خيوط العشق والنار ( احببت مجنون )
الجزء من احببت مجنون
الحلقة العاشرة
أنقشع الظلام ليأتى صباحاً أخر مبهجاً يحمل معه أمال وأحلام جديدة لينير بضوئه وأشعة شمسه المشرقه سمائه
أستيقظ رامى مبكراً وأدى صلاته ونزل إلى الأسفل
وجد زوجته الحبيبة تعد له الفطور والقهوة التى يغشقها من يداها
رامى ….. صباح الخير ياقلبى
رنا …. صباح الورد والياسمين على عيونك ياحبيبى
رامى …. إيه النشاط ده كله والشطارة ديه بقيتى تطبخى أحلى من أى حد إيه السر بقى
رنا ….. بصراحة ماما خديجة لما كانت هنا علمتنى حاجات كتير اوى بقيت باجى من المستشفى بدرى أطبخ وأجهزلك الأكل من أيدى
رامى ….. تسلم أيدك ياقلبى
رنا …. رامى أنا كنت عاوزة أخد رايك فى موضوع
رامى …. خير ياحببتى قولى
رنا ….. أنا عاوزة أروح للدكتور
رامى …. ليه أنتى تعبانه ومقولتيش
رنا …. لا ياقلبى أحنا بقلنا ٤ شهور متجوزنى ومحصلش حمل وأنا بصراحة عاوزة أطمن
أبتسم لها وأحتضن كفيها بحب وقبلهما
رامى …. روحى واطمنى وان شاء الخير وأنا كمان هاجى معاكى أحجزى الميعاد وبلغينى
رنا ….. ربنا يخليك ليا ياحبيبى وميحرمنيش منك ابدا
ياله كمل فطارك عشان متتاخرش
رامى ….. حاضر بس أنا عايزك تدعيلى أنا داخل على مرحلة جديدة
رنا …. قلبى على طول بيدعيلك ربنا معاك وويوفقك
ويبعد عنك كل شر
أنهوا فطورهم وأستقل كل منهم سيارته وتوجه لعمله
توقفت سيارته أمام مبنى شركته الضخم ترجل من السيارة ودخل بكامل هيبته المعهوده وقف جميع الموظفين تحيه له توجه لمكتبه كان فى أنتظاره
منصور وهشام
دلف لمكتبه وخلفه أمل
منصور ….. إيه ياأبنى أحنا هنا من بدرى
هشام ….. شكله كان سهران سهرة حلوة
رامى …. لا بقلكم أيه خفوا عنى شويه مش وقتكم خالص! أمل
أمل …. نعم يافندم
رامى ….. الكل وصل
أمل …..أيوه يافندم ومنتظرين حضرتك فى غرفة الأجتماعات
رامى……. تمام خدى الملف ده صوريه فى ثانية وتوزعيه على أعضاء مجلس الإدارة فاهمه مش عايز غلطة
أمل …. حاضر يافندم
خرجت أمل من غرقة المكتب وأغلقت الباب خلفها جلس رامى على مقعده ويبدوا على وجهه القلق والخوف
منصور ….. مستعد الكل اللى هتاخدها مفهاش تراجع نهائى
رامى …. مادام ربنا معايا أنا مطمن أنا مش بأذى حد
أنا هساعد الغلابة وهجيب حق أهلى
هشام …. وأحنا معاك قلباً وقالباً
منصور ….. يبقى توكلنا على الله
خرج الثلاثة وتوجهوا إلى غرفة الأجتماعات
كان الجميع فى أنتظارهم ألقوا السلام وجلسوا
رامى على رأس الطاولة وبجانبيه هشام ومنصور
أستعجب الجميع من حضور هشام ومنصور إلى الأجتماع
رامى ….. طبعا كلكم مستغربين من الأجتماع ده
وكمان من وجود هشام ومنصور بس أحب أوضحلكم سبب وجدهم منصور بيه ومستر هشام
هيشركونا فى مشروعنا الجديد
عبد الله …. وضحلنا يارامى ياأبنى مشروعنا الجديد
رامى ….. أنا ناويت أفتح مصنع الادوية من تانى
بتوسعات أكبر
علت أصوات الجميع بالحديث فى أنن واحد
نظر لهم رامى بتعجب وتبادل النظرات هو ومنصور
وقف وخبط بكلتا يديه على الطاوله فساد الصمت والهدوء مرة أخرى
رامى …. خلصتوا كلامكوا ولا لسه
أحد الاعضاء ١ …. أنت عارف أنت بتجر الشركة لإيه
انت هدمرنا
أحد الاعضاء ٢ …. لا يمكن أشترك فى المهذلة ديه
كريم …. أهدوا ياجماعة لو سمحتوا خلونا نفهم
من رامى
رامى …. اللى خايف ينسحب عادى جداً وأنا متفهم موقفه لكن أنا هكمل بمساعدة هشام ومنصور وأن شاء الله هبنى أكبر مصنع للأدويه فى الشرق الأوسط كله
اللى معانا يمضى على الأوراق اللى قدامه واللى هينسحب يتفضل الأجتماع أنتهى أتفضلوا
خرج الجميع ماعادا هشام ومنصور رامى كريم و عبدالله
……………………..
وصلت رنا إلى المشفى ودخلت مكتبها فهى أصبحت الأن المدير ومالكة المشفى بأكبر حصة
أرتدت روبها وجلست على مقعدها لتتابع عملها بدقة
دخلت لها صديقتها المقربة علا على وجهها علامات الأرهاق والتعب فاهى فى المشفى منذ الامس تعمل بدوام ليلى و لم تنم
علا ….. صباح الخير يارنا
رنا …… صباح النور أنتى لسه مروحتيش يابنتى
علا ….. لا لسه مسلمه الشفت بتاعى لدكتوره وسام
ويدوب جيت أشرب معاكى النسكافيه وشوفك قبل مروح
طلبت رنا من الكافتيريا بعض الشندوتشات لعلا وكوبين من النسكافيه
رنا …..عامله إيه مع أبيه منصور
علا ….. مش عارفه يارنا ساعات بحس أنه رومانسى أوى وساعات بحس أنه شديد أوى وقاسى جدا
رنا …… ههههههه هو أبيه منصور كده وبعدين مش هو قالك تدوا بعض فرصة خلاص أستحملى بقى
علا …. أنا عايزاه يعرف قد إيه بحبه ومتعلقه بيه
ومقدرش أعيش من غيره
رنا ….. أنا عارفه بس أبيه منصور شخصيه قويه جدا ومش سهل أبدا لازم تتأقلمى مع أى وضع قاسى شديد عصبى رومانسى لازم تتعودى تتعاملى معاه فى شكل
وبعدين أنتى دكتوره نفسيه مش أنا اللى هقولك
علا …… ماشى أنا هروح بقى أنا نفسى أنام جدا
رنا …. ماشى خدى النهاردة أجازة ياستى وبكرة
تعالى بدرى
علا ….. مرسيى ياقلبى
خرجت علا وهاتفه رنا دكتور لأمراض النسا لتحجز
موعد وبالفعل أخذت موعد وقامت لتتابع عملها بالمشفى
……………………..
عبدالله …… إيه اللى خلاك تفتح ملفات قديمة
مش كفاية اللى حصل زمان
رامى …… زمان والدى كان لوحده لكن أنا مش لوحدى
معايا منصور وهشام وكريم وأنت ياعمى ولا إيه
عبد الله …… اه طبعا ياأبنى أنا هروح مكتبى ياله ياكريم سندنى لحد المكتب
خرج عبدالله برفقة كريم وبقى الثلاثة يتحدثون
منصور ….. الراجل ده مش سهل.
هشام ….. نظراته لينا مش مريحانى خالص كله مكر وخبث
منصور ….. فعلا كله نظراته من ساعه ما بدأ الأجتماع مريبه جدا
رامى ….. دلوقتى بس هتطلع كل التعابين من جحورها خلينا بقى نتفرج على اللى هيحصل
منصور ……. ماشى نقوم نمشى أحنا عشان أنا عندى شغل كتير متعطل فى المجموعة عندى
هشام ….. وأنا كمان لازم أسافر الغردقة عشان أتابع شغل القريه والفنادق وأشوف المهندس اللى هيبنى باقى المصنع رجع من أمريكا ولا لسه
رامى ….. أوك بس منصور حاول تنقل أقامتك هنا
منصور ….. أنا هعمل كده أنا بعت جمال يجيب الحاجه من البلد عشان تقعد معايا هنا فى القصر لانى مش هقدر أسبها هناك لوحدها
رامى ….. تمام وأنا هقول لرنا عشان تبقى تروح تزورها بأستمرار وأنت ياهشام
هشام …… أنا للأسف مش هقدر أنقل شغلى هنا ماأنتوا عارفين شغلى كله فى الغردقة بس أى وقت محتاحنى فيه هتلقونى هنا فى أول طيارة
……………………..
خرجت من المشفى وأستقلت سيارتها وأدارت المحرك وأنطلقت بها ألتقت هاتفها ودقت عليه أبتسم عندما وجد صورتها على شاشه هاتفه فأستأذن من رامى ونهض وخرج ليرد على مكالمتها
منصور …… التلفون نور عامله ايه
علا ….. الحمد لله أنت كمان عامل ايه
منصور …. تمام الحمد لله
علا …… وحشتنى أوى اوى أوى
منصور …… هههههههه وأنتى كمان
توقفت فجأة حتى كادت تصتدم بعامود للأنارة من شدة سعادتها
علا …… بجد أنا هيغمى عليا وهعمل حادثه أنا مش مصدقه أنا بجد وحشتك بجد يامنصور
منصور ….. إيه الصوت ده أنتى سايقه العربيه
علا……. اه لسه مخلصه الشفت وفى طريقى للبيت
منصور ….. طب خلى بالك وسوقى على مهلك واه ياستى وحشانى وبقيتى بتوحشنى وشكلى كده وقعت ولا حدش سمى عليا
علا ….. أنا أنا مش مصدقه اللى بسمعه ده أنا بحبك أوى
منصور…… طب أنا عازمك على الفطار تحبى تفطرى فين
علا ….. أى مكان مادام هكون معاك وجمبك وهملى عين منك وأشوفك وأسمع صوتك أنا مستعده أروح معاك لأخر الدنيا
منصور ….. طب ياستى أنا فى أجتماع دلوقتى أسبقينى وأنا هحصلك
علا ….. أوك بس متتاخرش عليا أنت واحشنى أوى
لم يعرف يستطع منصور الرد على مثل هذا الكلام فهو غير معتاد عليه أكتفى
بالأتفاق معاها على أسم المطعم الذى يودون الافطار به وأغلق الهاتف ثم قام بالاتصال بجمال ليطلب من تجهيز المطعم للأفطار