رواية يكفينى انت

الفصل التاسع
فى الصباح
فى غرفه احمد
احمد: يا صباح الورد والياسمين على احلى بنوته فى الدنيا
حنين:صباح الفل يا حبيبى صاحى بدرى يعنى
احمد: انا منمتش اصلا طول الليل
حنين: ليه كده انت تعبان
احمد: لا بس مش مصدق انك بقيتى خطبتى وبعد كام شهر هتبقى مراتى
حنين: ربنا يخليك ليا يا حبيبى
احمد:انا بحبك اوى وعايز اسألك سؤال مهم جدا مينفعشى يستنى اكتر من كده
حنين: اسأل يا حبيبى اللى انت عايزه
احمد: قوليلى انتى لابسه ايه دلوقتى
حنين: لابسه برموده زيتى ليه
احمد: لا انا اقصد حاجات تانيه هههههههه
حنين: انت قليل الادب وانا هقفل
احمد: خلاص والله بهزر ايه رأيك نخرج النهارده
حنين : موافقه بس نروح الملاهى
احمد: انا قلت طفله مفيش حد صدقنى
حنين: بتقول حاجه يا احمد
احمد: لا يا حياتى انا اقدر
…………………………………
فى غرفه اسماء وممدوح
اسماء: صباح الخير يا حبيبى
ممدوح: صباح الفل ياسومه هيه تقى فين
اسماء: صحيت بالليل وقعدت تعيط فماما خدتها
ممدوح : انا محستشى بحاجه خالص
اسماء: لما تقى عيطت وانت مصحتشى قولت تكيد مرهق
ممدوح : اه والله جسمى كان متكسر بس سيبك انتى بقولك ايه متيجى
اسماء: اجى فين
ممدوح: ماتيجى ونجيب مليجى
اسماء: ههههههه مليجى مين
ممدوح: ما انتى هتعرفى لما تيجى
اسماء: دا انت مصدقت بقى ماما تأخد تقى
ممدوح وهو يقترب منها: طبعا دا انا كنت قربت انسي شكلك
………………………….
فى غرفه مهدى وسوسن
مهدى : صباح الفل يا سوسو
سوسن:ياه يا حاج هو انت لسه فاكر
مهدى: وهو انا اقدر انسى دا انت الحب كله يا غزال انت
سوسن: هههههه الله يخليك ليا يا حاج وميحرمنيش منك ابدا بس احنا خلاص كبرنا على الكلام ده
مهدى ؛ كبرتى ايه دا انتى اصغر من عيالك هاتيلى بقى تقى اصبح عليها
سوسن:اهه كاتت مغلبه اسماء علشان بتسنن
مهدى: ربنا يخليهم لنا كلهم ويرزق مراد بالذريه الصالحه ويتمم لاحمد على خير
سوسن: انا عايزه لما مراد يصحى اروح اشوف سما علشان طلعت بدري امبارح خايفه تكون منيره قالتلها حاجه زعلتها
مهدى: انا مش عارف منيره عايزه من عيالى ايه كل شئ قسمه ونصيب
سوسن: معلشى ربنا يهديها يا حاج
…………………………..
فى الجنينه
مروه: صباح الخير يا ماما صباح الخير يا ولاء
ولاء ومنيره: صباح النور
مروه: ايه هو لسه محدش صحى ولا ايه
ولاء: ابدا كلهم نيمين
مروه: امال صحتونى بدري ليه
منيره: انتى معندكيش دم يا بت انتى انا مفروسه من اللى حصل امبارح وانتىعايزه تنامى
مروه: اه تقصدى يعنى موضوع مراد والست هانم عايزانى اعمل ايه يعنى
ولاء: انا كل اللى قاهرنى انا كنت فاكره لما نخليها تطلع هنقعد مع مراد انما هو اول ما عرف انها طلعت راح جري وراها
منيره: عرفت تبلفه بنت ال……….
ولاء:بس على مين انا هعرفها مقامها
غاده: ايوه كده يا وديع خطط وانا معاك
منيره: بناتى حبايبى طلعين لمامتكم
………………………………
فى غرفه ابطالنا
استيقظت سما من النوم وجدت نفسها فى احضان مراد فرفعت راسها عن صدره بهدوء حتى تستطيع ان تنظر لوجهه وتأملته وفكرت انها تعشق كل ما فيه من شعره وعيناه ورموشه وفمه وعندما تذكرت قبلتهم اشتعل وجهها من الخجل وحاولت الابتعاد فأستيقظ مراد
مراد: صباح الفل يا قلبي عامله ايه النهارده
سما: احم احم صباح النور الحمد لله
مرادبخبث: مال وشك احمر كده ليه كنتى بتفكرى فى ايه
سما : ابدا هكون بفكر فى ايه
مراد: بتفكرى فى دى مثلا
واقترب منها ينهل من شهد فمها وعندما تركها كان كلاهما يتنفس بصعوبه
مراد:ان هقوم دلوقتى علشان لو قعدت فى السرير اكتر من كده هتزعلى منى
استوعبت سما مقصده واحمرت حتى منبت شعرها فقبلها على جبينها ودخل الحمام
…………………….
المتصل: عزت باشا احنا خلاص عرفنا البنت فين
عزت: اخيرا …كانت فين
المتصل: متجوزه واحد اسمه مراد مهدى رسلان وقاعده معاه فى الفيلا بتاعه اهله
عزت: دا معناه انها عايشه حياتها وابنى ميت انا هدفعها تمن اللى عملته غالى اوى
المتصل: احن تحت امرك يا باشا
………………….
كان الجميع جالسين فى الصاله ودخل عليهم معتز
معتز: مساء الخير عليكوا
منيره : اهلا معتز عامل ايه يا حبيبى
معتز : الحمد لله يا عمتو عامله ايه يا قمر
مهدى: كنت فين بقالك مده انت حتى محضرتش خطوبه احمد
معتز: معلشى يا عمى كنت مسافر بقالى شهر ولسه راجع الف مبروك يا احمد
وذهب لكى يبارك له هنا رأى سما كانت جالسه بجوار مراد
معتز: ايه ده باشمهندسه سما هنا اهلا وسهلا وانا اقول الدنيا منوره ليه
صافحه مراد بدلا من سما وقال : معلشى مراتى مابتسلمشى
غاده: ليه متوضيه
ممدوح: لا احترام
معتز: مراتك …….من امتى
مراد: من اسبوعين
معتز: بمكر؛ انا برده اول ما شوفتها قولت الحته دى مش هتطلع من العيله
مراد: اتكلم كويس عن مراتى يا معتز احسن لك
معتز:خلاص يا عم الحبيب هدى عضلاتك
تركه مراد وانحنى ليحمل سما
مراد: بعد اذنكوا يا جماعه اصلنا تعبانين
معتز : اقترب من مراد ؛هنياله يا عم البت تستاهل الصراحه
احمر وجه مراد غضبا عندما تشبثت به سما وادرك ان معتز اخافها ولكن قبل ان ينزلها ليضربه كان احمد قد ضربه لكمه على وجهه وهو يقول
احمد: قبل ما تتكلم عن اختى فكر مليون مره قبلها
ونظر لمراد وقال له خد مراتك واطلع واى حد هيتكلم نص كلمه على سما اختى حسابه معايا انا
………………………………
تركهم معتز وخرج ولحقت به منيره
منيره:معلشى يا معتز متزعلشى منهم
معتز: لا عادى يا عمتو
منيره: انا مش عارفه البت دى عملتلهم ايه علشان كلهم يدافعوا عنها كده
معتز: انا كنت بهزر وربنا يهنيهم
منيره: سيبك انت انا وراها لحد ما اخليها تسيب البيت
معتز: هى مين دى يا عمتو
منيره: اللى ماتتسمى سما وعايزاك تساعدنى
معتز: انا خلينى بعيد يا عمتو انا مليش دعوه بعد اذنك
منيره: يا سلام هتعمل عليا محترم انت حر