العنودية والنقيب الشرس – سارة المجيد
#العنودية_والنق
#المحطة_التاسعة
#بقلمي_سارة_الم
❤❤❤❤❤❤❤❤❤
جنت خايفه وگلبي يدك خايفه من النتيجة ومن الي راح اتكولو الدكتورة شنو سبب تأخري بالحمل ..
خلت جل ع بطني وبدت اتمشي جهاز السونار عليه كملت وكلتلي يله ماما كومي ..كمت مسحت بطني بالكلينكس ونزلت كعدت ع الكرسي اليمها ..
زهور ..ها دكتورة بشرينه فدوة شطلع عندج
الدكتورة ..لتخافون مابيها شي بنتج ماشاءالله مبايضها نظيفه ورحمها كامل ونظيف ماكو شي يمنعها من الحمل ..بس عدها شوية التهابات خفيفه راح انطيج علاج امشي عليه وماريد الرجال يتقربلج بهل فترة نهائيا لحد ماتخلصين العلاج ياله ..
شهلاء ..بگلبي كلت اي الحمدلله شاهين بالدوام منا ل10ايام ياله ينزل يكون مخلصه العلاج ادري بي ميتحمل يبتعد عني والله لايكلب الدنيا ع راس الدكتورة
كتلها صار دكتورة ان شاءالله ..كتبتلي العلاج بالراجيته واخذتها وطلعنه رحنه للصيدلية اخذنه العلاج ورجعنه للبيت ..
زهور ..يله ماما اخذي علاجج من هسه ابدي بي بين مايجي شاهين تكونين مكملتو
شهلاء ..اي ان شاءالله ماما ..
اخذت علاجي ودعيت الله يجبر بخاطرنه ويبشرنه شهر الجاي بحملي يااارب دخيلك فرحني بضناي ?
في مكان اخر ..
شاهين ..طبعا ماكلت لشهلاء اريد اسويلها مفاجأة عبالها بعد 10 ايام انزل بس اني بعد يومين انزللها اكييد راح تطير من الفرحة اوووف مشتاقلها ولااشبع من حظنها خررب عشيرتج مدري شمسويتلي بنت ابراهيم ههههههه
طبعا اني بعد التحاقي بلجيش .. قررت ان ادرس كلية ثانية .. تساعدني ان افتح عمل اخر الي .. ف شفت انسب كلية الي هيه علوم الحياة .. اخذ شهادة منها وبنفس الوقت اسوي مختبر الي .. قدمت للوزارة تفريغ للدراسة .. وقدمت على الدراسة المسائية .. وافقولي وعكب باجر راح انزل من الدوام وابقه ادرس ومن اتخرج ارجع للجيش …
صار ثالث يوم لميت كل غراضي وملابسي من مكتبي وحطيتهن بالسيارة و ودعت كل الضباط ..وخطية الجنود اجوي يودعوني لان راح اغيب عنهم 4 سنوات وارجع ان شاءالله ..صعدت بسيارتي وانطلقت لتكريت لديرة الغوالي وصلت رحت لبيت عمي ابراهيم حتى اخذ غزالتي فديتها شكد مشتاقلها ..نزلت ودكيت الباب جان تطلعلي شهلاء انصدمت بشوفتي ?
شهلاء ..جنت امدده وسمعت الباب اندك ماما رادت تفتحو كتلها ارتاحي ماما اني اروح اكييد هذا ليث ..رحت فتحت الباب واذا شاهين واكف جدامي
كتلو شجابك ؟!
شاهين ..ها شبيج حبيبي سالمين جنج شايفه جني كبالج ..بله هذا استقبال مراة لرجلها جاي من العسكرية ومشتاقلها ها
شهلاء ..صحيت ع نفسي يا صدك شبيه ههههه ضحكت كتلو ها لا مو ادري بيك بعد 10 ايام تنزل مو اليوم ف تشوفني اتفاجئت يعني ?
شاهين ..ايييي اكيييد فرحانة ?
شهلاء ..هههه اييي اكييد ..بگلبي كلت خررب حظي شفرحانه راح تخرب علاجي والاول والتالي ?
شاهين ..شبيج حبيبي مريضه شو مو ع بعضج
شهلاء ..ها لالا مابيه شي تعال طب جوه خما راح تبقه واكف بالباب
شاهين ..يله بس اسلم ونطلع نرجع لبيتنه ولج مشتاقلج ماتحمل بعد
شهلاء ..احووو يبووووو عليه ?
هذا شيصبره 10 ايام مايتقربلي غير يعدم الدكتورة اليوم
كتلو يله طب بس احظر ملابسي وابدل ..ميدري اليوم راح ينظرب بوري العريس
شاهين ..ديله ..طبيت جوه سلمت ع عمتي زهور كتلها عجل عمو ابراهيم وين شو ماكو
زهور ..راح لبيت ابوك يتعلل هناك هههههه
شاهين ..اهااا عجل احنه هم يجوز بالليل انروحلهم
شهلاء ..يله كملت
زهور ..رحت يم شهلاء وشاورتها كتلها لتنسين اتطبقين كلام الدكتورة تره تخربطين العلاج
شهلاء ..احم صار ماما
شاهين ..خير شكو شو تبسبسون بيناتكم شصاير ?
شهلاء ..ماكو شي حبيبي بالبيت نحجي يله نروح
شاهين ..يله يگلبي مع السلامة عمة ..
زهور ..الله وياكم يمه
شاهين ..صعدنه بالسيارة ولزمت ايد شهلاء وحطيتها ع گلبي كتلها شوفي كلبي شلون ديدك بس شافج ?
شهلاء ..اووف خطية شاهين شراح اتسوي لو تدري بأمر الدكتورة يمكن تروح اتفلش العيادة ع راسها ..كتلو فدييت گلبك حبيبي
شاهين ..بست ايدها جنت فرحان لان مراح ابتعد عنها بعد وابقه 4 سنوات وياها بدون دوام يفرقنه …بس دوام الكلية العادي ..
وصلنه لبيتنه طبيت للكراج ونزلنه طبينه للبيت متحملت بعد قفلت الباب وسحبتها عليه وحضنتها
شهلاء ..ها حبيبي اوكف دقيقه هوووب خلي نتفاهم شبيك
شاهين ..شتفاهم رب الحلووو ميت عليج مشتاقلج شبيج ….
شهلاء ..ادري والله اني هم مشتاقتلك بس دقيقه خليني احجي افهمك خرررب ..ابد شاهين انطلق لعالم الفقدان وفصل عن الدنيا شفتو انجن بأفعالو خفت لايخربلي علاجي دفعتو عني كتلو حبيبي بس دقيقه اصبر شبيك خليني افهمك يمعود الووووو
شاهين ..شنو السالفه شبيج شهلاء ليش تبعديني عنج وشتفهميني
شهلاء ..كتلو اكعد حتى احجي وياك
شاهين ..هوه شكو تره خبلتيني شصاير ..
شهلاء ..يالله منك شاهين شلون راح افهمو بدون مايتعصب والله لا يكلب البيت ع راسي ?
شاهين ..متحجين شبيج ساكته
شهلاء ..اي حبيبي بس اهدأ ولاتتعصب فدوه اروحلك
شاهين ..هففففففف مسحت وجهي واتنفست بعمق كتلها ماشي هدئت احجي
شهلاء ..اني مو خابرتك كتلك راح اروح للدكتورة وانت قبلت كتلي روحي اذا هل شي يريحج
شاهين ..اي والدكتورة شعليها بالي ديصير هسه بينه حتى تمنعيني من حقي بيج
شهلاء ..مو هيه هنا المشكلة ??
شاهين ..تحجين لو شلون
شهلاء ..ماشي ماشي ..مو الدكتورة من فحصتني كالت عندج التهاب بسيط ونطتني علاج ودامشي عليه هسه
شاهين ..اي حبيبي زين عادي بس هم مادافتهم وين المشكلة حتى تبعديني عنج
شهلاء ..الدكتورة كالتلي لتخلين زوجج يتقربلج لمدة 10 ايام علمود العلاج ?
شاهين ..شنووووووو يمه شنوووو هاي ياطايحة الحظ هيج نصحتج ها
شهلاء ..اعصابك حبيبي هاي دكتورة اختي شيماء كالت حتى يروح الالتهاب لازم تمشين ع العلاج لمدة 10 ايام وزوجج مايتقربلج نهائيا ?
شاهين ..حلووووو ..ومكتيلها المكرود زوجي وين ينطي وجهو بهل 10 ايام ها مافكرت بيه وين اولي
شهلاء ..حبيبي ميخالف اصبر الخاطري اني اريد اطيب حتى احبل بطفل منك ??
شاهين ..اوووف يعني مصرة ع سالفة الطفل ياعمري ياحبيبي خليها ع الله شبيج مستعجلة ..
شهلاء ..حبيبي اني كبيرة مو زغيرة يعني اختي ازغر مني حبلت واني لحد هسه ماكو اي حمل ديصير عندي ..غير اتعالج حتى يتم الحمل
شاهين ..وهسه شلون فهميني ..
شهلاء ..لزمت ايدو وكتلو اصبر الخاطر يصير عدنه طفل يملي علينه حياتنه ..يروحي هنه 10 ايام بس مو اكثر اخلص علاجي وكلي الك ذاك الساع
شاهين ..عجل ماحجيتي من خررب حظي المصدي اقل جان كابلت جهرة جنودي المزنجرة مو اكابلج وتريدني اشوفج وماسوي شي اووويلي الله شلون ارجع هسه للوحدة مالتي لو اروح اتزوج ..اي اروح اتزوج لحد ماتخلصين علاجج خاتونه ?
شهلاء ..اتخبلت عززة العزاني هذا يسويها والله ..كمزت من مكاني وتعلكت بركبتو وبقيت احجي بدلع واسايرو واقنعو وابوسو ..كتلو معقوله حبيبي تهون عليك شهولة حبيبتك تجيب عليها زوجة ثانية بس لان ماتكدر تصبر 10 ايام
شاهين ..ولج ابتعدي حركتي اجدادي لاتشعليني بنار حظنج اني صاير جمرة وانتي بسوايتج هاي دتشعليني اكثر وخري اريد ابرد من خررب حظي انتي دتثيريني وتخليني اروح اتزوج غصب ?
شهلاء ..اصخام ابتعد عنو وكتلو لالالالا يله راح اروح اصعد انام وانت روح لبيت اهلك سلم عليهم وتعلل يمهم وتالي الليل تعال حتى اني نايمة متشوف مني شي ها شكلت ?
شاهين ..هفففففف امري لله شجابرك ع المر غير الامر منو …
طبيت للحمام فتحت ع راسي دوش مي بارد ثلج حتى اطفي ناري المشتعلة من خرررب عشيرة الخلف هل دكتورة متكولي منين طلعتلي بهاي السالفه هففففففف طلعت ولبست تراك وكتلها ..امشي قفلي الباب وراية من الله لاينطيها الدكتورة مالتج حرمتني منج
شهلاء ..??
شاهين ..اي اضحكي اضحكي سهلة تنكضي ال10 ايام وشوفي شسوي بيج وكتها ..
طلعت وركعت الباب وراية امده حظي مادري شبيها راح اتموت ع الخلفة هسه عوفينه نفرح بحبنه نتونس خررب حظي جلبت اله تخلف ..صعدت بسيارتي ورحت لاهلي ..
شهلاء ..لازم هل فترة مالبس شي يثيرو البس كلو دشاديش طويلة ومحتشمه ? وابد ماتقرب صوبو ..ياربي يعدي هل كم يوم ع خيير لايتهور ويدك بيه دكه ..شرس واعرفو ?
شاهين ..وصلت لبيت اهلي طبكت السيارة ونزلت وجسمي كلو يصب نار اريد ابرد خررب يومج شهلاء شسويتي بيه بهذلتيني هسه هيه مال جهال بهل زلك ..اول ماردت اطب لبيت اهلي سمعت صوت بنية تصيحلي شاهين شاهين اني اتسمرت بمكاني منو هاي يالله …
الدنيا ظلمة درت وجهي واذا سما واكفه اباب بيت اهلها لايالله ليشوفها احد خرررب حظي انوب اتقربت عليه وكفت جدامي ..شنو من جرائة عدها انوب لابسه ملابس اتخلي الراهب يعتزل ..واني جانت عايزه يمي والتمت بعد
سما ..جنت بره داشتري من المحل وردت اطب لبيت اهلي جان اشوف شاهين نازل من سيارتو
ديطب لبيتهم اني گلبي كام يدك سريع مكدرت اشوفو وماصيحو ..صحت عليه شاهين شاهين وجان ينصدم بيه اتقربت عليه وكتلو شلونك شاهين
شاهين ..احم ..هلوو سما الحمدلله انتي شلونج
سما ..موزينه والله من يوم العفتني اتدمرت ?
شاهين ..احم سما اترجاج طبي لبيتكم لحد يشوفنه ويفهم غلط
سما ..ميهمني ..اني اليهمني انت وبس واعرف بعدني احبك ولابيوم نسيتك ..ولك اني اشوفك بوجه زوجي حتى من ينام ويايه اتخايلك انت مو هوه ..
شاهين ..خرررب حظي المصخم اني عايز حركة اعصاب وهاي جايه اتكمل عليه ..كتلها يابنت الناس اعتقيني اني مو ناقص ضيم روحي طبي لبيتكم الله يرضا عليج تره الشيطان ماميت روحي طبي ..
سما ..اي طبعا اخذت الي تحبها وعفتني بقهري وضيمي ولافكرت بيه وخليتني اتزوج انسان ولا احبو ولا اطيقو ..وتعرف كولش زين ماحبيت ولا راح احب واحد غيرك ..
شاهين ..ول بوية استغفري ربج انتي مراة متزوجه لتسوين هيج اني مافيدج لان اتزوجت ومو مال لعب وعلاقات بعد ..روحي لحال سبيلج وشوفي حياتج مادام اتزوجتي وانسترتي لتفكرين بيه بعد ..ماردت اطول وياها بالكلام خفت احد يطلع ويشوفنه عفتها ورأسا طبيت لاهلي ..هفففففففف انعل ابليسج جسمي نمل لعنة الله ع الشيطان ..
طبيت وشفت اهلي مجمعين كلهم وعمي ابراهيم يمهم سلمت عليهم كلهم وكعدت يم ستار ..
ستار ..ها ياذيب شو داير هواك يمنه اليوم شنو السالفه متعارك ويه الحب ?
شاهين ..دسكت يمعود خليني بضيمي اخوك عندو جفاف عاطفي اليوم
ستار ..اه خير خيي احجيلي شبيك
شاهين ..اكولك ليش متسكت شتريدني احجيلك بله شي بيني وبين مرتي شكو
ستار ..اعصابك يابرنس وضعك مايطمن جنك مطرود ومضروب بوري بعد اخوك ?
شاهين ..?
جاسم ..بوية شاهين ليش ماجبت شهلاء تتعلل ويانه
شيماء ..اي صدك شاهين عفيه ليش مجبتها ضايجة اريد اسولف وياها
شاهين ..احم شسمه شهلاء تعبانه ونامت واني ضجت وحدي جاعد ف اجيت اتعلل يمكم ?
ابراهيم ..خير شبيها بنتي شاهين احجي
شاهين ..بگلبي كلت شبيها يحظي بنتك شعلت اجدادي وعافتني ونامت ..كتلو مابيها شي عمي بس راسها يوجعها
شيماء ..ياا خاف حامل يالله
شاهين ..لا يابه شنو السالفه لا حامل ولامريضه بس صداع عدها وعفتها نايمة واجيت يعني اتورطت بله اطلع اروح فهموني
جاسم ..ع كيفك بوية شكنالك وضجت اعصابك ..
شاهين ..هفففففف ضجت خلي اولي اروح احسنلي ..كمت وكتلهم يله اني رايح اخاف تحتاج شي شهلاء ..
الكل ماشي سلمنه عليها ..
شاهين ..ان شاءالله طلعت وصعدت بسيارتي خفت لا هم اشوف سما حتى تكمل السبحة ..
شغلت سيارتي وطلعت رحت للكهوة كلت اتعلل اكضي الليل هنا يم اصدقائي وارجع للبيت صحت لضياء الكهوجي كتلو جيبلي نركيله هنا اجوي اصدقائي وكعدوا يمي وجابوا دومنه بقينه نلعب شوية نسيت البيه وجان بهل لحظة يطب جليل وصديقو وسمعني حجاية اني دمي كام يفوعر ((كلي اكو عريس عايف بيتو وكاضيها بالكهاوي وجان يطكها بضحكة)) يالكعبة هذا لعب بعداد عمرو اليوم اني محترك اصلا وهوه اجه دار بانزين عليه غديت بركان دفرت الميز برجلي واتطشرت الدومنه وانداريت علي رفعت رجلي ونفضتو بامامية كعدتو بالكاع ورجعت لزمتو من ركبتو وكومتو ..كتلو يابه انت جسمك يحكك من زمان مشتهي كتله مني دكلها لعد نفضتو بكلة خليت خشمو يجري دم جان يركضون علينه اصدقائي لزموني وبعدوا عني
جليل ..وخروا خليني اربي الكلب اله اطيح حظو
علاء ..يمعود دسكت وشبقه بيك وجهك صار خرايط اسلم ع نفسك وكفي الشر
شاهين ..ولك اذا ماخليتك ترجف حتى من يجيبون اسمي كدامك ماكون ابن ابوي ..لزموني الولد وطلعوني واخذني علاء بره الكهوة وكال عوفو بداعتي هذا مايفتهم شي ..انت اعقل منو لاتخلي عقلك بعقلو
شاهين ..جنت حييل متعصب وفاير دمي كتلو علاء راح ارجع للبيت يله تعبان ومالي خلك
علاء ..ماشي خيي الله وياك
شاهين ..رجعت للبيت وطبيت سنطة وظلام وهدوووء .. سديت الباب وصعدت فوك لكيت شهلاء نايمة ومكشفه رحت اتقربت يمها كسرت گلبي امنيتها تحبل ويصير عدنه طفل مثل اختها وستار ..بس اوووف حبيبي شبيدي عليج هل شي بيد الله مو بيدي ولو جان بيدي وداعتج لاسوي وماتاخر ..غطيتها وبستها واتمددت بصفها جان اتحوص وحطت راسها ع صدري ونامت ههههه فدووة لعمرج مثل الطفلة نايمة حظنتها ونمت ..
بعد مرور 10 ايام
شاهين ..اليوم اليوم العب لعب اليوم هلا هلا كعدت اغني وفرحان شفت شهلاء بعدها نايمة رحت نمت بصفها وبقيت صافن ع وجها اووووف فدييت هل شكل الحلوو براطمها مال عض وخشمها مال اكل كلها ع بعضها للاكل ?
اتقربت من وجها وبستها جان تفز ..
شهلاء ..اووووي حبيبي خرعتني شبيك
شاهين ..ااااااخ اسم الله عليج بعد بيتي ..دكومي حياتي مشتاقلج موووت اليوم هوه العاشر يعني خلصتي علاجج بداعتي كومي اريدج
شهلاء ..ههههههه شنو حاسبهن يعني
شاهين ..باع الله اتكول حاسبهن اني غير بالموبايل وقت الموعد ودك الصبح يم راسي ??
شهلاء ..لا والله صدك تحجي ?
شاهين ..وداعة عيونج الي بهذلتني ? ..
دكومي عاد لتغلسين عليه اليوم هم ..
شهلاء ..يعني متصبر لليل
شاهين ..شنووووووو بربج ياليل كومي تره ارتكب جريمة وحق ربج كوه مصبر نفسي تره
شهلاء ..يمممه منك ..اوكف خلي اروح للحمام اسبح
شاهين ..لالالا انتي هيج تمام تعالي من اشتعلووو عشيرة شاهين مو حركتي اجدادي كلهم موتيني خررب اهلج ..نيمتها ع ضهرها واجيت فوكاها ووووووووووووووو
مر ع زواج شهلاء 7 اشهر ..
شهلاء ..شاهين الدكتورة كالت انتي مابيج شي ورحمج نظيف وجاهز للحمل ..كالت خلي يجي زوجج يفحص احتمال من عندك السبب
شاهين ..من سمعتها هيج كالت انتفضت من مكاني وصرخت بوجها كتلها تاكلين تبن افتهمتي وهل حجاية اذا حجيتها اكص لسانج كص فاهمة شنو انوب اتشككين برجولتي وتريدين اتطلعيني ناقص ..والله لاطيح حظج اذا عدتيها
شهلاء ..انهاريت بالبجي وكعت بالكاع كتلو شسوي فهمني شلون ..عجل اني مابيه شي حرام عليك حس بيه انت ولا هامك شي ملتهي بدوامك بالكلية وعايفني الغصة بگلبي ..مرايده منك شي بس تروح ويايه وصدك ماحجي ولا اكول لاحد هل سالفه تبقه بيني وبينك والله بس اتحلل وهاي هيه خلي انشوف شنو السبب والله تعبت ?
شاهين ..شفتها اتهسترت وكعت وطكت بجي دموعها حركن گلبي حرك نعلت الشيطان ورحت كومتها من الكاع وحظنتها كتلها كافي لتبجين ..ولج والله مابينه شي اثنينه وهل شي متعلقه بحكمة رب العالمين منعرف شنو سبب التأخير ..
شهلاء ..بداعتي تعال باجر ويايه شغلة دقايق ونرجع متخسر شي ..
شاهين ..اوووف منج ..ماشي ساعة ابيش تريدين انروح
شهلاء ..فدووة لعمرك حبيبي ? ساعة ب4 انروح
شاهين ..ماشي امري لله مصيبتي ماكدر ع زعلج ومن اشوف دمعة عيونج احترك ..
شهلاء ..ههههه ياروحي شعندي غيرك اني ..والمن اريد هل طفل غير الك يعني ستار اصغر منك صار عندو طفل وانت اكبر منو لحد هسه ماعندك
شاهين ..الله كريم حبيبتي ..
شهلاء ..وصار ثاني يوم ورحنه اني وشاهين حتى يسوي الفحوصات والتحاليل الازمه
دخل شاهين للدكتور وكلو تروح للمعمل مال الفحص الحيوانات المنوية وهمه يتخذون الاجراء اللازم ..وراح شاهين وسووا التحليل وكالوا باجر تجي تاخذ النتيجة .ورجعنه وجان گلبي مشتعل بنار جنت خايفه لا شاهين من انسجن يم الامريكان سوولهم شي او منطيهم شي يخلوهم عقيمين ..صار ثاني يوم رحنه لنفس المعمل جانت طالعه النتيجة نطوها لشاهين وكلولو وديها للدكتور حتى يقراها الك ..
شاهين ..اخذتها وقريتها لان اعرف المصطلحات الطبية وعرفت نتيجتها بس محجيت شي خلي الدكتور يحجي احسن دحجت ع شهلاء .كتلها اووف منج بله هاي حالة هيج اتسوين بيه ..دنكت راسها وانعقجت اوويلي عليه ماكدر احجي حجاية كبل اتطنكر ..طبينه ع الدكتور واخذ الورقة مال التحليل وحطها جدامو ..وبقه يقرا بيها كعدنه يمو ع الكرسي ..كتلو ها دكتور بشرني شطلع يمك
شهلاء ..جنت لازمه گلبي ومترقبة شراح يكول الدكتور وشنو النتيجة
الدكتور ….
وللحكاية بقية…
لتنسوون التصويت ع كل بارت فدييتكم ?
يتبع …
#سارة_المجيد?