العنودية والنقيب الشرس – سارة المجيد

#العنودية_والنقيب_الشرس

#المحطة_الخامسة

#بقلمي_سارة_المجيد

اسعد الله مساءكم حبايب گلبي

شاهين ..جنت ادحج ع شهلاء بس ردتها اتدحج عليه مشتاقلها والكعبة لو الزمها اله اكسر اظلوعها بحظني ..اوووف الله حمووووت ..
لاكن للاسف تخاف الجبانه لان ابوها وعمامها موجودين ..يله مصيري اشوفلي فرصه واختلي بيها ماتحمل بعد اشوفها جدامي وابقه ساكت ماسوي شي ..
صعدنه بسياراتنه ورجعنه لتكريت ..
والحمدلله عمي كال راح اخذهن للبيت مو لبيت عمي حازم ..بس من وصلنه تكريت انصدمت غير طريقو عمي ابراهيم لبيت عمي حازم لا يالله هذا شبي عمي معقولة رجعهن لبيت عمي والله لاسويها دم للرچاب اليوم ..صكيت اسنوني وضربت الستيرن مال السيارة
جاسم ..ها يمعود شبيك اتخبلت
شاهين ..اي يابه اخوك ابراهيم خبلني يعني يتقصد يحرك دمي كلي راح ارجع البنات لبيتهم وهسه شوف غير مسار طريقو رايح وره عمي حازم راح يرجع البنات هناك ..الي الحق احرك الدنيا هسه لو لا
جاسم ..ولك وانت شعليك قابل خواتك هنه حتى هيج محترك دمك عليهن
شاهين ..يابه شبيك صدك جذب مو بنات عمي هنه واحنه اولى من بيت عمي حازم بيهن ..ابراهيم مو اخوك انت من امك وابوك وباقي عمامي بس من الاب لو اني غلطان
جاسم ..اي صحيح بس هذا مايمنع انو حازم عمهن وجليل ابن عمهن ..شنو فرقهم عنه ..بابا اصحه انت مدري شلون اتفكر ..
شاهين ..عوفني بوية خليني اروح اكلبها عليهم تره دمي احترك والكعبة
جاسم …يبوووووو وتالي وياك عمي عوف العالم براحتهم وين ميريد يحط بناتو يحطهن شعلينه احنه
شاهين ..والله ع جنازتي اليوم وشوف عينك ..بقيت اسوق وراهم لحد ما وصلنه لبيت عمي حازم نزلوا واني هم نزلت وحييل ركعت باب السيارة رحت ع عمي ابراهيم ..كتلو عمي انت شكلت هناك بسليمانية ها مو كلت راح ارجع البنات للبيت يمك ..شنو الي تغير هسه حتى ترجعهن لبيت عمي حازم
شهلاء ..لطمت ع صدري شفت شاهين جاي وعيونو كلها شرار كلت سترك ربي ليسوي مكسورة ..
ابراهيم ..وجع اشبيك اكلتني بكشوري واخذتني حاصل فاصل اصبر شوية خلي افهمك
شاهين ..شتفهمني عمي وانت راجع لبيت عمي حازم
ابراهيم ..استغفر الله ياربي ولك بابا اصبر البنات مجايبات ملابسهن رجعنه حتى ايجيبن ملابسهن مال البيت والمدرسة وعود نرجع للبيت
شاهين ..ها ..مسحت وجهي من الفشلة كتلو اسف عبالي تريد ترجعهن لبيت عمي والله
ابراهيم ..طول عمرك تبقه هشكل ماكو بقانون حياتك شي اسمو تفاهم ..
شاهين ..ههههه اي والله اني هم داشتكي من نفسي لان تعبتني بشكل ..(( خلي اسولفلكم مصيبة من مصايبي بين ميطلعن بنات عمي بس اتحملوني شوية هههههه
شوفوا ..اني جنت صف ثاني متوسط رحت للمدرسة واني عندي امتحان رياضيات .. الدرس الثالث اعتقد .. اني ساطر براسي الامتحان صعب .. صح اني حيل متفوق بلرياضيات .. لكن هذا الامتحان صعب .. المهم .. دامشي بلساحة واضرب حجارة بلكاع ادعبلها كدامي وصافن .. ضربتها شوية قوية هاي طفرت و فاتت طخت بنطرون طالب .. شو هذا اجه يهوبز عليه .. اني ادفع بلسالفة .. يمعود اني اسف .. اريدو يولي عندي امتحان .. هذا لزكلي والمصيبة ان اني يعرفوني بلمدرسة .. هذا لطش .. ما سويت شي لزمتو من اذانو وضربتو بكلة بوجها واذا خشمو يصب دم .. درت وجهي ومشيت للصف اريد الحك لان دك الجرس ع مود الامتحان .. والله اني صافن بلورقة وداحل .. اسمع المعاون يصيح كلت ماكو غير اجه عليه .. والله اجه كال شاهين .. كوم اطلع .. كتلو استاذ اخلص الامتحان واطلع كال لا تكوم هسه تطلع .. والله اني تعوذت من الشيطان وطلعت .. وكفت كتلو نعم استاذ .. كال انت ضارب فلان .. كتلو اي .. هذا جابني براشدي ?.. اني زركيت ..بس سكتت اريد ارجع اكمل امتحاني .. كالي ليش ضربتو .. كتلو والله يا استاذ كذا وكذا .. واني حتى اعتذرت منو لكن هوه غلط عليه .. اني داكمل كلامي ضربني راشدي اللخ اني الدنيا عندي غوشت .. بس بلعتها بلكوة شلون واحد ساكي سم .. اريد اخلص الامتحان .. وابويا زعلان عليه لان هستوني طالع من بلوة .. كتلو ماشي استاذ اني اسف .. كال والك عين تحجي شو شال ايدو انوب كلت عاد دكافي والله لانعل ابو الامتحان لابو حتى المدرسة لابو حتى المدير .. كمزت علي .. وجان انومو بلكاع .. ملختو كتل ملامحو ما عاد احد يعرفها ملابسو خليتها ع عرض الساحة .. انوب رحت اتمشة وجان اطب ع ادارة .. دحج عليه المدير كال ها شاهين خير .. كتلو كتلت استاذ فلان المعاون .. هوه عدل المناظر وكال ها .. كتلو اي كتلتو .. مستلمني راشديات ليش يابا .. كالي شاهين وليدي روح ع بيت .. روح ورجعت للبيت والسالفه اتغلس عليها وانسد الموضوع هههههه))

جاسم ..ها ارتاحيت هسه يله امشي نرجع للبيت مو احتركوا اجدادي من التعب
شاهين ..دحجت ع شهلاء وهيه تدخل لبيت عمي حازم حتى اتجيب غراضهم من طلعت غمزتلها وابتسمت ..كتلو يله يابه هسه خلي نرجع ماصار شي ههههه
جاسم …اووووف منك امشي يابه امشي
شهلاء ..هههههه خرب يومك شنو من سوالف عندك ..طبيت سلمت عليهم وصعدت لميت كل ملابسنه وغراضنه وكتبنه وطلعت بوست البنات وام جليل واتشكرتهم لان ماقصروا ويانه ..وطلعت صعدت بالسيارة ورجعنه للبيت ..
صار ثاني يوم السبت جنه كاعدين اني وشيماء ف بابا كال راح اجيب بيبي تبقه يمكم احنه كيفنه لان ماحب اطلع من البيت واتبهذل الحمدلله بقينه ابيتنه وبابا خابر عمو جاسم كلو تعالوا اليوم يمنه اتعللوا وجيب امي وياكم حتى تبقه يم البنات بين متجي ام شهلاء الثلاثاء
جاسم ..ماشي خيي صار تدلل ..
شاهين ..خير بوية شكو شبي عمي ابراهيم
جاسم ..كال تعالوا اتعللوا يمنه وجيبوا امي وياكم
شاهين ..انتفض گلبي من الفرحة يعني راح اشوف عشقي ?
كتلو اي يله بويه لعد هم ياله كوم وانطي خبر لجديتي اتحظر نفسها
جاسم ..ول يابه انت شبيك ماتركد شوية اول متسمع طاري بيت عمك ابراهيم تتسودن
شاهين ..احم ليش شنو يبين عليه يعني
جاسم ..شنو يبين عليك ..اصلا مفضوح انت ..اثكل وانا وابوك لاتصير سيرتك ع كل لسان ?
شاهين ..هههههه بوية عشك الرجال مصيبة ماينضم مو صحيح
جاسم ..ايييي ووليدي ..انت بس كمل دراستك وتدلل نخطبها الك
شاهين ..بعد گلبي بوية ماتقصر ادري بيك كمت وبست راسو واحس دكات گلبي صارن طبول ..رحت ع جديتي كتلها جدة يله حظري نفسج عسريع حتى ناخذج لبيت عمي ابراهيم يريدج تبقين يم البنات لان باجر هوه عندو دوام بالخارجية
ام جاسم ..وانت شبيك الضحكة شاكه حلجك من الطول للطول ..ها ابن جاسم اسمع داكولك ليكون عاشك شهله
شاهين ..كمزت كمت اتلعثم بالكلام كتلها ها شنو جدة لالالا ليروح بالج بعيد تراني تربات ايدج وتعرفيني فقير ومو مال هاي السوالف
ام جاسم ..والله المصيبة انت تربات ايدي واعرفك كلش زين والي داشوفو مو شاهين الي اعرفو انت متسودن ياملعون
شاهين ..? لا ع بختج جدة شنو السالفه سويتيني مسودن يعني لان كتلج امشي نروح لبيت عمي سويتيني مسودن
ام جاسم ..اييييي يابن جاسم مصيري اوكع ع علتك ?
شاهين ..دنكت وبست راسها وايدها وكتلها فدوة اروحلج اني احبج الج ماعندي حب بگلبي غير حبج ياعشقي انتي ?
ام جاسم ..اي اي اكل بعقلي حلاوة ياملعون هههههه دكوم ناوشني جنطتي فوك الكنتور حتى احظر هديماتي
شاهين ..صاااار تدللين ?
كمت نزلت الجنطة وخليتها يمها وطلعت رحت سبحت وطلعت ولبست دشداشة زيتوني وغتره رهمتها عليها ولفيتها ع راسي ولبست ساعتي ومحبسي واتعطرت اووويلي شهولة اليوم راح املي عيني منج يابعد گلبي ..خليت ايدي ع جهة صدري الايسر وكتلو لگلبي بسك كافي مو فضحتني الكل كاموا يسمعون دكاتك والكل عرف بيك تعشكها كافي اووووف
نزلت شفتهم بعدهم مامتحظرين استعجلتهم وخبصتهم
ام جاسم ..وتالي ولك اركد شبيك خليني الف شيلتي زين
شاهين ..هههههه يله حطلع اشغل السيارة اني
جاسم ..ام شاهين اطلعوا حتى اقفل الباب ورايه
ام شاهين ..اي هسه بس البس عباتي
شاهين ..صعدوا كلهم بالسيارة وصعدت جنطة ببيتي ليوره وطلعنه لبيت الغوالي افيييش

شهلاء ..جنت طايرة من الفرح لان بابا عزم بيت عمو جاسم يتعللون يمنه نظفت البيت كلو وبابا راح يجيب عشه من بره وطبيت سبحت وطلعت ولبست كلابيه بيها فتحات من الجوانب لونها جويتي يعكس بياض جسمي ورهمت شال عليها واتعطرت دحجت ع نفسي اممم فديتني اجنن ?
نزلت للصالة سمعت اجه بابا طلعت للكراج شلت العلاليك من ايدو ورحت للمطبخ صحت شيماء تعالي غسلي الفواكه ..جان جايب حب شمس ههههه ضميتو بالفرن حتى بالليل انشوف فلم ونكرز ?
