العنودية والنقيب الشرس – سارة المجيد

#العنودية_والنقيب_الشرس

#المحطة_العاشرة

#بقلمي_سارة_المجيد

⚘⚘⚘⚘⚘⚘⚘⚘⚘

شهلاء …واخذ المايكرفون عمو جاسم وكال للحظور سكوت لو سمحتوا انتبااه رجاءا ..وجان بهل لحظة
توكع جديتي من طولها بالكاع الكل انصدم عمو جاسم اتخبل ..وشاهين اتصركع وابوية كام يركض مثل المجنون ويدفع بالعالم حتى يشوف شبيها بيبي شالوها واخذوها للمستشفى بسيارة شاهين العسكرية المظللة حتى عسريع يوصلون بدون توقف من المرور والنجدة بذاك الوكت
احنه رحنه وراهم اخذنه جليل بسيارتو وصلنه للمستشفى
شفناهم دخلوها لغرفة الطوارئ ركضت ع بابا كتلو ها بابا بشر شكالوا شبيها بيبي
ابراهيم ..مندري بنتي دخلوها هسه وديفحصوها الاطباء يمها ..
شاهين ..شفت هاي جايه بملابس الحفلة بعد اشوية احرك المستشفى ع راس الخلفها والحرك اجدادي جايه ويه جليل اووويلي يالكعبة الطم يعني شسوي بيها بهل وسطية واحنه مثبورين بجدتي ..
هل بنت الكلب نعلت اجدادي ماخلت دين براسي رحت طاير عليها لزمتها من ايدها ودخلتها للردها جوه كتلها انعل ابو الخلفج شنو جايه للمستشفى رب الحلووو شعندي ملهة شبيج اتخبلتي متصبرين لحد مانرجع ونطمنكم
شهلاء ..شاهين احنه بالمستشفى مو بالبيت وثم لابسه صاية فوك فستاني وشال يعني ممبينه لابسه فستان حفلة
شاهين ..وهاي جهرتج الصابغتها جنج قرقوز طالعه
شهلاء ..اصخام اني قرقوز ??
شو انت متعرف تحجي ..شو وخر نفضت ايدو مني ردت اطلع للممر يم بابا وعمو جاسم جان يلزم ايدي كلي اوكفي ..
خررب عمي ولج طالعة گمر بس من حركة گلبي هيج احجي عليج غير حركتي اجدادي جايه هنا بهل خلقة اوكفي وين مولية ??
شهلاء ..معليك ..طلعت ورحت وكفت يم بابا كتلو ها شخبار بيبي
ابراهيم .. بعد بنتي مندري مطلعوا الدكاترة
شاهين ..والله من انعل ابوج لابو الخلفج مسحت وجهي وسحبت نفس عميق اهدأ شاهين اهدأ وكفي الشر اهدأ هففففففففففففففف …
طلعت للممر ورحت يم ابوية وعمي ابراهيم ..وجان يطلع الطبيب ركضنه عليه كلنه سئلنا خير شبيها
الدكتور ..والله عجيب امرها مدنعرف شنو علتها 3 اطباء وكفنا ع فحصها ممبين بالتشخيص شنو مرضها ..
ابراهيم ..دكتور شنو يعني شتقصد امي شبيها
الدكتور ..داكولك المريضه محد عرف علتها ..هيه ع غفلة وكعت يعني؟؟
جاسم ..اي دكتور الصبح كولشي مابيها وجان عدنه حفلة التخرج مال ابني وكاعدة عادي شو ع غفلة وكعت من طولها
الدكتور ..امممممم والله عجيب يعني فحصناها مابين عدنه اي شي اصلا .. ليش دخلت بغيبوبة هيج مدنعرف
ابراهيم ..دكتور اريد انقلها لغير مستشفى انتوا الضاهر مدتعرفون تشتغلون عدل
الدكتور ..ماسمحلك هيج تحجي احنه شغلنه عدل والمستشفى بيها امهر الاطباء والمتخصصين بس امكم مرضها ممعروف شنو
جاسم ..عجل دكاترتيش انتوا اذا متعرفون علة المريض شنو ..
جليل ..لزمت عمامي راح يتكاتلون ويه الدكاترة كتلهم اهدئوا سموا بسم الله كلشي اله حل ..الله كريم ان شاءالله يعرفون علتها بس اصبروا شوي ..كعدتهم وجبتلهم مي شربوا ..
شاهين ..بوية اكعدوا لاتلمون العالم علينه خلوا الدكاترة اتشوف شغلها ..
شهلاء ..كعدنه اني وامي وعمة ام شاهين ع المسطبة تعبنه من الانتظار ..
ابراهيم ..شاهين امشي رجع النسوان للبيت شنو فايدتهن باقيات هنا
شهلاء ..لا بابا فدوة اريد اتطمن ع بيبي عفيه ..
شاهين ..لتخافين مابيها شي امشي يله تارجعكم ماريد مراة هنا بعد ..
شهلاء ..خرررب هسه شكو قابل كاعدين شمسوين
زهور ..شهلاء كافي لتعاندين امشي نرجع مالنه فايدة احنه شنو انسوي اشو كاعدين وساكتين
شاهين ..يله يمه انتي هم كومي امبينه تعبانه راح انزل اشغل السيارة واجيبها يم الباب علمود حظرة شهلاء خانم تصعد من الباب
شهلاء ..اي قلد قلد ..
شاهين ..لتعلين صوتج ترا اشك حلكج يله انزلوا عسريع نازل قبلكم اني
ام شاهين ..ماشي يمه جايين وراك ..يله ام شهلاء حبيبة امشي نروح ..جاسم عود طمنونه بتلفون اذا صار وياكم شي
جاسم ..ماشي ان شاءالله

شهلاء ..ومرت الايام وبيبي ع حطتها سودة عليه حبيبتي ام سالفة الحلوة بغمضة عين وكعت من بين ايدنه ومندري شصابها ياستار ..محد ديعرف علتها ناس اتكول صرع بالدماغ وناس يكولون خلل بخلايا المخ وناس يكولون ورم كل واحد يحجي شكل .. جانت باقية عايشة ع الاجهزة بس صوت جهاز نبضات القلب يثبت انو هيه عايشة ..اما شكلها اليشوفها ايكول ميته ..
بقت ع هل حالة شهرين وبابا وعمو جاسم انثبروا بيها ثبر ..مخلوا طبيب ما جابوا الها يكشف عليها ونفس الشي محد يعرف شبيها سبحان الله الانسان ع غفلة يوكع ..

شاهين ..حظرت جنطتي ولازم التحق للمقر واباشر شغلي هسه اني مسؤول عن جنود وفوج كامل بس جنت مشتاق لشهلاء خررب عشيرتها دمرتني وخرررب گلبي الي عشگج بهذلتي حاله اتبهذل متكولي وين جناتلي هل سالفة العشك مو جنت مرتاح ويوميه مصاحبلي وحدة وعايفها اووووف من اشتعلت بحطب جهنم ياگلبي ورطتني ويه هل مخبلة …
ودعت اهلي ورحت لبيت عمي يعني حظي المصخم بيوم حفلة تخرجي وبيوم اعلان خطوبتنه توكع بيبي وتتمرض لعد شكد فكر احنه الخاطر الله ..
وصلت لبيت عمي جان دنيا الصبح كلهم نايمين بله منو يفتحلي الباب كلت شسوي ادكها اذا فتحوا فتحوا مافتحوا اولي اروح ..والله دكيت الباب وجان وره شوية فتحلي ليث مطفي يفرك بعيونه كال نايمين كلهم وعافني وراح كلت خطية يمكن بعده نايم هذا هههههه…
والله طبيت شسوي اريد اشوف الي مدولبتني وراها بنت اللذين ..بس اتفاجأت شفتها نزلت من فوك وهيه هم اتفاجئت بشوفتي
شهلاء ..جنت نايمة تقريبا ب7 الصبح سمعت صوت الجرس كلت هذا منو دانزل وشفت شاهين كبالي بملابسة العسكرية گلبي راد يوكف اوووف غير منظر يكطع الگلب امبين يريد يلتحق للجيش ? كتلو عجل منو فتحلك الباب …
شاهين ..اخوج ليث فتحه ورجع نام هههه اجيت اشوفج راح التحق للوحدة مالتي احتمال اتأخر
شهلاء ..ياروحي راح اشتاقلك هوواي ?
شاهين ..والله شما تشتاقين ولا تهتز شعرة منج
شهلاء ..انقهرت عليه گطع گلبي ادري ميبستها عليه ومامنطيتو مجال بس شسوي ماكدر اخلي يتعدى حدودو ..
شاهين ..اتقربت عليها كتلها اهون عليج اروح واني مكسور الخاطر متخافين يجي يوم ومتشوفيني بعد متخافين يجي يوم تنحرمين مني يجيوز يجيبوني ملفوف بعلم شتسوين ذاك الساع تتندمين وتكولين لو مخليتو ياخذ الي جان يتمناه تتندمين وتكومين تحسين بذنب حرماني منج
شهلاء ..اترجاك لتحجي هيج انت عزيز ع گلبي وصدك اني هم اريدك بس لازم تصبر شاهين اصبر لحد منزوج
شاهين ..شصبر رب الحلوو مو ابو ابويه احترك صار شكد محروم منج ولامتهني بحظنج مثل العالم حتى كمت اشك انتي مريضه ماعندج احساس
شهلاء ..شهكت شهكة حطيت ايدي ع حلكي كتلو شنو اني مريضه ?
شاهين ..اي لان ماكو بنية يتقرب منها حبيبها تصدو وتبتعد عنو ومتتجاوب ويا
شهلاء ..لا اكو شاهين الي تصون نفسها ومتخلي يلمسها اله بالحلال الي تكون صعبة مو سهلة ..انت صح حبيبي وخطيبي بس مو زوجي ولا حلالي لازم تصبر ..الي يريد شي يعوف شي ..
شاهين ..يعني مراح اتودعيني وتطفين نار گلبي المشتعلة
شهلاء ..??
شاهين ..ماشي شهلاء سهلة ..
يله اشوفج بخير ..عفتها وطلعت وركعت الباب بقوة وراية ونعلت الساعة السودة ع گلبي الي بيوم عشكها من اشتعلوو عشيرتج واحد واحد دمرتي اعصابي مابيوم طفت ناري المشتعلة ..
صعدت بسيارتي وطلعت لبغداد وگلبي مكسور ومنعول والديه ..
وصلت للمقر طبيت للمكتب كعدت وحطيت ايدي ع راسي وجنت غادي دم ولو الزم واحد كدامي اله اكطعو بسنوني …طب عليه جندي قيس جايبلي البريد كتلو عوفو ع المكتب فدشوية اشوفو …
قيس ..سيدي اكو صارت حالة سرقة بالمقر
شاهين ..رفعت راسي وكتلو شنوو يمه
جندي قيس ..نعم سيدي حالة سرقة عتاد ومنعرف السارق ومادام اجيت حتى تفتح تحقيق ويه الي تشك بي ..
شاهين ..نزعت البيريه مالتي والمسدس من الكراب مالو وركعتو ع الميز كتلو فهمني منو الي جان بالمقر بذيج الليله قيس ..سيدي همه 5 جانوا وهسه راح يدزوكم انت واثنين ضباط للتحقيق

شاهين ..وفعلا دزوني اني ويايه ضباط اثنين اني رئيس لجنة تحقيق ع حادث سرقة عتاد من مشجب اسلحة .. اني رحت ع الوحدة .. و بديت احقق .. دزيت على المسؤولين ع المشجب من الضابط الى الحرس .. الكل .. وبديت احقق وياهم .. صار عندي شك ب ثنين من الحرس .. ف اني كاعد وره المكتب .. واسئلة انت وين جنت ساعة كذا وشلون وهاي التفاصيل احسه يراوغني .. بس عينو ما يكدر يرفعها عن الكاع .. اني انزعجت حيل منو اني اصلا مفول قهر وروحي محتركه بسبب شهلاء والله جابلي هل اثنين كدامي .. كتلو ولك ليش انت تراوغ .. وجان يكول سيدي ما داراوغ .. حسيتو شلون ديطب بعيني اني عصبت حيل وروحي طفرت من خشمي جريت يمي منفضة الجكاير وركعتو بيها هوه وخر راسو واطشرت بلحايط .. همه يعرفوني اني اذا زعلت اسويهم شواذي .. انهار وكعد بلكاع واعترف ان هوه وزميلو باكو العتاد لان يردون يبيعونه .. مرت زميلو حامل وتريد تجيب .. وفلوس ما عدهم .. ذبيتهم بلحبس وتحققت من سالفة مرت زميلو طلع فعلا حالهم تعبان .. صفنت اذا احيلهم محكمه راح يطيح حظهم ويجوز ينعدمون .. دزيت ع امر فصيلهم .. كتلو خلي يرجعون العتاد الي باكو ودزلي خبر حتى اسد التحقيق ان ماكو شي نقص بس خليهم بلحبس شوية يتأدبون .. وفعلا وره فتره دزلي ان رجعوا العتاد وسديت القضية
..
ومرت الايام والاشهر وجدتنه بعدها ع حطتها واني وشهلاء بقت خطبتنه بس بين اهلنه محد من العشيرة يعرف بيها ..
بيوم صار نزولي وجنت يم بيت عمي وصار الدوامات مال المدارس والكليات ..ولازم حبيبتي اتقدم ع كلية هندسة ..وصار الحجي كدامي واني رفضت وكتلها كلية ماكو افتهمتي خلصتي سادس هاي هيه يكفي شكو بعد
شهلاء ..لاوالله صدك تحجي اني اتعب هل تعب واوصل لهدفي وانت بكل سهولة اتكولي ماكو بطلي
شاهين ..ايييي نعم كلية ماكووو خليها ابالج واذا كسرتي كلامي رجلج اكسرها بس اتعتب باب البيت
شهلاء ..شاهين اني مو مرتك حتى تتحكم بيه زين
شاهين ..والله مرتي مو مرتي العندي كلتو انتي بنت ابوج وكسري كلمتي
شهلاء ..بس يجي بابا اكلو والله وهوه يتصرف وياك
ام شهلاء ..كافي يمعودين شكد تتناكرون
شاهين ..عمة احجي وياها اني تعبت من راسها اليابس وماعاد بيه صبر بعد وحق الكعبة ترا احبسها بغرفتها واخليكم تنطوها الاكل من الشباك
ام شهلاء ..ماشي يمه عوفها واني احجي وياها معليك
شاهين ..كمت وعفتها وطلعت ورحت لبيتنه طبيت للحمام جوه الدوش فتحت المي البارد حسيت نار كاعد تاكل بجسمي مادري شلون اكدر اصبر ع هل بنية وماسويلها شي قسما بذات الله لو غيرها لا ادفنها بكاعها ومايرفلي جفن .. مادري هاي شمسويتلي اضعف كدامها من خرررب عشيرتها ..

جليل ..يمه متكوليلي شوكت تخطبولي شهلاء مو تخرجت وراح افتح مكتب محاماة شكو بعد شمنتظرين
ام جليل ..يا يمه اصخام مدشوف الوادم مخبوصين بجدتهم ومديكعدون خطية المراة مريضه ماترهم انفاتحهم بخطوبة فشلة همه بيا حال
جليل ..وتالي يعني شوكت اشو حتى الكلتي عليها صغيرة كبرت وصارت مراة
ام جليل ..ميخالف ابوية انت اصبر ان شاءالله الجدة تصير زينه ونروح نخطبها الك تدلل
جليل ..والله داحس هل بنية مو من نصيبي من هاي الله ديعرقلها عليه
ام جليل ..استغفر ربك يمه لتجزع حرام
جليل ..استغفر الله يوم مو قصدي الجزع بس كل ما اريد اتقدملها تصير مصيبة ليش مادري …
ام جليل ..وعسى ان تكهروا شيئا وهو خيرا لكم ..محد يدري بحكمة ربك شنو .

شهلاء ..مر ع مرض بيبي 4 اشهر من فتحت عيونها الدكاترة ايسوا منها كالوا اخذوها للبيت خلي تعيش هل كم يوم من عمرها بينكم ..عمي جاسم اخذها يمه لان بابا مو دائما بالبيت عندو دوامو بالخارجية واحنه ماعدنه ولد كبار بالبيت يشيلوها هناك ولد عمي جاسم خير من الله ماشاءالله ف أخذها عمو يمه حتى يداروها ..
جنت اروح يمها اشبع بجي مو ذيج بيبي ام سالفة الحلوة والضحكة المرحة وام وجه البشوش ..
اتغيرت كل معالمها جانت بس عيونها تتحرك ومغوركة تباوع عليه وع شاهين تبتسم مثل الفرحانه احنه مع بعض ..جنت احط راسها بحظني واطعمها بيدي وشاهين يساعدني ..
شاهين ..جنت سعيد بقرب شهلاء مني جنه انداري بيبي سوة من انزل للبيت جانت يمي واشتم عطرها واهيج واشتعل نار واريد الي يطفيني ..ومرت الايام وبيوم دنوكلها ك العادة اني وشهلاء جان بيبي اتحرك ايدها اول مرة من 4 اشهر احنه انصدمنه جان تلزم ايد شهلاء وحطتها فوك ايدي ودحجت عليها كالت ديري بالج ع شاهين بصوت مخنوك وناصي بحيث لو ما سنطة مانسمع شحجت راسا شهلاء دحجت عليه وعيونها انفتحت ع وسعهن من الخوف ..وبهل لحظ بيبي لفظت انفاسها الاخيرة وفارقت روحها الحياة ???..انصدمنه وشهلاء من شافتها بلا حركة وشافتني دا اجس نبض رقبتها وغطيت وجها اتخبلت كامت اتضرب بيه واتكول شبيك اتخبلت بيبي عايشة مابيها شي وخر خنكتها خطية وجان تشمر الغطه من وجها اني كمت ع حيلي و وخرت بيبي من حظن شهلاء وكومت شهلاء وحظنتها بقوة لان كامت اتدك وتلطم مثل المخبلة لزمت ايدها وكتلها اشششش كافي حبيبي اتقلبي الواقع بيبي اتوفت وجنت احجي ودموعي تنزل مثل الجمر ع خدي لان بيبي جانت عزيزة عليه وفراگها اذانه كلنه ..واخر كلمة نطقتها لشهلاء اتوصيها بيه اووووووف بيبي شلعت گلبنه بفراكج ?..وجان ع صياح شهلاء الكل اجوي لغرفة بيبي وعرفوا بالمصيبة ..

تسريع الاحداث
نصبوا الفاتحة وكل العشيرة التمت ابيت اهلي وعمامي اخذوا جدتي ودفنوها ورجعوا …
شفت شهلاء تعبانه كثير ودتشتغل بالمطبخ ولابسه الاسود الي راح ياكل من بياض جسمها اتقربت عليها كتلها اكلي شي انتي من البارحة محاطة الزاد بحلكج كافي شغل اكعدي عاد …
شهلاء ..شاهين مالي نفس خلييني الهي نفسي بالشغل حتى انسه النار الي مشتعله بداخلي ع فراك ببيتي
شاهين ..ليش تعاندين اشبيج انتي يعني كوولشي عندج عناد ..
شهلاء ..لا والله مو عناد بس نفسي مداتتقبل الاكل مسدودة …
شاهين ..اوووف منج يله اني طالع للجادر بره لان الزلم يريدون جايات
شهلاء ..ماشي
شاهين ..داطلع وجان اتصيحلي اطياف بنت عمي خالد بالهول رحت يمها وكالت هلوو شاهين شلونك كتلها هلا اطياف الحمدلله انتي شلونج ((بالمناسبة اطياف جانت اتحبني قبل ايام المراهقة يعني هههه وشهلاء عدها خبر بهل شي واتموت منها بحيث تكره شكو وحدة اسمها اطياف ??? كلت الله يستر لاتجي هسه واتشوفني واكف يمها من صدك يصير عززة ))
اطياف ..ردتك بشغلة عفية
شاهين ..اي بنت عمي كولي

شهلاء ..اله شوية واوكع من طولي كتلها عذراء عفيه بعد ماشوف خلي البنات يساعدنج حروح اكعد اشوية
عذراء ..اي حبيبة روحي ادري انتي تعبتي اليوم خطية
شهلاء ..اي فدوة لعمرج يله شوية ارتاح واجي
طلعت من المطبخ ورحت للهول وياريتني مارحت شفت الافندي مالي الي كال رايح للجادر واكف يضرب فج ويه الي ماتتسمه اطياف وضحكهم واصل للشارع اني حسيت بروحي صرت قطعة من ناااااار احتركت حرك رحت شايطة عليهم وعكدت حاجبي وكتلها انتي متجين شوية اتساعدينه واكفه هنا وكاعد تتمضحكين
اطياف ..ويايه تحجين
شهلاء ..لا ويه ابوية ..منو غيرج واكف وديضحك واحنه عدنه عزة ها
شاهين ..شهلاء شبيج نصي صوتج
شهلاء ..ها شو دتدافعلها يا افندي مكدرت اوكف اكثر لا اسوي مصيبة وننفضح صكيت سنوني من عصبيتي وعفتهم ورجعت للمطبخ انافخ بحلكي وادردم اني الك شاهين تريد تحرك دمي ..
اطياف ..شبيها شهلاء
شاهين ..هههههه عوفيها بعدين احجي وياها وانتي ان شاءالله اسئلج عليه وتدللين وره الفاتحة يومين واجيبلج الخبر
اطياف ..اي عفيه بابن عمي عاشت ايدك ..

عذراء ..ها شو رجعتي مو كلتي اروح ارتاح شوية
شهلاء ..عساني اموت ان شاءالله عوفيني بحالي
عذراء ..اسم الله شبيج ولج
شهلاء ..مابيه شي ..هنا اني كمت اشوف كدام عيوني سواد عيني غوشت شوية شوية محسيت ع نفسي وكعت من طولي ..
عذراء ..عزززة ولج شهلاء شبيج ركضت عليها كمت اضربها راشديات ماكو فاقدة البنية اصخام بهل لحظة طب جليل اتخبل كال شكو شبيها شهلاء
زهراء ..مندري جنه دنشتغل وشو ع غفلة وكعت من طولها
جليل ..لايالله سترك ردت اموت شفتها لاحس ولانفس كتلهم دزوا ع عمي ابراهيم عسريع اني راح اشيلها واروح للسيارة حتى ناخذها للمستشفى ..
عذراء ..ماشي خيي ركضت طلعت للطرمة شفت طفل كتلو تعال عفيه اطلع للجادر صيح عمو ابراهيم عسريع ..
ابراهيم ..جنت كاعد وحالتي حالة من التعب اجاني طفل كال عمو يريدوك جوه ..
كمت ورحت طبيت للبيت شافتني عذراء كالت الحك عمو شهلاء وكعت اتخربطت
كتلها شنووو صدك تحجين وينها هسه هيه
عذراء ..اخذها جليل بسيارتو ومنتظرك بره من صفحة الثانية من البيت
ابراهيم ..ماش ماشي طبي انتي جوه بنتي منا الزلم
ركضت افتريت من الصفحة الثانية شفت جليل بالسيارة مشغلها راسا صعدت وكتلو امشي عسريع ..
جليل اجه عمي ابراهيم شخطت السيارة وطلعنه عسريع للمستشفى ..مسافة الطريق وصلنه طبكت السيارة ونزلنه شلت شهلاء وركضت بيها وعمي وراية كمت اصيح ع الدكاترة اجوي الممرضين اخذوها بالسديه وطببوها جوه ..

شاهين ..رجعت للمبطخ داحجي لهاي الهبلة الموضوع لاتروح اتسويلي مصيبة ضحكت ع شكلها وهيه مشتعلة بنار الغيرة فديييتها حبيبة گلبي هههههه طبيت للمطبخ شو ماكو رحت للصالة هم ماكو رجعت للهول ماكو يا هاي وين صارت مرة لاخ رجعت للمطبخ سئلت عذراء كتلها اكولج لعد وين شهلاء شو ماكو ..
عذراء ..يا متدري مو وكعت اتخربطت خطية وشالها جليل واخذوها للمستشفى هوه وعمو ابراهيم …
شاهين ..شنوووووووووووو بربج صدك تحجين !!!؟؟

وللحكاية بقية

اذا شفت تفاعل قوي انزل البارت 11 بالليل لان بي احداث حلوة ??
#يتبع …

#سارة_المجيد?