العنودية والنقيب الشرس – سارة المجيد

مساء الخير ع احلا قراء

#العنودية_والنقيب_الشرس
#المحطة_الواحد_والعشرين
#بقلمي_سارة_المجيد
??????????

شهلاء ..كشفت عن بطني وحطت الجل وبدت اتمشي الجهاز …وجانت المفاجئة ..
الدكتورة ..ماشاءالله حبيبتي انتي حامل بتؤم
شهلاء ..من حجت هيج انصدمت جسمي كام يرجف كتلها شنوووو تؤم الله عليج دكتورة صدك تحجين
الدكتورة ..ههههه اي حبيبتي شوفي بالشاشة امبين هياتهم ماشاءالله وحتى جنس الجنين بين عندي ولد وبنية
شيماء ..صلوات ع محمد وال محمد حبيبتي شهولة الف الف مبرووك ربج عوضج ب2 ماشاءالله
شهلاء ..دموعي كامت تنزل مثل المطر الف الحمدلله والشكر الك ربي ماقصرت وياي ماعرف شلون اجازيك يالهي ..كتلها اشكرج شيومه حبيبتي ربي يبارك بيج واشكرج دكتورة ربي يبشرج بالجنة ان شاءالله
الدكتورة ..تسلميلي يعمري ..يله كومي حبيبتي هسه راح اكتبلج ع فيتامينات للجنين وانتي هم لازم تهتمين بغذائج اهم شي اشربي حليب جثيير واكلي فواكه حتى ليصير عندج فقر دم حاد ..وشهر الجاي تجين حتى اشوف وضعهم وتكوينهم ابطنج
شهلاء ..صار دكتورة ان شاءالله ..جنت طايرة من الفرحة اول مارجع ابشر حبيبي شاهين اخذت الراجيته ورحت للصيدلية اشتريت العلاج ورجعنه لبيت اهلي اتصلت ع شاهين جان بعدو بالكلية انتظرتو وره ساعة اجه دك الباب طلعلو ليث طب وسلم علينه ..ركضت عليه وكتلو حبيبي ابشرك بشارة حلووة
شاهين ..يالله خيير حبيبي
شهلاء ..اليوم رحت للدكتورة واخذت سونار طلع بيه تؤم ولد وبنية ??
شاهين ..لالالا صدك تحجين الله عليج
زهور ..اي وليدي بالمبارك عليكم ربي يتمم عليكم بالخير وان شاءالله تشوفوهم بحظنكم يارب
شاهين ..اووويلي حبيبي ممصدك الف الحمدلله والشكر ربي ماقصر من يريد ينطي لابني ادم يرزقو من اوسع ابوابو هذا كلو جزاء صبرنه حبيبي ربنه جازانه ع قوة صبرنه وايمانه وما ايسنه من رحمتو الحمدلله والشكر
شهلاء ..الف الحمدلله والشكر
شاهين ..يله حبيبي امشي نرجع للبيت تعبان اليوم جان عندي هواي محاظرات بالكلية تعبت
زهور ..وين يمه ابقوا اتعشوا وروحوا وين بيها حيل شهلاء تسويلك عشه هسه انوب 2 ابطنها خطية هههههه
شاهين ..لا عمة منو كال اتعبها تدلل عليه ام اسد هسه اشتريلها منا مشاوي ونروح للبيت
شهلاء ..هاي شنو شبساع سميتو لابني ?
شاهين ..اي ولج اني شاهين وابني اسد يعني العائلة كلها شراسة وقتل وكذا ?
شيماء ههههههه حلوو اسد والبنية شراح اتسموها
شاهين ..مادري البنية خلي شهلاء اتسميها معلية اني
شهلاء ..وليش عود بله خليت الولد عليك والبنية عليه اسميها عابت
شاهين ..اي مو ابني اريدو زلمة حوك شرس ع ابو لاخلي كل الدنيا تهابو ?
شهلاء ..الله يستر ويساعد گلبج يشهلاء جنتي بوحدة حتصيرين بثنين
الكل ضحكوا ههههههههه
شاهين ..يله يغزالة امشي كدامي تمايلي انتي وكرشج ?
شهلاء ..يااا ?



شيماء ..دحج الحب عيني متعلم اخوك شوية شبيك جنه الشرطي جبار هههههههه
شاهين ..انتي متدلعين الو شوية اتدلعيلو وشوفي شلون يصير ذيب ياكلج اكل ?
شهلاء ..يا شو هاي متستحي احتشمي مالت عليج وجع ?
شيماء ..اي شسوي اني هم اغار اريد ستار يشوف شاهين شيسوي ويه الحب خما كاضيها شغل والليل يرجع تعبان ينام ?
ولا اسمع منو جلمة حلوة ابد ولاعبالك اخذني عن حب ?
شهلاء ..يله حبيبي امشي نرجع لبيتنه هاي فاقدة الحنان خطية وماتدري شتحجي ههههههه
..صعدت بالسيارة ورجعنه للبيت وجبنه ويانه عشه سفري اتعشينه وصعدنه لغرفتنه جنت هلكانة من التعب ..اتمددت ع الجرباية واجه شاهين جان بالحمام وطلع لاف المنشفه ع خصرو كلي بس اتخرج ان شاءالله افتح مختبر تحليلات حتى من ارجع من دوامي بالعسكرية التهي بي اريد اكون لاطفالي مستقبل حتى ليتعبون من بعدي
شهلاء ..الله يخليك النه ولايحرمنه منك ويخليك خيمة ع راسنه بعد گلبي ..
شاهين ..اتمددت بصفها وكشفت بطنها وخليت ايدي عليها وكمت ابوس بيها فدوة اروحلج لان انطيتيني كوولشي بحياتي وماحرمتيني من شي ..اووووف شكد احببببج
شهلاء ..خليت ايدي ع راسو وهوه يبوس بطني ضحكت كتلو ع كيفك شواربك اتجكجكني ?
شاهين ..اهااااااا هسه صرت اجكجك مو دتعالي عجل اليوم اجكجكج كلج كمت وحظنتها ونمت بسدها ودفنت راسي بركبتها ووووووووووووو

اووووووف يبراهيم بنتك تعبتني
شهلاء ..اني شعليه بله ..انت متوحش متمل ?
شاهين ..هههههه صدك اكولج هاي بنت عمنه اللاخ هم جاييها خطابة
شهلاء ..منيه ?
شاهين ..بنت عمنه عادل الصغيرة اجه عمي عود اخاف واحد من عدنه يريدها كال تره بنتي اجوها ناس اجاويد شنو رايكم انتوا

شهلاء ..اي يمه وشيريدون تاخذها انت ?
شاهين ..هههههه اي يعني القصد اني كتلكم مو تسوون حجة اذا انخطبت ..
بس اسمعي رجلج اشسوه مصيبة بالولد

شهلاء ..اصخام اشسويت يربك ?

شاهين ..حبيبي شسوي والله مادري ليش هيج اني دمي حامي معقولة اني مخبل ?
شهلاء ..ياستار شسويت احجي تره خوفتني
شاهين ..شوفي اجه عمي كال هذول كذا وهيج وزناكين واهل نسب وكذا .. يابا ما بيها شي .. الله محييهم الرجال عود ديكول اني بنتي جوها خطابة واذا انتوا تردوها انتوا عمامها .. ابويا كالو الله يوفقهم .. وانخطبت البنية .. اخوها الزغير جان يجي يلعب ويا محمد ابن ستار نفس العمر همه .. اني جنت هستوني طاب للبيت .. جان عندي هواي شغل .. ف اني جاعد بلهول .. اسمعو لاخوها ديحجي لامي فد شي وامي تسكت بي .. اني انتبهت .. كتلها ها .. شديكول هيه كامت تتلعثم عرفت ديحجي مصيبة .. كتلو تعال شدتكول .. كال والله اهلي راحوا للنجف .. وبقى بلبيت فلانه .. واجه خطيبها فلان هم .. اني كمزت .. خرب انه .. ركضت اخذت سلاحي وطلعت .. لكيت سيارتو واكفة .. انوب انجنيت .. طبيت للبيت ادك محد يطلع افتريت من الباب الورة شلعتو وفتت للبيت .. ادور افتر البيت فاااارغ ما بي بشر .. شنو القصة .. بقيت جاعد اراقب البيت .. واذا هوه جاي .. ادحج ما تلاحكت روحي لزمتو وكتلتو الا ذبحتو كتل .. وهذا يكولي شبيك شكو .. واني حتى حجي ما احجي كل ظني هوه وياها جانوا وحدهم بالبيت .. والله واشدو واحطو بجنطة السيارة .. وجان يجون بيت عمي عاد واذا كلهم جانوا طالعين وبنت عمي وياهم وهوه جاي وما لاكيهم داك عليها تلفونها مغلق .. ف رايح يتمشة ع محلات .. وهذا الجاهل جذب وخطية الرجال اكل كتلو معدلة ع شي مصاير ?
شهلاء ..عززززة عفيه انت شنوو ماعندك شي اسمو تفاهم كبل ضرب وشد وحط ..والله خطية هل مكرود من وراك هسه يعوفها لبنت عمك ..اوووي نوبات احس اني ماخذه دراكولا مو انسان ?
شاهين .. والله حبيبي هل شي بدمي يمشي مو بيدي شكد ردت اغير من نفسي اصير وديع حباب لطيف ماكو الشراسة تمشي بدمي مو بيدي ?
شهلاء ..اي هاي هيه خليت العالم كلها تكرهك وتصيح الداد منك ?
شاهين ..اني ويه كل الناس شرس بس سبحان الله بس هنا واشرت ع صدرها كتلها وانسه هل شي واصير طفل بحظن امو ..
شهلاء ..ههههههه اي قنع بيه قنع ..

#تسريع_الاحداث

بسنة 2011
شهلاء ..الحمل صار ثقيل عليه جنت كوه امشي بيوم تخرج شاهين من الكلية حسيت جان ينزل عليه مايات ياربي بس لا يصير عندي ولادة هسه وخطية شاهين اليوم حفلة تخرجو ..
شاهين ..ها حبيبي يله ماكملتي حتى نطلع للحفلة ..
شهلاء ..حبيبي روح وحدك ماكدر اجي
شاهين ..خير حبيبي شبيج احجي
شهلاء ..اااااااااخ شاهين الحكلي وجع من الصبح لازمني وهسه قوه كام ينزل مايات عليه
شاهين ..اصخام ولج هسه شسوي خررب انشدهت وانثولت ماعرف شسوي بقيت افتر بالبيت وشهلاء تصارخ من الوجع خررب حظي كومي كومي داسندج اوديج للمستشفى عسريع ..
شهلاء ..جيب جنطة الملابس مال الاطفال فوك حاطتهن بالكنتور
شاهين ..اي هسه اجيبها صعدت عسريع بعد اشوية اتكبرس من الدراج لان اتصربعت جبت الجنطة ونزلت ..
شهلاء ..خابر ماما خلي تلحكنه فدوة اريدها يمي
شاهين ..ها اي اي هسه يله ع كيفج امشي ..سندتها وصعدتها بالسيارة وشخطتها بأقصى سرعه دكيت ع عمتي كتلها عسريع تعالي للمستشفى شهلاء عدها ولادة ونطيتها العنوان
زهور ..يايمة سودة عليه بنتي
ابراهيم ..خير شكو
زهور ..كوم عسريع وديني للمستسفى شهلاء عدها ولادة ..
ابراهيم .. اه يله كومي حظري نفسج اني حطلع اشغل السيارة
شهلاء ..وصلنه للمستشفى جنت كوه امشي الوجع موتني وجان شاهين خطوة بخطوة ويايه وساندني طبينه للمستشفى وفحصتني الدكتورة واخذتلي سونار شافت وضع الاطفال كالت لازمج عملية قيصرية متكدرين اتجيبين طبيعي ماعندج توسع وانتي بكر وانوب تؤم انخاف ع الاطفال ليختنكون ..
اني خفت ياربي فدوة اروحلك احفظلي اطفالي من كل سوء ..
شاهين ..جنت بره واكف بالممر اروح وارد مثل المخبل دمي احترك جنت خايف ع شهلاء واطفالي دعيت الله يوكفلها وتكدر تولد ..دك تلفوني جان صديقي بالكلية كتلو ماكدر اجي للحفلة اعتذرلي من الزملاء والاساتذة لان زوجتي عدها حالة ولادة ..كال ماشي خيي ان شاءالله تكوملك بالسلامة ..سديت الخط وشفت شهلاء امنيميها ع السدية وملبسيها ملابس العمليات لايالله شنو هاي ركضت عليها لزمت ايدها كتلها شنو هاي حبيبي
شهلاء ..حبيبي حالتي متعسرة والدكتورة حولتني للعمليات اذا صار عليه شي امانة جهالي لينذلون بعدي خليهم يم ماما تربيهم
شاهين ..شبيج حبيبي كولي يالله قابل انتي اول وحدة لو اخر وحدة تسوي عملية قيصرية ..ان شاءالله تكومين بالسلامة لتخافين
اخذوها من ايدي وطبوا لصالة العمليات واني هنا عيوني كامن يجرن طكيت بجي متحملت الي حجته شهلاء ..خفت عليها والله اموت لو صار بيها شي ..بهل لحظة سمعت صوت عمتي وعمي
ابراهيم .. ها شاهين خير شو هنا واكف وينها شهلاء
شاهين ..والله عمي دخلوها للعمليات لان ولادتها صعبة
زهور ..يمه بنتي سودة بوجهي كمت ابجي ياربي فدوة كومها بالسلامة
شاهين ..لتبجين عمة ان شاءالله تكوملنه بالسلامة انتي ادعيلها بس ..دعاء الام مستجاب
زهور ..ان شاءالله يمه .. رحت وكفت ع صفحة ولزمت سبحتي وبقيت اسوي استغفارات وصلوات لتسهيل الولادة مال بنتي ..
ابراهيم ..عجل انت مارحت لحفلة تخرجك
ابراهيم ..لا عمي الحمدلله قبل لانطلع شهلاء حست بألام الولادة وجبتها للمستشفى ودخلوها رأسا لصالة العمليات ..
ابراهيم ..ان شاءالله تكوم بالسلامة بحق محمد وال محمد
شاهين ..اميين يارب
بعد ساعة من الترقب والانتظار والخوف والقلق طلعوا الاطباء من صالة العمليات وركضنه عليهم سئلناهم شلونها المريضه
الدكتور ..الحمدلله ولدت وجابت تؤم ولد وبنية وهسه اخذناهم للحاظنه والام شوية بس تصحه من البنج ايطلوعها الممرضات لتخافون عليها والحمدلله ع سلامتها وسلامة الاطفال
شاهين ..جسمي جان كلو يرجف من جان الدكتور يحجي اوووف ارتاحيت هسه كتلو الله يبشرك بالخير دكتور ماعرف شلون اتشكرك
الدكتور ..لاشكر ع واجب يله عن اذنكم عندي عملية ثانية
ابراهيم ..الله يگويك دكتور اتفضل اخذ راحتك
شاهين ..وره نص ساعة وجان يطلعوها لشهلاء امدده ع السدية ودتخربط بالحجي من وره البنج اوووف حبيبي من شفتها روحي شاغت للسما عيوني فاضت بالبجي رحنه وياهم للغرفة حجزتلها جناح خصوصي حتى ناخذ راحتنه ..دخلوها وخلوها ع السرير نطيتهم اكرامية وراحوا ..كعدت بطارف السرير ولزمت ايدها وبست راسها كتلها الحمدلله ع سلامتج ياعشقي
زهور ..حظنت بنتي وبوستها وكتلها الحمدلله ع سلامتج وابراهيم هم بوسها واتحمدلها بالسلامة
شهلاء ..من طلعوني من صالة العمليات حسيت الدنيا دتفتر بيه عيوني ماركز بيهن غواش كدامي وثقل ع جسمي ومجنت اعرف شحجي وره شوية ياله كمت اصحه ع نفسي وشفت بابا وماما وشاهين كلهم ع راسي بوسوني ورأسا سألت ع اطفالي وينهم عفيه شو ماكو يمي
شاهين ..لتخافين حياتي جهالنه بالخدج يفحصوهم ويجيكوهم شوية ويجيبوهم ماعليهم اله العافية
شهلاء ..الحمدلله والشكر جنت خايفه والله شكد دعيت الله يحفظهم الي من كل سوء ?
زهور ..مابيهم شي يمه شكو تخافين ولادتج عدت بخير وسلامة الحمدلله وجهالج مثل الورد فدوة يخبلون شكد حلوين رحنه اني وابوج شفناهم بالحاظنه ديفحصون بيهم
شهلاء ..عفيه ماما روحوا كولولهم خلي يجيبوهم اريد اشوفهم واحظنهم حموت
شاهين ..اسم الله عليج حبيبي تدللين هسه اني اروح اشوفهم ارتاحي ..طلعت ورحت للخدج وشفت الدكتور ديفحص واحد منهم حتى ماعرف منو الولد ومنو البنية محفظيهم هههههه دحجت من الجامة گلبي كام يرف ويفرفح عليهم يالله شكد صغار وناعمين اوووي فدووة شوكت اشوفهم كبار ويمشون كدامي غوركت عيوني وبجيت ع كرم ربي وحمدتو وشكرتو لان منَّ عليه بفضلو وكرمو ورزقني الذرية واتمم خلقتهم الي طلع الدكتور وسئلتو شوكت اتجيبون الاطفال لغرفة امهم
الدكتور ..هسه بس خلي يحظروهم الممرضات دقايق ويجيبوهم
شاهين ..دكتور فدوة خما ينخبطون الجهال لان ماشاءالله خير من الله همه بالخدج
الدكتور ..هههههه هاي شلك بيها شلون ينخبطون ..لتخاف احنه مخلين اسم الام الكامل ع كل ايد طفل وين اطفالك
شاهين ..الي جنت تفحصهم هسه
الدكتور ..اهااا اي شفتهم وجيكتهم سالمين مابيهم اي نقص الحمدلله هسه يجيبوهم لجناحكم انت روح بعد ..
شاهين ..فدوة لگبك دكتور ماقصرت رحمة الله والديك ..من فرحتي كمت ابوس بي ههههه رجعت لشهلاء كتلها حبيبي دقايق ويجيبوهم يمج لتخافين
شهلاء ..اي عفيه مشتاقه اريد احظنهم يممه فدوة لجهالي ??
الكل ضحكوا هههههههههه
شاهين ..اروح اجيب شي للغدة جعنه ممتغدين ليهسه ..
ابراهيم ..ماشي ابني
شهلاء ..من راح شاهين وره ربع ساعة جابولي الجهال يممه يممه گلبي بعد شوية يوكف ردت اضمهم بنص گلبي ياتعب عمري انتوا ياصبري وعطية ربي انتوا حطوهم اثنينهن ع صدري وبقيت اشم بيهم افيششششش ياهل عطر اوووف بقيت ابوس بيهم وماشبع منهم ..كتلها ماما تعالي شوفيلي منو الولد ومنو البنية تره دخت يشابهون ههههههه
زهور ..هههههه اي جيبي داحللهم ..اووي فدوة لله شكد حلوين طالعين ع جدتهم عيني ?
ابراهيم ..هاي شلج بيها لاعيني طالعين ع جدهم عيني
شهلاء ..طكيت ضحك كتلهم يله لتزعلون اسد عليك ولينا ع ماما ?
زهور ..ههههههه ها راح اتسميها لينا
شهلاء ..اي عاجبني اسم لينا اما ذاك ابن الشرس ابو سما اسد من قبل لايجي للدنيا تدرون انتوا هههههههه
شاهين ..رجعت وجبت الغدة ويايه طبيت للغرفة شفتهم جايبين الجهال حطيت العلاليك ع الطاولة ورحت يمهم يمممه فدووة لجهالي
شهلاء ..بس جهالك ?
شاهين ..هههههههه طكيت ضحك ها ولج بدينه بالغيرة من هسه يله لتزعلين يمممه من فدووة لجهالي وأم جهالي ها شلوني
الكل ضحكوا
شهلاء ..هههههه وفدوة الك هم حبيبي ربي يخليك الهم ولايحرمهم منك
الكل امييين يارب ..
شاهين ..عمه طلعي الاكل خلي نتغدة ادري بيكم مامتغدين انتوا هم
زهور ..ماشي يمه ..فتحت العلاليك وطلعت الاكل
شاهين ..عمه جبت لشهلاء شوربة لتوكليها من اكلنه لان موزين ع عمليتها لازم تاكل سوائل هسه علمود بطنها ..
زهور ..اهاا عاشت ايدك وليدي
شهلاء ..صبتلي امي شوربة وشاهين وكلني بيدو فدوة لعمرو اروح شكد حنين علينه ..
شوية وجان يجون بيت عمي جاسم كلهم لان شاهين متصل ع شيماء ومخبرها ..ركضت شيماء حظنتني وكامت تبجي كتلها حبيبتي مابيه شي هياتني جدامج جني عتوي هههههه
شيماء ..هههههه فدوة لعمرج خيتي ظل بالي من كال شاهين شهلاء بالعمليات متت من الخوف عليج اول ما اجه ستار من شغلة جابنه واجه ..
شهلاء ..تسلميلي بعد گلبي تعبتكم
ام شاهين ..جنت شايلة اسد وكتلها يا يمه تعبيش اني بذيج الساعة من اشيل جهال شاهين اوويلي من وصل الخبر ردت اطير واجيكم للمستشفى ..بس لاعمج موجود ولاستار والباقين بكلياتهم بس اول مجوي غديتهم عسريع وجبتهم واجيت هههههه
شهلاء ..اشكرج عمة متقصرين ربي يطول بعمرج وتشيلين جهال جهالهم ان شاءالله
الكل اميين يارب ..
شاهين ..ها يمه شلونهم جهالي حلوين مو ..احلا من جهال ستار جنهم منغوليين ?
شيماء ..يااااا صدقة لله دشوفهم شلون جمال عبالك ممثلين تركيين والله يالله ??
شاهين ..? شكد حلوو من اضوجها
ام شاهين ..هههههه لا عيني احفادي كلهم حلوين يخبلون طالعين ع امهاتهم ليش الجذب بس اسد ماخذ من شاهين خشمو كبير هههههههه
ستار ..مو بس خشمو يمه دحجي حواجبو من يعكدهن جنه شاهين لايالله اجاكم ابو دكايك ثاني شدوا روسكم ياكرعان ?
الكل طكوا ضحك ?
شهلاء ..جانت اللمة اتجنن بقينه نضحك ونسولف وشاهين وستار بس يحششون علينه واني وشيماء انكمز ههههههه الله يديم هل لمة الحلوة ..
حسيت صدري كام يدر حليب كتلها ماما ارضع الجهال ..جان يجي ع راسي شاهين بنبرة تخرع حجاها همس بأذني كال اذا رضعتي جدام اخواني اشك حلكج نصين شنو اتطلعين صدرج شبيج مخبلة
شهلاء ..كمزت من خوفي كتلو لا منو كلك اطلع صدري احط شال عليه عجل الجهال ديبجون خطية شبيك جوعانين
شاهين ..احم اي حطي شي ع صدرج مناقصني ضيم اني رحت جبتلها عباية مال عمتي وخليتها ع راسها وتلفلفت بيها وكامت اترضع اسد ..

شهلاء ..وره 3 ايام طلعت من المستشفى ..وشاهين اخذني لبيت اهلي حتى ابقه نفاسي كلو يمهم لان ماكدر اداري جهالي وحدي خطية ماما جثيير ساعدتني بيهم ..
ومر ع ولادتي 10 ايام وشلت الخيط مال العملية وارتاحيت شوية الحمدلله ..
وبيوم شلت تلفوني فتحت النت لان جان مطفي وماشغلتو بعد خليت التلفون ع الميز وكعدت اكمط الجهال وجان اسمع صوت رسالة بالفيس فتحتها جان حساب غريب مو من اصدقائي فتحتها جان اسمو رجل له مهابة استغربت منو هذا يمه ?
ودازلي طلب صداقة هم ..بس الي صدمني ودمرني دازلي صور لشاهين ويه سما لايالله هاي شوكت ومنو هذا الي دازهن انجنيت حسيت شعواط بداخلي كمت الطم وابجي معقولة شاهين يخوني معقولة مداصدك شوكت هل صور راح اتخبل ..
الصور جان شاهين واكف وسما واكفه مقابيلة ولازمه ايدو وديسولفون امبينه ….لا مستحيل شاهين طلع انسان خاين …

وللحكاية بقيه ..

اشاءالله بعد 5 بارتات وتكمل القصة وراح اشتاقلكم چثييير يالعمر كلوو احببببكم ??

يتبع ……

#سارة_المجيد?