العنودية والنقيب الشرس – سارة المجيد
#العنودية_والنق
#المحطة_السابعة
#بقلمي_سارة_الم
شهلاء…اول مطبيت صار شاهين كبالي وانصدم بيه وعيونو انفتحت ع وسعهن ??
كلت الله يستر بس ??
حسيت عيونو اتطلع شرار اصخام ليسويلي مصيبة كدام العالم ..
همزين الله بابا نقذني وصل يمي وكف هوه وماما جان يجي شاهين صوبنه سلم وكال تعالوا طبوا جوه اكعدوا شكو واكفين ..حسيتو يريد يضمني من عين العالم اخذنه وجان حاجزلنه طاولة قريب ع الاستيج كعدت وشفتو اتعصب ياربي شلون يعني مالبس مثل البنات شنو عجوزة ايريدني البس جبة سودة وفوطة مال جديتي ??
اني مدرتلو بال بقيت ادحج ع الاجواء والكوشة جانت اتجنن فدووة العرسان جانوا بعدهم مجايين بس المعازيم جايين ..راح شاهين ورد رجع كعد يمنه بابا كام راح يم عمامي وماما صاحتلها مرت عمي ام جليل راحت يمهم واستغلها شاهين فرصة ..دنك عليه وهمسلي وكال بس نرجع اله اشك هذا الفستان الي لابستو عليج واطيح حظج …
طبعا فستاني جان حصر من فوك ليجوه ويجي فوكاه شيفون مخصر بي لمعه فضي ينربط حزام من نفس القماش ع الخصر وبي فتحه من كدام بس يعني مستور ماكو شي طالع من جسمي بس سيقاني احنه قبل من جنه بنات المراهقة بالحفلات ننزع الحجاب هههههه يعني شعري شسورتو وذبيتو ع كتفي وصل لجوه خصري ومكيجت طوخ مال حفلات ..يمكن هل شي خلاه ينجن ويتخبل عليه .. شتكولون ??
شاهين ..جنت واكف ويه ولد عمي دنسولف منتظرين موكب العرسان يجي لان كلها شخصيات مهمه بالحفلة احنه لزمنه أمن الحفلة كل واحد شايل سلاحو و واكف بالباب اتوزعنه ع كل القاعة ..
بهل لحظه مندمج دانطي تعليمات للولد لان يعرفون اني عندي معرفة بشغلة الاستخبارات بحكم دراستي بالكلية ..
واذا انصعقت بمنظر يهد جبل بحالو ..يعني ماتصورت شهلاء راح تجي ولابسه فستان بهل شكل ..اتصورتها راح تلبس عادي قميص وتنورة او صاية اسلامية ..من شفتها بهتت بمكاني وانصرعت معرفت شحجي لو وحدها جايه والكعبة اسحلها من شعرها واطلعها من القاعة وماخليها تحظر الحفلة ..بس الي وكفني وسكتني عمي ابراهيم جاي وياها و وكف بصفها انربط الساني ونقذها مني ..بس مراح افوتها الها الي حساب وياها بس الكفها وحدها اله ازوركها اااااااخ شلون سمحت لنفسها تستعرض الفستان ع جسمها ..مو تعرف هيه الي وبس وجسمها لعيون شاهين وبس والله لا ادفعج ثمن هل عمله باهض ياشهلاء خانم اني الج ..بس شلون طالعه بنت اللذين خرررب بعشيرتج نستني حتى عصبيتي بدخلتها عليه ..بس هم راح اعاقبها ?
ياربي مادري ليش اضعف كدامها اني الي يسموني الشرس يعني وحش ..بله يمها اصير عبالك طفل ماعرف شي ..اي كلو صوج هذا ابن الكلب وضربت ع جهة صدري الايسر ..اي انت يگلبي صوجك ذليتني وخليتني اعشكها وماكدر اوكف بوجها ?
بهل لحظة كالوا اجه موكب العرسان اشرت للولد يطلعون يستقبلوهم ويحضرون الاسلحة كوولشي يصير احتياطات واجبه ..
اشتغلت الموسيقى ودخلوا وبدا التصوير بالكاميرة
شهلاء ..شيماء كومي دنروح اجتي العروس
شيماء ..وين تروحين هسه يصكج شاهين انطمي واكعدي
شهلاء ..اهوووو شطلعت هاي عليش اجيت بله حتى اكعد
شيماء ..اي تجنبا للمشاكل اكعدي احسنلج وخليها النفس عليج طيبة لحد هسه ..اني كلت هسه يسحلج من شعرج والله زين صبر عليج ?
شهلاء ..دنجبي امداج اشحدو حتى املخو بأضافيري ?
شيماء ..اي صحيح بس يرفع تك ايدو اتصيرين اجريدي جواها?
شهلاء ..امداج هههههه اووي فدووة شوفي عمر شلابس ..
شيماء ..اهاا عيني بدلة عسكرية ورتبة نقيب وكذا اي هنيال العروس عيني هههههه
شهلاء ..وداعتج اله اسوي هل فيكة بعرسي عجبتني ??
شيماء ..اي صدك ان شاءالله انتي تمشين هيج ويجي شاهين لابس البدلة العسكرية والرتب ع جتافو وكذا الله اتجنن اتصير ??
شهلاء ..بهل لحظة اجه جليل وستار اخو شاهين صوبنه ..
جليل ..هلوو شهلاء شلونج
شهلاء ..احم هلوو جليل الحمدلله انت شلونك
جليل ..من شفتج صرت زين ..بس شطالعه اليوم فدشي
شهلاء ..هههههه اشكرك عيونك الحلوة
ستار ..دحجت ع شيماء حسيت بگلبي يريد يطلع من صدري بوووية شنو من خلقه اتقربت منها وكتلها طالعه كيكة اليوم
شيماء ..كمت ارجف من اتقرب ستار يمي كمت امتمت ماعرف شكول كتلو شكرا ودنكت راسي من الخجل ?
جليل ..لعد عمي ابراهيم وين
شهلاء ..يم عمي حازم وعمي جاسم ذولاك راحوا يم عمو ابو عمر
جليل ..اي صحيح ..شخبارج انتي بعد ولاجيتينه واني ملتهي بالسادس دمرني مدتخلص السنة حتى اخلص منو
شهلاء ..اي صحيح الله يكون بعونك يكولون السادس صعب ومتعب
جليل ..اي والله اتدمرت ..ان شاءالله من توصلين للسادس اتحسين بمعاناتي ..
شهلاء ..هههههههه لا عفيه لتخوفني بهل لحظة اتخلل لمسامع اذني صوت زرف طبلة اذاني زرف ..جمد الدم بعروگي خرررب يومك شاهين
شاهين ..جنت واكف يم عمر تاباركلو وانداريت ع شهلاء شفتها دتتمضحك ويه جليل ..اني هنا حسيت بركان واتفجر بداخلي بعد ماتحمل اسكت كثرن سواياتها بيه ..
ركضت وصحت بأذنها وكتلها والله من انعل ابوج لابو الخلفج ..
شنو هل اتمضحك وين كاعدين بملهة هيه جفلت وكمزت من مكانها اندارت عليه لطمت ع صدرها من الخرعة
جليل ..اشبيك شاهين واذا ضحكت ويايه شنو يعني تلزم حلكها تراني ابن عمها مو غريب ..
شاهين ..انت بالذات تسكت وماريد اسمع نفسك ..يله كوم من طاولة البنات واخذ ستار وولوا منا روحوا بجناح الشباب متستحي كاعد بنص النسوان والعوائل
شهلاء ..جنت ساكته ومافتحت حلكي بكلمة وحدة ادري بي مخبل ويكدر هسه يطربك العرس ع راسنه كفيت الشر وسكتت ..
جليل ..كوم ستار خلي انروح يم ولد عمنه هذا اخوك ولايحشم احد ..
ستار ..اووف عبالك كلولي روح لجهنم ..بعدوني عن الحب مالتي ..اااخ منك شاهين ولاتتفاهم ..كمنه ورحنه يم الولد ..
شاهين ..اسمعي ولج ترا قسما بذات الله اسوي بيج سواية الله واحسب الله ماخلقج ..لاتندكين يم غيرتي وحق القران اسحلج من شعرج كدام خلگ الله كلهم وماهتم ..يكفي جايتني بفستان طالع الصخام اوووف الله ..اكعدي وماريد تتحركين ابد ..
شهلاء ..بقيت جامدة بمكاني لاحس ولانفس عززة غير يخووف برطمت شفايفي واشرت براسي كتلو اي ?
شاهين ..اي عفيه يله اروح يم الولد اني ..وكفت ومسحت وجهي وسحبت نفس عميق ردت اهدأ اشويه لان حييل اتعصبت ودين ماخلوا براسي اليوم …
شيماء ..طكيت ضحك ع شهلاء قلدت عليها كتلها هاااااا وينج من شويه اني واني واملخو بضافيري شو صرتي فارة جواه ???
شهلاء ..انجبي طاح حظج اني اعلمج خلي نرجع للبيت ..من خررب هل عرس طلعو من خشمي ??
شيماء ..هههههههههههه اسكتي عجل لتحجين حجي انتي مو كدو ?
شهلاء ..وتالي وياج انجبي داكولج واسكتي تره روحي طالعه ..
ام شهلاء ..ها شبيجن شكو حتى هنا تتناكرن
شهلاء ..يمعودة هذا شاهين خبلني عبالك حاطي عليه حماية لااكدر احجي لا اكدر اوكف لا اكدر اركص شطلعت هاي
ام شهلاء ..ههههههه ميخالف يمه ابن عمج ويخاف عليج
شهلاء ..ماريد ليخاف هفففففف
شيماء ..طبعا الحفلة جانت اتجنن بس خطية شهلاء شاهين طلع الحفلة من خشمها ..كاموا العرسان يقطعون الكيك ويركصون وطكوا صور ..ووزعوا العشه وراها خلصت وزفوهم وطلعنه وشهلاء راسا طلعت وصعدت بالسيارة وجانت اتنافخ من ضوجتها هههههه
شاهين ..دحجت ع شهلاء شفتها ضايجة ادري قسيت عليج حبيبتي بس اعذريني انتي خط احمر اذبح اي جنس بني ادم يندك بيج ..انتي مالت شاهين وبسسسس
جاسم ..اكول ابراهيم ترا شاهين يريد شهلاء لاتنطيها لاحد غيرو والله يسوي مصيبة علينه
ابراهيم ..اهااا هههههه ياملعون جنت حاس بي عينه منها ..ماشي خيي يجرالك شهلاء لشاهين ومتصير لغيرو ..بس خلي يشد حيلو ويتخرج ويصير خير
جاسم ..بعد عمري خيي ماتقصر ادري بيك ..
ابراهيم ..تدلل يبن امي شاهين حسبت ولدي مايفرق عن ليث بشعرة
جاسم ..ادري والله ومن هاي اتشجعت وفاتحتك بموضوعهم …
ابراهيم ..ان شاءالله يتمم عليهم بالخير ..يله تره طلعوا الاهل بره
جاسم ..اي صحيح يله خيي اشوفك بخير وسلملي ع امي
ابراهيم ..ان شاءالله يوصل ..
شاهين ..طلعت من القاعة بعد مازفينه العرسان ورحت وره بيت عمي ابراهيم ردت اخلي حد لشهلاء اريدها تسمع كلامي بعد وماقبل تتجاهل اوامري ..لان ابوية نطاني خبر امفاتح عمي بموضوعنه اني وشهلاء يعني هسه احنه بحكم المخطوبين ..
وصلت ركنت السيارة ونزلت دكيت الباب فتح ليث طبيت جوه بوست جديتي عرفت بيه طافرة روحي لزمتني وشاورتني كالت ها ياشرس جاي وگلبك محروك احجيلي
شاهين ..والله ياجدة تعرفين بابنج متلوع بالعشك ومحترك گلبو ?
ام جاسم ..اسم الله ياسبع ماعاشت الي تحرك گلب الشرس وداعتك لا الويلك اذانها واكسرلك راسها بهل عصا اخليها اتعلم ع كل جسمها ..
شاهين ..اووووف جدة ياريتني اقبل اتسوين بيها هيج ..بس اذا سويتيها معناتها الي ضربتيني
ام جاسم ..خايب شبيك ماعرفتك هيج ضعيف اثكل وانا امك خلها علي انا اربيها الك
شاهين ..والله ياريت ياجدة لان تعبت من عنادها وراسها اليابس ..
ام جاسم ..ماعليك وليدي خلي تنزل من فوك واخذها لغرفتي واراويك شغلي بيها ..
شهلاء ..رجعنه هلكانين من التعب طبيت للحمام سبحت ورحت لغرفتي لبست دشداشة قصيرة ونزلت وجان اتفاجأ بشاهين كاعد يم بيبي ردت اصعد جان بيبي اتصيحلي تعالي ولج ..اني خفت كلت بس لا شاكيني يم جديتي طبيت كعدت ..شو بيبي كامت واترخصت من بابا وامي وكالت تعالوا شاهين وشهلاء لغرفتي ..اني نغزني گلبي شراح يسوون بيه ??
طبينه لغرفة بيبي وكعدنه وشاهين زعلان واني زعلانه اثنينه زعلانين من بعض واني ماتنازلو لو يموت ..
ام جاسم ..ولج يشهله اسمعيني زين ..خلي يكون بمعلومج انتوا اولاد ولدي كلكم بكفه وشاهين وحدو بكفه لان شاهين اول فرحتنه ومن جابتو امو اجه ع ايدي هاي وانا الي ربيتو ..يعني شاهين ابني اني ..ومن انتي تجين تقهرين ابني وتأذي وتحركين گلبو ..لا والله انا بهل حاله الي راح اصدج اوكف ضدج واشلع اذانج واكسر هل عصا ع راسج
شهلاء ..شهكت شهكة حسيت روحي شاغت كتلها بيبي اني شمسويه لكل هذا
ام جاسم ..امسويه ونص لاتغشمين روحج ولج ترا هل شيبات ماجني عن فراغ انا اعرف البشر من عيونو اول مادحج علي افصلو اتفصل ..وانتي قهرتي شاهين واذيتي بسوايتج اول شي لبسج وراها تكعدين تتمضحكين ويه جليل وانوب تكسرين كلمتو لابني شتريدين بعد ها
شاهين ..جدة اني ماقاهرني بس شلون كدرت تلبس هل لبس واجتي للحفلة مافكرت بيه مكالت شاهين يضوج
شهلاء ..حسيت كاعدة بمحكمة وجدة القاضي وشاهين المدعي العام واني المذنبة ?
كتلهم يعني هسه علمود لبسي هل هوسه كلها ولان شوية ضحكت ويه ابن عمي ..
ام جاسم ..وهل شي يعني قليل مو ..شوفي خليها ابالج احتمال انتي ربيتي بالخارج وماتعرفين اطباعنه وعوايدنه ..احنه عدنه البنت لازم تكون تسمع كلام خيالها وشاهين خطبج واحنه وافقنه وهسه انتي بحكم خطيبتو يعني خيالج ولازم تسمعين كلامو بعد وماتعاندين
شهلاء ..اوكفو هوووب دقيقه شنو هل كلام من شوكت شو اني ماعندي علم بالموضوع شوكت شاهين خطبني وليش مادري اني احنه بيا زمن ها
شاهين ..ليش اخاف حظرتج مو موافقه
شهلاء ..اني مو موافقة ع طريقة الخطبة مو ع الخطبة يعني ..لان حسستوني اني نعجة ودتبيعون بيها
شاهين ..ههههههههه نعل ابليسج عود اتحشش بنت ابراهيم
ام جاسم ..والله احنه خطبناج من ابوج وابوج وافق وكيف هم عندج مانع .
شهلاء ..??
ممكن اصيح بابا حتى يأكدلي هل كلام
ام جاسم ..ولج شنو ماعندج ثقه بيه لو تكذبيني
شهلاء ..لا بيبي العفو موقصدي ..بس لازم اسمع بابا هم
ابراهيم ..اي بنتي اليوم عمج جاسم وشاهين خطبوج مني واني وافقت لان ابن عمج واولى من الغريب بيج ومن رجعت امي هم حجت ويايه وانتهى كوولشي ..
شهلاء ..اصخام شداسمع اني .. كتلهم انتوا شلون تتفقون من ورايه ومن دون علمي ليش شكالولكم عليه اني حيوان مثلا مالي رأي ها
ابراهيم ..شنو هل حجي بابا عيب
شهلاء ..شنو عيب ..لعد السويتوا مو عيب انخطب وتتفقون ويمكن عاقديلي ومزوجيني واني مادري
شاهين ..يمعودة شبيج عشتي الدور دكافي ..هاي بمكان متفرحين وتطيرين من الفرحه لان انخطبنه
شهلاء ..كمت من مكاني وكتلو لا والله يابن اعمي لا افرح ولا اطير من الفرحة ..من تعدمون وجودي وتستهينون بشخصيتي مالي فرحة بهاي اني انسانة والي كيان و وجود وشخصية ..من انخطب قبل الموافقه مالتكم هاي بحد ذاتها شينة بحقي ..لازم تاخذون رأيي وتاخذون موافقتي اني ..لان هل موضوع يخصني اني مو غيري ..طكت روحي وفقدت اعصابي عفتهم وطلعت صعدت لغرفتي ..والله يالله عبالك عايشين بزمن سي السيد انخطب واتزوج ومادري محد يكوولي هه
ام جاسم ..ولك ابراهيم هاي بنتك محد شاكمها ماعدها حشيمة للكبير
شاهين ..يكفي جدة اني اكول حقها لان اتصرفنه من دون علمها وعبالي حيكون الها مفاجئة وتفرح بيها ..بس للاسف جنت غلطان ..احتمال متحبني ومتريدني ..يله اني رايح عن اذنكم ..طلعت وصعدت سيارتي ورحت لجزيرة جنت دائما اروحلها من اختنك ..وهل خنكة احسها دتطلع روحي فتحت دكم دشداشتي وكعدت شنو الي تريدي يشهله ..معقوله جليل ضحك ع عقلها وكامت تحب جليل وكرهتني …والله اذا هل شي صحيح والخلقهم اثنينهم احط جنايزهم اباب اهاليهم ومايكفيني اروح اردود اذب بانزين ع جثتهم واحركها ..مو شاهين الي ينطعن بظهرو ..
خلص العيد وصار اسود عليه لو باقي بالسجن اشرفلي ..بالليل حظرت جنطتي والصبح طلعت لبغداد التحق بالكلية ..اول ماداومت انسجنت لان المرة الفاتت انهزمت ورحت لاهلي مو اجازة ..ومن طلعت من السجن ..
وراها اجتي الفرضية ع صحراء الانبار .. الفرضية .. هيه تطبيق ميداني على خريطة .. الطالب يشيل ويا جنطة بيها كلشي يحتاجة .. حتى الدوشك والبطانيه وشايل ويا زمزمية زغيرة بيها مي هاي لازم يروح ويرجع بهاي الزمزمية … الدنيا صيف حارة تكتل .. بتموز .. وزعونه مجاميع .. كل ٤ مجموعة .. وينطونه اهداف على الخريطة .. نروح نوصل للمكان نحط بي علم ونرجع ..اني اصلا جنت طاكة روحي وصار عندي بداخلي تحدي ويه نفسي بسبب شهلاء ..عبالك جنت اعاند نفسي بعذاب روحي .. اول يوم طلعنه اني ومجموعتي نمشي بهاي الصحراء والحر يضرب بروسنه وشايلين هاي العدة ع ظهورنه ثكيلة تكتل والرمل ياكل بوجوهنا .. ونمشي اني اقطر بلمي تقطر خاف يخلص ويكتلني العطش .. طبعا اليوكع والي يضيع هذا يروح .. وين يلكونه .. المهم .. ما رجعت اول يوم الا اني ميت ميت عطش .. طبعا ها .. المي مال الزمزمية .. هذا الى ثاني يوم يله يترسونه الك .. يعني من ترجع مو تلكة مي لا .. رحنه وصلنه للهدف وخلينه العلم .. طبعا طلعنه ساعة ٥ الفجر ورجعنه ساعة ٦ العصر .. صايرين تتن من التعب رجعوا باقي المجموعات .. كعد امر فصيل احنه كاعدين بلكاع وهو ع كرسي وكدامو طبله .. وجان يكول للمراسل مالتو جيبلي دولكة مي .. جابلو دولكة وكلاص مال استيل .. الله .. من صب المي بارد بي عرك الكلاص اووويلي اني عيوني مثبته ع كلاص .. شرب هوه .. ورجع ترس الكلاص .. وجان يكول .. عندي هذا الكلاص مال المي .. احد يشتري … كمزت اني .. كتلو اي اني اشتري .. كال شتدفع .. كتلو ب 1000 دينار .. كال لا شوية .. طبعا المبلغ جان كووومه خومو هسه ال 1000 .. كتلو ب 5000 دينار .. كال لا .. كتلو انت شتكول .. كال ب 15 الف .. كتلو مشتري .. صفن … وجان يضحك .. كال لا هذا مو للبيع .. وجان يغسل ايدو بلمي مال الكلاص .. والله لو ما اخاف يطرودني من الكلية جان سويت بي سواية الله .. والله اخذت تكسي ونزلت للسوك .. ورحت ادور ع محل راقي اشتريت عود اني لوتي .. اخذت قوطية بيبسي .. اخذها ويايه .. ثاني يوم لان هم عدنه ثاني يوم مسافة ابعد .. دحستها بلجنطة مال الغراض .. وطلعنه ثاني يوم اني مئمن عندي قوطية بيبسي .. بلجنطة .. والله رحنه وبلرجعة خلصت المي لان اني مسيطر عندي قوطية .. والله طلعتها الطلاب الوياي كلها نيالك نيالك .. طكيت القوطية .. القوطية من الحر .. البيبسي صاير تيزاب مو بيبسي هههههههه … والله كلت اشربها لو شو ما يصير .. شربت القوطية .. انوب البيبسي .. موتني من العطش اريد بس اوصل للخيم مالتنه كمت اموت ههههه … والله وبقت عدنه اخر مسير وهو ابعد شي .. و بي اصلا مبيت .. يعني نام بلنقطة الي محدديها النه ونرجع ثاني يوم .. والله اني بكت من طالب مريض الزمزمية مالتو .. لان هوه ما يطلع يبقى بلمخيم .. ترست 2 زمزمييت ويايه ههههه .. مشينه ونمشي ونمشي ونمشي .. واذا من نوصل الدنيا ليل للهدف مالتنه .. شنو .. مقبرة مهجورة .. الله لازم نبات بيها ? .. الطلاب ال 3 الي وياي كاموا يطكطكون من الخوف الدنيا ليل وبصحراء وبمقبرة .. رعب مفول .. والله كالوا ما نبات نرجع نمشي كتلهم الدنيا ليل واحنه بصحراء نتيه ومحد يندلنه وتاليتها نموت .. والله اني ابات هنا .. وبعدين انتوا من شنو خايفين .. هذول ناس متوفين من زماااان .. انتوا تخافون من الميت يحظي .. والله اني فرشت ع قبر عالي ولفيت راسي ونمت همه فرشوا بره السياج مال المقبرة .. والله اني نمت بس همه ما واحد نام منهم كل شوية اسمعهم هههههه ورجعنه ثاني يوم واحدهم قطرة دم ماكو بوجهة واني رجعت اسولف لباقي الطلاب ونضحك .. وراها رجعونه ع كلية ههههههه
وللحكاية بقية ..
حبيبها عسكري?
اذا هيه ملكة?
يتبع …..
#سارة_المجيد?