رواية يكفينى انت

الفصل الرابع
جلست سما على شاطئ البحر تتأمل امواجه وتتذكر عائلتها تتذكر حنان وعطف ابيها وحضن والدتها وطفولتها السعيده وحياتها الجميله التى انتهت بالدماء وياليتها كانت دمائها ولكن دماء احباءها على يد قاتل لا يعرف الرحمه شعرت بالدموع تملئ عيونها وتهدد بالانهيار ولكنها منعتها من النزول فيكفي دموع قاطع تفكيرها
معتز:اهلا بالجميل قاعده لوحدك ليه
سما: لا رد فجلس بجانبها وقال
معتز:على فكره من الذوق انك تردي عليا
سما:لارد وقامت من مكانها تحاول المشى فأمسك ذراعها وقام معها وقال
معتز:لا كله كوم وانك تسيبينى وتمشى دا كوم تانى
سما:سيب ايدى لو سمحت انا مش عايزه اتكلم معاك
معتز:ما بلاش تقل بقى تعالى نتمشى شويه بالعربيه
حاولت سما نزع يدها ولكن كل محاولاتها اصبحت فاشله وتذكرت ما حدث من 5سنوات فقد كان ذلك الشيطان بنفس الطريقه فصارت تتحرك مثل المجنونه لتحاول الافلات من بين يديه حتى دفع بعيدا فأجبر على افلات يدها ورأت مراد يقف بينهما ولكنها شعرت بضيق فى صدرها وتذكرت ان بخاختها فى السياره ودارت الدنيا بها واخر ما رأت كان وجه مراد القلق
……………………
احمد : عامله ايه النهارده يا حنين
حنين :انا بخير الحمد لله
احمد: انتى بتعملى ايه ؟
حنين: ذى ما انت شايف بحط دوا للخيل فى الميه
احمد:امال دكتور يحيى فين انا مش عارف مكانه
حنين: بابا سافر القاهره وراجع اخر النهار
احمد: ازاى يسيبك لوحدك كده
حنين:عادى يعنى هيحصلى ايه وبعدين انا مش صغيره
احمد:لا طبعا انتى قصيره مش صغيره
حنين: تانى يااحمد انا ماشيه
احمد:خلاص خلاص تعالى نتمشى شويه
حنين:ليه
احمد: عادى يعنى دا انا 1000بنت يتمنوا يمشوا معايا
حنين:خلاص روح لهم عمرك ما هتفهمنى ابدا وتركته وذهبت
احمد: غبى غبى كل ما تيجي تصلحها تنيلها
…………….ّ…………………….
الممرضه:حمد لله على سلامتك
سما : انا فين
الممرضه :فى عيادة المنتجع انتى كان عندك ازمه ربو
قامت سما تحاول سند نفسها وحاولت الممرضه منعها ولكنها ابت ودخل على صوتها مراد بعدما دق الباب
مراد : فيه ايه
سما: انا لازم امشى من هنا
الممرضه:المفروض ترتاحى شويه
سما: لا انا همشى
مراد: انتى لسه تعبانه واغمض عينيه يحاول ان يمحى ذكري شحوب وجهها ووقوعها مغشيه عليها امامه
سما: ارجوك يا استاذ مراد مشينى من هنا
مراد: خلاص براحتك بس هتروحى على الاوضه بتعتك على طول
سما: اهم حاجه امشى من هنا
فى السياره
مراد: انا نفذت كلامك بس المفروض كنتى قعدتى فى العياده شويه كمان
سما : لا انا هبقى كويسه انا مش بحب الدكاتره او المستشفيات
مراد: انا اسف على اللى عامله معتز هوه كده انسان مستفز
سما: لا عادى بس لو سمحت تعرفه انى جايه اشنغل مش علشان اي حاجه تانيه
مراد:انا اضمنلك انهمش هيعترض طريقك تانى حمد لله على السلامه
سما: شكرا على اللى عملته معايا ونزلت من السياره واتجهت بداخل الفندق
مراد وهو ينظر عليها حتى اختفت من امامه عملتى فيا ايه يا سما

ازيك يامراد عامل ايه
مراد: انا الحمد لله بس ايه ده هو النهارده عيد ولا ايهاسماء بنفسها عندى فى المكتب
اسماء:ابدا انا عرفت من حنين ان سما تعبانه فقلت اجى اشوفها وبالمره اعدى عليك
مراد: صحيح سما عامله ايه دلوقتى
اسماء(بمكر)وانت متكلمهاش وتسأل عليها ليه
مراد: ابدا انا بس مش هايز اضايقها كفايه اوى اللى عمله معتز معاها انا مش عايزها تكره المكان هنا
اسماء؛لا احنا عايزنها تحبه وتحبه اوى كمان
مراد:هو مين ده
اسماء: المكان طبعا صحيح قولى ايه رايك فى سما
مراد: مهندسه ممتازه
اسماء: لا انا قصدى كعروسه
مراد ؛ايه عندك عريس ولا ايه
اسماء: انت بتقول فيها مامت ممدوح من ساعه ما شافتها وهى عايزاها لمحمود اخو ممدوح ما انت عارف انه بيدور على عروسه
مراد: ملكيش دعوه بسما شوفيله عروسه تانيه
اسماء: سيدي يا سيدي انا برده كنت شاكه من يوم العزومه طاب انت مستنى ايه ما تكلمها
مراد: انا مستنى الوقت المناسب ادعيلي
……………………………..
يعنى ايه عرف مكانها هو طلع من السجن امتى
طلع من اسبوع وحسب المعلومات اللى عندى ناوى ينتقم يا عبد الرحمن
عبد الرحمن:ربنا ينتقم منه مش كفايه اللى ابنه عمله فيها
مطاوع:طاب احنا هنعمل ايه دلوقتى
عبد الرحمن:لازم نخلى سما تختفى قبل ما يلاقيها يا عينى عليكى يا بنتى
مطاوع: خلاص انا هبعت واحد واثق فيه ينبهها علشان لو انت متراقب ميعرفشى اننا كشفناه
عبد الرحمن: ربنا يستر ………..((نهايه الفصل))

error: