العنودية والنقيب الشرس – سارة المجيد

#العنودية_والنقيب_الشرس

#المحطة_السادسة_والعشرين_والاخيرة

#النهايةةةةةةةةةةةة

#بقلمي_سارة_المجيد
???????????

مساءكم ورد وفل حبايب گلبي?
اليوم وصلنه المحطة الاخيرة من محطات قصتي وسنودع ابطالها
لاكن ماكنت نهاية قصتنا تعالوا معي لنرى كيف تكون احداثها اتمنى لكم قراءة ممتعه ….
طبعا القصة حازت ع المركز الثاني بالواتباد الحمدلله صعدت بشكل خرافي وان شاءالله تتصدر وتصير الاولى .. والفضل اكيد الكم بهل شي من بعد رب العالمين طبعا ..اشكركم حبايب گلبي فديييتكم ??

شاهين .. والله رجال واكف كتلو عاد قصتي الرجل ما قصر نطاني تلفونو وتصلت بوالدي كتلو جيب شهلاء وتعال لفلان مكان …
شهلاء ..جنت داسبح الجهال طلعت وبدلتلهم ومشطتلهم وكعدوا ع التلفزيون يدحجون كارتون ..بهل لحظة رحت فتحت تلفوني فتحت الفيس ماكو شي من شاهين ??
اااااااه شاهين ولك حركت گلبي عليك ليش هيج اتسوي بيه ليش ..وهاي اني كل مافتح الفيس انشر منشور قهر عذاب واغنية اتبجي ..
وجان بهل لحظة تندك الباب رحت فتحت جان عمو جاسم كلي شهلاء عسريع بدلي وجيبي المستمسكات وتعالي وياي ..اني بهتت شكو شصاير شنو مستمسكات لزمني گلبي اخترعت ..
جاسم ..يله شبيج اتسمرتي بكاعج داكولج عسريع
شهلاء ..عمو احجي شكو شاهين بي شي كمت ادك والطم كل ظني شاهين مستشهد ويريدون المستمسكات للدفنه
جاسم ..يمعودة ماكو شي شاهين يم السيطرة مال دخول اربيل والاقليم مايدخلون عزابية بس عوائل واحنه لازم انروح اندخلو يله عمو استعجلي الولد منتظر ..
شهلاء ..اني هيج كال عيني مادري شسوي كمت افتر بالشقه مثل المخبلة دخت يربي شسوي ها صدك المستمسكات وين المستمسكات وين حطيتهن يربي ماكمت اجمع راسي انسطر ….دورت بالكنتور لكيتهن الحمدلله حطيتهن بالجنطة ومادري شلبست عليه ومادري تكرمون شلبست برجلي وكمزت طلعت كتلو يله عمو يله يله ..صحت ع امي كتلها ماما اني راح اطلع ويه عمو جاسم عينج ع الجهال …
زهور ..خير يمه وين رايحين ..
شهلاء ..من نرجع تعرفين ..اني گلبي يريد يطير وامي بطرانه تريدني اكعد اسولفلها ..ركضت وره عمو وصعدنه بالسيارة وانطلقنه لسيطرة الاقليم ..
شاهين ..جنت واكف ومن التعب رجلي ماحس بيها بقيت انتظر ابوية وشهلاء وره ساعة ياله اجوي اوووف واخيرا ..
شهلاء ..وصلنه للسيطرة واول ماشفت شاهين ركضت عليه مثل المخبلة عبالك فقدت عقلي ماحسيت بالعالم الواكفه ولا بالشرطة وبالناس حظنتها بكل قوتي وبقيت اشمو من كل مكان وابجي واضرب بي واحظنو مرة ثانية انهاريت ..كتلو ليش هيج ليش شسويت بيه حرام عليك والله موتتني ….اله شوية اوكع وجان يلزمني وهدئني

شاهين ..من شفت شهلاء حسيت روحي ردتلي اووويلي گلبي طك عليها جتي ركض عليه وفتحت ايدي الها وجان تشمر روحها بحظني وطكت بجي واني حاظنها كامت تضرب بيه وترجع تحظني ههههه يالله فقدت المخبلة رادت توكع لزمتها كتلها حبيبي اهدئي بس خلي انكمل الاجرائات مال الدخولية فدوة لعمرج

شهلاء ..مسحت دموعي وكتلو ماشي حبيبي راح اروح انتظر بالسيارة منا الزلم
شاهين ..وتوج انتبتهي اكو زلم هههههههههههههه.
شهلاء ..احم اي والله شلون فشلة خرررب كلها اتدحج علي ??
شاهين ..هههههه ميخالف يروحي يله انتظرينه بالسيارة ..
جاسم ..حظنتو لشاهين وبوستو ورحنه كملنه اجرائات الدخولية

شاهين …طلعنه صعدنه بالسيارة والله اخذوني للشقة اباوع اني واهلي وعيالي هلكد بشقة زغيره بيها غرفة نوم وحدة وصالة .. الحالة مزرية .. والله مشتاق لجهالي .. شفت بيت عمي حازم هم هناك يمنه جانوا منتظريني يمكن يريدون يعرفون خبر جليل الله يرحمو ..اوووف شكولهم بله …طبيت حظنوني امي واخوتي وعمي واتحمدولي بالسلامة وكعدت ارتاح اشوية وبديت اسولفلهم شصار هناك ..اجوي جهالي يركضون عليه اووووف يمه اتشعوط گلبي شكد مشتاقلهم كعدت اسد ع رجل ولينا ع رجلي الثانية وبقيت ابوسهم واحظن بيهم ….

جاسم ..بوية شاهين ابن عمك جليل ما شفتو هناك ما اجه وياك
شاهين ..انكمش گلبي ..بله شكولهم شحجي هسه
شيخ حازم ..احجي شاهين ابني وين ليش ماجبتو وياك
شاهين ..بقيت ابلع بريگي تالي لازم يعرفون مصيرهم يدرون خما يبقون هيج ..دنكت راسي واخذت نفس عميق ورفعت راسي وكتلهم جليل بطل وقاوم الدواعش ومانطاهم لزمة بقه يقاتل ويحمي البيت لحد اخر نفس بي ..
شيخ حازم ..مفهمت شاهين شتقصد وضح كلامك ..
شاهين ..عمي عظم الله اجرك بابنك جليل ..لان استشهد وهوه تايدافع ع ارضو ومالو وبيتو ..
ام جليل ..من سمعت هل كلمة حسيت انكسر ظهري حسيت گلبي انشلع من مكانو الخبر جان مثل الصاعقة ضرب راسي مكدرت اتحملو انتفضت من مكاني وكفت ع حيلي وكمت ادك والطم وجان اوكع بالكاع وصرخت صرخة هزت اركان البيت هز يبووووووووووووو ولك شاهين عفت ابن عمك امدد نايم واجيت ولك شاهين شلون نطاك گلبك ليش اتعوفو شلون فهمني شلوووووووون احوووووو عليك يممه وليدي عزيز گلبي اخذتك المنية شعوطت گلبي عليك ابوية ..يبووووووو

شاهين ..خليت الجهال بالكاع وركضت ع مرت عمي وشلتها من الكاع وحظنتها وكتلها لا عمة والله ماعفتو شلون اعوفو هذا ابن عمي مكدرت اشيلو تالي دفنتوا بالحديقة وامنت عليه من نرجع لديرتنه نحوله للمقبرة مال العشيرة ..وبقت مرت عمي اتدك وتلطم وتملخ بروحها وامي وشهلاء يلزمون بيها وعمي حازم يدك ع راسو ويبجي وخوات جليل ملخن نفسهم اتملخ البيت انسبه اسبايه وانكلبت الامة علينه من العياط والصياح ..كتلهم جنه محاصرين وكتلو جليل تعال يمي لبيتي احسنلك ماقبل وعاند اله يحامي بيتكم ومن ردنه نرجع لهين مريت عليه حتى نرجع سوه بس للاسف كانوا الدواعش الانذال قاتلي طلقة براسو ومتغطي بدمو ..تالي دفنتو بدمو بالحديقة لان ماكدرت اشيلو واجيبو لهنا …

بعد مرور 7 ساعات
شهلاء ..هدت الشقة شوية وراحو بيت عمي حازم حتى يبلشون ينصبون العزة لجليل الله يرحمو خطية انقهرت عليه ..كتلو لشاهين كوم داسبحك بالحمام ادري انت تعبان هسه
شاهين .. اييييي والله فدوة لعمرج تسوين بيه فضل تعبان مووت طببتني شهلاء سبحتني شافت جرحي ولطم وبجي .. كتلها ما تسكتين انتي بله .. هوه جرح .. خطية تحاملت ع نفسها وسكتت
شهلاء ..من جنت اسبح شاهين شفت مكان جرح عبالك طلقه اتخبلت ردت اعيط جان يلزم حلكي شاهين كلي اششششش يمعودة شبيج هوه جرح زغير لتخافين العصر اروح للمضمد اداوي ..كتلو اخاف يحتاجلك مستشفى
شاهين ..لا والله مابي شي سحبتها عليه جوه الدوش والمي ع راسنه اتبللت هيه كامت تضحك كتلها مشتاااااااقلج موووت اريد اشربج واكلج كالت اكعد راحة انت تعبان لتتواكح هههههه
شاهين ..واذا تعبان حضنج هسه يريحني افيششششششش يممممه ولج شنو انتي صدك راحتي وعافيتي انتي امووت عليج
شهلاء ..ياروحي والله ردت اموت بغيابك
شاهين ..اسم الله عليج يابعد طوايف العشيرة كلها حضنتها بقوة بكد ما مشتاق لحضنها حسيت صايم بتموز وفطرت بشربة مي بااارد بقيت حاضنها ووووووووووووو

..طلعنه من الحمام ومددت بلصالة .. صفنت كلت الحمدلله عيالي بخير وجهالي وحرمتي .. المال طز بي .. صليت شكر لوجه الله ..
وبعد مرور اسبوع وره الفاتحه مال جليل
بقينه شكم يوم بالشقة .. والله وكفت بلبلكونه مال الشقة وادحج الشقة الجوانه دتغسل بلبالكونه منو ؟؟؟.. سما جيرانه هلا ?.. عيني هيه شافتني واذا عيونها تصب .. وتدحج علي .. بهاي الاثناء .. اجتي شهلاء .. شافتني واكف بلبالكونه تكهربت .. انجنت
شهلاء ..شفت شاهين واكف بالبالكونه اتخبلت هاي البنت الكلب حشاكم ساكنه جوانه وهذا واكفلي يدحج يعني اليوم اسويلي جريمة لامحاله كتلو شعندك هنا ها ..
شاهين ..جفلت من نبرة كلامها كتلها داشتم هوه ?..
شهلاء ..اي تشتم هوه مو لو تدحج ع شقة الجوانه ..
شاهين ..سويت نفسي ما اعرف منو جوانه ليش منو جوانه ..?
شهلاء .. ..منو جواك مو …منعولة اللشة جواك الي ماتتسمى جواك المصخمة سما جواك ..
شاهين ..يبوووو اصخام
اثاري هيه تدري ومغلسة .. وفتهمت بعدين ليش ما تريدني اوكف بالبالكونه تطببني كوه …والله اني شعليه بيها ..بنية ومتزوجة ..الله يستر عليها مو بله شتكولون ??
المهم اني غلست ماريد مشاكل طبيت لان متستاهل شهلاء اقهرها بهاي الحثالة حشاكم هاي العزيزة الغالية ام اسد حياتي وروحي و وطني ?

ومرت الايام…….
شفت الشقة زغيرة علينه ..والاجارات غالية نار
اني عندي معارف بلاقليم ومنا ومنا حصلت موافقة اجر بيت لان الشقة خنكتنه ..وطلعت ادور ع بيت اكبر يكفينه .. ف افتريت بلمجمعات .. وصلت مجمع جان جديد وحلو ومرتب وبيوته كبار .. لكن اجاراتهن غالية .. بس شسوي مضطر .. اجرت البيت ب 900 دولار وسكنت بي .. ومرت الايام وتعرض الوالد لوعكة صحية اخذته للدكتور .. هنا باربيل كالي الوالد لازم يسوي قسطرة .. اخذت حجز وره يومين وديتو للقسطرة .. كالي الدكتور الوالد صاير عندو انسداد بلشراين وما ينفع لا انركبلو شبكة ولا بالون .. لازم عملية تبديل شرايين .. اني دخت .. يعني الموضوع ما يتحمل .. واحنه تعرفون طالعين من بيوتنه بطرك ملابسنة .. محلاتي راحت ومعملي احترك .. وفلوس ما عندي غير الي جوه ايدي .. ف كتلو اريد احسن دكتور هنا باربيل .. دزني على دكتور ثاني جراح .. رحتلو .. دكتور جان محترم وعندو شهادات من امريكا ومارس طب بامريكا .. و حتى اجهزتو جايبها ويا .. حجيت ويا الدكتور .. انطاني نسبة ممتازة لنجاح العملية .. كالي 95% .. بس المبلغ الي طلبة ضخم .. راد مني 20 الف دولار .. كتلو اقرب موعد الك شوكت يا دكتور كال باجر .. وبمشتشفى خاص .. وعناية فائقة .. رجعت للبيت خابرت عندي صديق دلال بغداد كتلو عندي القطعة الفلانية بلمكان الفلاني تشتريها .. كال اي .. كتلو بيش تفيدك .. كالي بهلكد .. كتلو ابيعها الك بنص قيمتها بس بشرط باجر الصبح الفلوس عندي .. كال تأمر .. والله من الصبح دك عليه كالي حولت الك الفلوس .. الرجل للامانه محولي كل فلوس الارض وما عندو وياي اي مكاتبة او شي خابرتو كتلو هاي شكد دازلي كالي هاي الفلوس كلها مو نصها وشفتك محتاجها .. واني وياك اخوة دنيا وانت وكفاتك وياي جثيرة .. هذا جزء من جميلك الي برگبتي .. طبعا هذا الولد اخو انحكم بقضية وراد يروح بيها اعدام قبل الاحتلال واجاني وكدرت اتوسط الو واخفف علي الحكم وما نسجن جثيير وطلع بلعفو .. نرجع لموضوعنه تشكرت منو جثيير .. واخذت الفلوس وشكرت الله سبحانه ان يسر عليه الموضوع .. ورحت ودخلوا الوالد للعمليات .. واستمرت العملية تقريبا 9 ساعات .. وطلع الدكتور كتلو بشر دكتور .. كال الحمدلله تمام والعملية ناجحة 100% .. صليت شكر لوجه الله .. وتحمدت الله الف مره .. وره شكم يوم طلعنه الوالد للبيت .. وكعدنه واستقرت حالتو الحمدلله .. وفكرت باقي الفلوس وين اوديها .. ف قررت بدال ما ياكلنه الايجار اشتري بيت .. ودورت بلمجمعات ولكيت مجمع حلو ولكيت بيت حلو ..5 غرف نوم وحمامات حلوة .. شلنه وكعدنه بي .. وارتاحينه شوية .. وما ادحج واذا سما وعيالها ساكنين جيرانه الحايط ع حايط .. انوب شنو ابنها ع اسمي شاهين يبوووو وتعال يا شاهين وروح يا شاهين وهاي شهلاء متخبله وجاعدة ???
شهلاء ..قسما بذات الله ياشاهين اذا شفتك مجرد شوفه واكف تحجي وياها احسب الله ماخلقك لا اخلي شياطين الدنيا كلها اتكمز ع جنازتك زين
شاهين ..ولج شبيج راح تنجلطين خررب يومج ومنو هاي الي تلفت انتباهي غيرج تخسه وداعتج ولج انتي ام اسد عزيزة گلبي جبتج بدم گلبي انتي وعيونج ماكو غيرج بنص هل گلب ..ولك انت الصعب وماكدرت اجيبك بالسهل يامعلم انت??

شهلاء ..?? اي اضحك ع عقلي
شاهين … هههههه وداعة عيونج الذبحني من يوم الي شفتج من جنتي بصف ثاني متوسط تتذكرين من اجيتوا من الخارج ويه عمي وعزمناكم
شهلاء …اي اتذكر ?

شاهين ..اااااخ ذيج الايام دولبتيني وركضتيني ركض وراج مثل الطفل ..صرتي شي مستحيل اطولو صرتي صعبة المنال بالنسبة الي وحلم اشوفج بغرفتي مثل هسه

شهلاء ..ههههههه يعني تعبت ياله حضيت بيه ?
شاهين ..ااااخ مو بس تعبت كولي انشليت انجلطت صار بيه صرع ولج 7 سنوات انتظرج رب الحلو حتى الصبر مل مني ?

شهلاء ..??

شاهين ..خو البوس اسكتي وخليها صار بيه فقر دم وصار بيه جفاف من اشتعلوو اهلج ولاجنتي تنطين بخيلة امداج ?

شهلاء ..خررررب يومك شتتذكر بابه كبرنه وشيبنه بعد ?
شاهين ..باطل بعدنه شباب ولج تعالي حتى اراويج الاسد شيسوي ?
شهلاء ..ههههه شتكدر تسوي يعني ?
شاهين ..طبعا قسطني تحجي هيج حتى اقسه عليها بحضني ااااااخ دتعالي عجل انتي الجنيتي ع نفسج لا اكسر اعظامج اليوم اخذتها لغير عالم ووووووو

شهلاء ..هههههههههه كوم اشثكلك جعصتني عابتلك …اندكت الباب جانت شيماء كالت تعالوا تغدوا عيني يابلابل الحب هههههه.
شاهين ..هههههه اجينه عيني ام حمودي شبي ستار يول مسوي بيج جفاف عاطفي ?
شيماء .. لتحجي عيني ع رجلي اموتك شبي يخبل هياتو حاضني وديوكلني ع عنادكم ?
شهلاء ..?خررب يومكم عبالك حية وبطنج
شاهين ..يله حبيبي كومي نتغدة جعت
شهلاء ..ماشي روح حبيبي اني اريد اسبح وبعدين اتغدة
شاهين ..ماشي ..

