باقة ورد للكاتب محمد محسن حافظ
#باقه ورد#الجزء العاشر
منزل حمزه
************
حمدلله علي السلامه يا شريف قالها حمزه والده وهو يشرب الارجيله الملغمه بالحشيش
تأفف شريف وهو ينظر له ثم قال في ضيق تصور لحد دلوقتي مش مقتنع اني اقولك يا بابا
هههههههههه بلاش تقولي يا بابا قولي يا حج
ضحك شريف حين سمع مزحه ابيه وقال حج ده اللي ناقص ده انا من ساعه ما وعيت علي الدنيا لا شوفتك بتصلي ولا بتصوم ما شاء الله عليك
اخرج الارجيله من فمه ونظر له في غضب وقال له بصوته الخشن ده جزاتي اني خليتك راجل ودخلت كليه
(السياسه الاستنصاد)
ابتسم شريف وهو يعيد كلمه الاستنصاد. ثم قال بقولك يا حمزه انا امي اللي ربتني وكبرتني انا وفاتن وأسماء
انت علمتني اسرق خزنه اتفش اكره باب
افتح عربيه وكان بالغصب وربنا ستر ابعد عني بقي ابوس ايديك
يضحك ويقول حمزه حاف كده من غير ألقاب
يتحرك شريف في اتجاه والدته يقبل يدها ويقول.لا مش حاف هبقي احطلك عليها حته مربي من فوق ينظر الي امه ويقول وحشتيني يا غاليه
تمسك رأسه وتقول تسلم وتعيش يا بني سيبك من الراجل ده كفايه اللي عمله فيك
يسال شريف عنه اخوته فتجاوبه امه اسماء في أوضتها وفاتن في الكليه
ينظر لهما حمزه ويقول عندي ليك سبوبه لو عملتها هديك مليون جنيه
**************************
القصر
******
اسفه يا بابا اتأخرت علبك معلش قالتها ورد وهي تقبل رأس ابيها
ليرد عليها في حنين لا يا بنتي ولا يهمك ربنا ينجحك
ضحكت وقالت عارف مين جاي يسلم علبك بعد لما عرف انك تعبان
مين يا ورد؟
شاهر ابن عمي كامل تعالي ادخل واقف عندك ليه قالتها ورد وهي بجوار ابيها
استئذن شاهر بالدخول ثم قال في ادب متناهي الف سلامه عليك يا عمي
ظل احمد ينظر له قبل ان يتكلم ورفع يده وكانه يطلب منه الاقتراب ليضع في حضنه ثم يقول ما شاء الله ازيك يا شاهر
ارتبك شاهر لمقابله عمه ولكنه تماسك وقال الحمدلله يا عمي انا كويس
تدخلت ورد وقالت تشرب ايه بقي يا شاهر
رد احمد في ثقه لا يشرب ايه ده هيتغدي معانا النهارده
ضحك شاهر وقال اومرك يا عمي
التفت احمد الي ورد يسألها
ورد كان فيه كتاب جنبي هنا راح فين؟
معايا يا بابا حطيته في الدولاب بس شكله غريب اووي وقديم انا عمري ما شوفته معاك
ارتبك احمد قليلا ثم قال ده بتاع جدك الله يرحمه لو سمحتي هاتي وخليكي مع شاهر ادخل اصلي في الاوضه الصغيره
ذهبت ورد الي الدولاب واخرجت الكتاب واعطته لأبيها وهي تنظر له في ثقه مبالغ فيها قائله اتفضل
ارتسمت علي وجه احمد بعض علامات الاستفهام ولكنه لم يتكلم اكتفي بمد يده وهو ينظر الي عينيها ثم انصرف ولكنها استوقفته قائله بابا المفتاح بتاع الاوضه
زاد توتره وهي تضع له المفتاح في جيبه فهو لا يفهم شيء
نظرت ورد الي شاهر قائله تعالي معايا ننزل تحت لحد ما بابا يخلص صلي
دخل احمد الغرفه واتجه مباشره ناحيه الزرار وضغط عليه ولكنه لم يجد شيء من الكتب فأمسك رأسه وشعر بدوار لكنه تماسك وصرخ قائلا ووووووووورد
**************************
منزل حسن
**********
مالك يا حسن فيه ايه قالتها منال زوجته وهي تنظر له وهو في ملكوت اخر
لتكرر حسن حسن الي ان ينتبه قائلا
هاااااا بتقولي حاجه يا منال
تمسك يده وتقول مالك فيه ايه انت مش معايا خالص سرحان في ايه
يأخذ نفس عميق ويقول لا ابدا بس احمد تعبان شويه وانا قلقان عليه
انا عارفه انك بتحبه زي اخوك واكتر ربنا ان شاء الله هيشفيه
قالتها منال ليرد عليها حسن قائلا ان شاء الله يدخل يوسف ابنه في هذه اللحظه وهو اصغر ابنائه شاب طويل ابيض البشره شعره اسود ناعم ولكنه قصير جدا عينيه كالصقر تتكحل بالسواد انفه صغير شاربه يصل الي شفتيه السفلي فظهرت عليه ملامح القوه والهيبه يرتدي قميص ابيض شاهق البياض مفتوح الي اخر صدره ضيق بعد الشيء فاظهر صدره المنتفخ بالعضلات وخصره النحيل وبنطلون من الجبردين الفاخر لونه كحلي وقف امام ابيه قائلا وهو يضع سيجاره من علبته دون ادني احترام لأبيه
عاوز فلوس يا بابا
صرخ حسن في وجهه قائلا ايه يا يوسف انت ما بتشبعش
نظر يوسف الي اعلي وهو ينفخ دخان سيجارته قائلا لا مش بشبع انا في كليه شرطه ومينفعش ابقي اقل من زمايلي في حاجه
نظرت له امه قائله مقلناش حاجه بس انت بتاخد كتير اووووي
ضحك في سخريه وهو يقول وأنتم معاكوا كتير اووي
نهض حسن من مكانه وهو يتأفف قائلا عاوز كام
نظر له يوسف قائلا خمس الاف جنيه انا هغيب شهر
استسلم حسن له وقال في خضوع ابقي عدي علي الشركه وانا هتصل بيهم أقولهم
انصرف يوسف ولكنه توقف في نصف الطريق قائلا اه نسيت قول لبناتك يخفو شويه من مروحهم النادي الا قسما بالله ما اخليهم يشوفوا الشارع تاني
احمر وجهه حسن وهو يقول اسمع لما اقولك ملكش دعوه بسلمي وياسمين طول ما انا عايش ابقي أتحكم فيهم لما اموت انت فاهم
رفع يوسف شفتيه في لا مبالاه مما قاله ابيه وانصرف دون ان ينطق بكلمه
جلس حسن وهو يغلي غضبا ثم قال ده الولد اللي كان نفسي اخلفه بعد البنات ياريته ما جه مبيجيش من وراه غير المشاكل الكلب بيشرب سجاير قدامي وحذرته الف مره مش عاملي اعتبار
دمعت عين منال وهي تضع يدها علي كتفه قائله بكره هيعقل طيش شباب
**************************
منزل بالمهندسين
****************
ايه يا عم الحظ ده نجمك في السما النهارده قالها احد الاشخاص علي المائده الخضراء
ليرد عليه فاتح مره من نفسي انا فلوسي كلها ضايعه هنا
يدق جرس الباب يرفع فاتح صوته
واد يا سليم انت يا زفت
يركض سليم نحوه قائلا ايوه يا فاتح باشا
ايه مش سامع الباب روح افتح قالها فاتح وانصرف سليم في اتجاه الباب ليكمل فاتح بص من العين السحريه الاول
حاضر قالها سليم وهو يضع عينه داخل الباب ثم فتح
ساعه عقبال لما تفتح يا حمار
نظر سليم ارضا وهو يقول انا اسف يا يوسف باشا
دخل يوسف وصافح الجميع نظر له فاتح قائلا انت استحليت الموضوع ياااض يا يوسف ولا ايه
نظر له يوسف في غيظ قائلا انا خسرت كتير امبارح وجاي أعوض
ضحك فاتح وهو يضع سيجاره في فمه لا تتحرك فيديه مشغوله ثم قال انت لسه تلميذ هتدفع لسه كتير عقبال ما تتعلم
ضحك الجميع ونهض احد اللاعبين تاركا مكانه الي يوسف بعدما خسر كل ما معه
ازداد الدخان في الغرفه والهدؤ في بعض الأحيان للتركيز
دخل سليم الي المطبخ وجلس بجوار والدته واخرج كتابا وأخذ يقرأ فيه وضعت امه يدها علي كتفه قائله احنا بناكل عيش هنا عارفه انك بتتذل بس معلش يا بني استحمل
هز راْسه قائلا عادي اتعودت خلاص علي الذل مفيش جديد الغني بيدوس علي الفقير بس هيجي يوم وادوس عليهم بجزمتي كلهم
**************************
القصر من جديد
****^^^^^*****
دخلت ورد الغرفه الصغيره بعدما سمعت صوت ابيها وقالت نعم يا بابا
نظر لها احمد بعدما أغلق الباب خلفها وقال في صوت منخفض كان فيه كتب هنا هي فين
ربعت ورد يدها وقالت في ثبات معايا كلها
وازاي تخديها من غير اذني يا ورد دي الامانه اللي استأمنتك عليها
تدمع عين ورد وتقول امانه دلوقتي بقيت خيانه ثم نظرت الي احمد وقالت وهي تسيطر علي نفسها انا اخدتهم اقرأهم ماسرقتهمش واخدتهم بعد لما سمعتك وانت بتقول لماما سهير قبل ما تموت اني مش بنتكم افتكرت ان فيهم حاجه اعرف منها انا مين انهمرت الدموع من عينيها
تغير لون احمد الي اللون الازرق ونظر في الارض ولَم يتفوه بكلمه
اكملت ورد في عزيمه واصرار كلامها قائله سيبلي الكتب دي شهر كمان بعد اذنك خلاص قربت أوصل للي انا عاوزاه زي ما من حقك تعرف ابنك يحيي فين اظن من حقي كمان اعرف مين هما ابويا وامي…..