رواية قلبي شاريك كاملة

#قلبي_شاريك❤

الحلقه الرابعه عشر

طلع حسين مشى سلم على امه .. وطلع اخته امال عندها حاجات ناقصينها

وهما فالسيارة

-امال: شن جو شغلك كويس
-حسين: تمام وماشيه اموره
حسها تبى تقوله حاجه
-حسين: احكى امول شن فى
-امال متلعثمه: لا مافى شى غير .. وسكتت
-حسين: غير شنو كملى
-امال: فى واحد يبي يكلمك
-حسين: اعطيه رقمى
-امال : هكى بدون مقدمات
-حسين: انتى عاجبك ولا
-امال : ايه عادى……. وتحشمت?
-حسين: خلاص عطيه رقمى
-امال : لكن فى مشكله
-حسين: خيره فقير .. معنداش حوش .. خدوهم فقراء يغنيكم الله
-امال: لا عنده حوش
-حسين امالا خيره
-امال: خوه زمان تعارك مع خوى سالم وحبسه
-حسين: منو اللى حبس الثانى
-امال: سالم خوى هوا اللى انحبس.. وتوة عارفاته حيوقفلى فيها
-حسين: انتى موافقه ولا
-امال: ايه
– حسين: خلاص مش حيصير الا اللى تبيه انتى
وشرت امال الحاجات اللى ناقصينها .. وشري حسين الحاجه اللى يبيها ل حنان… وروحو

_____________

خش حسين للحوش المغرب لقاهم مقعمزين يتعشو فى سندويتشات ..
رياض : بابا
-حسين : نعم يا بطل
-رياض : نبى اتارى
-حسين: معش يقولو اتارى.. توة اسمه بلاى ستيشن
-حنان: رياض انا شن كنت نفّهم فيك
-رياض: مهيمن ولد عمى سالم اصغر منى وعنده واحد
-حنان تفنص فى ولدها : توة ليش تكدب …توة مهيمن ولد عمك اللى عمره سنتين عنده اتارى .. هداكه مش ليه …متع خوته الكبار
-حسين: حنونه قلنا اسمه بلاى ستيشن وغدوة ناخد لصغارى واحد
-امولا: وانا
-حسين: اطلعى معانا واللعبه اللى تبيها بنتى نشريهالها
-حنان: منبيش ندلعهم مش معودتهم هكى
-حسين: هداكه زمان ..توة مدامهم معاى ح يدلعو و يعيشو بطريقه ثانية
-حنان : ربي يخليك ليهم
-حسين: تعالى للمطبخ نبى نعطيك حاجه منبيش الصغار يشوفوها
ناض مشى للمطبخ وهيا لحقاته …
طلع من جيبه تليفونى ايفون وفيه شفرة
-حنان: هدا شنو
-حسين: هدا تليفون جديد وشفرة جديدة
-حنان: وليش جايبهم..ماهو خديتلى الايام اللى فاتو
-حسين: هداكه خديتهولك ووزعتيه عالناس اللى بيلقوك انتظار …هدا خليه بينى وبينك بس بيش لما نكلمك ماتقوليش وكانا حد من العيلة يتصل ويلقانى انتظار …وقعد يضحك
-حنان تضحك : باهى زيد اضحك عليا ???.. وتتفرج عالنقال: باهى خديت بيلة وخلاص
-حسين: ماهو مرات نكلمك فيديو
-حنان شبحتله : بالك رايق هلبا انت
-حسين: من يوم عرفتك وحياتك ????
وشرين تليفون حسين
رقم غريب
رد حسين : اهلا… آه عرفتك اهلا بيك … تفضل فى اى وقت … تشرفت بيك مع السلامه
شرين تليفون حنان
جاباته امولا .. ماما تليفونك شرين
خداته منها لقاته آمال تتصل
ردت عليها …
-حنان: الوو
-امال: حنونه لو فاضيه تعالى نبيك
-حنان انشالله خير تعالى انتى توة
-امال: لانبيك انتى تجى
-حنان: باهى يكملو الصغار عشاهم ونجيك

