رواية يكفينى انت

الفصل الحادى عشر
يوم كتب الكتاب
مراد: ايه يا احمد هتفضل طول النهار فى الحمام ولا ايه
ممدوح: اطلع يلا كفايه كده انت هتدوب من الميه دا كتب كتاب امال فى الفرح هتعمل ايه
احمد وهو يخرج من الحمام:ايه الزن ده كله الواحد لازم يظبط حاله ولا يعنى اروح معفن
مراد: خلاص يا سيدى يلا بينا علشان نروح للحلاق
فجأه قفز احمد فوق السرير وبدأ فى الغناء والرقص
احمد: يولاد بلدنا يوم الخميس هكتب كتابى وابقى عريس …النهارده فرحى ياجدعان …وهتجوز هتجوز
ممدوح: لا اله الا الله الواد انجن
مراد: حنين هبلته قبل كتب الكتاب ربنا يستر عليه فى الفرح
ممدوح: يلا يا احمد ربنل يهديك علشان منتأخرشى
احمد: يلا بينا يلا ياممدوح يلا النهارده كتب كتابي قولوا ما شاء الله
ممدوح ومراد: ههههههههه ربنا يكون فى عونك يا حنين
……………………………
سما: مراد بيكلمنى خلاص وصلوا بره يلا بينا
حنين: لا بالله عليكى خلينا شويه
اسماء: هموت وأعرف انتى خايفه ليه هى دخله
سما: ياا يا حبيبتى علشان منتأخرشى عليهم قولى توكلت على الله
حنين: ماشى بس بالله عليكوا شكلى حلو
سما: قمر والله
حنين: بصراحه يا حنين من حلوتك انا خايفه على الواد احمد ليتهور النهارده
حنين: ياللهوى لا يا ختي مش طلعه
سما: ليه كده يا اسماءاحنا ماصدقنا انها هدت
اسماء: اه انا تعبانه
حنين: مالك يا اسماء فيه ايه
اسماء: الحقونى انا حاسه انى ديخه وروحى بتروح مني
سما: طاب اقعدى على الكرسى وانا هروح اجبلك ميه
اسماء: لا انا عايزه جوزى هتوه بسرعه
سما: هو مش هيعرف يدخل هنا كلهم بنات لازم نطلعله احنا ساعدينى يا حنين نطلعها
حنين : يلا بينا الف سلامه عليكى يا سومه
وبالفعل خرجوا معها وعند الوصول لباب الكوافير رأهم كلا من احمد وممدوح ومراد واسرعوا اليهم
ممدوح:،مالك يا حبيبتى حاسه بأيه
اسماء بأبتسامه:انا ذى الفعل خد يا احمد عروستك معرفتش اطلعها غير كده
حنين’: كده يا اسما تضحكى عليا ماشى
احمد: حرام عليكى شوفى وشها بقى اصفر ازاى
اسماء: بأبتسامه: قولها يا أخويا كلمتين من بتوعك وهى تحمر
وانفجر الجميع بالضحك فأحمرت حنين خجلا
احمد: ايوه كده اموت انا فى محصول الطماطم
حنين: احمد
احمد: عيون وقلب وروح وكيان احمد نعمين
حنين : عيب كده احنا فى الشارع
مراد: يلا يا عم الحبيب كله على العربيات
واتجه لسما وفتح لها باب السياره
مراد: مولاتى تتفضل تركب
سما: ميرسى
وركب السياره والتفت اليها وقال
مراد: بس ايه القمر ده انا كده هتهور
سما : لا رد واحمرت خجلا
مراد: اموت انا
سما: بعد الشر عليك
مراد: خايفه عليا
سما: انا ليه مين غيرك اخاف عليه
مراد:ربنا يخليكى ليه
احمد: ايه يا عم الرومانسى هنبات هنا ولا ايه يلا بينا نلحق كتب الكتاب علشان بعديه انا كمان اقول الكلمتين
سما: الف مبروك يا احمد
احمد:الله يبارك فيكى يا سما عقبال ما نشوف ولادكوا
مراد: لسه بدري على الكلام ده انا عايز سما ليا لوحدي دلوقتى مش عايز شريك
نظرت سما لمراد ورأت انه يبتسم وفى عينيه امل فصممت على ان تكمل ما كانت تفكر فيه ليصبح زواجهم حقيقيا
……………………
بعد كتب الكتاب ذهب كل شخص لمنزله وجلس احمد مع حنين فى الصالون بمفردهم
احمد: احم احم ياللى هنا
حنين: نعم
احمد: نعم الله عليكى هتفضلى قاعده بعيد كده
حنين: انا مش بعيد ولا حاجه
الحمد: خلاص اقرب انا
وذهب احمد وجلس معها على الكنبه المزدوجه التى تجلس عليها
احمد: انا عطشان
اروح اجبلك ما
وكتم بقيت كلماتها بفمه فقبلها بشوق ورقه لم يكن هو نفسه يدرك انها موجوده بداخله وابتعد عنها قليلا
احمد: انا كنت شربت وبقيت ذى الفل
سما: لا رد. ونظرت للارض
احمد: حنين انتى مكسوفه منى
سما: لارد
احمد: هتفضلى باصه للسجاده كتير
فنظرت له مره اخرى. فوجد عينيها مليئه بالدموع
احمد: مالك يا سما كل ده علشان بوستك انتى مراتى يا بت
سما: كان نفسى ماما تكون معايا
ضمها احمد اليه وربت على ظهرها
احمد: ادعلها بالرحمه يا حبيبتى
سما: ربنا يرحمها
احمد: بقولك ايه انا عايز اذوق الفراوله
حنين: فراوله اى……
وابتلع كلمتها بقبله اخري مشتعله وعندما ابتعد عنها
احمد: انا لازم امشى لو قعدت كمان شويه هتزعلى منى
ضحكت حنين ضحكه منخفضه
احمد : انا لازم امشى دلوقتى احسن ارتكب جريمه
…………………………..
فى غرفه مراد وسما
مراد: انا هدخل اغير فى الحمام
سما: وانا هغير هنا ولما اخلص هخبط عليك
مراد: ماشى
ودخل الحمام فأسرعت سما فى الذهاب لغرفة الملابس واخرجت الشنطه التى اشترتها عندما كانت تشترى فستان كتب كتاب حنين واخرجت ما به وارتدته واسدلت شعرها ونظرت فى المرأه فلم ترى سوا كل ما وصفها به مراد ولاول مره منذ خمس سنين تبتسم لنفسها فى المرأه واكملت مفاجأتها وذهبت لتدق باب الحمام
عند مراد دخل الى الحمام ليغتسل ويغير ملابسه ثم انتظر ككل مره حتى دق الباب لكى يخرج وعندما خرج وجد الغرفه مظلمه لا يضيئها سوا ضوء الشموع ووجد معشوقته من ملكت قلبه واقفه فى منتصف الغرفه ترتدى قميص نوم حرير من اللون الابيض مطرز وعليه روب من نفس الخامه
مراد: انا بحلم صح
سما:لا بس النهارده كل احلمنا هتبقى حقيقه
مراد وهو يقترب منها: متأكده انا مش عايز اكون بضغط عليكى
سما: انا بحبك اوى وعايزه يكون جوازنا حقيقى حتى لو هموت بكره
مراد،وهو يضع يده على فمها :بعد الشر عليكى يا حبيبتى يلا بينا نصلى ركعتين انا هدخل اتوضأ وانت اتوضى والبسى اسدال الصلاه
بعد اتمام الصلاه وقراءة الدعاء اوقفها على قدميها واتجه بها الى السرير حتى يتمم زواجه منها فوجدها ترتعش
مراد: لو خايفه بلاش انا مش عايز اغصب عليكى فى حاجه
لكنها لم ترد الا بقبله على فمه اخبرته بردها فأحتضنها ولم يتركها الا وهى زوجته
…………………………..
المتصل :احنا بقالنا فتره عرفين مكانها هنجبها امتى يا عزت بيه
عزت : احنا هنستنى شويه كمان علشان هى اللى هتجلنا برجليها
المتصل: وايه اللى هيخليها تيجى
عزت: احنا لو حاولنا نجبها هنعمل شوشره لانها على طول فى الفيلا حتى الشغل من بعد الحدثه مرحتوش ومش بتتطلع من الفيلا غير ومعاها حدفيهم وانا خلاص قربت ورقبتها هتكون فى ايدى وساعتها هأخد حقى
المتصل : تحت امرك يا عزت بيه
عزت: الصبر جميل يا سما يا بنت المصرى
………………………..
فى الصباح
احمد: الو ايوه يا حبيبتى عامله ايه
حنين: انا الحمد لله يا حبيبى وانت
احمد: انازى الفل بس وحشتنى الفراوله
حنين: بطل قله ادب
احمد: هو انا لسه قلت حاجه
حنين: المهم مش من عادتك يعنى تصحى يوم الجمعه بدرى
احمد’: ابدا اصل امبارح معرفتش انام
حنين: ليه خير يا حبيبى
احمد: نوم العازب لا يهنى ولا يصبر
حنين: لا رد
احمد: امتى بقى تبقى فى بيتى قلبى واوضتى وسريرى و
قطع كلامه عندما سمع صوت قطع الخط
احمد: اموت انا فى محصول الطماطم مجنونه يا اوطه