رواية نصيبي للكاتبة أروى الطاهر

#نصيبي الحلقه 6

بعد ربع ساعه من الهدرزه في المربوعه :-
عبد السلام:طبعا اليوم نتشرفو نطلب يد بنتكم لي ولدنا عزو
عزو:طبس علي بوه ….تي شنو يدها نبيها كلها انا
عبد السلام:انا نتكلم وانت صكر فمك خير متحشمنا
عزو:منور ياصقع يا المتحدث الرسمي انت ?…
جهاد :السلام عليكم.
كلهم:وعليكم السلام

قعمز جهاد وعينه علي عزو وجماله واناقته وهوا مش عارف ان الطرف يلي قدامه هوا يلي بيخطب حياة

امين:لينا الشرف طبعا يا حاج عبد السلام لاكن انا نستشير في بناتي وربي يقدم يلي فيه الخير
لطفي:الريس شنو يشتغل
عزو:عندي محلات مأجرهم ونجيب في بضاعه ونبيع فيها تاجر يعني
عبد السلام:بصوت واطي…من فلوس امك ياكلب
عزو:اسكت خير متفضحنا
لطفي:اهاا كويس كويس
جهاد:يتكلم في سره كيف يقول نخدم تاجر وينه العريس؟…احممم الله يبارك وينه العريس ؟؟
عزو:انا كان سخر ربي
جهاد:انجلططططط ونصددددددم ??

عزو حس انه جهاد وراه حاجه بس مركزش ع الموضوع وكملو هدرزه

✨روايات بنووتة الشيخ✨

حياة:السلام عليكم
هيام:هادي حياة??
حياة:ضحكت اي انشاء الله?
هيام:اهلين اهلين سامحيني بنيتي تبارك الرحمن انصدمت الحق منسحابش ذوق وليدي هكي مشاء الله ..وسلمو ع بعض
تقوى:هلا بلحوه?
حياة:هلا فيك حبيبتي?

وداد&وجدان&ورده:????
حياةقعمزت نهدرز وانا نفكر شنو منسحابش ولدي هكي ذوقه؟يعني هوا شايفني ؟!

بعد20دقيقه:-
جهاد:قاعد مصدوم
لطفي:جهااد
جهاد:نعم جدي
لطفي:ارفع عزو لي الصاله عشان النضره الشرعيه
جهاد:ان ان انشاء الله تفضل معاي
ناض عزو وقت وجهاد يشوفله عزو كان يجللللط بي جسمه ومنضره اناقته مالوما 2مشو لي الصاله ونزلت حياة لابسه عبايه بس

جهاد:واقف قدام الباب
حياة:جت بتخش بس جهاد وقف قدامها
حياة:بعد من وجهي
جهاد؛كيف نازله بلا وشاح هكي
حياة:مش حرام نضره شرعيه من حقه يشوف شعري تاني شي انت شنو دخلك فيا؟!بعد من وجهي وجت بتخش بش جهاد شدها وقربها ليه
جهاد:بري البسي خير منفضحك
حياة:باعدت من عليه…اعلا مافي خيلك اركبه
جهاد:??
حياة:وخشت لي الصاله…..طبعا خشيت وانا قلبي يدق وندعي ربي ميكونش مقرف بسسس

حياة:السلام عليكم
عزو:وعليكم ماقلتم?
حياة:قامت راسها ??????ااء اء ان ان انت؟
عزو:انا اي وانتي انتي وكلنا نحنا ????
حياة:بصددمه انت شنو ادير هنايا
عزو:جاي نخطب تو نعزمك ع العرس?
حياة:يعني انت يلي جاي تخطب فيا ؟?
عزو:وبكل فخر اي ?
حياة:مم مش عارفه شنو نحكي انا ?
عزو:تي متحكيش يابنت طالعه طرف محلاك شنو هادا كله وغمزلها?
حياة:وربي وربي وربي كنت رح نذوب قدامه من كتر ماهوا طرف ????
عزو:تجنن البنت تجننننن?❤️❤️❤️

جهاد:خش قعمز معاهم
عزو:المهم انا اسمي عزو بس لقبي مالوما مواليد90
حياة:وانا حياة مواليد ال97
عزو:حلو اسمك ياحياة حاس اني عدت للحياة?
حياة:???
جهاد:هي انت شنو تدوي؟
عزو:انت ليبي؟
جهاد:اي ليبي
عزو:به كيف مفهمتش يلي ندوي فيه?
حياة:???
جهاد:ادوي بقدرك واحترامك
عزو:به زيد غادي خير منوض نطربقلك وجهك يلي يبي بوتوكس وبهارات هنديه باش يتعدل
جهاد:وقف وهوا متعفلللللق وطلع
حياة:ههههههههه
عزو:دوم الضحكه ياضحكة حياتي انتي
حياة:يلا خلاص تمت المقابله
عزو:حسستيني نزور في صاحبي محبوس خيره مواعيدك تقول عيادة اسنان
حياة:هههههه اي عيادة اسنان
عزو:به طولينا الجلسه يادكتوره وغمزلها?
حياة:ابتسمت الولد دمه خفيف يقتتتل
عزو:احححم المهم قوليلي
حياة:اخيرا بدينا في الجديات….اها شنو
عزو:كيف خلقك ربي بي الحلاه هادي كلها ?
حياة:هههههه نسحابك بتقول كلمتين جديات لاكن لاشي
عزو:والله جديات هي انتي حلوه
حياة:عيونك الحلوين
عزو:عيونك ولا عدسات ؟!
حياة:عيوني تحب تتأكد
عزو:اي?
حياة:فتحت عيونها
عزو:نقدر نتأكد من الفم
حياة:????صايع

جهاد:هيا وقت
حياة:وقفت …يلا سلام وفرصه سعيده مالوما
عزو:تي سعيده وفتحيه والعيله كلها تعرفي متوافقيش نقتلك
حياة:سلاام??…وطلعت

جهاد:شنو المسخره يلي صارت هادي??
حياة:مدخلكش
جهاد:الشكال هادا مش متع زواج
حياة:بي حركات اغراء ….عجبني وحبيته ونبيه
جهاد:شنووو?حياة عارفه مع منو تحكي انتي توا بي اسلوبك الزفت هادا
حياة:مع جهاد يلي قالي شوفي نصيبك وخشيت لي الصاله شفت نصيبي وعجبني هي باي
جهاد:شد حياة من يدها
حياة:قلبي قريب يطللع….،شنوو
جهاد:فوتيه
حياة؛لااا…وبعدت يدها وركبت

جهاد:حس انه عزو احلا واحسسسن منه بي هلبا وجنتل جهاد قدامه ولا شي عرف انه حياة رح تقبل وهوا متحملش فكرة ان حياة تتزوج حد التاني الخلاصه يبي هوا يتزوج وهيا تقعد قدامه وبس

✨روايات بنووتة الشيخ✨

روح عزو ومشت الامور تمام:-
هيام؛البنت نشهد بالله انها زي العسل ياناس خشت خااااااطري
عزو:تي انا خشتلي من كل تركينه مش خاطري بس
تقوى:ههههههه لاكن جديات البنيه محلاها لون عيونها زي امها بزبط يهبلو
عبد السلام:به كويس مزال تو لين يردو علينا وانشاء الله خير

صفاء:كذاااابه??
حياة:ورب الكوون جوه خياااااال تعرفي
صفاء:بتتزوجي الطرف????
حياة:هههههه شكله هكي
صفاء:ياحليلي مش مصدقه شنو لابس احكيلي
حياة:لابس سوريه بيضه طالعه عليه تجنن يا صفاء مداير وشم زي مالوما بزبط وووه عليا هاذا شنوو
صفاء:اخيرااا ياقلبي حتا انتي طرف هلبااا?طالعين ع بعض
حياة:اااه ياقلبي وخلاص
صفاء:مع كلمك جهاد
حياة؛من اول مركبت وهوا يتصل تعرفي ياصفاء مبكري يكلم فيا وقولي متوافقيش وانا خلاااص قريب ضعفت قدامه بنبكي
صفاء ردي بالك حياة
حياة:والله رح نخليه يندم الف مره ع الكلام يلي قاله وعلي السنين يلي ضيعهم من عمري
صفاء:اي هكي خليك قويه
وهيبه:حياااااة
حياة:توا صكري اني تنادي تو نهدرزو ع الانستا
صفاء:تمام

حياة:ايوا امي
امين:تعالي قعمزي
حياة:اها
امين:عندي ليك خبر ?
حياة:شنو
امين:جدك مصكر دماغه يبيك توافقي لاكن لاكن انا مستحيل نرضى انتي بنتي وم….
حياة:انا موافقه من قبل منعرف راي جدي
امين&وهيبه:???
امين:كك ك ككيف؟
حياة:انا عجبني ونبيه
امين:لاكن هوا يسكر ومتع هلباا وجيج
حياة:نبيه يابوي
امين:غير صلي استخاره وبعدين ساهل
حياة:انا عجبني ومن اول مروحو صليت وتريحت تقدرو تردو عليهم وتقولو باهي
امين:يصير خير

ترن ترن ترن
حياة:رجعت لي دارها لان تالفونها يشرين
امين:شفتي بنتك؟
وهيبه:احسسن خير من تاخدلي ولد عمها ولد الحرابيه هيا وبناتها

✨روايات بنووتة الشيخ✨

وداد:ونبي احكي كيف كان شكله العريس جهاد خاطري نضحك هههههه
ورده:اي حقا من لما طلعو محكيتش
وجدان:زعما اطلع هههههه
جهاد:انا نا ن انا تاعب بنرقد بكرا نهدرزو

ورده:خيره خوكم
وداد:شكله مصدوم من منضر العريس هههههه
وجدان &ورده:هههههههههه

ترن ترن ترن ترن
حياة:انت متفهمش؟؟
جهاد:حياة اسمعيني
حياة:منبيش نسمع ولا شي اطلع من حياتي وخليني نشوف نصيبي
جهاد:خيررك انتي هكي وين حبنا
حياة:هادا كلامك مش كلامي هي باي

ترن ترن ترن
جهاد :ها انتي التانيه
هبه:شنوو ؟؟خيرك انت اليوم
جهاد:مخيرني شي خليني في حالي اليوم مش رايق لي حد
هبه:اوكي اوكي ?

عزو:امالا عيونهااااا وووووه عليا
حازم:ياقلبي سفهتني نخطب الزح
عزو:تي دمار البنت دماااااار
حازم:ضرب عزو كف
عزو:?خيرررر امك
حازم:ياحمار ركز في الهدف متعنا في سفرتنا وانت زي الدراه من لما قعمزنا تحكيلي عليها
عزو:اممم نسيتها السفره بكل
حازم:هادا يلي ناقص والله

✨روايات بنووتة الشيخ✨

ثاني يوم:-
تقوى:الحمد الله كيف حالكم انتم
وهيبه:بخير بنيتي انتم شن اموركم
تقوى:تمام بخير والله بنقولك الحق امي وعزو قريب يهبلو علي حياة ويبو يعرفو رايها
وهيبه:هههه لالا تمام الامور حياة موافقه
تقوى:به علي خير انشاء الله هي قتلك ماما تو نديرولكم زياره ونتفاهمو
وهيبه:ع سلامتكم تفضلو

#تسريع_الاحداث
بعد مرور اسبوع مشت ام عزو واخته لي حوش حياة وتفاهمو انهم رح يديرو بيان بس العرس مزال وجهاد بيمووووت يحاول يفركس العرس وحتا كلم جده يوقف في الموضوع بس جده مقتنع بي كلامه الاول في يوم من الايام:-

حياة:الو
عزو:ها خطيبتي?
حياة:من وين جبت رقمي ????
عزو:من شكلاتة كندر غير اسمعيني توا قريب نوصل لي حوشكم انزلي قيسي الخاتم يلي جايبهولك لانه الذبله بناغدها نفس المقاس
حياة:اوكي تمام
عزو:اسمعي
حياة:نعم
عزو:البسي وشاح وغطي عيونك لان احتمال منقدرش نتحمل بالك نروح بيك وميصيرش من الذبله
حياة:???مجنون

وداد:انا ماشيه لي هبه يابارد نتأسفلها علي اسلوبك البايخ يلي تكلم فيها بيه
جهاد:اطلعو من راسي وداد مش فاضيلكم
ورده:استني انا جايه معاك

ترن ترن ترن
حياة:شكله وصل ياماما انا نازله
وهيبه:به تو شويه وننزل نسلم عليه قوليله يخش المربوعه
حياة:لالا فكيني من بنات عمي ومن جهاد
وهيبه:ع راحتك

عزو:صباح الخير?
حياة:المغرب اذن ع فكره
عزو:نسحابك شمس اشرقتي عليا من بعيد?
حياة:هههههه به ياسر من كلاكك هادا وركز معاي
عزو:تي ااااااه مزال في تركيز اكتر من هكي?

وداد:شوووووفي حياة
ورده:?واقفه مع ولد حي عليها
وجدان:طرررف محلااااه
وداد:شكله صاحبها هادا
ورده:تعالي نقولو لي بابا وجهاد وجدي خلي يقتلوها الكلبه
وجدان:كبدت عليه???محلاااااه شوفي جسمه
وداد:انا ماشيه نقول لي جدي وجهاد…يتبع