رواية نصيبي للكاتبة أروى الطاهر

#نصيبي الحلقه9

ويعد ماتمت صهرية عزو وصحابه وكل واحد تلوح في تركينه من الشرب والرقيص زي الشهداء قعد عزو يقاوم ميبيش يشرب لان بيكلم حياة.

حياة:الوو
عزو:ياعيون الالوو انتي?
حياة:ههههه مبردك مش عارف الكلام من وين تجيب فيه لين معش عارفه شنو نحكي
عزو:متحكي شي خليني نسمع نفسك بس
حياة:خلاص عاد نتحشم
عزو:اويلي انااا??

جهاد:الحقيررر هادا وربي لما ندوره
سيف:علاش انت شنو درت باش دارو فيك هكي
جهاد:ولا شي منبيشي يخش يلبسها الذبله قاعد مش قاري عليها فاتحه
سيف:وانت شنو دخلك فيها
جهاد:اياااه شنو انت بتقعد تدوي هكي فوتني كنهادا
سيف:تي وسع بالك تو نحصلو عليه

عزو:اي حقا بنسألك ليش ولد عمك يدير هكي؟
حياة:ليش شنو دار
عزو:حسيته ميبنيش نقرب منك ومبكري دار عركه ع خاطر خشيت لبستك
حياة:منعرفش يمكن ع خاطر بنت عمه ويبي يوري روحه راجل وهكي
عزو:يعني مكان في شي بينكم
حياة:لا لا
عزو:امم به ياحب انا مسافر السبت الجاي شنو خاطرك نجيبلك من ايطاليا
حياة:سلامتك ❤️
عزو؛شن رايك نجيبلك عزو مغلف ونحطه في كيسه ونبعتهولك
حياة:هههههه ياريت والله
عزو:ياحليلي محلاك
حياة:عيونك الحلوين?

وقعدو يهدرزو لا الصبح طبعا حياة كانت تساير في عزو لان كلللل تفكيرها في جهاد وبس

✨روايات بنووتة الشيخ✨

ثاني يوم:
حوش حياة زحمممه جايين بنات عماتها وخلاتها يباركولها

سندس؛يا حيه علياااا طرررف ياحياة?
فاطمه:نسسسسخه من الفنان مالوما
حياة:??اي كلهم هكي يقولو
لمياء:ربي يهنيك بيه ويبعد عليك الحساد
حياة:تسلمي ياقلبي الفال ليك
سندس:ويباعد عليك بنات عمي عبد المنعم لانهم طول الحفله قريب يموتو
حياة:لاحضت اي??? يالله الفال ليهم انشاء الله ونتفكا
فاطمه:بس صراحتا ربي عطاك احسن من جهاد بي مليون مرررره
حياة:الحمد الله تعرفي نصيب
سندس:صراحه جديات الذوق والجمال وباين حتا دمه خفيف امس كيف يضحك ويبصر عليك شنو جابه لي جهاد الكلوط

وداد:السلام عليكم
حياة:خلاص بنات بالله عليكم متلقحوش

خشت وداد وخواتها وقعدو يعدرزو مع البنات
سندس:العرس قرب انشاء الله
وداد:اي الخميس الجاي لا يلي بعده رح نبدو
حياة:ربي يتمم ع خير انشاء الله
وداد:قلبت وجها
ورده:وبي اذن الله في فاتحة وداد رح نلبسو هبه مره وحده
فاطمه:من هبه
وجدان:ااه مقلنالكمش هبه جارتنا يبيها جهاد خطبناهولا
حياة:??
لمياء:هديكا الضعيفه المجربعه
وجدان:اي ضعيف ومجربعه ع الاقل بنت حسب ونسب مش بنت سكارا وحشاشين
حياة:الوو…ها حبيبي لحضه نطلع من الزحمه

وداد:???

✨روايات بنووتة الشيخ✨

عزو:ياصباح الرجال وين نشوفك يجيني اسهال
عبد السلام:صبح يادراه الكبد
هيام:يانجي وليدي العريس حوووويته امس طالعين علي بعضهم الزوز
عبد السلام :مسكينه البنت شنو مدايره في عمرها
عزو:كان حياة شنو مدايره في عمرها؟معناها امي دارت العار قبل باش ربي رزقها بيك??
عبد السلام:تعرف اليوم مش رايق بكل تفوتني ولا انوض نعجنك طريحه?
عزو:تعجيني بلخميره ولا بلاها??
عبد السلام:عزووو??
عزو:به خلاص والله معاد متكلم خليني نفطر
عبد السلام:تعرفت علي عمك فؤاد امس
عزو:نفاااخ تعرف قعمز ت جنبه شويه نفخلي راسي كل شويه يقولي انا فيا السكر يسحاب روحه متعرف علي نمله
عبد السلام:??خزي عليك
هيام:منو فؤاد هادا
عبد السلام:هادا واحد شريك معاي في الخضره وقبل نبي ولدك يتعرف عليه باش يخدمه
عزو:هادا مناقص والله تضربني الشمس بدل ما نشبه مالوما نولي نشبه بلال بن رباح
عبد السلام:ياريتك والله تشبه واحد من الصحابه خير من واحد كافر يترقص صبح وليل
عزو:اول شي انا تكلمت علي يلي يمثل في دوره مش بلال نفسه تاني شي كيف عرفت ان مالوما يترقص ?
عبد السلام:شنو قصدك
عزو:شفتك مداير فولو لي مالوما انا ياحويج
عبد السلام:قداش ربي بيحاسبك علي كذبه بسسس
عزو:بنقولك يابوي امس كلمت حياة وقتلها نعجلو بي العرس باش نبي نسافر قتلي لا بنكمل قرايتي قبل وقتلي برا سافر انت بعدين ساهل وانا طيارتي الاسبوع الجاي
عبد السلام:تقوى
تقوى:نعم
عبد السلام:اتصلي بي حياة اسأليها
عزو:قصدك انا كذاب؟
عبد السلام:اي
عزو :بارك الله فيك ?

✨روايات بنووتة الشيخ✨

صفاء:مش مصدقه امس بكيت لين عيت
حياة:ياحماره راهو خطوبتي مش عزاي??
صفاء:بعيد السو ياكلبه تعالي جاي علاش قلتي لي اخته منبيش نسافر
حياة:نبي نحضر عرس وداد
صفاء:اهااا اي نبي نشوف جهاد شنو بيدير
صفاء:انا نحس فيك لو ضحك عليك بي اللسان رح تفسخي وترجعيله
حياة:هكي حاسه حتا اناا
صفاء:ياحماره الولد يهببببل وين عقلك انتي
حياة:عارفه ان هوا يهبل بس مزال منحباش
صفاء:ردي بالك حياة بس

عزو:شفت كيف؟
عبد السلام:وانت علاش مسافر
عزو:سياحه انا وحزوم بندير دوره وبالك نجيب الاثاث من غادي
عبد السلام:اهااا بي فلوس منو انشاء الله
عزو:بي فلوس امي ?
عبد السلام:اما فلوس ?
عزو:تي فلوسك طبعا
عبد السلام:لالا والله ماك ضايق قرش مني
عزو:قرش ولا دلفين?
عبد السلام:??
عزو:غير جديات نحكي
عبد السلام:لاااا مفيش فلوس
عزو:يرضيك نمشي غادي فلوسي يتمو ونقعد متشرد في الشارع انا وحزوم وناكلو مع القطاطيس من القمام والبرد القارص يشلفط فينا ومعش نقدرو نوقفو لين نموتو علي الرصيف ويدفنونا مع الكفار وين حقوق الانسان?وين العداله وين ال….
عبد السلام:به خلاص وانت معش تسكت نوض من قدامي توا خلي الواحد يقرا الجريده علي راحته
عزو:يعني بتعطيني
عبد السلام:به?
عزو:ناض باس راس بوه ….شكرا يا ابي وبسلامه
عبد السلام:الله واكبر علي الادب?
هيام:وليدي كويس غير انت مش حاس
عبد السلام:يمكن يمكن

عزو:صباحووو
حازم:شن تبي?
عزو:تي نوض ياكلب اخطم علياا
حازم:النم عندك سياره هكي كبرها اخطم عليا انت
عزو:معنديش بنزينه هيا تعالا نصبت علي بوي خذيت منه فلوس تعالا نطلعو نشرو حوايج نطلرحو بيهم في ايطاليا
حازم:جاااايك??

حياة:تعرفي وقت قالت هبه بيخطبها انا خلاااص
صفاء:ليش
حياة:تخيلي كان يقولي بعدي عليها البنت متنفعش يا صفاء?توا بيخطبها
صفاء:افففف متعدليش حياة خلاص انسيه
حياة:??

طق طق طق
هيام:افتحي لي خوك
تقوى:اربعه وعشرين ساعه وهوا خاش طالع ري داره الك..???
حازم:اءء ئ بب???
تقوى:??
حازم:قولي لي السياره تطلع عزو برا قققصدي عزو يطلع السياره برا
تقوى:من الخلعه صكرت في وجها الباب
هيام:منو هادا
تقوى:عزو فوق هادا صاحبه يا امي ?شافني بلمنضر هادا يا امي???شافني بي توته مطلعتني سمينه زي البقره يا امي ?
هيام:ههههه معليشي هادا فرخ حازم زي خوك

حازم:هادا فرخ مالوما المريش عنده اخت هكي??مستحيل يكونو من نفس الام البنت محلاها

عزو:حبي
حازم؛شنو?
عزو:خيرك تقول خالعك تمساح
حازم:شش شي اطلع وقت…يتبع