احفاد الشيطان للكاتبة زهور جمال الدين

#احفاد_الشيطان

?بقلم زهور جمال الدين ?

الحلقه السادسة عشر

–

فاق ايوب من نومه شاف جنبه مالقاش روقيه
-ينادى/ روقيه .. روقيه
-جت روقيه للدار وفتحت الستار / صباح الكسلانين
خشت وسكرت الباب وقعمزت عالسرير من جيهته ..
قرب ايوب باسها على شفايفها / هكى انوض مانلقاكش جنبى
-روقيه / قول صباحوو قبل
-اتكى عالمخدة وهوا منغير تيشرت / صباح الخيرات ..وين مشيتى
-روقيه تضحك/ حناى نوضتنى من الساعه 8 ونص الصبح
…طقت عالدار ..فقت ودوشت وطلعت
-ايوب تكنطى/ كيف اطق عالدار ..تو نكلمها
-روقيه خافت / لااااا رد بالك حبيبي ..حناك غايرة عليك
..وتبى اى سبب بيش تزعل بيه وبس..سيورها تمل
-ايوب / لكن فى احترام
-روقيه / انا راضيه انت مالك ومالى
وقفت تبى تطلع / نوض غير حوايجك لانها كانت تبى تجيك هيا لما ضبحت ..غير قلتلها علاش اتعبى فى روحك ..خاطر عارفاتك واخد راحتك فى النوم
-ايوب / وين ماشيه
-روقيه / نكمل الفطور مع حناك ..وحتى امك بتجى بعد الغدى بتسلم علينا ..هيا سقد روحك
وتلفتت للباب بتطلع …ناض ايوب بسرعه للباب سكره بالمفتاح ووقف قدامه
-ايوب يضحك / تحسابى دخول الحمام زى خروجه
-روقيه / ايوووب .. حول عاد حناك تسمع فينا
-شدها من يدها / شووويا بس حبيبي والله مانعطل ..فيسع وبري
-ايوب / تى حول .. والله مانقدر نطلع للناس منغير دوش…
ونقولك حناك فى الكوجينه ..
وتضحك / تربح خلينى نمشى
-ايوب / هااادى ضريبه السكنه مع الاهل فى دار?
باست على خده / دنبك على جنبك يا حلو … حول ?
-ايوب مسح خده / ديري الحركات العيب بعتالى قوليلى اهفت وحول
-تضحك / عيب???
حول ايوب من قدام الباب وماشى للحمام/بنمشى للمكتب راهو
-روقيه / مش قلتلك عمتى امنه بتجى بعتالى
-ايوب / تو نروح بعتالى ..ولا كلمينى انتى فكرينى
-روقيه / باهى خلى نوتيلك حوايجك
-ايوب / لا عادى تو نوتيهم بروحى متعود
-روقيه مبتسمه / هداكه زمان …توة غير حبيبى
-ايوب مبتسم / صار صدقت حناى لما قالتلى زمان اول حول
-روقيه/ جى الزمان الاحلى والاحلى

____________________________________

–
فى حوش امنه …

مقعمزين امنه وميلاد يفطرو
-امنه / بعتالى منمشى لى حوش عمتى سالمه نشوف ايوب قالو روح وهوا وروقيه
-ميلاد/ امشى عادى انا منقولك شى .. لكن مش مفروض هوا اللى جاك وسلم عليك
-امنه / زمان لما بروحه مندورش فيه .. لكن توة مدامه معاه مراته نبيهم يعرفونى ويجونى .. منبيش ننحرم منه ومن صغاره
-ميلاد / وشن المغزى من مشيانك ليهم
-امنه / والله كان نقطعهم عمتى سالمه ماتخليهم ايجونى ..
انا نعرف طبعها
-ميلاد / مانعرفش ايوب بو اودينه
-امنه / ايوب مايدورش فيها حناه ياخد فيها بلسانه .. لكن روقيه مازالت جديده ..ونعرفها حتخاف تزعلها لان زعلها واعر الحاجه
-ميلاد / ديري رايك ..انتى ادرى بيها
-امنه / هوا هدا غير نتغدو ونقول لى حسن يرفعنى غادى يقعد معاى شوى وانروحو
-ميلاد / ديري حسابك بنعزموهم هنايا
-امنه / لا اكيد منغير كلام ماتقول غير خلى ندخلوها على اهلها وبعتالى ساهل
-ميلاد / بنتك قلتيلها على مراد ولد خالد ولد عمى
– امنه / الحق مزال ماقلتلهاش البنيه توة عندها امتحانات فى الجامعه نهايه سمستر .. منبيش نشغلها
-ميلاد / تى كيف ..الناس بنردو عليهم غدوة وانتى ماقلتيش لى صاحبه الشان
-امنه / وشن بتقول على ولد عمها …بحوشه بخدمته …. تفرح بيه فرح
-ميلاد / خرفى …الحق فيا انا اللى عبيت عليك
وبدى اينادى/ ايناس.. يا ايناس
-فتحت الباب / نعم بابا
-ميلاد / تعالى
-جت من دارها / ايووة
-ميلاد / قعمزى
-ايناس/ عندى امتحان يا بابا منقدرش انعطل شنو
-ميلاد / مش حنعطلك .. اسمعى كلمنى خالد ولد عمى عليك يخطب فيك لى ولده مراد ويبو الرد غدوة ..شاورى روحك وردى عليا الليله ..مفروض من اول امس امك كلماتك بيش فكرتى كويس
-ايناس انخلعت وحطت يدها على صدرها / علياااا
-ميلاد/ ايه كلمنى عليك لى ولده مراد
-ايناس معش تشوف فى شى قدامها ضلمت/ نستادنكم
وخشت دارها تجرى
-امنه تضحك / مش قتلك.. ماعندها علاش بتعارض .. بتلقى خير من ولد عمها
-ميلاد / يعنى تبى ولا لا مفهمتش..هيا لا وافقت لا اعترضت
.. راس بنيه مانبيش نغصب عليها ..على راحتها كانا ماتبيش تقول من توة
-امنه خافت الموضوع ايضيع/ لاااا رد بالك ..البنيه تحشمت منك وخشت لدارها ..واضحة موافقه
-ميلاد / انشالله خير
-امنه / انا قلت لى حسن يقول لى ايوب بعتالى لما بنمشو نسلمو عليه ..حتى هوا خوها وعنده حق فيها
-ميلاد / لا واجب..طبعا قولله حتى هوا خوها

____________________________________

–

روقيه طلعت من الدار وايوب خش الحمام … مشت شافت المطبخ وطفت الغاز ورجعت لى دار النوم فتحت الباب
-سالمه / وين ماشيه
-روقيه / بنوتى لى ايوب حوايجه
-سالمه ترشق فعيونها لى داخل الدار /وينه ايوب
-روقيه / ايوب فى الحمام
-سالمه / باهى متعطليش بيش اتجيبينا الفطور
-روقيه / باهى

خشت للدار اتوتى فى الحوايج .. لين طلع ايوب من الدوش
لقاها زى متكنطيه

-ايوب / خيره حبيبي
-روقيه / مش قلت بتشرى حوش ثانى
ايوب استغرب وزبط ان فى حاجه….
خدى حوايجه يلبس فيهم …وروقيه طلعت ..
طلع ايوب لقى الفطور واتى …
-ايوب / صباح الخير يا حناى

-سالمه / صباحك بالخير وليدى
-وتلفتت لى روقيه/ نوضى اقلى لى ايوب دحيه
-روقيه مستغربه / اهو الدحى مقلى فى الصحن
-سالمه / لا ديريهاله سخونه
-روقيه/ انا قليته توة ..قاعد سخون
-ايوب بحزم / قعمزى …
وتلفت لى حناه / اللى درتوه بناكله معاكم
-سالمه تحشمت / لااااا غير قلت اديرهالك سخونه الدحيه
-ايوب / يا حناى لا نبى نتعبك ولا نبى نتعبها ..اللى درتوها ناكلوه الثلاثه وخلاص
وتلفت لى روقيه / جيبيلى اميه
-روقيه / اهيا قدامك
-ايوب / لا نبيها من الكوجينه
فهمت روقيه ان ايوب ايوزع فيها ..ناضت اتجيب فى الميه

-ايوب/ حناى خفى عالبنت ?..
-سالمه / شنو انخف عليها ..الحق فيا انا اللى انعلم فيها
-ايوب يضحك/ يا سالمه .يا سلومه..البنيه كانت قايمه باهلها هيا ..يعنى متعلمه كل شى
-سالمه / انا نجرب فيها …نبى نعرفها تعرف ولا كدبو علينا
-ايوب بهدوء/ لا ماكدبوش يا سلومه ..وحتى الدار معش اطقى عليها الصبح
-سالمه تتلكك/ امالا انخليها راقدة والحوش حايس
-ايوب / حوشنا مش حايس .. بالعكس الكل يشهدلك انك انضف مراءة فالشارع ..وبعتالى احنا متعلمين انوضو من الساعه 8 ونص

-سالمه / ليا عام توة انوض من الثمانيه معش ايجينى نوم
-ايوب / زمااااان لما كنت نقرا ممكن ..لكن توة طول ما انا نحدم نطلع الثمانيه ونص نخلى فيك راقدة
-سالمه / فيسع حرشاتك ..ووصلتهولك بالبي والتي
-ايوب/ لا حرشتنى لا شى ..انا فقت بيك لما اطقى …يا حناى هادى حرمتها الوحيدة …ومنبوش نقلقوها فيها
-سالمه / كيف حرمتها الوحيدة . الحوش كلها ليها
-ايوب / هدا مش موضوعى توة
وقام يدها وباسها / انا نبيك تستريحى بس..جبتلك اللى تخدمك واضملك واطيبلك ..لكن غير خليها فى حالها بس …نبوها اديرنا حاجه بالنيه..مانبوش ننغصو فيها
-سالمه /تى ماهو غدوة ادير صغار تقعدلك راقدة للعشرة
-ايوب / لما ادير صغار ساهل بعتالى
-سالمه / وينها قعدت معش جت
-ايوب / لانها تفهم ..عرفت انى نوزع فيها ..ونبيك فى موضوع خصوصى
-سالمه / والبنيه تقعد جيعانه …
وتنادى/ رقيه ..تعالى افطرى يا رقيه الفطور برد
-جت روقيه / هياااا اهو جيت
” لا عرفناها طيبه لا عرفناها حرفه عمتك سالمه?”

-ايوب / وين هدايا حناى يا روقيه
-روقيه / هى شوى اهو تو نجيبهم
-سالمه / تى خليها تفطر … وانت كل شوى منوضها من مكانها
-ايوب / خلاص حكمت حناى ..كملى فطورك وهاتى كيست الهدايا متاعها .. وجيب كيسه هدايا صحابى
-روقيه مبتسمه / حاضر

كملو الفطور وطلع ايوب مشى للمكتب

__________________________________________

–
موسى وزكريا مقعمزين فى المكتب

-موسى/ بتكلمه توة لما يجى
-زكريا / اكيد بنقوله ايوب ..لكن انحس فى الدوة الرسميه مع حسن
-موسى / لكن ماتقدرش اتفوت ايوب
-زكريا / اكيدة ايوب بنقوله هوا الاول منغير تخميم .. انا قلت لامى وتفاهمت معاها …غير نراجى فيه هوا ايروح
-موسى / نحس فيه بيتكنطى مننا ..بيلوم كيف ما قلنالاشى على الشخص اللى خش للمكتب
-زكريا / تى ماهو عارفيينه فالعسل ..قلنا مانبوش انطلعوه منه
-موسى يضحك / يا بخته والله حسدته
-زكريا / وانت شن صار فيك …
-موسى /خلاص لقيت الشقه ..وحتى انا بنخش فالعسل وبتحسدنى ?
-زكريا / نحسد عينك .. ياخوووفى انديرها قبلك وتحسدنى انت ?
-موسى يضحك/ يا راجل كنا فعقولنا ..ايوب شوشنا للزواج
خش ايوب / نسمع فى اسمى
-زكريا / اووووو عريس
-موسى / يا ودى واحنا نقولو المكتب نور
سلمو عليه بالاحضان ..والثلاثه فرحانيين ببعض
وقعمزو عالمكتب
-موسى / يا ودى شكلك فرحان ..تنصحنا نديروها ولاشنو
-ايوب مبتسم / توكلو الزوز ..لكن ننصحكم ما تتزوجوش لين اتحبو ..الحياة الزوجيه عن حب طعمها غير
-زكريا / واااك …وين مكتب المأدون الشرعى معش قادر نصبر انا
قعدو يضحكو الثلاثه ..وعطاهم ايوب هداياهم …

تليفون زكريا شرين .. شاف لقاها ايناس تتصل..تحشم من ايوب ..سكر عليها الخط …

ناض موسى سكر المكتب وقعمز جنب ايوب
-ايوب / خيرك سكرت المكتب
-موسى / نبى نوريك فيديو قصير
-ايوب/ فيديو شنو

زكريا جاته رساله لكن مافتحهاش ..زابطها من ايناس

حط موسى الدى فى دى فى الكمييوتر .. وفتحه وسرع…لحد ما وصل لقطه الشاب اللى كاتب الرقم عالورقه

ايوب انصدم / هدا شكون …وخيرك ما بلغتونيش ..وكيف خش للمكتب انتو وين كنتو
-زكريا / انت عريس وماحبيناش نشغلوك
-موسى/ وبعتالى واضحة الكلمه مكتوب بعد ما يروح ايوب
-ايوب / معناها مراقبين وعارفين انى مسافر ..
وتلفتلهم / فتشتو المكتب وشفتو لو فى ورقه ناقصه

-زكريا / الباين عليهم هادو ناس على مستوى.. الباب مفتوح بالمفتاح منغير تكسير
-موسى / الباين انهم ناس يعرفونا

-ايوب / وكيف درتو
-موسى/ غيرنا المفاتيح متع المكتب كلهم ..وقعدنا انباتو فى المكتب بالتناوب

-ايوب /ونكلم فيكم من برة ..وهدا كله صاير وماتقولوليش
-زكريا / احنا فى توة…انت شن بدير

-ايوب قام تليفونه / بنتصل بالرقم .. ثبت الصورة عالرقم
خداه واتصل بيه …يطلع الرقم غير مستعمل
-ايوب / هادو يلعبو بينا ولا شنو
-موسى / مش عارف …
وشرين تليفون ايوب ..شاف لقاه رقم برايفت …
شبح لصحابه ..وفتح الخط ورد
-ايوب / الو
-الشخص/ الحمدالله عالسلامه
-ايوب بحدر/ الله يسلمك ..من معاى
-الشخص / انا اللى بعتلك الرقم … نتلاقو ساعه فى فندق كورنتيا
-ايوب / وين
-الشخص/ فى قهوة الدور الاول
-ايوب / تم
وسكر الخط …
تلفت لصحابه / هدا شغل دولة ..رقم غير مستعمل ايجيهم منه تنبيه كيف!؟
-موسى/ فقولتك واضح انها دولة ..لان شركة الاتصالات فى ايديهم
-ايوب وقف / سكرو المكتب هيا ..خلى نمشو لى فندق كورنتيا
-موسى / لحظه بس نسكر الدي في دى وندسه
-ايوب / باهى غير سقدنا بس

قام زكريا تليفونه لقى الرساله.. مبعوته من ايناس ..فتحها
مكتوب فيها ” بوى بيعطينى لى ولد عمه ..كلم ايوب قبل ما يردو عليهم غدوة ”

انصدم ..تفاجأ .. يبس …معش عرف يتصرف

-قام راسه / ايوب .. حتى كانا الكلام مش وقته
-ايوب / خيرك ادلل يا زيكو
-زكريا / انا طالب منك اختك على سنه الله ورسوله

قام موسى راسه يشبحلهم …وصار صمت رهييييب
كأن ايوب يخمم بسرعه …

وبعد لحظات

-ايوب / وانا عطيتك … الف مبروك يا بونسيب
-زكريا مشاله حضنه / عارفك ماتردنيش يا رفيق
-ايوب / انت خوى يا زيكو …وين بنلقى نسيب احسن منك
-موسى/ هيا الف مبروك عليكم الزوز .. والخبر هدا يبي زردة حلوة
-زيكو / نزردو وعلى حسابي
-ايوب / تم الكلام …الاسبوع هدا بنرفع العيلة لحوش اماليها
نديرو زردة احنا
-موسى / انزردو بيك يا سلطان ليش لا
-زكريا / خلاص الزردة كلها عليا انا ..تو انكلم الجماعه وانسقو نفس يوم فضوتك يا ايوب
-ايوب / تم متفاهمين .. هيا اطلعو معش وقت
-زكريا / شوف للعويلة ورد عليا
-ايوب / قلتلك عطيتك تم كانش البنيه رفضت … اما باقى العيلع عندى ..انا ندلل على عمى ميلاد وخوتى
-زكريا فرحان / تمام