وره نص ساعة اندك الجرس حسيت گلبي يريد يطلع من صدري جسمي كام يرجف مادري شسوي هسه يبين عليه خرررب ..راح ليث يفتح الباب وطبوا بيت عمي جاسم ركضت عليهم بوست ام شاهين وبيبي وسلمت ع عمو جاسم وبوستو وسلمت ع شاهين وابتسمت غمزلي وهمس باذني كال واني ماكو بوسه الي ..ضربتو ع كتفو وكتلو طب جوه لا اموتك ?
دخلوا كلهم للصالة وكعدوا اخذت جنطة بيبي وديتها لغرفة الضيوف جوه ..
ابراهيم ..الله ابالخير
جاسم ..الله ابالخير
ابراهيم ..ها يمه شلونج ان شاءالله زينه
ام جاسم ..والله الحمدلله مادام انتوا وعيالكم بخير انا بخير
ابراهيم ..الله يحفظج النه يالغالية ..
شهلاء ..جنت كاعدة وشاهين كاعد وعينو بس عليه ومبتسم راح يجلطني هل رجال ولا عبالك ابوية كاعد ..
ابراهيم ..كومي شهولة حبيبتي حظري العشه
شهلاء ..اي بابا صار ..كمت رحت للمطبخ صبيت الزلاطه بالكاسات والطرشي هم والخضرة حظرتهن بالمواعين ..وماحس اله واحد حظني من وره وحط شفايفه ع رگبتي شهكت من خرعتي وانداريت شفتو شاهين لايالله شجابك هنا اصخام ارجع للصالة
شاهين ..جنت كاعد ع اعصابي ردت احظن حبيبتي كافي هل بعد موتني ..اترخصت منهم كتلهم اروح للحمام ..طلعت من الصالة ورحت للمطبخ ماكو احد يمها اووويلي مشيت واتقربت عليها ع كيفي جانت دتحظر العشة وجان اخمطها بحظني وطبعت بوسة ع ركبتها هيه جفلت هههههه كتلها افيييششش ياهل عطر ولج موتني عطرج حبيبي اريد بوسه بداعتي ماتحمل بعد
شهلاء ..دفعتو وكتلو شاهين اطلع وارجع للصالة الله يخليك ليجي بابا وننفضح فدوة
شاهين ..ماطلع اله اخذ بوسة ياله تعرفيني ماتنازل عن حقي
شهلاء ..وبصفتك شنو انطيك بوسة ها ..لا انت زوجي ولا خطيبي ?
شاهين اتقربت عليها ودفعتها ع الحايط كتلها لا خطيبج واليوم كتلو لابويه اول ماتخرج اخطبج
شهلاء ..اي ولحد متصير خطيبي اني خط احمر جدامك
شاهين ..لا والخلقج انتي كلج الي هسه او قبل او بعدين افتهمتي
شهلاء ..شاهين بداعتي ارجع للصالة هسه يفقدونه اثنينه ماكو
شاهين ..لتخافين ملتهين يسولفون ..جانت كدام شاهين مثل العطشان بصيف تموز ولكه شربة ماي نزعها شالها وانكشف بياض صدرها هنا هوه خدر وعيونه رادت تطلع من وجهو متحمل ايشوف هل منظر ويسكت صار جمرة احترك كصتو عركت حظنها بقوة وخمط شفايفها وعظهن بسنونو ع كيفو لاكن هيه انجنت وخافت دفعتو بكل قوتها ولبست شالها وركضت للحمام
شهلاء ..اووووووويلي الله شسويت اني اااخ منك شاهين بعدين دحجت ع روحي بالمرايه شفت وجهي صاير طماطة وشفايفي مورمات اصخام الصخمك شاهين شمسوي يالله غسلت وجهي وعدلت شالي وطلعت .
شاهين ..اووويلي يالكعبة شهل لحظة الي صارت تعادل عمري كله العشتو ..بوووية احترك جدك شاهين ع بنتك يابراهيم الي دولبتني اااااخ گلبي راد يوكف من قوة ضرباتو بس عليها شفايف تخلي الراهب يعتزل ..عدلت نفسي ورفعت شعري ورجعت للصالة وكعدت عاقل ?
شوية واجتي شهلاء اتصك بسنونها تريد تاكلني يممه اتخوف شلون تدحج بخزره ?
شهلاء ..طبيت وخزرت شاهين بعيني وصحت شيماء تعالي عاونيني ننصب العشه
شيماء ..اي جايه
شهلاء ..هاج فرشي السفرة ..جنت امشي وارجف عبالك مسوية جريمة وخايفه احد يعرف بيها اوووف منك ياشاهين شكد متهور ..
فرشنة السفرة وجبنه الاكل بابا جايب كباب شوي حطيتو بالمواعين وزعتو بالتساوي ..و وزعت الطرشي والزلايط بالسفرة وحطيت الكلاصات واللبن وجبت الخبز وحطيت الفواكه هم بنص السفرة ..
ابراهيم ..يله يابه اتفضلوا اتعشوا
جاسم ..زاد فضلك خيي شنو هل زحمة
ابراهيم ..رحمة خيي مايجي من فضلك شي
شهلاء ..ادحج ع شاهين غمزلي ومد بوزه نطاني بوسه بالهوه …عززة ولايكعد راحة يالله ..كعدنه وبدينه نتعشه
جاسم ..اكول خيي شخبار شغلك بالوزارة مو احسن من الغربة والبهذلة
ابراهيم ..اي والله ارتاحيت الحمدلله اني هسه يم اخواني واهلي وناسي ..وامي الي ماينشبع من حظنها
ام جاسم ..بعد بيتي يمه ربي يخليكم الي ولايحرمني منكم والله شكد دعيت ربي يجمعني بيك ولايفركنه بعد والحمدلله ربي استجاب دعائي ورجعك لحظني
شاهين ..جدة يعني هاي انتي الي رجعتي عمي ابراهيم من الخارج ??
ام جاسم ..ماتنطم ولك انت اله تنضرب بهل عصا ياله ترتاح شو
شاهين ..لزمت ايدها وطكيت ضحك كتلها لالا بيبي شبيج والله اشاقيج حبيبتي انتي ?
الكل خربوا ضحك ..
شهلاء ..خلصنه عشه ولمينه السفرة وشيماء راحت تغسل المواعين ..واني رحت اسوي جاي ..وجان يجي شاهين ع راسنه كال يله اشتغلن ماريد كسل عسريع انتي سويلي جاي واريدو ابو الهيل ومهدر زين ??
شهلاء .. شلت خاشوكه مال الجاي وضربتو بيها كام يركض وطلع من المطبخ وطك ضحك هههههه
ووديت الجاي وزعتو عليهم وكعدت طلعت الحب وعلكنه قرص فلم اجنبي جان حلوو دراما ورومانسي قصتو حلووة ..طلعت لقطة? جان يغمزلي شاهين ويعض شفتو ويلعب بشواربو ويضحك واني جسمي يرجف مثل السعفه اكول هسه بابا ينتبه عليه وع سوالفو ..وراها شاهين سحب كوشة من الطخم واتمدد بالكاع صار قريب ع رجلي جنه امطفين الاضوية علمود الفلم ..وره شوية حسيت بأيدو اتكمكش بسيقاني لا يالله لزمت حلكي لا اعيط ?? وجان امد ايدي وكرصتو حييييل من اصابيعو وجان يكمز وصرخ من وره الكرصه كلهم كالوا ها شبيك شكو
شاهين .. اااخ حشرة كرصتني خرررب يومها شلون قوية ?
شهلاء ..علكت الاضوية طكيت ضحك عليه دحجت من طارف خشمي عليه واشرتلو تستاهل ?..وخلص الفلم وعمو جاسم كال ياله امشونه بعد خلوا الاوادم ترتاح وراهم دوامات
شاهين ..لا يابه بعد وكت
ام جاسم ..كوم ولك كوم يله روح ويه اهلك انريد انام تعبانين
شهلاء ..طكيت ضحك يستاهل فشلتو ?
شاهين ..ها سعدية شبيج كمتي اتطرديني مو مرجعج عليه تريديني ادهن رجلج وافركها الج
ام جاسم ..ماريد الله لايعوزني عليك شهولة تفركها الي
شهلاء ..اي بيبي تدللين صاااار ..منريد من شاهين شي ?
جاسم ..يله عاد امشوا ..شاهين اطلع شغل السيارة ..
شاهين ..صار بوية ..رجلي امجلبه متقبل تمشي يالله شكد احبها ومداكدر اعوف هل بيت وهيه بي ..
كوه طلعت وشغلت السيارة صعدوا اهلي ودعوا بيت عمي وحركت السيارة ورجعنه للبيت …
شهلاء ..ومرت الايام واجتي ماما من سليمانية ورجعت حياتنه طبيعيه ((الله ع الام شلون الها دور بحياة اولادها وزوجها وبيتها اذا غابت يطشرون واذا حظرت يلتمون ..اللهم احفظها الي وكل امهاتكم يارب))ومرت الايام وشاهين كام يتعلق بيه اكثر واكثر واني هم كمت اعشقو وامووت عليه جان يجي يبقه يمنه يحشش ع بيبي ويضحكنه ويروح ومرت الايام واجتي امتحانات اخر السنة وامتحنه والحمدلله جاوبنه وشاهين اتخرج ودخل كلية هندسة مدنية وجليل صار صف سادس ادبي واني ثالث متوسط وشيماء صارت ثاني ..وستار صف سادس ادبي لان بكد جليل هوه ..وبدت الدوامات وعام دراسي جديد وطلعنه للمدرسة وبابا رجع لبغداد يداوم بمكتبة بالوزارة ..
وبيوم من الايام
اجه شاهين حتى يوصلنه لمدرستنه وهوه يروح لكليته بدلت صدريتي الجديدة شوية جانت ضيقه من نزلت داطلع وكفني شاهين ..
شاهين ..تعالي تعالي هوب هاي شلابسه شنو هل صدريه الخزي
شهلاء ..شنو عفيه شبيها هسه موديلها حلووة اشتريتها البارحة
شاهين ..وجع اني مداحجي ع موديلها اني داحجي ع معالم جسمج الي مفصل بالصدرية ..من كل عقلج اخليج تطلعين ويايه وانتي هيج لابسه .. اووويلي الله اني ناقصني لجسمي حرارة حتى تلبسين هل مصايب كدامي ..دمشي حبابه اصعدي البسي ذيج القديمة استر الج والي تره ابتلي بيج ?..
شهلاء ..كامت اتدردم وتصيح ..اهووو والله قهر شنو هاي يعني بابا ميتحكم بيه يجي شاهين يكعد يتحكم بيه شطلعت هاي
ام شهلاء ..ههههههه ها شاهين شبيها شهلاء شو صعدت اتدردم وتصيح
شاهين ..عمة مشفتي صدريتها فضيحة جسمها مفصل تفصال ذاااك هوه
شيماء ..هههههه والله كتلها اني وماما لتشتريها شاهين يخزيج ميقبل تلبسيها وتمشين ويا …هيه راسها والف سيف اله تشتريها ..حييل تستاهل مسمعت كلامنه ?
شاهين ..والله اشلع شعرها واكسر راسها اليابس ..
شهلاء ..ماده بوزها شبر ومطنكرة ..يله كوم غيرتها ?
شاهين ..اي عفيه شوفي شحلاتج بهاي
شهلاء ..اي لان قرقوز بهاي اهف بيها شعرضها عبالك برشوت ?
شيماء ..حلووة مال برشوت ??
شهلاء ..وزقنبوت وسم لتضحكين
شاهين ..ههههههه شيماء كافي يله امشن عاد داوصلجن
ام شهلاء ..سدوا الباب وراكم يمه ..
شهلاء ..ان شاءالله ماما ..صعدنه بالسيارة وكعدت بصف شاهين ..جان يلزم ايدي ويحطها ع حلكو وكام يبوس بيها لان شافني زعلانه ..
شاهين ..لتزعلين يابعد طوايف العشيرة كلها ..كوولشي ولازعلج هسه احرك الدنيا اضحكي
شهلاء ..اي صحيح ?
شاهين ..اي والله شعندي اني غير شهولتي عمري وحياتي اتخبل ولاواحد يبصبص بعيونو عليها ..انتي انخلقتي لشاهين وبس
شيماء ..ارحموني احترموا وجودي كولوا هاي حديقه حرام عليكم هل رومانسية قلبي ميتحمل ترا ?
شاهين ..?? نسينه وجودج يامفعوصه ..يجي يوم وتوكعين حبيب الگلب
شهلاء ..هههههه امداج جفلتينه
شاهين ..لك هلا ضحك حبيب الگلب شو دنطيني بوسة من هل خديدات الي جنهن تفاحة هاي
شهلاء ..هههههه ولك دحج كدامك لاتدعمنه خرررب يومك
شيماء ..حبايبي الله يسعدكم ويتمم عليكم بالخير يااارب ??
شهلاء ..تسلمينه حبيبتي ..شخبار كليتك عيني خما بنات الكلية ديتوددن الك ?
شاهين ..باطل ولج شنو بنات الكلية ..اكو وحدة تكدر تتودد الي لوتتجرأ تتقربلي وشهولتي بحياتي ولج انتي بنت گلبي يعني فتحتي لهذا ويدك ع جهة صدرو الايسر ..وكعدتي وتربعتي بي وتخسه اي وحدة تجي بمكانج
شهلاء ..دنكت راسي من الخجل وضحكت
شاهين ..يمممه يمممه فديت هل ضحكة من اشتعلووو عشيرتك ابراهيم بنتك دولبتني ?
شيماء ..يولو وصلنه تره اوكف وين مودينه بعد
شاهين ..ها اي والله شلون اخذتنه السوالف
شيماء ..اي طبعا هريتونه حبجيات سطرتوني وجع يله انزلي انتي الثانية شبيج لطشتي
شهلاء ..وجع بگلبج طبي للمدرسة جايه وراج
شيماء ..اوووف منكم كفار ميصيرلكم جاره نزلت وركعت الباب بقوة وراية ..اي ميرحموني اني عندي جفاف عاطفي شسوي بله طبيت للمدرسة .
شاهين ..مشتهي اخذج بحظني واضمج وابقه اشم بيج ااااااخ شوكت
شهلاء ..هههههه كمل دراستك وشد حيلك حتى تتخرج واصير ملكك وحلالك ذاك الوقت ..
شاهين ..صاااار ان شاءالله تدللين بهل لحظة فات ضابط بسيارة عسكرية اندارت عليه شهلاء وكالت فدووة لله شكد يعجبني اصير مرت الضابط ?
شاهين ..اولا ميصير تحجين هيج واني موجود تره واكفه ثانيا وشنو يعني ضابط باجر اكدر اصير ضابط ?
شهلاء …سودة بوجهي زعلت والله مو قصدي حبيبي بس اني حلم عمري فارس احلامي يكون ضابط عسكري بالجيش ..حتى يكون قوي ومثل ميدافع عن بلدو يدافع عني ?
شاهين ..امممممم والي يحققلج هل حلم شتنطي
شهلاء ..شنو يعني تكدر تصير ضابط الله عليك انت مو كلية هندسة
شاهين ..وشنو يعني من باجر اقدم ع كلية عسكرية وانتي تعرفيني من احط شي براسي اجيبو
شهلاء ..عاد هل شي مابي مناقشة اكيد تكدر مانكر شلون كدرت اتجيب راسي اليابس ?
شاهين ..هههههه فديييت هل راس الي بهذلني ياله جبتو
شهلاء ..ديله عيني طبوا كلهم بقيت بس اني ?
شاهين ..هههههه ديله حبيبي ديري بالج ع نفسج ان شاءالله بل1 اني تلكيني واكف بالباب ..
شهلاء ..بدلع وصوتها يتنهد ان شاءالله ياروح حبيبك
شاهين ..اشتعلووو اجدادج والعشيرة كلها لتتدلعين هيج تره ابتلي بيج كومي انزلي

وللحكاية بقية ..

#يتبع …

#سارة_المجيد?

 

error: