العنودية والنقيب الشرس – سارة المجيد
اسعد الله مساءكم بكل خير احبتي ..وهاي خلصنه من هم المدارس والدوام والتعب الصباحي مال كل يوم هههههه واجتنه العطلة الصيفية الحمدلله اخيرا ….كل عام وانتم بالف خير اتمنى النجاح لكل طلبتنه الاعزاء ومايضيع تعبهم ان شاءالله …
اليوم راح اعيد نشر قصة #العنودية_والنقيب_الشرس الي جثيير طلبوها مني ان اعيد تنزليها وتلبيةً لطلباتكم هذا اول بارت وان شاءالله بالليل انزل بارت ال2 اتمنالكم قراءة ممتعة احبتي
#العنودية_والنقيب_الشرس
#المحطة_الاولى
#بقلمي_سارة_المجيد
????????
أخبــريني أنـگي تحبيني وسأخبرگي أني أعشقگي ❤….
أخبــريني أنـگي تغــاري وسأخبرگي أن الغيرة تقتلني
أخبــريني أنـي ملگكي
و ســ أخبـرگي أنـگي جميــع مـا أملگ
آآآآآه …
لــو أنـگي تخبرينـي فقــط
اليوم سينطلق قطار قصتنا بمحطتهِ الاولى ..وسيرجع بنا ويعود الى الماضي لنرى احداث جرت في زمن الرئيس صدام حسين المجيد فأربطوا الاحزمة واستعدوا فهناك مطبات كثيرة ومفاجئات اكثر واحداث تجعلكم تنصدمون احكموا ربط احزمتكم جيدا كي تعيشوا مع ابطال قصتي بقصتهم الجميلة والممتعة ..سأجعلكم تعيشيون القصة بحذافيرها قصة الحبيبين #شاهين #وشهلاء قصة حب لا نعلم اكانت نعمةً لهم ام نقمة عليهم ..تعالوا واجلسوا حوالي كي اسرد لكم احداثها ..
القصة مثل مانوهت قبل كذا #حقيقية 100% وابطال قصتي موجودين بحسابي ويتابعون تعليقاتكم وارائكم كلها ..ونزلت بالاعلان صور مقاربه تشبه الشخصيات الحقيقية وهسه هم راح ارجع انزل الصور للتذكير
النقيب شاهين المجيد مواصفاتو يشبه الي بالصورة بالضبط ??
..وطبعا صارلي شهرين اني ادور ع شبيهو لشاهين وبالصدفه شفت الضابط كرار ع حساب الانستا تبع اختي ودخلنه عليه واترخصت منو وكتلو اريد صورتك اخليها بطل لقصتي ههههه رحب بالفكرة وكال عادي كدامج بس لازم اقراء القصة وياكم ههههه وهسه هوه اكيد ديتابع القصة ويانه ? ..يعني انتبهوا بنات ع تعليقاتكم تره الشخصيتين مهمة وموجودة ديتابعون القصة وياكم ..
صاحب الصورة الضابط كرار والشخصية الحقيقية النقيب شاهين المجيد ?
وشاهين شخصية قوية وعنيفة وشرسة درس الابتدائية في بغداد .. والمتوسطة في الانترنشنل سكول ..يجيد اللغة العربية والانكليزية بطلاقة .. اكمل الاعدادية من ثانوية المتميزين .. بمعدل 89%.. كان شغفو الالتحاق في الجيش العراقي للدفاع عن حدود بلدو ضد اي معتدي قد يحاول المساس بأرضو .. راح شاهين قدم على الكلية العسكرية .. قدم الفايلات المستمسكات المطلوبة هوه و رفيق دربو (( علي كاظم)) .. وانتظروا القبولات تطلع .. وره 3 اشهر انقبلوا ولازم بهاي الحالة يخضعون للفحص الطبي .. راحوا للمستوصف العسكري .. دخلوا للفحص .. طبعا واجهوا شوية مشاكل لان شاهين عنده مرض الربو .. لكن الله سهل وكدر يتجاوز الفحص وراها فحص اللياقة البدنية .. والتحق في الكلية العسكرية الاولى .. فوج عمر بن عبدالعزيز .. سرية المثنى بن حارث الشيباني الفصيل الاول .. التحقوا بعد ما سلموا على الاهل .. استلموا اول يوم الملابس والمستلزمات والفراش والاغطية .. و توزعوا ع القواطع .. واكيد معاه صديق ورفيق دربو علي .. صارت اسرتهم واحد بصف الثاني .. وكعدوا اول ليلة يسولفون ومتحمسين لاول يوم الهم بلكلية صار الليل وناموا .. ساعة 5 صبحوا كعدوا ع صوت البوق .. لازم خلال 5 دقايق همه مغسلين ومبدلين وملمعين احذيتهم ومكوية ملابسهم وواكفين بمكانهم المخصص والي يتخلف عن الوقت يا ويله .. يتعاقب ..
شاهين اخ الاكبر ل5 اخوة ماعندو خوات حذكرهم بالتسلسل وره شاهين ستار يشبه الفنان محمد المجذوب بالضبط هاي صورتو ? ..
وباقي اخوة شاهين همه عبدالرحمن وعمار ومحمود واخر العنقود امجد ههههه
جليل ..ابن الشيخ حازم عم شاهين يعني شيخ وابن شيوخ ..شخصيتو متعجرف اناني ويحب نفسو اصغر من شاهين بسنة كان يدرس سادس ادبي
مواصفاتو نفس الي بالصورة طبق الاصل
جليل عندو 3 خوات زهراء وعذراء ولمياء
وماعندو اخوه هوه الولد الوحيد للشيخ حازم ..
شهلاء بنت عم شاهين المجيد تشبه الصورة طبق الاصل بس الفرق شهلاء لون عيونها صفره ..
شهلاء بنت حبابة بس عنودية ومتطخ راس لاكبر واحد يعني خشمها يابس ?
اصغر من شاهين بأربع سنوات كانت تدرس ثالث متوسط عدها اخت وحدة اسمها شيماء اصغر منها بسنة مواصفاتها مثل الي بالصورة بالضبط بس شيماء عيونها عسلي وشعرها اسود ..
واخ واحد اسمو ليث بصف سادس ابتدائي ..
كانت شهلاء يوميه تروح للمدرسة عادي ويه اختها تكعد الصبح اتغسل واتبدل وتنزل تلكي امها امحظره الريوك ..
شهلاء ..نزلت جوه شفت ماما وشيماء ديتريكون كتلهم صباح الخير
الام ..صباح النور بنتي يله تعالي اكعدي اتريكي ويه اختج
شهلاء ..والله مالي نفس اليوم النتائج مالتنه وخايفه لا واكعه بكم درس ومادخل بكلوريا
شيماء ..ليش احنه نعرف بيج شاطرة وتنجحين دائما
شهلاء ..والله هل مره خايفه مادري ليش ?
الام ..اسم الله يمه ان شاءالله تنجحين وتدخلين بكلوريا ونفرح بيج
شهلاء ..اي يمه فدوة لعيونج ادعيلي الله يجبر بخاطري وميضيع تعبي
الام ..ان شاءالله بنيتي ميضيع تعبج اني بكل صلاة اصليها ادعيلكم كلكم
شهلاء ..تسلميلنه يالغالية ..وبهل لحظة اندكت الباب راح ليث يفتح وجان جليل ابن عمي بالباب
ليث ..ماما اجه جليل
الام ..هلا يمه تعال اتفضل طب ..
شهلاء ..اهووو هذا شجابة يالله
شيماء ..وجع اسكتي هسه يسمعج
شهلاء ..وجع بگلبج تدرين بيه اضوج منو
شيماء ..انتي اتطولين هيج زلمة شلون معدل وشيخ وابن شيوخ
شهلاء ..حتى لو اطولو ماريدو ?
شيماء ..خفي علينه عيني الاميرة ديانا اكو وحدة ترفض الشيخ جليل مالت عليج دشوفي شلون هيبة ?
شهلاء ..اي متاخذي انتي حتى اخلص منو ?
شيماء ..لا عيني هوه يريدج الج عيونو فاضحتو ماريدو ?
جليل ..السلام عليكم
الكل ..وعليكم السلام
جليل ..شلونج شهلاء
شهلاء .. احم هلا جليل الحمدلله بخير
جليل ..اليوم وزعوا النتائج اختي زهراء استلمتها وطلعت ناجحه
شهلاء ..صدك الله عليك
جليل ..اي والله امشي اوصلكم ويايه للمدرسة
شهلاء ..احم لا اني وشيماء هسه نروح ..گلت بگلبي حتى شاهين يشرك ع الحبل شتوصلني ..
جليل ..ضجت من رفضها كمت وكتلهم ماشي براحتكم يله اترخص اروح لمدرستي
الام ..وين يمه صبيتلك جاي
جليل ..دحجت ع شهلاء بحسرة كتلها لا عمة خلي غير وكت اريد اروح للمدرسة اتأخرت مع السلامة
الام ..الله وياك يمة
شيماء ..امداج انتي شبيج ليش هيج تعاملي للولد متشوفي خطية شلون يكسر الخاطر
شهلاء ..انطمي يله امشي اتأخرنه شلنه جنطتنه وطلعنه للمدرسة ..كتلها شوفي اني مايعجبني هيج صنف من الرجال ..اني اريد فارس احلامي يكون ضابط بالجيش والكل تهابو شخص قوي حتى يدافع عني مثل ميدافع عن وطنو ?
شيماء ..اي عيني طبعا اذا شاهين موجود بعد متشوفين غيرو ?
شهلاء ..احم اي اكيد ماشوف غيرو ?
شيماء ..هلا هلا عيني ع الحب اووويلي ?
شهلاء ..انجبي انتي بعدج صغيرة ع هل سوالف ?
شيماء ..ديله عيني اليسمعج عمرج 20 سنة مو 15
شهلاء ..اي المهم اكبر منج ولعلمج شاهين الخاطري دخل كلية العسكرية حتى يحققلي حلمي ويكون فارس احلامي
شيماء ..اي عيني ليش لا ..الله يسعدكم ?
شهلاء ..ههههههه ديله اسكتي وصلنه للمدرسة
طبينه ودخلنه للصف وبدا الدرس و وزعولنه النتائج وطلعت ناجحة الحمدلله فرحت ..ومشى الدوام عادي وصارت الحلة وطلعنه للبيوت ..
ماما ماما باركيلي نجحت نجحت ??
الام ..اي يالله الف مبرووووك بنيتي ككللللوووووششش ان شاءالله اشوفج باعلى المراتب ويوم تاخذين الشهادة الكبيرة
شهلاء ..امييين ياااارب ياحلى ماما بالدنيا ..بوستها وطبيت للحمام سبحت وكلت شوكت يجي حبيبي شاهين ياربي شكد مشتاقتلو اريد ابشرو بنجاحي ..قبل مجان اكو مثل هسه لانت ولا موبايلات فقط التلفونات الارضية وميكدر يتصل وهوه بالدورة اله بالبوكة وهاي كل 10 ايام او اكثر ..جنه نموت من الاشتياق لحد مايرجع ..
…
في مكان اخر
شاهين ..طلعنه اول يوم تعب وركض مو طبيعي .. لان جنه بعدنه اجسامنه ما ماخذه اللياقة البدنية الازمه لهذا الأجهاد .. بقينه ٤٠ يوم بدون نزول على اهلنه .. كان تعب جسدي وارهاق وضغط جدا صعب .. هاي يسموها التئهيلية .. هاي حتى يهيئون الجسم للتدريبات الشاقة .. واستمرينه على هذا الحال وصارت عدنه اصدقاء من ابناء فصيلنه وصرنه شلون الاخوة .. ناس تساعد ناس وناس تشيل عن ناس .. وبدت هنا مغامراتي ويا الكلية الي دامت ٣ سنوات .. عدنه كل يوم احد ركضة يسمونها الضاحية .. اني كنت في فوج عمر بن عبدالعزيز .. كانت الضاحية مالت فوجنه هيه الاصعب .. لان لازم تركض مسافة ٥ كيلومتر .. خلال ١٧ دقيقة .. وهاي المسافة بعيدة وتحتاج سرعة عالية .. اني بصراحة بهذلتني كل اسبوع متعاقب بسبب هل سالفة .. لان اوصل وره الوقت المحدد .. والله مره اني داركض وجان يطبك من يمي ابو كيا .. كمزت ولزمت الدرج مالته .. كتله عمي وصلني لباب الكلية وشتريد انطيك .. الرجل يمكن يعرف بموضوعنه مال الركض ف اخذني وصلني للباب .. اني طبيت متحمس واصل من وقت اصلا واصل قبل كل الطلاب هههههه … المدربين يدحجون عليه بتعجب .. واذا امر فصيلي واكف .. كالي ها .. اليوم واصل قبل الكل .. كتلو اي سيدي اني من زمان اكدر اجيبها .. بس اني ما اريد اعودكم ههههههههه .. كال هاااااا .. عود عميد الكلية شافك مجلب بلدرج مال الكيا .. ويكول هذا الطالب عاقبو ههههههه .. كتلو لا بربك هههههه .. كالي بس كولي شسويلك .. السجن يوميا تنام بي .. ما بقت عقوبة بلكلية ما طبقتها عليك .. ما تجوز من سوالفك .. كولي شسويلك .. كتلو سيدي غلس ههههههه .. عاد ضحك وكال روح روح .. روح …
.. وانزلت لتكريت ورحت لاهلي طبيت للبيت تلكتني امي بالاحظان والبجي كعادتها نبع الحنان ههههه طبيت سبحت وطلعت كتلها يمه ملابسي بالجنطة عود غسلوهن ..
الام ..صار يمه تدلل يله صبيتلك غدة تعال اكلك لكمة
شاهين ..اي جاي يمه ..ردت اكعد اتغدة وجان يجون اخوتي من المدارس شافوني فرحوا بيه حظنوني وبوسوني واجه ابوية حظنتو وبست راسو وكعدنه كلنه اتغدينه وبقينه نسولف ونضحك بس جان بالي كلو مشغول بغزالتي شوكت اطير لبيت عمي ابراهيم حتى املي عيني بشوفتها ..كملنه غدة ابوية راح لغرفتو نام واخوتي هم كلمن راح لغرفتو …عاد اني رحت لبست دشداشتي والغترة لفيتها لفة عمانية وخليت عطر من الي تحبو شهولتي واخذت سويج سيارتي ورحت لحبيبتي ..
صعدت بالسيارة حركتها وطلعت بيتهم قريب ع بيتنه مسافة 5 دقايق بالسيارة وصلت دكيت الباب طلعتلي عمة زهور مرت عمي ابراهيم رحبت بيه طبيت جوه كعدت بالهول ..سئلت ع عمي ابراهيم وليث
زهور ..عمك بالمزرعة هوه وليث تعرف اليوم جمعة وعطلة ماعندو شي
شاهين ..اي صحيح ..احم والبنات وينهن شو ماكو
زهور ..والله نايمات لحد هسه هههههه
شاهين ..خررب يومج شهلاء اني جاي عليها وكلبي مفرفح وهيه نايمه الخاتونه ?
شلون اذا ماشفتها بهاي الاجازة اتخبل ..وجان بهل لحظة اشوفها تنزل يممه يممه فدوة لطولها جنها غزاله ?
شهلاء ..جنت نايمة وجان يجي عطر شاهين بخشمي ..كمزت من فراشي ونزلت ركض عرفت شاهين عدنه ..اول منزلت شفتو كاعد كبالي بالهوال يمممه گلبي حيوكف شفت ماما راحت للمطبخ ركضت عليه وحظنتو ودفنت راسي بصدرو وطكيت بجي ..
شاهين ..من حظنتني شهلاء حسيت گلبي طلع وحظنها يمممه يابنت گلبي رفعت وجها ومسحت دموعها وكتلها لاتبجين يابعد روحي مو هياتني اجيت ويمج هسه اني
شهلاء ..ابتعدت عنو والغصة بداخلي كتلو حبيبي والله تعبت من الاشتياق مداكدر اصبر ع بعادك ??
شاهين ..ميخالف يگلبي اصبري لخاطري ان شاءالله هانت وثم منو شجعني وخلاني التحق بالكلية العسكرية هاااا اشو هسه اتندمنه ?
شهلاء ..اوووف لو ادري هيج راح اتبهذل والله فلا اقبل تدخل الكلية واخليك اتكمل الهندسة ?
شاهين ..هههههه فدووة لعمرج ..يعني هلكد تحبيني بحيث مكاعد تكدرين تصبرين ع بعادي ?
شهلاء ..مسحت دموعي وضربته ع كتفو كتلو عابت بعدك تسئل هل سؤال ?
شاهين ..اااااااااخ امووت عليج ومشتاقلج بكد رحمة الله ولو يهدوني عليج هسه اشربج واكلج كلج ?
شهلاء …هههههه ياااا ??
دسكت اجتي عمتك ?
زهور ..هلا وغلا بشاهين اتفضل جاييك
شاهين ..بيج اكثر عمتي ..تسلميلي ..اخذت استكان الجاي وغمزت لشهلاء وضحكت ..شربت جايي واترخصت منهم وطلعت رحت للگهوة يم اصدقائي ..
#هسه_خلونه_نرجع_بالاحداث
لقبل سنة وخلي اشوفكم شلون بدت قصة حب البطلين شاهين وشهلاء ??
ابو شهلاء ابراهيم المجيد كان يشتغل ملحق عسكري بالسفارة العراقية بالهند .. ومن انقل شغلة للهند اكييد يسحب عائلتو ويا فبقوا هناك 15 سنة وجان ابو شهلاء يجي للعراق بالسنة مرة وحدة بس حتى يشوف اهلو ويرجع للهند مرة ثانية ..وبعد مرور 15 سنة كان لازم يرجع يستقر بالعراق لان انقل شغلو لوزارة الخارجية ..ف صفى كل اشغالو ورجع للوطن وبهذا اليوم كان اخو جاسم الي من امو وابو مسوي عزومه لكل العمام ع شرف رجوع اخو من الخارج وبالمناسبة ابراهيم وجاسم اخوة الوحيدين اشقاء من فد ام وفد اب ..اما باقي ال4 اخوة من امهات مختلفه لان ياسين المجيد متزوج 4 نسوان ومن ضمنهم ام جاسم
كان ابو جليل الكبير بالعائلة واستلم المشيخة بعد وفاة ابوهم ياسين ..
شاهين ..يمه هاي شكو شنو عدنه فصل شو العشيرة كلها هنا
الام ..ليش متدري اليوم عمك ابراهيم راح يرجع من الهند ويستقر بالعراق وابوك مسوي عزومة ع شرفو
شاهين ..لا والله محد كلي اني الصبح جنت بالمحاظرة مال الرياضيات وتوني رجعت (( شاهين كان يدرس سادس علمي وداخل دروس تقوية ))..
الام ..اهاا ديله عجل غير ملابسك لان ابوك راح يجيبهم من المطار حتى تستقبلهم
شاهين ..ماشي يالغالية ..رحت للحمام سبحت وطلعت صعدت لغرفتي لبست دشداشتي الخليجيه وغترتي لفيتها لفه عمانية واتعطرت ونزلت طلعت للحديقة جان اسمع صوت سيارة وكفت بالباب كلت اكيد اجوي ..رحت فتحت الباب شفت ابوية وعمي نزلوا من السيارة وجان يكول ل عمي هذا شاهين ابني الكبير
ابراهيم ..هلا والله بأبن اخوية
شاهين ..هلا بيك عمي الحمدلله ع سلامتكم ..
ابراهيم ..الله يسلمك وليدي ماشاءالله صاير رجال بيا صف هسه انت
شاهين ..هههههه صف سادس علمي
ابراهيم ..حظنتو وبوستو وكتلو عفيه الله يوفقك ان شاءالله
شاهين ..تسلملي عمي للجميع يارب ..دخلوا عمي وابوية جوه واجه ولد صغير بالابتدائية طلع ابن عمي ابراهيم سلم عليه وطب ..واجتي مرت عمي سلمت عليه وطبت وراها طلعن من السيارة 2 بنات سبحان من خلقهن ..الكبيرة احلى من الصغيرة اجتي الصغيرة سلمت وطبت وبقت الكبيرة بقيت صافن عليها وهيه تتمشى وتلعب بشعرها وتخلي ليوره اتسمرت بمكاني خرررب عشيرتج شنو من بنية صااااروخ اتقربت عليه ..كتلها شسمج
شهلاء ..نزلت من السيارة ورفعت شعري ليوره حطيتها ردت اطب وكفني شاب حلوو وشخصية ضخم طويل رفعت راسي وجان يكولي شسمج .. كتلو شهلاء
شاهين ..هلا والله بشهولة شلونج
شهلاء ..هههه الحمدلله تمام ..هسه يصير ادخل لو راح اتبقيني بره ?
شاهين ..ها ..لالا اسف اتفضلي اتفضلي ههههه اتمشيت وياها ودليتها الصالة كتلها منا دخلي هيه اتشكرتني وطبت واني بقت عيني تلاحكها ?
يمممه شبي هذا گلبي ..ولك شاهين اشبيك اثكل ع اخر وكتك تجي وحدة تخليك تتخردل ..بس حقي بنت اللذين جمالها مصيبة ..اتنهدت واتبسمت ورحت للديوان شارد الفكر والبال كعدت يم جليل ..
جليل ..هااا يا ابن العم شبيك شو معالم وجهك مال واحد عاشك ?
شاهين ..فزيت ع كلام جليل ..لايالله لهل درجة امبين عليه ..كتلو انجب ولك مابيه شي بس تعبان من الدراسة
جليل ..هههههه اي الله يساعدك صحيح السادس يقهر الرجال
شاهين ..ماتكرمنه بسكوتك يمعود اني وين وانت وين ..اكل ومعليك بيه
جليل ..شاكل هوه غير ينصبون الغدة حتى اكل ..لااااااا انت حالتك ماينسكت عليها ابد ?
شاهين ..وتالي تسكت لو شلون….
جليل ..هههههههههههههه لالا سكتت سكتت اكوم اشوف اشديسوون اشو اتأخروا ع الغدة
شهلاء ..طبيت للصالة وجانوا النسوان تارسات الصالة وسلمت عليهن كلهن ..وعرفت هنه بيهن عماتي وبيهن نسوان عمامي وبنات عمي منهن متزوجات وعدهن اطفال ومنهن بكدي بعدهن ممزوجات ومنهن اصغر مني ..ماشاءالله شكد يخلفون ههههههه
جان وحدة منهن تصيحلي رحت يمها كالت تعالي يمنه بالمطبخ ع الواهس ..كتلها شسمج انتي كالت اني عذراء بنت الشيخ حازم ..كتلها اهاا اتشرفت بمعرفتج حبي
عذراء ..الي الشرف حبيبتي ..انتي بيا مرحلة
شهلاء ..اني هسه بصف ثاني متوسط
عذراء ..اهاا اني صف ثالث بس اختي زهراء بكدج صف ثاني
شهلاء .. اي ماشاءالله ربي يوفقكم
عذراء ..تسلميلي يگلبي
شهلاء ..طبينه للمطبخ وكعدت ع الميز الطعام وشفتهن كلهن يشتغلن شكد حلوو عبالك خلية مال النحل الكل يشتغل محد كاعد ..استحيت كتلهن انطوني شي اسوي ?
زهراء ..هههههه لاحبيبة انتي اليوم خطار يعني تكعدين مدلله واحنه نشتغل
شهلاء ..هههههههههه لا عاد خطار شنو هذا بيت عمي يعني اني من اهل البيت يله يله انطوني شي اسوي
عذراء ..هههههه لا اكعدي انتي تعبانه من السفر واحنه كملنه ماعدنه شي النسوان الكبار طبخن وخبزن وكملن الاكل واحنه سوينه الزلايط واللبن والخضرة ..وهسه راح يجون الولد يودون اللبلام للديوان
شهلاء ..ماااااشي الله ينطيكم العافية حبيباتي
بهل لحظة طب ولد كال گواكم الله
الكل ..هلا جليل الله يگويك
جليل ..اول مطبيت عيني وكعت ع بنية كاعدة ع الميز لايالله هاي يمكن بنت عمي ابراهيم صدقة لله شنو هل خلقة شو هاي انتاج جديد ..اي طبعا اذا امها كردية شتطلع هيه ??
اتقربت عليها وكتلها انتي بنت عمي ابراهيم مو
شهلاء ..اتقرب عليه الولد وسئلني ان اكون بنت عمو ..اني ضحكت كتلو ايي يا ابن عمي اني بنت عمك ابراهيم ..انت ابن يا عم منهم ?..
عذراء ..عيني هذا الحلوو ايصير اخوية يعني الشيخ جليل ابن الشيخ حازم ??
شهلاء ..ههههههه اهااا اهلا وسهلا بيك اتشرفنه
جليل ..يمه فدوة لهل صوت عبالك كناري ديغرد ..كتلها وبيج اكثر يابنت العم ?
شهلاء ..دنكت راسي وضحكت شكد حلووه حياتهم فدووة لمتهم اتجنن ..وبهل لحظة سمعنه صوت هز اركان المطبخ هزز كلنه جفلنه جان نفس الولد الي شفتو اول مطبينه يمكن اسمو شاهين ..
شاهين ..ضجت من الكعدة كلت خلي اروح اشوف شسووا ع الغدة اشو اتأخر ..واذا اول ماطبيت شفت جليل كاعد يم شهلاء وديتمضحكون سوه ويسولفون ..اني انجنيت دين مابقه براسي عيوني كامت تجدح ماعرف ليش ضجت صرخت وكتلو ولك ياماتستحي اشعندك بنص النسوان وكاعد تتمضحك ها
جليل ..اعصابك يمعود هوه شكو ..قابل اني غريب اشو خواتي وبنات عمي
شاهين ..واذا يعني تكعد بنصهن مو عيب امشي ارجع للديوان ..وانتي لتبقين هنا وهاي ملابسج الضيقه وشعرج الطالع ..امشي اخذي من البنات شي استري روحج بي
شهلاء ..? ..يا هذا شبي انصدمت من نبرة كلامو واسلوبو ويايه ضجت وعكدت حاجبي وكمت وكتلو ممكن متحجي ويايه هيج
شاهين ..عجل شلون تريدين احجي وياج ياخاتونه ها
شهلاء ..يعني شوية كلامك يكون بي لباقه وصوتك يكون ناصي
شاهين ..ليش يمه داحجي ويه امي ?
شهلاء ..يعني بس امك تحترمها ..وثم ماسمحلك تتحكم بيه اني عندي ابوية موجود هوه الي يحكمني ماقبل لاي مخلوق يتحكم بيه افتهمت
شاهين ..لايالله كلامها نرفزني واتعصبت حييل بدون وعي مني رحت يمها ولزمتها من زندها كتلها اني اعلمج شلون تحجين ويه شاهين سحلتها واسمع الكل صاحوا عليه عوفها شاهين البنية اليوم اجتي شبيك عليها ويضحكون ..اني مادرت بال صعدتها فوك وشمرتها ع الحايط واتقربت منها وحطيت ايدي ع زندها وضغطت عليه بقوة
وكتلها اسمعي ولج يمكن بعدج ماتعرفيني اني شنو شايفه عشيرتج الجوه بتك ايدي اشيلهم كلهم وامردهم ومايرفلي جفن اسئلي شاهين الشرس منو راح يكولولج …
ف ياحلووة لتعاندين تره مو من مصلحتج …
شهلاء ..مانكر خفت منو من نبرة كلامو وشراستو كمت ارجف بس مثلت دور القوية حتى ليستفرد بيه .. نفضت ايدو مني ودفعتو عني ..كتلو وانت هم يمكن متعرف شهلاء منو اني اكسر خشم اكبر واحد لا عبالك خفت منك ومن شراستك لا عيوني اصحه ..لتخليني براسك تره راح اتعبك جثيير ?
شاهين ..طكيت ضحك ع كلامها امبينه اتمثل القوة ..بس تعجبني هيج مهرة فدييتها اتقربت عليها وهمست بأذنها وكتلها انشوف عووود ياااااا…… ههههه يا ام خشم اليابس خشم منو راح ينكسر ?
وللحكاية بقية ..
اولاد عم تخلق بينهم العداوة وتتحول الى عشق مجنون يقهرهم بجبروته ??
يتبع …
اريد شوية تفاعل حبايب اذا ماشفت تفاعل ماكمل القصة لان داتعب وياكم وتعرفوني صايمة مثلكم وبيت واطفال مو تخلوني وحدي انشر بدون تفاعل شجعونه بتفاعلكم ???
احببببببكم جثييير ??
#سارة_المجيد?