________________

خدت حنان من حسين التليفون ودساته فى دارها بعد ماوصاها ماتعطيش الرقم لحد
وطلعت لحوش عمتها .. وخلت حسين والصغار فالحوش
-حنان: خيرك امولا انشالله خير
-امال: جاينى عريس
-حنان : باهى مبروك عليك منهوا
-امال : ماهو اهنا المشكلة ونبيك توقفى معايا
-حنان: حاضر من عيونى منهوا هوا العريس
-امال: عبدالرحمن ولد عيلة المساعيد
-حنان: وشن يقرب ل نورى اللى تعارك مع سالم زمان نفس اللقب ولا
-امال : خوه
-حنان على وجهها علامات الدهشة : خيرك امال نعرفك عاقله ..ومن الناس كلها مالقيتى الا العيلة هادو
-امال: لماتعرفت عليه والله ماكنت نعرف انه خوه …بعد شهور عرفت
-حنان: خلاص مفروض انهيتى العلاقه
-امال: كيف ننهيها واحنا نحبو بعص ومتعلقين ببعض
-حنان: هوا حسين توة كلمه واحد ونسمع فيه يقوله تفضل فى اى وقت .زعمااا هوا؟
-امال: ايه اكيدة هوا انا عطيته رقم خوى حسين
-حنان: ربي يتمملك على خير يا امولا ويجعله من نصيبك .. واللى انتى تبيه انا حنديره غير خلى نشوفو حسين شن بيدير

_____________________________

روحت حنان فى ادان العشى
صلت
وغيرت حوايجها .. لبست سروال لاصق اسود وتيشرت نص كم احمر
-حنان : هيا ياسنافر عالنوم
دخلتهم غسلو يديهم وسنونهم ورقدو
وجت لحسين مقعمز فالصاله ..
-حنان: نديرلك عشى
– حسين : كان بتاكلى معاى عادى
-حنان: خاطرى فى توست
-حسين: وانا خاطرى فيك .. ويضحك: احم قصدى خاطرى فى توست .. احم اسف غلطه مطبعيه
-حنان داسه ضحكتها : اما انت…
وناضت مشت للمطبخ ..
لحقها حسين وقعد متكى عالباب ومربه ايديه على صدره ..
حطت براد الشاهى عالنار
وفتحت ماكينه التوست قدامها ..
-حنان: تعرف امال علاش نادتنى
-حسين : على خاطر العريس
-حنان: لكن هيا خايفه
-حسين: على خاطر خوه متعارك مع سالم زمان
-حنان ضحكت : ماشالله المعلومات كلها عندك
-حسين يضحك : بش تعرفى بس ??..لكن انا بنعطيها ليه يبى سالم ولا ميبيش
-حنان تلفتتله وابتسمت : نجيلى فزاع خواته ..اللى ديما واقف معاهم
مشى حسين خطوتين .. وقف وراها ..
حط يديه الزوز لفهم على خصرها وضمها ليه وهمسلها فودانها .. سمعينى الكلام الحلو وبعتالى قوليلى اقعد عاقل ولا
حنان يابسه فمكانها ويداها بدو يرعشو
حول حسين ايده من خصرها وقاعد واقف وراها وحط ايديه على ايداها وشدهم الزوز : خيرة يديك يرعشو
-حنان : لامايرعشوش
-حسين زاد قرب من شعرها وخدودها : اللون الاحمر عليك ماقدرتش نقاومه زايدك جمال
لف يديها الزوز على خصرها متخالفات ويديه هوا فوق يداها .. وحرك راسه للجهه الثانيه وقرب فمه من ودنها ..
-حسين: اهدى خيرك
-حنان: حسين
-حسين: ياعيون حسين
-حنان بدلع : حول
-حسين: معش نقدر نحول انا خلاص حصلت
-حنان : ليش
-حسين: وقرب من ودنها وهمس… لانى نحبك
-حنان: حسين اهفت خلاص
-حسين: قلتلك نحبك .. ونتمناك فى كل لحظه
وفاض براد الشاهى عالغاز
حولت يديه من عليها ومشت بسرعه لبراد الشاهى وطفت تحته النار ..وخدت النشافه وبدت تمسح فالغاز
تلفتتله ..
-حنان : اطلع
-حسين هايج: ليش هادو مشاعرى اللى حاس بيهم ومنبيش ندسهم
-حنان: لو تبينى نتعشى معاك اطلع توة
-حسين قرب منها وهيا ترعش : وانتى تحبينى ولا لا
-حنان عندها حسابات ثانية يا نارى : قلتلك لو تبينى نتعشى معاك اسكت
-حسين: نبيك .. والله نبيك.. غير كان تحسى بيا بس
-حنان: اهو عشاك قدامك وانا بنخش نرقد ..
وجت طالعه ..
شدها فى حضنه …اول مرة يحضنها وجهاً لوجه
-حسين: لا خليك
-حنان تفك فى نفسها منه : انت سكران
– حسين يضحك: ايه سكران ولَيَس على السكرانِ حرج
-حنان: حول منغير بصارة بايخه
-حسين يضحك وضمها فوق لحضنه رجليها معش ماسات الارض : انتى اللى قلتى سكران .. معناها مش فى وعيي خلاص تحملى مايجيك ..
-حنان: اوووف نزلنى وحول يديك خنقتنى
حول ايده ..وهوا يضحك .. هاتى العشى يا قزومه وتعالى للصالة
طلعو مشو للصاله .. وهيا فى ودنها غير صوته وهوا يقوللها نحبك ….ومع هدا دايرة روحها فايته الموضوع ولا كأن قاللها حاجه
حطو العشى .. وقعدو يتعشو
-حسين: عندك عقدة من السكير انتى
-حنان : مش مسألة عقدة لكن حاجه تدهب العقل
-حسين: على قد ماسافرت اقسم بالله العظيم لهده اللحظه ماعمرى دوقته ..
-حنان: احسن فتكيت منه
-حسين: لكن هوا كلامك حق راهو يدهب العقل
-حنان: ويخلى الراجل ديوث
-حسين: تعرضتى لموقف هكى انتى
-حنان: قول مواقف
-حسين: زى شنو
-حنان: توة زمان وعدى ومشى فى حاله مفيش داعى للحكى
-حسين: لا احكيلى
-حنان: وحدة من المواقف هادى ..زمااان مع بو صغارى … ومنبيش نقول خوك لان فرق السما عالارض بينك وبينه ….
المهم مرة قالى جبت سيارة ونبى نرفعك مشوار.. ركبت معاه ومشيت
-حسين: وانتى كيف تمشى معاه وهوا انسان مش واعى
-حنان: ماهو كانا مامشيتش معاه بيضربنى
-حسين: باهى كملى
-حنان: رياض صغير واحمد كان عمره شهور.. حطيتهم عند اختى احلام ومشيت .. رفعنى لحوازة … وقالى انزلى … قلتله وين بننزل … قالى البراكه هاديكه تلقى راجل عنده شيش سكير..اقعدى معاه ساعه وخودى منه شيشتين جيبيهم معاك..وطبعا معروف شنهوا اللى المفروض نعطيه انا مقابل للراجل
-حسين ناض وقف متعصب: انتى شن تحكى
-حنان بدت تبكى: اللى سمعته
جى قعمز جنبها وحضنها …حط راسها على صدره
-حسين: اشششش حبيبي خلاص معش تبكى
حنان تبكى بالعبرة
-حسين يمسح على راسها : خلاص حبيبي فوتى الموضوع
-حنان : لا خلى نكملك.. المهم قلتله باهى ونزلت … ومشيت من ورا السيارة وهربت .. قعدت نجرى نجرى نجرى … لين وصلت حوش اختى احلام ..خديت صغارى وروحت للحوش
-حسين: وليش ماقلتيش لاختك احلام .. او لخوى سعد
-حنان: منقدرش نقول على روحى كلام زى هدا لحد حتى لو كانت اختى .. الانسان سمعه ..
-حسين ضمها لصدره: والله انك شجاعه ومراءة ونص
-حنان حولت راسها من صدره : وعمى سعد حكيتله بعد اسبوع .. اصلا انا نحكيله فى كل شى ..لانه مايعاودش فالدوة
-حسين: باهى هربتى وسكتلك ومادارلك شى
-حنان: لا وين مادارلى شى
وردت راسه على صدره ..
روح للحوش لقانى .. طلع السبته وقعد يضرب فيا خلانى جسمى كله ازرق
قعد حسين يحضن فيها بالقوة سخفاته
-حسين: وكيف رضيتى بالضرب
-حنان: عادى الضرب نتحمله احسن ما تفسد سمعتى
-حسين: وشن جابرك تتحملى
-حنان: على خاطر صغارى ..امالا ليش الجنه تحت اقدامى
-حسين : انتى مراءة عظيمه يا حنان …وربي حيعوظك خير فصغارك
حطت يدها الزوز على وجهه : ربي عوضنى بيك انت انسان حنون عليا وعلى صغارى
-حسين: انا نعشقك ياحنان
قرب منها حسين … وزاد قرب
وحط شفايفه على شفايفها ويقد يبوس فيها بالشوى وبعدين خدى شاربها اللوطانى وقعد يبوس …بكل رومنسيه ……وبدى يمس فلسانها و يحرك فيه وهيا متجاوبه معاه …
حط يده اليمين فى خصلات شعرها ..ويده اليسار ورا ضهرها … وقعد يبوس فيها قريب يقطعلها شفايفها …وهيا مقعمزة وتكالها ضهرها لتالى على ضهر الصالون وكمل يبوس فيها من فمها ومن خدودها هوا اخر انسجام وهيا نفس الشى
-حسين: نحبك
نزل على رقبتها وبدى يبوس فيها خلى المكان ازرق
.
.

وهما فى عز الانسجام …..

جى ولدها احمد ……

ماما نبى الحمام ….

????? شن نوضك يا مصيبه

يا حنه عمتك حنان فاقت على روحها وقعدت تمسح فالبوسات بيدها ..ومشت تجرى لولدها

دخلاته للحمام …

ورداته لداره رقد

وخشت لدارها وسكرت الباب بالمفتاح

جى حسين فم الباب … وكلمها

عرفتك بتهربي …. غير كان نعرف شن اللى مانعك بس ….
لكن انا وعدتك منديرش حاجه انتى مش راضيه عليها

وقفت حنان فرحانه وسعيدة قدام المرايه وقعدت تشوف فالمكان الازرق فى رقبتها …وتمس فى فمها اللى كله رغبه …
لكن فجأة فاقت …
قعمزت عالسرير ..
وفى خاطرها:انا مستحيل نستسلم لنزوته.. يقعد معاى ايام ويلوحنى .. ونقعد انا فالعداب …لااازم نقاوم ..لان هادى نزوة

رقد حسين عالصالون …ومطولها ليله ….جسمه كله مليان رغبه … وهوا وعدها مايتم شى الا برضاها ……….
ويااااااا ليله شن يصبح صبحك

__________________

ثانى يوم ناض حسين لقاها دوشت للصغار فالحمام ..
وطلعتهم للدار..
وعطتهم ملابسهم قالتلهم البسو
ورجعت للحمام بيش تنضفه لان حسين بيخش فيه
خشت للحمام وعاطية بالضهر تنشف فيه
خش وراها حسين : صباح الخير
-حنان مبتش تتلفتله: صباح النور
حط ايده على شعرها لقاه مش مبلول …قرب منها
-حسين: دوشتى من الليل
حنان ساكته
-حسين: انا توة بندوش من احلى ليله فى حياتى
..ويضحك: بالرغم مارينا فيها شى
حنان تلفتت تبى تطلع لقاته قدامها
والحمام ضييق
-حنان : حول
-حسين: هبلتينى امبارح
-حنان: انا مندكر فى شى حول
-حسين قرب منها بسرعه وباسها على فمها وحول ..
ويضحك: اطلعى توة اهو حولت
-حنان: عيب عليك راهو
-حسين: تسمعنا الناس تضحك علينا…راجل عيب عليه يبوس مرته ..سَمعة جديدة هادى
وطلعت حنان مشت للمطبخ دارت الفطور
وخشو صغارها على طاولة الاكل هما وحسين وبدو يفطرو …
-حسين: الراجل بيجينى اليوم العصرر
-حنان: انشالله يكون من نصيبها
-حسين: بادن الله …

