احفاد الشيطان للكاتبة زهور جمال الدين

#احفاد_الشيطان

?بقلم زهور جمال الدين ?

?الحلقه الخامسه عشر ?

_

فى حوش الحاجه سالمه

كملت حوست الثالث والعرسان روحو للفندق ..

البيت اللى بانينه للعريس المفروض يقعد ليوم الاسبوع منصوب .. هكى العادات والتقاليد

-موسى / يا حناى ايوب بيسافر وعلاش نخلوه منصوب البيت
-عمتك سالمه / شن مزال عاد غير نهدم حوش ولدى بأيدي
-زكريا / باهى لامتى بتخليه منصوب هكى
-الحاجه/ لعند يوم السبوع
-موسى يضحك/ اللى مخليتهوله مسافر.. وعلاش بتخليه
-الحاجه / كانا هوا عقله ناقص نماريه انا
-زكريا / تو يا حاجه …
-قصت عليه / اييييه علينا عاد ..قولو للعمال ايلمو الوسخ اللى فالشارع لكن البيت خلوه منصوب

طلعت امنه من باب الحوش لقت الحاجه والاولاد واقفين مع بعض
-امنه / شنحالكم
-زكريا وموسى / الحمدلله
-امنه / وين حسن …كانا برة نادوهولى
-زكريا مشالها / شن تبى عمتى امنه
-امنه / غير بنطلعو شنطه حوايجى انا وايناس ..كانا حسن ولا حسين هنايا ناديلى واحد منهم
-زكريا / الاولاد لاهيين …هاتى شن تبى نرفعلك
-امنه / اهما فى السقيفه الشناطى الزوز ..طلعهم لى سيارة حسن
-زكريا / حاضر
وخش للشنطه بيطلعها …
-امنه تنادى/ يا ايناس هاتى الساكو اللى فى الدار
قعد زكريا يتلكك بالشوى يبي يشوفها بعد اتجى

جت ايناس قايمه الساكو تفاجئت بى زكريا واقف
-ايناس داسه ابتسامتها / مساء الخير
-زكريا / مساء الخيرات
-ايناس / اهو جبته الساكو يااام

سالمه تنادى من برة / امنه …يا امنه
-طلعت امنه من الباب / نعم يا عمتى سالمه
ومشتلها …

قعدو زكريا وايناس بروحهم … وكل واحد منهم يشبح للثانى ومبتسم …زكريا اتأكد ان ايناس متجاوبه معاه
-قام الشنطه / راجينى الليله ..مش نلقاك راقدة
-ايناس مبتسمه وواطت راسها/ حاضر
وخشت لداخل للصالة …
وخدى هوا الشنطه وطلع برة الباب اينادى/ يا حسن افتح كوفينو السيارة
وطلع حتى موسى وراه وخلو امنه واقفه مع عمتها سالمه فى الجنان
-سالمه / حليلى ..بتروحى وبتخليلى الدنيا حايسه
-امنه / لا كيف يا عمتى سالمه ..هوينا ايناس والبنات لداخل
ايضمو فى الكوجينه ..وانا وباقى نساوين جيرانك انضمو فى الصاله والديار ..وطلعت الشناطى خاطر غير محوسات الدار
-سالمه اتحشمت / لا كيف عاد …عارفاتك انا ماتروحيش لين اتهنينى
“موعرها عمتك سالمه ??”

_______________________________________

–
الساعه 1 فالليل

الاولاد شبه كملو الضمان متع الشارع …
ركبو حسن فى سيارته ..وزكريا وموسى فى السيارة الثانيه
ومشو لى ايوب فى الفندق بيش بيرفعوه للمطار
نزل ايوب زوز شناطى صغار ..وحدة ليه ووحدة لى روقيه ..
حطهم فى سيارة حسن
وركب من الاسانسير بيش ينزل هوا وروقيه …
وبالفعل لقاها جاهزة …نزلو من الاسانسير وركبو مع حسن فى السيارة …
وهيا قايمه تليفونها وتتكلم بالشوى ..تودع فى خواتها وبعتالى عطو التليفون لى بوها سلمت عليه حتى هوا قبل ماتسافر
وصلو ايوب وروقيه للمطار …
خش معاهم حسن باعتبار موسى وزكريا مزال مايعرفوش روقيه وهكى
-حسن يسلم على ايوب / تمشو وتجو بالسلامه انشاءالله
-ايوب سلم عليه بالوجه / صحيت يا غالى والعقبالك انشاء الله نتعبولك فى عرسك
-حسن / تسلم اوخى ..
وتلفت لى روقيه / تمشو وتجو بالسلامه
-ايوب/ روقيه سلمى على خوك حسن
-روقيه متحشمه ومدت يدها / مع السلامه
-حسن سلم عليها / تمشو وتجو بالسلامه انشاءالله

-ايوب / سلملى عالحبش اللى برة
” قصده على موسى وزكريا ?”
-حسن / طريق السلامه انشالله وخى …
ومشو ايوب وروقيه لى صاله الانتضار قعمزو شويا وبعدها ركبو الطيارة …
حسن طلع و ركب سيارته وروح.. ووراه زكريا وموسى
-زكريا / حطنى فى المكتب
-موسى مستغرب / الساعه عشرة ونص فالليل …ليش ماشى للمكتب توة
-زكريا يضحك / عندى مكالمة
– موسى تلفتله مستغرب / مع شكون ?
-زكريا / تو نحكيلك
-موسى / شنو تو نحكيلك ..تى احكى توة يا راجل ?
-زكريا / مزال لين نتاكد قبل
-موسى / باهى يا سيدى تاكد قبل ??

وقعدو يضحكو

-زكريا / راهو بنموت من الجوع بالك نلقو قهوة فاتحه توة ناخدو سندوتشات ولا وجبات
-موسى / نعرف محل ايسكر اماخر.. اهو تو نمشيله
-زكريا / باهى

______________________________________

–

فى حوش عمتك سالمه

امنه بعد ما ضمو لعمتك سالمه الحوسه كلها ..روحت لى حوشها مع ولدها حسين هيا وايناس.. ليها من يوم الاثنين بايته فى العرس وايناس تمشى وتجى
سيف ولد المبروك ولد خو الحاجه جاب حوايجه ويبي يقعد معاها فترة غياب ايوب …
مع ان ايوب وصى موسى وزكريا يباتو مع حناه يوم بيوم …
كل يوم واحد منهم .. بالدور
وخلالها فلوس ما كتب ربي …

ومع ان ايوب مزال ما طارش فى الطيارة..عمتك سالمه شادتها تنقريز
-الحاجه حدود جارتها / هدا اسمه هبال يا سالمه ..وحدى الله ومع تنقرزى وتقولى هكى
-عمتك سالمه / لا هبال لا شى ..مش وقف سوقه السفر توة ..وعارفنى مريضه والله عظامى مخلخلات من البردة
-زهرة جارتها / اما هدا الكدب .. انتى مريضه يا سالمه ..
عيب عليك خلى الولد فى حاله
-سالمه / توة تكدبى فيا فى حوشى يا زهرة..والله والله من قبل العرس وانا فى حالة غير قلت خلى ايتم العرس وبعتالى ساهل
-سيف اينادى / يا حناى ..حناى نبى نخش للكوجينه
-سالمه / تو حتى هدا اللى مخلينهولى غير زايد .. صحاب ايوب ولدى موصيهم ايبدلو عليا كل ليله واحد
– زهرة / اللى من دمك خير يا حاجه حتى قدام الناس
-سالمه / انا عزوز وصحاب ايوب صغارى حتى هما ..شنو قدام الناس هادى
-سيف / شنو نخش يا حناى
-سالمه / خش ولدى ومنو هناك ..كلنا عماتك
-خش سيف / السلام عليكم …ومشى طول للمطبخ
-سالمه / زهرة وين كنتك تجى تدهنى ..ولا ماكلمتيهاش
-زهرة / لا كلمتها تو تجى
-سالمه / الكنون معش يصلح ..المفروض لما تكلماها تجى تجرى على ايديها ورجليها ..لكن معش فى احترام
-زهرة / شنو الكلام اللى تقولى فيه يا سالمه .. المراءة عندها ثلاث صغار ..وراجل .. بالك راهى تعشى فيهم ..ولا واحد من صغارها مفسد حاجه واضم فيها
-سالمه / ايه زيدى زمزكيلها وتو مزال تجى فى ايديك
-حدود / حليل كنتك اللى جاتك عروس.. ياما جايها منك
-سالمه / حاشانى كنتى مرت ولدى نبيها زى بنتى .. وربي ايخليهالي
-حدود /ربي يهديكم لبعض

_____________________________________

–
فى صاله الانتضار
روقيه وايوب مقعمزين جنب بعض…وواضح عليهم عرسان
-تلفتلها / ليش هربتى وخليتينى عامين كاملات
-روقيه تضحك/ لان ربي عنده حكمه ..شنهيا الله اعلم
-ايوب / عندك علم انى مانسيتكش ولا يوم
-روقيه مبتسمه / ولا انا نسيتك حتى يوم ..
وتلفتت وعيونها دمعو / انا ماواجعنى شى الا بوى .. مش متعود على خدمه حد الا خدمتى انا
-مسكلها يدها / رانى منتحملش دموعك
-ابتسمت ومسحتهم / بلحق
-ايوب / عندك شك ..

وبدت الاستعلامات تنادى على رقم رحلتهم
وقفو الزوز .. كل واحد فى يده شنطه فيها سحاب ..يجر فيها وراه …
هيا لابسه بنطلون دجين وجاكيت ثقيل وردى ولابسه حجاب …وهوا لابس بنطلون دجين ودجابوطو ..ومسكره من الصقع …
مشو للممر وحطو شناطيهم بيش يركبو قبلهم للطيارة وقعدو ينتظرو شوى وبعتالى ركبو فى الطيارة
مقعمزين فى كراسى جنب بعض ..روقيه ترعش
-ايوب / خيرك حبيبى
-روقيه / اول مرة نركب طيارة
-ايوب / ماتخافيش …متخوفش راهو
-تضحك / بلحقه
-ايوب / وبعتالى انا جنبك وتخافى
وهيا تضحك

____________________________________

الساعه 2 ونص ليلا

زكريا كمل اكل السندوتشات اللى شروهم هوا وموسى
فالطريق
وساوى الغطاء فى السرير الداخلى اللى دايرينه فى الغرفه الداخليه للمكتب ….
مقعمز عالسرير ..خدى تليفونه وطلع رقم ايناس واتصل …
التليفون ايشرين وهيا زعميتا رازنه وماتبيش اترد من اول تشريين …وبعدها فتحت الخط وردت

-زكريا / الو
-ايناس صوتها رقيق / ايووووه
-زكريا مبتسم / واخيرا سمعت صوتك
وهيا ساكته ومتحشمه

-اتكى عالسرير وتغطى/ سمعينى صوتك … ليا مدة وانا نحاول نوصلك بشتى الطرق
-ايناس بخجل / ومنين تعرفنى بيش تحاول توصلى
-زكريا / اول مرة شفتك بصورة
-ايناس ابتسمت/ايه حقه شن قصه الصورة اللى حكيت عليها
-زكريا مبتسم / اول مرة شوفتك بصورة حاطتها فى ملف .
لقيته فى سيارة خوك ايوب
-ايناس / حى مقدمهم هادوكا الصور
-زكريا / مش قلتلك الواقع احلى من الصورة …
-ايناس / مشكور

وهوا قاعد هايم معاها فى الهاتف / اسمعى يا ايناس انا نحبك …ونبيك زوجتى ..ولو تبى من غدوة انكلم حسن ونبعتلكم امى
هيا صوتها هرب / ااه
-زكريا / قلتلك نحبك يابنت ..ونبيك حلالى .. شن قلتى
-ايناس/ انا نقول تعرف عليا بالك فيا حاجه ماتعجبكش او ماتستريحش
-زكريا قعمز/ انا نبيك كيف ما انتى …بحاجاتك الحلوة …
بعيوبك ..بكل شى فيك …وح ندير فترو خطوبه نقعدو شهرين او ثلاثه ..نتعرفو …لو ماعجبتكش او حسيتى انك ما استريحتيش تقدرى تبطلى
-ايناس/ والله مانى عارفه …باهى احكيلى عليك
-زكريا / تعالى نحكيلك كل شى عليا بالتفصيل

وقعدو ايهدرزو لعند ادان الفجر.. وواضح عليهم القبول لبعضهم الزوز

__________________________________

ثانى يوم …
فى ماليزيا …

ايوب وروقيه وصلو قريب الضهر للفندق … يادوبك حطو شناطيهم وصلو ورقدو طول …

قيس المغرب فاق ايوب …

ناض من مكانه مشى للحمام … غسل وجهه وسنونه ….
وطلع ….رجع رقد ثانى عاليسربر

اتكى ع السرير وروقيه قدامه عاطياته بالضهر
قرب منها … ورقد وراها … وحط يد على كتافها ويد على بطنها …وضمها ليه

فاقت بيه …
ضحكت / ايوبى…اهفت خلينى راقدة
قام رجله اليسار وحطها على رجلها ..وقرب منها اكثر
-ايوب / ترقدى وحبيبك يبيك
-روقيه تضحك / توة احنا مش كنا فى نفس السفرة …يا راجل خيرك ماتتعبش ..
وتضحك/ عينى ما ضرك ..ديما عندك صحة وقوة
-قرب من ودنها ويضحك / قولى ماشاءالله …خير ماتصيبنى عين ونتعب …اقسم بالله تهبلى
-تضحك/ نهبل عينك عالاقل نستريح شوى
يضحك خداها من كتافها ولفتها ليه وهيا مغمضه عيونها / انتى تتكلمى بجديات ولا تبصري ?

-فتحت عيونها وضحكت / اكيدة انبصر فى وحدة تستغنى عن حبيبها …
وحطت ايديها حوالين رقبته وضماته ليها
-حضنها / تعالى
-ناضت من مكانها / شويا بس نغسل وجهى ونجيك ?
-متكى عالسرير ويضحك/ باهى متعطليش انراجى فيك

وقفت لبست الطرف الخارجى لروبها الاحمر اللى لابساته
قعدت شوى فالحمام وطلعت مسحت وجهها ..
وهيا تشبحله وتضحك
وهوا يشبحلها / هي تعالى عااااد .. عطلتى ?
-روقيه / تى باهى ? هما دقيقتين
-ايوب / انا عندى سنتين يا فالحه .. ياسرك دلع تعالى ولا انوض انجيبك
-روقيه ماشيتله/ اهو جيتك..ياناس راجلى الصبر مايعرفاش
وهوا يشبحلها ويضحك …لين وصلت جهه مكانها فى السرير
شدت اللحاف بتقيمه
شده ايوب بايده / لاااا يا حلوة …حولى الطرف الخارجى للروب قبل .. نبيك زى ماكنتى قبل شوى
-روقيه بدلع / ايوووب بلاش شروط ..باهى تو نحوله
-ايوب / لااااا……توة ?
حولاته … وكان روبها الداخلى شفاف بالكامل ….
لابسه تحته كيلوت بس
حط يده على سير الكيلوت من الجنب…..
وجبدها برومنسيه / تعالى
قربت منه وهيا تضحك ….

______________________________________

–
وفاتو اسبوعين ..
يوم 31/12/2013

ايوب وروقيه طلعو من ماليزيا مشو لاندونيسيا ..
وحاليا هما فى مصر ..

مقعمزين فى مطعم يتغدو …..
-روقيه / تصدق قلقت
-ايوب / قلقتى ولا خوفتى من حناى ?
-روقيه / لا والله مش هكى? …حقه غريبه خيرها ما اتصلتش اليوم
-ايوب / ماهو قالتلى امس انها بتمشى تتغدا عند حوش خوها ..وهما ماعندهمش نت
-روقيه / معناها اهو قريب بتروح ..وتبدا فى الاتصال
-ايوب / نقولك حاجه ..تعرفى حناى هادى كان تشد عصا وتضربنى فى الشارع ..انوض ونبوسلها يدها
-روقيه مسكت يده/ ربي يحفظها ليك ويحفظك ليها
-عيونه دمعو/ لعلمك يوما ما كانت هيا ملجئي الوحيد ..
كبيرة فالعمر وتنوض بكرى وتنوضنى للمدرسه واديرلى فطور الصبح …قد ما نكافيها وشوى
-روقيه مبتسمه / حبيبي غير ليش الدموع هادو توة بس
-ايوب / نبيك تفهمى انها حتى لو ضايقاتك تسايريها ..ماهيا الا عزوز كبيرة
-روقيه / من عيونى الزوز .. حبيبى اى حد يحبك انت انا نحبه ..ومستعدة نحطه فوق راسى ..
-ايوب / لما بنروح منشرى حوش على دورين .. بنسكن حناى فالدور الاول وانا وانتى فالدور الثانى
-روقيه / اللى تعرفه صح ديره
-ايوب / قداش نحبك يا بنت
-روقيه /وانا نموت فيك حبيبى..بس بالله عليك خلى نروحو ياسر قلقت
-ايوب / حاضر .. هوا اليوم الكرسمس.. نحضرو الاحتفال ونروحو امتى ماتبى
-روقيه واطت راسها / هوا اليوم عيد ميلادى
-ايوب / بلحق .. وخيرك ماقلتيليش راهو احتفلنا بيه ..كل عام وانتى بالف خير حبيبتى ..العمر كله
-روقيه ?/ نحسابك تعرف
-ايوب / لا لا ومن بيقولى
-روقيه / باهى .. عادى اهو تو نشرو تورته ونروحو بيها للفندق
-ايوب / باهى هي نروحو شوى للفندق ناخد فلوس ونطلعو وين ماتبى .. ماطلعتش معاى هلبا فلوس
-روقيه / باهى ..

طلعو ركبو فى التاكسى الزوز جنب بعضهم من الخلف
-ايوب / لا معندكش حق مفروض قلتيلى على يوم عيد ميلادك الحق
-روقيه / والله نحسابك تعرف ..
وتلفتتله / تعرف احنا بوى ضرورى ايدرنا عيد ميلاد من لما كنا صغار..ضرورى ايجيبلنا تورته وانادو الصغار كلهم
-ايوب/ ربي يحفظه ويطول فى عمره

ونزلو من التاكسى …وخشو للفندق
فتحو الاسانسير وركبو للدور اللى هما ساكنين فيه
خشو من الممر يشبحو فى باب غرفتهم عليه بالونات مربوطه بخيط ورابطينه فى مقبض الباب
-روقيه / هدا شنو
-ايوب / حيه بالك الفندق زبط ان عيد ميلادك اليوم من جواز سفرك
-روقيه وجعتها / يعنى الفندق ادكر وانت لا
مسكها من يدها / غير تعالى نشوفو

ومشو لنهايه الممر وصلو لى غرفتهم
حط الكرت فتح الغرفه وخشو……وفتح تاكو الضى
اتفاجئت ..الغرفه كلها مزينه بالبالونات عاللون البينك والموف … وتورته على دورين فى الوسط ..وحواليها عشى ووشموع …
-ايوب / شن رايك ناسيك ولا مدكرك انا
خشت فرحانه / هدا امتى درته يا شرير…
ومشتله حضناته…قامها من عالارض وقعد ايدور بيها …
والزوز فرحانين ويضحكو ..
-روقيه / ربي مايحرمنى منك ومن دلعك ليا يا عمرى
-ايوب / انتى الكبيدة راهو
طفى ايوب الضى متع الغرفه .. وخلاها على ضى الشموع وقصو التورته ووكلو بعض….

______________________________________

–

فى مكتب ايوب …

موسى مقعمز يتفرج على كاميرة المراقبه الليليه متع المكتب ويحكى فى التليفون

-كنزى/ منحبش نكلمك وانت منتبه لى حاجه ثانيه
-موسى/ مانقدرش حبيبي .. احنا نشوفو فى الكاميرا بالدور
واليوم دورى
-كنزى/ قصدك كل يوم تتفرجو عليها
-ايوب/ طبعا … احنا نروحو الساعه 11 مرات من المكتب ..
ونرجعو 8 ونص .. يعنى كلها ممكن عشر ساعات نديرو نضام تسريع ونشوفو بالك فى حد خش للمكتب
-كنزى / المهم انا نحبك
-موسى/ وانا نموووووت فيك
-كنزى / محلاها الهديه اللى بعتهالى حبيبي .. كلها دووووق الحاجات
-موسى/ اهو بعتناهالك من الوفاق زى ماطلبتى ?
-كنزى/ وديما نبيها هكى حبيبي
-موسى / انا عيونى ليك
-كنزى/ قلت لاهلك على موضوع الخطوبة زى ما قلتلى
-موسى/ لا مزال …
-كنزى / ليش
-موسى/ اندور فى شقه ولا حوش ..نشريه قبل وبعتالى نمشى لى بوك
-كنزى فرحانه / بلحقه حبيبي…
-موسى/ انتى تستاهلى قصر يا روحى …
ويشوف فى شخص فتح الباب وخش …
-موسى / سكرى تو نعاودلك …
وسكر عليها الخط ….
رجع اللقطه شوى…وشاف شخص خش بمفتاح .. مغطى وجهه … خش بخطوات بطيئه …وقف قدام الكاميرا
وقام ورقه..مكتوب فيه “بعد ايروح ايوب قولوله يتصل بالرقم هدا …092550”
وطلع وسكر الباب وراه …
قام التليفون واتصل بى زكريا وقاله تووووة اتجى للمكتب
وبالفعل على جناح السرعه جى زكريا وشاف اللقطه..تناقشو
وقررو انهم ما يبلغوش ايوب مدامه مزاله ثلاث ايام ويروح
بس خدو احتياطهم وبدو يباتو فى شقه العمل بالتناوب

______________________________________

بعد ثلاثه ايام روح ايوب من مصر
يوم 3/1/2014

وصل للمطار .. بنفس الطريقه مشاله حسن روح بيه لى حوش حناه …
سالمه مقعمزة وايوب حاط راسه على ركبتها ومتكى..وهيا تمسدله فى شعره
عمتك سالمه لا تعرفيها زعلانه لا تعرفيها فرحانه
-سالمه / والله صار فيا لما انت مهناش يااوليدى
-روقيه / الف سلامه عليك يا حناى
-سالمه / والله غير كناين الجيران ايجو يمسدو فيا
-روقيه / من اليوم تو نبدا انا ندهنك كل ليله
-سالمه / توة بنتى خشى ديرى امبكبه عشى راجلك
-ايوب حط يده على بطنه / لا لا واكل فى الطيارة الحمدلله
-سالمه / وشنهيا ماكلة الطيارة ..زمان لما مشينا للحج ماهناك ما جابولنا
-روقيه / لا لا تو نطيب هى
وناضت روقيه خشت للجنان بيش تمشى للمطبخ
-ايوب يضحك / تو متعلمين نتعشو فى المبكبكه احنا يا سالمه
-عمتك سالمه /زمان اول حول.. توة انت بديت متجوز وتبى عشا باهى ..مش زى زمان
-ناض قعمز/ انا بنخش نرقد توة .. تعبان ..
-سالمه / والمكرونه لمنو امالا
-ايوب / بالصحه عليك انتى وروقيه ..انا تعبان منرقد
وناض من جنبها شرين تليفونه .. لقاه موسى يتصل .. رد عليه وخش لدار نومه …كمل المكالمه وغير حوايجه واتكى
وسالمه مشت لى روقيه وقالتلها طفى عالطنجرة …
جابت روقيه الزيت وسخناته ودهنت بيه عمتك سالمه وغطتها فى مكانها …
وخشت لدار النوم …لقت ايوب محول تيشيرته وفاتح التلفزيون ومتكى يتفرج
هيا دار 4×5.. وفيها باب على جنب ..دايره ايوب حمام خاص .. دار النوم صينيه فاخره

-روقيه / قاعد مرقدتش
-ايوب مبتسم / نراجى فيك
-روقيه / شوية بس نغير حوايجى ونجيك
خشت للحمام غسلت وتوضت وطلعت صلت العشى وغيرت روب لونه موف وجت لسريرها
قامت اللحاف
-ايوب / تعالى
قعمزت على سريرها وقربت من ايوب حطت راسها على يده وضمها ليه …
-ايوب / ستاحشتك
-روقيه تضحك / اما انت…
-ايوب / غير تعالى …
قربها تحته .. واتكى على ايديه الزوز حاط صدره فوقها ويشبحلها
-ايوب / نحبك
وطقطق باب الدار … استغربو ..قول انخلعو ?
-ايوب / حناى
-سالمه / وينك ايوب افتح
ناض ايوب من عليها لبس تيشيرته .. وناضت هيا لبست بدلة الصلاة
وطلع للباب فتحه مشغول / انشالله خير يا حناى شن فى
-سالمه تلون فى وجهها?/ المنتيز سيف ولد خوى مسكر الحمام مالعشيه والمفتاح رايح..قلت نخش حمامكم وخلاص
-ايوب يضحك فى خاطره/ باهى تعالى خشى يا حاجه
روقيه مقعمزة على كرسى الزيانه متحشمه منها
-سالمه / كنتى تصلى
-روقيه / تعالى ندخلك انا للحمام يا حناى
-سالمه / سامحينى عاد .. بالك تقولى حناى خاشه تفتش فينا ..رانى غير حمامى مسكر
-روقيه اطول منها سالمه خاشه وروقيه وراها ومبتسمه / لا عادى تبى حتى ترجعى بعتالى عادى
-سالمه / لا عاد علاش نقلق فيكم بالك بترقدو .. ولا بتقعدو نايضين ..
روقيه تشبح لى ايوب وتضحك …
خشت عمتك سالمه شوى وطلعت …مشى معاها ايوب وصلها لى مكانها غطاها وطفى الضى وطلع
رجع لى غرفته …لقى روقيه محوله لبسه الصلاه ..هوا خش وهيا قعدت تضحك
-ايوب / نسايروها حناى كبيرة
-روقيه حولت اللحاف ورقدت فمكانها / ماعندكش اى مشكلة يوبى..انا متفهمه الوضع
-جى رقد وراها وضمها ليه / يسلملى المتفهم
-تضحك / امتى بدخلى على اماليا
-ايوب / حقه كلمتيهم
-روقيه / ايه من لما وصلنا للمطار كلمت بوى ومرام
-ايوب / بالنسبه للمشى عند اهلك نسقى مع حناى ..وانا معنديش اى مشكلة
وقرب من ودنها / لكن انك تباتى عندهم لا راهو
-تلفتتله/ لاااا نبى نبات يومين
-ايوب يضحك / هدا ما مزال يومين ..تى والله نحرش حناى شاويش سالمه نخليها تكثر عليك الدوريات كل ليله ??
-قربت منه وحضناته / وراس حبيبي عاد
-ايوب / لا يومين والله ماصارت .. لكن ليله ممكن
-روقيه / نحبك يا قلبى
-حضنها/ انتى الكبيدة راهو ..ومنغيرك معش نعرف نعيش

___________________________________

تمت ….ويتبع

نحبكم ❤