رواية نصيبي للكاتبة أروى الطاهر

#نصيبي الحلقه15

عزو:تلقيني في السياره …وطلع عزو قعمز في السياره يستنا في حياة بعد شوي وصلت رساله ع الماسنجر .

جهاد عبد المنعم ارسل صوره .
عزو:منو جهاد هادا ؟؟?فتح الصوره ولقاها صورت حياة وجهاد مع بعض
عزو..ش ش شنو هادااا??قعد عزو حاط يده ع راسه ومش مصدق يلي يشوف فيه حاول يبعت رساله لي جهاد بس جهاد دارله حضر

هيام:سلمك حبيبتي
سرور:بسلامه تعالي بكرا نشربو قهوا في حوشي وتجي ندى وتقوى
حياة:به انشاء الله هي باي ندى
ندى:سلامات
حياة:بسلامه تقوى ربي يكمل عليك
تقوى:سلمك حبيبتي وصحيتي

ركبت حياة السياره وصكرت الباب
حياة:جيتك ياقلبي والله جوهم محلاه نساوين خوتك
عزو:اي اي
حياة:خيرك حبيبي ؟
عزو:لاشي حاس روحي تاعب
حياة:حطت يدها ع راس عزو ..
عزو:بعد يدها
حياة:م مم مفيكش حراره
عزو:خليني تو نتحسن بروحي
حياة:سكتت وانا مصدومه كيف بعد يدي هكي ويكلم فيا بي جفاف بس صبرت روحي يعني صح يمكن تاعب شوي وصلنا للحوش وخش عزو قعمز ع الصالون وفاتح تالفونه بس خشيت غيرت حوايجي وخشيت للمطبخ درت عصير برتقال وقعمزت جنبه

حياة:حبيبي
عزو:بدون ميشوف لي وجها …نعم
حياة:هاك اشرب عصير بالك تتحسن شوي
عزو:منبيش ….وناض خذي تالفونه ومفاتيحه وطلع
حياة:نصدمممت ??خيره؟حسيت ان فيه شي رح نخليه يهدا وبعدين يحكيلي

✨روايات بنووتة الشيخ✨

فيصل:امممم مش عارف شنو نقول
حازم:ولا انا واضح الصوره مش تركيب
عزو:كككككيف قدرت ادير هكككككي ويخبط
فيصل:اهداااا مالوما باش تعرف تفكر
عزو:انا راسي وقفففف خلاااص دبرولي حل اي شي بنمشي نقتتللللله
فيصل:لالالا رد بالك تعال نقولك شنو ادير اول شي متقدرش تتكلم لين تشوف دليل قوي عليهم
عزو:تي صوره هكي كبرها مزال تبي دليل
حازم:مرات الصوره يكون ليها سنين
فيصل:ومرات عادي مصورتها مع ولد عمها في مناسبه عيد عرس اي شي
عزو:يعني؟
فيصل:ركز ع تصارفاتها
حازم:وتالفونها
فيصل:ولو في اي شي ضاماته يتعلق بيها هيا وجهاد
عزو:افففف تمام تمام
حازم:اهدا ياحب كله ينحل
عزو:يصير خير بدلو الموضوع توا بعدين ساهل

✨روايات بنووتة الشيخ✨

اليوم خميس وطبعا وداد جت في الليل بايته عند اماليها ،
وداد:به كويس بكل خليك مدايرله حضر ورد بالك تتلاقا معاه خليه هكي ميقدرش يوصلك
جهاد:تمام
وداد:بكرا جمعه وطبعا حياة رح تجي لحوش اماليها طبعا رح تبدو في الخطه الاكبر
ورده:شنو بديري
وداد:جهاد عندكم رسايل قبل ولا صور ورق وحجات زي هكي
جهاد:اي يمكن في هلبااا
وداد:حلووو بكل توا تمشي تجيبهولي كللللهم تمام نحطوهم في صندوق ونكتبو فوقهم حبيبي جهاد
وجدان؛علاش؟
وداد:بكرا لما تجي حياة وجدان تركب ع اساس بتهدرز ورح ادبر كيف تفتح شنطة حياة وتاخد مفاتيح شقتها
جهاد:ليش
وداد:ناخذو مفاتيح شقتها وطوووول تمشي لي محل عمي عادل يطلعلك نفس المفتاح ونردو المفتاح الاصلي لي حياة
جهاد:به؟
وداد:نستنو لي الجمعه الجايه تقوف قدام حوش عزو واول ميطلع هوا وحياة انت تنزل للحوش تفتحه وتخش تحط الصندوق في مكان مدرق ع اساس بس بنفس الوقت يكون واضح
جهاد:به
وداد:وتطلع ولا كأنه وطبعا ديمه حياة تجي قبل صلاة الجمعه عزو رح يروح يلبس ورح يشوف الصندوق وبعدها رح تبعت صورها يلي خذيناهم من اختها لي عزو ورح تكون مطلقه بي نفس اليوم
جهاد:انتي دااااهيه
وجدان:دماغك خطيييير
وداد:امالا شنو بس اهم شي ضرووري مننفضحوش
جهاد:تمام

✨روايات بنووتة الشيخ✨

عزو:روحت الحوش الساعه4في الليل لقيت حياة راقده ع الصالون تستنا فيا ..لو الموضوع جديات وهيا تكذب عليا كيف قدرت ادير هكي؟معقوله قلبها يطاوعها تخوني انا كنت حاااس من اول يوم خطبتها فيه ان في شي يتعلق بي ولد عمها مش قادره تقول عليه قمت حياة حطيتها في السرير وطلعت رقدت ع الصالون وطبعا النوم مجانيش قعدت نايض لا الفجر خذيت تالفون حياة فتشته بس ملقيت فيه شي حتا رسايل الماسنجر والواتس مفيهاش اي شي غلط .صليت الفجر لاول مره حسيت روحي ارتحت شوي وغمضت عيوني ورقدت

حياة:نضت الصبح مخلوعه طلعت بسرعه لي الصاله لقيت عزو راقد ع الصالون جبت غطاء وغطيته وخشيت الدوش وانا مضااايقه من تصرفات عزو من امس مفهمتش خيره عزو يلي 24ساعه وهوا يضحك ويتسهوك يلي كل يوم فمي يوجع فيا من الضحك بسببه اليوم انا مش عارفه خيره مش نفس عزو يلي حبيته نهائي

حياة:عزوو عزوو حبيبي
عزو:فتح عيونه وناض قعمز يتألم من رقبه
حياة:حطت يدها ع رقبته خيرك ياقلبي
عزو:ولا شي تاعب شويه
حياة:به نوض خودلك دوش صحصح بيه واطلع افطر معاي ياقلبي اليوم نبيش نمشي لي حوش بوي بنقعد معاك ❤️
عزو:لالا بري اصلا عازميني صحابي وضروري نمشيلهم
حياة:اها???ع راحتك
عزو:ناض بسرعه خش للحمام
حياة:هادا يلي يستنا فيا امتا نروح وميحبنيش نطلع ونخليه؟؟! يالله يمكن مضايق وتاعب

✨روايات بنووتة الشيخ✨

عزو:شنو واتيه ؟
حياة:اي
عزو:هي اطلعي

وجدان:تمام اهو حال الكساد شنو بتجي حياة اليوم
وهيبه:اي كيف صكرت منها جايا في الطريق
وجدان:به تمام حتا ماما وورده بيركبو يتغدو فوق اليوم
وهيبه:مرحبتين علي سلامتكم

حياة:دير بالك ع روحك عزو?
عزو:به حتا انتي …ومشي بسياره
حياة:ركبت وانا العبره خانقتني خلاااص

حياة:به الحمد الله كيف حالك انتي وجدان
وجدان:بخير تمام خيره وجهك اصفر
حياة:مش عارف بالك تاعبه
وجدان:خليك نجيبلك اميه وسكر بالك عندك هبوط سكر
حياة:تفاجأت بي طيبة وجدان فجأه بس مدورتش يمكن ربي هداها انا معمريش حملت في قلبي عليها هيا وخواتها
وجدان:هاك اشربي
حياة:صحيتي
وهيبه:خيرك العفو شنو جاك
حياة:والله معارفه
وجدان:حسيتها تاعبه نحي من عليك الوشاح والعبايه وارتاحي
حياة:قعدت تنحي في الوشاح
وجدان:هاتي نحطهم في دار مرت عمي
حياة:هاك وجدان صحيتي
وجدان:خذت وشاح وعباية وشنطة حياة ودخلتهم لي الدار وفتحت شنطة حياة وهيا ترعش خذت المفتاح متع حوشها

✨روايات بنووتة الشيخ✨

حازم:اي به؟
عزو:وبس قتلك تالفونها كللله فتشته مفيشي ولا حاجه
فيصل:انا من رائي مفي شي يمكن صوره عفويه مع ولد عمها وخلاص وانت تعرف جهاد قداش يكرهك
حازم:صح مرات بعت الصوره باش تصير بينكم مشاكل وخلاص
عزو:يمكن
فيصل:توا تعالا معنا نديرو دوره عند حسام
عزو:تمام هي

وجدان:هاااك وبعدين جيبه بسرعه باش نرده
جهاد:تمام توا ارجعي فوق بسرعه
وجدان:اوكي

مشي جهاد بسرعه لمحل عادل تبع المفاتيح وبصدقه لقي مفتاح واتي نفس مفتاح حياة بزززبط
خذاه ورجع لي وجدان عطاها مفتاح حياة ومشي درس قدام حوش عزوو

حازم:تي وين ماشي مالوما
عزو:بنغير حوايجي تبيني نمشي في سوريه عربيه للاستراحه
حازم:به متعطلش
عزو:تمام

✨روايات بنووتة الشيخ✨

وداد:الوو
جهاد:ايوا
وداد:ها طمني شنو صار معاك؟
جهاد:شي مدرس قدام حوش عزو نستنا فيه يطلع
وداد:اهاا تمام
جهاد:اهوو طلع هي صكري تو نكلمك
وداد:دير بالك ع روحك
جهاد:اوكي

طلع عزو بي السياره وبسرررعه خش جهاد لي حوشه وقعد يلف فيه يدور وين يحط الصندوق وصل لي دار النوم وحط الصندوق تحت السرير بس خلاه واضح شوي..تأكد ان كل شي تمام وطلع وصكر الباب.

وجدان:شنو حياة انشاء الله احسن
حياة:لالا كويسه صحيتي
نجاة:علاش خيرها
حياة:تعبت شويه مبكري
نجاة:ماتشوفي شر انشاء الله
حياة:تسلمي…..قعدنا نهدرزو وانا خلااااص قلبي زي النار نفكر في عزو وبعد شوي

ترن ترن ترن
حياة:شفت عزو يتصل فرررحت ورديت…الوو
عزو:اها حياة شنو نجيك توا؟خلاص الدنيا ليل
حياة:اوكي به تعالا
عزو:تمام وصكر
حياة:قاعد اسلوبه جاف معاي?

عزو:روح من الاستراحه لي حوشي دوش وغيرت حوايجي قعدت ندور في ساعتي بس وانا ندور لفتلي نضري صدوق لونه احمررر يشعشع من بعيد طلعته لقيت مكتوب فيه حبيبي جهاد ?فتحته ونشوف رسايل الحب والغرام والواضح انها قديمه طووول اذكرت لي كلمة فيصل

فيصل:ركز ع تصارفاتها
حازم:وتالفونها
فيصل:ولو في اي شي ضاماته يتعلق بيها هيا وجهاد

✨روايات بنووتة الشيخ✨

حياة:ها حبيبي وصلت؟
عزو:لالا خليك بايته اليوم في حوش بوك انا الاولاد مخلونيش نروح
حياة:ككككيف؟انت من امتا تبات مع الاولاد عزو خيرك؟
عزو:بنغير جوي عيب ولا حرام
حياة:لا عادي دير بالك ع روحك?لاكن انا رح يروح بيا بوي اليوم ناخد حجات ناقصتني من الحوش ونرجع
عزو:تمام …وصكر الخط ورجع لي فيصل وحازم
حياة:صكرت الخط وخشيت الحمام بككككيت لين دهشت

حياة:بابا تروح بيا ؟
امين:ليش وين عزو
حياة:صحابه متزردين وقالوله مفيش مرواح وانا نبيك تروح بيا بنجيب حوايج ونرجع
امين:به وتي روحك

حياة:طلعت انا وبابا وجهاد كان قدام الحوش
وصلت لي حوشي خذيت شوية حوايج ورجعت حوش اهلي وانا خلاااص قلبي يتقطع

جهاد:وين ؟
وداد:شنو وين بايته في حوش بوها
جهاد:وحتا سيارت راجلها مش قدام حوشه تعرفي عندي خطه جهنميه
وجدان:شنوو
ورده:شن هيا ونبي
جهاد……

مشي جهاد لي حوش عزو فتحه من جديد وطبعا كان فاضي قعد يبخ في ريحته وطلع شوي ملابس داخليه لي حياة رماهم في دار النوم ع الارض وهوا لوح سوريته ع الارض وساعته ع المرايا وطلع وصكر الباب

فيصل:ياحمااار برا هدرز علي مرتك افهم منها مرات كانت علاقه قديمه وفاتت ع حالها
عزو:حتااا لو كلامك صح يافيصل?ليش قاعده محتفضه بي الحجات هااادي
حازم:??
فيصل:غير تعود من الشطان ونوض روح حوشك
عزو:تي من اول متزوجتها سكير محطيتاش في فمي ع خاطرها وهيا هكي ؟!!!تي بالله عطيني نشرررب
فيصل:والله مصالرت خلاص عاد مش انت مالوما يلي نعرفوه خيرك هكي ؟وين هياجتك وضحك والجو متعك
عزو:هادا موضوع كبير يافيصل
فيصل:لما مرتك تحكيلك رح تفهم ان موضوع تافه
عزو:افففف
فيصل:برا رد الصندوق في الحوش وروح بيها وافهم منها
عزو:منبيش
فيصل:تي برااا خير منرفعك بسيف

عزو:طلعت في الليل فتحت الباب متع حوشي وخشيت دار النوم حطيت الصندوق وجيت بنطلع بس شفت ??…..يتبع