العنودية والنقيب الشرس – سارة المجيد
#العنودية_والنق
#المحطة_السادسة
#بقلمي_سارة_الم
مساء الخيرات ع احلا متابعين
– يغازلني “يَ بت ڪلبي،،??
واصير بكل نفسَ طفلهہَ ،❤
شاهين ..امشي انزلي لابتلي بيج هسه ..
شهلاء ..ماشي ماشي باي ?
نزلت وركضت طبيت للمدرسة ..يمه شكد احبو ..
دعيت الله يحفظو الي ولايبعدو عني ويجعلو من نصيبي اميين يارب العالمين
ومرت الايام ..
وشاهين طك بعقلو الكلية العسكرية واني طلبي وامنيتي شجعتو ع هل خطوة ..وفعلا ترك كلية الهندسة وراح قدم ع كلية الضباط وقدم فايلو وره 3 اشهر انقبل والتحق بس الي دمرني ابتعادو عني بأشهر الدورة ..جان لازم اتحمل واصبر ع الفراق ..وتدرون قبل الاحتلال مجان اكو نت ولاموبايلات حتى نتخابر صوت وصورة مثل هسه شكد حلوو خطيب ويه خطيبتو او زوجه ويه زوجها ..احنه جنه كاضيها صبر وعذاب وفراق جنت اشتعل لحد مايجي بأجازة وبحظنه يطفيني ..
((وش حيلة القلب لاكان العشق عسكري ?
??))

شاهين ..اول ايام الكلية كانت صعبة لان 40 يوم الطالب ما يشوف اهلو وتعب وتدريب واجهاد مكثف .. واني شوية من النوع الشرس .. ف اثناء التدريب دخلت بعركة ويه طلاب سرية اعلى مني مرتبة .. ف خلقت عركة ضخمه بيني وبينهم و ويايه دخلوا فزعة طلاب فصيلي وبين سرية تعدادها 120 طالب من طلاب المرحلة المتوسطة .. تركت اثرها عددا من الجرحا .. وانشمرت بالسجن هههههه .. وبعد عدة اشهر وكمت اتعود ع اجواء الكلية .. بدأت بالنزول خلسة الى تكريت لان جنت اشتاق لشوفت حبيبتي .. ف انزل ساعة وارجع .. ومرة من المرات دره بيه امر سريتي اني كنت بره الكلية ورجعت بساعة متأخرة بالليل .. واذا بي ينتظرني ويسئلني وين جنت .. فكرت شوية .. كتلو انا اتمرضت واضطريت اروح للمستشفى .. وجان يكول .. ما شاء الله اشوفك سابح وعطرك طيب .. يا مستشفى هاي هههههه .. واضطريت اخذ العقوبة اعادة ركضة الضاحية البائسة .. هذه الركضة كل يوم احد .. لازم نركض 5 كيلومترات في زمن 10 دقائق .. ومن يتخلف يعيدها للركضة .. يوم الجمعة .. اي ما ينزل ع اهلو اسبوعين .. فكانت كارثة هههههه .. وصدفة من اني اركض واني حزين ف زملائي كلهم نزلوا لاهلهم ..واني معاقب مانزلت جنت مشتاق لشهولتي موووت ??
ومشت الايام والاشهر وصارت الي محبة وشعبية بين طلاب وضباط الكلية .. لان اني احب اداهر ورجال عدل ما اخلف بوعد ولا اخلف بكلمة ف صار الي احترام من قبل الضباط .. وحطوا علينه امر فصيل جديد نقيب مقداد هذا من اجه حط عقلو وياي ما اعرف غيره ما ادري لوي ذراع ما اعرف المهم .. اول ما اجه جان عندي راديو زغير بلليل اسمع اغاني اسمع شي طبعا هيه ممنوع بلكلية لكن اني دخلتو بلختله .. هذا طب فجئة ع غرفة شافو عندي وتخبل .. شالو وركعو بلكاع واتفلش .. اني ساكت ما حجيت شي مو خوف منو .. بس اني جنت مسوي مصيبة الصبح .. جنت متعارك ويا طالب من غير فصيل ومسكطة كتل .. وانوب بلليل خفت يكثرن عليه .. كال شيل يطغك وروح للسجن شلت عدتي ورحت للسجن ك العادة الحارس مال السجن اول ما شافني كال ها يمعود صار يومين ماكو اشتاقينالك .. كتلو يله جيتك ههههههه … سوالي جاي وكعدنه نسولف ونضحك .. بقه هذا الامر الفصيل يراقبني بأدق حركتي .. عبالك مدزوز عليه .. وجان يكول انتوا فصيلكم كلو لياقتكم تعبانه .. لازم ادربكم تدريب اضافي .. يعني لا ظهر نرتاح ولا ليل .. يريد يطفرنه .. والله وبيوم احنه واكفين الظهر .. بلساحة .. وجان يطبون من ورانه سرية من المتوسط .. ذولي اقدم منه بسنة ..اني واكف اخر صف طبوا من وراية ..مادري شسويت بوقتها ..تحارشت بيهم .. هذول تخبلوا ..اني اقل منهم رتبة .. وهمه تقريبا 340 طالب واحنه الفصيل كلو 25 طالب .. والله وجان انتحر بيهم .. طبيت ركض بنصهم ياهو الي اشوفو اضربو ع وجهو صارت امالخ .. شلعت خوذة من راس واحد منهم ولفيت القيده مالتو على ايدي ودك .. واني هم تجيني بوكسات وجلاليق بس اني ما انطي كسيرة حتى لا يولوني .. همه صارت عدهم خوفة لان ماكو عاقل يجيت وحدو على هيج عدد .. يموت .. المهم اجوي الضباط فاككونه وكذا .. يدحج عليه نقيب مقداد يكولي شنو انته من شنو الله خالقك .. المشاكل بدمك .. كتلو شعليه سيدي همه فاتوا كالوا مستجد حقير .. شنو يغلطون عليه .. كال الطلاب ٢٥ طالب .. انت ليش تاخذ ع نفسك .. كتلو اني امثل فصيلي سيدي .. كال ماشي شاهين .. اني اعرف شلون اخليك تمشي عدل .. كتلو يصير خير سيدي .. والله وره فتره ما صار شي .. ويوم الخميس قبل النزول .. احنه عدنه استعراض عسكري .. كل يوم خميس داخل الكلية .. كل طلاب الكلية المستجد والمتوسط والمتقدم .. يستعرضون .. ومرات يحظر وزير الدفاع وحتى ممثلين من رئاسة الجمهورية .. ف يوم خميس كاعدين العمادة .. عميد الكلية وكل ضباط الكلية ع منصة ديتفرجون واحنه كل الطلاب واكفين بساحة العرضات .. ننتظر يخلص الاستعراض حتى نروح ننزل لاهلنه .. ف واكفين وجان يطلع هوه هذا نقيب مقداد وجان ينطي ايعاز لكل الكلية استعداد
. الكل استعدت .. سنطة .. الابرة تذبوها تسمعون صوتها .. وجان يكول الطالب شاهين من الفوج كذا من سرية كذا من فصيل كذا .. يطلع .. اني .. طلعت وكفت كدام الكلية والعمادة والضباط اتدحج .. كال ابرك .. يعني انزل ع ركبي .. فهمت بذيج اللحظة .. ان هوه يريد يهيني كدام الطلاب والضباط .. لان اذا انزل واني بلقيافة مال النزول راح يخليني ادحرج او ادقل بلتراب .. واتمصخ واصير مضحكة .. كتلو ما ابرك .. كال داكولك امر عسكري ابرك .. كتلو والله امر لو تمر .. والله ما ابرك لو تموت .. هوه انصدم .. انوب فشل كدام كل الكلية ما انفذلو الامر مالتو .. تقرب يم اذاني وشاورني كالي بس ابرك والله ما ادقلك .. كتلو ابد والله ما ابرك .. التالي صار بكد الفارة بهدومو .. كالي انت معاقب ما تنزل لاهلك .. كتلو اي هاي هيه .. ارجع لمكانك .. رجعت .. صار الاستعراض الطلاب راحوا للباصات حتى ينزلون .. اني ما اكدر اروح لان اسمي بلباب معاقب ميخلوني اطلع ههههههه … طفرت من السياج مال الكلية وع اهلي كبل ..
افيششششش ياريحة هلي وحبيبتي
وكتها جان اخر يوم رمضان وصلت لبيتنه طبعا اني بحكم سفر جنت فاطر سوتلي امي غدوة سريعه بين ميصير وقت الفطور ..اكلت لگمة وطبيت سبحت وطلعت وكتلها حروح لبيت عمي ابراهيم اسلم ع جديتي لان مقيمة هناك عجبتها الكعدة مكامت تجي يمنه ههههههه
شغلت سيارتي ورحت لبيت عمي وصلت طبكت السيارة ..دكيت الباب جان اسمع صوت العشق مالتي يفدووة لهل صوت يطيب كل جروحي ?
كتلها فتحي اني شاهين ولج
شهلاء ..يممممه گلبي ركضت فتحتلو الباب وجان يطب ويسدها وراه راد يحظني دفعتو كتلو اكعد راحة لتتهور امشي طب
شاهين ..وجع شبيج مامشتاقتلي مو احترك جد جدي ردت بس اجي حتى اشوفج حتى انهزمت من الكلية وطفرت من السياج وادري من ارجع راح اتعاقب وانسجن … وانتي ولاعبالك صارلج اسبوعين مشايفتني
شهلاء ..ههههه حبيبي رمضان يعني هل سوالف بطلهن للفطور ?
شاهين ..خرررب حظي اذا صدك يعني اني يربج اكطع كل هاي المسافه من بغداد لتكريت حظرتج اتكوليلي رمضان ميصير ???
شسوي هسه فهميني احرك روحي ارجع لبغداد وبعد ماخليج اتشوفين وجهي حتى ترتاحين
شهلاء ..ياحبيبي شبيك هسه دتعال طب سلم ع بيبي واهلي ميكولون منو دك الجرس وبقيتي بره ساعة ها
شاهين ..طبي يابه طبي امري لله
طبيت جوه وشفت شيماء وبيبي وعمة زهور كاعدين سلمت عليهم ورحت ع بيبي بست ايدها وراسها
ام جاسم ..ها يمه شوكت نزلت من دوامك
شاهين ..اليوم الصبح بيبي نزلت ولو منازل جان احسن ودحجت ع شهلاء ورفعت تك حاجبي
شهلاء ..??
ام جاسم ..ليش يمه اسم الله ليش ..والله شكد مشتاقه لسوالفك وتحشيشك عليه
شاهين ..عجل اشو بعض الناس مثل الحايط مايحسون ?
شهلاء ..انعل ابليسك اسكت خزرتو بعيني?
ام جاسم ..ولك لتكعد اتذب كرازيل بالحجي اعرف سوالفك مو مدمغه انا وانتي كومي جيبي لابن عمج شي يشربو ترا فاطر مو صايم هوه
شهلاء ..اهااا مادري عبالي صايم ?
شاهين ..لا فاطر لان ع سفر يامؤمنة ?
ام شهلاء ..امك شلونها وليدي
شاهين ..والله زينه الحمدلله اتسلم عليكم.
ام شهلاء ..اي والله صارلي جثيير مزايرتهم ملتهيه بهل بيت والمدارس
شهلاء ..اتفضل عصير ?
شاهين ..دحجت عليها ردت اجبو بوجها بس لزمت نفسي ?..كتلها لعمة زهور اي صحيح عمة حقج حتى امي خطية ملتهيه بمدارس اخوتي ..وهذا ستار دخل الاعدادية ودك دروس خصوصية
شيماء ..من جاب طاري ستار انتفض گلبي لان مايتخير عن شاهين بالهيبة والقوة والوسامة ?
مرة اجه لبيتنه وشافني وبقه صافن عليه ويتلعثم بالكلام ونسه ع شنو جاي خطية ?
واني هم مانكر انعجبت بي وبشخصيتو وشكلو ???
بس هذا الحب الي يسموا من جوه الجوه ?
ام جاسم ..اي والله خطية ستار هواي يدرس ويحب دراستو ..وانت شبيك ماتطيح عينك من هل صوب ها
شاهين ..ضربتني جديتي بالعصا لان داخزر بشهلاء وضايج ..كتلها ااااخ اااخ بيبي وجعتيني كافي عليه تدريبات الكلية طيحوا حظنه بيها ..
ام جاسم ..اي دير وجهك صوبي داحجي وياك ..
شاهين .. اي جدة احجي
ام جاسم ..ثالث يوم العيد عرس عمر ابن عمك عادل انت موجود لو ملتحق
شاهين ..اهاا اي موجود شو ماعزمني الكلب حشاكم
ام جاسم ..وين يعزمك انت بالدوام واكيد عازم اهلك اسئل ابوك شوفو شيكول
شاهين ..اي ان شاءالله يله خلي ارجع بگلبي كلت جيتي مستفاديت منها شي ودحجت ع شهلاء وصكيت سنوني اله شوية احظنها واعصرها بحظني ..
طلعت وركعت الباب ورايه من قهري ?
وصلت للبيت نمت شوية وكعدت المغرب جانت امي دتحظر الفطور ..سئلت اشو اليوم ماشفت ابوية
ام شاهين ..ابوك ملتهي ويه عمك عادل علمود عرس ابنو عمر
شاهين ..اهااا كلولكم يعني
ام شاهين ..اي اكيد عجل شلون ..راح يسويها بقاعة كبيرة ماشاءالله ويعزم كل العشيرة
شاهين ..اي طبعا اذا نقيب وعندج الاحساب وشغلة كله بقيادة الثورة ..وماخذ بنت(……) شتريدين بعد
ام شاهين ..الله يزيدهم من فضلو شعلينه يمه احنه هم عدنه خير من الله مو ناقصنه شي الحمدلله … وانت هم باجر عكبة ان شاءالله تتخرج وتصير ضابط وتتعلى مراتبك سنة ع سنة وتصير نقيب
شاهين ..الله يسمع منج يالغالية …بست راسها .وجان يجي ابوية سلمت عليه وبوستو ..
جاسم ..شوكت اجيت بوية
شاهين ..والله الصبح نزلت وان شاءالله وره العيد التحق
جاسم ..الله يحفظك من كل شر وليدي
شاهين ..تسلملي بوية بعد گلبي ..
ام شاهين ..ضرب المدفع كوموا يله ياولد ساعدوني دنحظر الفطور
امجد ..جيبي السفرة حتى افرشها
ام شاهين ..هاك يله افرشها ..
شاهين ..فرشوا السفرة وواخوتي راحوا نكلوا الاكل وخلوا ع السفرة واني هم رتبت وياهم واذن والكل قراء دعاء الفطور وفطروا ..اووووف شوكت اشوف مريتي هنا كاعدة بنصنه ومنورة هل سفرة تعبت من الصبر ??
شهلاء ..اول ماحطيت لكمة بحلكي دعيت الله يخلي حبيبي ويحفظو ويجعلو من نصيبي وبعدين فطرت ..لان دعاء الصائم اول مايفطر مستجاب ..وصار ليلة العيد وطلعت اغنية مال ام كلثوم ياليلة العيد ع تلفزيون الشباب جانت قناتي المفضلة والعشق ذاك الوقت …كعدت نظفت البيت اني وشيماء كلو وماما وبيبي كعدن لفن كليجة وبابا هم جان موجود نطوا اجازة علمود العيد ..
طبيت للحمام سبحت ولبست تراك جديد برمودة حصر لونو احمر صار الليل ونمنه ..كعدنه بصباح العيد ب7 صلينه صلاة العيد وبابا راح جاب كيمر عرب وكاهي اتعايدنه مع بعض ..وكعدنه اتريكنه ..وكملنه غسلت المواعين ..
وصعدت شسورت شعري وحطيت مكياج خفيف بناتي واتعطرت ونزلت رحت للمطبخ
شاهين ..كعدت صباح العيد طبيت للحمام سبحت ولبست دشداشة بيضة ونزلت رحت للجامع ويه ابوية صلينه صلاة العيد وبالرجعة جبت كيمر وكاهي ونطيته لامي حظرت الريوك ..بعد ماتعايدنه كعدنه اتريكنه ..كتلهم حروح لبيت عمي ابراهيم اعايدهم منو يجي ويايه ..
جاسم ..عندي شغل هسه ..روح انت عود الظهر وره الغدة اخذ امك واخوانك ونلحكك
شاهين ..ماشي عجل ..يله رايح اني ..صعدت بسيارتي ورحت اريد اشوف اليوم شنو حجتها يعني عيدت اليوم وفاطرة ?
وصلت ودكيت الباب طلعلي ليث سلمت عليه وعايدتو وطلع راح يم جماعتو
شهلاء ..جنت بالمطبخ وجان يجي شاهين كمزت عززه شعندو مغبش من الصباحيات ?
شاهين ..طبيت للبيت شفت جديتي عايدتها وبوستها جان تخزرني وتكولي ولك يابن جاسم شعندك كولساع ناطلنه ها
كتلها شبيج بيبي غير عيد واجيت اعايدكم
ام جاسم ..اي عايدتنه يله ارجع هسه لاهلك ولا كولساع اتنط هنا تره اكسر رجلك وضربتو بالعصا ع رجلو
شاهين ..يمعودة شبيج بيبي حاطه كورج من كوري شمسوي اني
ام جاسم ..ولك يابن جاسم اني اعرف اسوالفك معبالك ميت عليه وجاي الخاطر اتعايدني لا تراني مربيتك واعرف كل دمراتك ..يله لتسوي براسي الولد البار يله ارجع لاهلك يله
شاهين ..اووويلي الله غير اموت اذا ماشفتها ?? ضربتني بالعصا وطردتني بيبي طلعت من الهول وجان الجح غزالتي واكفه بالمطبخ هلا هلا ركضت عليها وجان تنهزم طبت للمخزن وركضت وراها للمخزن وسديت الباب هيه جمدت بمكانها لاتكدر اتصيح لاتنفضح ولاتكدر تسكت بقت ترجف وتكمز
شهلاء ..من طبيت بالمخزن دانهزم من شاهين جان يركض ورايه ويطب وقفل الباب لايالله ??
كتلو الله يخليك اطلع والله ابوية هسه ع جيه لان راح لبيت عمو حازم ديعاديهم
شاهين ..يابنت ابراهيم ترا استحملت جثييير وصبرت عليج جثيير ماكو واحد مثلي محروم يعني كل ماشوفج اشتعل بنار ومانطفي حرام عليج
ولج شنو الذنب الجنيتو وياج لان هذا حبج وعشكج وضربت ع صدري من جهتو اليسرة
شهلاء ..اني هم احبك والله بس ميصير كل ماتجي هيج اتسوي والله اخاف منك اتسويلي بلوة
شاهين ..جانت تحجي وانتبهت شلابسة اشتعلووو العشيرة واحد واحد ولج هاي شطالعه اليوم هسه ياله انتبهت ..لا وتريدني مااسوي جريمة اليوم شو تعالي وهجمت عليها وحظنتها وهيه اتدفع وتضرب بيه هيه انجنت كامت اتدفر واتضرب بيه وملختني باضافيرها خررب بيومج طلعت دمي ? ..وراها سمعنه صوت ام شهلاء جانت يم جوارينهم اجتي كمزنه وهيه كامت اتعدل بشعرها واتضرب بيه
شهلاء ..والله من انعل عشيرتك كلها شلون اطلع ها هذا الي جنت خايفه منو ولاتفكر بالعواقب ابد
شاهين ..هههه ولج هوه الحب شنو غير ذنوب وبعدها عرس وانتوب ?
شهلاء ..من خررب حظي اسكت نصي صوتك ابو العرس ..فتحت الباب دحجت ماكو احد امي بالهول يم جديتي ركضت صعدت فوك وطبيت لغرفتي وقفلت الباب وظليت ادردم ليش هيج شاهين ليش هذا الحب بنظرك يعني ااااااخ كمت طلعت رحت للحمام غسلت وجهي ومشطت شعري وشلته ليفوك نشفت وجهي وطلعت اتنفست بعمق حتى اهدأ شوية
شيماء ..ها عوبة ليش مجيتي ويانه لبيت ام عادل رحنه عايدناهم وطبينه يمهم قدمتلنه كليجة وحلويات يممي يجننن ?
شهلاء ..بله اني وين وهاي وين من خررب حظي كتلها ماتنجبين ام بطن اني بيا حال
شيماء ..ليش ولج شكو شصاير احجي
شهلاء ..ماكو شي هيج وخري من جدامي شو ..
شاهين ..ااااخ من اشتعلوو اهلج شهلاء مابقت شي صاحي بيه شعلتني شعل خلتني اتسودن اليوم اخلي ابوية يحجي ويه عمي حتى احجزها الي قبل لا واحد من ولد عمنه يحط عينو عليها ذاك الساع اخلي الدم للرچاب اتصير ..اتمددت ع جربايتي واتذكرتها شسوت من حضنتها ضحكت … اووف يابنت گلبي شلون خليتيني هلكد احبج وشلون وكعني عشگج
اتنهدت وابتسمت ..طبعا شكد اكو بنات داير مدايري كلهن يريدن يتقربن مني وكلهن اية من الجمال والحسن بس ولا وحدة هزت مني شعرة ولاكدرت تمتلك هل گلب بس بنتك يابراهيم دولبتني وحركت اهلي حرك خلتني اتسودن واسوي شغلات عمري مافكرت اسويها ..
وصار ثالث يوم العيد والعشيرة مخبوصة بعرس النقيب عمر ابن عمنه عادل ? والمعازيم ماكولكم يعني بس بقه صدام حسين ما اجه بذاك الوكت لان الدولة كلها حظرت بقاعة الرئاسية …
شهلاء ..شيماء تعالي سديلي سحابة الفستان مدانوشها عفيه
شيماء ..تعالي ..ولج شاهين هم راح يجي للحفلة هذا فستانج حصر اخاف يقوم علينه القيامة
شهلاء ..والله شما يسوي مانزعو شنو اروح بجبه يريدني والله يالله الدنيا مكلوبة هناك وانوب كلهم من عوائل راقية يكولج اهل العروس من عشيرة ال(…..) وابوها (…..)
شيماء ..واحنه هم موقاصرين عيني عموري ابن المجيد يعني دولة وعلم ?
شهلاء ..ديله عيني خلي نكمل بنت المجيد راح يجي بابا ياخذنه
ام شهلاء ..يله بنات مكملتوا تره بابا خابر ع جيه
شهلاء ..اي ماما كملنه نزلت جوه وشافتني جديتي اتخبلت ولج هاي شطالعه اليوم
شهلاء ..يعني حلووة جدة ?
ام جاسم ..ماشاءالله عيني النبي عليج اتخبلين طالعه
ام شهلاء ..اليوم يخطبوج لامحال هههههه
شهلاء ..احم شيخطبون ماما اني بعدني صغيرة وعندي دراستي اهم كلت بگلبي ليسمعج شاهين يصير عززة بهل بيت ?
ام جاسم ..اليوم لو شافج الي ابالي يصير مكاتل مالو والي هههههه انوب هوه امسودن بلا شي وتجين انتي بهل منظر كدامو والله لا ينعل عشيرتج واحد واحد
شهلاء ..عزززة المن تقصدين بيبي ?
ام جاسم ..مايحتاج اكول منو لان تعرفي زين امشوا روحوا يله
ام شهلاء ..ههههه ديله يمكن اجه ابوكم صوت سيارة
شيماء ..اني راح افتح الباب .
شهلاء ..شلت فستاني من الصفحه لان طويل وطلعت صعدت بالسيارة وماما هم صعدت وليث وشيماء هم صعدوا بيبي ماتحب الهوسة والحفلات بقت بالبيت .. وطلعنه للقاعة وصلنه ونزلت القاعة جانت ولابالخيال الاجواء اتحسون بفخامة شي يجنن طبيت اني اول وحدة قبل اهلي لان الفضول كتلني ردت اشوف داخل القاعة والتحظيرات شلون تكون …اول ماطبيت لا يالله صار شاهين كبالي وانصدم بيه وعيونو انفتحت ع وسعهن ??
الله يستر بس ??
وللحكاية بقية ..
اعلم انك تغار
ولكن اعذرني حبيبي
فأنا أعشق غيرتك
أحبك عندما تخبرني اني ملكك وحدك
فأعذرني لأني أعشق أنانيتك
عندما تتمناني لك وحدك
#يتبع…..
#سارة_المجيد?