العنودية والنقيب الشرس – سارة المجيد
مساءكم ورد وفل حبايب گلبي
??????????
#العنودية_والنق
#المحطة_الرابع_
#بقلمي_سارة_الم
بنات هذه رسالة من شاهين شخصياً للي هدالو الاغنية والي علقوا تعليق راقي بحقو الرسالة نصها يكول
???
(( طبعا اني اشكر الهداني هاي الاغنية .. واشكر حظوركم وتفاعلكم وتعليقاتكم الراقية ويا شخصيات القصة .. لكن حبيت اعلق على شي .. اني عراقي ورفعة الراس ولا يهونون اخوانه السوريين .. لكن اني اخو هدلة من ارض الرافدين .. ميها دمي .. وترابها كحل عيوني .. وصدكوا بالله .. ثلثين المراجل عند اهل بلادي .. وحياكم الله منين ما تكونون … اخوكم شاهين المجيد ))
وهسه خلونه نرجع للقصة …
شاهين ..اكيد ماسح الصور والفيس انت مو غبي حتى اتخلي دليل ادانتك بتلفونك ..جان بهل لحظة
اسمع جهاز يرن دحجت الصوت طالع من دشداشة جليل رفعت راسي ودحجت عليه شفتو وجها ينطي الوان انخطف ..ركضت علي ولزمتو راد ينهزم لك والله اليوم اجنزك كتلو ستار تعال فتشو اني لازمو لاينهزم
ستار ..صار خيي رحت ودورت بجيبو وطلعت تلفون ثاني غير تلفونو الاصلي جان جهاز جديد مشايفو عندو .
شاهين ..جيبو ..اخذتو من ستار وكتلو جتفو للكلب اليوم اله ادفنك بالحديقة ..فتحت التلفون وطبيت ع الفيس لايالله نفس الحساب ?رجل له مهابة طبيت ع الرسائل مال الفيس وشفت الصور مالتي مدزوزه من حسابو لشهلاء ..يابووووووووية
شيخ حازم ..شاهين فهمني شنو السالفه
شاهين ..السالفه ياعمي ابنك النذل طاكلي صور جنت واكف يم بنية جوارينه ودازهن لمرتي ..وهسه مرتي زعلانه وتريد تطلك ..
شيخ حازم ..شنووووو ولك جليل صدك هل حجي
شاهين ..عمي هذا دليل كلامي شوف التلفون هذا مو من جيبو طلعنا جدامك ..شوف الصور دازهن لشهلاء
شيخ حازم ..دحجت ع التلفون وشفت صور شاهين مدزوزه اني ماعرف هل سوالف مال فيس ومدري ايش بس شفت صور شاهين بتلفون جليل ..
كتلو ولك يا نذل هاي شمسوي من مصيبة
جليل ..مامسوي شي بوية بس ردت بنت عمي تعرف الي باعتني علمودو شديسوي ..ردتها اتشوف شلون يسرح ويمرح من وره ظهرها وهيه نايمه بالعسل ومتدري هه
شاهين ..اني سمعت هل حجي وعيني كامت اتطلع شرار وتجدح اووويلي يالكعبة ركضت عليه وكتلو ايا كلب نفضتو ببوكس شلتو وركعتو بالكاع كام يزوع دم ..ولك بيمن اندكيت لو ماتعرفني اني شنو يانذل ناقص وجان اضربو دفرة برجلي ع بطنو خليتو يصارخ وردت اضربو ضربه ثانية برجلي لزمني ستار وعمي كتلهم هدوني علي لاوحق الله احرك البيت هسه ..
شيخ حازم ..وليدي العذر والسماح من الله ومنك الخاطر عمك
شاهين ..عمي شنو الفايدة اني مرتي زعلانه ومتصدك ماعندي شي ويه البنية كل ظنها اني خاينها شلون اراضيها فهمني متقبل اترد للبيت وانوب طلبت الطلاك مني شسوي هسه فهمني ..
شيخ حازم ..وعد واخذو من هل شارب اجيبو واجي هوه يفهمها الي صار
شاهين ..لاعمي رجلي ع رجلو هسه يكوم ويايه نروح لبيت عمي ابراهيم ويحجيلها لشهلاء القصة كلها ..لان اكيد يعرف اني بريء ماجنت واكف بكيفي وهيه البنية جانت ذابة نفسها عليه ..
وهوه النذل صورنه وسواها سالفه ودزها لمرتي
جليل ..وكفت ومسحت حلكي جان يخر دم ..كمت اضحك باستهزاء كتلو ومنو كالك اروح والله لو تموت ماسويها خليها تكرهك اني هذا الاريدو
شاهين ..اوووويلي الله رجعت علي ولزمتو من خوانيكو وشبعتو بوكسيات وامو تلطم وتريدني اهدو كتلو تجي ورجلك فوك راسك وجدام عمي احجي تره وحق من رب الكعبة باجر ينصبون فاتحتك هنا ..
ام شاهين ..يبووووو عزززة العزاني ولك يارجال كوم خلص ابنك الولد راح يموت
شيخ حازم ..والله يستاهل ويطبو طوب
شاهين ..ستار روح شغل السيارة دنروح لبيت عمي ابراهيم عمي انت هم تعال ويانه حتى تشهد
شيخ حازم ..امري لله يله يابه كوموا نروح
شاهين ..سحلت جليل بقبضة ايدي وطببتو بالسيارة وكعدت بسدو ليوره وعمي صعد ليجدام وستار شغل السيارة ورحنه لبيت عمي ابراهيم
جليل .. بس اريد اشوف عيون شهلاء من شافت الصورة بقت حسرة بگلبي ههههه
شاهين ..لزمتو من ركبتو وكتلو ولك انت تريد تموت فهمني لاتلعب بعداد عمرك ترا افنيك وداعة ابني
جليل ..هههههه
شيخ حازم جليل انطم لاطيح حظك
شاهين ..بقيت اصك بسنوني ودمي محروك وصلنه ونزلت وسحبتو لجليل وجريتو ويايه وهوه يقاوم يريد ينهزم بس ماخليتو يخسه شاربو وربي لا اكطعو بسنوني ..
طبينه جوه وكعدنه اجه عمي ابراهيم انصدم بجليل امدمه خشمو وحلكو …
ابراهيم ..هاي شنو ياستار شبي جليل
شاهين ..عمي وينها شهلاء
ابراهيم ..جوه اترضع البنية
شاهين ..كوم ليث صيحها عسريع
ام شهلاء ..خير شاهين تره قلقتنه شكو شصاير ..
شاهين هسه تعرفون عمة بس خلي تجي شهلاء ..
شهلاء ..اجه ليث عليه كال تعالي اجوي بيت عمي حازم وشاهين وستار يريدوج
شهلاء ..كمزت كتلو شيريدون ياستار بهل وقت ..
ليث ..مادري كومي تعالي
شهلاء ..حطيت مينا بمكانها نامت ولبست شالي وطلعت رحت للصالة اول ماطبيت صار شاهين وجليل اكبالي شهكت ولزمت حلكي من الخرعة اسم الله هذا شبي الولد شو وجهو صاير خريطة
شاهين ..تعالي شهلاء اكعدي
شهلاء ..سلمت ع الكل وكتلو نعم خير شصاير
شاهين ..انتي بسبب صورة دازيها الج جنت واكف ويه بنت جوارينه سما طلبتي الطلاك مني وحلفتي ماترجعيلي صح ..
شهلاء ..دنكت راسي كتلو اي نعم صح
ابراهيم ..صورة شنو متفهمونه شصاير ..
شاهين ..دقيقه عمي ..وين تلفونج شهلاء
شهلاء ..هذا ..نطيتو التلفون لشاهين
شاهين ..عفية جيبي اخذتو وفتحت الفيس وطلعت الرسالة مال جليل الي بتلفون شهلاء وفتحت التلفون مال جليل وطلعت الحساب مال فيسو وراويتو لعمي ابراهيم كتلو شوف عمي ابن اخوك الشريف داز لبنتك صورة الي ومسوي حركة حقيرة منو عساس اني دااخون شهلاء ..وبنتك ام عقل الصغير صدكت بي وطلبت الطلاك مني اليوم
ابراهيم ..شنووو ..شداسمع اني كل هذا صاير واحنه مندري ليش بابا ليش متحجين ..من شفتي هيج تعالي احجيلي كولي ليش اتضمين علينه
شهلاء ..بابا انتوا علمتوني مافضح سر بيتي لاي مخلوق وشما صار اكون ستر وغطه لزوجي
شيخ حازم ..بارك الله بيج بنيتي والله انتي نعم الزوجة هنيال شاهين بيج ..بنتي شوفي هذا مو جليل ابني ومن صلبي ..اني اكولج شاهين يسوه عشيرة الخلفو وبمية رجال ويموت عليج ولتصدكين يخونج ..
وهل اثول ابني من حركة كلبو سوه هل سواية وتعرفون شقصد ..وانت كوم واحجي الي شفتو واقسم عليك بالقران تكول الحق
جليل ..كمت وكتلهم الي شفتو شاهين جان كوه واكف يريد يطب وذيج لازمتو من ايدو وبالاخير نفض ايدها وطب لبيتهم ..يعني شاهين ماعندو شي وياها ..بعد اتريدون شي
شيخ حازم ..عفية وليدي.. يابه وهسه اجيت بنفسي والعذر من الله ومنكم واتمنى شهلاء تسامح جليل ع الي سواه بيها وبشاهين ..وادري بيج گلبج ابيض وطيب ..وبنت اجاويد ارجعي لزوجج ولتخلين احد يفرق بينكم تره شاهين اتعذب ياله حضى بيج مو بالساهل صرتي من نصيبو لتنسين شصار بيكم عمو ..وتجين هسه بكل سهولة تطلبين الطلاك ع شي تافه واجماله كذب من وره هل غبي ابني
شاهين ..عاشت ايدك عمي ماقصرت وداعتك هاي الخاطرك راح اعديها واسكت ع جليل والا قسما بالله لو غير جليل مسويها احسب الله ماخلقو
شهلاء ..دنكت راسي مادري من الفشلة مادري من نفسي الي شكيت بشاهين ?
شاهين ها يشهلة شو ماسمعنه صوتج احجي كولي شي
ابراهيم ..كافي شاهين البنت نفسه لتاذيها عوفها خلها ترتاح لاتوكع علينه
شاهين ..مو ياعمي تهمتني باطل وطلبت الطلاك يعني شعوطت كلبي اتشعوط واني مامسوي شي ..
شهلاء ..دمعة عيوني خانتني ونزلت مكدرت اكعد كمت من الصالة وطبيت للغرفة يم جهالي وبقيت ابجي هناك بسكته
ام شهلاء ..تره الي سوتو شهلاء جان ردت فعل ع الي شافتو ماكو وحدة تتحمل الي شافتو اني هسه بس اشوف هيج ع عمك والله اكلبها گلاب وحتى اعوفو واطلع لاهلي مو زين هيه خطية ماحجت وبقت ساكته والغصة اكلت گلبها حتى النه ماكالتنه وهسه ياله درينا منك …
شاهين ..اعرف عمة وحقها مكايل شي بس تجي تكولي .. تحجيلي ..تعاتبني ..مو راسا تحكم عليه وتطلب الطلاك يعني رأسا باعتني بفلس ونص
شيخ حازم ..يله وليدي ان شاءالله مصار شي ومريتك وجهالك بحظنك لتخاف ترا شهلاء تحبك وماعدها غيرك ولو مو هيج ماتغار عليك كل هاي الغيرة وصدك هل حادثه احسها قوت حبكم وصار اكبر بعد ..لازم هسه تشكرو لابن عمك جليل لان سوه بيك هل دكه ههههههههه
شاهين ..خلي يعيدها والله لا اكطم رگبتو واشمرها للبزازين
الكل ضحك اله جليل بقه الحقد والغل ينهش بگلبو طلع الشيخ حازم واخذ جليل ويا وراحوا ..واني كمت ورحت يم ام جهالي وحبيبتي طبيت وسديت الباب شفتها واكفه يم الشباك وخاله راسها ع الجامة اتقربت عليها من وره وحوطت خصرها بايدي اثنينهن هيه غلست بقت اتدحج من الجامه حظنتها بقوة ..وكتلها وهسه شنو
شهلاء ..بگلبي جنت اضحك بس مسوية روحي بعدني زعلانه ردتو يراضيني اكثر اي اني طماعة ادري ..كولوا عليه عادي مو مشكلة اني جنت ادري بي بريء واعرف شاهين مستحيل يخوني بس ردتو يتعب حتى يراضيني ..هذا حب عمري وصبر سنيني وبتعب حيلي حضيت بي ودم گلبي جبتو ….مو بالسهل ارضا عليه لازم يحس بيه صعب رضاي حتى ليعيدها مرة ثانية واخلي يتوب من يوكف يم هاي المنعولة اللشة سما ..ويتجنبها ويحسبلي الف حساب قبل ليوكف يمها …..لازم الوحدة من عدنه اتسوي لزوجها كرصة اذن حتى مايعيدها ويتجنب هيج مسائل حتى قبل لايسويها يتذكر الي جرالو من حبيبتو …
شاهين ..قربتها عليه اكثر وبقيت اشم بيها واكولها احجي عاد ماضجتي من السكوت شلون بله ..احجي بداعتي اريد اسمع صوتج وانتي تدلعين لحبيبج شاهين كمت اكرص بيها وادغدغ بيها
شهلاء ..ردت انفجر من الضحك بس كوه لازمه نفسي كتلو كافي ليكعدون جهالك ..
شاهين ..اووووف امووت ع جهالي وام جهالي ..شوكت تطلع الاربعين مال انفاسج ونرجع لبيتنه تراني متشعوط
شهلاء ..مادري ماما دتحسبلي ?
شاهين ..تعالي خلي اسولفلج ع مصيبة من مصايبي ادري بس مصايبي يضحكنج ههههههه
شهلاء ..خررب كوه راح يضحكني ..والله صدك بس مصايبو تضحكني يالله منك
شاهين .. اله اخليج اتطكين من الضحك ..
هاي مره جنه رايحين للمدرسة من الصبح بعدها المدرسة ما مفتحة .. ف اكو جدام المدرسة بيت جاعد ينبني .. احنه جاعدين ع رصيف مال المدرسة واحد من الولد اخوتي ديتشاقة ويا صديقي .. شمر حجارة ع صديقي ما وكعت بي وين وكعت بلخلفة مال العمال الي ديشتغل بلبيت الجدامنه .. هذا شو ادحج علي هوه واخوي واحد يحجي ع لاخ اني ما تحركت من مكاني ردتو هوه يكتلو يعتمد ع نفسو .. والله لزمو وكتلو .. هذا الخلفة من انكتل صاح للعمال مالتو الي بلبيت واذا البيت متروس عمال .. ذاك الساع وكفت عاد ع حيلي وجان اطب بنصهم .. اضرب وانضرب .. واحد منهم ضربني بشيش مال حديد وجان يشكلي البنطرون .. اني متت قهر بنطرون جديد ههههههههههه.. استوحشت عليهم لزمتلهم بوري بلشارع لكيتو .. سويتها مطحنه نعلت امهم على ابوهم .. اجه مدير المدرسة .. لكاهم مددين ع رصيف .. كال هذول شصاير بيهم كتلو والله كتلتهم ادبسزية … كال كل هذول وحدك .. كتله اي والله .. كال انت ابوك شيوكلك وهشكل انت .. فهمني انت من يا طينه الله خلقك .. اشو لا تنكتل لا احد يكدرلك .. كتلو استاذ القوة من الله .. والقوة تره مو بلعضلات القوة بلقلب?
شهلاء ..اوويلي بلاعيمي كامت توجعني من ماهلكد حابسة الضحكة جوايه بقيت ساكته وهوه يبوس بيه ويكولي زين يمكن هاي ماعجبتج خلي اتذكر مصيبة ثانية ?
ها اسمعي هاي المصيبة
مره احنه بلمدرسة بلمتوسطة .. جان واحد من ولد عمي عندو صديقة الروح بلروح اسمو وسام .. شو يوم اجه ابن عمي كالي امشي نكتل وسام .. طبعا اني المشاكل اشتريها بفلوس ما سئلتو ليش كتلو يالله امشي نروح نكتل وسام .. مدرستنه طبعا 3 طوابق وكلش عالية شفتو لوسام صحتلو عرف ان اني جاي اريد اكتلو .. خطية ركض واصعد الدرج واني ورى وياي ابن عمي .. وصلنه السطح وهو فوك .. كالو لابن عمي جايب شاهين .. جايب شاهين عليه .. والله الا احرك روحي .. طلع جداحة .. اني ضحكت .. كتلو تحرك روحك بجداحة .. تعال تعال .. اني كتلو تعال شو هذا طفر من السطح .. واذا ملزوك بلكاع من الطابق الثالث ورجلو مكسرة .. بله لو كاتلو مو احسن ?
شهلاء ..اشتعلوو عشيرتك ع هل دكايك ردت اختنك اريد اضحك بس لزمت نفسي
شاهين ..امممم هم ماعجبتج
وتالي وياج يبنت ابراهيم دولبتيني ترا ..ولج فكيها عاد …ماشي خلي احجيلج هاي اموتج اذا ماضحكتي ههههههه
مره سوو حفلة مال ميلاد الريس الله يرحمو .. ف جابوا مطربين هواي من ظمنهم هذا صلاح البحر
اخذت الولد اخوتي و ولد عمامي ويايه ع حفلة طبعة هيه الحفلة جوه بلقصر محد يفوت ..ف اخذتهم ويايه دخلتهم
هذول الرعونه ولد عمي كومو وشيلوا اوراق وروحو علي حتى يوقعلهم ?
اني طار عقلي ?
شنو هل تصرف الخفيف منهم
رجعوا شايليهن للاوراق ومكيفين بتوقيع صلاح البحر مادري النهر .. وجان احطهم بلسيارة واخذهم ع بيت واخبزهم خبزة خليت كل واحد بيهم عاهه مستديمة ?
شهلاء ..اي خووش ?
شاهين ..اووويلي عليك يگلبي تعبت ولج
..اييييييييي
هسه اسولفلج وحدة تكتليني من وراها ?
اسمعيها ?
هاي قبل بزمن الطيش والمراهقة اني جنت متواعد ويا بنية .. عازمها ع مطعم وكذا … وجاعدين دنسولف ونضحك ما احس واذا وحده ثانية من البنات صديقاتي طابة وشافتنه .. عيني وتكلب المطعم عياط .. يا خاين يا غدار يامادري ايش .. وذيج انوب تستلمني وكعدن اثنينهن اتكافشن .. اريد افك نفسي من الموضوع خليت وعفتهن يتكافشن بلمطعم وفلتت ?
شهلاء ..والله مال قتل انت دفعتو وجان اعضو من ايدو
شاهين ..ولج ااااااخ خرررب عشيرتج ?
شنو صرتي مستذئبه

شو دتعالي ماينفع بيج الطيب لا احرك عشيرة الخلفوج اليوم شمرتها ع الجرباية واجيت فوكاها وهيه اتصيح وخر شاهين شبيك عمليتي بعدها خضرة توجعني ..كتلها تستاهلين ليش اتصديني صارلي ساعة تاضحكج وانتي تتعززين ولج اني شاهين الي جنتي ماتنامين اله بحظنو وماتضحكين اله ع سوالفو شجرالج اليوم اتخبلتي عليه
شهلاء ..لان صورتك وانت واكف كبال سما ودتسولفون سوه تحركني حرك واتشعوطني
شاهين ..ول بوية والله هيه ذابه نفسها عليه ..زين اكعدي خلي اسولفلج شكالت وذمة بركبتي اذا جذبت واحلف بداعة جهالي هم ..
شهلاء ..ماشي من غير حلفان راح اصدكك ..احجي شجنتوا اتسولفون ..
شاهين ..شوفي اول ماوصلت لبيت اهلي شفتها واكفه بلباب بس دنكت داطلع ملابسي جان اشوفها كبالي واكفه اتخبلت يمعودة يابله عليج وخري امشي روحي ابد كالت ماوخر واذا انت وخرت اصيح والم عليك الناس اكولهم اتحرش بيه
شهلاء ..عززة العزاها ان شاءالله كون ربي يفضحها وتنكشف كدام رجلها ويطيح حظها هل فاسقه هاي
شاهين ..المهم حبيبي بقت تلغي لغوة فارغة اني مانطيتها مجال وداعتج وباللحظة الي حطت ايدها ع ايدي النذل لكفها وطكلنه صورة ودزها الج واني راسا نفضت ايدي من ايدها وعفتها وطبيت لبيتنه ..
شهلاء ..ماشي شاهين بس والله ثم والله اذا شفتك مرة ثانية واكف بنفس المكان انت وياها حتى لو ماتحجون بس مجرد طرقكم اتلاقت وشفتكم صدك اخر يوم يكون بيناتنه ومتشوف خلقتي بعد ..
شاهين ..شوفي حبيبي اني ترا ماتهدد وتعرفيني كوولش زين اذا بخاطري شي اسوي لو مو انتي لو ابوية بذاتو مايهز مني شعرة ..بس من كتلج ونطيتج وعد يعني اخذي من هل شارب وان كلمتي وحدة ماتصير اثنين ..لان انتي حبيبتي وغاليتي ويعز عليه زعلج …صدكي مراح اتشوفيني بعد ويه سما لان اصلا شنو هيه حتى تنقهرين منها ترا لاشيء بالنسبة الي ..
شهلاء ..ماشي شاهين خير ان شاءالله
شاهين ..وهسه رضيتي لو بعدج مطنكرة ههههههه
شهلاء ..ههههههه لا الحمدلله رضيت اني ماكدر ازعل عليك
شاهين ..يعني هسه ابوس براحتي ماتنفرين مني وتبعديني عنج ?
شهلاء ..اكعد راحة تراني نفسه وانت تخوف ما امن بيك ابو المصايب روح روح امشي روح لاهلك ?
شاهين ..اصخام ولج تطرديني
شهلاء ..اييييي يله هوينه من غير مطرود روح لبيت اهلك …
شاهين ..اممممممم اي بعيني اروح لاهلي ليش لا ..بس اخاف سما واكفتلي بالباب وكذا والشيطان شاطر ?
شهلاء ..ها ? ..لالالالا تعال حبيبي نام اليوم هنا بحظني اموووت عليك اصلا اني ?
شاهين ..? نسوان ماتجي اله بالعين الحمرة ايبااااااااه …اتمددت بحظنها يمممممه هسه برد گلبي افيشششش ياعطر حظنج بقيت دافن راسي بشعرها وغفيت وجان ع غفلة يعيطون الجهال يبوووووووو ولج شو ذولي ماينامون شلون عايشة وياهم انتي الله يساعدج ?
شهلاء ..اصلا راح اموت اني ?
ومرت الايام والاشهر ورجعت لبيتي وبقيت يم جهالي اداري بيهم ورجع شاهين للعسكرية وجان دوامو اسبوع بأسبوع ومن يرجع من الدوام يكعد يشتغل بالمختبر مال التحاليل الي اشتراه
شاهين ….ومرت السنين وبسنة 2014.. دخلوا الدواعش الكلاب للموصل وفي 10 حزيران 2014 .. سقطت مدينة الموصل في ايدي قوة الظلم والضلال داعش واحنه جنه متواجدين بتكريت .. ف دخلنه انذار .. والناس والضباط والمراتب متوترين ..لان هذول ناس يدعون الدين لكن همه بعيد عن الدين بمراحل ..مجموعة لصوص وقطاعين طرق ..استولو على مدينه الموصل ..وتكريت لان قريبة عليها ف الناس متوترة وخايفة ..مثل ما كتلكم حسيت عند الجنود والضباط خوفة وردت فعل .. ف كعدت اشيم بيهم واهديهم ..اول يوم بعد سقوط الموصل بدت عمليات الهروب من الجيش من ضباط ومراتب .. وره 3 ايام تقريبا ما بقى الا القليل منهم ..صبحنه الصبح ..واذا داعش طابين تكريت ..ادحج واذا ولا جندي او ضابط باقي وياي الا المراسل مالي ..كلها منهزمه ..والله باطل عليكم ..طوقوا المقر داعش بسياراتهم .. وتواجهنه وياهم لكن احنه 2 وهمه جيش ..كالي الجندي الي وياي سيدي ما ننسحب راح نموت وبدون ما نسوي شي ..كتلو شلون ننهزم مو عيب علينه .. كالي الهزيمه بهيج مواقف ثلثين المرجلة .. ودتشوف محد بقى غير اني وياك ..كتلو اني ما انهزم ..انت روح اذا تريد تخلص بنفسك .. والله اني داحجي بلتلفون وجان هذا الجندي يشخط السيارة ويطفر وبيها العتاد والسلاح وكلشي .. بقيت بطرك روحي والمسدس مالي ..كلت لا حول اني ولا قوة هسه .. وبالي يم اهلي ومرتي وجهالي
نزعت ملابسي العسكرية ولبست مدني لان ذولي اذا شافوني ببدلتي ورتبتي رأسا يقتلوني 100%.. تالي رجعت للبيت واني امشي اشوف المواقف المؤلمة .. المدينه محتركة والابنية محتركة .. وهذول المجرمين يفترون بسياراتهم .. رجعت لبيتي مشي ..احنه بتكريت ساكنين .. بقوا القليل .. دخلوا للمدينه الدواعش الكلاب .. وسقطوها .. اني عرفت راح تصير فرهود .. لان لا دولة لا قانون .. شلون بوقت الاحتلال … خفت على شهلاء وعلى اطفالي من الوضع التعبان .. وخصوصا اهلي رادوا ثاني يوم يروحون لاربيل … كتلها حتى تروحين ويا اهلي واخذي الجهال .. هيه رفضت .. كالت ندز الجهال واني ابقى وياك .. اني قررت ان ابقى لان كلت راح يتفرهد البيت .. هذا تعبي منين اجيب بعد واترسو .. وخفت هذول الكلاب يفجرو ..
شهلاء ..ماروح شاهين وشيصير خلي يصير لو اموت هنا ماعوفك افتهمت كافي انحرمت منك 4 سنوات من اخذوك الامريكان اتريد اتعيد المئسات والقهر عليه مال سجن بوكا ..خليني يمك اذا الله كاتبلنه نعيش سوه انعيش واذا انموت سوه انموت ..بس مال اعوفك واروح ويه اهلك ابد
شاهين ..شهلاء بطلي عنادج مو وكته رحمه لاهلج الوقت ايداهمنه والدواعش طبوا تكريت وسقطوها
روحي ويه اهلي الخاطري .. ترا الوضع متأزم چثير
شهلاء ..حبيبي اذا خايف ع الجهال اندزهم ويه اهلي واهلك واني ابقه هنا اداريك شلون تبقه وحدك
شاهين ..هفففففف اللهم طولج ياروحي ول ابوية افتهمي ذولي اذا طبوا هنا مايعوفون مراة بحالها لان نكسين شتريديني ابقه واكف ادحج عليهم شلون يخطفوج من ايدي شبيج لتخبليني والله اقتلج ولا اخلي احد يلمسج امشي لمي ملابسج بالجنط وروحي انتي والجهال ..
شهلاء ..طكيت بجي دفنت راسي بصدرو وكمت اشهك كتلو حبيبي والله حرام يعني مكتوب علينه الفراك بكل وقت مايصير ..عوف البيت خرررب بي ماريد منو شي اني اريدك الك …ولك اموت لو صار بيك شي …
وللحكاية بقية …
بقن بارتين وتنتهي القصة كونوا ع ترقب احداث مفاجئة وصادمة بأنتظاركم
#يتبع …
اذا شفت تفاعل قوي انزل بارت اضافي واذا بقيتوا نايمين اخلي ع باجر شدوا الهمة يله ??????
#سارة_المجيد?