وطلعو وسكرو المكتب وراهم

_______________________________________

–

مشو للفندق …

خشو الثلاثه للفندق لابسين نضاراتهم الشمسيه وايدورو .. لانهم مايعرفوش شكل الشخص اللى طالبهم
-وقف شخص عالطاولة اليمين وشاور بايده/ ايوب
تلفت ايوب وصحابه ومشوله/ السلام عليكم
-الشخص / وعليكم السلام
وتلفتلهم / معليش بروحك يا ايوب
-ايوب / هادو صحابي وانا ماندرق عليهم فى شى
-موسى حط يده على كتف ايوب/ نراجو فيك عالطاولة الثانيه يا عرفى ..
وغمز لى زكريا / هيا زيكو
مشو قعمزو فى الطاولة الثانيه …
وقعمز ايوب مع الشخص / تفضل
-الشخص/ انا اسمى رافع .. ومبعوث لك من جهه رسميه معينه …مفيش داعى لدكرها
-ايوب / ايييه ..وشن تبى الجهه الرسميه هادى
-رافع / خطف النايب احمد محمود
-ايوب / ليش تبو تخطفوه
-رافع / احنا عندنا اسبابنا .. ومفيش داعى نقولهالك
-ايوب / باهى كيف بيصير
-رافع / انت تخطفه وتسلمه لينا .. واحنا تو نتصرفو فيه وفى اهله
-ايوب / لكن هدا نايب ..والقضيه كبيرة وتبى هلبا
-رافع / يعنى كم تبى ميتين الف 300 الف ..
-ايوب / العمليات هادو.. صاعبات ..وانا منخشش فيهم… لكن لانكم جهه حكوميه واستحقستونى ..مش حنردك
-رافع / يعنى كم تطلب
-ايوب / مليون
-رافع/ لاااا هلبا …لازم اتنقص… واكيد حنفيدوك فى عمليات ثانيه
-ايوب / العمليه هادى تبى منى هلبا رجالة .. ولو انكشفنا ضى ربي ماعاد نشوفه
-رافع / خليهم 700 الف
-ايوب / 800 الف وهدا اخر كلام عندى
وقف رافع / تم
-ايوب / وامتى تبوها العمليه
-رافع / غدوة العصر لازم ايكون النايب فى ايدينا …وانت دير رايك امتى بتنفد
-ايوب / انشالله خير

وودعو بعضهم …وطلع رافع من الفندق ….
وركبو ايوب وصحابه للسيارة وحكالهم اللى صار كله
-موسى / راهى العمليه مش ساهلة
-ايوب / وحتى المبلغ متاعها مش ساهل
-زكريا / تى نحلف عليه رافع ماهو اسمه
-ايوب / وعندك فيها شك هادى

وشرين تليفون ايوب ..روقيه تتصل
-فتح الخط / الووو
-روقيه / حبيبي خيرك عطلت ..عمتى امنه قريب توصل راهو
-غمض عيونه / اوووو نسيتها ..اهو جاى هى
-روقيه / باهى نراجو فيك

وسكر الخط
-موسى يضحك / بدينا فى الاتصالات متع وينك عطلت
-ايوب/ لا والله لا غير امى بتجينا تسلم عليا .. وطارت من بالى
-قرب زكريا / حسن بيجيبها

موسى وايوب يضحكو
-ايوب/ خلاص عاد قلتلك موضوعك عندى يا زيكو
-زكريا / باهى تمام
-ايوب / شن صار فى الحوش اللى وصيتك عليه قبل مانسافر
-زكريا / لقيتلك ثلاثه… شوفهم واللى يعجبك اشريه

-ايوب / باهى كويس
وتلفت لى موسى/ حطنى فى الحوش
-موسى / حاضر
-ايوب / حقه انت شن صار معاك فى موضوعك
-موسى فرحان / بلغت امها انى بنجيب امى يوم الثلاثاء الجاى
-ايوب / ربي يهنيكم ..وكل شى بالبركه
-زكريا / معناها غدوة انكملو شغلنا ..وبعد غدوة نطلعو للزردة ..بيش عالاقل نباتو ليله ونروحو على خاطر موعد موسى
-موسى / ماتربطوش روحكم بيا …عادى نروح وانتو اقعدو
-ايوب / لا لا ..حتى انا منقدرش انغيب اكثر من ليله
قعدو يضحكو موسى وزكريا
-موسى / مش طايق فراقها من اول سنه ..امالا بعد اديرلك صغار كيف بدير
-ايوب / نحطهم فى عيونى ونسكر عليهم
-زكريا / ربي يحفظكم
-ايوب / تو نشوفكم انتو بعدين

وقعدو يضحكو …وحطو ايوب قدام حوشه ومشو
هما مشو ..وحسن درس
خشو هوا وامه وسلمو على زكريا وروقيه
-روقيه / خيرها ايناس ماجتش معاكم
-امنه / عندها امتحان نهايه السمستر غدوة
-روقيه / ربي يعاونها

وقعمزت امنه وهدرزت مع سالمه وروقيه .. واتفقو انهم غدوة ايدخلو روقيه على اماليها ..ولما شاورو ايوب قاللهم غدوة مانفضاش .. خلوها بعد غدوة
واتفقو انها بعد غدوة ايدخلوها على اهلها

حسن وايوب مقعمزين فى المربوعه

-حسن / مراد ولد عمى جاى يخطب فى ايناس ..وغدوة يبو الرد قلت انشاورك
-ايوب تفاجأ/ ايناس اختى انا عاطيها
حسن تفاجأ حتى هوا / لمن ؟
-ايوب / كانا ليا حق حتى انا فى اختى .. انا عاطيها لى زكريا صاحبى من مدة
-حسن/ وخيرك ماقلتش ..عالاقل ليا انا
-ايوب / صراحة متوقغتكمش بتعطوها وهيا قاعدة تقرا
-حسن / مش مشكلة تو نخبر بوى ونرد عليك
-ايوب/ تمام

_____________________________________

ثانى يوم مفروض اينفدو العمليه .

زكريا ماشى فرحان لان ميلاد رد على ايوب وقاله انت خوها الكبير واللى بديره ماشى عليا

بدو فى العمليه فى القايلة … النايب روح لى حوشه بيتغدا
حطو سيارة واقفه فى بداية شارعه اللى ساكن فية
وقف سواق النايب / يا اخ حول ترا سيارتك عالجنبت دشوى …بنفوتو فى الشارع
قام زكريا راسه / حااااضر هى

وفجأة طلعوله مجموعه مسلحة قريب 15 راجل

طوقو المكان وشدو النايب وبخوه بى بخاخ فى وجهه وقاموه
وخلو السواق والمرافقين .. دايخين فى مكانهم بفعل البخاخ

خدو الضخية وسلموه للجهه اللى طلباته …
وروحو وهما ممنونيين

______________________________

–
ثانى يوم …

روقيه لبسولها البدلة الصغىيرة ……
امكيجه ومتكمه ……رافعه معاها الهدايا لخواتها …
خشت عليهمم بكل فرحه …
وايوب خش للمربوعه وتعرف على عدايله احمد ومعاد
سلمت على بوها وعطاته هديته حتى هوا

تعشى معاهم ايوب وطلع …خاطر الزردة متع هوا وصحابه
روح بي حناه وامه قبل
وبعتالى طلع ركب مع زكريا ومشو للاستراحة اللى فى مكان عالى جهه الجبل
دارو شواء وضحكو الليل كله هما وصحابهم ثانيين عازمهم زكريا معاهم …
ورقدو ليله حلوة…

ثانى يوم …
ايوب يبي يركب سيارته بيش ايدير بيها لفه عالمكان العالى
اللى جنب الاستراحه عاليمين
-موسى/ اركب سيارتى يا ايوب واعطينى سيارتك
-ايوب / علاش
-موسى / هكى جت النيه فيها
نزل ايوب وهوا يضحك وقعمز موسى مكانه …
وركب ايوب سيارة موسى ولعها وطلع
وبدو يجرو الزوز ايوب فى سيارة موسى ..وموسى فى سيارة ايوب

فى اماكن مرتفعه لازم اتشدى للسيارة فرينو بيش تبطى
سيارة موسى اللى راكب فيها ايوب تباطئت سرعتها لما شد فرينو …
ويشبح لى موسى خيره يجرى بالسيارة
جى زكريا يجرى من مكانه / شد فرينو يا موسى

وموسى يضرب فى رجله فى الفرينو وشى السيارة ولا قالت نوقف
درس ايوب سيارته / شد الفرينو يا موسى
-زكريا يجرى و اينادى/ موسىىىىىى

واطيح السيارة اللى فيها موسى من المكان المرتفع انقلبت قلبتين والثالثه انقلبت على وجهها واستقرت تحت الجرف المرتفع

وهما اللى مدهول واللى ايعيط …
ومشو يجرو وقفو فى نهايه المكان المتعلى ..يلقو سيارة موسى طايحة تحت

________________________________

تمت ويتبع

موسى??

نحبكم ❤