رواية يكفينى انت

الفصل السادس عشر
فى منزل منيره
دخلت منيره غرفه غاده وجدتها تبكى
منيره: مالك يا حبيبتى لسه زعلانه من اللى حصل متأخديش فى بالك عندى ليكى خبر بمليون جنيه
غاده:بدموع:خبر ايه
منيره: اللى ما تتسمى اللى اسمها سما مرميه فى المستشفى شكلها هتموت
غاده:اللى يشوفك من شويه يقول انك خلاص توبتى لربنا وهتبطلى اللى بتعمليه
منيره:هو انا بعمل ايه يعنى كل ده علشان مصلحتك لما نروح لهم دلوقتى ونعملننفسنا ندمنين ونقعد معاهم لما البت دى تموت الجو هيخلا ليكى مع مراد
غاده:ياه انتى قلبك جامد كده انا مش عارفه ازاى اقنعتينى قبل كده ان احنا نموتها بس الحمد لله مراد لحقها على اخر لحظه كفايه بقى كده سبيهم فى حالهم
منيره: اصلك فقريه خليكى كده اخرك هتتجوزي جوازه اي كلام
غاده : انا بحمد ربنا انه سترها معايه وموضوع المحضر اتلم من غير شوشره يمكن لسا ليه وقت للرجوع لربنا ومش هقول غير ربنا يهديكى انا هقوم اصلى العشاء
منيره:هتصلى من امتى التقوى دى
غاده : من دلوقتى انا بحمد ربنا ان البوليس كبس على الشقه فى الوقت المنايب بدل ما كنت ضيعت نفسى
منيره:ولا يهمك كنت برده شوفتلك اى طريقه اجوزك بيها مراد
غاده:ربنا يهديكى انا هصلى لربنا يمكن يغفرلى وهدعى لسما ربنا يقومها بالسلامه
منيره:ماشى يا ست الشيخه
………………………………………..
فى المستشفى طلب مراد من الجميع الذهاب الى الفيلا للراحه وبعد محاولات كثيره وافقوا جميعا
سوسن:انا بقول يا حبيبى روح انت وانا هبات معاها
مراد: مفيش حد هيبات مع سما غيري
سوسن: يامراد انت تعبان لازم ترتاح
مراد:انا مش هرتاح غير لما سما تفوق واطمن عليها
مهدى:ماشى يا مراد هنروح ولو حصل اى حاجه ابقى كلمنى
ممدوح :خد معاك اسماء يا عمى انا هستنى معاه
معتز واحمد:واحنا كمان
مراد: مفيش لزوم روحوا معاهم
معتز:لا انت محتاج حد جنبك افرض احتجت حاجه وكمان احنا مش هنمشى غير لما نطمن على اختنا ولا ايه
احمد وممدوح:كلامه صح
مهدى:خلاص سيبهم يا مراد معاك علشان ابقى مطمن عليك
مراد: براحتكم
وذهب مراد الى الكرسى الموجود امام غرفه العنايه المركزه ونظر الى الباب وتركها يفعلون ما يريدون
سوسن:انا خايفه مراد يحصله حاجه
مهدى:ادعيله ربنا يقومهاله بالسلامه دى خدت الرصاصه بداله
سوسن: يا حبيبتى يا بنتى ربنا يقومك بالسلامه
مهدى:يارب يلا بينا
…………………………..
رن هاتف احمد
احمد:الو ازيك يا حبيبتى
حنين: كويس انك لسه فاكرنى انت مكلمتنيش طول النهار
احمد:معلشى يا حبيبتى انا كنت مشغول بس لو عرفتى هتعذرينى
حنين:والله انت تحكيلى وانا اقرر
احمد:سما كانت مخطوفه واحنا دلوقتى فى المستشفى مستنينها تفوق
حنين: انت بتتكلم بجد ولا بتهزر
احمد:ودي حاجه حد يهزر فيها
حنين: يا حبيبتى يا سما انا لازم اجى اشوفها
احمد:هى دلوقتى لسه مافقتشى خليكى لبكره وانا هجيبك مع ماما واسماء ولاء ماشى
حنين: ماشى يا حبيبى علشان خاطرى ابقى كلمنى علشان اطمن عليها
احمد:حاصر ادعيلها ربنا يقومها بالسلامه
حنين:ربنا يقومها بالسلامه ويصبر مراد
احمد:يارب
…………………………..
ظل مراد امام غرفه سما طوال اللىل ينظر الى الباب المغلق كأنه طوق النجاه بالنسبه أليه حتى صرح له الطبيب بالدخول لها فى الصباح
الممرضه: حضرتك تلبس اللبس المعقم ده وتدخلها ربنا يقومها بالسلامه
مراد:وهو يقف بجانب سرير سما: سما سمعانى انا مراد انا حبيبك فوقى علشان خاطرى فوقى وخلى الشمس تطلع على دنيتى. انا مش هقدر اوفى بالوعد اللى انتى قلتى عليه مقدرشى مخليش الحزن يعيش جوايا لان طول ما انتى مش معايا انا مش عايش انا جسم من غير روح فوقى علشان خاطر حبيبك
وجلس بجانبها يضم يدها السليمع بين كفه ويتحسس العروق النابضه بزراعها وظل يقرأ لها ما تيسر له من ايات القرآن حتى نام وهو يضع رأسه بجانب يدها
………………………….
كانت تشعر ان كامل جسدها يؤلمها فحاولت تخريك زراعها اليمين ولكنها لم تستطيع وشعرت بشئ رطب على يديها اليسار ففتحت عينيها بصعوبه ونظرت حولها وجدت نفسها فى غرفه مليئه بالاجهزه المتصله بجسدها ورأت رأس مراد النائم بجانب يدها فعرفت ان المياه التى احست بها كانت دموعه فرفعت يدها ووضعتها رفق على وجنته ومسحت دموعه ففتح مراد عينيه ونظر اليها للحظات كأنه لا يعرف اهو يحلم ام انها افاقت بالفعل وخلال لحظات كان يضمها الى صدره ويبكى
مراد:سما حبيبتى كنت عارف انك مش هتسبينى
تألمت سمامن ضمه لها فأصظرت انينا صغيرا
مراد:انا اسف وجعتك حمد الله على سلامتك يا عمرى
سما:الله يسلمك انا عايزه اشرب
ضغط مراد على ذر استدعاء الممرضه وطلب منها استدعاء الطبيب الذى طمأنه عل حاله سما وطلب نقلها لغرفه عاديه
الدكتور: الحمد لله حاله المدام بقت مستقره وهننقلها اوضه عاديه وهكتبلها على مسكنات لان اول ما اثر. المخدر يروح هتتألم من كل جسمها
مراد:،ماشى اهم حاجه انها بقت كويسه الحمد لله
الدكتور: حمد الله على سلامتها
………………………….
رن هاتف احمد
احمد: الو ايوه يا مراد
مراد: انتو اروحتوا ولا ايه
احمد: احنا فى الكافتيريا بتاعه المستشفي صوتك بيقول في خبر حلو
مراد: الحمد لله سما فاقت وراحت اوضه عاديه
احمد: حمد الله على السلامه احنا جايين دلوقتى
مراد: ماشى وكلم بابا طمنهم عليها وخلى ماما تجيب لها هدوم وهى جايه
احمد: على طول كده اوامر ماشى هنياله يا سيدى
…………………….
دخل مراد لسما
مراد:عامله ايه دلوقتى
سما: الحمد لله الممرضه قالتلى انك منمتش طول الليل روح ارتاح شويه
مراد: انا مش هروح غير معاكى ومش هسيبك تغيبى عن عينى ثانيه
سما: بتعب:ليه كل ده حصل ايه يعنى
مراد: ابدا عزت يهددك ومتقوليش وتروحيله وضحى بنفسك وفى الاخر كنتى هتموتى
سما: بس كنت مبسوطه وانا بعمل كده
مراد: وايه اللى يبسط فى كده
سما:انى بحمى اغلى حد عندى فى الدنيا دى انت مقدرشى اتخيل حياتى من غيرك انت اللى رجعتلى ثقتى فى نفسى انت الوحيد اللى قلبى دق ليه حتى وانا فى اسوء حالاتى
مراد: انتى غلطانه انا اللى مقدرشى اعيش من غيرك الرصاصه اللى جت فيكى انا حسيت بيها فى صدرى انا
سما: بعد الشر عليك يا حبيبى ربنا يبعده عننا
مراد: قصدك عزت لا خلاص ربنا افتكره برحمته مات امبارح بعد ما ضرب عليكى نار
سما،: الله يرحمه
مراد: ياه يا سما بعد كل اللى عمله فيكى
سما: دا مجرد اب موجوع على ابنه بس حسب الامور غلط
اقترب منها مراد وطبع قباه على جبهتها
مراد: ربنا يخليكى ليه يا حبيبتى
سما: ويخليك ليا يا قلبى………