رواية نصيبي للكاتبة أروى الطاهر
حازم:نعمممم????تي امممممك مفيش جواز
عزو:ياحمار غيرخليني نكمل
حازم:انبح هي
عزو:نخطب البنت ونطمعها نقلها نبي نجيب الاثان من ايطاليا ونجيبلك حوايج ودسكات هيا وانت عارف البنات يموتو فيه الجو هادا
حازم:به؟
عزو:نمشي لي ايطاليا وكان مزال شافو وجهي ادفل عليا?
حازم:هوااا دا? به تو منو بيخطبولك
عزو:جت في بالي وحده
حازم:منو؟
عزو:بنت امين ?
حازم:هديكا الطرف
عزو:اويلي وخلاص اي هيا يلي تلاقيت معاها في الجامعه
حازم:تو امين بيعطيك بنته؟رد بالك اديرله دسكت متعطينيش بنتك مفيش سكير راهو امين صح يسكر لاكن مش نذل يلوح بنته وين ميجي
عزو:تي عارف انا خلي نتقدملها ونشوف ردهم بعدين ساهل
حازم:علاش اخترتها هيا بذات؟
عزو:لانها طرف ع الاقل لما نتغزل فيها منكذبش??
حازم:الله واكبر ?✨روايات بنووتة الشيخ✨طق طق طق
حياة:جاايا ….اهلين وداد
وداد:اهلين بيك شن جو
حياة:تمام خشي
وداد:لالا مستعجله بس نبي نطلب منك شي
حياة:شنو
وداد:نبيك اديريلي كيكة النسكافيه اليوم تخيبي وخواته جايين بيحددو العرس
حياة:اهااا اوكي ربع ساعه وتكون واتيه
وداد:اوكي صحيتي
حياة:سلمك
وداد:بايحياة:طبعا استغربت انها تكلم فيا عادي ديمه وهما يلقحو عليا واستغربت اكتر لما طلبت مني الكيكه بس يلا عادي
✨روايات بنووتة الشيخ✨
امين:والله صدمتني الحق متوقعتش يجي يوم وتطلب بنتي
عزو:قصدي نحي دوة السكير وجو هادا ع جنب لاكن خليك متأكد اني رح نحافض علي بنتك يعني هيا في النهايه بنت ناس
امين:والله انت تفضل وعلي العين والراس لاكن في نهايه قرار البنت لان خواتها ال5تجوزو بي اختيارهم ورضاهم هما
عزو:اي اكيد شي طبيعي انا نجيب بوي وامي ونديرو نضره شرعيه والقرار قرارها
امين:تمام
امين:نصدمت وفي نفس الوقت منبيش نعطيه بنتي صح حتا انا نسكر فيها العاده هادي لاكن مهما كان انا اب ومفيش اب يرضا بنته تاخد واحد سكار حتا لو الاب فيه عيوب الدنيا منبيش نحرجه ونقوله لا بس قتله تفضل لاني متأكد ان حياة رح ترفض زي مرفضت هلباااا قبل
عبد السلام:متأكد انت موافق
عزو:تي اي حتا الفتره يلي فاتت عجبتني بنت وتوا نبيها
تقوى:اخيرااااا بنحصل عرس
هيام:انا مش مستوعبه
عبد السلام:ومنو ست الحسن هادي؟
عزو:تي وحده طرررررف والله مان تشوفها إلاما تمشي تلوح امي في الكناسه
هيام:عزوووو???
عبد السلام:?به خوذ موعد ويصير خير
عزو:مقدمك يا بوي حتا بوها وافق والموعد الاربعاء الجايه
عبد السلام :امممم به
✨روايات بنووتة الشيخ✨
وداد:تفضلي ??
سوسن:شكراا
ناريمان:مشاء الله الكيكه محلاها
ورده:العروسه مدايرتها
وداد:?
ناريمان:ايسلمو يديك
وداد:تسلمي
سوسن:المهم زي ماتفاهمنا وتو روحكم بي أسرع وقت يعني خلاص قدامكم شهر بس
نجاة:تمام بي اذن الله
✨روايات بنووتة الشيخ✨
حياة:بس انا منبيييش
امين:عارف ومستحيل نغصبك بس عيب نلزو الناس رح يجو وبعدين نردو عليهم ونقولولهم مفيش نصيب
حياة:تمام
وطبعا لو جد حياة سمع ان في موضوع هوا ميعلمش بيه رح تصير كارثه لهاذا السبب نزل امين لي بوه وقاله في ناس رح يجو الاربعاء يبو يخطبو حياة
حياة:مقعمزه علي التلفزيون ..وقعدت نفكر خليني نجرب جهاد ونحكيله ان في خطاب جايين ونشوف ردت فعله
✨روايات بنووتة الشيخ✨
نجاة:ومنو يبي يخطبها
عبد المنعم :قال صاحب امين
وداد:يعني اكيد واحد كبير في العمر
عبد المنعم:مش عارف بس حتا هوا يسكر زي بوها
ورده؛احسن يمشي معاها هههههه
وجدان:غمزت لي خواته وقتلهم تعالو بي راسها
وداد:ها شنو
وجدان:انتي وج تتزوجي وتمشي تركيا شن رايك نمشو نكلمو جهاد لان يبي يتخلص من حياة ونخلوه يكلم جدي يخلي حياة توافق بسيف عليها
ورده:ليش؟
وجدان:ياحماره مرات تتزوج واحد اغنى من راجل وداد وتسافر حتا هيا خليها تتزوج واحد يسكر وبما انه صاحب بوها اكيد كبير في العمر معش تقدر تفشك علينا ونستريحو من كلام عماتي حياة محلاها حياة تهبل حياة حياة حياة
وداد:صح كلامك يا بنتخلي جهاد يروح بس
ورده:اهو صوته جهااااااد
✨روايات بنووتة الشيخ✨
حياة:شن راسك يعني نقوله
صفاء:اي انتي ع قد ميخطبو فيك متحكيلاش جربي ها المره
حياة:خايفه من ردت فعله
صفاء:انتي قاعده موافقتيش من شنو خايفه
حياة:يصير خير
طق طق طق
لطفي:خش جهاد
جهاد:كيف الحال جدي
لطفي:تمام الحمد الله
جهاد:جايك في موضوع ونبيك تسمعني للاخر
لطفي:شنو في
جهاد:سمعت ان في خطاب جايين لي حياة صح
لطفي:اي
جهاد:ياجدي انت عارف عمي امين معنداش ولد يدافعه عليه ويحمل اسمه وعارف ان هوا سمعته بين الناس واحد سكار ويتكلمو عليه هلبااا والحمد الله يلي في حد طلب حياة خايف ترفض ومعادش حد يخطبها وانت عارف البنت لما اطول في حوش يوها يبدا عليها الكلام وهما عايشين فوقنا ياجدي
لطفي:اي والله صح كلامك
جهاد:نبيك تغصبها تاخذه هادا لو رفضت
لطفي:اي اي يصير خير
طبعا لطفي كان يحب عبد المنعم يلي هوا اب جها ويحب صغاره خاصتا جهاد لانه حفيدته الوحيد ويسمع في كلامهم هلبا
ومسحبش امين لانه رفض يتزوج علي مرته عشان يجيب ولد وبسبب السكير
✨روايات بنووتة الشيخ✨
الساعه3في الليل
حياة:ها حبيبي
جهاد:ايواا
حياة:تقدر تطلع الجنان نبي ننزل نقابلك
جهاد:ااءء به بسرعه متعطليش
في الاستراحه :-
عزو:اووووننن بيبي يور لاف مي برلم برام ترنتن تون
حازم:ضم فمك واجل غناك لين نوصلو لي ايطاليا تخيل معاي البنات كلهم معانا ويصورو فينا يحاسبوك مالوما
عزو:به انا يحسابوني مالوما وانت شن دخلك?
حازم:انا مدير اعمالك ياقرد
عزو:اااااه يمكن اي نبي نجوزك وحده عبده من غادي
حازم:وعلاش
عزو:باش نحضر عرس عبيد خاطري فيه??
حازم:تفوو?
جهاد:اها شنو في
حياة:انت علاش هكي تعامل فيا جهاد جاوبني ؟
جهاد:مفي شي توا مطلعتيني باش تسأليني سؤال زي هادا
حياة؛بيجو الاربعاء يخطبوني
جهاد:به؟؟
حياة:شنو به اكيد بنرفض ونبيك تساعدني
جهاد:حيااة
حياة:نعم
جهاد:خلاص ياسر لازم نصارحك بري تجوزي وشوفي نصيبك
حياة:نصيبي??
جهاد:اي
حياة:وحبنا؟واحلامنا ان ع اساس بنتزوجو وان….
جهاد:مستحيل انتي مصدقه ان رح ناخذك انتي عارفه شنو يتكلمو علي بوك
حياة:يلي هوا عمك؟
جهاد:اي عمي وانا منيش نتزوج وحده رح يكون جد صغاري سيرته ع كل لسان
حياة:نزلو دموعها ياعيل بابا اشرف منك ومن عيلتك كلها بس والله رح يجيك يوم وتذكر كل كلمه قلتها اليوم وانت نااادم ….وركبت تجري
بنسبه لي جهاد مستحيل تفهموه هوا يحبها وميت في جمالها لاكن فضل كلام الناس والحسيب والنسب علي الحب واول ما عجباته هبه خلاص قرر يرتبط بيها
✨روايات بنووتة الشيخ✨
حياة:ركبت وانا نبكي وواجعني الكلام بنموووووت بس غسلت وجهي ومستحيل نبكي ع خاطر حقير زي هادا بس والله رح ندفعه الثمن وغااالي
يوم الاوبعاء:
عزو :ناض من النوم لبس سروال بيج وسوريه بيضه وسبيدرو ابيض وجاكيت بيج لانه يبي يدرقً الوشم
تقوى:صباحوووو العريس
عزو:صباح العسل بري امشطي شعرك وهوا واقف زي عبد الله جارنا
تقوى:مدخلكش
هيام:تساوي في روحها
عزو:تي عسللل ياحبي قريب نخطبك ونفوت البنت
هيام:ههههه خزي عليك
بشير:السلام عليكم ياعيله
عزو:هادا شنو جابه
تقوى:بابا يبي يرفعه معانا
عزو:افففف
بشير:عزوووو عزوو
عزو:ها ها جاي
✨روايات بنووتة الشيخ✨
عبد السلام:بالله كلمه زي ما اتفقنا
بشير :حاضر
عزو:اهلا اهلا عمي الحب
بشير :اهلا بيك قعمز ياولدي
عزو:انشاء الله خير
بشير:ياولدي انت توا خاش لمرحله جديده من حياتك رح تكون اسرة وتكون مسؤل علي حوشك وصغارك فوت الطياشه والمشاكل والسم يلي تشرب فيه ياسرك منه
عزو:???
بشير:تخيل انك متت واعمال الكويسه مش هلبه اعمالك وحسناتك نطاقها ضيق شنو رح ادير
عزو:نرفعا الخياط يوسعها???
بشير:تفو عليك وعلي المقعمز يلي ينصح فيك ياكلب يا ولد الكلب …وشاف لي عبد السلام
بشير:والله مفي فايده
عزو:???
وداد:ماما نركبو لما بيجو يخطبو
نجاة:اي البسي انتي وخواتك واركبو
ورده:به
حياة:لبست قفطان ضيققق لونه ابيض وفيه فتحه من جيهت الكتاف وفتحت شعري ومكيجت وتيت كل شي وساويت الحوش ورتبت نفسي وحلفت اني رح نوافق ونقهر جهاد
عزو:وصل لي حوش حياة هوا وامه ويوه واخته تقوى وعمه وجاب معاه سفرة بكلاوه وباقة ورد
وهيبه:اهلين اهلين تفضلو
هيام:زايد فضلك حبيبتي?
بعد ربع ساعه من الهدرزه في المربوعه :-
عبد السلام:طبعا اليوم نتشرفو نطلب يد بنتكم لي ولدنا عزو
عزو:طبس علي بوه ….تي شنو يدها نبيها كلها انا
عبد السلام:انا نتكلم وانت صكر فمك خير متحشمنا
عزو:منور ياصقع يا المتحدث الرسمي انت ?…
جهاد :السلام عليكم….يتبع