رواية يكفينى انت

الفصل الثالث
بعد مرور اسبوعين من وصول سما للموقع سنرى تطور الاحداث من وجهت نظ ابطالنا
(((سما:الموقع على قدم وساق وانا فخوره بالعمل والحمد لله مفيش مشاكل بس الكوابيس لسه ذى ما هى الحمد لله على كل شئ
مراد:انا كويس الشغل تمام سما شغاله كويس بس ساعات بحس انها مش معانا خالص وساعات بشوفها فى البلكونه وبتكون كأنها مش فى عالمنا ودايما حزينه انتوا مستغربين حالتى انا كمان مستغرب نفسى حاسس بحاجات كده بس يارب ميكونش اللى فى بالى
احمد:انا ذى ما انا والمزز ذى الرز احم احم والشغل تمام بس بردوا حنين قصيره قوى
حنين:انا تمام وحضرت اول ولاده لفرسه وانا وسما بقينا ذى الاخوات
معتز:انا بقى عايز انام تقى مبهدلانى بس بردو على قلبى ذى العسل)))
000000000000000000000000000000000000
كانت سما تعمل فى الموقع وتوجه العمال دخلت عليها فتاه تحمل طفله وقالت
الفتاه:السلام عليكم انتى اكيد سما ممدوح حكالى عنك انت اسماء رسلان
سما :اهلا وسهلا تشرفت يا فندم
اسماء:افندم مين انا تقوليلى اسماء والعسل دى تقى
سما:ازيك يا اسماء اهلا يا تقى ايه الحلاوه دى
اسماء:انا كنت جنبك هنا قلت اجى اتعرف عليكى واعزمك على الغدا علشان نتعرف اكتر
سما:ميرسى على العزومه انا والله عندى شغل كتير
اسماء:مش هتعرفى تعتذرى انامش همشى الا بيكى انا النهارده عمله عزومه كتعارف بنا كلنا وعيزاكى تيج متكسفنيش
سما:انا مش عارفه اقولك ايه
اسماء:تقوليلى حاضر وتخدينى معاكى استناكى لحد ما تغيري هدومك ونروح بيتى زمان البت حنين راحت وقاعده مع حماتى لح مانرجع
سما((بأبتسامه))حاضر
00000000000000000000000000000000
فى شاليه على البحر كانت سما جالسه مع اسماء وحنين يتحاورون
سما:انا كنت فاكره انكوا كلكوا قاعدين فى الفندق
اسماء:لا انا وممدوح كنا قاعدين فى الفندق بس مامته اصرت اننا نقعدمعاها فى الشاليه طول ما هى هنا بس لما هتسافر هنرجع الفندق تانى لغايه لما ممدوح يخلص شغله فى المشروع ونرجع مصر مع بعض
حنين ((كانت شيله تقى)):بنتك هرتني عض انتوا جيبنا تأكلونا ولا تكلونا
سما واسماء:ههههههههههههه
يأتيهم احمد من بعيد ويقول:ماتضحكونا معاكوا ازيك يا حنين اهلا يا باشمهندسه
سما وحنين: الحمد لله
حنين :ابدا بنت اختك هرتنى عض
احمد:ياربي طفله شايله طفله بجد يا حنين عندك كام سنه
حنين:ملكشى دعوه انت اصلا رخم
احمد:انا رخم يا اوزعه
حنين :انا اوزعه ولا انت اللى طويل واهبل
احمد:انا اهبل يا بنت000
حنين تقاطعه:بنت ايه
احمد:بنت الدكتور يحيى
حنين:اه بحسب
احمد:لا اجمعى
حنين:لا هطرح
تقاطعهم اسماء: لا انا اللى هضربكوا انتوا الاتنين بطلوا رخامه على بعض
تدخل عليهم سىده كبيره فى السن يبدو عليها الطيبه وتقول
مالكشى دعوه بحنين يا احمداحمد:قوللها هيه تبع عنى يا فيفي
فيفى:فيفى فى عينك اتلم ياولا هو انت فاكرنى بنت من اللى بتعلقهم ولا ايه
احمد :لا دا انتى احلى منهم كلهم
فيفى:مش هخلص منك يا ابن هدى وسع كده اسلم على الوجه الجديد اهلا يا حبيبتى عامله ايه
سما:اهلا يا طنط الحمد لله انا سما
فيفى :منين يا سما شكلك مش مصريه خالص
سما:لا ابدا بابا مصري بس ماما فرنسيه
فيفى:وهما هنا معاكى ولا فى فرنسا
سما:لا ياطنط بابا وماما تعيشى انتى
فيفى:يا حببتى يا بنتى تعيشى وتفتكري وعندما لا حظت امتلاء عيناها بالدموع فغيرت الموضوع وقالت واد يا احمد فين مراد وممدوح واثناء حديثها وصلوا
احمد:ياريتك افتكرتى حاجه عدله يا فيفي
مراد وممدوح: السلام عليكم
الجميع’:وعليكم السلام
ممدوح :فين الاكل انا جعان ايه ده دكتوره حنين والباشمهندسه عندنا يا مرحبا
حنين :اهلا يا استاذ ممدوح خد بنتك بقى
ممدوح:يارتنى ماتكلمت خدى يا ماما تقى كفايه اللى بشوفه بالليل
مراد:ياسلام لو اسماء تسمعك
يقوم ممدوح بالالتفاف حول نفسه ويقول: براحه احسن الحكومه تسمع انا عندى عيال عايز اربيهم
اسماء من داخل الشاليه اتفضلوا الاكل ياجماعه

بعد انتهاءهم من الاكل توجهوا جمبيعا الى الشرفه ليناولوا الشاى
احمد :اي اخبار المشروع ياباشمهندسه
سما:الحمد لله العمال كويسين بس فيه معدات نقصه ولسه موصلتشى
مراد:المعدات اللى حضرتك طلبتيها مفروض هتوصل بعد 3ايام علشان بكره وبعد بكره اجازه
حنين:اه صحيح هتروحى فين يا سما فى الاجازه هترجعى مصر ولا ذى الاجازه اللى فاتت
سما:لا ذى الاجازه اللى فاتت
حنين:لا والله كده مش ينفع انتى بتشتغلى حتى فى الاجازه
ممدوح:ايه ياباشمهندسه انتى بتحبي الشغل اوي كده ولا عايزه تخلصي الشغل وترجعى لمصر بسرعه
اسماء:اكيد طبعا واحده بالحلاوه دى لازم يكون فى حد مستنيها
سما:لا ابدا انا بس بحب الشغل
احمد:سبونا من الكلام عن الشغل ممكن تعرفينا مين هيه سما بإجاز ههههه
سما:ابدا انا من ام فرنسيه واب مصري الله يرحمهم توفوا من 5سنين وماليش اقارب وليه صاحبه واحده اسمها اميره بس
اسماء:يعنى انتى مش عندك اخوات يعنى عايشه لوحدك
سما: عادى يعنى اتعودت وكمان اونكل عبد الرحمن صاحب الشركه اللى بشتغل فيها كان صاحب بابا الله يرحمه فمراته وبنته بييجو البيت ليا كتير
وجد احمد ان سما ملامحها اصبحت حزينه فقال لتغيير الجو
احمد: بس قوليلى بأمانه بنته حلوه ولا شبه اسماء اختى كده
ضحكوا جميعا فقال ممدوح
ممدوح:لا انا اسماء حبيبتى ذى القمر(( وقام بلف ذراعه حول كتفها ليقربها من صدره))هنشوف العرجه اللى هتأخدها
احمد وهو ينظر لحنين :مين ديه دى حتى ذي القمر وست البنات ليتحول لون حنين للون الاحمر فينظر احمد لمراد الساكت وجده ينظر لسما فقال له بصوت منخفض لا يسمعه غيرهم
احمد:اخليها تجبلك صوره ليها اسهل خف ياعم الحبيب
مراد:مالك يابنى حد جه جمبك
احمد:ابدا شويه كده وكان شكلك هيبقى مسخره وكان الكل خاد باله مالك مش من عوايدك يعنى تبحلق كده فى بنت
مراد :مش عارف حاسس بحاجات اول مره احس بيها كل ما اشوفها احس ذي اللى الكهرباء ماسكه فى جسمه
احمد:الله الله ووقعت ياعم مراد ولا حدش سمى عليك
ممدوح: انتوا بتقولوا ايه؟
احمد:وانت مالك بقوله على الحوادث الغريبه اللى بتحصل فى المنتجع
حنين:حوادث ايه
احمد :عربيات بيتقطع عجلها وسياح امانتهم بتروح غرف فاضيه تختفى محتوايتها
سما:طب ليه مبلغتوش البوليس؟
مراد:مفيش اى دليل على الفاعل فكده او كده هتتقيد ضد مجهول
حنين :بس برده لازم تبلغوا
اسماء:كفايه كلام فى الشغل قولولى تكلوا جاتوه ولا بسبوسه
قامت سما من مجلسها واستأذنت
سما :لا انا بقى مضطره امشى
حنين :خليكى معانا ونرجع مع بعض
سما:معلشى مش هينفع لازم امشى علشان مش بحب اسوق بالليل
حنين:خلاص خدينى معاكى بقى يلا بينا
مراد:وانا كمان همشى جاى يا احمد ولا لا
احمد:انا كان نفسي اكل البسبوسه اللى بتعملها اسماء بس يلا خليها مره تانيه
وقاموا جميعا وذهبوا الى الفندق
000000000000000000000000000000000
عند وصول سما للغرفه فتحت الباب وخلعت نضارتها وبتدخل الحماهم لاحظت ان غرفه الملابس مفتوحه وهى لا تتركها ابدا دخلت بداخلها فوجدت ملابسها على الارض والمرايه عاريه فأخرجت الموبايل واتصلت بحنين فكان موباياها مقفول فتصلت بمراد
سما:الو استاذ مراد انا سما
مراد مذهول من انه كان يفكر فيها من لحظه :اهلا يا باشمهندسه
سما:انا اوضتى فيها حاجه غريبه ممكن تيجى تشوفها
مراد:خلاص انا جاى حالا
سما:متتأخرشى ارجوك
مراد:انا فى الاوضه اللى جمبك جاى حالا
وبالفعل ماهى الا ثوانى وكان احمد ومراد على باب الغرفه ولكن عندما فتحت لهم الباب تصنم مراد مكانه عندما راي عيون سما بلا نضاره فتصرف احمد بسرعه وقال
احمد:خير ياباشمهندسه فيه ايه؟
سما: انا جيت لقيت هدومى كلها في الارض واتفضلوا جوه تركتهم يدخلوا وتركت باب الغرفه مفتوحا
مراد:ايه ده مين اللى عمل كده انتى فيه حاجه نقصت من عندك
سما ؛:لا ابدا بس ازاى دخل اللى عمل كده
احمد: فيه لكل اوضه نسخه فى الريسبشن علشان تنظيف الغرف
مراد:انتى مش هينفع تباتى هنا النهارده
احمد : تعالى باتى فى اوضتى وانا هنام فى اوضه ممدوح
مراد: هوه ده الحل السليم يلا هاتى الضرورى معاكى لغايه بكره عقبال مانغير قفل. الاوضه