رواية يكفينى انت

الفصل العاشر
تمر الايام على ابطالنا فهيا نرى ما حدث لكل منهم على لسانهم
احمد: انا وحنين بقالنا شهر ونص مخطوبين وفرحنا بعد اربع شهور الوقت بيمر بطئ جدا والبت حنين كل يوم بتحلو عن اليوم اللى قبله الله ما أخذيك يا شيطان ومرتكبشى جنايه فيها هى وابوها لو مرضوش يكون كتب الكتاب بعد اسبوع
…………..
حنين: انا كل يوم بحب احمد اكتر واكتر بس مش عارفه ليه خايفه من بكره علشان علاقاته اللى قبل كده انا عارفه انه بيحبنى بس برده خايفه وكله كوم وانه عايز يكتب كتابنا بعد اسبوع ده كوم تانى بس بينى وبنكوا انا هموت واتجوزه اصلى بحبه اوى مجنونه اعمل ايه
…………….
اسماء: الحمد لله تقى خلصت تسنين وبقت تمشى وجنانى معاها وفيه حاحه كده شاكه فيها لو بجد ممدوح هيفرح قوى ربنا يهنينا ويخلي ممدوح لينا يا رب
………….
ممدوح: انا الحمد لله بقيت انام كويس وتقى بقت تمشى وتلعب معايا بس سما بقالها فتره فى حاجه شغلاها ربنا يستر اسماء اه عصبيه بس طيبه وبتحبنى وانا بموت فيها
…………
مهدى ،: انا قلقان على مراد من منيره ملاحظ انها مركزه معاه هى ومراته ومش عايز ازعلها وفى نفس الوقت مش عايز اخسر ابنى او اعكنن عليه وانا شايفه مبسوط مع سما ربنا يعوض عليهم بالذريه الصاحه ويبعد عنهم اختى منيره
………….
سوسن: اليومين دول انا فرحانه اوى مراد ابنى بقى مواظب على صلاه الفجر وعلطول مبسوط ربنا يهنيه ويسعد ايامه مع سما انا كنت خايفه الاول من تسرع مراد فى الجواز منها بس هى اثبتت للكل انها نعم الزوجه اللى بتاخد بأيد جوزها للجنه ربنا يسعدهم وافرح بخلفتهم قريب يا رب
………….
معتز: انا عارف ان معظمكم مش بيحبنى بس انا مش وحش كده انا اه بتاع بنات بس عمرى ما ابص على مرات اخويا انا اه اعاكسها من بعيد بس علشان افلفل مراد شويه بس ربنا وحده اللى عالم من يوم ما عرفت ان سما مراته وانا حسيت انها بقت اختى اصل قلبى ده مدخلهوش غير واحده بس هى بصه فى طريق تانى ربنا يصبرنى
……………
منيره: مالكوا بتبصولى كده ليه انا ذى ما انا مش هسكت غير لما اطفش بت ال……دى مهوا مش انا اللى اطلع من المولد بلا حمص وانا حاطه عينى على مراد واحمد من زمان احمد فلت منى علشان حنين ابوها مش سهل وممكن لو عملتلها حاجه وعرف يأذينى بس سما مقطوعه من شجره يعنى هعرف اخلص منها ومراد لغاده يعنى مراد لغاده ام ولاء انا وراها لحد ما اعرف سرها
……………….
غاده: انا بقى موافقه على كل حاجه ماما تقولها وفى نفس الوقت عايشه حياتى وماشيه مع شاب اسمه شادى بيموت فيا لو مراد منفعشى شادى ينفع وانا فى الناحيتين كسبانه
……………..
ولاء: انا بقى مقدرشى اقول لماما لا بس فى نفس الوقت مش ببقى راضيه عن اللى هيه بتعمله وربنا يستر من اللى جاى اما بقى اللى فى القلب هو اصلا بعيد/عنى وعمره ما فكر فيا كفايه عليه البنات اللى يعرفهم
……………
مراد:انا بقى بقيت احب سما اكتر من الاول احنا اه ذى الاخوات بس ده ميمنعشى انى بعشقها وخايف عليها من الناس اللى بيدوروا وراها وانا على طول متابع مع عمى عبد الرحمن فى التليفون علشان لو فيه جديد بس لغايه دلوقتى معملوش حاجه وده اللى قالقنى انا خايف يكون دهالسكون اللى قبل العاصفه اما بالنسبه لسما على اد ما انا فرحان انها فكت الجبس على قد ما انا زعلان علشان انحرمت من انى اشيلها واقربها منى ربنا يهديها ليه ويخليهالى
………………
سما:انا بقى بحمد ربنا انه رزقنى بواحد ذى مراد راضي بأقل حاجه اقدر اقدمهاله انه ينام جنبى ويأخدنى فى حضنه كل يوم انا الصراحه ببقى مبسوطه ونفسى نكون ذى اى اتنين متجوزين بس خايفه مش عارفه ليه وكل يوم بحس بيه وهو بيلعب فى شعري ببقي مبسوطه انه عجبه بس بعمل نفسى نايمه علشان يلعب فى شعرى براحته هههههههه انا حتى بقيت بنام بدرى مخصوص علشان يلعب فى شعرى
……………….
مراد وهو خارج من الحمام
مراد: صباح الخير يا حبيبتى نمتى كويس
سما: الحمد لله انت نازل
مراد: ايوه رايح الشركه بس عايزك تغمضى عنيكى الاول
سما: اغمض ليه
مراد:يا ستى مفاجأه
واغمضت سما عينيها ثم شعرت به يتحرك وازال شعرها ثم شعرت بلمس بارد على رقبتها
مراد: فتحى عنيكى
سما: الله دى حلوه اوى سلسله بأسمى
قبلها على وجنتها:كل سنه وانتى طيبه يا حبيبتى تعالى
جذبها من ذراعها واتجه بها الى المرأه وقبل ان تدرك. مايفعل كانت امام المرأه تنظر فيها فصرخت وارتمت فى حضن مراد تبكى وتحاول الابتعاد عن المرآه
مراد: مالك يا حبيبتى فيه ايه ايه اللى حصل
سما: لا رد غير بكاءها وشهقاتها التى تزداد فحملها واتجه بها الى السرير وحاول تهدءتها
مراد: مالك يا حبيبتى احكيلى مش انا مراد حبيبك هتخبى عليا
سما ببكاء: انا مقدرشى ابص فى المرايه كل اما احاول ابص فيها مبشوفشى فيها غير كل اللى اتعمل فيا بتخلينى احس انى مش نظيفه انى مشوهه اللى حصلى شوه روحى فمقدرشى ابص فيها علشان كده علطول مغطياها
مراد: انتى غلطانه يا سما انتى مش مشوهه لا من جوه ولا من بره انا عايز اعمل حاجه بس تثقى فيا
سما : انا واثقه فيك
مراد: تعالى معايا واتجه الى المرآه حاولت سما الابتعاد ولكنه تمسك بها فأغمضت عينيها
مراد: علشان خاطرى يا سما بصى فى المرايه
سما: مش قادره والله مش قادره
مراد: وحياتى عندك فتحى عنيكى
فقامت سما بتردد بفتح عينها
مراد: عارفه يا سما انا شايف ايه
سما: بصوت يغلبه الدموع:شايف ايه
مراد:شايف احلى واحده شفتها فى حياتى شايف الانسانه الوحيده اللى اتمنا اكمل حياتى معاها شايف عمرى اللى جاى معاكى شايف عيالى منك شايف ان حياتى كانت قبلك سراب ولو الزمن هيعيد نفسه تانى الحاجه الوحيده اللى عايزها انى اشوفك واعرفك واحبك بردوا
سما:ببكاء:بجد انت شايف كل ده
ادارها اليه وقال انا شايف حوريه من حوريات البحر ورأى دمعه تجرى على خدها فمسحها بشفتيه وقبلها. من خديها وجبهتها الى ان وصل الى فمها فقبلها بشوق واحتياج قبلها ليجعلها تشعر بالامان ليجعلها تدرك مدى حبه لها وعندما تبتعد عنها وجدان عينيها يلمع بلون البحر فى الصباح الباكر وضمها اليه فكانت مشاعره ابلغ من الكلمات
………………………….
ممدوح: مالك يا حبيبتى
اسماء: ابدا يا حبيبي حاجه بسيطه
ممدوح: بسيطه ازاى تحبي نروح للدكتور انتى بقالك فتره بترجعى فى الحمام
اسماء: لا مانا عرفت عندى ايه
ممدوح: قوليلى يا قلبى متقلقنيش عليكى
اسماء: ابدا يا حبيبى شكل تقى هيجلها اخ قريب
ممدوح:وهو يقفز فرحا:بجد يا سومه الله اكبر ايوه كده يا ممدوح يا لعيب
اسماء: اللى يشوفك كده يقول اول مره تخلف
ممدوح: انا هفرح برده لو كان العيل الخامس نحن رجال افعال لا اقوال
اسماء: الف مبروك يا حبيبى
ممدوح: الله يبارك فيكى يا سومه يا حبيبت قلبى تعالى بقى لما اقولك كلمه سر
اسماء: سر برده ههههههههه
………………………………..
احمد: حبيبت قلبى صباح الخير
حنين: صباح النور يا حبيبي انت فين
احمد: فى الشركه ليه
حنين: انا هخرج النهارده اجيب فستان كتب الكتاب
احمد: هتروحى لوحدك
حنين: لا هروح انا وسما واسماء
احمد: ايه رأيك تجيبى الفستان ابيض وتبقى دخله انا خلاص تعبت والله حسى بيه
حنين،:حاسه بيك بس برده كتب كتاب بس
احمد : يعنى ايه هنقضيها بوس بس
حنين: احمد بطل قله ادب هقفل والله
احمد: خلاص يا ستى بس انا عايز اعرف حاجه لما انتى بتتكسفى كده من النظرى امال فى العملى هتعملى ايه
لم يسمع احمد سوي صوت غلق الخط
احمد: ههههههههههه هتروحى منى فين يا جميل