رواية نصيبي للكاتبة أروى الطاهر

#نصيبي الحلقه 12

حياة:طلعت من الصاله وجهاد شافني من بعيد ركبت مع بابا روح بيا ومشي يجيب مشروب جيت راكبه لي الدروج ويطلعلي جهاد شدني من ضهري ولصقني ع الحيط
حياة:ااااه خيرك انت هبلللت
جهاد: وهوا مقرب منها هلبااا ….اششش منبيش نسمع صوتك اسمعيني بس وين هادا كله طالعه طررف?
حياة:جهاد بعدددد
جهاد:لاصق فيها ….اسمعيني انا قاعد نحبك وانتي عارفه الشي هادا
حياة:انت خطبت خطبببت شنو مزال تبي مني
جهاد:افسخي نفسخ ووعد نكون ليك انتي وبسس
حياة:انت شنو قاعد تقول خيرك شنو صايرلك
جهاد:حاول يبوسها بس باعداته بيدها
حياة:جهاد اقسم بالله لو مبعدتش عليا توا نعيط ونلم عليك الناس

امين:فتح الباب وخش
جهاد:بعد علي حياة….ع العموم فكري وردي علياا
امين:انت هناياا؟شنو ادير
جهاد:بنتك قريب طاحت ياعمي بي ها الكعب دير بالك عليها
حياة:ركبت نجري لي داري نبكي لان كل شي فيا ملخبط عزو تحلم بيه كل بنت ومناسبني لاكن معنديش اي مشاعر اتجاها جهاد نعرف انه حقير وواطي بس قاعده نحبه المهم بدلت حوايجي وغسلت وجهي وفتحت نت لقيت عزو باعتلي

عزو:الوو
عزو:وينك اليوم حياتي ❤️
عزو:قاعد نستنا فيك
عزو:حب قلبي؟
حياة:هلا عزو كيف الحال
عزو:اهلين بالحب تمام انتي شن جوك شن اخبار العرس
حياة:الحمد الله بخير
عزو:دووم توا خلاص كملتي عرس بنت عمك استعدي لي عرسنا
حياة:اهاا?
عزو:انا مروح بعد غضوا خذيت الاثاث وكملت
حياة:تمام ربي معاك
عزو:اوكي توصي ع شي
حياة:لالا صحيت سلامتك

حازم:خيركم تهدرزو هكي تقول تكلم في عمتك مفيده?
عزو:قاعده متعودتش عليا عندها حق
حازم:اممم مليح مليح يلا ياشاطر خلي نضمو امورنا ورانا سفر
عزو:حزووم
حازم:نعم
عزو؛من اول موصلنا وانت مش ع بعضك عيونك تلمع وسااارح وتسمع في ام كلثوم المعفنه وتلعب بي شناباتك شن القصه شنو تحس
حازم:تلبك …ششش شنو قالولك هادي اعراض مرض؟
عزو:لا اعراض حمل??…ياولد انا مالوما حبيبك حتا الزيطه قبل متطلع منك تغمزلي راهو
حازم ووووه مالوما فكنا منها الدوه هيا
عزو:بنعد لا رقم3ورحمت خااالتي
حازم:?
عزو:راهي خالتي متوفيا
حازم:مبروك قق قصدي الله يرحمها
عزو:ورحمت خاالتي متقوليش خيرك ندفنك جنبها اليوم
حازم:افففف انا نبي يعني لما نروحو اي ليبيا نبي
عزو:تبي شنوو
حازم:نبي نتزوج
عزو:اه ههه امم به ههههههههههههههههههههههه???????????
حازم؛افففف شفت علاش منبيش نقولك ياخرااا بتقعد تتسهوك عليا وبس
عزو:لا والله بلعكس الانسان من حقه يتزوج
حازم:اي اكيد
عزو:بس انت حيوان??????هههههههههههه
حازم:تفوو عليك وع يلي واقف معاك
عزو:به به خلاص منو يلي داعيا عليها امك
حازم:قاعد مقررتش
عزو:به حزوم نروحو ونخطبلك ع ذوقي
حازم:بوي يبي يخطبلي ع ذوقه
عزو:لا شفنا ذوقك بوك في امك مشاء الله???
حازم:تفو ياكلب ههههههههههه

✨روايات بنووتة الشيخ✨

حياة:كل يوم تفكر في كلام جهاد وتفكر انها تفسخ بس خايفه جهاد يطلع كذاب وعزو مستحيل تلقا زيه

بعد مرور يومين:-
عزو&حازم:???
المضيفه:(كانت مش حلوه)لو سمحتو لو سمحتو
عزو:فتح عيونه …اععععععع??
حازم:ها شنو فيه الطياره حني وين رشده مبكبكه
عزو:عمي عبد الله ليك 3سنوات ميت شن جابك هنايا?
المضيفه:قلبت وجهااا وصلتو الحمد الله ع السلامه ناس مقرفه
عزو:اه اه اه لا واضح ان وصلنا واضح خدينا ع الناس الشقراء ياصاحبي
حازم:هيا انزل

هيام:ووووه وليدي استاحشتك (وتبوس)
عزو:حتا انا ياغاليه
عبد السلام:ياسر دلع وبوس قدام الناس
عزو:علاش تغار يا عبسي?
عبد السلام:خززي
عزو:حضن بوه …استاحشتك اقسم بالله
عبد السلام ابتسم وحضن عزو

مبروكه:روروروروي الحمد الله ع السلامه يرورور
حازم:ياسر يا امي فضحتينا في المطار معانا اجانب تو يسحابوك تصفري
مبروكه:كيف حالكم
حازم:الحمد الله ان….????
تقوى:الحمد الله ع السلامه?
حازم:سلم عليها …الله يسلمك

عزو:شد تقوى من رقبتها ….وانتي يامضحكه خيرك مدايره روحك راقيه ومجيتيش سلمتي عليا
تقوى:حضنت عزو…..ياحيوان تحشم قدام صاحبك والله خلي نروح للحوش ولما تاكل طريحه مني (طبعا تتكلم بصوت واااطي وتبتسم)
عزو:استاحشتك يا بنت الكلب

✨روايات بنووتة الشيخ✨

عزو:الله يسلمك حبقلبي
حياة:كيف كانت سفرتك
عزو:كانت في الطياره
حياة:مبررردك
عزو:??مهم تعالي جاي امتا بنشوفك استاحشتك
حياة:اممم لا مفيش لين يجي العرس
عزو:خلاص يا امر بكرا العرس
حياة:???مجنوون
عزو:اسمعي يا بنت بكرا جاي انا بوي نجيبولك المهر ونتفقو ع المأخر وخلاص ياسر العرس الشعر الجاي تسمعي فيا ?
حياة:وخيرك تعيط عليا?
عزو:نجرب في احبالي الصوتيه يا عسل?
حياة:هههههه ياربي انت من شنو مصنوع
عزو:شوية من بوسات بوي ع شويه من بوسات امي واهو جيت الامور طيبه
حياة:ههههههه اخ
عزو:اخت?
حياة:خلاااص بطل براده?
عزو:افففف امتا الشمس بتطلع بنجي نشوفك ….وكملو هدرزه

✨روايات بنووتة الشيخ✨

فيصل:تي به كويس انت مدرت شي غلط ناوي الحلال ولا لا؟
حازم:اكيد الحلال
فيصل:هوا الحرام احلا بس يلا?
حازم:وووووه نخلص من مالوما تجيني انت
فيصل:اسمعني انت مدرت شي غلط يرا خوذ امك مبروكه يلي مدايره العار في شارعكم كله لبسها قفطان جديد علي شوية معطر النسيم قصدي ريحه وشكلاته وورد اهو تو نعطيك من الورد الاصفر يلي قدام حوشنا وبرا اخططب واعطي علم لي مالوما قبل متمشي بس
حازم:زعما هكي تقول
فيصل:اي والله اسمع كلامي
حازم:به

✨روايات بنووتة الشيخ✨

ثاني يوم في مربوعة حوش حياة:
لطفي:اسمع احنا مؤخر البنات عندنا غالي المهر عادي قداش متعطي اعطي بس المؤخر غالي
جهاد:اي انا مؤخر اختي عشره الاف
عزو:علاش انتم بايعين معزه؟
عبد السلام:طبس عليه بصوط وااطي…ياكلب ياولد الكلب صكر فمك
لطفي:فيه مشكله ؟؟
عزو:لالا مفيش
امين:هي ع شنو نتفقو ياجماعه
عزو:نحنا بنديرو زي عيلتنا مش عيلتكم
جهاد:تحت العشره الاف معندناش بنات للجواز
عزو:لا حياة متسواش جني ليبي
كلهم:????
عزو:حياة مؤخرها بي الليره ولا الدولار وانا نبي مؤخرها 100ليره ذهبيه
جهاد:???
عبد السلام:في منتصف الجبها?
عزو:نعجبك?
لطفي:بس هادا رقم ره؟
عزو:ميغلاش عليها
عبد السلام:اي اكيد ميغ….?طبس ع عزو تعالا يا تافه من يلي رح يدفع
عزو:اششش مش وقتها الدوه هيا بوي رح يدفع
عبد السلام:اها ب…..?انا بوك ياكلب
عزو:اششش….ها شنو قلت يا جدي
لطفي:ع بركة الله
عزو:تي انت ياجدي من الطراز القديم والله اصيييل اصيييل زي الفرس الاصيل
لطفي:يبتسم ويفرح لما حد يشكره…..من ذوقك ياولدي
جهاد: ???
لطفي:اي والله مفروض يحطوك في المتحف انت والجرد هادا يلي لابسه منذ الف وتسع ميه واكتشاف النار

طق طق طق
حياة:بابا تعالا ارفع القهوا
عزو:اححم جاايك …وناض اخذ السفره
جهاد:شنو انت تتصرف ع كيفك
لطفي:اسكت مدخلكش هادي خطيبته
عزو:شاد سفرة القهوه….تي شنو يابنت شنو هادا كله???وشني انا ومنو هادم
حياة:تحشمت ….هادم قهوه وكيكه درتها اني
عزو:به انتي يا كيكتي منو دارك?حلوا هكي فهميني
حياة:خلاااص عاد عيب خش اشرب القهوا ونهدرزو
عزو:اوووويليي???

✨روايات بنووتة الشيخ✨

وجدان:بشويه راك اطيحي
حياة:مدخلكش وركبت بسرعه

ورده:اي تخيلي مؤخرها100ليره يا وداااد?
وداد:ومهرها؟
ورده:سمعتهم يقولو 5الاف
وداد:افففف به خلي تتزوج باش نبدا في الخطه متعي تسمعي لازم نصكر توا محمد جي
ورده:تمام

طبعا محمد راجل وداد

✨روايات بنووتة الشيخ✨

بنووتة الشيخ:اوكي عسولاتي تعالو نختصرلكم شنو صار عشان متزهقوش تحدد موعد العرس بعد الشهر والفتره هادي كللللها عزو مشغوول في حوشه وتحضيرات العرس وطبعا يناري حازم غاطس في كللل شي كأنه عرسه وكل يوم يبي يفاتحه في موضوع تقوى ويأجلهاا

جي خلاص موعد العرس وتعالو نوصفلكم الاجواء.
حوش عزو زحححمه خالاته وعماته خواته المتزوجات والدنيا خاشه بعضها بي اصحابه و و و العيله كلها ومشاء الله الشارع كله ضي

عند حياة عاشت فرحتها رغم الالم يلي حاسه بيه بس مدورتش كلللهم جوها عماتها خلاتها صاحبتهاا حتا بنات عمها يلي يكرهوها ودارت صهريه ومشت الحمام وهيجت ورقصت ع النوبه بي البودري وصورت مع العيله كللللها وعاشت عرسها لحضه بلحضه وطبعا صاحبتها صفاء هيا يلي تقوي فيها

واليوم خميس يعني الحفله ،
في الكوافير:-
صفاء:قممممممرررر??
حياة:الله؟?مش عارف كيف نحس في روحي
صفاء:تي طرررررف محلاهم عيونك كيف طالع عليهم المكياج
حياة:انتي احلا ياقلبي

حازم:مالوما انت صاحبي من لما كنا صغار ونشخو تحتنا ونديرو في الشطانا انا نبي نخطب…
فيصل:غللللط عاود من الاول
حازم:تي علاااش الزح سابع مره نعاود
فيصل:نشخو تحتنا يا حيوان؟انت ماشي بتخطب بنت المجاري؟
حازم:افففف

عزو:ها شنو رايكم?؟
حازم&فيصل:???????
عزو:ياساتر وجوهكم ماتبشرش بي خير?
حازم:طررررررررف?????
فيصل:اتجوزني????تو شنو الفرق بيني وبين حياة
عزو:هههههه كلاب خوفتوني
حازم:اااءءء ما ممم ما ما
عزو:خيره حازم يقلد في صوت النعجه؟
حازم:ممم م مالوما انااا
عزو:شنو
حازم:افف مالوما انا يسعدني ويشرفني انااا استنا حافضها بس نسيتها
عزو:خيره هادا؟?
فيصل:حازم يبي يخطب اختك
حازم:?تي علاااااش الزح خليتيني انا نطلب خيرك هكي ترفس زي الخرااا
عزو:انت تبي اختي??
حازم:لل ل ل اا لالا نبي نخطفها ننن نبي نخطبها قصدي حلال خطوبه روروري جواز الف مبروك
عزو:???
حازم:والله والله قصدي شريف ان…
عزو:شريف ولا حسين ?????هههههه
فيصل:ههههههه
حازم:ييي يعني؟
عزو:تي عيب يا ولد انت كبدتي حتا كان تبي امي هديه معاها خودها وبوي زائد مصاريف الشحن?
فيصل&حازم:??????

✨روايات بنووتة الشيخ✨
وركب عزو سياره مفتوحه مع صحابه كلللهم حازم فيصل حسام سند و و و شلة الفساد كلها ودارو العاااار في الطريق ووراهم هلبااا سيرات قلبووها غني ورقيص طرابلس كلها دارو فيها العار المهم

خشت حياة الصاله وكانت طالعه غيررر كل العرايس تسريحتها فلو مفتوح وبدل التاج لابسه طوق ورد لونه وردي وروج وردي وباقه ورديه وڤيلو بسيط نضامه ساندريلا منفوووخ تهبببببل قعمزت ع الكوشه وشاورت لي المعازيم بيدها وهيا تضحك وطبعا بعض الناس فرحانه لين تبكي وبعض الناس حاسدتها لين تبكي بدت الحفله بي الرقيص والهياج والعشي وكلللل الشي وجي وقت يخش عزو

خش عزو علي اغنية بربك حدا أدي بيحبك وطبعا هوا طلب الاغنيه هادي خش ويدير في حركات مع الاغنيه تقتتتتتل طالع في البدله الرسميه طررررف وقف قدام حياة قام الطرحه باس راسها وقعمز

عزو:هادي الكوشه؟
حياة:اي
عزو:مش سخونه?
حياة:هههههه
عزو:اي اضحكي باش يقعدو يمووتو ويعرفو شنو نهدرزو بلمناسبه
حياة:شنو
عزو:طالعه احلا بنت شفتها اليوم
حياة:وباقي الايام
عزو؛لافي احلا منك
حياة:???
عزو:وحده اسمها حياة قبل منخطبها والتانيه حياة بعد مخطبتها وتوا حياة بي الڤيلو وكلهم يهبلوووو
حياة:هههههه مجنوون

طلع عزو شاد في يد حياة وهوا يساعد فيها وطااااير بيها

وجدان:????نبيه
ورده:صاخت والناس تجمعت عليها

بنختصر العار يلي داره عزو في الطريق من رقص بي السياره والعاب نوويه قصدي ناريه المهم وصلو لشقه

عزو:برجلك اليمين ولا الزوز مهم تخشي??…يتبع