رواية أزمة ثقة
الحلقه الثالثـه ”
فـي اللحظـه اهيـآ
فتـح ديـاب بـاب السيـاره و ركـب !
دياب حـط ايـدا علئ البـاب : هيـي امشـي !
حـرك عـزام سيـارتـه !
وانـي انفكـر في كلمته شـن يقصـد بيها اهانة ! او فعلا شافني في كابوس هلبا اسئلة في راسي ! فـي وقتـها معطيتش موضوع اهمية كبيرة لانـي بنبـدا مـع ديـاب وبـس
بيـن وقـت و وقـت كل ما انقيـم راسـي نلـقاهه يشبحلـي من المرايـا ! و مينحيـش فـي راسـه الآ وقـت انـي انـزل عيـونـي
وصلنـا للمـطار
كانت في شنطة وحدة نزلها عزام فـي ايـدا و حطهـالنـا
عزام ايسلـم علئ ديـاب: تمشـو و اتجـو طيبيـن !
ديـاب : ان شاءلله سـلم علئ العيلـه ! ومش حننساك في هدية
عـزام ضحـك: متفكرش تروح من غيرها و اغمزلـهه !
عزام ..مدلـي ايـدا : تمشـيو اتجي بـسلامة
انـي شبـحـت لايـدا و مديـتله ايـدي وهو ضغـط عليهـا بالقـوه ليـن سحبتـها : ان شاءلله
عزام مشـي و بعـدين لف علينـا و حـط ايدا علئ راسـه !: ابعت الفاصيل على الواتـس متنسـاش !
دياب:تمـام
عزام رفعلنـا : نتلاقو
و مشـي و انـي وقتـهـا قلبـي نغصـنـي _ و حسيتت بخـوف قبـل دقائق كنـت عـادي
خشينا المطار ودياب ختم الجوزات و مشينـا لصالـةة الانتظـار كـانت ساعة 1:44 مزال 16 دقيقة ع موعد الطيارة !
انـيحطيت راسي ع كتف دياب و دخلـت ايـدي في مرفقـه وشبكـت صوابعـي فـ صوابعـه
اني: غريب ولد عمك هـذا !
دياب ضـاغـط علئ ايـدي : هههههه حتا انتي ركزتي ! عـزام لو تركـزي معـاهه تتعبـي !
اني: ايه غريـب الصراحـه !
دياب: عزام ! زي اللغز بالزبـط كل كلمة يقولـهـا ليها الف معني يدخلك في دوامة ليهـا اول مـالهـاش اخـر !
انـي جـت في بالـي كلمـةة كـابوس و تفكـرت وقـت هـزلـي براسـه بمعنـئ لا ” بـس من غيـر نتيـجه”
اعلنـو علئ الطيـارهه و ركبنـا في الحـافله لبتـاخـدنا لمطـار ركبنــآ للطيـارهه وكنت متشوقة نشوف تركيا شارع شـارع !
قعـمـزنـا فـي الكراسـي و حطيـت اغـانـي هـادئـه سمـاعـه ليـا و سمـاعه لديـاب ! و بــدت رحلتنـا ❤
__________________________
عـزام
وصـل لحوشهـم ! و كيـف بيفتـح البـاب جـي اشعـار واتـس من ديـاب شافـه و بعـدين حـط النقـال في جيبـه و دخـل
نحـئ لسبيـدرو وهـو يسمـع فـي صـوت تقـوئ
عزام: السلام عليكم !
ام عزام: وعليكم السلام شـن وصلـت ولـد عمـك ؟
عزام: أي وصلتـهم _ بنـمشـي نـرقد مـا حد ايفيقـني !
مشيت لي داري فتحت الباب لقيت تقوى مقعمزة علـئ سـريـري و قـايمه تلفونـها تضـحـك و تتكلـم
عزام رفع حاجبـه: هاتي التلفون اهنـي !
تقوى شبحتـلهه : نتكلـم مـع صاحبتـي _ خيـرك عليـا ؟
عزام مـديت ايـدي و انعـض فـي فمـي اللوطـاني ” العـاده الي فيـه وقـت يتعصـب : هاتي التلفون قتلـك !
تقوى نـاضـت و عطـاتـه التلفـون و هـي منحتـش اعيـونـها من عليـه !
عزام شبحلهـا وقـام التلفـون ورد : الو !
صوت بنت: تقوى
عزام :مد تلفون لي تقوى
تقوى سكرت الخط و حطـاتـه في جيبهـا
تقوى:ابتسمت: تغاار عليا ?
عـزام: اختي نغار عليها ايه ! زيـك زي البنـات
تقوي تعفلقـت من كلمـةة اختـي لان نيتـهـا ” قلـب عـزام ”
عزام قعـمـز علئ السـريـر :اطلعي بنرقد راسي صداع !
تقوى فنصت عيونها وطلعت !
عزام حط راسه ع المخدة بيرقد وتفكرنـي طـول
النوم خدا عزام !
____________________
بعد 4 ساعات وصلت الطيـارهه لـ تركيا !
وصلنا تركيا المغرب تقريبا !
انـي نمظـي بالعـكس و ديـاب ماسك ايـدي و يمشـي : نمشوو ندهورو
دياب ابتسم: لا الفندق يا حلوى توا !
انـي : و علاش ؟
دياب: نمشو فندق مـرات في الليل منلقـوش و اشبحـي والعين ظلمت !
انـي حـاصـرت ارقبتـه بايديـه الـزوز : به غدوا من صبح ربي بنطلعو
ديـاب ابتسـم وباسنـي علئ خـذي : من الفجر شن رايك ؟
انـي ضحكـت و غمـرتـا: اتفقنا !
دياب يضحك ويهز في راسه
وخدينا تاكسي وكنت نتفرج ع المناظر من الروشـن !
حصلنا فندق خدينا غرفة لمدة اسبوعين
دخلنـا الغرفة
نحيـت وشـاحـي و الشنطـه ومشيـت فتحـت الثلاجـه طلعـت الششكـلاطه و فتـحتـها
انـي ناكل : دياب قلبي !
دياب ينحـي في جاكتـه : عيوني
انـي: عزام اصغر منك ولا
دياب: ايه
انـي: مواليد كم هوا
دياب: هوا 89 اني 86
اني: يعني اكبر مني بسنتين اني 91 !
ديـاب جـي خـدي الشكـلاطه من فمـي : بالـك تتحشمـي و انتـي تتكلمـي علئ راجـل و اني معـاك
انـي رميـت الشكـلاطه : منشبحـش فيـهم _لانـي خـديت سيدهـم
ديـاب جبـدنـي من ايـدي و ❤
___________________
ثاني يوم نضت ساعة 7 الصبح دوشـت و توضيـت وصليـت _ لبسـت وكيـف بنبـدا انمكيـج
دياب جـي لابـس الديشمبـر : وين تبي تمشي !
انـي شبحتلـه و حطيـت الواقـي و نضـت: كل مكان واهم حاجة !
دياب شد في ايدي : شن اهم حاجة !
انـي خديـت المنشـف منـه و نمسحلـه في شعـرا : الشيف الي يجوع فيا كل رمضان لازم لازم نمشوله ! بنمـوت عليـه
دياب: بعيد عن المنطقة هلبـا بـس ع خاطر اعوينـاتـي نمشوله
انـي ابتسـمـت: ربي يحفظك لياا يارب ❤
فطـرنـا في كفـي قريـب من الفنــدق و مشينـآ بعـدهـا للمـول وقـت قـرب الغـذاء مشينـآ لمطعـم ” المدينـه ” و كملنـا باقـي يومنـا من مكـان لمكـان ❤
_________
عند عزام
كـان مقعـمـز في سيارتـه ! و ايسبـس كـ العـادهه ليـن شبحتـهم جـو _ طفيـت السبسـي و فتحـت البـاب و نـزلـت
درست سيارة ونزلو منهـا زوز شباب واحـد منهم شاد شنطة و الثانـي يشبحلـي!
الاول: انتا عزام ؟
عزام: لا جـداه ؟
الاول شبـح للثانـي: اعطيه لـفلـوس !دمه خفيف زي ما قال دياب
جـي الثانـي وهـو يمشـي شوي شوي
عـزام تعفلقـت : تـي هـي ! وانـت تحسـاب تمشـي علئ دحيـه !
مدلـي الشنطـه _فتحتـها و شبحـت للفلـوس ! صكـرتـها وكيـف بنمشـي
الثانـي: لحظـه مـازال ما تمينـا
عزام لفيـت عليهـم و شبحتلـهم
الاول جـي قـدامـي : شد هادي وصلها لـ دياب
شـدهـت في ايدا وكان كيس في حاجة بيضة _شبحتـه و كـان واضـح عليـهه ” مخـدرات ”
عزام ضحـك علئ الجنـب : اعطيهاله لما يرجـع و
حذفها في الوطـي!
الثانـي سحب سلاحـه في وجـه عـزام : شـن بتلعبلنـا فيهـا دور الشريـف _ ارفعهـا من الارض
عـزام لوحـت الشنطـه وبـدي يشبحلـه _ وخـر شويـه و رفـع رجلـه و طيـح لسـلاح من ايـدهه _ نـزل قـامه و حـطه في خصـرا
جـي الاول بيمسـك عـزام من الخـلف _عطـاه عـزام ضـربـه بـراسـه من الخـلف و لـف عليـه ! بـد يضـرب فيـه وين ما اتجـي ايـدا يعطيهـاله و بعـدين رمـاه علئ مـرش السيـارهه !
و لـف للثانــي شـبحه بيهـرب السيـاره ” قـام المخـدرات في ايـدا ” _ مشـي فتـح عليـه البـاب عليـه و نـزلهه رمـاه علئ الوطـي و جـي فوقـا
عـزام : بتـلعبـو عليـا نلعب عليـكـم !
فتـح الكيـس و رمـاهه عليـهه و طـاح فيـه ضـرب نيـن تعـب
نـاض بـدي اينفـض فـي ادبشـه و قـام الشنطـه : وقـت بتلعبـو متلعبـوش مع تريـس !
فتـح البـاب الخلفـي و رمـي الشنطـه و ركـب سيـارتـه خـدس كلينكـس مسـح وجـهه و طلع بالسيـارهه
قـام تلفونـه و بعـث لـ ديـاب ” وقـت تعطـي كلمـه خليـك قـدها _و معـاش تستغفلنـي و الفلوس معـاي ______________________
بعـد مـــرور اسبـــــــــوع
انـي نلعـب على شعـر ديـاب : حبيبـي عـاد ليـا قـداش ساعـه انفيـق فيـك !
ديـاب : بـري انتـي ديـري دوره و تعالـي ! ولله تعبـان
انـي استسـلمـت لانـي ليـا مـا يقـارب نـص ساعـه انفيـق فيـهه _ بستـه و نضـت لبسـت جـاكتـي فـوق تيشـرت ابيـض شتـوي و جينـز اسـود _ لبسـت وشـاحي و خديـت الشنطـه و نـزلـت
وقفـت علئ الريسبشيـن بنطلـب تاكســي !
شبحـت ظـل جنبـي قمـت راســي و كــان عـزام
عقـدت حواجبــي
عـزام ابتسـم : صـدفـه جميلــه !
انـي : اهليــن
عـزام : فيـك شن حـالكم ؟
انـي : حمـدلله بخيـر ” و لفيـت على الموظفـه ”
عـزام وهـو يشبحـلي : نبيــــك
لفيـت عليـه باستــغراب !
يتبـــــــع❤
بقلم
محمد مالك
ميرو الشريف