رواية يكفينى انت

الفصل الثانى عشر
فى غرفه مراد وسما
استيقظ مراد من النوم نظر الى سما التى مازالت نائمه على صدره ونصف شعرها يغطى صدره والنصف الاخر على الوساده بجانبها نظر اليها وهو لا يصدق الى الان انها اصبحت زوجته امام الله فقبلها على شعرها واستنشق رائحته التى اصبح يدمنها فتحركت ورفعت رأسها
سما:مبتسمه بأحراج: صباح الخير
مراد: صباحيه مباركه يا عروسه
سما:لا رد وذاد احمرارها
مراد:بخبث:مالك
سما: ابدا انا عايزه اروح الحمام
مراد:روحى وانا مستنيكى
سما،: طاب غمض عنيك الاول
مراد: سما بيتهيئلى بعد امبارح انا بقيت اقرب واحد ليكى بكل معنى للكلمه دى
سما:بأحراج:عارفه بس بردو امبارح كانت الاوضه ضالمه عن كده
مراد: فيه ايه يا سما انا حاسس ان ده مش كسوف فيه ايه
سما: وادمعت عيناها:،انا بس مش عايزاك تقرف من شكلى
مراد: اقرف ليه ……اه تقصدى على الجروح اللى فى جسمك انتى فاكره انى مشفتهاش سما الاوضه كانت ضلمه اه بس انا عرفت مكان كل جرح فى جسمك ومستعد اقولك على مكان كل جرح فيهم
سما: يعنى بجد مش قرفان من شكلهم
مراد: بمكر:انا بقى مش هقولك لا انا هوريكى وعملى وضمها اليه وغرقا معا فى بحور السعاده مره اخري لكن فى نور الصباح
………………………..
منيره:ازيك يا اسماء عامله ايه يا حبيبتى
اسماء: الحمد لله يا عمتو انت عامله ايه وفين البنات
منيره: انا الحمد لله والبنات فى البيت يا حبيبتى كانوا عايزين ييجوا معايا بس جالهم ناس صحابهم وهييجوا اخر النهار وانت يا ممدوح مامتك عامله ايه
ممدوح: الحمد لله يا عمتو لسه فى الحج عبالك
منيره : انا وانت يا حبيبى امال فين مراد
سوسن؛ لسه نايم
منيره: نايم لدلوقتى دى خطبه الجمعه خلاص هتبتدى ولا الهانم بتاعته لسه عامله نفسها عروسه جديده
سوسن: حرام عليك ي يا منيره هى عملتلك حاجه دى بسم الله ماشاء الله ملتزمه بالصلاه وتتحط على الجرح يبرا
منيره: لنفسها:اموت واعرف البت دى عملتلكوا كلكوا ايه ساحرلكوا
ودخل فى هذا الوقت احمد
احمد : السلام عليكم عامله ايه يا عمتو
منيره: انا الحمد لله عاامل ايه يا عريس
احمد: انا ذي الفل ….صحيح عامله ايه دلوقتى يا اسماء النونو اتحرك ولا لسه
اسماء: يتحرك ايه دا لسه بدري على الكلام ده
منيره: ايه ده انتى حامل يا سومه الف مبروك
اسماء: الله يبارك فيكى يا عمتو
منيره :الف مبروك يا ممدوح طبعا طول بعرض وصحه راجل على حق
ممدوح بصوت لا يسمعه غير اسماء: يعنى عليا مكنشى يومى ابقى قابلينى لو قامت لى قومه بعد كده عمتك قضت عليا
اسماء:ههههههه حرام عليك انت فى ايه ولا ايه
………………………..
مراد: وهو يقف امام المرأه ويرتدى ملابسه انا نازل رايح المسجد عايزه حاجه اجبها وانا جاى
سما: ربنا يخليك ليا يا حبيبى انا هنزل اقعد مع ناما سوسن تحت ماشى
مراد:وهو يقترب منها:انا مش هتأخر هخلص الصلاه وأجى على طول وكان سيقبلها
سما : وهى تبتعد عنه:انت متوضى
مراد:وهو يمسك بها هتوضى تانى وقبلها وعندما ابتعد عنها قال اللهم اخذيك يا شيطان انزلى يا سما دلوقتى عند ماما احسن لو قعدتى معايا اكتر من كده مش هروح اصلى
وعندما ادركت مغزى كلامه ركضت من امامه لتنزل وهو نظر فى اثرها وقال
مراد: ربنا يخليكى ليا يا سما ويبعد عننا الحزن والخوف
…………………………….
سوسن: بجد يا سما دا حصل
سما: اه والله يا ماما حتى انا صدقتها فى الاخر طلعت بتعمل كل ده علشان حنين تطلع لاحمد
سوسن: ههههههههه طول عمرك نكته يا اسماء
اسماء: وانا يعنى كنت هعمل ايه يا ماما كانت مكسوفه ومش راضيه تطلع
منيره: ايوه تنكيف مهى متربيه الدور والباقى على ام وش مكشوف اللى لكان ليها لا ظابط ولا رابط وعايشه بكيفها
سوسن: عيب الكلام ده يا منيره
منيره : عيب ليه انا مقولتش حاجه غلط
سما: تقصدى مين بالكلام ده يا طنط
منيره: والله اللى على راسه بطحه ياعيون طنط
اسماء: لو سمحتى يا طنط متقوليش كده
منيره: اه ما الكل لازم يدافع انا مش عارفه هيه عامله ليكوا ايه علشان تدفعوا بالطريقه دى
سوسن: فيه ايه يا منيره انتى بتقولى يا شر اشتر
منيره: لا يا حبيبتى بس دي واحده لفه ودايره وشغلها كان كله وسط الرجاله واكيد كلت عقل مراد بكلمتين
لحد هنا وانا مسمحلكيش……..قالها مراد ففى اثناء كلامهم لم ينتبهوا ان مراد واحمد ووالدهم وممدوح قد اتوا من الصلاه
منيره: انتم هنا من امتى
مراد:،من بدرى واحب انبهك يا عمتو انك غلطى فى سما كتير وهى مردتشى عليكى مش ضعف منها ولا حاجه لكن اولا لانها انسانه متربيه احسن تربيه واكتر واحده محترمه انا شوفتها فى حياتى ثانيا لانها محترمه البيت اللىانتى محترمتيهوش
سوسن: تعاى اقعد يا مراد ومتزعلشى يا حبيبى عمتك……
مراد، مقاطعا لا انا هأخد مراتى ورايح اوضتى
سوسن : والغدا
مراد: ملناش نفس
واخذ سما وصعد لغرفته
منيره: والله يا مهدى……
مهدى مقاطعا منيره سما بقت ذي اسماء عندى بالظبط فياريت اللى حصل النهارده ميتكررشى خالص فاهمه ولا اقول تانى
منيره بخوف:فاهمه فاهمه يا مهدى
……………………………..
فى غرفه مراد وسما
مراد: انا اسف يا حبيبتى على…….
وضعت سما يدها على فم مراد وقالت بعيون دامعه
سما: متقولشى اسف دي تانى وكفايه الكلام اللى قولته علشانى تحت
مراد: طاب انتى جعانه
سما: لا عادى بس لو انت جعان انا ممكن اكل معاك
مرادبمكر: لا انا هحلى الاول
سما: هتحلى ازا…………..
اسكتها مراد بطريقته كما يفعل دائما واحتضنها بقوه وغابا فى بحور السعاده
…………………………..
مطاوع: السلام عليكم يا عبد الرحمن
عبد الرحمن:عليكم السلام ورحمه الله وبركاته
مطاوع: الناس بتوعنا بيقولوا ان الاوضاع هاديه جدا
عبد الرحمن: ما هو ده اللى قالقنى
مطاوع:ازاى يعنى
عبد الرحمن: واحد ذى عزت هدوءه ده اكيد وراه مصيبه
مطاوع: طاب فيه ارى تعليمات
عبد الرحمن: ايوه قول لرجالتنا كل واحد ذى ما هو فى مكانه
مطاوع: اومرك حاجه تانيه
عبد الرحمن: لا ربنا يستر
………………….
غاده: يعنى انتى شايفه كده
منيره: مفيش غير كده البت دى لازم تغور من وشنا
غاده: بس ده خطر افرضى ماتت
منيره:وهو ده المطلوب اهم حاجه محدش يشوفك وانا هرتبلك كل حاجه
غاده : حاضر ربنا يستر وميشكوش فينا
منيره: ان شاء الله ولو شكوا هيكون فى حد من الخدامين احنا مالنا
غاده:خلاص كله يهون علشان خاطر مراد
ثم رن هاتفها ورأت المتصل وارتبكت
منيره: ما تردي
غاده: لا دى واحده صحبتى وانا مش عايزه ارد عليها
ولم يدرك الاثنان ان هناك من كان يستمع اليهم وتعجب الى اى مدى ممكن ان يصلوا لتحقيق امل صار بعيد المنال انهم اكيد ليسوا ببشر

error: