رواية نصيبي للكاتبة أروى الطاهر

#نصيبي الحلقه 11

النداء الاخير لي الطياره
وسلمو علي بعضهم وتوجهو لي صالة الاقلاع
حياة:دير بالك ع روحك واول ماتوصل كلمني ع الفيس
عزو:حاضر ياقلبي خليفه عليا
حياة:امالا ع منو بنخاف
عزو:اوووويلي?
حياة:زي موصيتك
عزو:تم حب حبي هي سلام
حياة:سلام..

ركبو حازم وعزو لي الطياره وبدت رحلتهم✈️✈️✈️

✨روايات بنووتة الشيخ✨

وهيبه:شنو صار؟
حياة:كيف ركبو الطياره توا كلمتني تقوى
وهيبه:به كويس المهم انا نازله عمك عبد السلام محصلها برده قويه والعيله كلهم لوطه
حياة:جو سندس والبنات؟
وهيبه:اي ريتهم مبكري
حياة:به تو ننزل

وداد:وجدان تعالي
وجدان:هااا
وداد:بما ان الدنيا زحمه وجهاد برا نادي ورده وخشي انتي وياها فتشو دار جهاد لين تلقو الميميري متع صور حياة
وجدان:به تمام

حياة:نازله من الدروج
جهاد:وين ماشيه
حياة:نازله بنشوف عمي شن حاله
جهاد:قرب منها….به علاش متسأليش علي ولده
حياة:وخرت …اءء بب ه هه هي سلام ….وخشت بسرعه
جهاد:والله متكوني لي غيري ولو تموتي حقيره زيك متكصرش كلمتي
خشت حياة سلمت علي العيله ككلهاا وقعمزت جنب بنات عمها

وجدان:ودااااااد وددددداااد
وداد:ها ها فضحتينا
وجدان:كان نقووولك طلعت مصوره هيا وياه في العيد ومصورين في عيد ميلادها
وداد:فيه صور سخيفات؟
وجدان:لا خساره
وداد:به تمام بري ضميه متخليش ولا اي مخلوق يمسه
وجدان:تمام

كانت العيله كللها مجتمعه والعاله والشاهي والهدرزه وطبعا وداد نافخه راس البنات انا عرسي وانا عرسي بعد دقايق

هبه:السلام عليكم
كلهم:وعليكم السلام ….وبدت هبه تسلم عليهم

سندس:هادي هبه حياة يلي خطبها جهاد ولا؟
حياة:اي?
فاطمه:الزفت ياريتها حتا احلا منك كنهادا في الهم عزي
حياة:عادي تمشي فطوم

وداد:اهلين بلغايه خطيبت الغالي امممواه امممواه
وجدان:اهلا اهلا بمرت خوي
هبه:اهلين بيك حبيبتي
ورده:هلا هبوشه حبيبتي

حياة:اه ياربي ع النفاق بس
لمياء:كأنهم يمثلو في مسرحيه ?
فاطمه:اي حق???

قعدت هبه تسلم لين وصلت في حياة
هبه:هاي وقلب وجها
حياة:اهلين
هبه:اففف
حياة:ربي يشفي

وكملو هدرزه و وداد وخواتها يدلعو في هبه ع اساس باش حياة تنقهر

✨روايات بنووتة الشيخ✨

بنووتة الشيخ:وتوا تعالو نحكيلكم ع العار يلي مدايرينه عزو وحازم

نزلت الطايره اخيراا ونزلو عزو وحازم وهما مش مصدقين روحهم
حازم:الله ???شقرررر شوف الطرف لالا شوف هياااا
عزو:شوف المطار انضف من وجهي
حازم:اخيرااااا الله اكبر الله اك….
عزو:صكر فمك تو يسحابوك ارهابي
حازم:توا نمشو نحجزو فندق وطووول لي محل وشم نكملو وشم مالوما مزالك يلي في الرقبه بس ونطرحو ونديرو دوره?
عزو:هيييي???

حياة:بعد مروحو البنات جيت بنرقد وصلتني رساله ع الماسنجر
عزو:وصلت ايطاليا ياااحب
حياة:الحمد الله ع السلامه ياحلو
عزو:الله يسلمك خلي انضم اموري ونكلمك
حياة:تمام

✨روايات بنووتة الشيخ✨

وطلعو المهبلا الزوز لي محل الوشم دار تاج في رقبته زي مالوما ولبسو ومشو لي مطعم

حازم:البنت من بكري تشوفلك
عزو:اسكت ندير روحي مشهور مش معدل?

بنووتة الشيخ؛لانه مش الكل رح يفهم انجليزي بدل الانجليزي رح مدير عربيه فصحه

حازم:جايا جايا والله وشدت معانا
البنت:هااي
حازم:هاي
البنت:المعذره ولاكن كنت اتسأل انا وصديقتي انت الفانان مالوما أليس كذالك؟
حازم:غمز لي عزو
عزو:طبعا عيناك الجميلتان لاتكذب
البنت:يا إلااهي لا اصدق هل يمكن ان ألتقط معك صوره
عزو:تي خوذيني حتا انا
البنت:المعذره؟
عزو:نعم نعم بطبع

واليوم كلللله مشي هكي كلهم يسحابو عزو مالوما وصور وتوقيعات وسكير وكللل شي

✨روايات بنووتة الشيخ✨

عزو:تي وينه صاحبك وانت شادلي عندي صاحبي ليبي عندي صاحبي ليبي
حازم:اهو جي اهلااا احمد
احمد:اهلين يي الشباب….وسلم

حازم:تغيرت ياراجل هلبااا ضعفت
اخمد:اي نزلت 24كيلو
عزو:24كيلو شحم ولا من عقلك?
احمد&حازم:ههههههههه

بعد مرور اسبوع كامل :-

طبعا حازم وعزو مدارو ولا شي غير انهم يشرو في ماكله وحوايج ويهيجو ويصورو مع البنات ويضحكو وبسسس وحياة تهدرز مع عزو ع الفيس بس حياة مكانتش ادور فيه هلبا هوا يلي يبعت اكتر شي

وهيبه:خلاص العيله بدو يجو
حياة:اي شنو تسحابي الخميس جاي حفلة وداد هادا هوا اسبوع العرس كلهم بيجو يباتو
وهيبه:به سلم بنتي رتبي معاي الحوش اكيد البنات بيركبو يباتو فوق
حياة:به

ترن ترن ترن
حياة:الوو
الشاب:ايوا السلام عليكم معاي انسه حياة
حياة:اي انشاء الله منو؟?
الشاب:معاك شركة السنابل لتوصيل البريد من خارج ليبيا عندك هديه ونبيك توصفيلي العنوان نجيبهولك
حياة:من منو?
الشاب:اسف والله ممنوع تجيك وتو تعرفي
حياة:اوكي اكتب عندك …

✨روايات بنووتة الشيخ✨

الشرطي:من فضلك اريني بطاقتك الشخصيه
عزو:خيرنا الزح حششنا بعيد عليكم
الشرطي:ماذا؟
عزو:تفضل هذه بطاقتي
الشرطي:وانت ايضا
حازم:تفضل
الشرطي:قعد يشوف في بطاقة عزو ويشوف لي وجها…الان تفضلو معي رجاءً لقسم الشرطه
عزو:ما السبب؟
الشرطي:سوف تعرف في القسم
حازم:نوض نوض ديما وحني في المشاكل

الشاب:تفضلي الصندوق
حياة:بارك الله فيك كم حق التوصيل؟
الشاب:لا والله مدفوع
حياة:اوكي شكراا

حياة:ركبت لي داري فتحت الصندوق لقيت فيه قفطان حفله لونه اخضر داكن يلمع ماشي ع الجسم وع الرقبه وفيه فتحه في الصدر يجننننننن ومعاك كندره واكسسوارات يهبلوووو ومعهم ورقه مكتوب فيها
عزو:هادا قفطانك البسيه في حفلة بنت عمك الخميس الجاي باش تعرفي مش ناسيك ياقلبي ديري بالك ع روحك
حياة:ياربي محلاااااه الولد هااااادا من شنو مصنوووع????

✨روايات بنووتة الشيخ✨

في قسم الشرطه في ايطاليا:-
الضابط:انت متهم بي انتحال شخصية الفنان الكولومبي مالوما
عزو:ماذا ؟بتأكيد انا لم افعل هاذا
الضابط:تعال وانضر…طبعا فيديو عزو جنب البنات ولابس زي مالوما ويضحك ويصور معاهم
عزو:اووه هادا مالوما فناني المفضل
الشابط:انا لا امزح ?مالوما الان في نيويورك وليس هنا سوف تبقيان في الحجز وتخرجان بي كفاله
حازم:اففففف
ودخلو عزو وحازم السجن .

عند حياة:-
حياة:طبعا بعتت الف رساله لي عزو شكرته ع القفطان ونزلت وداد مسكينه مش مصدقه روحها لابسه بودري طالعه ري حلوة الصوف وفرحاااانه بطير وهيبه جنبها طووول الوقت يعع وانا مع بنات عمتي وبس

في الحبس:-
عزوو:ااااه ياصاحبي تعرف لما تعيش شنو يصير؟
حازم:شنو؟
عزو:لما تعيش معناها رح تشوف
حازم:اي والله
عزو:تعرف لما تشوف شن معناها؟
حازم:شنو ؟
عزو:لما تشوف معناها نضرك مليح ?????
حازم:هههههههههه وووه جنابي تي به الكفاله مش هلبا الزح ادفعها وخلي نطلعو
عزو:تي حبسهم عجبني مليح
حازم:بلا خرا وادفع خلي نطلعو انا نبي نروح ليبيا
عزو:??هادا يلي يقولي هياااا وكان مزال شافو وجهنااا
حازم:تي اي اطاليا حاجه صح لاكن بلادك بلادك كذب عليك
عزو:به خلي نضربو اسبوع تاني سياحه ونروحو
حازم :تم

طبعا حازم يبي يروح عشان تقوى مش قادر يطلعها من باله وعزو عشان حياة قرر يتزوجها رسمي خلاص

✨روايات بنووتة الشيخ✨

حياة:وجي يوم الفاتحه وانا خلاااص قلبي نااار جهاد فرحان ويقهر فيا يساوي في روحه ومشو لي حوش هبه لبسها الذبله قداااام عيوني?وانا روحي بتطلع روحت للحوش بكيت لين دهشت وقررت خلاص لازم نلها مع عزو بس

يوم الخميس:
حياة:لبست قفطان يلي جابهولي عزو ودرت شعري فلوو ومكياج بسيط ومشيت للحفله الكل كان مبهووور في القفطان وهبه جت لابسها قفطان بيانها واخذلها اللون يلي نحبه طووول الحفله تشبحلي بي حقد من بعيد انا مقعمزه جنب ماما بعدين نضت رقصت لين طيبت خاطري?القلب يلي تقلب وداد طلعتها المزينه تقول عزوزه سبحان الله نية الشخص تبان علي وجهااا

حياة:ماما وين بوي
وهيبه:بوك توا بنعطيه العشي ويروح
حياة:بنروح معاه
وهيبه:تي اقعدي الحفله مزال مكملتش
حياة:لالا راسي خلاااص
وهيبه:به ع راحتك

حياة:طلعت من الصاله وجهاد شافني من بعيد ركبت مع بابا روح بيا ومشي يجيب مشروب جيت راكبه لي الدروج ويطلعلي جهاد شدني من ضهري ولصقني ع الحيط….يتبع