رواية أزمة ثقة
الحلـقـه الثانيـه
و فـي نـص الطريـق _ بـدي الكلام المعسـل ليـن وصـلنـا للفنـدق
ركبنـا انـي ويـاه لجنـاح و دخلـنـاآ _ حضنـي من وسطـي و صكـر البـاب بـ رجـله
انـي حطـيت ايـديا علـئ ايـدا و ابتسـمـت : شنـي متبيـش ادخلنـي وانـي بين ايديـك !
ضحـك ديـاب و قـامنـي بين ايديـه و انـي شديـت فيـه من ارقبتـه
خـش بيـا لــدار النـوم و بـرم بيـا قـداش بـرمـه ! كـان ضحكـي و ضحكـه مالـي الممـر كلـهه ! فـي وقتـها مفكرتـش فـي شـي ولا تمنيـت شـي غيـر ان ربـي “يخـليهولـي و بـس ”
حطنـي علـئ السريـر و نـاض وقـف قـدام الزيـانـه و _ نـضت ولفيـت ايديـه علـئ صـدرا من الخـلف : خلينـي انحيهـالـك
بـرم عليـا وهو مبتسـم و حـاصـر خصـري بايديـه و يشـبح لعيـونـي _ و انـي قمـت ايديـآآ بـديـت نفتـح فـي سوريتـا ليـن توتـرت من نظـراتـا ليـآ رفـعت حـاجبـي و حطيـت راسـي فـي صـدرا : خـلاص عـاد ولله اتحشـمـت
ضحـك عليـا و لمنـي فـ حضنـه : سلمهـالـي يا ربـي ! بـري غيـري حتـئ انتـي
هـزيـت راسـي و امشيـت اخـديـت ” قفطـانـي الـي كـان ابيـض لنـص الركبـه ! و امنقـرش بالابيــض و كـان للمرفـق ” نحيـت الفيـلو و لبستـه _ خففـت من مكيـاجـي بخيـت برفـانـي و لبسـت شبشبـي البسيـط ! و طلعـت
كـان واقـف ايحـط فـي الماكلـه !
ديـاب قعـمـز علـى الكرسـي و طبطبلـي علـئ فخدتـا : تعالـي !
ابتسـمـت ومشيـت قعـمـزت فـي غمـرهه ! نـاكلـو و انـاشبـو فـي بـعض
ديـاب : حبيبـي !
انـي قايمـه التبسـي و بنحـطا في الثلاجـه : يـا عمـرها !
ديـاب ابتسـم : يطولـي ربـي فـ عمـرهـا و يحفظهـالـي _ انـي نازل بنجيـب تلفونـي من السيـاره و بنجي
انـي : اوكـي !
مشيـت لبسـت ابتـاع الصـلاه لان الوضـوء عليـا ! و كيـف بنطـلع من الـدار ” شبحـت تلفونـه محطـوط علـى الزيانـه ” ” خيـرا يكـذب عليـا من أول ساعـه ”
قـربـت من الروشـن و،نحيـت الستـارهه و شـفتـه امقعـمز في السيـارهه و امطبـس و خـلاص !!!
مـر علـئ الوضـع اهـوا مـا يقـارب 5دقـائق و رفـع راسـه بالصـدفـه جـت عينـي فـ عينـه ! ابتسـملـي و انـي بعثلـه بوسـه
و فـرشـت ابتـاع الصـلاهه و صلينـا _ كـان هـو قـدامـي و انـي وراء ! و ” بنمـوت من الفرحـه ” ديـاب بـدي راجلـي و ايصـلي بيـا ! ”
تمينـا الصلاه وجـي حـط ايـدا علـئ راسـي و بـدا يـدعـي بـعدين قعـمز بحـداي
ديـاب حـط ايـدا علـئ خـدي و يمسحلـي فـ دموعـي : عـلاش تبـكي !
انـي حطيـت ايديـا الـزوز علـئ لحيتـه : مـش امصـدقـه رغـم كل شـي أنـي الليلـه اهيـا امعـاك و بيـن ايديـك
ديـاب مسـك ايـدي و بـاسهـآ : انـي قتـلك مـا ايـزفـك حـد غيـري !
ابـتسمـت و نضـت وقـفت علـئ ركبيـا و تغمـرتـا و داعبـت شعـرا بايديــآ و حسيـت بيـه قـامنـي من وسطـي بمـا انـي ضعيـفه كنـت فوقـا و راسـي علئ راسـه ! ” دخـلنـا للدار النـوم ”
نحيـت ابتـاع الصـلاهه و جـي فوقـي
بـدي ايملـس علئ شعــري و ينـزل و انـي في الموقـف اهـوا حسيـت روحـي فـ عالـم ثانـي
و تهنيــــت ❤
10:00صبـاحـآ
فـي الفندق
حـاطـه راسـي علـى صـدرآ و ايدينـا مشبوكـات ببعـض و نشبحهـولهـم
ديـاب : حلـوين مـع بعضنـا ولآ
انـي : أي و هلبـا
ديـاب يلعـب بشعـري : انحبـك يـا غرباويـه !
انـي ضحكـت و واسيـت روحـي : و انـي انمـوت فيـك زعمـا انقـولك غـرباوي ولا شرقـاوي !
ديـاب ابتسـم : ههههه قولـي الي بقوليـه اهـم اسـم اخـديتـا فحياتـي انـي “راجلـك” ❤
انـي ضحكـت و حطيـت راسـي علئ صـدرا ثانـي : باهـي عـزام صح ولـد عـمك !
ديـاب : أي ولـد عمـي بـس هـذا مشكـوك فـ امـره
انـي : اممم كيـف
ديـاب : هههههه هـذا فـي بنـغـازي امسميينـه الطرابلسـي
انـي :هههههه علاش !
ديـاب بـرم علـيا و جـابني تحتـا : شنـي متبيـش تحتـرمـي روحـك ! قـاعده فـ حضنـي و تتكلمـيلي علئ راجـل
شـديت فـيه وبستـه : سلمهـولـي العصبـي يـ ربـي
نضـت من جنبـا و دوشـت و هـو دوش بعـدي و لمينـا حـاجتنـا و نـزلنـآ نفطـرو و انهـدرزو
انـي : إي اليـوم بنمشـو لبنغـازي !
ديـاب يـاكل و يشبحلـي : لا حـجـزت لتركيـا اسبوعيـن اقل شـي
انـي كيـف بنتـكلـم “قـاطعـني صـوت من ورآي _ نفـس الصـوت الـي أمـس ”
عـزام : صـباح الخيـر يا عـريس
ديـاب ضحـك و نـاض سلـم عليـه : صبـاح النـور _العقبـه ليـك !
عـزام شبحلـي : إن شاءللـه ” مـدلي ايـدا ” : اهـلا
!
انـي شبحـت لديـاب بعـين ومديـتله ايـدي : اهـلـين
عزام جبد كرسي وقعمـزت _كان يشبحلـي بـ نظرات خوفتني !
دياب حـط ايـدا على كثفـه : هيا امتا دورك استعجل !
عزام: قـرريب مش معطـل !
عزام يشبحلـي من فـوق لتحـت و بينـا بيـن نفسـه ” اقسم بالله الا البنت الي ف كابوسـي ”
دياب: بعدين وصلنا المطار عندي رحلـه !
عزام: تمـام
دياب: ناض ومشي بعيد وانـي شبحتـلهه !
عـرفعزام انه دياب يبيه فـي موضـوع و ميبنيـش انـي نعلـم عليـه !
عزام..رفع راسه ليا و شبحلـي : نستاذن منك ؟
انـي بابتسامة خفيفة: اذنك معاك !
عزام مشي شور دياب
وطلع باكو دخان من جيبه و حـط في فمـه ايولـع فيـه !
عزام: شن فـي ؟
دياب: اسمع لحد اخر كلمـة ومتقطعش علـيا !
عزام جبـد الدخـان و انفخـه : احكي !
دياب: في صفـقة بتكمل يوم الاثنين و
عزام قاطعـه: قتلك مواضيعـك هـاذم طلعني منهـم اني
دياب: غيرر اسمع بسس تربح !
عزام: موضوع فيه حرام متحلـمـش انـي نمشـي
دياب: اسمع يا ولد عمي مبلغ 72 الف نبيك تمشي تستلمه انـت وتخليه عندك ليـن انروح وانت تعرف مبلغ زي هاده صعب نخليه عند حـد انـت بالنسبة ليا اكثر انسان ثقة !
عزام: طبس راسه ويدخن : استلام بس ؟
دياب: أي استلام بس
عزام..خبط ع ظهر دياب: ع خاطر عريس بس تو نمشـي
دياب ابتسم و ضربـا عـزام بالخفيـف علئ كثفـه و،ضحـك
انـي شفتلهم من بعيد و انتفكـر في ملامح عزام وعندي شك يكون مش نفس الشخص في الحلم ! بس ملامحه قريبه منـا هلبـآ !
بعـد مـا يقـارب 3دقائـق
دياب: اتصلي ب اهلك اعطيهم علم ان بنسـافـرو !
انـي: مفاجاة حلوووة والله !
عزام..شاف لي دياب وغمزلا وهـو ابتسم
انـي شبحتلـهم “شن قصـةة الابتسـامـات هـاذي بينـهـم”
مديـت ايـدي لشنطتـي و قـمـت تلفونـي و طلبـت مـامـا
انـي: الو ماما
مـامـا :هـلا يا قلب مـامـا _ شن دايـروه يا ماما ولله استـحشنـاك
رواني: حنجيك ومش حنخليك بااذن الله !
مـامـا سلم بنتي دياب كويس معااك ضربك دارلك حاجة والله قلبي خانقني ومغصوص عليك ! وبوك تقول عاطيك بالسيف وغصب عنه لو تشوفيه يصعـب حالـه علئ الكـافـر
انـي نضـت من بحـداهم: والله يا ماما دياب طيب ويحبني وعاملني بكل حب والله !
ماما:: الحمد الله يارب ريحتـي قلبـي ربي يبعد عليك يا بنتي صغار السوء وكل من يبي يجرحك ويبي يوجعك
انـي: امين يارب ربـي يخليـك ليـا انتـي و دعاءك بنقولك !
ماما: ايه شن بتقوليلي
انـي: بنمشي تركيا اليوم دياب طلع حاجز
مامـا: : كم بتقعدو ؟
انـي: مش عارفة اسبوعين او اقل ممكـن !
ماما: رد بالك ع روحك سلم بنيتي اني لما توصلي اتصلي بيا ! اي حـق اسمـعي تهنيتـي ولا
انـي تحشمـت : اي يـلا بسـلامـه سلميلـي علئ الكـل
ام رواني: مع سلامة !
قلب الام ?
عزام ودياب كـان يهـدرزو وقـت جيتـهم سكتـو
دياب..شافلي : ها شن صار ؟
اني حطيـت النقـال على التلفـون علئ الطاولـه ! : اعطيتهم علم
ديااب ..شاف للساعة: توا ساعة 11:34 والطيارة ساعة 2:00
عزام : مزال ساعتين ونص !
كانو نظرات عزام غريبة وتخوف تحس كانهه بيهـجـم عليـا _
بعـد ما يقـارب ساعـه و نـص !
دياب: ايه هاده هوا كان بنمشو المطار !
عزام : هـي
نضنا من الكافي دياب خلص الفاتورة ومشيت اني وعزام السيارة !
ركب عزام في مكان السواق وولع السيارة فتـح الروشـن
اني ركبت من الخلف و حطيـت شنطتـي في غمـري
عـزام طلـع الدخـان وبـدي ايسبـس
انـي: ممكن تطفيه ننخنق منه !
عـزام رمـاه وبـرم عليـا : تعـرفي وين شابحـك قبـل !
اني عقـدت حواجبـي : ويـن !
عـزام بـ لهجـه حـاده : في كـابوس
يتبــع
تفاعلــو❤
بقـلم
محمـد مالـك
ميـرو الشريـف