رواية يكفينى انت

الفصل الخامس عشر
عندما رأى مراد عزت يوجه المسدس لرأس سما اشتعلت النيران بداخله وقبل ان يقوم بأى شى كان مختار يأمر عزت بترك سما ولدهشت مراد تركها ففى غضون لحظات قليله من احتضانها كان جسدان يتهاوان امام عينيه جسد عزت بعد اطلاق اللوا مختار النار عليه ليقع جثه هامده وجسد سما الذي تلقى الرصاصه التى كان المقصود بها يتهاوى بين يديه ليصرخ مراد بأسمها
مراد: سما…..سما…..ليه عملتى كده …ليه افتحى عنيكى ابوس ايدك
احمد: يلا بينا يا مراد على العربيه بسرعه
مرادوهو يحملها بين يديه ويضعها بين احضانه فى. السياره. صرخ قائلا
مراد:يلا بسرعه يا احمد انا مش حاسس بنبض
مهد: متخافشى يا مراد ان شاء الله هتقوم بالسلامه
مراد:يا رب يا بابا يلا يا احمد ابوس ايدك
احمد: خلاص وصلنا
ركض مراد وهو يحمل سما ودخل بها الى المستشفى وهو يصرخ
مراد: الحقونى دكتور بسرعه
الدكتور: دي بتنذف جامد على اوضه العمليات بسرعه
وبالفعل فى خلال ثوانى كانت سما تتوارى على السرير النقال بداخل غرفه العمليات
……………………….
سوسن: كلمهم تانى يا معتز يابنى
معتز: التليفون بيرن ومحدش بيرد هحاول تانى
ممدوح: كلم احمد ان شاء الله هيرد
معتز: بيرن…..الو ايوه يا احمد عملتوا ايه
احمد: احنا فى مستشفى (……….)
معتز: ليه حد حصله حاجه
احمد: سما انضربت بالنار وهى دلوقتى فى اوضه العمليات
معتز: انا جيلكم دلوقتى سلام
سوسن: حصل ايه يا معتز مين اللى فى المستشفى
معتز: سما ياطنط
سوسن: يالا بينا نروح لهم
اسماء: ،انا كمان جايه معاكوا وهكلم ممدوح يجلنا المستشفى
………………….
فى المستشفي
مهدى: اهدى يامراد ان شاء الله سما هتبقى كويسه
مراد: يارب يا بابا دول اتأخروا جوه اوى
مهدى: دى عمليه مش حاجه سهله
احمد: ربنا يقومها بالسلامه ادعيلها يا مراد
مراد: يا رب قومها بالسلامه انا مقدرشى اعيش من غير سما
وهنا حضر الجميع ليطمأنوا على سما
سوسن: سما لسه ما خرجتشى
مهدى: لسه بقالهم جوه ساعتين
وهنا خرجت الممرضه فجرى عليها مراد
مراد: طمنينى سما عامله ايه
الممرضه: ادعيلها يا استاذ احنا محتاجين دم
مراد: فصيلتها ايه
الممرضه: فصيلتها A بس ماتخافش موجوده فى المستشفى
مراد: لا خديلها منى انا نفس الفصيله
احمد: بتقولك الفصيله موجوده
مراد: لا انا ايش ضمنى الدم الموجود ده دم مين سما هتأخد الدم منى انا
وبالفعل بعد اصرار مراد اخذت منه الممرضه الدم المطلوب لسما
…………………………………
فى منزل منيره رن هاتفها
منيره: الو ايوه انا منيره مين معايا
المتصل: هنا قسم شرطه(…….)حضرتك عندك بنت اسمها غاده محمد…….
منيره: ايوه مالها بنتى
المتصل: حضرتك لازم تيجى القسم
فى القسم
منيره: انا مامت غاده محمد……….بنتى مالها
الظابط: اتفضلى اقعدى يا فندم بنت حضرتك اتقبض عليها فى شقه مفروشه وفى وضع مخل مع شاب يدعى شادى……وانا علشان اعرف مهدى بيه حبيت ان حضرتك تيجى تضمنيها بدل ماتروح النيابه
منيره: بنتى انا فى شقه مشبوهه انا هضمنها
وبالفعل ضمنتها وخرجت معها غاده ولم يتحدثوا حتى وصلوا المنزل
منيره: وهى تضرب غاده بالقلم:عملتى كده ليه انا غلط فى تربيتك فى ايه
غاده : فى كل حاجه انتى ربتينى اان الحاجه اللى انا عايزاها اخدها حتى لو غصب
منيره: تقومى تروحى شقه مشبوهه مين شادى ده كمان
غاده: بعمل اللى انتى علمتهولى بحاول اوقعه علشان يتجوزنى
منيره: انتى عندك حق الغلطه غلطتى واللى عملته فى سما اتردلى فيكى كسرتيلى ضهرى سامحنى يارب انا السبب انا السبب
…………………………ّ….
خرج الدكتور من غرفه العمليات فركض اليه مراد وعائلته
مراد : سما عامله ايه
الدكتور: الحمد لله الرصاصه مجتشى فى القلب كان بينها وبين القلب 2سم والواضح انها تعرضت للضرب العنيف لان ذراعها مكسور من ثلاث اماكن المرفق والكوع والكتف وعندها شرخ فى الجمجمه وكدمات فى كل انحاء جسمها هى هتطلع من اوضه العمليات وهندخلها العنايه المركزه ولو مفاقتشى قبل 24ساعه يبقى دخلت فى غيبوبه من دلوقتى لبكره مفيش فى ايدينا غير الدعاء
عندما سمع مراد كلام الطبيب لم تستطع قدماه حمله فوقع على الارض فجلس بجانبه احمد وربت على ظهره
احمد: متعملشى فى نفسك كده ادعيلها ربنا يقومها بالسلامه
مراد: انت سمعت الدكتور قال ايه يعنى انا ممكن مسمعشى صوتها تانى ممكن مشوفشى لون البحر فى عنيها ممكن مقدرشى اخدها فى حضنى وانام
احمد: وحد الله يا مراد مش كده
مراد: لا اله الا الله انا هروح اصلى وادعيلها
مهدى : واناكمان هروح معاك هى محتاجه دعوتنا كلنا