روايات ليبية

رواية نصيبي للكاتبة أروى الطاهر

رواية نصيبي للكاتبة أروى الطاهر

جميع الحقوق محفوظة للكاتبة

نصيبي الحلقه الاولى

هيام:تفتح في الستارات وووه علي ريحة الدار كأنه فيها ناس ميته …نوض يافرخ نووض ياسرك نووم
وانت لاشغله لامشغله ياريتك طلعت زي ولاد حميده نوووض

عزو:انا مهناش معش تنادي عليا?
هيام:نوض نبيك تجيبلي خضره
عزو:نسحابك تقوليلي نوض صلي الجمعه يا امي انتي متنهيش فيا علي الفحشاء والمنكر اطلعي وخليني نرقد ع الاقل حميده تخلي في ولادها يرقدو
هيام:حقير اقسم بالله?نوض يافرخ صغار خوتك جايين بنديرلهم الغدي
عزو:به طيرتي امه النوم

انا عزو??مواليد90 طرف?وشيخ امام جامع اليوم بس فاتتني الجمعه لاني امس صاهر مع الشيخ السديسي والجماعه
بنووتة الشيخ:كذاب
عزو:??ضروري تشوه سمعتي بنت الشيخ ..المهم عندي 4خوت ولاد كلهم متزوجين إلا انا و3خوت بنات 2متزوجين ووحده لا طبعا عائلتنا كويسه وخوتي مشاء الله انا بس سكران صبح وليل الناس كلللهاتعرفني نسكر ومتع جو حبوب وطز فيهم? مش مدورهم بوي حاول معاي هلبا تعب مسكين قريب يسكر في جرتي???انا نعترف اني انسان تافه هلبا وكل شي واخده بي ضحك وهزوه المهم حالتنا الماديه ممتازه بوي عنده ارض كبيييره يزرع فيها خضره ويبيع وعنده معرض سيرات وصفة محلات مأجرهم كان مش بوي راهو خطفته ??? طبعا يلقبو فيا بي ((مالوما))لاني نشبه الفنان الكولومبي مالوما هلباااا عندي وشم في يدي درته لما مشيت تركيا نفس وشم مالوما بزبط عصبي بس جوي حلو ره نموت في حاجه اسمها طرحات نحب العصبان ونحب ال…..خلاص سادكم هكي قريب نقوللكم شن لابس??

روايات بنووتة الشيخ

صفاء:كيف يعني ؟
حياة:شنو كيف يعني ليا سنه نشرح مصح ضهرك
صفاء:اي كيف متغير عليك فهميني
حياة:معش يتصل بيا هلبا ولا عاد يدور فيا زي قبل
صفاء:اهاا هادا في وحده تانيه في راسه ياقلبي سيبيه المعفن هادا الزفت الجامعه كله تجري وراك وانتي شادتيلي في هاالمعفن والله لو انا مش مخطوبه تلقيني مدايره الف واحد
حياة:هههههههه الحمدالله خطبك موسى
صفاء:اهو الباشه قدام الحوش
حياة:اوكي بااي
صفاء:باي

جهاد:الحمد الله علي السلامه
حياة :الله يسلمك ياقلبي
جهاد:وين كنتي حبي
حياة:الجامعه توا كيف روحت
جهاد:اوكي خشي تغدي وتو نحكو
جهاد:تمام

انا حياة مواليد97عندي5خوات كللللهم متزوجات ومعنديش خوت اولاد نحنا نسكنو فوق حوش جدي وحوش جدي حاليا مفيشي حد غير عمي ومرته وصغاره لانه حناي متوفيه وباقي عمامي وعماتي متزوجين وهما قاعدين مع جدي طبعا جدي كبير العيله وكلامه يمشي علي الكل وصاعب بكل ويحب عمي لانه عنده ولد ويكره بابا لانه ربي مرزقاش بولد . ولد عمي يلي يسكن تحتنا اسمه جهاد ياحليلي نموووت فيه ❤️وفي علاقه حاليا انا وياه بس امه و خواته يكرهونا موووت لان انا وخواتي احلا منهم انا اصغر وحده في خواتي واكتر وحده تشبه ماما مواصفاتي قصيره وبييضه عيوني كبار وملونات لونهم رمادي مش سمينه هلبا ومش ضعيف وسط يعني شعري طووويل ومدايره تقويم والتقويم محليني ❤️ومكنتش شايفه روحي ع الناس رغم ان مفيش حد شافني إلا مقال محلاها ويشكر فيا بس في شي مدمرلي حياتي للاسف بابا ??بابا يسكر وسيرته بين الناس كلها سكااار بس والله طيب وميأذي في حد نهائي بنات عمي يلي تحتنا كل شوي يقولولي بنت السكار وانا نتحمل ع خاطر جهاد حبيبي
خواتي كلهم متزوجات ومستريحات الحمد الله وهاذا يكفيني
ماما طول عمرها تحب بابا وتحترم فيه رغم انه يسكر وهوا يموت فيها

جهاد:وين ماشي ياحلو
هبه:طالعه نشري شوي حجات?
جهاد:ديري بالك ع روحك ياعسل
هبه:انشاء الله ياحبوب حتا انت خلي بالك من نفسك
جهاد:شنو لا امتا بنقعدو فيس يابنت خلينا نحكو صوت اليوم
هبه:اوكي يصير خير

جهاد مواليد96عنده3خوات مش متزوجات واخ متجوز طبعا خواته وامه الشر والحقد ينط من عيونهم مواصفاته قصير شوي اسمر شعره مجعد ولونه اسود مفيشي لحيه

هبه تكون بنت جران جهاد وحياة بيناتهم سور بس مواليد98مواصفاتها طويله سمره شعرها وعيونها ع الاسود وحاليا جهاد يبي يكلمها ومش مدور حياة

عبد السلام:شنو حتا الجمعه هادي متبيش تصلي
عزو:فتح الثلاجه واخد عصير …ادعيلي ربي يهدينا
عبد السلام :راك تصلي وتعبد ربي تحساب روحك تعلم امتا بتموت
عزو:هيااا الفرمله العسليه ياعسل طالعه عليك ?
عبد السلام:هههههه خزي عليك ربايه اقلب وجهك من قدامي
عزو:تحشم الحاج??…يتبع

هادي مقدمه يابنات كان في تفاعل وعجبتكم بنكملها

 

تقييم المستخدمون: 3.9 ( 65 أصوات)

1 2 3 4 5 6 7 8 9 10 11 12 13 14 15 16 17 18الصفحة التالية
زر الذهاب إلى الأعلى
error:
إغلاق
إغلاق

عفوا أنتي تستخدمي إضافة Adblock

برجاء تعطيل إضافة Adblock حتي تتمكني من التصفح