_______________

وصل العريس …
خش لمربوعت حسين .. …
قعدو يهدرزو
دارت حنان القهوة ومدتها لحسين
قعدو يهدرزو قريب نص ساعه ..
-حسين : والله شن بنقولك بتوسع بالك معاىشوى
…انا عندى الاسبوع هدا بس فالحوش ..وبعدها اسبوعين نولى للعمل …وبعدها نجى هنا
عالاقل نكون سالت عليك وكوّنت فكرة … ونعرف كيف نكلم خوتى
-عبدالرحمن: اللى بديره ماشى عليا خوى حسين
وطلع روح ..وامال على نار…
حكت حنان ل امال اللى صار.. وقالتلها ان حسين قاله وسع بالك الثلاث اسابيع هادو

____________

ومرت الايام يوم ورا يوم …
من هاديكا الليله حسين معش قرب من حنان .. قاللها مستحيل ندير شى انتى مش راضيه عليه
والاسبوع تم
وحسين لازم يرجع للعمل السبت العشيه بيش يستلم شغله الاحد الفجر

يوم السبت ..

الصغار مقيلين …
-حنان : معقولة هكى بترجع للعمل بالسرعه هادى
-حسين: اللى يسمع يقول بتستاحشنى
-حنان: انت بو الحوش هدا ..ومضلل عليه … شن تحسابنى قلبي ميت
-حسين: اسمع كلامك اسدقك اشوف امورك استعجب
-حنان: فيك غير التعليق
-حسين: حوايجى مغسولات
-حنان: ايه واتيات
-حسين: حطيتيهم فالشنطه
-حنان: لا مزال
-حسين: وينهم نشوفهم مش رافعهم كلهم
-حنان: اهما فى دار النوم
وخشو دار النوم وجى للحوايج هادى نحيها ..وهادى منبيهاش … وين توب التوته الازرق
-حنان: فالساكو فوق الدولاب
-حسين: جيبيه
خدت حنان الكرسى متع الموبيليا وحطاته قدام الدولاب والباب مفتوح وتبى تجيب الساكو من فوق الدولاب لكن مالحقاتاش …
-حنان: حسين تعاله انت اركب جيبه ما وصلتش لفوق الدولاب عالى
-حسين يضحك : مانقدرش يا طشه
-حنان: وعلاش
-حسين: لو نركب فوق الكرسى نكسره
-حنان : والحل
-حسين: اهو نقيمك انتى وجيبيه
وشدها من خصرها وقامها فووووق … وصلت للساكو … طلعاته وحدفاته عالسرير..
نزلها هوا بالشوى .. وهما اجسامهم لاصقين فى بعض …وينزل فيها بالشوى بالشوى… لحد ماوصل وجهه فى وجهها
خلاها فى حضنه ويشبحلها :بنستحاشك ..
-حنان : حسين
-حسين: ياعيون حسين وياقلب حسين
ويبوس فيها
-حنان: حسين خلاص
-حسين : مش قادر نصبر عليك اكثر .. كيف انسان حبيبته قدامه وبيصبر عليها ..قوليلى كيف بس
حطت يداها على كتافه وبدى هوا فى حضنها …
-حنان: حتى انا بنستاحشك …
قرب شفايفه وبدى يبوس فيها .. وهيا تبوس فيه وقعمز عالسرير وحطها فى حجره وكمل يبوس وهيا نفس الشى
-حسين: نحبك يا اغلى حاجه على قلبى …
رقدها عالسرير وفتح رجليه وركب فوقها
بدت ادف فيه من صدره: لا لا لا لا ياحسين منبيش
-حسين : ليش بس
-حنان: على خاطرى حول منبيش
-حسين: انا راهو انسان مش ملايكه
-حنان: انت وعدتنى ولا .. حول تربح
-حسين: براحتك ..وانا وعدتك …
جت العشيه …دوش وبدل حوايجه ومشى سلم على امه وباس صغاره

وركب سيارته ومشى للعمل
بيغيب اسبوعين ثانيات
_________________

نحبكم ❤