رواية اكحيلة

#اكحيلة

??للكاتبه زهور جمال الدين ??

?الحلقه الثالثه عشر ?

سكرت ملاك التليفون وهيا مصدومه فى ردت فعله
مع ان بصراحة ردت فعل سليمان طبيعيه جداً ..
مرات البنت لما تزودها ضرورى من المعاقبه??
مع ان هيا تعتبر مازودتهاش ..تى انتى غير تلقى لايك فالفيس من بنت خالته ولا عمه اديريله نهار مغبر ..فمابالك ملاك تبوها تسكت وتخليه يقعد فالحوش وجايينهم زوز آنسات ..وهيا تعرفهم نوعهم ياخدو فى راحتهم بنات فضيلة وخاصه ايناس ..

المهم ماعلينا ربي يصبرها عالموقف اللى صارلها

سكر اكحيلة الخط بعد ماكان يكلم فى ملاك
ومشى جهه باب الاستراحة خدى مفتاح سيارته ومشى لسيارته بيطلع
-سلطان : وين ماشى ..جماعة الشرق قريب يوصلو
-اكحيلة : استقبلهم انت انا والله ماعندى خلوق
-سلطان : تى خيرك يا راجل شن تقول ..تعالة عاد
-اكحيلة : استقبلهم انت وتغدو وتو نجى
-سلطان : ايح علينا عاد ..درس السيارة وانزل
-اكحيلة: نشم شوية هوا ونجى
-سلطان : خيركم تعاركتو
-اكحيلة: ياراجل جابتهملى اصفار
-سلطان يضحك: تصدق ياراجل حاسدك
-اكحيلة : على شنو يا راجل ..على دمى المحروق
-سلطان : المهم هاك عايش فالدنيا ..مش ميت وانت على وجه الارض
-اكحيلة : غير خلينى نطلع وتو نجى
-سلطان : غير انزل بنحكيلك حاجه
-اكحيلة نزل : احكى شنو هى
-سلطان يضحك : ماهناك حكايات غير نبيك تنزل بس

خشو للاستراحة وقعمزو عالصالون …بعد ربع ساعه خش شاب يخدم عند سلطان بلغه ان السيارات وصلو
فتحو البوابة متع الاستراحة ..بدو سيارات ستيشنات يخشو ورا بعض …
قريب سبع سيارات …نزلو منهم مايقارب 22 شخص
خشو للاستراحة وسط ترحيب من اكحيلة وسلطان
شوية وخش كمال خو ملاك
-اكحيلة : اهلا اهلا بالتريس
-ايوب : اهلا بيكم
-سلطان : اهلا بالدم الجديد نورتو
-ايوب : ماناش جدد..الصنعه نحنا فيها من عمرنا عشر سنين
خشو للصالة الكبيرة وقعمزو فيها كلهم…
-سلطان يوشوش : كمال ولد عمتى بيجى ..فرصتك يا اكحيلة ترطب معاه الامور
-اكحيلة : خوه وين
-سلطان : خالد عنده شغل وبيجى غير فالليل

____________________________

ملاك خشت بحدا البنات …
وجهها مقلوب ..لكن خلت روحها عادية ..البنيات اول مرة يزوروها فى حوشها ..مش معقولة تجبد عليهم
-ايناس: ماشالله حوشكم كبير يا ملاك
-ملاك : ايه الحمدلله ..شوى ونطلعو للصالة نعرفكم على نساوين خوتى ابله زينب وابله مريم
-ايمان : ولما خشينا فى بنوته تبان واقفه فوق البلكونه
-ملاك : هادوكه يا اما سيرين او اميرة بناويت خوى
-ايناس: بالجودة بيهم

وقعدو فالدار يهدرزو على بعض …وجبدولها سيرة سليمان
-ايمان : ماشالله عليه سليمان الباين عليه من خيرة الناس
ملاك حمقت طول??
-ايناس غمزتلها : ياسعد اللى بتكون مراته
-ايمان ضحكت : ربي يهنيك بيه يا ملوكه
-ملاك تفاجئت : انا !!
-ايناس : متخافيش خالتك سليمه من اول يوم دارت الواجب وخبرتنا
-ملاك : خبرتكم بشنو
-ايناس: خبرتنا بالحب اللى بيناتكم
-ملاك : واللهِ.. ريتيها ولا سليمه لسانها مايهفتش
-ايمان: لاااا ياحنه خافت علينا انحطو عليه العين
-ملاك : لا حرااام سليمه اكيدة مش هكى تقصد
-ايناس تضحك : لاااا تقصد هكى واكثرر…وهوا يانارى الباين عليه يحسبلك فى الف حساب لم حوايجه وطلع عدا استراحه صاحبه لما جينا
-ملاك : لااا والله مش حماية حساب..بس هوا قالى هكى الاصول مفروض انا نطلع من الحوش بيش خوات وحيد ياخدو راحتهم
-ايمان : يعنى معترفه انك فى شى بيناتكم يا مجرمه
-ايناس: تى اما مش حاسبلك حساب..على قد ماشدينا فيه المطعم يتغدا معانا رفض
-ملاك بدى وجهها يتخضر ويتصفر : كيف يعنى!!؟؟.. قصدك سليمان ماتغداش معاكم
-ايمان : لا
-ملاك تلفتت لايناس: مش وريتينى صور وسليمان كان معاكم
-ايناس: لا هوا كان جاى لوحيد ابصر شن جايبله لانه ناداه على تركينه …فطلبلهم وحيد طاسة عصير و حلف عليهم يقعدو يشربوه هوا وصاحبه سلطان
-ملاك ?: تصدقو احنا متزاعلين توة
-ايمان : وليش سليمان واللع مايستاهل

ملاك نزل عليها سهم الله ومعش زادت حتى كلمه ..تتصل بالرقم الخاص اللى دايره سليمان ليها ومفيش اجابه ….
التليفون قعد فالسيارة لما هوا نزل ..وكل مكالماتها ماشافهمش وهوا لاهى مع الضيفان داخل الاستراحة
وعاودت اتصلت بكل ارقامه الثانية اللى عندها تلقى فيهم مقفلات

____________________________

طلعت ملاك للصالة ..لقت زينب مرت خوها مقعمزة …
-ملاك : كيف حالك ابلة زينب
-وينب: اهلا ملوكه ..بخير الحمدلله ..كيف حالك انتى
-ملاك : الحمدلله ..
-زينب : امالا وين سليمه مش مبينه ليها يومين
-ملاك : خالتى فضيلة اللى تسكن فى بنغازى جاية هنايا..وهيا ماشيهةبايته عندها
-زينب : وانتى خيرك مامشيتيلهاش وسلمتى عليها
-ملاك : هيا قاعدة عند اقاربها..والحق مقدرتش نمشيلها عويلة وعندهم اولاد
-زينب : لاااا معاك حق
-ملاك : لكن بناتها عندى هنايا فى دارى وحابة نعرفهم عليكم
-زينب: بالجودة بيهم .. ناديهم وينهم ..وتو نقول لسالمة ادير عشى
-ملاك : لا تو نكلمها ادير شاهى ..وعشى تو نشرو من برة وخلاص
-زينب : باهى على كيفكم…
وخشت ملاك كلمت بنات خالتها انهم يجهزو نفسهم بيش يطلعو للصالة
وبالفعل ساوو البنات مكياجهم .. وملابسهم ..وحطو حجابهم على خشت حد
وطلعو للصالة لقو زينب واميرة …سلمو عليهم وقعمزو وزينب تنشد على امهم وعالحال والاحوال
-زينب : انا امكم الحق منعرفهاش .. غير السنوات الاخيرة ملاك تقول نمشى لخالتى فى بنغازى
-ايمان : نحنا من زمان خاطرنا نتعرفو عليكم ..عشان ملاك مش مبطله حكايا عنكم
نزلت سيرين من الدور الثانى لقت الضيوف قعدت تسلم عليهم وقعمزت ..
ووراها طول نزلت مريم وسلمت ..وعرفتهم ملاك بيهم ..
-مريم : وهيا امكم خيرها ماجتش معاكم ..وين قاعدة توة
-ايمان : قصه طويلة
-زينب: انشالله خير
-ايمان : يا حنه امى كانت متزوجه قبل ما تاخد باتي …و عندنا اخ من امى اكبر مننا ..وجايين نزورو فيه
-مريم : خوكم متزوج وجايين عنده
-ايناس: لا خوى عزابى واحنا جايين بيتهم نتعرفو عليه
-اميرة : ليش تتعرفو عليه ..انتو ماتعرفوشى زمان
-ايناس: لا الحقيقه مانعرفوشى
-سيرين : وكيف امك صبرت ان بناتها مايشوفوش خوهم
-ايمان : لان هيا نفسها ماشافتاش وماتعرفش انه حى
-مريم : كيف الكلام هدا ..مافهمنا منكم شى
-ايناس: امى طول السنين هادى تحساب خوى وحيد ميت .. ولكن الحمدلله طلع حى ..وبوه هوا اللى بعت لامى وقاللها ولدك حى وتعالى شوفيه
-سيرين ركزت فى اسم وحيد : معليش خوكم شن لقبه ..اسمه وحيد منو ؟؟!
-ايناس: وحيد ميلاد ..
-سيرين انصدمت : انتو خوات وحيد ؟؟؟!!!
-ايمان : تعرفيه
-سيرين : ابيض شوى وعيونه سود وشعره مش ناعم هلبا ..وسيارته مرسيدس رصاصى
-ايناس: هوووا هدا خوى وحيد
-سيرين تضحك : حيه عالدنيا مصغرها…صار انتو خوات وحيد سعيد ميلاد
-ايمان : بالزبط
-وقفت زينب ووجهت صبعها للبنات : قصدكم…انتو ..بنات فضيله اللى كانت مرت سعيد ميلاد ..
وتلفتت لمريم …وقفت مريم على طولها مصدومه
-مريم : انتو بنات فاضيلة …هيا وين توة ..مش قالو اتزوجت
-ايمان : ايه نعم اتزوجت وباتى مات من اربع سنوات
-مريم : صدقتى يا سيرين ..سبحان الله الدنيا مصغرها …وجى فى بالها طول اكحيلة
جابت سالمه الشاهى ..وخشت اميرة جابت معاها الحلويات …
وحطتهم للطاولة …
-زينب : عن ادنكم
وتلفتت ركبت من الدروج منغير ماتراجى رد حد فيهم
-مريم مشت تجرى وراها: حتى انا نستادنكم شوى ..تو نرجع هى
-سيرين : خيرهم ..شنو العيلة الكئيبه هادى..
وتلفتت لملاك : وبعتالى انتى خيرك مهبيه هكى

_______________________________

زينب ركبت من الدروج وتوجهت فالممر جهة شقتها …
ومريم لحقتها طول …فتحت زينب الباب وخشت ولقت مريم خاشه وراها
-مريم ?: مازالت حية
-زينب : مش قالونا ماتت
-مريم : سبحان الله مطول عمرها وشن طلعها بعد هالسنين
-زينب : ريتى ..تاريتها خالة ملاك اللى فى بنغازى هيا هيا نفسها فضيلة واحنا مكناش رابطين الاحداث
-مريم : زعما كمال عنده علم بيها وبانها عايشة
فى بنغازى والا لا
-زينب : وانا وين ندرى على بلاه ..ماطفشتها زمان لين كرهت حياتى
-مريم : كمال كانا ماوقفش فى وجهه خاله اللى هوا بوك راهو خداها …
-زينب: ياخووووفى توة ترجع لكمال زى زمان عشان تقهرنى بعد العمل اللى داره فيها بوى زمان
-مريم : ياودى ماضنى كمال كبر ..وهالامور معدش تغريه
-زينب : والله مانى عارفه يا مريم ..
ورجعت بيها الداكرة لاكثر من 15 سنه وبدت تتخايل وتدكر
-زينب : يابوى يبي يتزوجها عليا
-محمد الشيبانى : وراس بنتى مدامه بوك حى ماتجى عليك مراءة وتقهرك
-زينب : خلى سلطان خوى يمشيلها ويهددها
-محمد : شنو هبلت انا نحط ولدى سلطان فالصورة
..وهوا مزال صغير وميعرفش كيف يتصرف
-زينب : باهى وشن بدير انت
-محمد : انا تصرفت وخلاص…وبعتلها ناس يهددوخوها صالح لو ما مشتش من طريق كمال .. بنبدا فل تسوئ السمعه
-زينب : ابدى فى تسوئ سمعتها ماتراجيش ..
-محمد : القصه مش فالبنت ..كانك عليها هيا ماتبيشى ولا تبى تشوف وجهه اصلا …القصه فى كمال ولد اختى اللى شادها فل جرتها
-زينب : والله والله كانةمابعدت عن طريق كمال مانخلى حياتها الا نار حمراء
وتزيد تدكر كيف بعتت هيا ناس وحرقو حوش صالح خو فضيلة ..لانها قاعدة معاه …
وتدكر فى شغل العصابات والتهديد القوى اللى كانت تبعت فيه لفضيلة ..لحد ماسمعو انها تزوجت …ف هدو هيا وبوها ومعش كلموها
اما كمال قعد عام حزين بعد ما واجهه خالها يا خدمته معاه يا بنته وهوا يختار

_____________________

-سيرين : وانتى خيرك مهبيه وسارحة يا ملاك
-ملاك : لا عادى مافيا شى
-ايناس تبصر: بالك خصومه عادية مع الحب❤
-ملاك فنصت فيها : خصومه شنو
-سيرين : منك نسمع ..اول مرة نسمع ان ملاك تحب
-ايناس فهمتها : نبصرو ولا البصارة حرمت

سيرين فهمت ان ملاك وسليمان متزاعلين …
وبدى دماغها يفكر ويخمم كيف ادير حفرة وتكبرها بين ملاك واكحيلة
صبو الشاهى وحطو الكيك وبدو يشربو …
وناضت سيرين خشت للمطبخ واشرت لملاك تجيها
استادنت منهم ملاك وقعدو البنات واميرة يهدرزو

-خشت ملاك للمطبخ : نعم سيرين
-سيرين : خيركم مادرتوش عشى ولا بتجيبو من برةة
-ملاك : وصيت خوى منير بيشرينا عشى من برة وبيبعتهولنا
-سيرين : والله احسن مادرتى .. انا والله ايديا امربطات مانقدر حتى نطلع ولا نسوق
-ملاك : علاش خيرك
-سيرين : ياحنه البنات لما دمرو اسم وحيد خطرو عليا خوه
-ملاك : من خوه !!؟
-سيرين : عنده خوه اسمه سليمان
-ملاك خايفه من الخبر: خيره
-سيرين : يا حنه السنه اللى فاتت كانت عنده علاقه بوحدة صاحبتى
-ملاك مصدومه : والله
-سيرين : وراسك انتى يا غاليه
-ملاك : وتوة قاعد يكلم فيها
-سيرين : توة يهدد فيها ..وبكرى كلمها قاللها متعارك مع حبيبتى ونبيك تجينى للاستراحة
ملاك عيونها طول دموعو ..وتلفتت تبيش ملاك تلاحظها …
سيرين : قالتلى هكى مدرهلى كبدى كل مايتعارك مع حبيبته يكلمنى انا يقولى تعالى غيريلى جوى
-ملاك متلفته : معقولة
-سيرين : ايه قاللها توة انا متعارك معاها ..غيريلى جوى وبعتالى تو نرضاها …
-ملاك : اهاا ..وطلعت وخلتها فالمطبخ
سيرين فى خاطرها : شنو هالتلكليك اللى لكلكته ليها …شنو متعارك مع صاحبتى وغيريلى جوى ??
وتضحك : المهم هيا مستحيل تزبط انى ناويتها هيا لانها متبيش تقول قدامى سرها …تو نوريك يا ملاك كانا خديتيه

مشت ملاك للجنان تبى تكلم خوها منير يستعجللهم بالعشى ..
وفالصالة شرين تليفون اميرة
-ردت : الووو
-سلطان : وين امك نبيها
-اميرة : امى فوق يا خالى
-سلطان : قولليلها حطى تليفونك فالتغطيه نبيك
بدت سيرين من المطبخ تنادى: ايمااان ..يا ايمان
سلطان سمع الاسم ….
-سلطان : قوتلك
-اميرة : نعم يا خالى
-سلطان : منو ايمان هادى اللى فى جنبك
-اميرة : ايمان بنت خالت ملاك
-سلطان : اسمعى باهى منغير ماتلفتى نضر حد ..ترا اعطيهالى
-اميرة مستغربه وفى خاطرها منين يعرفها ..وردت عليه : حاضر
ونزلت التليفون ومشت للمطبخ لقت ايمان وسيرين ..ومعاهم ايناس يحركو فى نسكافيه
-اميرة : ايمان ترا لحظه
-ايمان : انا ..
-اميرة : ايه تعالى
وطلعت اميرة من المطبخ ووراها ايمان
-تلفتت اميرة لايمان مدتلها التليفون : يبيك خالى
-ايمان: منو خالك
-اميرة حركت كتافها باستعجاب: خالى سلطان !!
-ايمان : سلطااان ??!!
وخدت من اميرة التليفون.. ومشت اميرة وخلتها
-ايمان : الووو
-سلطان : يا اهلين وسهلين
-ايمان : اهلا بيك اخ سلطان
-سلطان : ممكن تناديلى باسمى طول منغير رسميات
-ايمان تضحك : حاضر
-سلطان : كيف حالك
-ايمان بخجل : الحمدلله
-سلطان : انا منحبش نلف وندور ..وحاب نتعرف عليك اكثر ..ممكن تعطينى رقمك
-ايمان : حاضر …
وملت عليه الربم وكتبه…
-سلطان : تمام توة انا مشغول هلباااا مع اكحيلة …عندنا ضيوف من الشرق واول مانفضى نحكو…شن رايك
-ايمان : تمام …انشالله
وسكرو الخط …
واتصل برقم اخته زينب يسأل فيها على كمال خيره عطل ..لان تليفوناته كلها خارج التغطيه

____________________________

مشى سلطان للاجتماع

طبعا هما مازالو مابدوش …
قعمز سلطان جنب ايوب وقعدو يهدرزو
-ايوب : احنا جينا اليوم على سبي الممر
-سلطان : خيره الممر
-ايوب : مش معقولة كل واحد فيكم ياخده شهر كامل …
-سلطان : امالا قداش تبو …
-ايوب : واجد علينا هكى وانتو اكثركم من الجهه الغربيه …نحنا جهه الشرق ثلاثه انفار بس .. تكمل مدتنا اتم البضاعه بسرعه ويغلى السعر …
-سلطان : فهمت عليك
-ايوب : تعبنا يا راجل
-سلطان : تبى الحق تفكير سليم
-ايوب : مفروض كل واحد فينا يا خده 15 يوم ..والجهه الشرقيه يعطونا شهرين اضافيات عشان نحنا اقل منكم
-سلطان : ياودى هادى ماضنى
-ايوب تلفت لاكحيلة : انا عارف ان اكحيلة ايأثر فى قراراتهم ..ونبى نخبره حتى هوا ..بس حبيت نقنعك انت الاول بيش لما نكلمه توقف معاى
-سلطان : انشالله خير
-ايوب : وعمى كمال كنه ماجا
-سلطان : تو يجى …تبيه فى حاجه انت
-ايوب : والله عندنا موضوع معاه
-سلطان : موضوع خصوصى يعنى
-ايوب : الكلام بينى وبينك ..احنا جايينه خطابين
-سلطان بدى وجهه احمر : اهاا
وعلى طول خطرت عليه ملاك وخطر عليه سليمان ..وياااااعملة…استادن من ايوب ومشى طول لسليمان
-سلطان : ترا شويا يا اكحيلة
-اكحيلة مقعمز جنب شيبانى يتناقشو : عن ادنك شوى نشوف سلطان ونجيك
-الشيبانى: ادنك معاك خوى
وناضو الزوز ..وطلعو برة الاستراحة
-سلطان : الجماعه جايين خطابين
ويشوفو فى سيارة كمال خاشه للاستراحة
-اكخيلة : خطابين لمنو
-سلطان : جايين لكمال يخطبو ..تخافهم جايبن لاخته
-سليمان انصدم : شن تقول انت !!
-سلطان : اللى سمعته …المشكلة لو طلعت هيا وخطبو هما قبلك بيعطيهم كمال فالاكيد لانهم صحابه واعزاز عليه …وبعتالى كيف بترقعها انت ..والله كمال ماعاد يقدر يرجع فكلمته
نزل كمال من السيارة وجى جهة سلطان واكخيلة
-كمال : السلام عليكم
-اكحيلة وسلطان : وعليكم السلام
-سلطان : وينك من بكرى وانا نراجى
-كمال : حتى ونيس من بكرى يتصل ومارديتش لين كملت اللى فيدى
-سلطان : ايه من بكرى يسألو عليك
-كمال : انا مفهمتش باعتلى رسالة كاتبلى تعالى ضرورة نبيك فى موضوع شغل وموضوع عائلى
شبح سلطان لاكحيله ..اللى ركباته ناااار من الكلمه
-كمال : عن ادنكم وجى خاش للاستراحة
-اكحيلة : ممكن لحظه خوى كمال
-تلفتله كمال : نعم يا اكحيلة
-اكحيلة : لو فاضيين الخميس نبى نبعتلكم بوى يخطب
-كمال مستغرب : بوووك …بيخطب مننا احنا
-اكحيلة : ايه بيخطب ليا انا
-كمال شبح لسلطان ..وبعتالى تلفت لسليمان : وعلى منو الكلام
-اكحيلة : على اختكم بنت حمد عبدالعاطى
-كمال: والله شن بنقولك ..نشاورها ونشاور خوتهت واللى بيقهولوهولى هما وياها بيتم
-اكحيلة: لاااا حقها وحقكم …
-كمال مصدوم : انشالله خير
وخشو للاجتماع ….وقعدو يتناقشو والاصوات تعلى بين مؤيد ومعارض ….

______________________________

طبعا فالحوش منحكيلكمش على ملاك واللى صاير فيها من كلمه سيرين
جابو العشى وتعشو وملاك ماقدرت تحط حاجه فى فمها …
وجى وحيد وروح بخواته …
وروحو كمال وخالد من الاجتماع الساعه 12 فالليل
نادى كمال ملاك …
وحضر خوته خالد ومنير ….
-كمال : صلو عالنبي يا جماعه
-الجميع : عليه الصلاة والسلام
-كمال : جو ناس خطبو ملاك منى
-ملاك مصدومه : اناااا
-منير : ومنهما الناس هادو
-كمال : هما عيلتين …
-خالد : اختصر يا كمال منو اللى جاك يخطب
-كمال : العيلة الاولة عيلة ونيس ..تعرفوهم اللى من الشرق …والعيلة الثانيه من هنايا
-ملاك مصدومه : انا مزال مانبيش نتزوج
-خالد : غير راجى والعيلة اللى من هنايا منهما
-كمال : اكحيلة
وعم صمت رهيب كلهم انصدمو .. وملاااك فرحت ..
وينوض خوها خالد يا كبدى الشيح والريح
-خالد : مزال غير اكحيلة ماناسبتاش …والله مايرفعها كان يوقف على راسه
-منير : وخيره اكخيلة ..عالاقل نستفادو منه يا راجل
-خالد : انا قلت والله مايرفعها
-كمال : حتى انا تعرفينى ديما معاديه ..لكن مافيهاش باس كانا عطيته اختى وبدينا صفحه جديدة
وملاك مصدومه على فرحانه على كل المشاعر تخلطت
-خالد : انا قلت لا يعنى لا
وتلفت لملاك ووجه صبعه عليها : انتى تختارى وتوة توة ..انا ولا هوا
-ملاك بدت تبكى : خلى خوى كمال هوا اللى يتكلم
يانارى ماتبيش ترفص اكخيلة
-خالد : لو عطاك خوك كمال لازم تختارى بديا انا يا هوا
-ملاك : انت ليش ادير هكى يا خالد
-خالد : اختارى انا ولا هوا
-ملاك تبكى وغمضت عيونها : اخترتك انت يا خالد

قام خالد تليفونه واتصل باكخيلة

-سليمان : اهلا خالد
-خالد : اهلا اكحيلة شن حالك
-سليمان : تمام
-خالد : والله بخصوص الموضوع اللى كلمت عليه خوى كمال بكرى..الحق شاور البنيه وهيا مازالت ماعندهاش نيه وتبى تقرا
-سليمان مصدوم : على راحتها
وسكرو الخط …
-ملاك بكل صدمه وعنفوان : حتى الموضوع الثانى سكره يا كمال
وخشت لدارها ..وانحدفت عالسرير وبدت تبكى

_________________________

تمت …ويتبع

توة الموضوع خش فالخطوبة …زعما كيف بيصير
مع ان خالد رفض …
.
.
#
نحبكم ❤