رواية عشت معاه حكايات

الفصل التاسع عشر

في فيلا رؤوف اجتمعت قدرية مع اخوات زوجها البنات ‘‘ كانوا جميعا في حالة ذهول مما فعلته قدرية التي ارادت ان تكشف غموض مافعلته لهن

قدرية : متتصوروش انا مبسوطة قد ايه اننا اجتمعنا تاني واننا مش هنفترق بعد كده باذن الله ‘‘ الورق الي قدامكم ده قانوني ميه في الميه ‘‘ ده حقكم من ورث ابوكم ‘‘ ودي علبة فيها دهب ‘‘ كمان بتاعكم لانه بتاع امكم الله يرحمها اداته لخليل وهو اداهوني واخد دهبي باعوا لان دهب امكم كان قديم حاجة كده من التراث وكان بيقول الحاجات زي الاثار كل ما تقدم سعرها بيزيد ‘‘ المهم انا لما ولدت سمير خليل وراني دلع وهنا مشفتش زيه لحد ما سمير بدأ يكبر ويبدأ يتكلم ويمشي ‘‘ لقيته بيقولي ما تيجي نزود شغلنا ونخاوي سمير و نجيب له اخ ‘‘
قولتله مش فاهمة يا خليل تقصد ايه ‘‘ طلب مني اني اعمله توكيل عام بإدارة نصيبي من المدبغة لاني البنت الوحيدة لابويا زي ماانتوا عارفين وهو اخ واحد بس ومن يوم ما سافر واتجوز واحدة اجنبية احنا نسيناه حتي الناس من حوالينا كانوا بيتعاملوا مع ابويا علي انه ابو البنت الوحيدة ‘‘ وده خلي خليل اتصدم لما عرف ان ليا اخ بس رجع ارتاح واتبسط لما عرف انه مسافر من زمن ‘‘ المهم خليل من وقت ماعملت له توكيل وامي ماتت بعدها ب3 سنين او اربعة ‘‘ قولتله عايزة اكلم اخويا اتواصل معاه ادور عليه عشان يجي يستلم حصته من الورث ‘‘ ومن ساعتها لحد النهاردة خليل مبقاش خليل ‘‘
ثار عليا وقعد يزعق لي من غير مبرر ‘‘ واداني صدمة عمري فيه ‘‘ وقالي انه اتجوزني عشان الفلوس الفلوس وبس واني مليش حاجة عنده ولا حتي اخويا الي عمره ما شافه وطبعا من ضمن الفلوس فلوسكم ‘‘ والباقي بقي انتوا عارفينه كويس و لولا ان كل واحدة فيكم كانت بتسأل عليا كل فين وفين انا مكنتش عارفة هعيش ازاي في القرف ده كله ‘‘
انا ليه رجعت لكم كل حاجة وازاي ‘‘ هقولكم
ازاي دي لان خليل كان فاكر انه بالزعيق ومد الايد وانه يكسرني بولادي اني هفضل تحت طوعه وامره فمفكرش انه يخليني اعمله البيع بشكل نهائي وبكده هو بس استغل الفلوس بالتوكيل العام ‘‘ ليه انا لغيت لاني عشت خمس ايام كنت هخسر فيهم شقي عمري كله ‘‘ ابني و بنتي ‘‘
واخوكم طلقني خلاص وانا قررت اخد ولادي ونبعد كفاية لحد كده اوي ‘‘ زل و مهانة واهانة ‘‘ خلاص لغيت التوكيل و رجعت كل حاجة زي ما كانت ‘‘ فلوسكم ‘‘ فلوس اخويا و فلوسي كتبتها لسمير وهدير وانا معايا الي يكفيني والفيلا دي ضحك عليا زمان بيها وكتبها باسمي لما سالته عن الفلوس والتوكيل وفلوسكم كمان ..
انا عملت كده عشان افدي ولادي كرهكم و شر نفسكم ‘‘ متزعلوش مني بس مش عوزاكم تكرهوا ولادي علي ذنب ملهش دخل فيه ‘‘ وكمان عوزاكم توقفي جنبي لما خليل يعرف الي حصل ..

في قسم الشرطة
يحول المتهمين الي سرايا النيابة ‘‘

بس بس ده ظلم قالها سمير محتدا علي الظابط

الظابط : انا لولا اني مقدر حالتك كنت رديت عليك رد ميعجبكش ‘‘ انا معتش في حاجة في ايدي اعملها ‘‘ النيابة الي هتحقق معاه

خرجوا علي النيابة ‘‘ سمير جرح جنبه بينزف ‘‘ خالد قلقان عليه و علي صحة ابوه ‘‘ بس مفيش حاجة في ايده يعملها

وصلوا النيابة وبعد تحقيق ساعتين اخدوا حبس اربع ايام ودي كانت الطامة الكبري ..

رجع سمير لبيت رؤوف هو ورفيق ‘‘ استقبلهم الجميع بصدمة وسقطت حياة مغشيا عليها بعد ما سمعت ما حدث لزوجها وابنها ..

بعد ربع ساعة استعادة حياة وعيها

اعتذر منهم سمير ووعد حياة انه سيفعل المستحيل كي ينقذ رؤوف وخالد

سمير : يلا بينا يا هدير لاني محتاج ارتاح ‘‘ كلمي ماما خليها تيجي علي بيت جدي ‘‘ مصطفي احنا موجودين في بيت جدي القديم جنبكم هنا لو احتجتم حاجة كلموني

هند بفزع : انت بتنفذ

سمير بجمود : انا كويس اهتمي انتي بوالدتك ‘‘ مصطفي تعال من فضلك لحظة ‘‘ يلا عن اذنكم

شوف يا مصطفي انا مش هعرف اعمل اي حاجة لوحدي ‘‘ هحتاجك معايا الفترة الجاية ..

مصطفي يقبض علي كتفه : انا معاك من غير ماتقول ‘‘ شكرا يا سمير ‘‘ خد بالك علي نفسك وربنا يقدرك علي الي انت داخل عليه

يلا يا هدير

سمير انت متاكد من الي انت هتعمله وعايز تعمله قالتها هدير بتوتر

سمير : ايوه يا هدير متقلقيش بس يلا من فضلك لاني بجد مرهق وعايز انام

في مكان ما ‘‘ يجلس يستمتع بإصطدام المياه بالصخور ويتحدث عبر هاتفه

الو ايوه يا زفت ‘‘ ايه كل ده علي ما ترد ‘‘ ها طمني ايه الاخبار الي عندك ‘‘ مممم اه اه حلو ولسه الي جاي احلي ‘‘ خلاص خلي عينك عليهم و بلغني اول بأول بالي هيحصل ..

اغلق هاتفه و اخذ يدخن سيجاره و هو يقول : ربنا يصبرهم علي الي جاي ‘‘ علي الله يتعلموا ..