الي بحبها
عبدالعزيز…… انت شكلك عاشق عينك بتلمع كيف العشاق
عمار……. انا خلاص عديت المرحلة دي من زمان انا دلوقتي بتنفس عشق
عبد العزيز….. طيب خلي بالك من نفسك ودلوقتى انت واحد من رجالتي شغلك كله هيكون ليا و يوميتك هتاخدها كاملة كمان يعني مش هتحتاج تكون تحت رحمة حد ومفيش اي معلم يقدر يقولك تعال اشتغل عندي
عمار…… ليه كل ده
عبد العزيز…… انا بحب الرجل الدغري وانت مشاءالله تكيف اي حد بس اهم حاجة ابعد عن سكة بدور علشان ست مش مظبوطة
انصراف حتى يكمل عمله وسط نظرات عبد العزيز التي لم تفارقه تمني للحظة ان يكون لديه ولد مثله قوي وعاقل متزن

نهضت من فرشها بتكاسل وما ان نظرت إلى ساعتها اصابتها الصدمة فكانت الساعة الحادية عشر ظهرا خرجت من غرفتها متجهة إلى المرحض اغتسلت و خرجت ابدلت ملابسها في اسرع وقت وهي تتمتم ببعض الكلمات…… ماشي يا رهف تسبوني نايمة كل ده
همت بالانصراف ولكن سمعت صوت شقيقتها مما اصابها بالدهشة عادت مجددا ودلفت إلى غرفة شقيقتها وجدتها مازالت ممدة في الفراش وبجوارها سمر
انتو لسه هنا قالتها مرام بتعجب ظاهر
سمر…. انا مكنتش قادرة اروح الجامعة وكمان رهف جات عليها نومة
مرام….. نعم ازاي جات عليها نومة انا لما جيت كانت نايمة معقوله كل ده نوم يا رهف
رهف بكذب……. معلش يا مرام اهو يوم واحد من نفسي ما انا بروح كل يوم بنظام
مرام…… خلاص بس طالما قاعدة النهاردة يبقى لازم تزكري شوية اتفقنا
رهف….. حاضر بس غريبة انتي كمان رايحة متاخره ليه
مرام…… والله جات نومة عليا انا كمان نومه المهم اول ما ارجع عيزاكم انتو الاتنين في موضوع مهم سلام
تركتهم وانصرفت حتى تبحث عن عمل جديد

يعني ايه مرضيش يجي معاك قالتها بدور وهي تشتعل من الغضب
عتمان…… والله ده الي حصل يا معلمه الواد شايف نفسه و انا كانت هعلمه الادب بس المعلم عبد العزيز جه
بدور…… طيب غور انت جتك البلاء
ظلت تتابعه وهو يعمل إلى ان نهضت من مجلسها وهي تبتسم بخبث على ما عزمت امرها من اجل فعله

حمل احد الاكياس وسار بها إلى داخل المخزن
سالخير عليك يا اخينا
كان يواليها ظهرها فالتفت لها حين سمع صوتها…… مساء الخير
إلا انت اسمك ايه قالتها بدور وهي تقترب منه حتى اصبحت مقابل له
نظر إليها مشمئز من هيئتها وطريقة اقتربها تراجع للخلف قليلا واردف قائلا…… اسمي عمار
عاشت الاسامي قالتها بدور بعدما تقدمت إليه وهي تضع يدها على صدره حتي اصبح لا يفصل بينهما سوي سنتيمترات قليلة…… عنيك حلوة قوي عمار
كانت تنظر إليه برغبة واقحة وهي تضع كفها على ثغره
بينما هو ظل صامتا حتى عرف ما يدور في مخيلتها نظر إليها وهي تكاد تلتصق بها و عينيها مسلطة على شفتيه وقفت على اصابع قدمها حتى تقبله ليدفعها بقوة حتى سقطت ارضا
انت ايه الي عملته ده يا مجنون قالتها بدور وهي تتألم بشده
عمار….. ده الي يلق بواحده قليلة حياء زيك اسمعي يا ست انتي انا هنا علشان اشتغل وبس مش للحاجات الزبالة الي في دماغك دي ثم اني لم افكر ابص لست لازم استنضف الاول مش بضيع وقتي مع الزبالة
تركها جالسه على الارض وفي داخلها نيران مشتعلة نهضت بغيظ قائلة…… انا هوريك الزبالة دي هتعمل فيك ايه اتجهت إلى محلها وهي تنادي بغضب ظاهر….. انت يا زفت يا عتمان يا زفت
عتمان…… نعم يا معلمة
بدور….. اسمع تاخد اتنين معاك وتروح للجدع الي ضربك من شويه عيزاك تعلمه الادب كسروا في بعضه متخليش في حتة سليمة
عتمان…… بس يا معلمة ده
بدور مقاطعا….. مبسش اخلص اعمل الي بقولك عليه من سكات
عتمان….. اومرك يا معلمة
انصرف عتمان حتى يفعل ما امرته به
بينما هو سعيد بعمله رغم انه شاق إلا أنه كلما اخرج هاتفه ونظر إلى صورتها تتسع ابتسامته ويعود للعمل بنشاط اكبر
انت يا اخينا واقف ليه كده اقف على جنب احسن ما انت واقف في وسط الطريق كده
نظر عمار إلى صاحب الصوت فكانت هيئته لا تبشر بالخير….. عمار معلش ماخدتش بالي
الرجل…… ايه معلش دي هو انا عيل صغير قدامك متخلي بالك من كلامك يا بئف انت
كتم عمار غيظه ولم يجيب حتى لا يحدث المشاكل وكاد ينصرف ولكن وجد من يجذبه من يده ولكمه في وجهه وهو يردف قائلا…… لم اكون بكلمك تقف وترد عليا
نهض عمار بكل قوته وكور يده ورد تلك اللكمة وهو يمسك الرجل من ياقته ومازال يسدد له اللكمات إلى أن اتي من خلفه اثنين اخرين من بينهم عتمان الذي كان يحمل شىء يشبه العصي الخشبية و نزل بها فوق رأس عمار من الخلف حتى سقط ارضا على ركبته والدماء تنساب من رأسه
وضع يده على جرحه وهو يتألم بشدة بينما انهال عليه عتمان و الاثنين الاخرين بتسديد الركلات في جميع أنحاء جسده

مصيبة يا معلم قالها جابر الذي دلف إلى مكتب عبد العزيز وتكاد انفاسه تنقطع
عبد العزيز بانصات…… خير يا زفت مصيبة ايه
جابر وهو يلهث…… رجالة المعلمة بدور هيموتوا الواد الجديد
يانهارك اسود وانت لسه واقف هنا قالها عبد العزيز وهو يهرول إلى الخارج فكانت صدمته اكبر حين وجدهم ينهالوا عليه بالركلات والدماء تغطي سائر وجهه وملابسه مصطح علي الارض
عبد العزيز……. ياولاد ال****************** عملتوا ايه في الجدع
ما ان جاء عبد العزيز فر عتمان هاربا هو ومن معه
جسي عبد العزيز بجوار عمار الذي لم يفقد الوعي وهو يتمتم ببعض الكلمات الغير مفهومة
عبد العزيز………. جهز العربية يا زفت وهات حد يشيلوا خلينا نوديه المستشفى
جابر…. .. حاضر يا معلم
كان الجميع يتابع في صمت لم يتجرأ احد ويدافع عنه بينما هتف عبد العزيز بغضب……. انتوا واقفين ليه كده كل واحد علي شغله
اتي جابر وحملوه متجهين إلى المشفى وما ان وصلوا قام الطبيب بمعالجة الجرح بعدما اتم خياطته واعطه بعض المحاليل ظل عبد العزيز بجواره وهو يتفحص ملامحه بشرود كل ما يشغل باله من هذا الشاب وما قصته ومن هي مرام الذي يهتف باسمها حتى في اشد تعبه انتشله من شروده صوت عمار الذي فاق للتو…….. انا فين
عبد العزيز…… اهدي يا ولدي خليك مرتاح علشان راسك
عمار بألم مكتوم…… انا لازم امشي دلوقتى
عبد العزيز……. اهدي بس وانا هعمل كل الي تقول عليه بس خليك مرتاح لحد ما الدكتور يجي يطمنا عليك
عمار…….. صدقتي انا كويس الحمدلله
عبد العزيز…….. ممكن تحكيلي ايه حكايتك شكلك ابن عز مش متربي على الفقر
عمار…… انا معنديش حكاية غير اني عاشق لبنت شفتها جنة علي الارض بقت بالنسبة ليا كل حاجه شفت فيها حنان الدنيا كلها ولم والدي عرف رفض يتقبل حبي لها
وطلب مني اتخلي عنها او اتخلي عن املاكه وهيحرمني من ميراثي وكل حاجه واديني زي ما انت شايف بحاول اكون قد قراري
عبد العزيز…….. طيب هي بقي تستاهل انك تعمل علشانها كل ده مش يمكن بعد شوية تسيبك علشان واحد اغني منك
عمار……. يمكن علشان انت لسه مشفتهاش ولا جربت تتكلم معاها مرام بنت بسيطة وجميلة في زمن بقي قليل فيه تلاقي بنت اصول دي الي تكون سندك وضهرك لو وقعت تعرف انا بقي عندي شجاعة احارب الدنيا بسبب كلمة قالتها لوالدي
عبد العزيز….. ايه هي
عمار…… والدي عرض عليها تاخد شيك مقابل انها تبعد عني رفضت وقالت انو لو كتبلها كل ما يملك ميجيش نظرة واحدة مني ده غير ثقتها اني عمري ما هتخلي عنها كل ده بقي هدف اني عمري ما هكسر ثقتها دي ولا اخذلها
عبد العزيز…… شكلك واقع لشوشتك
ارتسمت على ثغرة ابتسامة صافية…….. انا دايب فيها عشق وخلاص وصلت لاقصي مراحله
عبد العزيز….. ربنا يسعدك ويجمعك بيها على خير بس انت دلوقتى ساكن فين طلما ابوك اخد منك كل حاجه
عمار….. سبق وقلتلك ان مرام بنت اصول وبتكون سند وضهر هي ظبطت امور سكني عندهم في العمارة
قطع حديثهم صوت الطبيب……. عامل ايه دلوقتى
عمار…… الحمدلله بخير اقدر اخرج
الطبيب……. ايه مالك مستعجل ليه كده وبعدين ريح جسمك شوية علشان كله كدمات
عمار…… صدقني راحتي مش هنا عايز ارجع بيتي
عبد العزيز……. معلش يا دكتور هو عارف مصلحته اكتبله علي خروج
الطبيب…… امري لله المهم كتبتلك علي شوية علاج تاخدهم وتأكل كويس علشان ده علاج مضاد حيوي فاهم
عمار…… حاضر

في ڤيلا امجد نصار
يعني ايه لاقى شغل انا مش نبهت عليك يا بهيم انت انه لازم ميشتغلش قالها امجد بغضب وهو يضرب بيده علي حافة مكتبه
محي احد رجال امجد……… والله يا باشا مغبش عن عيني لحظة كلمت كل حبايبنا ومحدش شغله لا هو ولا البت انما هو راح سوق الخضار و بقي عامل بالاجرة
امجد…… شغال ايه في سوق الخضار
محي…… بيشيل الخضار يدخله المخزن انا رحت للمعلم صاحب الشغل وطردني قال انه مستحيل يقطع برزق واحد قاصد الحلال
امجد…….. مهو علشان انت غبي اكيد حكتلوا الحكاية كلها
محي…… انا اسف يا باشا بس مكنش قصدي المهم بقي انه النهاردة شد مع معلمة في السوق وبعتت رجالتها ضربوه لحد ما كان هيموت في ايدها لولا المعلم صاحب الشغل انقذه منهم واخده المستشفى
امجد……. هو عامل ايه دلوقتى
محي…… اخد كام غرزة وفي شوية كدمات بس بصراحه ضربوا جامد
كور يده بغضب…… انا مش فاهم عاجبه ايه في البت دي معقوله ابن امجد نصار ينضرب كده اسمع بكرا تنفذ اتفقنا ولو فشلت تنفذ الخطة الي اتكلمنا فيها
محي….. بس البيه الصغير لو عرف مش هيسكت وكمان الموضوع فيه خطورة
امجد…… متخافش هو دلوقتى بقي لو اعداء ده وقتنا نضرب على الحديد وهو سخن اهم حاجه الخطة التانية متعملهاش غير لم نشوف هيحصل ايه
محي…… تحت امرك يا بيه

عادت إلى المنزل وهي تحمل بيدها الكثير والكثير من الاكياس اخرجت النسخة الثانية من مفتاح شقته ودلفت إلى المطبخ وضعت جميع الاشياء التي قامت بشرائها قهوة سكر خضار وفاكهة حتى بعض النشويات اشترت منها انهت ما اتت من اجله بينها دلفت غرفة نومه و رتبتها إلى ان وقع بصرها على قميصه الذي كان يرتديه بالامس بدون مقدمات احتضنت قميصه وهي تشتم رائحته وعلى وجهها ابتسامة عاشقة لهذا المجنون الذي جعل قلبها يجن بعشقه تنهدت وهي تهم بالانصراف ثم القت ببصرها على قميصه للمره الاخيرة وهي تضعه داخل حقيبتها قائلة…… اسفة يا عمار مطرة اسرقك
خرجت من شقته ودلفت إلى منزلها وهي تتجول بعينيها عن شقيقتها
ايه يا حجة كنتي فين كل ده قالتها سمر بمشاكسة
مرام….. كنت بدور على شغل يا قلب الحجة
نعم ده الي هو ازي يعني قالتها رهف التي خرجت من غرفتها على اثر حديث شقيقتها
القت بجسدها على اقرب اريكة امامها قائلة…… مهو ده الموضوع الي كنت عيزاكم فيه
بدأت في سرد كل ما حدث معاها وكيف كان قرار عمار
رهف……. يعني عمار ساب ابوه علشانك
مرام……. امال انا بقول ايه من بدري
رهف بفرحة ظاهرة……. انا قولتلك عمار ده بيحبك بجنون مكنتيش مصدقاني
سمر……. بصراحة متوقعتش انه ممكن يعمل كده كبر في نظري جدا
مرام بقلق……. بس انا حاسه ان قراري كان غلط وخايفة اكون سبب مشاكل لعمار
سمر……. بطلي تفكري بسلبية خليكي متفائلة وطلما هو بيحبك صدقينى مفيش حاجه هتقف في طريقكم طول ما ايدكم في ايد بعض
مرام…… انا مش عارفه بس احساس جوايا اني مش هتحمل وجعه ممكن ابعد عنه لو حسيت اني هكون سبب مشاكله وتعبه
سمر……. مرام انتي بتحبيه
مرام…….. انا بعشقه معرفش وصلت للمرحله دي ازي بس قلبي ده كل دقة منه ليه لم كنت معاه في شرم حسيت باني ملكة احساس السعادة والفرحة وهو معايا خلني ملكت الدنيا وما فيها
سمر……. يبقى اتمسكي بيه علشان لو خسرتيه هتتعبي وقلبك ده محدش هيقدر ياخد مكانه ولا هتحسي بالحب تجاه حد غيره يالا تصبحو على خير انا هدخل انام
مرام…… وانتي من اهله مالك يا رهف ساكتة ليه
رهف…… مفيش يا قلبي بس كنت بفكر في وضعكم
مرام….. متشغليش بالك ان شاءالله خير قومى نامي علشان مدرستك الصبح
رهف….. تصبحي على خير
مرام….. وانتي من اهله
ظلت تنتظره بخوف وقلق وفي داخلها شعور منبوذ خرجت إلي الشرفة حتى تنظره وهي تتجول بعينيها بين الناس إلى أن وقفت سيارة امام البناية وترجل منها و بجوره رجل يبدو عليه من ملابسه انه من رجال الصعيد نظرت إلى الضماض الملفوف على رأسه وملابسه الملطخة بالدماء لم يكن منها إلا أنها هرولت إلى الاسفل وعينيها التي اغرقتها الدموع وهي تركض على الدرج اصبها الذعر وتملكها الخوف حين رأته غير قادر حتى على السير
مرام هتف بها عمار حين رأها تقف امامه وعينيها ممتلئة بالدموع
عبد العزيز….. طيب انا همشى يا عمار خلي بالك من نفسك ولو احتاجت حاجة رقمي سجلته عندك في اي وقت كلمني قدامك اسبوع راحة فاهم
عمار…… الف شكر يا حاج ربنا يبارك في عمرك
عبد العزيز تسلم يا ولدي استئذان انا
انتقل ببصره إليها وهو يرها مازالت على حالها عينيها متعلقه به ودموعها تنساب في صمت تقدم اليها حتى اصبح امامها وضم وجهها بين يديه يمسح تلك العبرات
قائلا……. مرام حبيبي اهدي مالك انا كويس والله
لم يكن منها إلا أنها ارتمت بين احضانه و تشبست به بقوه تخاف فقدانه
شدد من احتضانه لها وقد شعر بأنها ازالت كل تعبه بعد أن ضمها إلى صدره ولكن صوت بكائها يمزق قلبه همس بنبرة مطمئنة…… مرام حبيبي اهدي
ابتعدت عنه ورفعت كفها إلى رأسه وتحسس وجهه الذي ظهر عليه اللون الأزرق بجوار عينه انسابت دموعها من جديد لتهتف من بين بكائها…….. انا السبب صح الي حصلك ده بسببي انا مستحيل اسامح نف
وضع اصابعه على شفتيها مقاطعا……. هشششششش بس لا والله مش انتي السببب ولا ليكي يد في الموضوع انا فاهم قصدك مين بس صدقيني مش الي في بالك
مرام ببكاء……. طيب ايه حصل
عمار بلهجة شبه مرحة…… اصل كان في ست انا عجبتها وكانت جايه عايزة تغريني حتى انها كانت عايزة تبوسني رحت انا ضربها وقلت لها ابعدي الحق ده يخص واحدة بس رحت بعتتلي الرجالة بتاعتها اكلوني حتت علقة ما اكلهاش حمار في مطب
لكمته في كتفه قائلة……..ده وقت هزار
تاؤي من لكمتها قائلا…… اااااه يا مفترية
مرام….. احكيلي ايه حصل
عمار بكذب…… مشكلة وانا فكرت احلها بس زي ما انتي شايفه خيرا تعمل شر تلقي
مرام…… طيب يالا اطلع ارتاح
وضعت يدها حول خصره و ذراعه فوق كتفها وهي تحاول أن تسانده احب شعور اقترابه منها هكذا وهو يرى مدي عشقها الذي لم تفصح عنه بعد
دلفت إلى شقته وهي تساعده في دخول غرفته قائلة…… ادخل خدلك شور لحد ما اجهزلك حاجة تأكلها
تألم وهو يحاول نزع قميصه سمعت انين صوته أقتربت منه قائلة……. خليني اساعدك
بدأت في نزع قميصه عنه رغم توترها من صوت انفاسه إلا انها حاولت أن تبدوا هادئه ولكن حين رأت تلك الكدمات الزرقاء بكتفه شعرت بطعنة في قلبها تسللت العبرات من عينيها بوجع وألم
شعر بها وبدموعها مد انامله و ازالها قائلا….. حبيبي مش عايز اشوف دموعك تاني
مرام….. حاضر
خرجت وتركته يتساند على نفسه وهو يدلف إلى المرحاض بينما اهي اعدت له شوربة ساخنة
ايه الريحة الجميلة دي قالها عمار وهو يجفف رأسه بالمنشفة بعدما خرج من المرحاض
مرام بحب وسعادة…… عجبتك ريحتها طيب لم تدوق طعمها
عمار….. بس سؤال هو المطبخ كان فيه حاجات أكل وانا معرفش اصل امبارح مكنش فيه حاجه
مرام بضحك….. لا هو كان فاضي بس انا النهاردة جبت شوية خضار على فاكهة
عمار….. طيب الفراخ دي منين جبتيها دلوقتى
مرام…… لا دي في منها كتير عندي في الفريزر علشان رهف بتاخد علاج وبتحب تأكل الاول
ضم يديه إلى صدره وهو يستند بجسده على الحائط وبصره مسلط عليها وهي تعمل بحب ونشاط لا يعلم لم تمني انها تكون في هذه اللحظة زوجته اقترب منها وهي تواليه ظهرها وضع يده حول خصرها وهو يشم راحة خصلاتها المنثورة بعشوئية على كتفيها
التفت اليه حتى اصبحت انفاسهم مخطلتة وعينيها تفيض بكل معاني العشق اخفضت وجهها بخجل تتحاشي النظر اليه وتحاول الابتعاد مد يده اسفل ذقنها حتى يجعلها تنظر اليه بعينيها التي تسلبه عقله انخفض بوجهه وهو ينظر إلى شفتيها ويقبلها بكل معاني العشق والجنون شعر بها تبادله جنونه وعشقه وهي تحاوط عنقه
عمار عمار مالك قالتها مرام وهي تضع الشوربة على الطاولة بالمطبخ
افاق من شروده على صوتها وهو ينظر حوله قائلا……. هو انتي واقفة مكانك كده ازاي
اردفت بعدم فهم…….نعم مش فاهمه تقصد ايه
اخيرا تدارك الامر انه سرح بخياله وان قبلته لها لم تكن إلا خيال اردف بضحك على جنونه بها…… لا معلش اصلي بقيت اسرح كتير قوي شكل الضربة اثرت على عقلي
مرام….. طيب اقعد الشوربة ساخنة
عمار….. حاضر
اقترب من الطاولة وجلس بهدوء وعلي وجهه ابتسامة عريضة تبرز اسنانه وهو ينظر إليها بعشق اعاد بصره إلى طبق الشوربة الذي امامه وشرع في تناوله وهي ترقبه بهدوء وهي تقف بجوار الطاولة بهدوء
عمار……. ايه ده
مرام…..ايه مالها وحشة
عمار…… هو انتي بتعملي الشوربة دي على طول
مرام بنبرة اوشكت على البكاء…… اهاااا بعملها كل يوم علشان رهف
ابتسم بهدوء قائلا…… وانا كمان مليش دعوه عايز كل يوم طبق زي ده انا اول مره ادوق شوربة طعامها حلوا كده
مرام بفرحة شديدة……..بجد عجبتك
امسك كفها وقبله قائلا…… اي حاجه منك بتعجبني
ابتسمت بخجل وهي تهم بالانصراف قائلة…… طيب انا لازم امشى علشان الوقت اتاخر تصبح على خير
تركته وانصرفت وهي في اقصى مراحل السعادة وما ان دلفت إلى منزلها رفعت كفها إلى فمها وقبلته وهي تبتسم على عشقه الذي توغل داخل اوصل قلبها ارادت ان تصرخ وتخبر العالم بانها عاشقة لهذا الشاب الذي جعلها ملكة على عرش قلبه خرجت إلى الشرفة وهي تنظر إلى السماء وهي تتفوه ببعض الكلمات التي تعبر عن جزء بسيط من شعورها به……… واشوفك لم تضحكلي تروح بالضحكة دي مشاكلي وتبقى للحياة معني وانا ويااك كفاية تكون هنا جنبي يا فرحة بعيشها من قلبي بتحلي الدنيا في عنيه عشان شيفاك ?
هو مين ده الي بتحلي الدنيا علشانه هتف بها عمار الذي خرج إلى شرفة منزله ماخرا وعلى وجهه ابتسامة مشاكسة متعمدا ان يري حمرة الخجل التي تزين وجهها
نظرت اليه وجدته يقف بهدوء تام هتفت قائلة بتوتر…..عادي دي اغنية
عمار…… اممممممم قولتيلي اغنية بس
مرام…… اهااا بس
عمار….. متاكده
مرام…. اهااا متاكده
عمار….. امممممم طيب
مرام….. منمتش ليه علشان ترتاح شوية
عمار…… راحتي مش في النوم انا محتاج حاجه تانيه علشان ارتاح
مرام…… حاجه ايه
عمار…….. انتي راحتي وكل حاجه في حياتي لم بشوفك بحس ان كل الوجع الي فيا خف
مرام…… طيب ده بقي نعالجه ازاى
عمار…… انا علاجته خلاص لم سمعت صوتك مش عايزة تقولي هو مين بقي
مرام بضحك …… تصبح على خير يا عمار
عمار…… وانتي من اهله
#ياسووووو
في بارت هينزل على الساعة 2 قبل العصر