رواية يكفينى انت
.الفصل الثانى
فى شقه سما
كانت سما تقوم بتجهيز الشنط للسفر عندما رن الهاتف باسم اميره
سما:السلام عليكم ورحمه الله وبركات
اميره: وعليكم السلام انتى فين
سما:فى البيت بجهز الشنط علشان سفر بكره وهاجى المستشفى
اميره: سفر ايه ؟انتى هتروحى مطروح
سما: ايوه انتى خلعتى وانا ادبست
اميره: معلشى يا حبيبتى بس عرف ازاى يقنعك
سما :انا صراحه اكسفت اقوله لا بعد كل اللى عمله معايا
اميره:على العموم انا مستنياكى ونكمل كلامنا لما تيجى
سما : ماشى سلام
اميره: سلام
وتكمل سما وضع ملابسها فى الحقيبه التى امامها وتنظر على مكتبها لتلتقط صوره تجمعها بوالديها وتمتلئ عيناها بالدموع وتقول((وحشتونى اوى انا مش عارفه اعيش من غيركوا يارتنى كنت مت معاكوا استغفر الله العظيم ربنا ينتقم من اللى كانوا السبب انا عمرى ما هسامحهم ربنا ينتقم منهم مكان مهم موجودين))
لتنتهى من تحضير حقائبها لتذهب الى المستشفى وعند رجوعها تنام لتسافر فى اليوم التالى
كانت تركض فى وسط الغابه وتطاردها وحوش كريهه وكانت الدماء تسيل من ملابسها وكلما تحاول الابتعاد عنهم يقتربوا منها ويحاولوا امساكها حتى تقع على الارض ويلتفوا حولها وتراه يقترب منها وعلى وجهه ابتسامه شيطانيه ويمد يده لامساكها فتستيقظ سما من نومها فتجد نفسها غارقه فى العرق والدموع ولا تستطيع التنفس فتستعمل بخاخه الربو وتقول
سما: اعوذ بالله من الشيطان الرجيم انا عايزه انسى لحد امتى هشوف الكابوس ده فتقوم لتصلى ركعتان وتقرأ فى المصحف الشريف حتى يحين موعد اذان الفجر
الساعه الان ال9صباحا نجد سما فى سيارتها متجها الى مطروح وصوت الشيخ مشارى راشد يملئ السياره حت تصل الى المنتجع فتنزل من السياره لتتجه الى الاستقبال حتى تعلن عن وصولها
سما:لو سمحتى انا عايزه اقابل الاستاذ مراد
فتاه الاستقبال:الاستاذ مراد مكتبه فى الدور التالت اول باب بعد الاسانسير
سما:شكرا وتتجه الى الاسانسير حتى تصعد للدور التالت وقبل اقفال الباب يدخل شاب فى مقتبل العمر وسيم ملامحه جميله طويل وعند تحرك الاسانسير يقول
انا احمد عندى 23 سنه طيار وعندى شقه وجاهز الجميل اسمه ايه
سما:لا رد وتنظر امامها
احمد:ايه بس السكوت ده ونضارات وكده هما مش كانوا لغوا النضارات ديه ولا ايه
سما:لا رد وفى هذا الوقت فتح باب المصعد فخرجت منه مسرعه بطريقه غير طبيعيه واتجهت للمكتب
سما :انا الباشمهندسه سما من شركه المنشاوى للديكور فى معاد مع الاستاذ مراد ممكن اقابله
منى :ثوانى ابلغه يا فندم اتفضلى اقعدى
لترجع لها فى خلال دقائق لتبلغها بالدخول فتتجه الى المكتب وتدق الباب فيأذن لها بالدخول فتدخل وتجد شاب يجلس على المكتب يرتدى بدله سوداء بربطه عنق زهريه يدرس بعض الورق فتقول
سما:السلام عليكم ورحمه الله وبركاته
فيرفع مراد رأسه ويجد امامه فتاه ترتدى بدله من ثلاث قطع باللون الازرق النيلى وحجاب من نفس اللون وترتدى نضاره اقل ما يقال انها تخفى معظم وجهها
مراد:وعليكم السلام ويقف ويمد يده ليسلم ولكنها تقول
سما:اسفه مش بسلم بالايد انا المهندسه سما محمد المصري
مراد((بأحراج)):لا عادى اتفضلى اقعدى شرفتى مطروح انا مراد رسلان مدير المشروع تشربي ايه
سما:لا شكرا انا بس كنت ببلغ حضرتك بوصولى وعايزه اروح اشوف الموقع
مراد:على طول كده مش المفروض تروحى الفندق تريحي من السفر الاول
سما:لا ابدا اشوف الشغل الاول بعد كده اروح الفندق
مراد:براحتك اتفضلى معايا ويقوم ويتجهوا الى خارج الشركه وقبل الوصول يسمع مراد صوت احمد ينادي باسمه فيستأذن من سما ويذهب اليه
مراد:فيه ايه يا احمد انت مش وراك شغل ولا ايه
احمد:لا انا اخدت اجازه اسبوع وكنت هرجع البيت بس شفت شكل جديد فقلت اتعرف الاول هيه مين ديه
مراد:مهندسة الديكور الجديده بس ريح دماغك شكلها كده ملهاش فى حواراتك دى حتى مش بتسلم بالايد
احمد:منا شفتها فى الاسانسير بس ايه تجاهلتنى فى الاول وبعد ما الاسانسير فتح طلعت منه جري كأنها بتهرب من ابو رجل مسلوخه
مراد:ههههههههههه ربنا يهدك يا شيخ انا همشى بقى عيب اسبها وقفه كده سلام
احمد:يعنى انا اللى فضيلك انا هروح اغلس على البت مني شويه سلام
ويذهب كل منهم فى طريقه
وبعد ان تشاهد سما المشروع على ارض الواقع تقول
سما:انا ان شاء الله هبدا من بكره والعمال هييجوا النهارده اخر النهار وياريت لو فيه اى عتراض على اي شكل فى التصاميم تبلغنى قبل ماابدا
مراد:اعتراض ايه المهندس اللى عامل التصميم ده ممتاذ انا كان نفسي اتعرف عليه بجد التصميم تحفه
سما: متشكره جدا لذوق حضرتك
مراد((بذهول))انتى اللى عمله التصميم ده بجد انتى ممتاذه
سما:شكرا لحضرتك يا فندم لو من الممكن ارجع الفندق دلوقتى
مراد:طبعا اتفضلى ويتجهوا ناحيه الفندق ويقابل مراد ممدوح
ممدوح:مراد باشا ايه اللى حصل انت سايب مكتبك ده معقول ويتجه نظره ناحيه سما
مراد:ممدوح الدميرى مهندس معماري معانا هنا الباشمهندسه سما مهندسه الديكور من شركه المنشاوى
ممدوح:تشرفنا نورتى الموقع ويمد يده للسلام فيقوم مراد بمصافحته ويقول
مراد؛ الباشمهندسه مابتسلمش بالايد
ممدوح((بصوت منخفض)):كويس انك موجود كان هيبقى شكلى وحش اقوى وانا مادد ايدى ذى الاهبل كده
مراد:اهبل الله يكرمك
ممدوح:ههههههه اه ده هيه اتعملت فيك
مراد:اضحك اضحك مردودالك اتفضلى يا باشمهندسه ويتجه معها بداخل الفندق ويركب معها المصعد ويلاحظ للمره الثانيه توجهها لاقصى المصعد للابتعاد عنه ولكنه لم يعلق حتى وصوله للدور المطلوب وخروجهم ويقف عن غرفه ويقول
مراد:الاوضه بتعتك دى وانا اوضتى اللى قبلك وممدوح اللى بعدك واحمد اخويا اللى ادامك
سما:اوكيه بعد اذنك لو تقولى اتجاه القبله
مراد:طبعا توجهى سجاده الصلاه بأتجاه الشباك وتصلى الغداء هيكون الساعه تلاته والشنط العامل هيطلعهم وادى الكارت بتاعى اى حاجه تحتاجيها كلمينى اشوفك على الغدا
سما : ان شاء الله بعد اذنك وتدخل غرفتها وتغلق الباب وتتجه بداخل الغرفه فتجدها مكونه من غرفه بها سرير مزدوج كبير و2 كمودينو وتربيزه صغيره لفردين وبابين عرفت ان احدهم غرفه ملابس والاخر حمام فتوجهت لدرج المفارش واحصرت ملايه كبيره غطت بها المرايه الموجوده فى الحمام مع تجنب النظر فيها وغطت ايضا المرايه الموجوده على التسريحه فى الغرفه ووجدت بالغرفه بلكونه تتطل على البحر سمعت دق الباب فكان العامل قد احضر الشنط فأخذتها ورتبت ملابسها وارتدت بيجامه حرير سوداء واطلقت شعرها وتوضئت وارتدت اسدالها وادت الفروض وظبطت المنبه على الساعه 2ونصف حتى تستيقظ قبل ميعاد الغداء وذهبت للنوم
فى مكتب مراد يدخل عليه احمد ويقول
احمد:ايه يامعلم عملت ايه مع المهندسه الجديده
مراد: ابدا ورتها الموقع وودتها الفندق تستريح انت مروحتش ليه انت مش اجازه
احمد:ابدا انا كنت مروح عرفت ان عمتك عندنا قولت مالها القعده هنا وحشه ولا الشغل مع السياح وحش دا انا مرتاح وعال العال
مراد: كل ده علشان عمتك ولا علشان بنات عمتك
احمد: طاب انا اعمل ايه عمتك عندها بنتين وعايزه بأى طريقه تلبسلى واحده وانت التانيه انا مش بقول انهم وحشين ولكن مدلعين زياده عن الزوم سيبك انت بس المهندسه الجديده حتة مزه بس مقفله اوى
مراد: هيه علشان محترمه تبقى مقفله دى شكلها بنى ادمه محترمه ومهندسه كويسه وعمتا كله هيبان الايام اللى جايه
احمد:عندك حق انا كنت عايز اقولك ان معتز كلمنى وقالى انه جاى النهارده مع الفوج الفرنسي
مراد:كويس بس عايزك تحط عينك عليه انا مش عايز مشاكل مع السياح كفايا انت عليا
احمد: انا دا انا غلبان انا اجى ايه جنب معتز وكمان انت عارف انا بعاكس اه اشاغل اه بس عمرى ما عشمت واحده بحاجه او عمرى ما عملت حاجه حرام وانا ياما قلت لبابا نخلى القرابه حاجه والشغل حاجه تانيه بس هوه مش بيحب يخسر اهله وانت عارف ان معتز يبقى ابن عمك فلازم يكون معانا
مراد:بس خلى بالك منه مش عايز مشاكل منه مع حد
ويقوم من مجلسه وياخذ مفاتيحه واشياءه انا هروح اتغدا تيجى معايا
احمد:يلا بينا وبالمره اكلم معتز ييجى ياكل معانا
تستيقظ على صوت المنبه وتتوضئ لصلاه العصر ثم ترتدى ملابسها المكونه من بدله ثلاث قطع باللون البنى وحجاب دهبى فى بنى وتنزل للمطعم
اخذت طعامها وجلست على الكرسي وبدأت فى الاكل لكن توقفت عندما سمعت
Excuse me,can i set here
سما:اتفضلى اقعدى
الفتاه:ميرسى يا جميل….. تحيا مصر انا حنين دكتوره بيطريه هنا فى المنتجع
Stop
حنين بنوته جميله عندها22سنه متخرجه من كليه الطب البيطرى حديثا لدخولها التعليم من سن صغير تعمل مع والدها الدكتور البيطرى فى المنتجع محجبه
Back
سما:اهلا وسهلا انا سما مهندسه الديكور فى المشروع الجديد
حنين:انا لسه مش مصدقه انك مصريه بس شكلك اجنبيه خالص
سما:اه انا ماما الله يرحمها كانت فرنسيه لكن بابا الله يرحمه كان مصري
حنين:الله يرحمهم تعيشى وتفتكرى ياريت تعتبرينى صحبتك ولو احتجتى اى حاجه كلمنى ده رقمى وكتبت رقمها على الموبيل الخاص بسما
سما:ميرسى ياجميل انا هرن عليكى علشان تسجلى الرقم
وكملوا احاديثهم حتى انتهائهم من الاكل وذهبت كل منهما فى طريقها
احمد:الحق حنين بتوسع نشاطها اتعرفت على المهندسه الجديده
قال احمد هذه العباره وهو جالس مع مراد وممدوح على الغداء فى المطعم
ممدوح:انا مش عارف انت مالك ومال حنين
احمد:ابدا حاسس انها عيله اوى على كلمة دكتوره وقصيره كده و00
يقاطعه مراد:عيب دى بردو تبقى بنت الدكتور يحيى اللى ياما كان ليه افضال علينا وفى مقام بابا
ممدوح:وكمان البنت محترمه جدا واختك اسماء بتموت فيها
مراد:بمناسبه اسماء هيه فين سيباك تأكل لوحدك يعنى
ممدوح :ابدا راحت مع امى يجيبوا شويه حاجات لتقى
احمد:معتز وصل اهو
معتز:اهلا بالحلوين اما انا النهارده كان معايا حتة فوج
Stop
معتز شاب بعمر مراد عنده28 سنه جسم متناسق وجه جميل ولكن اخلاق فاسده يهوا اللعب بالبنات وله شلته الفاسده يكون ابن عم مراد واحمد ولكن اختلاف السما من الارض
Back
مراد:ايه حلوين دى انت داخل حضانه وبعدين مش هتبطل عميلك دى
معتز:ايه يا عم مراد كلاكيع هو انا عملت حاجه وبعدين استنا عندك كده ايه الوجه الجديد ده
ممدوح:وجه ايه ويلتفت مكان ما ينظر معتز تكون طاولة سما وحنين
معتز: ام نضاره اللى قاعده مع حنين لبسه نضاره بس جامده ج00
يقاطعه مراد:دى مهندسه الديكور الجديده وياريت بلاش تيجى جمبها لانه ذى ما انت شايف ملهاش فى حواراتك خالص
معتز:بذمتك مصريه امال انا كنت ماشى مع شباشب بقي
احمد:ايه يا عم معتز انت مسمعتش اللى قاله مراد ولا ايه
معتز:خلاص هيه كانت عينتكوا عليها حراس ولا ايه
ويتركهم ويتجه ناحيه ترابيزه سما
معتز:اهلا حنين محدش بيشوفك ليه كان يتكلم وهو ينظر لسما
حنين :انا الحمد لله وبعدين انا قاعده هنا مش هناك
معتز:خلاص عرفينا
سما:انا همشى بقى يا حنين وابقى كلمينى
وتخطت معتز دون حتى النظر اليه ليرجع لترابيزت مراد ليجدهم يضحكون فيقول
معتز:اضحكوا هنشوف مين اللى هيضحك فى الاخر
احمد:ههههههه بس شكلك كان مسخره دي حتى معبرتكش وبصت عليك كأنك هوا
معتز :ماشى يا أحمد مكنشي انا معتز لو معرفتكوش انها ذيها ذي غيرها وتركهم وذهب
ممدوح:انا مش عارف الواد ده طالع لمين
احمد:طالع ليا بس على منحرف بزياده
مراد:ربنا يستر وميعملشى لينا مشاكل
نهايه الفصل الثانى