العنودية والنقيب الشرس – سارة المجيد
#العنودية_والنق
#المحطة_الخامسة
#بقلمي_سارة_الم
جاسم ..يابه اكو واحد يريد يطب يسلم عليكم تسمحولو يدخل لو اتطردوا ??
ابراهيم ..باستغراب? منو خلي يطب هلا بي
شهلاء ..لزمني گلبي وانعصر ..حسيت بقشعريرة بجسمي ولزمتني الباردة جسمي ثلج وكمت ارجف ..من اشتميت عطر شاهين اتخلل لانفي !!
وبهل لحظة طب هذا الشخص واذا شاهين بشحمو ولحمو ????
لا مستحيل ماصدك الي دتشوفو عيني ?
#خلونه_نرجع_بال
شاهين ..طبعا اتعذبت بالسجن تعذيب للكاافر حرام ..واذونه چثير بيوم شدو ايديه بلعكس على ظهري بلشناطات وشدوا ايديه بزنجيل وبكرة فوك معلكة بلجلاب .. ويرفع ايديه تفصخت لان انرفعت بلعكس .. ساعتين بقوا معلكيني على هل وضعية ..ومن نزلوني اخذوني على الطبابة .. ورجعولي ايدية
ومرة هم صارت امور شغب وضربت ولد مسجون وياينه وركضوا الامريكان علينه واخذونه
شدو ايدية و رجلية على سرير ابو طابقين فوك على الطابق الثاني .. وجان يجون 4 جنود ويكلبون السرير بلعكس يعني وجهي صار ليجوه .. وزن جسمي للكاع وايديه ورجلية مشدودات بلبوراي مال السرير .. ضغط وزني كلو صار على مركز ظهري الا راد ينكسر ..الم مو طبيعي .. والله يمكن 5 ساعات على هل وضعية
وبعد مرور 4 سنوات بالمعتقل واحنه جاعدين ويه اصدقائنه كالعادة واذا يجي واحد كال تعال يريدون يحجون وياك اني استغربت اول مرة من 4 سنوات يصيحولي كلت يالله بلكت خير والله طبيت ع الضابط الامريكي ..
كالوا احنه نعتذر جان عدنه اشتباه بلاسم .. هاك هاي 70 دولار تعويض .. ايباااه يعني مسجون 4 سنوات اشتباه باسمي .. و70 دولار تعويض ع هاي السنين من الاذية الله اكبر عليكم شنو من بشر انتوا .. كلت الحمدلله بس خلي اطلع .. وراها طلعت ..
زين طلعت اني بأم قصر
واهلي بتكريت .. زين اني لا عندي هوية لا عندي مستمسك .. وسيطرات متروسة الطريق .. شلون اقنعهم اني جنت معتقل .. انوب طلبت من الامريكان ينطوني كتاب مال طريق حتى اشوفو للسيطارت كالوا راجعنه وره اسبوع .. وين اولي اني اسبوع .. والله رحت للكراج .. ركبت سيارة لبغداد .. ومن بغداد اخذت سيارة لتكريت .. والحمدلله الله سهلي كل الطريق ولا سيطرة وكفتنه وصلت لبيت اهلي وماحجيلكم شصار ..اول مطبيت عبالك شايفيلهم جني هههههه حقهم يعني ابنهم ايسوا منو وصار بعداد الاموات وفجأة يشوفوا واكف كدامهم بشحمو ولحمو ..الكل ركض عليه وحظنوني والبجي بلفس صار وامي متدري تبجي متدري تبوسني متدري تحظني …ابوية الي عمري مشايف دمعتو شفتها بذاك اليوم الموقف جان يبجي الصخر دخلوني جوه وكعدت بنصهم وسوالفتهم من اول يوم دخلت للمعتقل لحد ما هدوني ونطوني 70 دولار ههههه ..
ام شاهين ..يمه من فدوة لطولك اروح شكد مشتاقتلك انفطر گلبي ع شوفتك ..
شاهين ..بعد گلبي يمه والله اني جنت ميت وهسه احتييت بشوفتكم ..
ام شاهين ..ديله ابوية طب اسبح حتى اصبلك لكمة تاكلها اكيد جوعان بعد امك
شاهين ..اي والله يمه مشتاق لطبخج كوولشي صبيلي هههههه هسه حطب اسبح
اخذت منشفه وملابسي وطبيت للحمام وجلفت جلفة مال 4 سنوات وزينت ?
طلعت المع ههههه كعدت اتغديت ..كتلهم سولفولي شخبار بيت عمي ابراهيم وشخبار شهلاء اتزوجت مو ؟
جاسم ..والله يا ابني شهلاء ماكو منها ولاراح تلاكي اضفرها شكد مادورت ..شهلاء اول ماعتقلوك صابها انهيار عصبي و وكعت بالمستشفى وانثبرنه بيها وبأمك اثنينهن وكعن علينه واتدهورت حالة شهلاء وصار عدها اكتئاب ..وجليل اكثر من مرة يروح يريد يخطبها وهيه ترفضو ولعلمك هيه الوحيدة الي جانت اتكول شاهين عايش ماميت وحاسة بيك وابد ما ايست من رجعوك ..احنه كلنه ايسنه واستسلمنه للامر الواقع اله هيه اتعجبت عليها شلون بقت تنتظرك وشكد وفيه لحبك
شاهين …اوووويلي ويلوموني من حبيتها وقفلت عليها حبيبتي يعني لحد هسه منتظرتني وماتزوجت ??
ام شاهين ..اي والله يمه شهلة ونعم منها واحنه كل وكت نروح انزورهم ونشوفها ونشتم عطرك بيها لان انحسها من ريحتك هيه ..
شاهين ..ان شاءالله اعوضعها كل خير واعوضج يا امي الغالية الله يخليكم الي ويحفظكم ولايفرقني عنكم
الكل ..امييين يارب ..
شاهين ..كملت اكل وهنا ماعاد بيه صبر انفجرت كتلهم يله هسه ودوني لبيت عمي ابراهيم ماتحمل بعد ..
جاسم ..ولك بوية الدنيا ليلت خليها لباجر الصبح نروحلهم
شاهين ..ابد بوية هسه كوموا دنروح
ام شاهين ..يااا يمه شبيك اتسودنت اصبر لباجر انروح ننطي خبر للوادم حتى يتحظرون عيب نروح فجأة
شاهين ..داكولكم ابد تروحون لو وحدي اروح اكولهم ماتحمل بعد صارلي 4 سنوات محروم من شوفتها حموت كلبي طك ???
ستار ..ههههههههههه كوموا يمعودين هذا فاقد ومايتحمل بعد ..
جاسم ..اووويلي عليكم ولد جاسم شلون اثنين قافلين ع بنات ابراهيم
شاهين ..انصدمت ودحجت ع ستار وغمزتلو كتلو شنو الفلم ..
ستار ..خربت ضحك كتلو لا لتخاف الموضوع صار علني وخطبتها لشيماء وابوية اصر اله عرسنة يصير بيوم واحد ..والصراحة اني ايست كلت يعني ربطوا مصيري برجوعك معناتها راح انعنس اني وحبيبتي ??
شاهين ..ايا ملعون خايف ع عرسو ومخايف ع اخو ??
الكل ضحك وكلوله دكوم يله تروح لو نصعد انام
شاهين ..لالالالا يمعودين كوموا يله ? ..
صعدت لبست دشداشتي البيضه وغترتي لفيتها ع راسي وخليت من العطر الي تحبو شهلاء ودورت ع ساعتي الي نطاها الي الريس بذاك الوكت لان ساعة ماركة وثمينه لكيتها بنفس مكانها لبستها ونزلت شفتهم متحظرين ومنتظريني امي شافتني كامت اتهلهل وتصلي ع النبي حظنتها وبست ايدها وطلعنه صعدنه بالسيارة ورحنه لبيت الغوالي ..طب ابوية واهلي اني وكفت وره الباب ردت اسوي مفاجئة لحبيبتي …ابوية كلهم اكو واحد يريد يطب ايسلم عليكم اتخلوا لو تطردوا عمي ابراهيم كلو هلا خلي يتفضل منو ؟
وجان اني اطب كلهم انصدموا من شافوني وشهلاء انصرعت وكعت من طولها اتخبلت لايالله مو قصدي والله اصدمج ركضت شلتها وطبينه جوه خليتها ع القنفة وام شهلاء جابت عطر قوي خليتو ع خشمها ..كتلهم هاي متحملت الصدمة خررب حظي بقيت اصحي بيها كوه صحت وفتحت عينها ..
شهلاء ..اول مشفت شاهين كدامي مثل الضربه القاضية اجت ع راسي مكدرت اتحمل الصدمة وكعت من طولي ومن فتحت عيني عبالي داحلم شفت شاهين كدامي ..فركت عيوني بيدي حتى اصحه بس بعدو شاهين كبالي ويحجي ويكول حبيبي اني شاهين شبيج هيانتي كدامج ولج ..اني هنا انفجرت بالبجي وجيبوا الي يسكتني سحبتو لحظني ودفنت راسي بصدرو وكمت اناشغ واشهك حسيت زردومي اتجرح من البجي كلهم يسكتون بيه ويهدئون بيه وماكو فايدة بقيت شابكه شاهين اريد اشبع من حظنو يممه متت مداصدك كدامي وبحظني هسه هوه ..اخاف لايكون حلم وافز منو بقيت حاظنتو واشم بي ترست ريتي ترس من عطرو ..
ابراهيم ..ولج بابا كافي خلينه انسلم ع الولد اكلتي حاصل فاصل هههههههه
شاهين ..ههههه خليها عمو خلي تهدأ بگلبي كلت دعوفني رحمة لاهلك وين لاكيها اني هل حظن جنت اتمناه تمنايه ومامحصلو هسه بحظنها وتريدني اوخرها والله بقيت شابكها واطبطب عليها شوية وجان ترفع راسها
شهلاء ..فشلت من بابا استحيت حظنتو لشاهين بدون وعي مني تالي رفعت راسي ومسحت دموعي كتلهم اسفه اعذروني لان متحملت اشوف شاهين وابقه واكفه ماحظنو ??
ابراهيم ..ههههههه اي عمي هنيالو لشاهين ع هل حب تعال خلي نحظنك احنه هم وليدي
شاهين ..ههههه بعد عمري عمي شلونك مشتااااقلك موت
ابراهيم ..احنه الاشوق والله الف الحمدلله ع سلامتك
زهور ..الحمدلله ع سلامتك يمه
شاهين ..الله يسلمج عمة
شيماء الحمدلله ع سلامتك خيي لو تدري شهلاء شسوت بينه بذيج الايام اووويلي
شاهين ..الله يسلمج خيتي ..الله يخليها الي ويبعد عنها كل شر ..ان شاءالله اعوضها كل خير ..دحجت عليها وردت املي عيني منها بس شكد ضعفانه يالله وين جانت جسمها مربرب يجنن هسه صايره جلد ع عظم متغيرة هواي حبيبتي ..اني رجعت هسه وان شاءالله ارجعلج عافيتج ياعافيتي …
ستار ..وكفت يم شيماء همست بأذنها كتلها واخيرا راح نتزوج ويه شاهين وشهلاء ممصدك ولج راح يوكف كلبي من الفرحة ??
شيماء ..اسم الله حبيبي ع كيفك يمعود انوب تموت ومانتهنه احنه هم ?
ستار ..لالتخافين باقي ع كلبج للابد ?
ابراهيم ..ها ولكم شبيكم متضحكونه وياكم
شيماء ..احم اروح اجيب عصير هههههه
ركضت للمطبخ هففففف خررب غير فشلت ههههههه طلعت كلاصات وسويت عصير برتقال وصبيتو و وديتو الهم كعدنه وجان يسولف شاهين قصتو كلها بالمعتقل …وشصار بي هناك جان يحجي وشهلاء بصفو جاعدة تسمع وتبجي وهوه يمسح دموعها ويهديها ..
شاهين ..اكول عمي اريد اكمل البديتو وياكم
ابراهيم ..خير وليدي شنو مفهمت
شاهين ..الي يمكم امانة من قبل 4 سنوات واجه اليوم الي لازم اخذها منكم دحجت ع شهلاء وغمزتلها ?
ابراهيم ..هههههه اهااا فهمت ماشي وتدلل من عيوني
ستار ..عمي اني هم لتنسوني ??
ابراهيم ..ههههه وانت هم بعد عمك كبعوهن واخذوهن قابل عندي اغلى من ولد اخوي جاسم ..
جاسم ..بعد گلبي اخوي ابن امي وابوي متقصر عسى ربي يديم هل لمة الحلوة ويحفظ الكل وميشوفنه شر ..
الكل امييين يارب ..
شاهين .. اني ان شاءالله هسه اعقد ع شهلاء حتى اضمنها الي تكون ..واشتغل الم كم فلس بحيل الله حتى نتزوج
ابراهيم ..هاي هيه بكيفكم …
شاهين ..تالي الليل رجعنه لبيتنه بس بقه گلبي يم حبيبتي عفتو معلك شديت حيلي كمت ادور شغل حتى ابدي حياتي من جديد ..ابوية كال خلي نسوي حفلة صغيرة بينه منعزم غربة وبالعرس عود نعلكها علك ..اني قبلت لان اني اصلا بالوقت الحالي مجان عندي هلكد فلوس بس املاك ويرادلهن وكت ياله ينباعن ..ف ابوية كال اني اسويلكم الحفلة انت واخوك ..ثاني يوم افتريت ع عمامي واحد واحد حتى اسلم عليهم ومن شافني جليل انصدم مصدك عيونو اتقرب مني وهمس بأذني وكال والله ونلت الي ردتو مبروووك عليك كسرة گلبي ..
اني سكتت محجيت شي ماردت ائذي يكفي دمار نفسو وكسرة گلبو ..
حظني وبوسني وراح صعد لغرفتو مانزل بعد ..
واتحدد يوم عقد القران مثل متفقنه حفلة عادية بالبيت بيناتنه ..عزمنه بس عمامنه وهاي هيه ..
شهلاء ..كعدنه الصبح اني وشيماء كلنه نسوي نفسنه بالبيت منروح صالون لان حفلة عادية ليش هل مصاريف الزايدة اني شسورت لشيماء وشيماء شسورتلي سوينه فيكه بسيطة بشعرنه لان طويل ميصير تسريحة واني هم ماحب الهوسة بالشعر ذبيته ع طولو وصل جوه خصري ..ولبست بدلة لونها عنابي كوولش حلوو موديلها وبذاك الوكت انتشر الموبايلات بالعراق وشاهين اشترالي تلفون اسمه دمعة اتذكر هههههه
اتصل عليه كال ها يابعد الروح والرية شدسوين
كتلو والله بعد داعدل نفسي ممكملة
شاهين ..ميحتاج يالعمر انتي حلووة بدون تعديلات لتعبين نفسج حبيبي
شهلاء ..هههههه ماشي مابقه شي تقريبا كملنه ..
شاهين ..ههههه اي عفية بمريتي ..ومرت اخوية شسوت هم دتصبغ هههههه
شهلاء ..ههههههههههه اي هياتها تره دتسمع لان فاتحه السبيكر
شيماء ..سمعتك ابو كرش سمعتك ..اني حلووة بدون صبغ واخوك شاهد عيني ??
شاهين ..ميدري يحظي غير صار اعمى باخر وكتو ??
شيماء ..اهوووو لتخليني هسه انزع وابطل ماكطع مهر ??
شهلاء وشاهين طكوا ضحك??? كتلها ولج يتشاقه وياج شبيج ثولة هههههه
شيماء ..ستوري يحبني وهذا المهم ?
شاهين ..اشاقيج خيتي اكيد يحبج ..هوه اني واخوية انجبحنه وكعتونه انتي واختج وخليتونه نمشي ونحجي ويه روحنه يعني دولبتنه هههههههه
شيماء ..ههههههههه اي عفيه خووش جبحه انجبحتوا بينه ?
شهلاء ..هههههه ديله حبيبي حسد التلفون انريد انكمل شغلنه
شاهين ..ماشي يگلبي من تخلصين عود دكي عليه حتى نجيكم
شهلاء ..ماشي حبيبي ..سديت الخط وكملت مكياجي ولبست بدلتي ولبست حذائي وشيماء هم كملت ونزلنه وشافتنه ماما خطية غوركت عيونها وكامت تبجي وحظناها وبوسناها كامت اتهلهل وتصفكلنه بس ابداخلها مقهورة ..
سودة عليه ماما متعودة علينه مدري شلون راح نفاركها …
دكيت ع شاهين كتلو حبيبي تره العالم اجوي واحنه هم كملنه يله تعالوا
شاهين ..اي اي حبيبي ان شاءالله مسافة الطريق احنه يمكم ..
شهلاء ..ماشي حبيبي وسديت الخط ..ليث جابلنه دي جي وعلكة النه وبنات عمنه بدن يركصن وفرحانات بينه وكولساع يكرصن بركبتي اني وشيماء ونضحك ..سرحت شوية كلت عبالك حلم هل يوم الف مرة حمد الله وشكرتو لان اتحقق حلمنه ولان الله جبر بخاطرنه وجمعنه مع بعض ماكو شي بعيد عن ربنه اذا العبد التجأ اله مايفشلو ..وبهل لحظة سمعت كالوا اجه العريس يمممه حسيت گلبي يدك يدك صار طبل لزمتني شيماء كالت انتي هم كلبج ديدك ? كتلها ولج اسكتي احسو يريد يطلع من صدري حموت ?
طبت عمة ام شاهين تهلهل والولد وعمو جاسم راحوا للصالة يم الزلم وجابوا شيخ وياهم حتى يعقدلنه وره شوية كالوا راح يبلش الشيخ بالعقد ..اول شي اني كعدت باعتبار شاهين الكبير واني هم الكبيرة ?
كعدت يم الباب والشيخ وراها وجان يحجي ويكول شهلاء بنت ابراهيم هل تقبلين بشاهين ابن جاسم زوجا لك اذا موافقة قولي نعم ..
اني صابتني خربطة بمشاعري خجل ع خوف ع فرحة ع قلق كلهن اتجمعن بيه انربط الساني عاد الكلام كذا مرة بالاخير ياله نطقت نعم وارتفعت صوت الهلاهل
شاهين ..يمممه يبنت گلبي سمعت صوتها كالت نعم بخجل اوويلي هدوني هسه عليها صارت حلالي ومريتي ?
وللحكاية بقية ..
هذا القلب لم يعد يعشق غيرڪ !♥
أدركتُ مدى تورُطي حينَ تثاقلتْ الدَقائِق بدونكِ .?
#يتبع …
#سارة_المجيد?