العنودية والنقيب الشرس – سارة المجيد
مساء الخير يا اهل الزين كلو مساء الورد بأزهارو وفلو مساء لشوفكم يفز الكون كلو
????????????
#العنودية_والنق
#المحطة_السادسة
#بقلمي_سارة_الم
شاهين ..اوويلي هدوني هسه عليها
صارت حلالي ومريتي ?
جنت كوه جاعد ع اعصابي اريد بس اختلي بيها
حتى استفرد واطلع صبر اسنين عمري الراحت بيها
والله لا احط علامات ع كل جسمها اليوم ..
فلا اعوفها وخلي تتحجج بشي بعد ..
رادت الحلال
واليوم صارت مرتي وحلالي خلي انشوف شنو حجتها بعد
شهلاء ..خلصنه العقد مالتي ومال شاهين كمت اني وكعدت شيماء
وبده الشيخ يعقد لستار وشيماء
فدوة حبيبتي خيتي شلون فرحانه الله يتمملكم ع خير ويحفظكم لبعض
ولايراويكم الي شفنا اني وشاهين ..
وتم عقد ستار وشيماء
وارتفع صوت الهلاهل والهوسات
وطبوا ستار وشاهين علينه
اني گلبي احسو طبول صاير
اتقرب عليه شاهين
باسني من كصتي
وخمط بوسة من خدي اني دنكت من الخجل يربي بعد ميصبر هل رجال
بمدو هسه يعرس
هههههههه جان يهمس بأذني كال اليوم اكلج
لان انتي مارحمتيني قبل
واليوم اني مارحمج ?
اني شهكت ورفعت راسي بصدمة ?
اصخام هذا شيريد يسوي …
ستار هم باس شيماء من كصتها خطية ستار مؤدب وكعد بصفها وعلكوا الدي جي
..وبدن البنات يركصن ويهوسن وجابوا صينية المهر
بيها الكيك والعصير والذهب وبلشنه كل عريس يلبس عروستو الذهب وقطعنه الكيك
والكل داير مدايرنه فرحانين بينه
اله جليل مجان موجود
ولا اجه للحفلة ..
في مكان اخر ..
جليل حالتو النفسية تعبانه ونايم وحاط ايدو ع وجهو وعيونو مغوركة
بسبب حفلة المهر مال شهلاء وشاهين ..
دخلت امو عليه جانت خايفه لايصير بي شي
لان مراحت للحفلة علمودو كللها ليش مرحتي للحفلة يمة ..
ام جليل ..بعد امك شلون تريدني اعوفك
وحدك بهذا حالك دزيت بس البنات
ويه ابوك هنه بمكاني
جليل ..مابيه شي يمه جان تروحين تتونسين وتغيرين جو شوية
ام جليل ..والله لا اروح ولا اطب بيتهم بعد الي حركوا گلب ابني وكسروا خاطرو يحرم بيتهم اطبو بعد ..
جليل ..ااااااه يمه ابنج مات .. الي تمنيتها من الدنيا راحت من ايدي
واخذها غيري يمه گلب ابنج احترك
يمه احس روحي انسلبت مني اليوم
ام جليل ..اسم الله بعد بيتي لتكول هيج
وداعتك لازوجك تاج راسها واغاتها وشوف عينك
ولاسويلك حفلة اخليها تصفن وتتحصر عليها خلي شاهين يفيدها الي فضلتو عليك ..
جليل ..لتواسيني يمه لان جرحي عميق مايبره ..مراح تحله بعيني غيرها ولايفز گلبي لغيرها ..اني راح اروح لبغداد افتح مكتب محاماه هناك
حتى ابتعد لان من اشوفهم اشتعل بنار ماتحمل ..واخاف اسوي بلوة بعرسهم وتنصب فاتحه ابمكان العرس احسنلي اروح لبغداد …
شيخ حازم ..منو هذا الي يريد يروح لبغداد
ام جليل ..فزيت من صوت ابو جليل كتلو ها شيخ اجيتوا
شيخ حازم ..اي خلصت الحفلة وجبت البنات ورجعنه
..احجي منو يريد يروح لبغداد
جليل ..كمت وعدلت كعدتي وكتلو اني بوية اريد افتح مكتب ابغداد مال محاماه
اريد اشتغل هناك
يكولون هناك القضايا اكثر
شيخ حازم ..وكل عقلك اخليك تروح للموت برجلك شكالولك هادر دمك مثلا
جليل ..سحبت نفس عميق حتى شوية اهدأ كتلو محد يموت قبل يومو بويه اريد اشوف مستقبلي ومصيري ..
شيخ جليل ..زين انت تعرف بالاوضاع مال بغداد بهاي الفترة شصاير هناك
..ماكلولك الي يمشي بالشارع ينقتل وصايره مذبحة ع الهوية متدري الوضع صاير متأزم هناك كلو انفجارات وقتل وسلب ونهب ..واغلب اهل بغداد شردوا لغير محافظات ..
جليل ..جريت حسرة قوية حسيت نار بصدري مشتعلة ..كتلو بوية خليني اشوف رزقي اني هنا ماعاد الي مكان ..
شيخ حازم ..شوف ابني خلي اكولك شي ..الي بيك اني عندي علم بي ..وروحتك لبغداد مو علمود رزق ادري تريد تهرب من مصيرك الي راح يواجهك ..
بس مع الاسف مادري بيك هلكد ضعيف انت ومتكدر تواجه هل مصير
انت ابن الشيخ حازم ياسين المجيد
يعني رجال من ظهر رجال والميادين تشهدلهم بهل شي احنه منخاف من بشر بس من الي خلقنه
ونمشي بنص الموت ونفتح صدرنه للرصاص ومانهتم …
ابني مو لان خسرت معركة تستسلم من اولها كون قوي ولتنهزم واجه واتحدى مصيرك صير قوي ينشهدلك بميدان الزلم ..وشنو يعني حبيت وفشلت بحبك قامت القيامة مثلا لو الخلق شهله ماخلق غيرها وداعتك تنساها وترجع تعشك غيرها تره ماوكفت الدنيا عليها ..
ابني انت شيخ وابن شيوخ لاتكون مثلك مثل غيرك انت راح تلزم العشيرة من بعدي اريدك جبل ماتهزك ريح
جليل ..جنت اسمع كلام ابوي حسيتو مرهم لجروحي شوي ارتاحيت كتلو بوية ماغلطوا من خلوك شيخ عشيرتنه انت نعم الرجل وافتخر بيك كمت حظنتو وبست راسو ..كتلو لتخاف اني ابنك وراح اكون مثلك جبل مايهزني ريح ميهمني غير حياتي ومستقبلي وبس ..
شيخ حازم ..عفية وانا ابوك هيج اريدك ذيب وشيخ المراجل ..انا ماخلفتك للعشگ انا خلفتك تورث المشيخة والمرجلة من اجدادك وابوك …
جليل ..تكرم بويه ان شاءالله اكون عد عيناك …
ام جليل ..الحمدلله ياربي شفت ابني صحه ع نفسو واستوعب كلام ابوه الشيخ واخذ بنصيحتو ..
في مكان اخر
..
شاهين ..خلصت الحفلة والناس خفت بقينه بس احنه وبيت عمي ابراهيم جانوا ستار وشيماء جاعدين يسولفون ويضحكون واني اتكرضم متكفيني بس سوالف جنت احوص اريد اصعد واختلي بمريتي ماصبر للعرس كتلها ولج امشي نصعد فوك ?
شهلاء ..شنوووو !! ليش شتريد ؟؟!!
شاهين ..اريدج حموت تره ماتحمل بعد
هسه انتي مرتي واريد اخذج بحظني والله مشتاقلج مووت
شهلاء ..احم استحي اهلي هنا شكولهم بله
شعندي صاعدة وياك فوك
شاهين ..لا انتي صعدي اول بحجة تريدين تغيرين بدلتج واني اغلس لان ملتهين ديسولفون واطفر وراج
كومي يله لا احرك البيت عليكم هسه
شهلاء ..يمممه تخوف ولك لتسويلي مصيبة
شاهين ..والكعبة اذا ماكمتي هسه وصعدتي فوك اسويلي مصيبة هسه وداعتج يله كومي
شهلاء ..خرررب يومك هسه ستار مو جاعد ويه شيماء ديسولف شكد حلوو شو ماراد مثلك يصعد ها
شاهين ..ستار مشاف الي شفتو ولاضاك مرارة الفراگ ولا حس بالحرمان وحبيبتو بحظنو ..انتي راويتيني الويل ياله حضيت بيج شفت الموت يعني جبتج بدم گلبي ..يله كومي ماتحمل بعد
شهلاء ..دحجت عليه شفتو شلون ملهوف ..والاشتياق باين بعيونو انقهرت علي اتذكرت شلون افترقنه وجنت منهارة علي واتمنيت موجود حتى احظنو وابوسو بعدين عيني وكعت ع ساعة ماركة جان لابسها كتلو هاي منيلك عيني هل ساعة اخاف وحدة هاديتها الك
شاهين ..هههههه خررب حظي وين هل وحدة اشو گلبي انقفل عليج ماعاد يشوف غيرج لعد شدولب حالي غير حبج
شهلاء ..عجل منيلك مشايفتها قبل ?
شاهين ..حبيبي هاي قديمة هدية من الريس الي ..مرة جابولو هداية ساعات وهدالي هل ساعة واخذتها منو
شهلاء ..ايييي عيني كلو هداية من الرئساء وكذا منو بكدك بعد ..
شاهين …ولج لتلهيني بالسوالف وتغلسين امشي اصعدي تره اذبحج
شهلاء ..ههههههههه كتلو ماشي راح اصعد وتعال ورايه عود
شاهين ..اي اي يله صعدي واجي وراج راسا ..
شهلاء ..ماشي ..كمت وداطلع شافتني امي كالت ها يمه وين اجي اساعدج كتلها ها لالا ماما حبيبتي ارتاحي ماعندي شي
اروح انزع بدلتي ضجت منها هسه انزل
زهور ..اهاا ديله حبيبتي حتى اصبلكم عشه انتي وشيماء وشاهين وستار ادري ماكلتوا
شهلاء ..عاشت ايدج ماما هسه انزل ماتأخر
صعدت فوك وجان گلبي يدك بقوة جنت خايفه من شاهين لايتهور ويسوي شي نندم عليه ..بس ماخلي يتعدى حدودو اموتو
طبيت للغرفة ونزعت بدلتي ولبست دشداشة تركية دلعة حصر وقصيرة بس لبست روب مقفل فوكاها ولفيت نفسي بي اي لان شاهين مو راحة ليشوف صدري يتخبل انوب وجان يطب شاهين هلا اني هنا جسمي ثلج كمت ارجف سد الباب وقفلها بالمفتاح
شاهين ..صعدت شهلاء واني احوص بمكاني اريد اصعد وراها شفتهم ملتهين كلهم ديسولفون ع كيفي كمت وطلعت من الصالة وعود سويت نفسي داروح للحمام وجان الوف للدرج وكمزت وصعدت طلقه وطبيت لغرفة حبيبتي ومريتي ..قفلت الباب بالمفتاح ودحجت عليها شفتها ترجف من الخوف
اووويلي الله شكد جبانه
خرررب عشيرتج هاي ناويه تجلطني حسيت جسمي صاار نااااار اشتعلت اتقربت عليها وعيوني تريد تاكلها بقيت ادحج واملي عيني منها من راسها لجدمها كتلها اووويلي حبيبي هل لحظة هاي حرمتيني منها وبعد 7 سنوات ياله خليتيني احضه بيها اوووف شكد حرام عليج خليتي حسرة بگلبي لمستج ..ولج گلبي شيب وملامسج اني
شهلاء ..دنجت راسي انقهرت من كلامو كتلو اسفه حبيبي اني كتلك اله بالحلال
ماقبلها بغير الحلال ..وهسه الحمدلله ربنه جبر بخاطرنه ونطانه مرادنه وهسه بين ايدك اني بس هااااا بحدود
شاهين ..خرررب اهلج بعدها تتعزز حموتج والله …بس والله احييج ع صبرج و وفائج الي ماكو وحدة تنتظر حبيبها 4 سنوات والكل ايسوا منو وكالوا مات ماعرف شلون اجازيج يالعمر كلو …انتي بنية گلبي ومهرة شاهين الاصيلة ..وراح تبقين متربعه بنص هل گلب تحلم اي وحدة تكعد بمكانج
شهلاء …جنت اسمعو وغوركن عيوني اتذكر ايام الفراك شبيت بنار ودنجت خفت يشوف دمعاتي …مكدرت ارد علي واحجي شي
شاهين …اتقربت عليها ومسحت دموعها عبالها مادري غوركن عيونها ولج اني بداخلج عايش واحس بيج قبل ما انتي تحسين بنفسج عبالج اتضمين دموعج عني ااااااااخ يشهلة شعوطتي گلبي اتشعوط بأيام الفراك ….نزعتها الروب كتلها مو لازم تخلي عليج شمرتو ع الجرباية
شهلاء ..خرررب حظي شراح يسوي هل شرس بيه ….
شاهين …حطيت ايدي ع خصرها وسحبتها عليه بقوة ..جسمها لامس جسمي حسيتها ترجف بين ايدي كتلها لتخافين بس اطفي ناري الي شعلتيها بيه من قبل 7 سنوات ودفنت راسي برگبتها وبقيت اشم بيها ولج يممممه افيييششششش حسيت روحي طلعت … اااااااخ عطرج دولبني وبقت ايدي تتلمس جسمها بجرائة ولساني يمر ع رگبتها اووووووف وهنا وجان يصيح ليث شهلاء وينج يله تعالو اتعشو ..
اني هنا فار دمي ولو الزمو اليث اطحن اعظامو
شهلاء ..خربت ضحك ع شاهين
والله يموت من الجوع ولاينزل ?
بقه حاظني ويشم بيه ويطبع بوسات لحد ما كام يلهث خفت ينفعل ويسوي اكثر دفعتو كتلو امشي ننزل اريد اتعشه جوعانه ..
شاهين ..عوفيني اني اشبعج بداعتي لتنزلين ولج والله اموت اذا عفتيني هسه
شهلاء ..اصخام هذا فاقد لايالله كتلو حبيبي كدامنه العمر بطولة وراح تشبع مني
امشي ننزل فشلة والله دروا بينه فوك ?
شاهين ..من خررب عشيرة الخلفوج يعني بعدني مشبعان من حظنج شبيج كلو تبعديني عنج ..الاكل قابل طاير تعالي سحبتها واني مشتعل بنار اريد اطفيها تالي دفعتني ولبست الروب وركضت نزلت راحت للحمام ..
هفففففف خررب يومج مادري شسوي بيها اربطها بحبل حتى ماتفلت من ايدي والله مادري شسوي راح تسوي بيه توحد بنت ال …..استغفر الله ياربي ….
مسحت وجهي جان ينكط عرك دحجت بالمرايه خررب حظي شصاير بحالي شلت كلينكس ومسحت وجهي وشفايفي جانت بيها طبع حمرة مالتها مسحتها وعدلت نفسي ونزلت رحت للحمام
غسلت وجهي ومشطت شعري وطلعت
جانوا محظرين العشه النه كعدت يم ستار همس بأذني وكال ها ياذيب هاي شصاير بحالك شبيك تلهث عبالك جنت تركض ههههههه
شاهين ..هههههه ليش انت ماركضت مثلي يعني
ستار ..لا وين يحظي المخابرات داير مدايرنه دشوفهم ?
شاهين ..هههههه يله الايام الجاية هواي عود اركض براحتك
ستار ..لاعمي ماتحمل لازم نزوج هل شهر والله انجلط
شاهين ..لا خوية لازم الم كم فلس اريد اشتريلي بيت الي ولشهلاء حتى نرتاح
ستار ..اني شغلي يادوب والله فلا اكدر اشتري بيت مكتبي مال محاماه محد يجي والقضايا جدا قليلة
شاهين ..الله كريم ..
ابراهيم ..اكول شاهين بوية تره سمعت ديرجعون الضباط مال الجيش السابق ليش مترجع ..
شاهين ..اي والله صديقي كال هم سامع هل شي ديستدعوهم ويرجعون الي ماعدهم شي
ابراهيم ..اي بلكت الله يرجعوك انت ماعندك شي وملفك ابيض
شاهين ..ان شاءالله عمي بس خلي استقر ذاك الساع اتفرغلها …
ابراهيم ..ان شاءالله ربنه يسهل عليك ..
ومرت الايام
وبديت ادور ع مشروع ابدي بي حياتي ..
اشتغلت بداية شغلي
براس مال زغير
مع احد من خوالي بتجارة الحنطة ..
والله سبحانه خوش رزقني من وراها وبعدها دخلت شريك ويا صديق الي في الشغل بلعقارات ..
دلالية منا وشكم فلس منا ويوم من الايام .. وجنت جاعد اتعلل يم جماعة اقاربي .. سمعت واحد منهم ديسولف ع مشروع معمل ثلج وشكد يذب ارباح بلصيف وكذا .. اني عندي قطعة ارض بمنطقة بصلاح الدين .. وقررت ان ابني معمل ثلج هناك .. حصلت الموافقات وكذا ..
وعندي شكم فلس اني جامعهن .. وعندي قطعة ارض زغيرة بغداد بعتها .. وسويت المشروع .. والحمدلله الله فتحها الي من اوسع ابوابو ..
و بديت ابني بيت جديد الي ولاولادي بلمستقبل .. سويت بيت الحمدلله شي يخبل .. مساحتو 1200 متر .. 8 غرف نوم شي تحفة خليت بي كل ما املك .. وكملتو بفتره قليلة والحمدلله ..
وراها رحت للاستدعاء مال الضباط والتحقت والحمدلله رجعوني
وشدولي نجمه ثالثه واترفعت وصرت نقيب ..
وبعدين اخذت شهلاء حتى تختار الاثاث ع ذوقها لان هل بيت مملكتها راح يكون ولازم هيه الي اتأثثه ع ذوقها اختاريت غرفة النوم وغرفة الصالة والمطبخ واثثنه بيتنه من كلشي ..
وهسه لازم نحدد موعد الزواج لان الحمدلله كملنه التجهيزات ومناقصنه شي ..
رحنه اني وستار حجزنه قاعة كبيرة
لان عرسنة راح نسوي بقاعة ملكية حتى يكفي المعازيم
لان راح نعزم كل العشيرة ..
شهلاء ..حبيبي اني جان بنفسي اسوي شي بالحفلة مال عرسنة
شاهين ..اي حبيبي كولي امريني شتريدين يجرالج
شهلاء ..مايامر عليك عدو ..جان بنفسي بعرسنة تلبس بدلتك العسكرية اريد افتخر بيك كدام اهلي وناسي
اريد اكولهم هل بطل حبيبي هذا النقيب زوجي ورفيق دربي
شاهين ..هههههههههه اشعندج سوالف ..ماشي ياضي العين
يجرالج تدللين اشتري ارقى بدلة واشد النجمات ونتمشه سوه كدام المعازيم بعد شتريدين انتي العروس وتدللين علينه ?
شهلاء ..فديييتك ياروحي انت ?
شاهين ..زين ماكو شي عربون تحت الحساب اسبوع للعرس انطيني تصبيرة
شهلاء ..لااااااا ماكو اصبر ماباقي شي للعرس
شاهين ..اوووف الله شكد تعاند …متحملت اشوفها وماسوي شي مديت ايدي ع فخذها جان تكرصني اااااااخ خررب اهلج ….
سهلة بس خلي الزمج بليلة العرس يالكعبة لاسوي جسمج خرايط
شهلاء ..ليش ولك شنو مجرم انت
شاهين ..اي تستاهلين لان حارمتني من حقي وهذا ثأر بيني وبينج ولازم اخذو من عيونج مربع …
سبلت عينها وتحجي بدلع وتخلي ايدها ع شواربو كلتلو واهون عليك حبيبي شهولتك اتأذيها وتعذبها مو انت تحبها واتعذبت
ياله حضيت بيها
شاهين ..من اشتعل جد جدج السابع عشر لتتموعين هيج كدامي تره اكوم اكطعج والله
شهلاء ..لالا حباب والله ماتموع هياتني جاعدة حبابة بس انت هم صير حباب بالعرس ?
شاهين ..اشوف عود ?
شهلاء ..كمت من يمو وطبعت بوسه ع خدو وانهزمت هههههه
شاهين ..انصدمت من باستني هبله هاي البنية هههههه ..
بعد مرور اسبوع
شهلاء ..ها شيماء يله اتأخرنه ع الصالون
شيماء ..اي حبيبتي بس داخلي الغراض بالجنطة ..يله كملت
شهلاء ..اجه علينه ستار ودانه للصالون وكال من تخلصن دكوا عليه لو ع شاهين حتى يجي ياخذكم
شيماء ..ماشي حبيبي
ستار ..نطيتها بوسه بالهوة كتلها اااااخ ولج شوكت يمر الوكت ماصبر بعد ..
شهلاء ..ها ولكم احترموا وجودي مالت عليكم يله شو انتي يالعوبة طبي للصالون وانت اختفي منا
ستار ..ماشي ماشي رايح ?
شهلاء دخلنه للصالون وكعدنه واستلمتنه حف وتنظيف بشرة وصبغ شعر
وبديكير ومنيكير
ومكايج وتسريحة شعر وره كم ساعة بحيث من خلصتني دحجت بالمرايه ماعرفت نفسي اتغيرت جذريا
لبست بدلتي وحطتلي التاج والبركع وشيماء هم كذالك ..كتلها اليوم ننظرب عين ولج هههههههه
شيمااء ..هههههه اسكتي معرفت نفسي كتلها لام الصالون عاشت ايدج شغلج يجنن
…دكيت ع ستار كتلو تعال اخذنه كملنه
شهلاء .. وليش مو شاهين يجي علينه اريدو يشوفني عابت
شيماء ..مادري ايدي دكت ع رجلي هههههه
شهلاء ..امداج مو هوه جابنه غير شاهين يرجعنه
شيماء ..يله يمعوده من يجون الزفة عود يشوف جهرتج لاحكة ع هل موقف
شهلاء ..عابتلج ..وره شوية اجتي عاملة كالت منو شيماء ستار بالباب منتظرها ..احنه كمزنه وطلعنه بره
ستار ..اول مطلعت شيماء انصدعت بجمالها بوووية اليوم شراح يشبعني من حظنها
شهلاء ..صعدت بالسيارة وشفت ستار فاصل خررب يومو الولد اتسودن الوووو
يمعود يله متنه حر
ستار ..ها اي اي يله شغلت السيارة واتحركت
شيماء ..ضحكت ع ستار من شافني فقد بس هوه طالع كشخة بقاطو الاسود يجنن يفدووة لطولو
شهلاء ..وصلنه لبيتنه وشافتنه ماما
ودمعات عيونها خانتها ونزلن حظناها اني وشيماء
واحنه هم مكدرنه مانبجي غصب بجينه
زهور ..كافي يمه مكياجكم خرب امشوا داعدله الكم
شهلاء ..دخلنه للصالة وكعدنه وماما عدلت مكياجنه وشغلنه مسجل اغاني
كتلها اكولج شيماء ستار ماحجزلكم غرفة بفندق …
شيماء ..لا مقبل يكول غرفتنه موجودة شكو نطلع بره
شهلاء ..اي حتى شاهين مقبل الليلة نبقه ابيت عمو وره السبعه نروح لبيتنه الجديد
شيماء ..اي حبيبتي بالعافية عليكم ماشاءلله البيت تحفه مسوي شاهين يجنن
شهلاء ..ههههه الله يعافيج حياتي يوم الالج ان شاءالله وتشترون بيت انتي وستار وترتاحون وحدكم ..
شيماء ..اميييين يارب ..
في مكان اخر ..
شاهين ..كعدت الصبح حسيت اليوم ملكت الدنيا اليوم عرسي ع حبيبة عمري وحياتي
ممصدك اخيرا راح اخذها لحظني
بدون ماتنهزم مني خررب موتتني ..بس عفيه عليها خلت حسرة بگلبي وبقيت مشتاق لحظنها صدك صعبة المنال مثل مرادت سوت خررب عمج شكد عنيدة ..بس اليوم راح العب جوله بيها والله لا اطلع قهر وضيم سنين الحرمان ع جسمها
لا جذب وين اني بس اشوفها اكبالي ارخه واصير طفل بين ايدها اووويلي شكد احبها هاي بنية گلبي الي ربت ع ايدي
طبيت سبحت واني مندمج واغني وكملت طلعت بدلتي العسكرية لان شهولة امنيتها البس بعرسنة بدلة عسكرية هههههه اجه الحلاق للبيت سوالي تسريحة لشعري اني لحية ماعندي مو مثل ستار لان بحكم شغلي عسكري بالجيش ممنوع اللحية زينلي لحيتي ورتب شواربي وخلالي عطر
وكمت لبست البدلة العسكرية وحطيت الرتب ع اكتافي وحطيت بيرتي بيدي لان تسريحتي تخرب ماحطيتها ع شعري ههههه
…ولبست ساعتي العشق
واتعطرت ولبست حذائي ونزلت وتلكتني امي بالهلال اتذكرت جديتي اشتاقيتلها والله شلون جانت تحبني واتدافعلي يم ابوي كل ماسوي مصيبة الله يرحمج جدة ويجعل مثواج الجنة يارب ..
حظنتني امي وكامت اتهوسلي وتركص فديتج يانبع الحنان هههههه
شفت ستار هم مكمل كتلو ها ياسبع شطالع اليوم
ستار ..عمي مو مثل كشختك وقيافتك كلو رتب عسكرية وكذا اني رجال محامي فقير ههههههه
شاهين ..ههههههه جان اسعد يوم بحياتنه اخواني باركولنه واجه ابونه هم حظنا وباركلنه واجتي السيارات الي راح ننزف بيهن جابهن ابن عمي عمر مزينهن ومرتبهن خطية ماقصر ..
صعدنه كل واحد بسيارة اني وستار والاهل بسيارة كبيرة وانطلقنه لاهل عروستنه وصلنه وبدت المزايق اتدك
طبيت وشفت شهلة واكفه ومخطوف لونها بس شكلها يصدع اوويلي يالكعبة هذا الجمال كل الك يشاهين ولك شراح يصبرك كمت اصب نار اريد اخطفها واروح لبيتي
وابتلي بيها هناك وحدنه ..
بنت اللذين خردلتني ودولبتني اتقربت عليها وهمست بأذنها كتلها دقت ساعة الصفر واجه يوم الموعود يبنت گلبي شراح يخلصج من ايد شاهين اليوم
شهلاء ..اول مطب شاهين ببدلتو العسكرية انخطف گلبي وكام يرفرف يريد يحظنو ويشمو يفدووة الطولو شهل كشخة يمووت ?.. بعدين من حجه هل حجاية صارت خوفه بيه منو ..عن جد ميعرف يتصرف شنو داخلين حرب عابت كمت ارجف والله حيموتني هل زلمة
يعني ستار شكد حلوو مدري شنو همس بأذن شيماء وضحكت ليش بس حظي اني مصدي يربي ?
نطيتني وحش كاسر وذو انياب ومخالب حادة وشرس وميت القلب
شاهين ..حبيبي شبيج خررب حظي جنج وحدة سايقيها للاعدام ترا اليوم عرسنة والله لتخليني هسه الطم ..اشبيج متشنجة شوفي اختج بس تضحك وفرحانة يحظي شبيج انتي
شهلاء ..يعني صدك يحجي ماينتبه ع نفسو شحجه ولا اشسوه
كتلو لا مابيه شي بس تعبانه …والله يالله يكولي دقت ساعة الصفر ويريدني اضحك ….اليسمعو يكول كاعد بجبهة قتال وديحذر جنودو …
دكت المزايق وطلعنه للمصور نزلنه شوية حتى نتصور ويه الاهل وناخذ جلسات تصوير للذكرى ..
كملنه ورحنه للقاعة نزلنه من السيارات ودخلنه للقاعة والحظور كلو متجمع هناك شغلوا الموسيقى مال الدخولية اول شي احنه طبينه جنت امشي بفخر وراسي مرفوعة واني ايدي بأيد حبيبي وزوجي شاهين اشوف الانظار من بنات عمنه امبين عليهن الحسد اكيد يحسدني علي هذا النقيب الشرس الي كل بنات العشيرة يتمنن تراب جدمو ع كولة جدتي الله يرحمها واني الي فزت بگلبو يمن اروح فدوة لگلبو هذا تعبي وصبر سنيني ……
وراها شيماء وستار طبوا وكلمن كعد ع كوشتو وشغلوا اغاني سريعه
شاهين ..دنجت ع شهلاء كتلها ميصير ابوسج هسه
شهلاء ..ولك شبيك اكعد شوية واثبت تره خردلتني بس تريد اتبوس
شاهين ..ماتحمل والله ع اعصابي جاعد طبعا حجيت ويه مدير القاعة كتلو يخلص العرس بساع ليتعطلون يعني حتى ايزفونه بسرعة
شهلاء ..عزززة يربك صدك تحجي بله اكو واحد هيج يسوي
شاهين .. اي شسسوي صبري نفذ بعد وماعندي صبر منين اجيبلج اشتري مثلا
شهلاء ..لا يمه لاتشتري خلي يخبنوها للحفلة بساع .. وهل خساير كلها يخلوها بنص ساعة حتى حظرة النقيب يرتاح
شاهين …اووووف بمدي هسه تخلص واخذج واطير لغرفتنه وللجرباية يممممه ادفع عمري كلو هسه
شهلاء ..هههههههه يالله منك
دكوا موسيقى چوبي ..ونزلوا ولد عمنه يركصون وجان بهل لحظة ??
#وللحكاية_بقية ..
#يتبع ..
#سارة_المجيد?