ومرت الايام ..
وبيوم والله كاعدين احنه بلبيت ومستقرين الحمدلله .. اجوي عاد بيت عمي ابراهيم سكنوا قريب يمنه بنفس المجمع اهل
شهلاء وكامت تروح عليهم هيه والجهال وتبات يمهم مرات .. والله اني الظهر بلصيف شسوي .. اطلع ع سطح اترس المبردة مي .. وارجع اطب .. اني من نوع الي منظم بكلشي احب كلشي بحسابو .. كل ساعتين عدل اطلع اترس مي .. وجان اشوف سما ع سطح .. اني شفتها كمت اريد اشرد .. صاحتني .. هلو شلونك .. اني استحيت كتلها احم هلو شلونج شلون اهلج زوجج .. شلونو .. سلمينه علي اريد افلت .. هيه كالت الحمدلله زينين .. اني مشيت وره ساعيتن طلعت اترس .. الظاهر حافظه جدولي .. لكيتها كدامي .. اني رجعت ع بيت ركض .. صفنت كلت شبية اني الاستحي لو هيه .. والله رجعت طلعت .. وهم سلمت عليه .. السطوح متلازكات واحد بصف الثاني والحايط البينهن كلش كلش ناصي يادوب 4 طابوكات ارتفاعو .. شو هاي كبل بجي وتكولي اشتاقتيلك .. اني ما عاد اعرف شسوي .. زين مراة متزوجة شكوللها لهاي .. كتلها ول يابه انتي متزوجة وما يصير هل حجي واحنه كبرنه هسه .. هيه زعلت وطبت
كام ضميري يأنبني حسيت داخون شهلاء ماكدرت اسكت وما احجي ..بالليل من اتمددت شهلاء بحظني شفتها نفسيتها مرتاحه وكذا عاد كلت خلي احجي لو مكتول ومطرود من الغرفة لو متفهمه السالفه ?
كتلها حبيبي شوشو
شهلاء ..هلا حبيبي عيونها
شاهين ..تسلملي اعيونج يالغالية ..شسمه اكول هذا
شهلاء ..ها حبيبي شبيك كمت تتلعثم بالكلام امسوي مصيبة اعترف

شاهين ..فدووة لگلبج متزوج محقق كونان مو مراة ..احم اي المهم شسمه هاي سما ترا لاطشتلي وكل يوم من اصعد للسطح اشوفها وكافه حتى لو بعز الظهرية منتظرتني ?

شهلاء ..كمزت من حضنو كتلو شنووووووو يمممه شنوووووو …وشتسوووون فوك من تصعد وتشوفها ها
شاهين ..اصخام ولج شنسوي بس انسلم والله ?
شهلاء ..شتسلم والقران هسه احرك البيت ع راسك شو وخر وخرت من حضنو ولبست روبي وفتحت باب الغرفة وردت اطلع للسطح جان يخمطني بحضنو

شاهين ..عززة بعينج وين رايحه يامخبلة اوكفي خمطتها وجتفتها بحظني وسديت الباب رادت اتعيط وايدي مجتفتها ياربي بيش اسد حلكها وجان اخلي حلكي ع حلكها وخزرتها بعيني يعني اسكتي هيه خدرت ?
كتلها اشششش لتعيطين بداعتي الجهال يكعدون اهدي وخلينه نحجي بتفاهم وصيري عاقلة راح اهدج ماشي

شهلاء ..من خله حلكو ع حلكي حتى يسكتني مادري اضحك مادري دخت مادري اتخردلت بس سكتت وهديت كتلو ماشي احلف مامسويلها شي

شاهين ..والله العظيم وداعة عيونج مالمستها ولاسويتلها شي ..اصلا اتهرب منها وهيه لاطشتلي
شهلاء ..هفففففف شوكت نرجع تكريت تعبت تعبت ماتحمل ابقه بهل بيت وهل كلبة هنا يمك شلون ارتاح شلون انام شلون فهمني راح اتخبل يعني حظي المصخم عافوا كل اربيل مالكوا مجمع غير مجمعنه شسوي هسه اروح اجرها من شعرها واطلعها بالشارع وافضحها فهمني.

شاهين ..خرررب يومج مسجل مو حلك كتلها احم لا حبيبي بداعتي هاي اعراض ناس حرام مايجوز.

شهلاء ..واذا هيه اصلا مفضوحه شتحجي انت العالم كلهم يعرفوها شنو ..
شهلاء ..استغفري ربج ابوية عدنه بنية احنه لتحجين ع عرض العالم حرام

شهلاء …هفففففففف استغفر الله ياربي ..راح انجلط ترا واموت

شاهين ..اسم الله حبيبي لتخافين بداعتي هسه لو عندي شي اجي احجيلج لو اكلج خو اغلس والعب بكيفي شمدريج انتي مو صح ؟
شهلاء ..اي صح ..المهم السطح بعد ممنوع اله اني اصعد وياك افتهمت
شاهين ..صاااااار يدلل الحلوو مالتي ?
شهلاء ..اي عفيه ?
شاهين ..ومرت الايام واني جنت حييل حذر من سالفة سما والسطح ماصعدو اله ويه شهلاء …ومن تروح لاهلها
كل ما اريد اطلع ع سطح ادحج من الباب شوية قبل لا اطلع اشوفها تنتظر ومن تنزل اطلع اترس مي .. شسوي والله ما اريد مشاكل وعيب جيران وزوجها خوش ولد .. والله ويوم اني نايم الظهر وكعدت العصر غسلت وبدلت عادي وتعطرت نزلت من فوك وجان اشوف شهلاء بوجهي .. وجها صاير قطعة مال دم تريد تنفجر .. كالت اصعد .. اني كبل اخذت بوشي وصعدت هههههههههههه .. كتلها خير يمعوده شبيج …

شهلاء … هاي حبيبة الكلب سما .. جايتنه زيارة وجاعدة بلصالة .. جايبة كب كيك عيني .. هيه وابنها شاااااااهين .. تعرف مو اسمو شااااااااااااااهين ..

شاهين … يا منجي من المهالك يا رب ارحم بيه هاي شتريد ?.. كتلها ناس جثييير تسمي شاهين وصكر و باشق .. مو شرط ع اسمي .. واكو ناس تسمي عصفور وغراب .. اريدها تضحك عود كمت احشش اريد افششها شوية ?..
شهلاء ..انت تبقى بلغرفة ما تنزل .. الى ان يروحون افتهمت لا والله اروح اكطع شعرها واسحلها للشارع ?

شاهين ..صاااار انتي تدللين شعندي غير شهولتي اني ?..
شهلاء ..ههههههه خلي يولن اصبغ اصبغ

شاهين ..وراها والله بقيت ما اشوفها نفسي فتره طويله .. احسن حتى تنسى وتلتهي بيتها وابنها .. وبيوم شهلاء رادت تروح تبات يم اهلها عادي مامنعتها وديتها هيه والجهال بس حلفتني ب100 يمين مااندك ب سما كتلها صار حبيبي اتطمني والله لتخافين المهم وديتها ورجعت ..وجان بالليل
وتحديدا ساعة 3 الصبح .. طلعت ك العادة اترس مي للمبردة .. شهلاء والجهال بايتين يم اهلها .. اني طبيت حسيت الباب مال السطح اندفع وراية ما ادحج واذا سما .. وبقميص النوم ولابسة فوكا روب .. طبت وراية .. كالتي انت شنو ما تحس ولك اريدك اني اريدك .. كتلها ولج الساعة 3 الصبح انتي شمطلعج ولج رجلج وين .. كالت بايت بره اليوم .. اريدك الك .. سوي بيه الي تريدو احبك اني والله اعبدك .. كتلها استري عليه الله يستر عليج .. يا بنت الحلال .. ما يصير الي دتسوي حرام .. وشهلاء جوه هسه تطلع وتشوفنه ..

سما …لا مرتك وجهالك يم اهلها بايتين شفتك من وصلتهم ..
شاهين .. هسه روحي وعود بعدين .. نتفاهم .. هيه شفتها حيل لزكت خفت من الفضايح .. كالت والله اذا ما تبوسني الا اعيط واكلب البيت عليك .. والله بقيت ما اعرف شسوي .. كتلها ميخالف تعالي للسطح وجان ادفع بيها دفع واطلعها واسد الباب واقفلة .. وحرام عليه ما طلعت وراها ع سطح ولا فتحت باب السطح الى ان شالوا ..
ومرت الايام والسنين وبسنة 2017 اندحر الارهاب من العراق وانتهى داعش الملعون من ارضنه الحبيبة واتحرر العراق الحمدلله من الانجاس …والمهجرين كلهم رجعوا لديارهم واني قررت اروح لتكريت اشوف بيتي شصار مصار بي ..والله بسنة 2018 اتفقت ويه اهلي وقبلوا نرجع لان الحمدلله البلد شوية صار امان احسن من قبل ونكدر نرجع لديرتنه يم اهلنه وناسنه عاد رحنه اني وستار لتكريت وصلنه للبيت للاسف شفتو مفجرين صفحة منو ومامخلين غراض كلها مبيوكه ..كلت يله الحمدلله ع كل حال ..اهم شي احنه سالمين ..والله رجعت ابني البيت وارممو والمحلات هم محتركة هم رجعتهن والحمدلله بيت اهلي مابي شي محد مفجرو بس مبيوك غراضو ..المهم بعد شهر من التعب كدرت ارجع البيت وبعت بيتي الي بأربيل ورجعنه لتكريت افييشششش ياديرة اهلنه… رجعوا اهلي لبيتهم وبدوا يشترون غراض من جديد وبيت عمي ابراهيم هم كذالك وبيت عمي حازم رجعوا لبيتهم وطلعوا جثة جليل الله يرحمو ونقلوها لمقبرة العشيرة …واني وشهلاء اثثنه بينته من جديد وعشنه احنه واطفالنا بحب وسلام وهسه اطفالنه اسد ولينا صف ثالث ابتدائي وولد ستار حمودي بصف خامس ابتدائي وعبودي بصف رابع ابتدائي …وابشركم شهولتي حبلت بطفلنه الثالث وطلع بيها ولد وراح اسمي نمر ?اي مو احنه عالة مفترسة وكذا ?
وحبيبتي خطية تتعب جثيير هم حامل وهم شغل بيت وهم تربية الجهال وتدرسيهم وهذا اسد طلع نسخة مني بشراستو ويوميه يستدعون ولي امرو بالمدرسة بسبب الشغب والمشاكل الي يسويها هناك لزمتو من اذانو كتلو الخاطر الله متكولي انت عليمن طالع هيج وكح …شهلاء كالت سودة عليه صدك عليمن هذا طالع هلكد وكح ? ..اشو ابو فقير وحباب وابد مو شرس ولا جان موكف المدارس ع تك رجل اكيد هذا الشبل من ذاك الاسد …قصفتني بنت ابراهيم المجيد ? …..
واني بسبب اصابتي طلعت تقاعد من الجيش …صرت نقيب متقاعد هههههههه
وستار وشيماء اشتروا بيت وعاشوا وحدهم لان اخوتي كلهم اتزوجوا الحمدلله وليث خطب وعن قريب زواجو والحمدلله هسه كلنه مرتاحين وماكو بعد فراك ان شاءالله والي جرى علينا صارت سوالف هسه ودائما نتذكرها ونحمد الله ونشكرو ….

هسه انطي القلم لست سارة كاتبتنه المحبة حتى تختم قصتنه ههههه
سارة ..شكرا شاهين ياشرس ههههههه
حبايب گلبي بعد ماعشنه قصة ابطالنه بفرحها وحزنها وحلوها ومرها وصل قطار قصتنة لاخر محطة من محطاتو ويارب اكون قد اسردتها بشكل يدخل لقلبوبكم بسلاسه واكون انطيتها حقها وماقصرت وياكم ولا ويا ابطالي ..
وهسه مثل ماوعدتكم بداية القصة انو اكشفلكم عن الشخصيات الحقيقية واجه وقت رفع الستارة عن اسماء الابطال الحقيقية وعن شخصياتهم اول بطل ابراهيم ابو شهلاء اسمو محمد المجيد ..
وجليل الله يرحمو اسمو الحقيقي جلال ..
وستار اسمو الحقيقي سيف ..
وشيماء اسمها الحقيقي تمارة ..
واطفال شاهين اسمهم هيثم ومينا
واطفال ستار نفس اسمائهم عبدالله ومحمد ..
وليث اخو شهلاء اسمو الحقيقي قائد
ونجي للبطل شاهين الي صار فارس احلام اغلب البنات ههههههههههههه والله كل ما نقراء التعليقات نخرب ضحك يعني تعليقاتكم اتجنن والله اتونسنه مو شلون مجان فديييتكم اصلا انتوا الي نطيتوا نكهة للقصة بفكاهتكم وتحشيشكم وسوالفكم بالتعليقات يعني عاجزة عن الكلام عن جد انتوا ارقى متابعين وارقى قراء ..خلوني اكشفلكم ع اسم شاهين طبعا اسمو الحقيقي هووووو (( احمد المجيد )) اما شهلاء اسمها الحقيقي بس لتنصدمون??
اسمهاااااا(( سارة محمد المجيد ))?
اي نعم هاي كانت قصة حياتي اني مع بطلي وحبيبي وابن عمي وزوجي وابو اطفالي ابو هيثم #احمد_المجيد? … وطبعا احيي الي عرفوني من اول القصة لان دخلوا ع ملف التعريفي مالتي وقارنوا احداث القصة بالملف واستنتجوا انو سارة هيه شهلاء ..ماشاءالله مو متابعات عندي محقق كونان الله وكيلكم اني اركض وراهن اسكت بيهن حتى لتحترك القصة ?
وطبعا جثيير بنات اتغزلن بي جدامي وانوب يخطبوا من عندي وانعجبن بي واني احترك بنار الغيرة وابلع واسكت وشكد شفت بنات رادن حسابو ويكولن انريدو ?واني اكمز واشتعل وانطفي ? وشوية اتعارك ويه شاهين اقصد احمد ? وهوه يهدأ بية ويكولي حبيبي والله انتي الي ردتي تنشرين قصتنه واني مجنت اقبل هسه اكليها لتذبين الصوج بيه ههههههه فعلا صارلي 6 اشهر اتوسل بي حتى اكتب قصة حياتنه وقصة حبنه وبعد تعب وتوسل بالاخير ياله قبل اكتبها … بس اني اعرف بشاهين حبيبي مايرف گلبو بس لشهلاء وقصتنه تشهد ?? ههههههه
وحتى ماضيع تعبو لزوجي شاهين اقصد احمد هههههههه أي كتابة قريتوها تخص الجيش والعسكرية كانت بقلمو هوه مو بقلمي …اني مجرد نسخت ولصقت بالبارتات ..ماشاءالله هم حلوو سردو بالقصص عجبني راح اخلي يكتب روايات مثلي ..سجلو يمكم ?
وهاي كانت نهاية قصتي ويارب ان شاءالله جانت خفيفية الظل عليكم مو ثقيلة ويارب كون اتونستوا ويانه الله شاهد حسيتكم عائلتنه من انشر القصة اني وشاهين نكعد نقراء التعليقات ونضحك واضربو ويضربني ونتكافش ونضحك ونزعل ونتراضه ههههههههه ….يعني صدك جان اسعد ايام كضيناها وياكم بفترة القصة ..وع فكرة بالبيت كام يصيحلي شهلاء واني اصيحلو شاهين وهيثم ومينا يضحكون علينه يكولون ماما منو شهلاء ومنو شاهين ??
واحنه خربانين ضحك …
وصدكوا من كتبتها گلبت علينه المواجع للايام الراحت وجنت كل ما اكتب بارت دموعي تنزل ع حجم الألم والعذاب والفراق الي مرينه بي اني وشاهين وجان يكعد يمسحلي دمعتي ويكول حبيبي تراني يمج وهاي صارت سوالف كتلو بس اتعجب شلون كدرنه نصبر كل هذا الصبر ع هل شدات بس الحمدلله والشكر الي ربنه هون علينه هل مصايب والشدات وصارت سوالف وهل شدات قوت حبنا اكثر واكثر وهسه حبيبي بحظني وعايشين بحب كبير ويه اطفالنه مرتاحين والحمدلله …واعتذر منكم ع كل دمعة نزلت منكم بس شنسوي هذا حال اغلب العراقيين الي مروا بهيج محن ومصايب لاتعد ولاتحصى …..
#تنويه_هام …طبعا اختي تمارة وزوجها سيف واحمد زوجي راح يحذفون حساباتهم من الواتباد لان نزلوا البرنامج بس حتى يتابعون القصة وبس .. ومن خلصت القصة راح يحذفوها يعني اي حساب بأسمهم هذا حساب وهمي وكاذب مو الهم لتنخدعون بالنفوس الضعيفة لان شفت بحسابي واحد معلق عساس هوه ابن عمي واصلا اني ماعرفو ف خلو بالكم حبايب من هيج نفوس ضعيفه …

ان شاءالله ربي يحفظكم ويحفظ غواليكم
ويارب اشوفكم بخير والى هنا اضع قلمي جانبا وان شاءالله التقيكم مع قصة جديدة وابطال جدد لنعيش معهم قصة حبهم بحذافيرها ..استودعكم بيد الذي لاتضيع عنده الودائع والسلام عليكم ورحمة الله وبركاته مع تحيات كاتبتكم الي تحبكم دوووم #سارة_المجيد ??

error: