رواية اكحيلة

#اكحيلة

??للكاتبه زهور جمال الدين ??

??الحلقه الثانية عشر☘?

فضيلة واقفه فالدروج

-تنادى: يا ايناس …ايمان ..تعالو فوق
-ايناس: نعم ياماما
-فضيلة : هيا تعالو فوق دار خوكم
-ايمان تضحك وتكلم فى ايناس : قصدكم محتجزين احنا فوق ولا كيف
-وحيد : ممكن الباين هكى
-ايمان : باهى ياماما شويا ونجو
-ايناس متلفته لوحيد : تى نبو نطلعو للجنينه متعكم ماشالله حوشكم كبير
-ايمان تتنحنح : احم هوا منو الشخص اللى جى توة يا وحيد.. قاعد مع خوك فالجنينه نخافو نضايقوهم
-وحيد : هدا سلطان صاحب اكحيلة
-ايناس: اكحيلة!!..منهوا اكحيلة
-وحيد : خوى سليمان ملقبينه جماعه بوى اكحيلة ومشت فيه
-ايمان تتنحنح ثانى : احم قتلك وشن يخدم سلطان
-وحيد : يخدم فالتجارة مع اكحيلة ..ماسك محلات بوه
-ايمان : اهاا …تعاله جاى وحضرت جنابك انت شن تخدم يا فالح
-وحيد : نخدم فى اكل ومرعى وقلت صنعه
-ايمان : ومن يصرف عليك
-وحيد : بوى وخوى
-ايناس: صحة لك نفس نضامى ..خى اختك ?
-ايمان : انا مستحيل نقعد بلا خدمه نموووت كنهدا
خش اكحيلة …ماشى بيركب فى الدروج
-وحيد : شنو طالع
-اكحيلة: ماشى مع سلطان لاستراحته وبنبات غادى
ركب اكحيلة فوق لداره
-ايناس: غريبه كنها ملاك ماتصلت بينا ..زعما امى ماقالتلهاش ان البنات جايات

______________________________

سليمان فى داره كلم ملاك

-اكحيلة : الو
-ملاك فوق النفس: ايووةة
-اكحيلة فاتح الولاب ايطلع فحوايجه : اهو طالع ماشى مع سلطان لاستراحته..ارتاحى توة
-ملاك تضحك : ايه هدا وين بنرتاح انا
-سليمان : باهى الحمدلله اللى ضحكتى
-ملاك : مش تزعل منى عاد
-اكحيلة طلع التوته متعه من الدولاب : لااااولو ..انا بنزعل منك ..لكن احسبيها تطليعتى من الحوش هادى..وطلباتك كلها كانت اوامر
-ملاك : سلملى اللى ينفد فالاوامر??
-اكحيلة: بيش مرة ثانية لما يصيرنا موقف ..ونؤمرك انا بحاجه تنفدى طول
-ملاك : وانا من امتى نعارض فيك
-اكخيلة : تو نشبحو من اليوم
-ملاك : باهى اسمع بنقولك حاجه
-اكخيلة : نعم نسمع فيك
-ملاك : مش يغرك سلطان وتتشيطنو فى استراحته وتجيبو معاكم حد
-اكحيلة : حد زى منو يا همى ..انا نمشى ننتحر وخلاص
-ملاك : قصدك زعلت منى
-اكخيلة وقف وسكر الدولاب: لا والله مانى زعلان ..بالعكس سعيد جدا بغيرتك ..انا لعلمك اول مرة نجربه الشعور هدا يا ملاك ..محلاها لما تلاقى بنت تغير عليك وتوصل لدرجه تبكى
-ملاك : وانا والله اول مرة نجربه الشعور هدا ..تاريته الغيرة ناااار
-اكحيلة : عندك علم ان غيرتك حلوة
-ملاك : لكن اتعب وتزيد الشك …واااك بكرى وانا نتخيل فيك مقعمز جنبهم وتضحكو …ناااار والعه فى قلبي
-اكحيلة : بعيد سو عليه هالقلب الطيب
-ملاك : خلاص معش تروح بكل
-اكحيلة : وملابسى وامورى الخاصه
-ملاك : مدخليش اشري من جديد
-اكحيلة : حاضر انت تؤمر يا غالي عليا
وضحكو الزوز
-اكحيلة : اسمعى اليوم بنسهرو مع بعض راهو
-ملاك : لا لا فكنى معاك سلطان
-اكحيلة : لعلمك انا سلطان فاقشها معاه وديما نحكيله عليك
-ملاك? : حيه علياااا..علاااش تحكيله تو يهزا على خوتى ويقول اختهم تكلم
-اكحيلة : شنو انتى شادتها جو مع كل واحد بيش يهزا عليك ..عارفك تكلمى فيا انا بس ..وهوا عارف ان نيتى معاك الحلال…تى باهى شن رايك انه حاسدنا ويقولى فيها راهو..يتمنى يحصل وحدة تحبه ويهتم بيها زينى انا وياك
-ملاك : المهم رد بالك ماتحكيلاش كل شى
-اكحيلة : شنو انا مهبول نكسر بيك اللوز ..انتى مرتى راهو..معناها خط احمر
-ملاك فرحانه : باهى يا زوزى
-اكحيلة : ايه زيدى اهزى باهى تو يبانلك
وهيا تضحك
-اكحيلة : خلاص سكرى توة خلى ننزل …اول مانوصل للاستراحه تو نكلمك
-ملاك : اسمع عندك دقيقتين وتكلمنى تقولى اهو انا فالسيارة …اما تنزل وتبدا تهدرز وتودع لا
-اكحيلة يضحك : اما انتى ..مفيش نفس
-ملاك : قطرة هوا ماتشمهاش فالحوش مدامه معبى بنات
-اكحيلة : محلااااك …هبلتينى راهو
-ملاك : بديت نعد فيهم انا الدقيقتين راهو …
-اكحيلة : باهى شن رايك نخلو الخط مفتوح وتقعدى عالخط
-ملاك تضحك : ايكون افضل ?
-سليمان : والله مانى مسكرة ..عدى حتى خطواتى هى
-ملاك : الحمدلله انت اللى قلت مش انا ??
-سليمان : تى انتى تكرمى …هى باى خلى ننزلى..خليك عالخط بنحط التليفون فى جيبي
-ملاك : باهى

ونزل سليمان للصالة …وفات طول للجنان ..لقى سلطان قاعد يراجى فيه برة ركب معاه السيارة وطلعو

_________________________

ومشى اكحيلة مع سلطان لاستراحته
وقعد ساهر مع ملاك طول الليل هدرزة وخلاص
وملاك امأجلة موضوع الهدرزة فى شغله وخدمته مرة ثانية عشان يكمل حكايه خوه قبل والام اللى طلعته والخوات

اما فى حوش سعيد البنات حايرات ليش ملاك ماكلمتهمش
-ايمان : غريبه ملاك ماكلمتناش
-ايناس : شفتك خالتك سليمه مفلحها زقبت كلمت ملاك تحب سليمان هيا الاولة خايفه وحدة مننا تحط عليه العين
-ايمان تضحك : حتى انا لاحظتها
-ايناس : مالااك عزوز فالحه
-ايمان : انشالله ربي يهنيها بيه ملاك تستاهل كل خير
-ايناس : بكرة كان ماكلمتنا هيا ..حنكلموها نحنا
وحطو راسهم ورقدو
.
.
.
سليمه تهدرز على فضيله
-فضيلة : والله مانقعد فى حوش فيه سعيد كان تطبق السمى عالوطى ..غير اليوم قلت فيها خيرة البنات كيف واصلات وبيتعرفن على خوهن
-سليمه : ايه امالا شنو ..اشرطى علة ولدك كانا يبيك تقعدى فطرابلس يديرلك حوش بروحك
-فضيلة : ياودى انا نرد بنغازى ونرفع ولدى معاى
-سليمه : شن تحكى انتى خوه سليمان روحه متعلقه فيه ياودى ماضنى يقدر يخليه يفارقه
-فصيلة : الصباح رباح ولكل حادث حديث

____________________________

الصبح فاقو البنات هما وخوهم وفطرو
وكلمو ملاك ولامو عليها عشان ماتصلتش بيهم
-ملاك : الكدب حرام والله سمعت بجيتكم لكن تخشمت نكلمكم قلت خليهم مع خوهم اول مرة تشبحوه وانا لاحقه نشوفكم
-ايمان : مادخلناش فيك اليوم لازم انتلاقو
-ملاك : خلاص تعالو عندى انتو
-ايمان : لا خوى وحيد عازمنا عالغدا فى مطعم تعالىى نتلاقو ونتغدو مع بعض
-ملاك عجبتها الفكرة : خلاص خلى نشوف برنامجى وكان قدرت نجيكم
-ايمان : تمام ..عاوديلى شن تقررى ..
-ملاك : تم

______________________________

اتصلت ملاك بسليمان تشاور فيه عالطلعه
-اكحيلة : نعم نعم … اول مرة بتتعرفى على خوى وحيد تتلاقى معاه فى مطعم
-ملاك : وشنو فيها حبيبي ..عادى معانا البنات
-اكخيلة : تى انا عزمونى وعلى خاطرك مابيتش نمشى
-ملاك : شنوووو…امالا تبى تمشى وتقعمز معاهم فالمطعم …غير احلم
-اكحيلة : خلاص لا انا ولا انتى
-ملاك: ليش بس حبيبي والله خاطرى نطلع معاهم
-اكخيلة : قلنا لا يعنى لا

وبالفعل ملاك كلمت ايمان واعتدرت منها ..ولكن تفاهمو ان وحيد يحطهم عندها بعد الطلعه

____________________________

طلعو للمطعم ..ووخيد معنداش هداكه المبلغ الكبير اللى ينغنغ بيه خواته فالطلعه
اتصل بسليمان
-وحيد : تى وينك يا كاصه الغدى قريب يجى
-اكخيلة : اهو قريب نوصلك ..اطلع انت خودهم منى الفلوس
-وحيد : بايخه نطلع ونخليهم بروحهم البنات ..خش انت واعطيهملى
-اكخيلة : معاى سلطان
-وحيد : عادى سلطان مش برانى
.
.
وبالفعل وصل سليمان المطعم وركب هوا وسلطان للدور الثانى لقو وحيد هوا وخواته
سلطان يدور فى ايمان بعيونه
-سليمان : مساء الخير
-البنات ووحيد : مساء النور
-سلطان تلفت لايمان : كيف الحال
-ايمان بخجل: تمام الحمد لله
-اكخيلة : تعالى شوى وحيد
وقعد سلطان واقف
مشو على جنب شوى عطاه الفلوس
ورجعو للطاولة
-اكخيلة : يلا نستادنو منكم احنا
-ايناس: واللع ماصارت بعد وصلتو تغدو معانا عالاقل
-اكخيلة : لا صحتين
-سلطان يتلكك : خلينا شوى خاطرنا فى عصير
-اكحيلة : ورانا شغل يا راجل
-وحيد : غير قعمز شوى مدام عرضنالك والله ماك ماشى
-اكخيلة : باهى طاسه عصير غير سقدو بيها بس
وطلبو العصير
وسلطان هايم فى ايمان وايمان هايمه فى سلطان
-سلطان : تقري
-ايمان : لا نشتغل
-سلطان : ماشالله
جابو العصير
-ايناس : لحظه بس نصوره بيش انزله عالفيس
وطاحت تصور فالعصير وصورت اللى قاعدين كلهم منغير ماتشاورهم
صورت لقطة لوحيد وايمان وسلطان ولقطه وحيد وسليمان ولقطه جماعيه سيلفى ليهم كلهم وهما كل واحد لاهى يهدرز مش منتبهين
شربو العصير وطلعو اكحيلة وسلطان
.
.
_____________________________

تغدو البنات وطلعو دارو دورة بالسيارة هما وخوهم فى طرابلس كلها
وبعد كملو حطهم فى حوش ملاك
-ايناس: ستاحشتك يا شينه
-ملاك : وانا اكثر ياقنينه
وقعدو يهدرزو عليها ويحكولها كيف شافو خوهم وكيف سلمو عليه والحكايات كلها
-ايمان : تمنيناك معانا بكرى فالغدى
-ملاك : والله كانت عندى حاجات مالحقت
-ايناس : هاك تفرجى عالصور
خدت ملاك الصور وتتفرج ….وانصدمت ان سليمان معاهم فالغدى
ملاك انغصت ومعش تشبح فى شى قدامها
طلعت من جنبهم ..خدت التليفون اتصلت بيه
رد عليها
-اكخيلة : اهلا حبيبتى
-ملاك : وين كنت تليفونك كان خارج التغطيه
-اكخيلة : كنت مع سلطان فالاستراحة الباين مفيش تغطيه
-ملاك : والله ..مطلعتوش اليوم
-اكخيلة : لا مطلعناش
-ملاك : يا كداااب
-اكخيلة انصدم : نعم
-ملاك : يا كداااااااب ..سمعت ولا مزال
-اكخيلة : اقسم بدات الله لو قالهالى واحد غيرك ماعاد بايت فيها ليله الدنيا
-ملاك : شنو تخوف فيا ..عشان كشفت كدبك
-اكخيلة : كدب شنو
-ملاك : ماشى للمطعم ومتغدى مع البنات وامشى امورك ..صار هدا علاش ماتبينيش نطلع معاهم
-اكحيلة : اقسم باللخ ماتغديت معاهم
-ملاك : معش تحلف ..ليش الكدب انا شفتك بعيونى معاهم فالمطعم
-اكخيلة : كيف شفتينى انشالله انتى مشيتى للمطعم
-ملاك : وقاعد تحاسب فيا نمشى ولا مانمشيش
-اكحيلة بعصبيه : جاوبينى انتى مشيتى للمطعم
-ملاك خافت : لا مامشيتش
-اكخيلة: امالا كيف عرفتى انى مشيت
-ملاك : البنات مصورينك
-اكخيلة : انا يادوبك رفعت لخوى وحيد الفلوس
-ملاك تعيط : ورفع الفلوس يبي تقعميزة وهدرزة معاهم
-اكخيلة : قلتلك معش تعيطى
-ملاك : بنعيط ..مفروض زى مامنعتنى تمنع نفسك
-اكحيلة : ملاك قلتلك معش تعيطى
-ملاك : بنعيط
-اكحيلة : مدامه هدا كلامك ..امالا انا معش تلزمينى
-ملاك مصدومه : سليمان !!
-اكحيلة : اللى تبى سليمان تحترمه
-ملاك : وانا شن درت
-اكحيلة : لا مادرتى شى ..سكرى توة الخط وبعتالى نتفاهمو
-ملاك : معش فى بعتالى .. مدامنى مانلزمكش خلاص خليك براحتك
-اكحيلة حس ان كرامته انجرحت: تمام ..خودى راحتك ..مع السلامه …
وسكر الخط

وخلى ملاك شادة تليفونها ومصدومه

______________________________

تمت ….ويتبع ??

نحبكم ❤