رواية نصيبي للكاتبة أروى الطاهر
لايك قبل متقري???وداد:شوووووفي حياة
ورده:?واقفه مع ولد حي عليها
وجدان:طرررف محلااااه
وداد:شكله صاحبها هادا
ورده:تعالي نقولو لي بابا وجهاد وجدي خلي يقتلوها الكلبه
وجدان:كبدت عليه???محلاااااه شوفي جسمه
وداد:انا ماشيه نقول لي جدي وجهاد.عزو:هي هاتي يدك نقيسلك الخاتم
حياة:هات نلبسه انا
عزو:حتا انا فاضي نستأذن فيك …واخد يدها
ورده:شوووفي كيف شد يدها
وجدان:محلاااااه الوولددددد ??
ورده:تو تشوفي كيف جهاد يشحها من شعرها الكلبه هادي
عزو:ياحليلي انا جاك بزبط
حياة:اي كويس
عزو:باس يد حياة ?…تو الخاتم هادا خليه عندك عرفت مقاسك انا
حياة:شافت للخاتم..عزو كأنه الخاتم ذهب صح؟?
عزو:حي علي اسمي كيف طالع منك??
حياة:نسأل فيك
عزو:تي اي ذهب هوا انا نلبسك حاجه فالصوو يا عسل انتي?
حياة:بس هلبا هكي
عزو:تي ياريتني خاتم تلبسيني ?
حياة:???
جهاد:شنووو تقولي انتي
وداد:تعالا لو مش مصدق بسرعه قبل ميمشي
لطفي:كان معصصصب لبس الجرد وطلع هوا وجهاد
ورده:شوفي كيف يضحكو
وجدان:بعد ميتبهدلو بنمشي ندور ايميل الولد ضروري
لطفي:حياااااة???
جهاد:منو يلي معاك??
وداد&وجدان&ورده:???
عزو:اهلا انا عزو ياعمي
لطفي:ااه هوا انت كيف الحال
عزو:تمام بخير مشاء الله طالع في الجرد زي مجاهدين عمر المختار?هيبه الله يبارك
لطفي:منور منور هي خش خودلك طويسط شاهي
عزو:لا والله مستعجل
(طبعا لطفي يحب من يشكره ويمدحه)
جهاد:وانت شنو ادير هني الدنيا ليل???
عزو:جاي نقيس لي خطيبتي في الذبله عندك مانع لاسمح الله عز وجل
جهاد:تقيس فيها قدام الحوش وفي الليل ونازله بروحها
امين:اهلا عزووو سامحني عطلت عليك هي خش تفضل
عزو:اهلين عمي لا والله مستعجل عندي خدمه
حياة:تمام اماله انا راكبه
عزو:تم ?تو نحكو بعدين
حياة:تبتسم لي عزو وتقهر في جهاد
وداد:خيرهم يهدرزو هادم
ورده:مسمعناش عياط
وجدان:شوفي حياة?سلمت عليه ومشت
ورده:تي منو هادا???
وداد:تعالو نسألو قبل متركب
عزو:هي تصبحو ع خير
لطفي:وانت من اهل الخير
امين:في حفض الله
جهاد:??
✨روايات بنووتة الشيخ✨
في الدروج:-
وداد:هي انتي
حياة:نعم
ورده؛منو هادا يلي جايبتيه للحوش
وجدان:اي ياماما نحنا قاعدين منخطبناش تشوهي في سمعتنا
وداد:مش كان خطيبك مش عاجبك تبدي تجيبي في الذكوره اشكال الوان للحوش
جهاد:حيااااااة…لقطة اليوم معش تتكرر معش نبي نشوف وجها قدام الحوش???
حياة:هي انت وخواتك بشويه عليكم يا بيبي ريكلاكس انتم يا جربوعات يلي كان ع الباب هادا خطيبي وجاي يقيس في الذبله عليا وجابلي خاتم ذهب يؤبرني ?وانت مدخلكش يجيني ولا ميجينيش لان بابا عنده علم وهي باي ..ركبت وصكرت الباب
وداد&وجدان&ورده:???
وجدان:جديات هادا خطيبها
وداد&ورده؛??
وجدان:نكلللللم فيك جهاد رد عليا هادا خطيبها
جهاد:اي خطيبها…وطلع
ورده:كككيف هكي?
وجدان:حي عليا الجمال اللحيه العيون الطول الوشم الشعر ????
وداد:قعمزت من الصدمه
ورده:خطيب وداد ولاشي قدامه?
وجدان:يشبه لي فنان اجنبي بس منعرفش اسمه نبيه مدخليش???
✨روايات بنووتة الشيخ✨
صفاء:محلاااااها اللقطه??
حياة:لاكن قلبي نار علي جهاد تعرفي مستاحشاته بس نحاول نبين ان خلاص ولا شي بنسبه ليا
صفاء:بالله عليك واحد عنده مالوما ويشوف لي جهاد يلي وجها زي عمي خيري متع المطافي
حياة:ههههههه بس ياحماره مهما كان نحبه ونبي وقت باش ننسا
صفاء:رح ينسيك فيه مالوما ..اي بلمناسبه شنو اسمه هوا
حياة:عزو?
صفاء:ياحليلي❤️
حياة:تعرفي جهاد من بكري يخش انتضار ويبعت في رسايل
صفاء:مترديش عليه فوتهي
حياة:به
✨روايات بنووتة الشيخ✨
حازم:حماااار لانك حماااار حمااار الحمير
عزو:اوووف ماهو انا ننسا في روحي لما نوقف قدامه ولا نسمع صوتها اويلي انااا?
حازم:ضرب عزو ع رقبته…
عزو:اخخخخخ
حازم:اتصل بيها قدامي توااا وقلها بنسافر اطاليا
عزو:لاكن ان….
حازم:ولا كلمممه قدامي
ترن ترن ترن
عزو:الو?
حياة:اهلين عزو
عزو:ياقلبه عزو انتي شنو جو?
حياة:تمام بخير
حازم:بشويه ….قووللها
عزو:ااءء حياتي في موضوع بنقولهولك
حياة:انشاء الله خير
عزو:انا بنمشي ايطاليا بنجيب اثاث وشوي حجات بنمشي الاسبوع الجاي ولو تحبي نمشو بعد الزواج عادي كيف متبي
حازم؛??♂️??♂️
حياة:قعدت تفكر …امم لو تمشي انت بروحك توا خير انا لاهي عندي امتحانات وهكي
حازم:اخيرا
عزو:تم ياقلبي ع راحتك المهم اليوم مترقديش نبي نهدرز علي
حياة:تمام
عزو:ياريتني نحول وانتي زينه من ورده لورده شابكين يدينا?
حياة:ههههههه مهبول
عزو:هي خلي نروح ونهدرزو
حياة:اوكي تمام
✨روايات بنووتة الشيخ✨
حازم:مفيش مرواح اليوم فيصل يستنا فينا في الاستراحه
عزو:والله معندي نيه الزح نبيه نروح
حازم:شنو جاك انت ياولد من يوم مشيت تخطب بديت تتمستك
عزو:حتا خاطيبتي??
حازم:??
عزو:خطمني علي الحوش قبل ناخذ حوايجي
فيصل:الووو
عزو:ها ياحبي وين انت
فيصل:في الاستراحه وانتم؟
عزو:في الحصه التالته???
فيصل:هههههه حيوان عير هيا تعالو نديرو عكسه
عزو:تمام هي
وهيبه:وعلاش متبيش تمشي ايطاليا
حياة:نبي نحضر عرس وداد قبل
وهيبه:اهااا به مليح المهم انزلي جيبي الحوايج طاحو من المنشره
حياة:به
عزو:السلااااام عليكم
مفيده:اهلا اهلا بلعريس روروروروي
عزو:هادي زغروطه ولا صفارة اسعاف?
مفيده:تعالا جاي ياولد سلم عليا
عزو:هلا عمتي شن جوك
مفيده:الحمد الله انت شنو اخبارك
عزو:تمام ماشيه شنو قاعدين كناينك ميطيبولك في الغدي
مفيده:اااااايه يا ولدي صارو هلبا حجات
عزو:لحضات بس نجيب سامينسا ونجيك
طبعا مفيده عمت عزو وتهدرزله في كل شي يصير معاها وهوا يسمع ويضحك بس
✨روايات بنووتة الشيخ✨
حياة:واقفه تلم في الحوايج جي وراها جهاد لصقها ع الحيط وحط يديه الزوز
حياة:خلعتني خيرك انت?
جهاد:الزواج هادا مش رح يصير منه
حياة:وهيا ترعش…لل ل ليش؟
جهاد:مش رح ياخدك ولا حد نبيك تقعدي
حياة:وكلامك يلي قلته جهاد
جهاد:فوتيه كلامي وركزي معاي توا
حياة:خلاص كانت رح تضعف وتحضنه بس اذكرت كيف. استهزا بي بوها ….نحي يديك وخليني نمشي
جهاد:مفيش مشي لين نتأكد انك رح تفسخي
حياة:لا منيش فاسخه
جهاد:شد يدها بقوووه…رح تفسخيي
حياة:منبيش ان…..
وداد:جهاد نبي ال…??
حياة:بعد من عليا ومعاد اضايقني وإلا والله والله نقول لي بابا وجدي يتصرفو معاك
جهاد:بعد من عليها
حياة:خذت الحوايج وركبت
وداد:ليش قاعد تجري وراها الكلبه هادي
جهاد:هكي منبيهاش تتزوج التافها هادي
وداد:من قالك اصلا انها رح تتزوج تو تشوف كيف نفركسوها الخطبه
✨روايات بنووتة الشيخ✨
عزو:الله?
مفيده:اقسم بالله
عزو:به وشنو ردت عليها اسمهان
مفيده:مسحت بيها الارض
عزو:اي تستاهل كيف متجيهاش لما جابت وهيا ماشيتلها في موتت خوها خزي
مفيده:اي حق
عزو:به كيف دارت سميه لما لقت حليمه لابسه نفس القفطان
مفيده:والله قلبت عليها هديك الصاله
عزو:عندها حق ديمه وهيا مريشه اصلا وتسريحتها تقول سلة فواكه ولا بنتها تشوفيها من بعيد تسحابيها شاشت بلازما
مفيده:?
عبد السلام:تي نوض لوح عليك دوت النساوين وديرلك مشروع انت والكلب حازم
عزو:حازم تخر مشروع داره فتح صالة ملابس وكتب عليها ممنوع دخول الرجال والنساء ??مخشله حد
عبد السلام:??
هيام:شنو عزو نكلمو العويله ونحددو البيان ؟
عزو:اي عادي
عبد السلام:خليها بداية الشهر الجاي
عزو:في سره انا بداية الشهر سفرتي…..تي لالا خليها بعد اسبوعين
عبد السلام:علاش
عزو:البنت عجبتها ومستعجله علياا?
عبد السلام:فاسد??♂️
✨روايات بنووتة الشيخ✨
وهيبه:معناها تو بنكلم خلاتك قبل خلي يساعدونا في حجز الحجات
حياة:اي تمام ونقول لي بابا نحجزو صالة صاحبه رؤوف
وهيبه:اي ياريت طولوها حاسه ان الوقت قصير
حياة:لالا عادي يسد الوقت
في الاستراحه:-
عزو:ولد عمها هوا مش مستريحله بككل
فيصل:كيف
عزو:حاس ان في شي من اول يوم مشيتلهم مش طايقني
حازم:بالك عاجباته بنت عمه
عزو:يجوز يجوز
#تسريع_في _الاحداث
بعد مرور اسبوعين :-
حياة تحضر لي بيانها وبس مش فاضيا بحد وجهاد جرب كل شي كلم بوه وجده وحتا اب حياة يبي يفركس الخطبه بس مقدرش
عزو يحضر للخطبه بي افخم شي ويبي يرفع لي حياة احسن شي عشان تحبه وتتقبله وفي نفس الوقت يحضر لي سفرته مع حازم
وداد ووجدان و ورده مش قادرين ينسو عزو وكيف كان شكله ولبسته ونصدمو انه صغيره وهما متوقعينه كبر اب حياة ويخطوو لي الف حاجه عشان تتفركس الخطبه
هبه:حاسه ان جهاد تغير عليها بس مش مدوره لان خلاص حتا هيا خطبتها قربت
في يوم البيان:-
وداد:تمكيج
وجدان:كيف بسس تخيلي يخش يلبسها ويشوفوه بنات العيله وبعدين يقولو لي وداد ورينا صور خطيبك
ورده:مستحيل يخش لالا والله مرات نكبش فيه?
وداد:انشاء الله تطلع زي القرده ولا تموت قبل متوصل لي الصاله
المزينه:فيه شي معين تبيه
حياة:اي. ياريت تخلي شعري ع طوله بس نبي نفخه من قدام ولوطه فير ونبي مكياج هادي جدا بس الروج لونه ع لون القفطان
المزينه:حااضر اصلا انتي قتينه الله يبارك ومش محتاجه مكياج هلبا
حياة:تسلمي حبيبتي عيونك الحلوات
عزو:نلبس هادي ولا هادي؟
حازم:اهياا الكحله حلواا
عزو:به اما كندره هادي ولا هادي
حازم؛هيا مليحه
عزو:به ام…
حازم:اي توا قولي كيف ندير شعري وكيف نمكيج
عزو:لالا شنو نلبس اكسسوار?
حازم:البس اي شي بس متصدقش روحك وركز علي السفره
عزو:تي به الزح حفضت
تقوى:ماما بتمشي عمتي روان
هيام:اي ماشيه وهيا وقت كملي
تقوى:به
يسرى(اخت حياة):شنو ماما الناس بدو يجو اتصلو بي حياة شوفيها واتيه ولا لا
وهيبه:واتيه بس منو يجيبها من المزين
جنات(اخت حياة)تو نجيبها انا واشرف
بسمه(اخت حياة)خششيها من الباب متع الصاله الخلفي
جنات:به
طبعا هادا اول ضهور لي اخوان حياة ميجوش هلبا لانهم متزوجات ويسكنو بعاد شوي
وداد:الصاله متشرده ومبهدلا
نجاة:طيح سعدهم شلافطيا
وجدان:يارب ميخشش يارب يارب
بعد ربع ساعه وصلت حياة لابسه قفطان احمر كبييير ومكياج بسيط طالعه تهبببل بس قعدت مقعمزه في دار لعروسه
وصلو المعازيم لي الصاله و واخيرا وصل عزو وعيلته امه وبوه واخته وعماته وخلاته بس هني كانت الصدمه….يتبع